“বুদ্ধগী কন্সিয়সনেস অসিদি অরোইবা নাইদে”
“ভগ্বান বুদ্ধগী পাউতাকশিংনা ইথিল পীরদুনা, ভারতনা মালেমগী য়াইফ থৌরাংগীদমক্তা অনৌবা খোঙথাং কয়া পায়খৎলি”“ঐখোয়না ভগ্বান বুদ্ধগী ভেল্যু অমসুং পাউতাকশিংবু মীয়ামদা লেপ্তনা শন্দোক্লি”“ভারতনা মীওইবা খুদিংগী অৱাববু মশাগী অৱাবনি খল্লি”“IBCগুম্বা প্লেতফোর্মশিংনা ৱাখল মান্নবা অমসুং থৱাই য়াওবা মান্নবা লৈবাকশিংদা বুদ্ধ ধম্মা অমসুং শান্তিগী পাউজেল শন্দোক্নবা খুদোংচাবা কয়া পীরি”“মীওই অমসুং লৈবাক খুদিংনা মশাগী লৈবাক অমসুং মালেমগী অপাম্বদা অহানবা মিৎয়েং থম্বা হায়বসি হৌজিক মতমগী খ্বাইদগী তঙাই ফদবা হীরম অমা ওইরে”“শিংনবশিংগী ৱারোইশিন পুরক্নবা চৎপা খোঙচৎ অসিদি বুদ্ধগী খোঙচৎনি”“বুদ্ধনা মালেম্না ঙসি নংলিবা খুদোংচাদবা পুম্নমক্কী ৱারোইশিন পীরি”“বুদ্ধগী লম্বী অসিদি তুংগী মতম অমসুং তুং কোইনা চৎপা হায়বসিগী লম্বীনি”“মিসন লাইফ অসিদি বুদ্ধনা ইথিল পীবনি অমসুং মসিনা বুদ্ধগী ৱাখল্লোনবু খুমাং চাউশিনহল্লি”প্রধান মন্ত্রী, শ্রী নরেন্দ্র মোদীনা নই দিল্লীগী অশোক হোতেলদা ঙসি পাংথোকপা মালেমগী বুদ্ধিস্ত সম্মিত হৌদোকপগী সেসন্দা ৱা ঙাঙখ্রে। প্রধান মন্ত্রীনা ফোতো একজিবিসন য়েংখি অমসুং বুদ্ধগী মীতমদা লৈ কৎখি। মহাক্না মশক নাইবা মোঙ্ক তরামাপলদা মোঙ্ককী ফিজোল (চিবার দানা)সু পীখি।
প্রধান মন্ত্রীনা ঙসি তিনখিবা মীয়ামদা ৱা ঙাঙবদা, মহাক্না ঙসিগী মালেমগী বুদ্ধিস্ত সম্মিত হৌদোকপগী থৌরমদা মালেমগী তোঙান-তোঙানবা মফমশিংদগী লাকপা মীয়াম খুদিংবু তরাম্না ওকখি। ‘অতিথী দেব ভবো’, হায়বদি, মীথুংলেন হায়বসিদি ইশ্বরগা মান্নৈ হায়বসিদি বুদ্ধগী লমদম অসিগী চৎনবীনি অমসুং বুদ্ধগী ৱাখল্লোন ইন্দুনা চৎপা শক্নাইরবা মীওই কয়ানা ঐখোয়গী ইরক্তা তিনবসিনা ঐখোয়গী অকোয়বদা বুদ্ধ মশামক লৈ হায়না খলহল্লি হায়না মহাক্না ফোংদোকখি। “বুদ্ধ হায়বসিদি মীওইবা অমদগী হেন্দোক্লে, মসিদি ৱাখল্লোন, মিৎয়েং অমনি”, প্রধান মন্ত্রীনা হায়খি। বুদ্ধ হায়বসিদি মীওইবা অমদগী হেন্দোকপা ৱাখল্লোন অদুবুনি, মহাক অসিদি মওং-মতৌ চেন্দবা নুংদা ফাওবা ইথিলনি অমসুং বুদ্ধ হায়বসিদি শক্তম পীবা ঙম্লরোইদবা কন্সিয়সনেস অমনি হায়না মহাক্না হায়খি। “বুদ্ধগী কন্সিয়সনেস অসিদি অরোইবা নাইদে”, মহাক্না মখা তানা হায়খি। তোঙান-তোঙানবা লম কয়াগী মীওইশিংনা অমত্তা ওইনা লৈরিবা অসিনা বুদ্ধনা মীওইবা খুন্নাইবু অমত্তা ওইনা পুনশিন্দুনা থম্লিবা ইথিল অদুগী মশক তাক্লি হায়না মহাক্না হায়খি। ভগ্বান বুদ্ধগী তুং ইনবশিংনা মালেমগী য়াইফ থৌরাংগীদমক্তা লেপ্লিবা ৱারেপ অমসুং অমত্তা ওইবা ৱাখল্লোন অসিগী মপাঙ্গল অসিদসু মহাক্না মীয়ামগী পুক্নিং চিংশিনখি। প্রধান মন্ত্রীনা ঙসিগী থৌরম অসিগী মতাংদা পল্লদুনা, মালেমগী বুদ্ধিস্ত সম্মিত হৌদোক্লিবা অসিদি লৈবাক পুম্নমক্কী হোৎনজমনশিংগী কান্নবা প্লেতফোর্ম অমনি হায়রদুনা মহাক্না নিংশিংনিংঙাই ওইরবা ঙসিগী থৌরম অসিগীদমক্তা কলচর মন্ত্রালয় অমসুং ইন্তর্নেস্নেল বুদ্ধিস্ত কনফেদেরেসনবু থাগৎখি।
প্রধান মন্ত্রীনা মহাক্কী হৌরকফম ওইরিবা বদনাগর অসিদি মরু ওইবা বুদ্ধিস্ত সেন্তর অমনি, হ্যুএন সাংসু মফমসিদা লাক্লম্মি হায়না ফোংদোক্লদুনা বুদ্ধিজমগা মহাক্কা লৈনবা মরীদা মীয়ামগী পুক্নিং চিংশিনখি। মহাক্না সার্নাথনা বুদ্ধিস্ত হেরিতেজকা লৈনরিবা অচেৎপা মরী অসিগা মরী লৈননা কাশীগী মতাংদসু পনখি।
প্রধান মন্ত্রীনা লৈবাক অসিনা নিংতম্বগী অমৃত কালগী নুংঙাইবা ফোংদোক্লিবা ভারতকী নিংতম্বগী 75শুবা চহিদা মালেমগী বুদ্ধিস্ত সম্মিত অসি পাংথোক্লি হায়না পল্লদুনা, ভারতনা মশাগী তুংগী মতমগীদমক্তা পান্দম অমা লৈজরি অমসুং মালেমগী চাউখৎ থৌরাংগী ওইনসু অনৌবা ৱারেপ কয়া লৌরি হায়না ফোংদোকখি। ভারতনা তোঙান-তোঙানবা সেক্তরশিংদা মশক নাইরবা মায় পাকপা কয়া হন্দক্তা ফংলক্লিবা অসিদি ভগ্বান বুদ্ধ মশাদগী ফংবা ইথিলদগীনি হায়না মহাক্না হায়খি।
বুদ্ধগী থীওরী, প্রেক্তিস অমসুং মহৈ ফংবগী লম্বী অসিবু প্রধান মন্ত্রীনা নিংশিংলদুনা, ভারতনা মমাংগী চহি 9দা খোঙদারক্লিবা মশাগী খোঙচৎ অসিদা হীরম অহুম্মক অসিবু ইনবগী মতাংদা শন্দোক্না পাউদমখি। ভারতনা ভগ্বান বুদ্ধগী পাউতাকশিংবু মীয়ামদা খঙহন্নবা খোঙফম চেৎনা হোৎনদুনা লাক্লি হায়না শ্রী মোদীনা হায়খি। মহাক্না ভারত অমসুং নেপালদা বুদ্ধিস্ত সর্কিত শেমগৎপা, সার্নাথ অমসুং কুশিনগরবু নৌনা শেমগৎপা, কুশিনগর ইন্তর্নেস্নেল এয়রপোর্ত অমসুং IBCগা খুৎশম্নদুনা লুম্বীনিদা ইন্দিয়া ইন্তর্নেস্নেল সেন্তর ওফ বুদ্ধিস্ত হেরিতেজ অমসুং লর্নিং লিংখৎপগী মতাংদা ৱাফম কয়া থমখি।
মীওইবা খুন্নাইগী শিংনবা কয়াগী মতাংদা ৱাজবগী নুংগী ওইবা মতৌ অমা ভারত্তা লৈরিবা অসিদি ভগ্বান বুদ্ধগী পাউতাকশিংনা লৈহনবনি হায়না প্রধান মন্ত্রীনা হায়খি। মহাক্না তর্কীদা য়ুহা হাখিবগুম্বা মহৌশাগী ওইবা অমাঙ-অতা থোকপদা ভারতনা থৱাই য়াওনা তেংবাংলিবা অমসুং পিস মিসন কয়াদা শরুক য়াবগী মতাংদা পনখি। “মসিগুম্বা ভারত মচা করোর 140গী ৱাখল্লোন অসি মালেম্না উরে, খঙলে অমসুং য়ারে”, মহাক্না হায়খি। “IBCগুম্বা প্লেতফোর্মশিংনা ৱাখল মান্নবা অমসুং থৱাই য়াওবা মান্নবা লৈবাকশিংদা বুদ্ধ ধম্মা অমসুং শান্তিগী পাউজেল শন্দোক্নবা খুদোংচাবা কয়া পীরি”, মহাক্না হায়খি।
প্রধান মন্ত্রীনা হায়খি, “শিংনবদগী হৌরগা মদুগী ৱারোইশিন পুরকপা ফাওবগী খোঙচৎ অসিদি বুদ্ধগী তসেংবা খোঙচৎনি”। ভগ্বান বুদ্ধগী খোঙচৎকী মতাংদা ৱাফম কয়া থম্লদুনা, মহাক্না অতোপ্পগী পুন্সিদা থেংনরিবা অৱাবশিং খঙবদগী মহাক্না কোনুংগী পুন্সি থাদোকখি হায়না প্রধান মন্ত্রীনা পাউদমখি। নুংঙাই য়াইফবা মালেম অমগী পান্দম ফংবগী অমত্তা ঙাইরবা পাম্বৈদি ইশাগী ওইবা অমসুং ৱাখল খুবগী মতৌ থাদোকপা তাবনি অমসুং মালেমগী ওইবা ৱাখল্লোন চেন্নবগীদমক্তা বুদ্ধ মন্ত্রবু খঙবা তাবনি হায়না মহাক্না হায়খি। রিসোর্স ৱাৎপগী খুদোংচাদবা থেংনরিবা লৈবাকশিংগীদমক্তা ঐখোয়না খনবা হৌবা মতমদা হেন্না ফবা অমসুং তংদু লৈতাবা মালেম অমা লৈহনবা ঙমগনি হায়না মহাক্না হায়খি। “মীওই অমসুং লৈবাক খুদিংনা মশাগী লৈবাক অমসুং মালেমগী অপাম্বদা অহানবা মিৎয়েং থম্বা হায়বসি হৌজিক মতমগী খ্বাইদগী তঙাই ফদবা হীরম অমা ওইরে”, মহাক্না মখা তাখি।
লান, শেন্মিৎলোন্না তংদু লৈতাদবা, তেরোরিজম অমসুং ধর্মদা হকচিনবা অমসুং জিব কয়া মাঙশিল্লকপা অমসুং গ্লেসিয়রশিং শৌদোরক্তুনা অইং-অশা হোংবগী শিংনবা কয়া থেংনরিবা অসিনা হৌজিক্কী মতম অসিবু হন্দক্কী চহি চা অসিগী খ্বাইদগী অরুবা মতম অমা ওইরে হায়না প্রধান মন্ত্রীনা হায়খি। পুম্নমক অসিগী মরক্তা, বুদ্ধদা থাজবা অমসুং থৱাই পানবা জিব খুদিংগী য়াইফ থৌরাংগী খনবা মীওই কয়া অমসু লৈরি। “মসিগী থাজবা অসিনা ঐখোয়গী পৃথিবীগী খ্বাইদগী চাউবা পাঙ্গলনি। পুম্নমক্না মসিগী থাজবা অসি লৈরকপা মতমদা, বুদ্ধগী ধম্মা অসি মালেমগী লাইনিং ওইরক্কনি অমসুং বুদ্ধগী লৌশিংনা মীওইবা খুন্নাইগী থাজবা ওইরক্কনি”।
হৌজিক মতমদা থেংনরিবা শিংনবশিং ভগ্বান্না তাকপীরম্বা অরিবা লৌশিংগী খুত্থাংদা মশামক্না ৱারোইশিন অদুম পুরক্কনি হায়না প্রধান মন্ত্রীনা তম্লদুনা বুদ্ধগী পাউতাকশিংগী কান্নবগী মতাংদা মীয়ামগী পুক্নিং চিংশিনখি। প্রধান মন্ত্রীনা হায়খিবদা, ভগ্বান বুদ্ধনা লোইনাইদবা শান্তিগীদমক্তা লান, মায়থীবা অমসুং মায় পাকপগী ৱাখল্লোন থাদোক্কদবনি হায়না তাকপীরম্মি হায়খি। য়েক্নববু য়েক্নদুনা খুদুম চনবা ঙম্লোই অমসুং নুংঙাইবা হায়বসিদি অমত্তা ওইবা মতমদা ফংগনি হায়না বুদ্ধনা তাকপীরম্মি হায়না মহাক্না হায়খি। মান্নবা হীরম অমা ওইনা, হৌজিক্কী মতমদা পাক শন্না উবা ফংলিবা অতোপ্পা অমদা ইশাগী ৱাখল্লোন নমশিনবগী থৌওংশিংগী ৱারোইশিন পুরক্কে হায়রবদি, ঐখোয়না অতোপ্পদা পাউতাক পীদ্রিঙৈদা ইশাগী লিচৎ শাজৎ হান্না শেমদোকউ হায়বা বুদ্ধগী পাউতাক অসি ইনগদবনি। প্রধান মন্ত্রীনা খ্বাইদগী পামজবা বুদ্ধগী পাউতাক, ‘অপ দিপো ভব’গী মতাংদা লাকখি। মসিনা হায়বদি, ভগ্বানগী পাউতাকশিংগী লোইবা নাইররোইদবা কান্নবশিং খঙনবগীদমক্তা ইশানা ইশাগী মঙাল ওইজৌ হায়বনি। ‘ঐখোয়দি মালেমদা য়ুদ্ধ (লান) নত্তবা বুদ্ধ পীখিবা লৈবাক্নি’ হায়না য়ুনাইতেদ নেসন্সকী মফমদা মহাক্না হায়খিববু নিংশিংখি।
“বুদ্ধগী লম্বী অসিদি তুংগী মতম অমসুং তুং কোইনা চৎপা হায়বসিগী লম্বীনি। মালেম্না পাউতাক অসি ইল্লম্লবদি, ঙসি থেংনরিবা ক্লাইমেত চেঞ্জকী শিংনবা অসি থেংনরম্লোই”, প্রধান মন্ত্রীনা হায়খি। লৈবাকশিংনা অতোপ্পা অমসুং লাক্কদৌরিবা চারোন শুরোনশিংগী মতাংদা খনবা লেপখিবদগী শিংনবা অসি লাক্লিবনি হায়না প্রধান মন্ত্রীনা হায়খি। মসিগী অশোইবা অসিনা অচৌবা অৱা অনা কয়া নংহল্লে। ইশাগী কান্নবা করিমত্তা থিদনা অফবা থবক পাংথোকউ, মসিনা পুম্নমক্কী য়াইফবা ওইগনি হায়না বুদ্ধনা তাকপীরম্মি।
পুন্সি মহিং, চাবা থকপা নত্ত্রগা চত্থোক চৎশিন তৌবগী হৈনবী ওইরো, মীওই অমমম্না পাম্বৈ অমা নত্ত্রগা অমদা পৃথিবী অসিদা চৈথেং পীরিবা অসিগী মতাংদা প্রধান মন্ত্রীনা মিৎয়েং চঙলদুনা মীওই অমমমগী তেংবাংনা ক্লাইমেত চেঞ্জকী মাইয়োক্তা থেংনরিবা লান অসিদা মতৌ করম্না তেংবাংগনি হায়বা প্রধান মন্ত্রীনা তাকখি। বুদ্ধনা ইথিল পীদুনা ভারতনা পায়খৎপা খোঙথাং, লাইফস্তাইল ফোর ইনভাইরনমেন্ত নত্ত্রগা মিসন লাইফকী মতাংদা তম্লদুনা, প্রধান মন্ত্রীনা হায়খিবদা, করিগুম্বা মীয়াম্না মশাগী পুন্সি মহিংগী মতাংদা খঙজদুনা মদুদা অহোংবা পুরকপা ঙম্লবদি, ক্লাইমেত চেঞ্জকী অচৌবা শিংনবা অসি মাইয়োক্নবা ঙমগনি হায়খি। “মিসন লাইফ অসিদি বুদ্ধনা ইথিল পীবনি অমসুং মসিনা বুদ্ধগী ৱাখল্লোনবু খুমাং চাউশিনহল্লি”, মহাক্না মখা তাখি।
প্রধান মন্ত্রীনা মহাক্কী ৱারোল লোইশিনবদা মেতরিএলিজম অমসুং ইশাগীতা খনবগী ৱাখল্লোন থাদোক্তুনা “বভাতু সব মঙ্গলম’, হায়বদি, বুদ্ধবু খুদম অমখক ওইহল্লোইদবনি, পুন্সিদা মসিগী মমি তাহনগদবনি হায়বা ৱাখল্লোন চেনগদবনি হায়না প্রধান মন্ত্রীনা মীয়ামগী পুক্নিং চিংশিনখি। তুং হন্দনা মাঙলোন্দা চৎপা লেপ্তবা হায়বা বুদ্ধগী ৱাফম অসি ঐখোয়না নিংশিংবা মতমদা ৱারেপ অসি ফংবা ঙমগনি হায়না প্রধান মন্ত্রীনা হায়খি। মীপুম খুদিংনা অমত্তা ওইরকপা মতমদা ৱারেপ পুম্নমক ফংবা ঙমগনি হায়না প্রধান মন্ত্রীনা হায়খি।
কলচরগী কেন্দ্র মন্ত্রী, শ্রী জি. কিশন রেদ্দী, লো অমসুং জস্তিসকী কেন্দ্র মন্ত্রী, শ্রী কিরেন রিজিজু। কলচরগী কেন্দ্রগী রাজ্য মন্ত্রী, শ্রী অর্জুন রাম মেঘৱাল অমসুং শ্রীমতি মীনাক্ষি লেখী অমসুং ইন্তর্নেস্নেল বুদ্ধিস্ত কনফেদেরেসনগী সেক্রেতরী জেনেরেল, দাঃ ধম্মাপিয়ানা ঙসিগী থৌরম অসিদা শরুক য়াখি।
বেকগ্রাউন্দ
নুমিৎ নিনিগী সম্মিৎ অসি এপ্রিল ২০-২১দা ইন্তর্নেস্নেল বুদ্ধিস্ত কনফেদরেসনগা চুংশিন্নদুনা কলচর মন্ত্রালয়না পাঙথোকপনি। গ্লোবেল বুদ্ধিস্ত সম্মিৎকী থিম অসি “রেস্পোন্সেস তু কন্তেম্পোররী চেলেঞ্জেস: ফিলোসোফী তু প্রাক্সিস”না ওইরি।
সম্মিৎ অসি বুদ্ধিস্ত অমসুং য়ুনিভর্সেলগী সমস্যাশিং অমসুং মখোয়বু পুন্না কোকহন্নবা পোলিসী ইনপুৎশিং পুথোক্নবা ৱাফমশিংদা মালেমগী বুদ্ধিস্ত ধম্ম লুচিংবা অমসুং স্কোলরশিংগা লোয়ননা ৱাখল চুংশিন্ননবা খোঙথাং অমনি। সম্মিৎ অসিনা হৌজিক মতমগী ওইরিবা ফীভম অসিদা ইথিল পীনবা অমসুং লমজিংনবা বুদ্ধ ধম্মগী ফন্দামেন্তেল ভেল্যুশিং করম্না খঙদোক্কনি হায়বগী মতাংদা খন্নগনি।
সম্মিৎ অসিদা মালেম শিনবা থুংবদগী মশক নাইবা স্কোলরশিং, সংঘা লুচিংবশিং অমসুং ধর্ম প্রেক্তিসনরশিংনা শরুক য়াবা উবা ফংগনি, মখোয়না য়ুনিভর্সেল ভেল্যুশিংদা য়ুম্ফম ওইবা মালেমগী থেংনরিবা সমস্যাশিংগী মাংদা খন্নগী অমসুং মসিগী পাউখুম বুদ্ধ ধম্মদা লৈব্রা থীদোক্কনি। খন্ন-নৈনবা অসি থিম মরিগী মখাদা পাঙথোক্কনি: বুদ্ধ ধম্ম অমসুং শান্তি; বুদ্ধ ধম্ম: এনভাইর্নমেন্তেল ক্রাইসিস, হেল্থ অমসুং সস্তেনেবিলিতী; নলন্দা বুদ্ধিস্ত ত্রেদিসন য়োকখৎপা; বুদ্ধ ধম্মগী তীর্থ য়াত্রা, লিবিং হেরিতেজ অমসুং বুদ্ধ রেলিকশিং: খা, খা-নোংপোক অমসুং নোংপোক এসিয়াদা লৈরিবা লৈবাকশিংগা ভারতকী চহিচা কয়া শুরবা কলচরেল লিঙ্কশিংগী মপাঙ্গল কনবা য়ুম্ফম।
बुद्ध व्यक्ति से आगे बढ़कर एक बोध हैं।
— PMO India (@PMOIndia) April 20, 2023
बुद्ध स्वरूप से आगे बढ़कर एक सोच हैं।
बुद्ध चित्रण से आगे बढ़कर एक चेतना हैं। pic.twitter.com/ipGZreYYaS
Inspired by teachings of Lord Buddha, India is taking new initiatives for global welfare. pic.twitter.com/KLlHv9eJ6K
— PMO India (@PMOIndia) April 20, 2023
हमने भगवान बुद्ध के मूल्यों का निरंतर प्रसार किया है। pic.twitter.com/Sfp6ehuid2
— PMO India (@PMOIndia) April 20, 2023
भारत विश्व के हर मानव के दुःख को अपना दुःख समझता है। pic.twitter.com/zXuyTIjNc2
— PMO India (@PMOIndia) April 20, 2023
समस्याओं से समाधान की यात्रा ही बुद्ध की यात्रा है। pic.twitter.com/nMxaLFJzMr
— PMO India (@PMOIndia) April 20, 2023
आज दुनिया जिस युद्ध और अशांति से पीड़ित है, बुद्ध ने सदियों पहले इसका समाधान दिया था। pic.twitter.com/cmPMsYMgIk
— PMO India (@PMOIndia) April 20, 2023
भारत ने दुनिया को युद्ध नहीं बुद्ध दिए हैं। pic.twitter.com/lXWNyN9yF1
— PMO India (@PMOIndia) April 20, 2023
बुद्ध का मार्ग भविष्य का मार्ग है, sustainability का मार्ग है। pic.twitter.com/XEdTYcPWyn
— PMO India (@PMOIndia) April 20, 2023
