The School of Ultimate Leadership (SOUL) will shape leaders who excel nationally and globally: PM
Today, India is emerging as a global powerhouse: PMLeaders must set trends: PMIn future leadership, SOUL's objective should be to instill both the Steel and Spirit in every sector to build Viksit Bharat: PMIndia needs leaders who can develop new institutions of global excellence: PMThe bond forged by a shared purpose is stronger than blood: PMপ্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা স্কুল ওফ অলতিমেৎ লীদরশিপ (SOUL) লীদরশিপ কনক্লেব 2025গী অহানবা ইদিসন হৌদোকখ্রে। শক্নাইরবা লুচিংবশিং অমসুং তুংলমচৎকী নহা ওইরিবা লুচিংবশিংবু তরাম্না ওক্লদুনা শ্রী মোদীনা হায়খি মদুদি থৌরম খরদি কাউবা ঙমদে অমসুং ঙসিগী অসি অসিগুম্বা থৌরম অমনি। প্রধান মন্ত্রীনা হায়খি, "জাতি শেমগৎপদা অফবা প্রজাশিং শেমগৎপা মথৌ তাই। লম খুদিংমক্তা অফবা লুচিংবশিং শেমগৎপা মথৌ তাই।" সেক্তর খুদিংমক্তা অফবা লুচিংবশিং শেমগৎপা মথৌ তাই হায়না মহাক্না ফোংদোকখি। মরম অসিনা, স্কুল ওফ অলতিমেৎ লীদরশিপ অসি ভিক্সিৎ ভারতকী চাউখৎ থৌরাংগী খোঙচৎতা মরু ওইবা মাইলস্তোন অমনি হায়না মহাক্না ফোংদোকখি। SOUL অসি ওর্গনাইজেসন অমগী মমিং খক্তদা লৈতে হায়না পল্লদুনা প্রধান মন্ত্রীনা হায়খি মদুদি SOUL অসি ভারতকী খুন্নাইগী পুন্সিগী থৱায় ওইগনি। মহাক্না মখা তাখি মদুদি অতোপ্পা ৱাখল্লোন অমদা, SOULনা স্পিরিচুএল এক্সপিরিএন্সকী মরুওইবদুসু ফজনা ফোংদোকই। SOULগী স্তেকহোল্দর পুম্নমক্তা মহাক্কী য়াইফ পাউজেল পীরদুনা, শ্রী মোদীনা SOULগী অনৌবা, পাক চাউবা কেম্পস অমা গুজরাতকী গিফত সিতিগী মনাক্তা অথুবা মতমদা শারগনি হায়না লাউথোকখি।
প্রধান মন্ত্রীনা হায়খি মদুদি ঙসি SOULনা মহাক্কী খোঙচৎতা অহানবা খোঙথাং লৌখৎলিবা মতমদা, ইন্সতিত্যুৎশিং অসিগী তুংলমচৎ শেমগৎপদা ভারতনা মরুওইবা থৌদাং লৌরি হায়বসি নিংশিংগদবনি। স্বামী বিবেকানন্দগী ৱাফম পল্লদুনা শ্রী মোদীনা হায়খি মদুদি মীৎয়েং শানবা লুচিংবা অসিনা মতম পুম্নমক্তা ভারতপু মীখা পোনবগী য়োৎলি নান্থোক্নবা অমসুং ইফেক্তিব অমসুং ইফিসিএন্ত লুচিংবা 100গী মতেংগা লোয়ননা ভারতপু ত্রান্সফোর্ম তৌনবা হোৎনখি। লৈবাক অসিনা চপ মান্নবা থৌনাগা লোয়ননা মাংলোমদা চংশিনবা তাই হায়না মহাক্না ফোংদোকখি। 21শুবা চহিচাগী ভিক্সিৎ ভারতকী মংলান অদু ফংনবা প্রজা খুদিংমক্না পুং কুনমরি চুপ্পা থবক তৌরি হায়না পল্লদুনা শ্রী মোদীনা হায়খি মদুদি মীওই করোর 140গী লৈবাক অসিদা সেক্তর খুদিংমক্তা অফবা লুচিংবা অমা মথৌ তাই। মহাক্না আশা তৌখি মদুদি স্কুল ওফ অলতিমেৎ লীদরশিপ অসিনা মালেম পুম্বদা, রাজনিতীগী লম য়াওনা ময়েক শেংলবা লুচিংবশিং পুথোক্কনি। প্রধান মন্ত্রীনা মীওইবা অমসুং মহৌশাগী রিসোর্স অনিমক্না লৌরিবা মরুওইবা থৌদাং অমসুং লৈবাক অমা হেক্তগী চাউখৎপদা মখোয়না লৌরিবা থৌদাং অদুসু পনখি। গুজরাতনা মতিক চাবা মহৌশাগী রিসোর্সশিং লৈত্রবসু, মাগী হ্যুমেন কেপিতেলনা লমজিংদুনা মতৌ করম্না মকোক থোংবা রাজ্য অমা ওইরকপগে হায়বদু উৎনবা মহাক্না খুদম অমা পনখি। মহাক্না মখা তাখি, "হ্যুমেন রিসোর্সতা খ্বাইদগী চাউবা পোতেন্সিএল লৈরি।" মহাক্না হায়খি 21শুবা চহিচা অসিদা ইন্নোভেসনগী লমজিং লমতাকপা অমসুং স্কিলশিং চেনেলাইজ তৌবা ঙম্বা রিসোর্সশিং মথৌ তাই। সেক্তর কয়াদা স্কিলশিংগী মরুওইবা হেনগৎলক্লিবা অদু মহাক্না পনখি। শ্রী মোদীনা মখা তানা অনৌবা স্কিলশিং লৌশিনবা ঙম্নবা লুচিংবা শেমগৎপগী তঙাইফদবা অদুদা অকনবা ৱাফম থমখি। মসি সাইন্তিফিক অমসুং স্ত্রকচর তৌরবা এপ্রোচ অমগী খুত্থাংদা পায়খৎকদবনি। থৌওং অসিদা SOULগুম্বা ইন্সতিত্যুৎশিংনা অচৌবা থৌদাং লৌগনি হায়না পল্লদুনা, প্রধান মন্ত্রীনা মসিগী মাইকৈ অসিদা থবক পায়খৎপা হৌরে খঙবদা নুংঙাইবা ফোংদোকখি। অনৌবা নেস্নেল এজুকেসন পোলিসী অসি ইফেক্তিব ওইনা ইমপ্লিমেন্ত তৌনবগীদমক স্তেৎ এজুকেসন সেক্রেতরীশিং, স্তেৎ প্রোজেক্ত দাইরেক্তরশিং অমসুং অতোপ্পা ওফিসিএলশিংগীদমক ৱার্কশোপশিং পাংথোকখ্রে হায়নসু মহাক্না পনখি। মসিগী মথক্তা, গুজরাত্তা মুখ্য মন্ত্রীগী ওফিসকী স্তাফকীদমক লীদরশিপ দিবেলপমেন্ত কেম্প অমা শীনখ্রে। মহাক্না হায়খি মদুদি মসি অহৌবা খক্তনি, অমসুং SOULনা লুচিংবা ওইবগী লমদা মালেমগী মকোক থোংবা ইন্সতিত্যুসন অমা ওইনবা পান্দম থমগদবনি।
প্রধান মন্ত্রীনা হায়খি, "ভারত অসি মালেমগী পাৱরহাউস অমা ওইনা থোরক্লি।" সেক্তর খুদিংমক্তা মাগী খোঙজেল অসি হেনগৎহন্নবগীদমক মালেমগী থাক্কী লুচিংবশিং অমসুং মালেমগী লুচিংবশিং মথৌ তাই হায়না মহাক্না ফোংদোকখি। SOULগুম্বা লুচিংবা ইন্সতিত্যুসনশিংনা গেম চেঞ্জর ওইবগী ওইথোকপা য়াবা অদু পল্লদুনা মহাক্না হায়খি মদুদি অসিগুম্বা ইন্তর্নেস্নেল ইন্সতিত্যুসনশিং অসি অপাম্বা খক্তমক নত্তে, তঙাই ফদবনি। শ্রী মোদীনা হায়খি মদুদি সেক্তর খুদিংমক্তা মালেমগী ওইবা কমপ্লেক্সিতীশিং অমসুং মথৌ তাবশিংদা সোলুসন পুথোকপা ঙম্বা অমসুং মালেমগী থাক্তা লৈবাক্কী কান্নববু মরুওইনা লৌবা ঙম্বা ইনর্জী লৈবা লুচিংবশিং মথৌ তাই। মহাক্না অকনবা ৱাফম থমখি মদুদি লুচিংবশিং অসিনা মালেমগী ওইবা এপ্রোচ অমা লৈগদবনি অদুবু লোকেলগী ওইবা ৱাখল্লোন অমা থমগদবনি। ভারতকী ৱাখল্লোন অমসুং মালেমগী ৱাখল্লোন অনিমক খঙবা অমসুং স্ত্রেতেজিক ওইবা ৱারেপ লৌবা, ক্রাইসিস মেনেজমেন্ত অমসুং ফ্যুচরস্তিক ওইবা ৱাখল্লোনগীদমক শেম-শারিবা মীওইশিং শেমগৎপগী মরুওইবা অদু মহাক্না পনখি। প্রধান মন্ত্রীনা হায়খি মদুদি ইন্তর্নেস্নেল মার্কেতশিং অমসুং মালেমগী ইন্সতিত্যুসনশিংদা কম্পিতিতিব ওইনবগীদমক্তা, ইন্তর্নেস্নেল বিজিনেস দাইনামিক্স খঙবা লুচিংবশিং মথৌ তাই। মহাক্না মখা তাখি মদুদি SOULগী থৌদাং অসি অসিগুম্বা লুচিংবশিংবু চাউনা শেমগৎপনি।
শ্রী মোদীনা মীপুম খুদিংমক্তা তুংলমচৎকী লুচিংবশিং অসি শক্তি খক্তদা লিমিতেদ ওইহল্লোইদবনি, অদুবু লুচিংবগী থৌদাং অসি ইন্নোভেসন অমসুং ইম্পেক্তকীদমক্তা তৌবা ঙম্বশিং মথৌ তাগনি হায়না পনখি। মহাক্না লৈবাক অসিদা লৈরিবা মীওইশিং অসি অসিগুম্বা তঙাইফদবা অসিগী মতুং ইন্না পুথোকপগী তঙাইফদবা অদু পনখি। মহাক্না হায়খি মদুদি SOULনা হায়রিবা মীওইশিং অসিদা ক্রিতিকেল থিঙ্কিং, রিস্ক লৌবা অমসুং সোলুসন দিভাইস তৌরবা ৱাখল্লোনশিং শেমগৎলগনি। মহাক্না থাজবা থমখি মদুদি ইন্সতিত্যুসন অসিনা অহোংবা কয়া লাকপদা থবক তৌনবা শেম-শারিবা লুচিংবশিং পুথোক্কনি।
ত্রেন্দশিং ঙাক্না চৎপদা নত্তনা ত্রেন্দশিং শেম্লিবা লুচিংবশিং শেমগৎপগী তঙাইফদবা অদু পল্লদুনা প্রধান মন্ত্রীনা হায়খি মদুদি ভারতনা দিপ্লোমেসীদগী তেক্নোলোজী ইন্নোভেসন ফাওবগী সেক্তরশিংদা অনৌবা লুচিংবা অমা শেমগৎলকপগা লোয়ননা লৈবাক অসিগী ইথিল অমসুং ইম্পেক্ত অসি সেক্তর কয়াদা হেনগৎলগনি। ভারতকী অপুনবা মীৎয়েং অমসুং তুংলমচৎ অসি মপাঙ্গল কনবা লুচিংবা অমগী মীরোলগী মখা পোল্লি হায়না পল্লদুনা শ্রী মোদীনা গ্লোবেল থিঙ্কিংগা লোকেল এদজুকেসনগা পুনশিন্দুনা মাংলোমদা চংশিনবগী মরুওইবা অদু পনখি। গবর্নান্স অমসুং পোলিসী মেকিংবু মালেমগী থাক্কী ওইহনবগী তঙাইফদবা অদু পল্লদুনা প্রধান মন্ত্রীনা হায়খি মদুদি পোলিসী মেকরশিং, ব্যুরোক্রেতশিং অমসুং ওন্তপ্রিন্যুওরশিংনা মালেমগী খ্বাইদগী ফবা থবকশিং য়াওহন্দুনা পোলিসী শেম্বা মতমদা মসি ফংবা ঙমগনি। মহাক্না হায়খি মদুদি সোলগুম্বা ইন্সতিত্যুসনশিংনা মসিগী মতাংদা অচৌবা থৌদাং অমা লৌগনি।
ভিক্সিৎ ভারত অমা শেমগৎনবা সেক্তর খুদিংমক্তা খোঙজেল য়াংনা খুমাং চাউশিলহন্নবগী তঙাই ফদবা অদু অমুক হন্না পনখি। শ্রী মোদীনা বেদশিং পল্লদুনা অথোইবা মীওইশিংনা তৌরম্বা অদু ঙাক্না চৎনবা মীয়ামদা হায়খি। মরম অদুনা, মহাক্না ভারতকী নেস্নেল ভিজনগী মতুং ইন্না মশাবু উৎলিবা অমসুং লমজিংলিবা লুচিংবগী মরুওইবা অদু ফোংদোকখি। চাউখৎলবা ভারত অমা শেমগৎপদা মথৌ তাবা শক্তি অমসুং ৱাখল্লোন অসি পোকহনবা অসি SOULগী পান্দম ওইগদবনি হায়না মহাক্না ফোংদোকখি। মপাঙ্গল কনবা লুচিংবা অমা লৈরবা মতুংদা মথৌ তাবা অহোংবা অমসুং রিফোর্মশিং অসি মহৌশানা লাক্কনি হায়না মহাক্না থাজবা থমখি।
পব্লিক পোলিসী অমসুং সোসিএল সেক্তরশিংদা মপাঙ্গল অমসুং স্পিরিত অনিমক চাউখৎহনবগী তঙাইফদবা অদু পল্লদুনা প্রধান মন্ত্রীনা দিপ-তেক, স্পেস, বাইওতেক অমসুং রিন্যুএবল ইনর্জীগুম্বা অনৌবা সেক্তরশিংদা লুচিংবা অমা শেমগৎপগী তঙাইফদবা অদু পনখি। মহাক্না স্পোর্তস, এগ্রিকলচর, মেন্যুফেকচরিং অমসুং সোসিএল সর্বিসকুম্বা চৎনবীগী ওইবা সেক্তরশিংদা লুচিংবা অমা শেমগৎপগী মরুওইবা অদু পনখি। মহাক্না অকনবা ৱাফম থমখি মদুদি ভারতনা সেক্তর খুদিংমক্তা মগুন লৈনবা হোৎনবা খক্তা নত্তনা মদু ফংবসু মথৌ তাই। শ্রী মোদীনা হায়খি, "ভারতনা মালেমগী থাক্তা মগুন লৈরবা অনৌবা ইন্সতিত্যুসনশিং শেমগৎপা ঙম্বা লুচিংবশিং মথৌ তাই।" মহাক্না হায়খি মদুদি ভারতকী পুৱারী অসি অসিগুম্বা ইন্সতিত্যুসনশিংগী শিংথানীংঙাই ওইরবা ৱারীশিংনা মরাং কাইনা লৈ অমসুং মসিগী ৱাখল্লোন অসি অমুক হন্না পুখৎপগী তঙাইফদবা অদুদা মহাক্না অকনবা ৱাফম থমখি। থৌরম অদুদা শরুক য়াখিবা মীওইশিংগী মরক্তা হৈথোই-শিংথোইরবা মীওই কয়া অমা লৈ হায়না থাজবা ফোংদোক্লদুনা শ্রী মোদীনা হায়খি মদুদি ইন্সতিত্যুৎ অসি মখোয়গী মঙলান অমসুং ৱাখল্লোনগী লেবোরেতরী অমা ওইগদবনি। মহাক্না অকনবা ৱাফম থমখি মদুদি ঙসি য়ুম্ফম থম্বা অসি তুংগী মীরোলশিংগীদমক চাউথোকচনীংঙাই ওইগদবনি। চহি 25-50গী মতুংদা মখোয়না চাউথোকচনীংঙাই ওইবা লম অমা ওইনা নিংশিংগনি।
শ্রী মোদীনা ইন্সতিত্যুৎ অসিনা ভারত মচা করোর কয়াগী অপাম্বশিং অমসুং মঙলানশিং অদু ময়েক শেংনা খঙমিন্নবগী তঙাইফদবা অদুদা অকনবা ৱাফম থমখি। মহাক্না ফোংদোকখি মদুদি সেক্তরশিং অমসুং খুদোংচাবশিং অমসুং অৱাবা অনিমক পুথোক্লিবা ফেক্তরশিং অদু নীংথিনা মশক তাকপীগদবনি। প্রধান মন্ত্রীনা হায়খি, "ঐখোয়না অমত্তা ওইবা পান্দম অমসুং অপুনবা কন্না হোৎনদুনা মাংলোমদা চংশিল্লকপা মতমদা, মহৈশিং অসি অখন্নবা ওইগনি।" মহাক্না হায়খি মদুদি মান্নবা পান্দম অমনা শেম্বা মরী অসি ঈদগী হেন্না মপাঙ্গল লৈ, ৱাখল্লোন অমত্তা ওইহল্লি, পুক্নিং থৌগৎলি, অমসুং মতমগী চাংয়েংদা মায়পাকপা ঙম্মি। মহাক্না হায়খি মদুদি মরু ওইবা অপুনবা পান্দম অমসুং পান্দম অমনা লুচিংবা অমসুং তীম স্পিরিত চাউখৎহনবদা মতেং পাংই। মহাক্না হায়খি মদুদি মীওইশিংনা মখোয়গী খ্বাইদগী ফবা তৌবা ঙম্বশিং অদু পুথোক্তুনা মখোয়গী পান্দমশিং অদুগীদমক মখোয় মশাবু কৎথোকই। মান্নবা পান্দম অমনা মীওই অমগী খ্বাইদগী ফবা মগুন অদু পুথোকপতা নত্তনা হেন্না চাউবা পান্দম অমগী মতুং ইন্না মখোয়গী তৌবা ঙম্বশিংসু হেনগৎহল্লি হায়না শ্রী মোদীনা অকনবা ৱাফম থমখি। মহাক্না হায়খি মদুদি থৌওং অসিনা লুচিংবশিংবু হেন্না ৱাংবা থাক্তা য়ৌনবা তঙাই ফদবা স্কিলশিং ফংনবা হোৎনবদা মতেং পাংই।
মান্নবা পান্দম্না তিম স্পিরিৎকী অমুক্তা ওইখিদ্রিবা ৱাখল্লোন অমা পুথোকই", হায়না শ্রী মোদীনা ফোংদোকখি। মহাক্না হায়খি মদুদি করিগুম্বা মীওইশিংনা মান্নবা পান্দম অমগা লোয়ননা পুন্না চৎমিন্নরবদি, অচেৎপা মরী অমা শেমগৎলি। মহাক্না হায়খি মদুদি তীম বিল্দিংগী থৌওং অসিনা লুচিংবা ওইবগী মগুনসু হেনগৎহল্লি। মহাক্না ভারতকী নীংতম লানগী খুদম অসি মান্নবা পান্দম অমগী খ্বাইদগী ফবা খুদম অমনি হায়না পনখি। মসিনা রাজনিতীদা নত্তনা অতোপ্পা সেক্তরশিংদসু লুচিংবশিং পুথোকখি হায়না মহাক্না ফোংদোকখি। শ্রী মোদীনা নীংতম ইহৌগী স্পিরিৎ অসি অমুক হন্না হিংগৎহনবা অমসুং মাংলোমদা চংশিন্নবা ইথিল লৌবগী তঙাইফদবা অদুদা অকনবা ৱাফম থমখি।
সংস্কৃতকী শ্লোক অমা পল্লদুনা প্রধান মন্ত্রীনা হায়খি মদুদি মন্ত্র অমদা ওন্থোকপা ঙমদবা ৱাহৈ অমত্তা লৈতে, হীদাক ওইবা য়াদবা পাম্বী লৈতে, অমসুং তৌবা ঙমদবা মীওই অমত্তা লৈতে। মহাক্না মীশিংবু নীংথিনা শিজিন্ননবা অমসুং লমজিংনবা প্লানর অমগী মথৌ তাবা অদু ফোংদোকখি। SOULনা অসিগুম্বা প্লানর অমগী থৌদাং লৌই হায়না মহাক্না ফোংদোকখি। থৌরম অদুদা শরুক য়াখিবা লুচিংবা কয়ানা মখোয়গী লুচিংবগী হৈ-শিংবা অদু তম্বীরম্মি অমসুং মপুং ফাহনখি হায়না শ্রী মোদীনা ফোংদোকখি। মহাক্না দিবেলপমেন্তকী তোঙান-তোঙানবা থাকশিংগী মতাংদা পনখি: সেল্ফ দিবেলপমেন্তকী খুত্থাংদা পর্সনেল ওইবা মায়পাকপা, তীম দিবেলপমেন্তকী খুত্থাংদা ওর্গনাইজেসনগী গ্রোথ, অমসুং লীদরশিপ দিবেলপমেন্তকী খুত্থাংদা এক্সপ্লোসিব গ্রোথ। মহাক্না হায়খি মদুদি হায়রিবা প্রিন্সিপলশিং অসিনা মীপুম খুদিংমকপু মখোয়গী মথৌ অমসুং কন্ত্রিব্যুসনশিং মতম পুম্নমক্তা নীংশিংহনগদবনি।
লৈবাক অসিদা অনৌবা খুন্নাইগী কাংলোন অমা শেমগৎলক্লিবা অসিগী মতাংদা পল্লদুনা শ্রী মোদীনা হায়খি মদুদি 21শুবা চহিচাদা অমসুং হৌখিবা দিকেদতা পোকখিবা নহাশিং অসিনা শেমগৎলি। মহাক্না হায়খি মদুদি মসিগী জেনরেসন অসি তশেংনা ভারতকী অহানবা চাউখৎলবা জেনরেসন ওইগনি। অনৌবা ইন্সতিত্যুসন, SOUL অসিনা "অমৃত পীধি" অসিগী লুচিংবশিং শেমগৎপদা মরুওইবা থৌদাং অমা লৌগনি হায়না থাজবা থম্লদুনা মহাক্না ইন্সতিত্যুসন অসিগা মরী লৈনবা মীওই খুদিংমক্তা য়াইফ-পাউজেল পীখি।
ভুতানগী প্রধান মন্ত্রী, ঐচ.ই. মিস্তর দাশো সেরিং তোবগে, SOUL বোর্দকী চেয়রমেন শ্রী সুধির মেহতা অমসুং ভাইস চেয়রমেন, শ্রী হাসমুখ আধিয়া য়াওনা অতৈ মকোক থোংবা মীওইশিংসু শরুক য়াখি অমসুং থৌরম অসিদা মরুওইবা ৱারোল পীখি। শ্রী মোদীনা ভুতানগী নিংথৌগী মপোক নুমিৎকী মরুওইবা নুমিৎ অসিদা থৌরম অসিদা শরুক য়াবগীদমক ভুতানগী প্রধান মন্ত্রীবুসু থাগৎপা ফোংদোকখি।
বেকগ্রাউন্দ
ফেব্রুৱারী 21দগী 22 ফাওবা নুমিৎ নিনিগী ওইনা পাংথোক্কদৌরিবা SOUL লীদরশিপ কনক্লেব অসি রাজনীতি, শান্ন-খোৎনৈ, আর্তস অমসুং মীদিয়া, স্পিরিচুএল ৱার্ল্দ, পব্লিক পোলিসী, বিজিনেস অমসুং সোসিএল সেক্তরগুম্বা তোঙান তোঙানবা লমশিংগী লুচিংবশিংনা মখোয়গী ইথিল পীবা পুন্সিগী খোঙচৎশিং অমসুং লুচিংবগী মরী লৈনবা হিরমশিং খন্ন-নৈনবগী মরুওইবা প্লেৎফোর্ম অমা ওইগনি। কনক্লেব অসিনা কোলাবোরেসন অমসুং থোত লীদরশিপকী ইকোসিস্তেম অমা শেমগৎতুনা মসিনা মায়থিবা অমসুং মায়পাকপা অনিমক্তগী তম্বদা মতেং পাংদুনা নহা ওইরিবা ভাবোকশিংদা ইথিল পীগনি।
স্কুল ওফ অলতিমেৎ লীদরশিপ অসি মীয়ামগী য়াইফনবা অশেংবা লুচিংবশিংবু মপাঙ্গল কনখৎহন্নবা গুজরাত্তা শেমগৎলিবা লুচিংবগী ইন্সতিত্যুসন অমনি। মসিগী পান্দমদি ফোর্মেল ত্রেনিংগী খুত্থাংদা ভারত্তা পোলিতিকেল লীদরশিপকী লমজেল পাকথোক চাউথোকহনবা অমসুং পোলিতিকেল লিনেজতা নত্তনা পব্লিক সর্ভিসকীদমক মেরিৎ, কম্মিৎমেন্ত অমসুং পেসনদগী খুমাং চাউশিল্লকপা মীওইশিং য়াওহনবা হায়বসিনি। SOULনা ঙসিগী মালেম অসিদা লুচিংবগী অরুবা শীংনবশিং মায়োক্নবদা মথৌ তাবা ৱাখল্লোনশিং, হৈশিংবা অমসুং এক্সপর্তীস পীরি।
Click here to read full text speech
The School of Ultimate Leadership (SOUL) will shape leaders who excel nationally and globally. pic.twitter.com/x8RWGSZsFl
— PMO India (@PMOIndia) February 21, 2025
Today, India is emerging as a global powerhouse. pic.twitter.com/RQWJIW1pRz
— PMO India (@PMOIndia) February 21, 2025
Leaders must set trends. pic.twitter.com/6mWAwNAWKX
— PMO India (@PMOIndia) February 21, 2025
Instilling steel and spirit in every sector. pic.twitter.com/EkOVPGc9MI
— PMO India (@PMOIndia) February 21, 2025
