Quote“ওক্তোবর ৩০ অসি গোবিন্দ গুরু জি লৈখিবদা নুমিৎ ওইনা অমসুং ওক্তোবর ৩১না সারদার পতেলগী মপোক নুমিৎ ওইনা নুমিৎ অনি অসি মীওই খুদিংমক্কী অচৌবা ইথিলগী হৌরকফম অমনি”
Quote“ভারতকী চাউখৎপগী ৱারি অসি মালেম শীনবা থুংবগী খন্ন-নৈনবগী মচাক অমা ওইরে”
Quote“মোদীনা লৌবা ৱারেপ খুদিংমক, মসি মহাক্না থবক ওইনা পাংথোকই”
Quote“ইরিগেসন প্রোজেকশিংনা মরম ওইদুনা অৱাং থংবা গুজরাত্তা ইথৈ পীনবগী খুদোংচাবা শরুক ২০-২২ হেনগৎলে”
Quote“গুজরাত্তগী হৌদোকখিবা ঈশিং তুংশিনবগী স্কিম অশি হৌজিক জল জিবন মিসনগী মওংদা লৈবাক শীনবা থুংনা পায়খৎলে”
Quote“অৱাং থংবা গুজরাত্তা অনৌবা ভিলেজ দাইরি কোওপরেতিপ সোসাইতি ৮০০ হেন্না শেম্লে”
Quote“ঙসি লৈবাক অসিদা মমাঙদা অমুক্তা ওইখিদ্রিবা মওংদা ঐখোয়গী নাৎ অমসুং চৎনবীশিংগা চাউখৎ-থৌরাংগা শম্নবগী থবক পায়খৎলে”

ঙসি প্রধান মন্ত্রী শ্রী নরেন্দ্র মোদীনা গুজরাতকী মেহসানাদা লুপা করোর ৫৮০০ রোমগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। প্রোজেকশিংগী মনুংদা রেল, লম্বী, থক্নবা ঈশিং অমসুং ইথৈ য়াওরি।

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি ওক্তোবর ৩০ অমসুং ওক্তোবর ৩১ গী তারিখ অনি অসি মীওই খুদিংমক্কী অচৌবা ইথিলগী হৌরকফম অমনি। অহানবা তারিখ অসি গোবিন্দ গুরু জি লৈখিবদা নুমিৎনি অমসুং অনিশুবা তারিখ অসিনা সারদার পতেল জিগী মপোক নুমিৎ ওইনা নুমিৎনি। মালেমদা খ্বাইদগী চাউবা মীতম, স্তেচু ওফ য়ুনিতি শাদুনা ঐখোয়গী মীরোলনা সারদার সাহেব ইকায়খুম্নবা উৎলে। গোবিন্দ গুরু জিগী পুন্সি অসি নিংতম্লবা ভারতকী ত্রাইবেল খুন্নাইগী থবক তৌবা অমসুং কৎথোকপগী খুদম অমনি। চহি কয়া জাতিগী থাক্তা মঙ্গরহ ধাম  সরকারনা শেমগৎপা অসিদা হরাওই।

 

|

প্রধান মন্ত্রীনা হায়খি ঙসি অঙনবদা অম্বাজি লাইশঙদা দর্শন অমসুং পুজা পাংথোকখ্রে অমসুং লাইরেম্বী অম্বাজিগী থৌজাল ফংবা অসিদা অপেনবা ফাওই। গাব্বর চীঙশাং শেমগৎনবা পায়খৎলিবা থবকশিং অসি থাগৎনিঙাইনি। ভাগবান অম্বেগী থৌজালদগী ঙসি লুপা করোর ৬০০০ রোমগী প্রোজেকশিং উরেপ-উয়ুং তম্লে অমসুং শঙ্গারে। হায়রিবা প্রোজেকশিং অসিনা লমদম অসি মখা তানা চৎথোক-চৎশিন নুংঙাইহনবগনি অমসুং লৌমীশিংদা কান্নবা পীগনি। মেহসানা, পাতান, বনাসকান্থা, সবরকন্থা, মহিসাগর, অহমেদবাদ অমসুং গান্ধীনগরগী অকোয়বদা লৈবা জিলাশিং হায়রিবা প্রোজেকশিং অসিদগী কান্নবা ফংলগনি। ঙসিগী প্রোজেকশিং অসিগীদমক প্রধান মন্ত্রীনা গুজরাতকী মীয়ামদা নুংঙাইবা ফোঙদোকখি।

প্রধান মন্ত্রীনা হায়খি ভারতকী চাউখৎপগী ৱারি অসি মালেম শীনবা থুংবগী খন্ন-নৈনবগী মচাক অমা ওইরে। থাগী খা মেরুদা চন্দ্রয়ান-৩ তাবা ঙমখ্রে অমসুং মাইপাক্না জি-২০ প্রসিদেন্ত ওইবা ঙমখ্রে। ভারতকী ফিবম ফগৎলকপা অসি ভারতকী মীয়াম্না ওইহনবনি। লৈবাক অসি হিরম খুদিংমক্তা চাউখৎলে অমসুং ঈশিং তুংশিন্দুনা থম্নবা, ইথৈ পীনবা অমসুং থক্নবা ঈশিং পীনবা থবকশিং পায়খৎলে। লম্বী, রেল নত্ত্রগা এয়রপোর্তশিং ওইগেরা হিরম খুদিংমক্তা  মমাংদা অমুক্তা ওইখিদ্রিবা মওংদা শেন থাদদুনা ভারত্তা অনৌবা ইনফ্রাস্ত্রকচর শেমগৎলে।

শ্রী মোদীনা হায়খি ঙসি লৈবাক অসিগী অতৈ মফমশিংদা ফংলবা চাউখৎপা অসি গুজরাতকী মীয়াম্না মমাঙদা ফংখ্রে। মোদীনা লৌবা ৱারেপ খুদিংমক, মসি মহাক্না থবক ওইনা পাংথোকই। গুজরাতকী মীয়াম্না তুংদু-লৈতাবা সরকার খল্লকপদগী চাউখৎপগী খোঙজেল য়াংবনি অমসুং অৱাং থংবা গুজরাত য়াওনা রাজ্য অসি শীনবা থুংনা চাউখৎপগী কান্নবা ফংলে। থক্নবা ঈশিং অমসুং ইথৈগী ঈশিং ফংদবদগী অৱাং থংবা গুজরাত্তা হিংবদা ৱারম্বা অদু নিংশিংলদুনা অমসুং শঙ্গোম পুথোকপগী থবক্তা অৱাবা কয়া মায়োক্নখিবা অদু নিংশিংলদুনা প্রধান মন্ত্রীনা হায়খি লৌমীশিংনা চহি অমদা লৌরোক অমা খক লোকখি অমসুং মদুসু তম্বা ঙমখিদে। লমদম অসিদা থক্নবা ঈশিং অমসুং ইথৈ পীনবা থবক পায়খৎখি। অৱাং থংবা গুজরাত্তা উদোগ অমসুং লৌউ-শিংউ চাউখৎনবা ঐখোয়না থবক পায়খৎখি। সরকারগী পান্দমদি অৱাং থংবা গুজরাতকী মীয়াম শেন তান্নবা খুদোংচাবা কয়া শেমগৎপা অসিনি।

 

|

মহাক্না হায়খি সুজলাম-সুফালাম স্কিম্না নরমাদা অমসুং মাহি তুরেলশিংগী ঈশিং গুজরাত চাউখৎনবা শীজিন্নখি। কান্নবা খ্বাইদগী য়াম্না পীনবা সবরমতি তুরেলদা বরাজ ৬ শারে। হায়রিবা বরাজশিং অদুগী মনুংদা অমা ঙসি শঙ্গারে। ঐখোয়গী লৌমীশিং অমসুং খুঙ্গং কয়া মসিদগী কান্নবা ফংলগনি।

প্রধান মন্ত্রীনা হায়খি ইরিগেসন প্রোজেকশিংনা মরম ওইদুনা অৱাং থংবা গুজরাত্তা ইথৈ পীনবগী খুদোংচাবা শরুক ২০-২২ হেনগৎলে। সরকারনা পীখিবা মাইক্রো ইরিগেসনগী অনৌবা তেক্নোলোজি অৱাং থংবা গুজরাতকী লৌশিংনা খুদক্তা শীজিন্নরে অমসুং বনাসকান্থাদা লমগী চাদা ৭০ অনৌবা তেক্নোলোজি শীজিন্নবা অসিদা অপেনবা ফাওই। হৌজিক লৌমীশিংনা গেহু, কাস্তোর, লৈবাক হৱায়, গ্রাম, ফেন্নেল, কুমিন অমসুং অতোপ্পা স্পাইসেসশিং থাবা য়ারগনি। লৈবাক অসিগী ইসাবগোলগী চাদা ৯০ গুজরাত্তা পুথোকপনি। লমদম অসিদা আলু, কেরোত, হৈনৌ, হৈক্রু, কফোই, পুংহৈতোল অমসুং চম্প্রা পুথোক্লি। দেসা অসি আলুগী ওর্গনিক  ফার্মিংগী মফম অমা ওইনা শেমগৎনবা থবক পায়খৎলে। বনাসকান্থাদা আলু শেম-শানবগী অচৌবা প্লান্ত অমা লিংখৎলে। মেহসানাদা এগ্রো ফুদ পার্ক শারে অমসুং চপ মান্নবা মেগা ফুদ পার্ক অমা বনাসকান্থাদা শারগনি।

 

|

মহাক্না হায়খি গুজরাত্তগী হৌদোকখিবা ঈশিং তুংশিনবগী স্কিম অশি হৌজিক জল জিবন মিসনগী মওংদা লৈবাক শীনবা থুংনা পায়খৎলে। গুজরাত্তা পায়খৎলিবা হর ঘর জল অভিয়ান অসিনা লৈবাক অসিদা মীওই করোর কয়াগী পুন্সিদা অহোংবা পুরক্লে।

প্রধান মন্ত্রীনা হায়খি শা-ষন লোইবা অমসুং শঙ্গোম পুথোকপগী থবক চাউখৎহনবদা নুপীশিংনা খ্বাইদগী চাউনা কান্নবা ফংলে। অৱাং থংবা গুজরাত্তা অনৌবা ভেতেরিনারি হোস্পিতাল চা কয়া শাবদগী শা-ষনশিংগী মশা ফগৎলক্তুনা শঙ্গোম পুথোকপা হেনগৎলকখি। হৌখিবা চহি ২০দা অৱাং থংবা গুজরাত্তা অনৌবা ভিলেজ দাইরি কোওপরেতিপ সোসাইতি ৮০০ হেন্না শেম্লে। বনাস দাইরি, দুধ সাগর নত্ত্রগা সাবর দাইরি ওইগেরা, মখোয় চাউখৎলে। শঙ্গোমগী মথক্তা, লৌমীশিংগী তোপ্পা অচৌবা প্রোসেসিং সেন্তরশিংসু শেমগৎলে। শা-ষনশিং লেম্না তিকা থানবা কেন্দ্র সরকারনা অচৌবা থবক অমা পায়খৎতুনা লুপা করোর ১৫,০০০  চাদিং তৌখ্রে। লমদম অসিগী শা-ষন লোইরিবশিংনা মখোয়গী শা-ষনশিং তিকা থাদোক্কদবনি। ষন্থীদগী বাইও সি.এন.জি পুথোক্নবা গোবর্ধন য়োজনাগী মখাদা প্লান্ত কয়া লিংখৎলে। অৱাং থংবা গুজরাত্তা ওতোমোবাইল উদোগ চাউখৎলকপগী মতাংদা শ্রী মোদীনা হায়খি মন্দাল-বেচারজি ওতোমোবাইল হব শেমগৎলকপা অসিনা থবক ফংবগী খুদোংচাবশিং পীরে অমসুং মীয়ামগী শেন্থোক হেনগৎলে। চহি ১০গী মনুংদা উদোগশিংদগী লাকপা শেন্থোক শরুক অনিদা হেনগৎলে। ফুদ প্রোসেসিংগী মথক্ত, মেহসানাদা ইঞ্জিনিয়ারিং উদোগ অমসুং ফার্মাসিউতিকেল উদোগ চাউখৎলে। বনাসকান্থা অমসুং সবরকান্থা জিলাশিংদা সেরামিক্কা মরী লৈনবা উদোগশিং চাউখৎলে।

প্রধান মন্ত্রীনা হায়খি ঙসি হৌদোক্লিবা রেলৱে প্রোজেকশিং অসি লুপা করোর ৫০০০ রোমগীনি অমসুং মসিদা মেহসানা অমসুং অহমেদবাদকী মরক্তা দেদিকেতেদ ফ্রেদ কোরিদোর য়াওরি। মসিনা অৱাং থংবা গুজরাতকা মরুওইবা হিথাংফমশিং হায়বদি পিপাবাব, পোর্বন্দর অমসুং জামনগরগা শম্নবা মখা তানা ফগৎহনগনি। মসিনা অৱাং থংবা গুজরাত্তা লোজিস্তিক্স অমসুং স্তোরেজগা মরী লৈনবা সেক্তরশিং চাউখৎহনগনি।

 

|

লৈবাক অসিদা গ্রিন হায়দ্রোজেন অমসুং সোলার ইনর্জি পুথোকপগী মতাংদা প্রধান মন্ত্রীনা হায়খি পাতান অমসুং বনাসকান্থাদা সোলার পার্কশিং লিংখৎলে অমসুং খুঙ্গং অমা ওইনা মোধেরাদা পুং ২৪ সোলার ইনর্জি ফংবগী চাউথোকচবা লৈরে। হৌখিবা চহি ৯দা কিমি ২,৫০০গী ইস্তর্ন অমসুং ৱেস্তর্ন দেদিকেতেদ ফ্রেদ কোরিদোরশিং লোইশিন্দুনা মী পুবা ত্রেনশিং অমসুং পোৎ-চৈ পুবা ত্রেনশিং চৎথোক-চৎশিনগী মতম হন্থহল্লে। ত্রেনশিংনা পলানপুরদগী হরিয়ানাগী রেৱারি ফাওবা শঙ্গোম পুরে। চৎথোক-চৎশিনগী খুদোংচাবা হেনগৎহন্নবা কাতোসান রোদ-বেচারাজি রেলৱে লাইন অমসুং বিরামগাম-সমাখায়ালি ত্রেক দবল ওইহন্নবগী থবক পায়খৎলে।

প্রধান মন্ত্রীনা হায়খি গুজরাত্তা তুরিজমগী খুদোংচাবা য়াম্না লৈরি অমসুং মালেমদা মমিং চৎলবা কুছ রন উৎসব পাংথোক্লি। কুছকী ধোরদো খুঙ্গং মালেমদা খ্বাইদগী ফবা তুরিস্ত ভিলেজ অমনি হায়না হন্দক শক খঙখ্রে। নাদেপেতে অসি মরুওইবা লমকোয়বশিংগী মফম অমা ওইরে অমসুং ধারোই অসি অচৌবা লমকোয়ফম অমা ওইনা শেমগৎলে। মেহসানগী মোধেরা সন তেম্পল, সহর ময়াইদা লৈরিবা অখন্দ জয়তি, বাদনগরগী কর্তি তোরান অমসুং অতোপ্পা লাইনিংগা মরী লৈনবা মফম কয়া লৈরি।

মহাক্না হায়খি মফম অসিদা অরিবা সভেত্যগী খোঙ্গুল লিনবা তৌথোক্তুনা য়েংবগী মতাংদা বাদনগর অসি মালেমদা মমিং চৎলে। হেরিতেচ সর্কুইকী মখাদা লুপা করোর ১,০০০ চঙনা কেন্দ্র সরকারনা মফম কয়া শেমগৎলে। রানি কি বাভ মফম অসিদা চহি অমদা লমকোয়বা মীওই লাখ ৩ হেন্না লাক্লে। ঙসি লৈবাক অসিদা মমাঙদা অমুক্তা ওইখিদ্রিবা মওংদা ঐখোয়গী নাৎ অমসুং চৎনবীশিংগা চাউখৎ-থৌরাংগা শম্নবগী থবক পায়খৎলে।

 

|

থৌরম অদুদা শরুক য়াখিবশিংগী মনুংদা গুজরাতকী চীফ মিনিস্তর শ্রী ভুপেন্দ্র পতেল, এম.পি শ্রী সি.আর পতিল অমসুং রাজ্য মন্ত্রী শ্রীমতি দর্শন জরদোস য়াওখি।

 

নুঙগীৱারোল

ঙসি লৈবাক মীয়ামদা খুৎশীন্নখিবা অমসুং শঙ্গাখিবা প্রোজেক্তশিং অদুদি ৱেস্তর্ন দেদিকেতেদ ফ্রৈত কোরিদোর (WDFC)গী অনৌবা ন্যু ভান্দু-ন্যু সনান্দ (N) সেক্সন; বিরামগম-সমাখিয়ালী রেল লাইনগী দব্লিং তৌবা; কাতোসান রোদ-বেচ্রাজী-মারুতী সুজুকী ইন্দিয়া লিমিতেদ (MSIL সাইদিং) রেল প্রোজেক্ত; মেহসানা অমসুং গান্ধীনগর জিলাগী বিজাপুর তালুকা অমদি মান্সা তালুকাগী খুঙ্গংশিংগী পাৎ কয়া রিচার্জ তৌবা; মেহসানা জিলাগী সাবর্মতী তুরেলদা বলাসানা বেরেজ শাবা; বানসকন্থাগী পালনপুরদা থক্নবা ঈশিং পীবগী স্কিম অনি; অমসুং ধরোই দামদা য়ুম্ফম ওইবা পালনপুর লাইফলাইন প্রোজেক্ত – হেদৱর্ক (HW) অমসুং 80 MLD কেপাসিতীগী ৱাতর ত্রিতমেন্ত প্লান অসিনি।

 

|

প্রধান মন্ত্রীনা উরেপ উয়ুং তমখিবা প্রোজেক্তশিং অদুদি মাহীসাগর জিলাগী সান্তরাম্পুর তালুকাগী মফমশিংদা ইথৈ-লৌখোঙগী খুদোংচাবা ফংহনবা; সাবর্কন্থগী নরোদা – দেহগাম – হর্সোল – ধন্সুরা লম্বী পাকথোকপা অমসুং মপাঙ্গল হাপ্পা; গ্নাধীনগর জিলাগী কলোল নগরপালিকা সিৱরেজ অমসুং সেপ্তাগে মেনেজমেন্তকী প্রোজেক্ত; অমসুং সিধপুর (পাতান), পালনপুর (বানসকন্থা), বয়াদ (অরাবল্লী) অমসুং ভদনাগর (মেহসানা)গী সিৱরেজকী প্রোজেক্তশিং অসিনি।

 

Click here to read full text speech

  • Ram Raghuvanshi February 26, 2024

    Jay shree Ram
  • Khakon Singha January 08, 2024

    Jay bhavani
  • Dr Anand Kumar Gond Bahraich January 07, 2024

    जय हो
  • Lalruatsanga January 06, 2024

    gi
  • Pt Deepak Rajauriya jila updhyachchh bjp fzd December 24, 2023

    जय
  • Mala Vijhani December 06, 2023

    Jai Hind Jai Bharat!
  • Mahendra singh Solanki Loksabha Sansad Dewas Shajapur mp November 06, 2023

    नमो नमो नमो नमो नमो नमो नमो नमो
  • DEEPAK SINGH MANDRAWAL November 04, 2023

    महान भारत+महान लोकतंत्र विभिन्न जातियां+विभिन्न धर्म विभिन्न संस्कृति+विभिन्न त्योहार सर्वोपरि+राष्ट्र समर्पित+भारतीय।।।
  • हनुमान प्रसाद पाण्डेय November 01, 2023

    जय हिन्द जय भारत वंदेमातरम
  • Triveni Bora November 01, 2023

    Sir,as per an article in the Indian Express,fixing Minimum Export Price of Basmati and other varieties of rice will hurt the premium export market ,thereby affecting the farmers of Haryana and Punjab. Sir,I think you and your team are doing a great job of handling the economy. Yet,the article is somewhat troubling. Will you look into it,sir?
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”