লৈবাক শীনবদা থুংবগী এয়রপোর্ত ১৫গী অনৌবা তর্মিনেল বিল্দিংশিং শঙ্গাখ্রে অমসুং উরেপ-উয়ুং তমখ্রে
লাখনৌ অমসুং রাঞ্চিদা লাইত হাওস প্রোজেকশিং(এল ঐচ পি) শঙ্গাখ্রে; প্রধান মন্ত্রীনা জনুৱারি ২০২১দা হায়রিবা লাইত হাওসশিং উরেপ-উয়ুং তমখিবনিলুপা করোর ১৯,০০ হেনবগী প্রোজেকশিংনা উত্তর প্রদেসতা রেল অমসুং লম্বীগী ইনফ্রাস্ত্রকচরশিং মপাঙ্গল কনখৎহল্লগনিপি.এম.জি.এস.ৱাইগী মখাদা লুপা করোর ৩৭০০ হেন্না চঙনা পায়খৎপা খুঙ্গংগী লম্বীগী প্রোজেক ৭৪৪ রোম লৈবাক মীয়ামদা কৎথোকখ্রে“নোংপোক থংবা উত্তর প্রদেস অমসুং লৈবাক অসিগী ইমুংশিং হিংবদা লাইনবা ঐখোয়গী সরকারনা অহিং-নুংথিল থবক তৌরি”“চাউখৎত্রিবা লমশিংগী মরক্তা য়াওরম্বা অজামগর, ঙসিদি চাউখৎপগী অনৌবা পন্দুব অমা ইরে”“ঐখোয়গী সরকারনা মীয়ামগী য়াইফ-থৌরাংগী স্কিমশিং মেত্রো সহরশিংগী ৱাংমদগী অপীকপা সহরশিং অমসুং খুঙ্গংশিংদা য়ৌহল্লে… মসিগা চপ মান্ননা, অনৌবা ইনফ্রাস্ত্রকচরগী থবকশিং ঐখোয়না অপীকপা তাউনশিংদশু য়ৌহল্লে”“উত্তর প্রদেসনা লৈবাক অসিগী রাজনিতি অমসুং চাউখৎপগী মাইওন লেপ্লি”“দবল ইঞ্জিন সরকার লাকপদগী, য়ু.পিগী শক্তম অমসুং মরাইবক অনিমক হোংলে। ঙসি উত্তঙসি প্রধান মন্ত্রী শ্রী নরেন্দ্র মোদীনা উত্তর প্রদেসকী অজামগরদা লুপা করোর ৩৪,০০০ হেনবগী তোঙান-তোঙানবা চাউখৎ-থৌরাংগী থবকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে।
থৌরম অদুদা ৱা ঙাংবদা, প্রধান মন্ত্রীনা হায়খি অসিগুম্বা থৌরমশিং দিল্লিদা পাংথোকপগী মহুত্তা অজামগরগুম্বা মফমশিংদা পাংথোক্লে। চাউখৎত্রিবা লমশিংগী মরক্তা য়াওরম্বা অজামগর, ঙসিদি চাউখৎপগী অনৌবা পন্দুব অমা ইরে। ঙসি অজামগরদা লুপা করোর ৩৪,০০০ রোমগী প্রোজেক খর শঙ্গারে, খরগীনা উরেপ-উয়ুং তম্লে।
প্রধান মন্ত্রীনা লুপা করোর ৯৮০০ হেনবগী লৈবাক শীনবদা থুংবগী এয়রপোর্ত ১৫গী অনৌবা তর্মিনেল বিল্দিংশিং শঙ্গাখ্রে অমসুং উরেপ-উয়ুং তমখ্রে। মহাক্না পুনে, কোলহাপুর, গ্বালিয়র, জবলপুর, দিল্লি, লাখনৌ, অলিগর, অজামগর, চিত্রাকুত, মোরাদবাদ, শ্রাবাস্তি অমসুং এদামপুর এয়রপোর্তশিংগী অনৌবা তর্মিনেল বিল্দিং ১২ শঙ্গাখি। প্রধান মন্ত্রীনা কাদাপা, হুববাল্লী অমসুং বেলাগাবি এয়রপোর্তশিংগী অনৌবা তর্মিনেল বিল্দিং অহুমশু উরেপ-উয়ুং তমখি। এয়রপোর্তশিং য়াংনা লোইশিনবগী খুদম ওইনা শুপ্নগী থা ১৬ তা গ্বালিয়র তর্মিনেল লোইশিনখ্রে হায়না প্রধান মন্ত্রীনা ফোঙদোকখি। মহাক্না হায়খি মসিগী থবক অসিনা মথক্তা চৎথোক-চৎশিন তৌবা হেন্না লাইহল্লগনি অমসুং লৈবাক অসিগী মীচম মীয়াম লাইনা মথক্তা চৎপা ঙমহল্লগনি।
প্রধান মন্ত্রীনা হায়খি লাউথোকখিবা প্রোজেকশিং সরকারনা মতম চানা লোইশিনবা অসিনা হায়রিবা প্রোজেকশিং অসি মীখলগী য়েংলবা পায়খৎপনি হায়না মরাল শীরে। মোদী অসি তোঙানবা পোৎশক অমনা শাবনি হায়না মীয়াম্না উরে। বিকসিত ভারত অমা শেমগৎনবা ঐ চোকথবা লৈতনা থবক তৌরি।
প্রধান মন্ত্রীনা হায়খি ঙসি এয়রপোর্ত, হায়ৱে, রেলৱে ইনফ্রাস্ত্রকচর, ইজুকেসন, ঈশিং অমসুং মহৌশাগী অকোয়বগী ফিবমগা মরী লৈনবা প্রোজেকশিং অনৌবা ইনোৎ অমা ফংলে। অজামগর অসি ‘অনজনম’ ‘বিকাস কা গরহ’(চাউখৎপগী মফম অমা) ওইরগনি। এয়রপোর্ত, হোস্পিতাল অমসুং মেদিকেল কলেজ লৈদুনা,অজামগর মখা তানা য়ুম্নোন্নরিবা অচৌবা সহরশিংগী মখা পোল্লরোই।
প্রধান মন্ত্রীনা হায়খি হৌখিবা চহি ১০দা মমাঙদা লৈরম্বা পেনহলবা অমসুং শাগৈগী রাজনিগী মহুত্তা লমদম অসিদা চাউখৎপগী রাজনিতি উবা ফংলে। মসিগী ফিবম অসি চীফ মিনিস্তর শ্রী য়োগী অদিত্যনাথকী লুচিংবা মখাদা অনৌবা খোঙজেল অমা লাকখিবনি। উত্তর প্রদেসকী চাউখৎতবা মফমশিংনি হায়না মীরাইরম্বা অলিগর, মোরাদবাদ, অজামগর, শ্রাবাস্তিগুম্বা সহরশিং য়াংনা চাউখৎলকপদগী এয়র কন্নেক্তিবিতি লৈরে। ঐখোয়গী সরকারনা মীয়ামগী য়াইফ-থৌরাংগী স্কিমশিং মেত্রো সহরশিংগী ৱাংমদগী অপীকপা সহরশিং অমসুং খুঙ্গংশিংদা য়ৌহল্লে… মসিগা চপ মান্ননা, অনৌবা ইনফ্রাস্ত্রকচরগী থবকশিং ঐখোয়না অপীকপা তাউনশিংদশু য়ৌহল্লে। অপীকপা সহরশিংশু অচৌবা মেত্রোশিংগুম্বা এয়রপোর্তশিং অমসুং অফবা হায়ৱেশিং শেমগৎনবা চপ মান্নবা হকশিং লৈ। ঐখোয়না তয়র ২ অমসুং তয়র ৩ সহরশিং মপাঙ্গল কনখৎহন্দুনা মখা তানা সহর শেমগৎপগী থবকশিং চৎথরি।
প্রধান মন্ত্রীনা হায়খি লমদম অমা চাউখৎহনবদা লম্বী-থোং অমসুং ইনফ্রাস্ত্রকচর য়াম্না মরুওই। সিতাপুর, সাহজাহানপুর, গাজিপুর অমসুং প্রায়াগ্রাজগুম্বা জিলাশিং শম্নবা তোঙান-তোঙানবা রেলৱে প্রোজেকশিং শঙ্গারে অমসুং উরেপ-উয়ুং তম্লে। অজামগর, মাউ অমসুং বালিয়া রেলৱে প্রোজেক কয়া খুদোল ওইনা ফংলে। প্রধান মন্ত্রী গ্রাম সরক য়োজনাগী মখাদা খুঙ্গংগী ইনফ্রাস্ত্রকচর শেমগৎনবা সরকারনা থবক পায়খৎলে। নোংপোক থংবা উত্তর প্রদেসকী লৌমীশিং অমসুং নহারোলশিংগী লম্বী-থোং ফগৎহন্নবা প্রধান মন্ত্রী গ্রাম সরক য়োজনাগী মখাদা কিমি ৫০০০ হেনবগী লম্বীশিং শঙ্গারে।
প্রধান মন্ত্রীনা হায়খি লৌমীশিংগী পোৎথোকশিং চুনবা মমল ফংনবা সরকারনা থবক পায়খৎলে। চু য়াওনা তোঙান-তোঙানবা মহৈ-মরোংশিংগী এম.এস.পি হেনগৎলে। ঙসি, চু থাবা লৌমীশিংগী এম.এস.পি চাদা ৮ হেনগৎতুনা, কুইন্তল অমদা লুপা ৩৪০ য়ৌরে।
মখা তানা, প্রধান মন্ত্রীনা হায়খি লমদম অসিগী চু থাবা লৌমীশিংনা পুৱারিগী ওইবা খুদোংচাদবা কয়া মায়োক্নদুনা লাক্লিবা অসি কোকহন্নবা সরকারনা থবক কয়া পায়খৎলে। চু থাবা লৌমীশিংগী লুপা করোর লিশিং কয়াগী শেনফম পীথোক্তনা লৈরকপা অদু ঐখোয়গী সরকারনা মখোয়দা মতম চানা পীথোক্লে। বাইওগ্যাস অমসুং ইথানোলগী লমদা অওনবা কয়া পুরক্লে। পি.এম কিষান সম্মান নিধিগী মখাদা, অজামগরগী লৌমী লাখ ৮ রোম লুপা করোর ২,০০০ ফংলে।
প্রধান মন্ত্রীনা হায়খি য়াংনা চাউখৎপা ঙম্নবা পুকচেল শেংবা লৈঙাক লৈবা দরকার ওই। মমাঙদা অমুক্তা ওইখিদ্রিবা চাউখৎপা পুরক্নবা পুকচেল শেংবা লৈঙাক তঙাইফদে। শেঞ্জা-থুমজা মুৎথৎনবা অমসুং অরোন-অথুপ লৈতবা লৈঙাক লৈহন্নবা ঐখোয়গী সরকারনা থবক পায়খৎলে।
নোংপোক থংবা উত্তর প্রদেসতা সরকারনা পায়খৎলিবা থবকশিংনা অওনবা পুরকপা ঙম্লগনি। মহারাজ সুহেলদেব রাজকিয়া বিশ্বাবিদ্যলয় লিংখৎপা অমসুং অতোপ্পা থবকশিংনা নহারোলশিংদা শক্তি পীরগনি অমসুং লমদম অসিগী লাইরিক-লাইশু তম্বগী লমদা অওনবা পুরক্লগনি।
প্রধান মন্ত্রীনা হায়খি উত্তর প্রদেসনা লৈবাক অসিগী রাজনিতি অমসুং চাউখৎপগী মাইওন লেপ্লি। রাজ্য অসি চাউখৎপগা লৈবাক অসি চাউখৎপগী লম্বীগা মান্নরি। দবল ইঞ্জিন সরকার লাকপদগী, য়ু.পিগী শক্তম অমসুং মরাইবক অনিমক হোংলে। ঙসি উত্তর প্রদেস কেন্দ্রগী স্কিমশিং পায়খৎপদা থবক খ্বাইদগী ফজবা রাজ্যশিংগী মরক্তা য়াওরে। হৌখিবা চহি খর অসিদা য়ু.পিদা শিংথাবা য়ানা শেন থাদরে অমসুং নহারোলশিংদা খুদোংচাবা কয়া পীগদবা ইনফ্রাস্ত্রকচরশিং শেমগৎলে অমসুং মশিং য়াম্লবা খুদোংচাবশিং শেমগৎলে।
প্রধান মন্ত্রীনা হায়খি রেকোর্দ ওইনা শেন থাদরকপা, গ্রাউন্দ-ব্রিক্কিং থৌরমশিং পাংথোকপ অমসুং এক্সপ্রেসৱে নেতৱার্কশিং অমসুং হায়ৱেশিং পাকথোক-চাউথোকপদগী য়ু.পিগী মিংচৎ হেনগৎলে। লো অমসুং ওর্দরগী ফিবম ফগৎহন্নবা রাজ্য সরকারনা মীৎয়েং চঙলিবা অসিগী থাগৎপা ফোঙদোকচরি। অযোধ্যা ধামদা পুৱারি ওইনা রাম মন্দির শঙ্গারে।
নুঙগীৱারোল
লৈবাক অসিগী এভিএসন সেক্তরদা অচৌবা ইনোৎ অমা ওইনা, প্রধান মন্ত্রীনা লৈবাক শীনবা থুংবগী লুপা করোর ৯৮০০ হেনবগী এয়রপোর্ত প্রোজেক ১৫ শঙ্গাখি অমসুং উরেপ-উয়ুং তমখি। মহাক্না পুনে, কোলহাপুর, গ্বালিয়র, জবলপুর, দিল্লি, লাখনৌ, অলিগর, অজামগর, চিত্রাকুত, মোরাদবাদ, শ্রাবাস্তি অমসুং এদামপুর এয়রপোর্তশিংগী অনৌবা তর্মিনেল বিল্দিং ১২ শঙ্গাখি। প্রধান মন্ত্রীনা কাদাপা, হুববাল্লী অমসুং বেলাগাবি এয়রপোর্তশিংগী অনৌবা তর্মিনেল বিল্দিং অহুমশু উরেপ-উয়ুং তমখি।
অনৌবা তর্মিনেল বিল্দিংশিং চহি অমদা পেসেঞ্জর লাখ ৬২০ পাইথোক-পাইশিন তৌবা য়াগনি অমসুং উরেপ-উয়ুং তমখিবা তর্মিনেল বিল্দিং অহুম অসি শাবা হেক লোইবগা, হায়রিবা এয়রপোর্ত অসিদা চহিদা পেসেঞ্জর লাখ ৯৫ হেনগৎলক্কনি। হায়রিবা তর্মিনেল বিল্দিংশিং অসিদা খ্বাইদগী ফবা অনৌবা পেসেঞ্জরগী খুদোংচাবশিং য়াওরে অমসুং দবল ইন্সুলেতেদ রুফিং সিস্তেম, মৈ চাদনবা কেনোপিশিং, এল.ই.দি লাইত্তিং য়াওনা তুংকোইনা চৎনবা য়ারবা খুদোংচাবশিং য়াওরে। রাজ্য অমসুং সহরগী হেরিতেচ স্ত্রকচরকী মচাকশিংদগী লৌরগা অমসুং ইথিল ফংদুনা হায়রিবা এয়রপোর্তশিং অসি দিজাইন তৌবনি অমসুং মসিদা লমদম অদুগী নাৎ অমসুং হেরিতেচ মমি তারি।
প্রধান মন্ত্রীনা মরুওইনা লৌরিবা হিরম অমদি মীওই খুদিংমক য়ুম লৈহনবা অসিনি। মহাক্কী পান্দমনা লমজিংদুনা, মসি ফংনবা অনৌবা পাম্বৈ অমা ওইনা লাইতহাওস প্রোজেক শেমগৎলকপনি। প্রধান মন্ত্রীনা লাখনৌ অমসুং রাঞ্চিদা লাইত হাওস প্রোজেক(এল ঐচ পি) শঙ্গাখি অমসুং মসিদা অনৌবা ইনফ্রাস্ত্রকচর য়াওরবা মমল হোংবা ফ্লেত ২০০০ হেন্না লৈরে। হায়রিবা লাইত হাওস প্রোজেকশিংদা অনৌবা য়ুম শানবা তেক্নোলোজি শীজিন্নবা অসিনা ইমুংশিং তুংকোইনা চৎনবা য়াবা অমসুং লৈবদা নুংঙাইবা অমা ফংহনগনি। মমাঙদা, প্রধান মন্ত্রীনা অসিগুম্বা লাইত হাওস প্রোজেকশিং চেন্নাই, রাজকোত অমসুং ইন্দোরদা শঙ্গাখ্রে। হায়রিবা লাইত হাওস প্রোজেকশিং অসি প্রধান মন্ত্রীনা জনুৱারি ২০২১দা উরেপ-উয়ুং তমখিবনি।
লাইত হাওস প্রোজেক্কীদমক, জর্মনিগী প্রিকাস্ত কনক্রিত কন্সত্রক্সন সিস্তেম-৩দি ভোলুমেত্রিক তেক্নোলোজি শীজিন্নরে। লাইত হাওস প্রোজেক রাঞ্চিগী তোপ-তোপ্পা শক্তম অমনা কা অমমম তোখাইনা শাবা অসিনি অমসুং অপুনবা য়ুম অসি লেগো ব্লোক শান্নপোৎশিংগুম হাপচিনবা অসিনি। লাইত হাওস প্রোজেক লাখনৌ অসি প্রি-ইঞ্জিনিয়ার স্তিল স্ত্রকচরেল সিস্তেমগা লোয়ননা কনাদাগী স্তে ইন প্লেস পি.ভি.সি ফোর্মৱার্ক শীজিন্নরি।
প্রধান মন্ত্রীনা উত্তর প্রদেসতা লুপা করোর ৪২,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখি, মীয়ামদা কৎথোকখি অমসুং উরেপ-উয়ুং তমখি। মীয়ামদা কৎথোক্কদবা প্রোজেকশিংগী মনুংদা লাখনৌ রিং রোদ লেন মরি ওইহন্নবা পেকেজ অহুম অমসুং এন.ঐচ-২গী চাকেরি-এল্লাহবাদ সেক্সন লেন তরুক ওইহনবা য়াওরি। প্রধান মন্ত্রীনা উরেপ-উয়ুং তমগখিবা প্রোজেকশিংগী মনুংদা রামপুর-রুদ্রাপুরগী ৱেস্তর্ন সাইদ স্পুর লেন মরি ওইহনবা; কানপুর রিং রোদ লেন তরুক ওইহন্নবা পেকেজ অনি অমসুং এন.ঐচ-২৪বি/এন.ঐচ-৩০গী রাইবারেলি-প্রায়াগ্রাজ সেক্সন লেন মরি ওইহনবা য়াওরি। হায়রিবা লম্বীগী প্রোজেকশিং অসিনা লমদম অসিদা উদোগ অমসুং শেন-থুম চাউখৎহনবদা ইনোৎ পীগনি।
প্রধান মন্ত্রী গ্রাম সরক য়োজনাগী মখাদা লুপা করোর ৩৭০০ হেন্না চঙনবা পায়খৎপা খুঙ্গংগী লম্বীগী প্রোজেক ৭৪৪ লৈবাক মীয়ামদা কৎথোকখি। হায়রিবা প্রোজেকশিং অসিনা উত্তর প্রদেসতা কিমি ৫,৪০০ হেনবগী খুঙ্গংগী লম্বীশিং শেমগৎতুনা রাজ্য অসিগী জিলা ৫৯ রোম কান্নবা পীগনি। প্রোজেক অসিনা লমদম অসিদা উদোগ অমসুং শেন-থুম চাউখৎহনবদা ইনোৎ পীগনি।
থৌরম অসিদা, প্রধান মন্ত্রীনা লুপা করোর ৮২০০ রোমগী তোঙান-তোঙানবা রেলৱে প্রোজেকশিং শঙ্গাখি, মীয়ামদা কৎথোকখি অমসুং উরেপ-উয়ুং তমখি অমসুং মসিনা উত্তর প্রদেসতা রেল ইনফ্রাস্ত্রকচর ফগৎহনগনি। মহাক্না মরুওইবা রেল সেক্সনশিং দবল ওইহনবা অমসুং মৈ ফংহনবগী প্রোজেকশিং মীয়ামদা কৎথোকখি। মহাক্না লৈবাক মীয়ামদা ভাতনি-পিওকোল বাইপাস লাইন কৎথোকখি অমসুং মসিনা ভাতনিদা ইঞ্জিন লৈথোক-লৈশিনগী খুদোংচাদবা কোকহল্লগনি অমসুং ত্রেনশিং নুংঙাইনা চেনবা য়াহল্লগনি। প্রধান মন্ত্রীনা বাহরাইচ-নানপারা-নেপালগঞ্জ রোদ রেল সেক্সন গেজ ওনখৎনবগীদমক উরেপ-উয়ুং তমখি।
মসিগী প্রোজেক অসি লোইশিল্লবা মতুংদা, লমদম অসি ব্রোদ গেজ লাইন অমগী খুৎথাংদা মেত্রো সহরশিংগা শম্নরগনি অমসুং মসিনা চাউখৎপা য়াংখৎহল্লগনি। প্রধান মন্ত্রীনা ঘাজিপুর সহর অমসুং ঘাজিপুর ঘাত্তগী তারিঘাত ফাওবা অনৌবা রেল লাইন অমা অমসুং গঙ্গা তুরেলগী মথক্তা অনৌবা রেল থোং অমা শঙ্গাখি। মহাক্না ঘাজিপুর সিতি-তারিঘাত-দিলদার নগর জঙ্কসনগী মরক্তা মেমু ত্রেন সর্বিস লমথাখি।
মখা তানা, প্রধান মন্ত্রীনা তোঙান-তোঙানবা সিৱেজ ত্রিৎমেন্ত প্লান্তশিং অমসুং প্রায়াগ্রাজ, জাউনপুর অমসুং ইতাৱাদা অতোপ্পা প্রোজেকশিং শঙ্গাখি অমসুং মীয়ামদা কৎথোকখি।
जिस तरह हमारी सरकार जन कल्याण की योजनाओं को मेट्रो शहरों से आगे बढ़ाकर छोटे शहरों और गांव-देहात तक ले गई...वैसे ही आधुनिक इंफ्रास्ट्रक्चर के काम को भी हम छोटे शहरों तक ले जा रहे हैं: PM @narendramodi pic.twitter.com/8DAk91DGQg
— PMO India (@PMOIndia) March 10, 2024
आज पहले की तुलना में कई गुना बढ़ी हुई MSP दी जा रही है: PM @narendramodi pic.twitter.com/4nMKaiPpkn
— PMO India (@PMOIndia) March 10, 2024
बीते वर्षों में डबल इंजन की सरकार ने उत्तर प्रदेश में लाखों करोड़ रुपये के विकास कार्य कराए हैं।
— PMO India (@PMOIndia) March 10, 2024
इससे ना सिर्फ यूपी का इंफ्रास्ट्रक्चर बदला है, बल्कि युवाओं के लिए लाखों नए अवसर बने हैं: PM @narendramodi pic.twitter.com/XECpRVmH8y
