Quoteলৈবাক শীনবা থুংনা তোঙান-তোঙানবা পৱার প্রোজেকশিং লৈবাক মীয়ামদা কৎথোকখ্রে অমসুং উরেপ-উয়ুং তমখ্রে
Quoteপ্রোজেক ৭ শঙ্গাখ্রে অমসুং পৱার গ্রিদ কোর্পোরেসন ওফ ইন্দিয়াগী প্রোজেক অমা উরেপ-উয়ুং তমখ্রে
Quoteতোঙান-তোঙানবা রিনিউএবল ইনর্জি প্রোজেকশিং লৈবাক মীয়ামদা কৎথোকখ্রে অমসুং উরেপ-উয়ুং তমখ্রে
Quoteতোঙান-তোঙানবা রেল অমসুং লম্বীগী প্রোজেকশিং লৈবাক মীয়ামদা কৎথোকখ্রে অমসুং উরেপ-উয়ুং তমখ্রে
Quote“তেলঙ্গানাগী মীয়ামগী চাউখৎপগী মঙলানশিং মঙফাউন্নবা হিরম খুদিংমক্তা কেন্দ্র সরকারনা মতেং পাংলি”
Quote“রাজ্যশিং চাউখৎহন্দুনা লৈবাক চাউখৎহন্নবগী লাইৱাদা ঐখোয়দা চঙশিল্লি”
Quote“ভারতকী ইকোনোমি য়াংনা চাউখৎপগী মতাংদা মালেমগী ওইনা ঙাংনবা অমা লৈরে”
Quote“ঐখোয়গী ওইনা চাউখৎপা হায়বসি লায়রবশিংগী মনুংদা খ্বাইদগী লায়রবশিং চাউখৎহনবা, দলিতশিং, ত্রাইবেলশিং,তোল্লবশিং অমসুং নৈহৎপীরবশিং চাউখৎহনবনি”

ঙসি প্রধান মন্ত্রীনা শ্রী নরেন্দ্র মোদীনা তেলঙ্গানাগী অদিলাবাদতা পাংথোকপা মীয়ামগী থৌরম অমদা, পৱার, রেল অমসুং লম্বীগী সেক্তরগা মরী লৈনবা লুপা করোর ৫৬,০০০ হেনবগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে।

 

|

তিনখিবা মীয়ামদা ৱা ঙাংবদা প্রধান মন্ত্রীনা হায়খি তেলঙ্গানা খক নত্তনা লৈবাক শীনবা থুংবগী চাউখৎ-থৌরাংগী প্রোজেকশিং অদিলাবাদতা উবা ফংলে। ঙসি লুপা করোর ৫৬,০০০ হেনবগী চাউখৎ-থৌরাংগী প্রোজেক ৩০ হেন্না মীয়ামদা কৎথোক্লে নত্ত্রগা উরেপ-উয়ুং তম্লে। হায়রিবা প্রোজেকশিংগী মনুংদা ইনর্জি, মহৌশাগী অকোয়বগী ফিবম অমসুং রাজ্য অসিগী লম্বী-থোংগা মরী লৈনবা প্রোজেকশিং য়াওরি।

প্রধান মন্ত্রীনা হায়খি কেন্দ্র সরকার অমসুং তেলঙ্গানা রাজ্য চহি ১০ মপুংফারে অমসুং তেলঙ্গানাগী মীয়ামগী চাউখৎপগী মঙলানশিং মঙফাউন্নবা হিরম খুদিংমক্তা কেন্দ্র সরকারনা মতেং পাংলি। ঙসি মেগাৱাত ৮০০গী এন.তি.পি.সি য়ুনিত-২ শঙ্গারে অমসুং মসিনা তেলঙ্গানাদা মখা তানা মৈ পুথোকপা হেনগৎহল্লগনি। অম্বারি-অদিলাবাদ-পিমপালখুতি রেল লাইনশিং মৈ ফংহনবগী থবক লোইশিল্লে অমসুং অদিলাবাদ,বেলা অমসুং মুলুগুদা অচৌবা নেসনেল হায়ৱে প্রোজেক অনি উরেপ-উয়ুং তম্লে। ঙসিগী রেল অমসুং লম্বীগী প্রোজেকশিং অসিনা তেলঙ্গানা অমসুং লমদম অসিগী চাউখৎপা য়াংখৎহল্লগনি লোয়ননা চৎথোক-চৎশিনগী মতম হন্থহল্লগনি, তুরিজম চাউখৎহল্লগনি অমসুং থবক ফংনবগী মশিং থিঙমদ্রবা খুদোংচাবশিং পীরগনি।

 

|

প্রধান মন্ত্রীনা হায়খি রাজ্যশিং চাউখৎহন্দুনা লৈবাক চাউখৎহন্নবগী লাইৱাদা ঐখোয়দা চঙশিল্লি। হেন্না ফবা ইকোনোমি অমদা, লৈবাক অমদা থাজবা হেনগৎলকই অমসুং মখোয়দা শেন থাদরকপা মতমদা রাজ্যশিং কান্নবা ফংলি। ভারতকী ইকোনোমি য়াংনা চাউখৎপগী মতাংদা মালেমগী ওইনা ঙাংনবা অমা লৈরে। অরোইবা ক্বাতরদা চাদা ৮.৪ গ্রোথ লৈবা অচৌবা ইকোনোমি ভারতনা ওইরে। মসিগী খোঙজেল অসিদা, ভারত মালেমদা খ্বাইদগী চাউবা অহুমশুবা ইকোনোমি ওইরগনি। মসিনা তেলঙ্গানাগী ইকোনোমিশু ৱাংনা চাউখৎকনি।

প্রধান মন্ত্রীনা হায়খি তেলঙ্গানাগুম্বা মফমশিংদা হান্না মীরাইদুনা থম্লমখি। হৌখিবা চহি ১০ অসিদা রাজ্য অসিগী চাউখৎ-থৌরাংগীদমক অহেনবা শেনফম থাদরে। ঐখোয়গী ওইনা চাউখৎপা হায়বসি লায়রবশিংগী মনুংদা খ্বাইদগী লায়রবশিং চাউখৎহনবা, দলিতশিং, ত্রাইবেলশিং,তোল্লবশিং অমসুং নৈহৎপীরবশিং চাউখৎহনবনি। মীওই করোর ২৫ হেন্না লায়রবা কোক্লে অমসুং মসি সরকারনা লায়রবশিংগী য়াইফ-থৌরাংগী স্কিমশিং পায়খৎপদগী ঙম্বনি। মথং চহি ৫দা অসিগুম্বা কেম্পেনশিং হেন্না কন্না পাংথোক্কনি।

 

|

থৌরম অদুদা শরুক য়াখিবশিংগী মনুংদা তেলঙ্গানাগী রাজ্যপাল দোক্তর তামিলিসাই সাউন্দরারাজন, তেলঙ্গানাগী চীফ মিনিস্তর শ্রী রেবন্থা রেদ্দি অমসুং য়ুনিয়ন মিনিস্তর শ্রী জি কিসন রেদ্দি য়াওখি।

নুঙগীৱারোল

প্রধান মন্ত্রীনা লৈবাক শীনবা থুংনা পৱার সেক্তরগা মরী লৈনবা তোঙান-তোঙানবা প্রোজেকশিং শঙ্গাখ্রে অমসুং মীয়ামদা কৎথোকখ্রে অমসুং উরেপ-উয়ুং তমখ্রে। প্রধান মন্ত্রীনা তেলঙ্গানাগী পেদদাপাল্লিদা তেলঙ্গানা সুপর থর্মেল পৱার প্রোজেক্কী এন.তি.পিসিগী মেগাৱাত ৮০০(য়ুনিত-২) মীয়ামদা কৎথোকখ্রে। উলত্রা-সুপরক্রিতিকেল তেক্নোলোজিদা য়ুম্ফম ওইবা প্রোজেক অসিনা তেলঙ্গানাদা মৈ চাদা ৮৫ পীগনি অমসুং ভারত্তা লৈরিবা এন.তি.পি.সিগী পৱার স্তেসন পুম্নমক্কী মরক্তা চাদা ৪২ গী মৈ পুথোক্তুনা মৈ খ্বাইদগী য়াম্না পুথোকপা ওইগনি। প্রধান মন্ত্রীনা প্রোজেক অসিগী উরেপ-উয়ুং তমখিবনি।

প্রধান মন্ত্রীনা ঝারখন্দগী চাত্রাদা নোর্থ কারনপুরা সুপর থর্মেল পৱার প্রোজেক্কী মেগাৱাত ৬৬০(য়ুনিত-২) মীয়ামদা কৎথোকখ্রে। মসি হান্নগী ৱাতর-কুল কন্দেন্সরশিংগা চাংদম্নবদা ঈশিং শীজিন্নবা শরুক ১/৩ হন্থবা অসিগুম্বা অচৌবা এয়র কুল কন্দেন্সর(এ সি সি) য়াওরবা লৈবাক অসিগী অহানবা সুপরক্রিতিকেল থর্মেল পৱার প্রোজেক্নি। প্রোজেক অসি থবক হৌদোকপা প্রধান মন্ত্রীনা লমথাখিবনি।

 

 

|

প্রধান মন্ত্রীনা ছতিসগর, বিলাসপুর, সিপাত্তা ফ্লাই এস লাইত ৱেত এগ্রিগেত প্লান্ত লৈবাক মীয়ামদা কৎথোকখ্রে অমসুং উত্তর প্রদেসকী নোইদাদা এস.তি.পি ৱাতরদগী গ্রিন হায়দ্রোজেন প্লান্ত মীয়ামদা কৎথোকখ্রে।

মখা তানা, প্রধান মন্ত্রীনা উত্তর প্রদেসকী সোনভাদ্রাদা সিংগ্রাউলি সুপর থর্মেল পৱার প্রোজেক, স্তেজ-৩(মেগাৱাত ২x৮০০); ছতিসগরগী রাইগর, লারাদা ফ্লু গ্যাস CO2 দগী 4G ইথানোল প্লান্ত; অন্ধ্র প্রদেসকী বিশাখাপত্নমগী সিমহাদ্রিদা সমুদ্রগী ঈশিংদগী গ্রিন হায়দ্রোজেন প্লান্ত অমসুং ছতিসগরগী কোর্বাদা ফ্লাই এস বেজ এফ.এ.এল.জি এগ্রিগেত প্লান্ত উরেপ-উয়ুং তমখ্রে।

প্রধান মন্ত্রীনা পৱার গ্রিদ কোওপরেসন ওফ ইন্দিয়াগী প্রোজেক তরেৎ শঙ্গাখ্রে অমসুং প্রোজেক অমা উরেপ-উয়ুং তমখ্রে। হায়রিবা প্রোজেকশিং অসিনা নেসনেল গ্রিদ মপাঙ্গল কনখৎহনবদা অচৌবা থৌদাং অমা লৌগনি।

প্রধান মন্ত্রীনা রাজস্থানগী জয়সালমরদা নেসনেল হায়দ্রোইলেক্ত্রিক পৱার কোর্পোরেসন(এন ঐচ পি সি)গী মেগাৱাত ৩৮০ সোলার প্রোজেক শঙ্গাখ্রে। প্রোজেক অসিদগী চহি খুদিংগী গ্রিন পৱার য়ুনিত মিল্লিয়ন ৭৯২ রোম পুথোক্কনি।

প্রধান মন্ত্রীনা উত্তর প্রদেসকী জালাউন্দা বুন্দেলখান্দ সাউর উর্জা লিমিতেদ(বিসুল)গী মেগাৱাত ১২০০ জালাউন অলত্রা মেগা রিনিউএবল ইনর্জি পৱার পার্ক শানবা উরেপ-উয়ুং তমখ্রে। পার্ক অসিনা চহি খুদিংগী মৈ য়ুনিত মিল্লিয়ন ২৪০০ রোম পুথোক্কনি।

 

|

প্রধান মন্ত্রীনা উত্তর প্রদেসকী কানপুর দেহাত অমসুং জালাউন্দা সাতলুজ জল বিদয়ুত নিগম(এস জে ভি এন)গী সোলর পৱার প্রোজেক অহুম শঙ্গাখ্রে। প্রোজেকশিং অসিনা পুন্না মৈ মেগাৱাত ২০০ পুথোক্কনি। প্রধান মন্ত্রীনা প্রোজেকশিং অসিগী উরেপ-উয়ুং তমখিবনি। প্রধান মন্ত্রীনা উত্তরখন্দগী উত্তরকাসিদা মরী লৈনবা ত্রান্সমিসন লাইনগা লোয়ননা নাইতৱার মোরি হায়দ্রো পৱার স্তেসন শঙ্গাখ্রে। প্রধান মন্ত্রীনা হিমাচল প্রদেসকী বিলাসপুর অমসুং অসামগী ধুব্রিদা সাতলুজ জল বিদয়ুত নিগম(এস জে ভি এন)গী সোলর পৱার প্রোজেক অনি উরেপ-উয়ুং তমখ্রে অমসুং হিমাচল প্রদেসতা মেগাৱাত ৩৮২ সুন্নি হায়দ্রো ইলেক্ত্রিক প্রোজেক উরেপ-উয়ুং তমখ্রে।

প্রধান মন্ত্রীনা উত্তর প্রদেসকী লালিতপুরদা তুসকোগী মেগাৱাত ৬০০ লালিতপুর সোলার পৱার প্রোজেক্কী উরেপ-উয়ুং তমখ্রে। প্রোজেক অসিনা চহি অমদা গ্রিন পৱার য়ুনিত মিল্লিয়ন ১২০০ পুথোক্নবা পান্দম থম্লি।

রিনিউএবল ইনর্জিদগী মেগাৱাত ২৫০০ লৌথোক্নবা রিনিউগী কোপ্পাল-নরেন্দ্র ত্রান্সমিসন স্কিম প্রধান মন্ত্রীনা শঙ্গাখ্রে। ইন্তর-স্তেৎ ত্রান্সমিসন স্কিম অসি কর্নাতকাগী কোপ্পাল জিলাদা লৈরি। দামোদার ভেল্লি কোর্পোরেসন অমসুং ইন্দিগ্রিদগা মরী লৈনবা অতোপ্পা পৱার সেক্তরগা মরী লৈনবা প্রোজেকশিংশু প্রধান মন্ত্রীনা শঙ্গাখ্রে।

পৱার সেক্তরগী মথক্তা, লম্বী অমসুং রেল সেক্তরগী প্রোজেকশিংশু প্রধান মন্ত্রীগী খোঙচৎ মনুংদা হৌদোকখ্রে। প্রধান মন্ত্রীনা নৌনা মৈ ফংহল্লবা অম্বারি-অদিলাবাদ-পিমপালখুতি রেল লাইন লৈবাক মীয়ামদা কৎথোকখ্রে। এন.ঐচ-৩৫৩বি অমসুং এন.ঐচ-১৬৩ ফাউদুনা তেলঙ্গানাগা মহারাস্ত্রাগা শম্নবা অমসুং তেলঙ্গানাগা ছতিসগরগা শম্নবা মরুওইবা নেসনেল হায়ৱে প্রোজেক অনি প্রধান মন্ত্রীনা উরেপ-উয়ুং তমখ্রে।

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • रीना चौरसिया October 07, 2024

    राम
  • ओम प्रकाश सैनी September 16, 2024

    rrr
  • ओम प्रकाश सैनी September 16, 2024

    rr
  • ओम प्रकाश सैनी September 16, 2024

    r
  • ओम प्रकाश सैनी September 16, 2024

    Ram
  • रीना चौरसिया September 14, 2024

    बीजेपी बीजेपी
  • krishangopal sharma Bjp May 29, 2024

    नमो नमो 🙏 जय भाजपा 🙏 जय हरियाणा 🙏 हरियाणा के यशस्वी जनप्रिय मुख्यमंत्री श्री नायब सैनी जिन्दाबाद 🚩
  • krishangopal sharma Bjp May 29, 2024

    नमो नमो 🙏 जय भाजपा 🙏 जय हरियाणा 🙏 हरियाणा के यशस्वी जनप्रिय मुख्यमंत्री श्री नायब सैनी जिन्दाबाद 🚩
  • krishangopal sharma Bjp May 29, 2024

    नमो नमो 🙏 जय भाजपा 🙏 जय हरियाणा 🙏 हरियाणा के यशस्वी जनप्रिय मुख्यमंत्री श्री नायब सैनी जिन्दाबाद 🚩
  • krishangopal sharma Bjp May 29, 2024

    नमो नमो 🙏 जय भाजपा 🙏 जय हरियाणा 🙏 हरियाणा के यशस्वी जनप्रिय मुख्यमंत्री श्री नायब सैनी जिन्दाबाद 🚩
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
PM Modi announces Mission Sudarshan Chakra to revolutionise national security by 2035

Media Coverage

PM Modi announces Mission Sudarshan Chakra to revolutionise national security by 2035
NM on the go

Nm on the go

Always be the first to hear from the PM. Get the App Now!
...
PM congratulates Thiru Rajinikanth Ji on completing 50 glorious years in the world of cinema
August 15, 2025

The Prime Minister Shri Narendra Modi today congratulated Thiru Rajinikanth Ji on completing 50 glorious years in the world of cinema.

In a post on X, he wrote:

“Congratulations to Thiru Rajinikanth Ji on completing 50 glorious years in the world of cinema. His journey has been iconic, with his diverse roles having left a lasting impact on the minds of people across generations. Wishing him continued success and good health in the times to come.

@rajinikanth”

“திரைப்பட உலகில் புகழ்மிக்க 50 ஆண்டுகளை நிறைவு செய்யும் திரு ரஜினிகாந்த் அவர்களுக்கு வாழ்த்துகள். அவரது பயணம் வரலாற்றுச் சிறப்பு மிக்கது, அவரது நடிப்பில் பலவகையான பாத்திரங்கள் தலைமுறைகள் கடந்து மக்கள் மனங்களில் நீடித்த தாக்கத்தை ஏற்படுத்தியுள்ளன. வரும் காலங்களில் அவரது தொடர்ச்சியான வெற்றிக்கும் நல்ல ஆரோக்கியத்திற்கும் வாழ்த்துகிறேன்.

@rajinikanth”