Quote“ভারত তেক্স ২০২৪ অসি তেক্সতাইল ইন্দস্ত্রিদা ভারতকী থোইদোক-হেন্দোকপা তৌবা ঙম্বশিং উৎথোক্নবা অফবা মফম অমনি”
Quote“ভারত তেক্সকী লংলানা ভারতকী হৌখ্রবা পুৱারিগা ঙসিগী লৌশিংগা শম্নহল্লে; তেক্নোলোজিগী লোয়ননা চৎনবীশিং অমসুং স্তাইল, স্তেনেবিলিতি, স্কেল অমসুং স্কিল লংলা অমনা অমতা ওইনা পুনশিল্লে”
Quote“ঐখোয়না ত্রেদিসন, তেক্নোলোজি, তেলেন্ত অমসুং ত্রেনিংদা মীৎয়েং চঙলে”
Quote“চাউখৎলবা ভারত অমা শেমগৎপদা তেক্সতাইল সেক্তরগী থৌদাং মখা তানা হেনগৎহন্নবা ঐখোয় খর হেন্না পাক-চাউনা থবক তৌরে”
Quote“তেক্সতাইলশিং অমসুং নুপীশিংনা ভারতকী নুপীশিং শক্তি পীরে”
Quote“ঙসিগী তেক্নোলোজি অমসুং অনৌবা থবকশিং তোপ-তোপ্পা অমসুং অশেংবা মশক্কা লোয়ননা পুন্না হিংমিন্নবা য়াগনি”
Quote“ভারত মশাগী মশক তাকপগী মাইকৈদা কাসতুরি লশিংনা অচৌবা খোঙথাং অমা থাংজিল্লগনি”
Quote“পি.এম-মিত্রা পার্কশিংদা, অনৌবা ইনফ্রাস্ত্রকচরশিংগা লোয়ননা প্লগ অমসুং প্লেগী খুদোংচাবশিং মফম অমদা পুন্না ফংবা ভেলু চেন ইকোসিস্তেম অমা শেমগৎনবা সরকারনা থবক পায়খৎলে”
Quote“ঙসি লৈবাক অসিদা ‘ভোকেল ফোর লোকেল অমসুং লোকেল তু গ্লোবেল’গী মীয়ামগী খোঙজং অমা চৎথরি”

ঙসি নিউ দিল্লিগী ভারত মন্দপামদা, প্রধান মন্ত্রী শ্রী নরেন্দ্র মোদীনা লৈবাক অসিদা পাংথোকপা খ্বাইদগী চাউবা মালেমগী তেক্সতাইলগী থৌরম অমা ওইরিবা ভারত তেক্স ২০২৪ হৌদোকখ্রে। থৌরম অদুদা প্রধান মন্ত্রীনা একজিবিসন অমা য়েংখি।  

 

|

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ভারতকী খ্বাইদগী চাউবা একজিবিসন সেন্তর অনি হায়বদি ভারত মন্দপাম অমসুং যাসো ভুমিদা পাংথোকপা মরম্না ঙসিগী থৌরম অসি অখন্নবনি। থৌরম অসিদা থৌশিল শেম্বশিং অমসুং মালেমগী সি.ই.ওশিং, একজিবিতর ৩,৫০০ হেনবা, লৈবাক ১০০ হেনবগী বয়র ৩০০০ হেনবা অমসুং বিজিনেস ভিজিতর ৪০,০০০ হেনবা, তেক্সতাইলগী মহৈরোয়শিং, ফিশাবীশিং, খুৎহৈবশিং অমসুং তেক্সতাইলগী শিন্মীশিং শরুক য়ারি অমসুং ভারত তেক্স ২০২৪না মখোয়গী মফম অমা পীরে।

প্রধান মন্ত্রীনা হায়খি ভারত তেক্সকী লংলানা ভারতকী হৌখ্রবা পুৱারিগা ঙসিগী লৌশিংগা শম্নহল্লে; তেক্নোলোজিগী লোয়ননা চৎনবীশিং অমসুং স্তাইল, স্তেনেবিলিতি, স্কেল অমসুং স্কিল লংলা অমনা অমতা ওইনা পুনশিল্লে। মসিদা ভারত শীনবা থুংবগী তেক্সতাইলগী চৎনবীশিং শরুক য়াদুনা এক ভারত শ্রেস্থা ভারতকী অচৌবা খুদম অমা ওইরে।

প্রধান মন্ত্রীনা হায়খি অখঙ-অহৈশিংনা ভারতকী তেক্সতাইল সেক্তরগী খুদোংচাদবশিং অমসুং অপাম্বশিং খঙলে। ফিশাবা মীওইশিং অমসুং মখোয়গী লৌশিং অসি ভেলু চেনগী য়াম্না মরুওই। খুদোংচাদবশিং অসি কোকহন্নবা হোৎনগদবনি। ভারতকী তেক্সতাইল সেক্তর অসি লায়রবা, নহারোল, লৌমীশিং অমসুং নুপীশিংগা শম্ননরি। মরম অদুনা ভারত তেক্স ২০২৪গুম্বা থৌরমগী মরুওইবা হেনগৎলক্লি।

প্রধান মন্ত্রীনা হায়খি চাউখৎলবা ভারত অমা শেমগৎপদা তেক্সতাইল সেক্তরগী থৌদাং মখা তানা হেনগৎহন্নবা ঐখোয় খর হেন্না পাক-চাউনা থবক তৌরে। ঐখোয়না ত্রেদিসন, তেক্নোলোজি, তেলেন্ত অমসুং ত্রেনিংদা মীৎয়েং চঙলে। অরিবা দিজাইনশিং হৌজিক্কী মালেম অসিদা পাম্নহন্নবা নৌথোকহল্লে। ফাইব এফ হায়বদি-ফার্ম, ফোরেন, ফাইবর, ফেব্রিক, ফেসন অমসুং তেক্সতাইলগী ভেলু চেনশিং অসিনা অপুনবা ভেলু চেন অমা শেমগনি। দাইরেক্ত সেলস, একজিবিসনশিং অমসুং ওনলাইন পোর্তেলশিংনা খুৎহৈবশিং অমসুং কৈথেলগী মরক্তা লৈনবা অরাপ্পা হন্থহল্লে।

 

|

প্রধান মন্ত্রীনা হায়খি তোঙান-তোঙানবা রাজ্যশিংদা পি.এম-মিত্রা পার্ক ৭ শেমগৎনবা থৌরাং লৈরে। পি.এম-মিত্রা পার্কশিংদা, অনৌবা ইনফ্রাস্ত্রকচরশিংগা লোয়ননা প্লগ অমসুং প্লেগী খুদোংচাবশিং মফম অমদা পুন্না ফংবা ভেলু চেন ইকোসিস্তেম অমা শেমগৎনবা সরকারনা থবক পায়খৎলে। মসিনা পাক-চাউবা হেনগৎহনবতা নত্তনা পুথোক-পুশিনগী চাদিংশু হন্থহনগনি।

 

তেক্সতাইল সেক্তরদা নুপীশিং অমসুং খুঙ্গংগী মীয়াম শরুক য়াবা অমসুং থবক ফংবগী খুদোংচাবগী মতাংদা প্রধান মন্ত্রীনা হায়খি এপ্পারেল শাবা মীওই ১০গী মনুংদা ৭ তি নুপীশিংনি অমসুং হেন্দলুমদা থবক শুবা মশিংনা হেন্না য়াম্লি। খাদি অসি চাউখৎনবা অমসুং থবক পীনবা অকনবা পাম্বৈ অমা ওইনা হৌখিবা চহি ১০ অসি থবক কয়া পায়খৎলে। হৌখিবা চহি ১০দা পায়খৎখিবা স্কিমশিং অমসুং ইনফ্রাস্ত্রকচর ফগৎহনবা অসিনা তেক্সতাইল সেক্তরদা কান্নবা পীরে।

 

|

প্রধান মন্ত্রীনা হায়খি সরকারনা লশিং থাবা লৌমীশিং শৌগৎলি অমসুং মখোয়দগী লশিং লৈরি। সরকারনা হৌদোকখিবা কাসতুরি লিশিংনা মালেমদা ভারতকী ব্রান্দশিং মশক তাকপদা অচৌবা থৌদাং অমা লৌরে। লিমোন অমসং সিল্ক সেক্তর চাউখৎনবা সরকারনা থবক কয়া পায়খৎলে। তেক্নিকেল তেক্সতাইলগুম্বা অনৌবা সেক্তরশিং লৈরে আমসুং নেসনেল তেক্সাতাইল মিসন পায়খৎতুনা সেক্তর অসি হেন্না চাউখৎহন্নবা হোৎনরি।

প্রধান মন্ত্রীনা হায়খি ঙসিগী তেক্নোলোজি অমসুং অনৌবা থবকশিং তোপ-তোপ্পা অমসুং অশেংবা মশক্কা লোয়ননা পুন্না হিংমিন্নবা য়াগনি। হায়রিবা অনিমক অসি পুন্না লৈমিন্নবা য়াবা লৈবাক অমনি ভারত। ভারতকী খুৎহৈবশিংনা পুথোকপা পোৎথোকশিংদা মতম চুপ্পদা অঙকপা শক্তম অমা য়াওরি। য়ুনিক ফেসন পাম্নবা হেনগৎলকপগা লোয়ননা অসিগুম্বা হৈথোই-শিংথোইবা পাম্নবা হেনগৎলক্লি।

প্রধান মন্ত্রীনা হায়খি লৈবাক অসিদা নেসনেল ইন্সতিতুৎ ওফ ফেসন তেক্নোলোজি মশিং ১৯ য়ৌরে। লমদম অমগী ফিশাবাশিং অমসুং খুৎহৈবশিং নিফগা পুন্না থবক তৌমিন্নরি অমসুং অনৌবা তেক্নোলোজিগী মরমদা অখন্নবা ত্রেনিং কয়া পাংথোক্লে। সামার্থ স্কিমগী মখাদা মীওই লাখ ২.৫ হেন্না স্কিল লৈহন্নবা ত্রেনিং পীখ্রে। স্কিম অসিদা নুপীশিংনা হেন্না মশিং য়াম্না শরুক য়ারি অমসুং চাউরাক্না মীওই লাখ ১.৭৫ রোম ইন্দস্ত্রি অসিদা প্লেসমেন্ত ফংখ্রে।

 

|

প্রধান মন্ত্রীনা হায়খি ঙসি লৈবাক অসিদা ‘ভোকেল ফোর লোকেল অমসুং লোকেল তু গ্লোবেল’গী মীয়ামগী খোঙজং অমা চৎথরি। অপীকপা খুৎহৈবশিংগীদমক সরকারনা একজিবিসনশিং অমসুং মোলশিং শেমগৎলে। অফবা, মরা চেৎপা অমসুং তুংগী উবা সরকার অমা লৈবদগী ভারতকী তেক্সতাইলশিংগী কৈথেল লুপা করোর লাখ ১২ হেল্লে, মসি ২০১৪গী মমাঙদা লুপা লাখ করোর ৭ গী মখাদা লৈরম্বনি। লং, ফি অমসুং ফিরোল পুথোকপা চাদা ২৫ হেনগৎলে। সেক্তর অসিদা ক্বালিতি কন্ত্রোল তৌনবা অনৌবা বি.এস.আই স্তেন্দার্দ ৩৮০ লৈরে। মসিনা হৌখিবা চহি ১০দা সেক্তর অসিদা এফ.দি.আই শরুক অনি হেনগৎলে।

প্রধান মন্ত্রীনা হায়খি ভারতকী তেক্সতাইল সেক্তরদা থাজবা য়াম্না ৱাংনা থম্লি। কোবিদ লাইচৎ মনুংদা পি.পি.ই কিতশিং অমসুং মাক্স শাবদা ইন্দস্ত্রি অসিনা মরুওইবা থৌদাং অমা লৌখি। তেক্সতাইল সেক্তরগী সপ্লাই চেন ফজনা মথৌ পাংথোকহন্দুনা মালেম শীনবা থুংনা  পি.পি.ই কিতশিং অমসুং মাক্স ফংহনখি। তুংদা ভারত মালেমগী এক্সপোর্তকী মফম অমা ওইরকপা য়ারে।

প্রধান মন্ত্রীনা হায়খি অদোমগী দরকার ওইবা খুদিংমক পীনবা সরকার লৈরি। সেক্তর অসিদা মরী লৈনবা খুদিংমক মতেং পাংনদুনা উদোগ অসি মখা তানা চাউখৎনবা হোৎনগদবনি। চীঞ্জাক, হকশেল, পুন্সি মহিং য়াওনা পুন্সিগী থবক খুদিংমক ‘তঙাইফদবশিংদা অমুক হঞ্জিল্লকপা’ হায়বা থবক অসি মালেমগী মীয়াম্না খন্না খন্নরে। তেক্সতাইলশিংগী ওইনা ফিরোল পুথোকপদা কেমিকেল য়াওদবা লং শীজিন্নবা পাম্নবা হেনগৎলক্লে।

 

|

প্রধান মন্ত্রীনা হায়খি তেক্সতাইল উদোগনা ভারতকী কৈথেল খক্তা য়েংবগী ৱাখল থাদোক্কদবনি অমসুং মপান্দা থাদোক্নবা মীৎয়েং চঙগদবনি। অফ্রিকাগী কৈথেলশিংদা পাম্নবশিং নত্ত্রগা জিবসি কাংলুপনা পাম্লিবশিং খঙগদবনি। ভেলু চেন অসিদা কেমিকেল সেগমেন্তশিং য়াওহনবা দরকার ওইরে অমসুং মহৌশাগী ওইনা কেমিকেলশিং পুথোকপা ঙম্বশিং থিদোকপা দরকার ওইরে।

প্রধান মন্ত্রীনা হায়খি খাদিগী হান্নগী মমি অদু থুগাইদুনা নহারোলশিংগী মরক্তা ফেসনগী মমি অমা তাহন্নবা মহাক্না হোৎনরি। তেক্সতাইলশিংগী অনৌবা হিরমশিংদা হেন্না থিজিনবা দরকার ওইরে। তেক্সতাইল সেক্তরনা তেক্সতাইল ইকুইপমেন্ত শাবগী মতাংদা রিছার্স তৌগদবনি অমসুং অনৌবা ৱাখলশিং পুথোক্কদবনি। মেদিকেলগী লমদা শীজিন্নরিবা তেক্সতাইলশিংগী লমদা অনৌবা হিরমশিং খঙদোক্নবা হোৎনগদবনি। মরী লৈনবশিংনা মালেমগী ফেসনগী চৎনবীশিং তুং ইন্নবগী মহুত্তা মাঙজিল থানবা হোৎনগদবনি।

 

|

লোইশিল্লকপদা, প্রধান মন্ত্রীনা হায়খি মীয়ামগী অনিংবশিং থুংহন্নবা অমসুং কেতালিস্ত অমা ওইনা থবক তৌনবা সরকার শেম-শাদুনা লৈরি অমসুং মালেমগী দরকার ওইবশিং অমসুং মখোয়গী কৈথেলশিংদা মখল কয়াগী পোৎথোকশিং ফংহন্নবা ইন্দস্ত্রিনা মাঙলোমদা চঙশিনগদবনি।

থৌরম অদুদা শরুক য়াখিবশিংগী মনুংদা কম্মর্স অমসুং ইন্দস্ত্রি অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়াল অমসুং তেক্সতাইলগী রাজ্য মন্ত্রী শ্রীমতি দরসনা জরদোস য়াওখি।

নুঙগীৱারোল

ভারত তেক্স ২০২৪ ফেব্রুৱারি ২৬-২৯ ফাওবা পাংথোক্কনি। প্রধান মন্ত্রীগী ফাইব এফ ভিজন্দগী ইথিল ফংদুনা, ভারত তেক্স ২০২৪ অসি ফার্ম, ফোরেন, ফাইবর, ফেব্রিক, ফেসন অমসুং তেক্সতাইলগী ভেলু চেনশিং কোনশিনবা অপুনবা থৌরম অমনি। মসিদা তেক্সতাইল সেক্তরদা ভারতকী থৌনা উৎকনি অমসুং মালেমগী তেক্সতাইলগী পৱারহাওস অমা ওইনা ভারতকী ফিবম অমুক হন্না চেৎশিনহনগনি।

তেক্সতাইল এক্সপোর্ত প্রোমোসন কাউন্সিলগী অপুনবা কাংবু অমনা শীনবা অমসুং সরকারনা শৌগৎলিবা প্রধান মন্ত্রীগী ফাইব এফ ভিজন্দগী ইথিল ফংদুনা, ভারত তেক্স ২০২৪ অসি ললোন-ইতিক অমসুং শেন থাদবগী য়ুম্বী অনিদা শেমগৎপনি। নুমিৎ মরিনিগী থৌরম অসিদা নোলেজ সেসন ৬৫ দা মালেমগী পেনেলিস্ত ১০০ হেনবনা সেক্তর অসিগা মরী লৈনবা তোঙান-তোঙানবা হিরমশিং খন্নগনি। মসিদা ইন্দি হত  অমা হাংদোক্তুনা ভারতনা তেক্সতাইল হেরিতেচগী থিমশিংগী ফেসনশিং, মালেমগী দিজাইনশিং অমসুং ফেব্রিক তেস্তিং জোনশিং অমসুং পোৎথোক উৎফমশিং লৈগনি।

ভারত তেক্স ২০২৪ তা থৌশিল শেম্বশিং অমসুং মালেমগী সি.ই.ওশিং, একজিবিতর ৩,৫০০ হেনবা, লৈবাক ১০০ হেনবগী বয়র ৩০০০ হেনবা অমসুং বিজিনেস ভিজিতর ৪০,০০০ হেনবা, তেক্সতাইলগী মহৈরোয়শিং, ফিশাবীশিং, খুৎহৈবশিং অমসুং তেক্সতাইলগী শিন্মীশিং শরুক য়ারবা য়াই। থৌরম মনুংদা লাউথোকপা ৫০ অমসুং এম.ও.য়ুশিং খুৎয়েক পীনরবা য়াই। মসি প্রধান মন্ত্রীগী অত্মানির্ভর ভারত অমসুং বিকসিত ভারতকী পান্দম ফংনবা মাইকৈদা থাংজিনবা অতোপ্পা মরুওইবা খোঙথাং অমা ওইগনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Pradhuman Singh Tomar April 30, 2024

    BJP
  • Pradhuman Singh Tomar April 30, 2024

    BJP 1.7K
  • Shabbir meman April 10, 2024

    🙏🙏
  • Shabbir meman April 10, 2024

    🙏🙏
  • Sunil Kumar Sharma April 09, 2024

    जय भाजपा 🚩 जय भारत
  • DR. SUSHIL KUMAR VISHWAKARMA March 25, 2024

    जय मोदी जी ,नरेंद्र मोदी जिंदाबाद
  • Harish Awasthi March 16, 2024

    मोदी है तो मुमकिन है
  • Arvind Raghuvanshi March 15, 2024

    Ram Ram
  • Dhajendra Khari March 15, 2024

    #PMSVANidhi स्वनिधि योजना की वजह से रेहड़ी-फुटपाथ-ठेले पर काम करने वालों की कमाई बढ़ गई है।
  • Dhajendra Khari March 13, 2024

    Today, I launched the PM-SURAJ national portal through which the disadvantaged section of society can directly receive financial assistance : PM Modi
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Rs 1,555 crore central aid for 5 states hit by calamities in 2024 gets government nod

Media Coverage

Rs 1,555 crore central aid for 5 states hit by calamities in 2024 gets government nod
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 ফেব্রুৱারি, 2025
February 19, 2025

Appreciation for PM Modi's Efforts in Strengthening Economic Ties with Qatar and Beyond