জম্মু-কাস্মির, তেলঙ্গানা অমসুং ওরিসাদা রেল ইনফ্রাস্ত্রকচর প্রোজেকশিং হৌদোকপা অসিনা তুরিজম চাউখৎহনগনি অমসুং হায়রিবা লমদমশিং অসিগী শেন-থুমগী ফিবম চাউখৎপা হেনগৎহনগনি: প্রধান মন্ত্রী
ঙসি, লৈবাক অসি বিকসিত ভারতকী পান্দম ফংনবা থবক পায়খৎলে অমসুং মসিগীদমক, ভারতকী রেলৱেজশিং চাউখৎহনবা য়াম্না মরুওই: প্রধান মন্ত্রীপেরামিতর মরিদা ভারত্ত রেলৱেশিং চাউখৎপা খুমাঙচাউশিন্নবা ঐখোয়না থবক পায়খৎলে। অহানবদা, রেলৱে ইনফ্রাস্ত্রকচরশিং মতমগা চুন্না শেমগৎপা, অনিশুবদা, রেলৱে পেসেঞ্জরশিংগী অনৌবা খুদোংচাবশিং, অহুমশুবদা লৈবাক্কী কাচিন-কোয়া শীনবা থুংনা রেল য়ৌহনবা অমসুং মরিশুবদা, থবক ফংনবা, উদ্যোগশিং শৌগৎনবা রেলৱে শীজিন্নবা: প্রধান মন্ত্রীঙসি, ভারতকী রেলৱে লাইনশিং চাদা ১০০ ইলেক্ত্রিক ফংহনগদবা খজিক্ত ঙাইরে, রেলৱেশিং য়ৌহন্নবা ঐখোয়না লেপ্তনা থবক পায়খৎলি: প্রধান মন্ত্রীপ্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা তোঙান-তোঙানবা রেলৱে প্রোজেকশিং শঙ্গাখ্রে অমসুং উরেপ-উয়ুং তমখ্রে। প্রধান মন্ত্রী শ্রী নরেন্দ্র মোদীনা অনৌবা জম্মু রেলৱে দিবিজন শঙ্গাখ্রে। মহাক্না ইস্ত কোস্ত রেলৱেগী রায়াগাদা রেলৱে দিবিজন বিল্দিংগী উরেপ-উয়ুংশু তমখি অমসুং তেলঙ্গানাদা চারলাপাল্লি নিউ তর্মিনেল স্তেসন শঙ্গাখি।
শ্রী গুরু গোবিন্দ সিংহজি জয়েন্তি থৌরমদা মহাক্কী য়াইফ-পাউজেল পীরদুনা, প্রধান মন্ত্রী শ্রী নরেন্দ্র মোদীনা হায়খি মহাক্কী পাউতাকশিং অমসুং পুন্সিনা মপাঙ্গল কনবা অমসুং নুংঙাই-য়াইফবা লৈবাক অমগী ইথিল পীরে। লম্বী-থোংগী লমদা ভারত য়াম্না য়াংনা চাউখৎলক্লি। ২০২৫ হেক হৌরকপদগী, ভারতনা লৈবাক অসিগী কিমি ১০০ হেনবগী মেত্রো রেল নেতৱার্ক শাঙদোকহল্লে। ঙরাং দিল্লি মেত্রো প্রোজেকশিং হৌদোকখিবগা লোয়ননা দিল্লি-এন.সি.আরদা নমো ভারত ত্রেন হৌদোকখ্রে। লৈবাক অসিগী অৱাং, নোংপোক অমসুং খা লমদমশিংগী অনৌবা চৎথোক-চৎশিনগী অচৌবা খোঙথাং অমা ওইনা জম্মু অমসুং কাস্মির, ওরিসা অমসুং তেলঙ্গানাদা প্রোজেকশিং হৌদোক্তুনা, ঙসিগী থৌরম অসি লৈবাক শীনবা থুংনা মথং মথং পুন্না চাউখৎমিন্নবগী খুদম অমনি। সবকা সাথ, সবকা বিকাসগী লাইৱা অসিনা বিকসিত ভারত অমগী পান্দম থবক ওইনা পাংথোকপদা মতেং পাংলি। চাউখৎ-থৌরাংগী থবকশিং অসিগীদমক রাজ্যশিং অসিগী মীয়াম অমসুং ভারতকী মীয়ামদা হরাওবা ফোঙদোকচরি।
প্রধান মন্ত্রী শ্রী নরেন্দ্র মোদীনা হায়খি দেদিকেতেদ ফ্রেদ কোরিদোরগুম্বা অনৌবা রেল নেতৱাকশিং লৈবাক অসিদা য়াংনা শেমগৎলি। অখন্নবা নেতৱার্কশিং অসিনা হান্নগী ত্রেকশিং প্রেসর পীবা হন্থহনগনি অমসুং য়াম্না য়াংনা চেনবা ত্রেনশিংগীদমক অহেনবা খুদোংচাবশিংশু পীগনি। মেদ ইন ইন্দিয়া পুক্নিং থৌগৎপগা লোয়ঘননা রেলৱেশিংদা অওনবা অমা পুরক্লি। স্তেসনশিং অমুক হন্না শেমগৎলে, স্তেসনশিংদা সোলার পেনেলশিং থম্লে অমসুং রেলৱে স্তেসনশিংদা ‘ৱান স্তেসন, ৱান প্রদক’ স্তোলশিং লিংখৎলে। হায়রিবা থবকশিং অসিনা রেলৱে সেক্তরদা অনৌবা থবক মিল্লিয়ন কয়া ফংহল্লে। হৌখিবা চহি ১০দা নহারোল মিল্লিয়ন কয়া রেলৱেশিংদা সরকারগী থবকশিং ফংলে। অনৌবা ত্রেন কোচশিং পুথোক্নবা ফেক্তরিশিংনা রো মেতরিএলশিং দরকার ওইবদগী অতোপ্পা হিরমশিংদশু থবক হেন্না ফংনবা খুদোংচাবশিং পীরে।
প্রধান মন্ত্রী শ্রী নরেন্দ্র মোদীনা হায়খি রেলৱেজগী অখন্নবা স্কিলশিংগী য়েংদুনা লৈবাক অসিগী অহানবা গাতি-শক্তি য়ুনিভর্সিতি লিংখৎলে। রেলৱে নেতৱার্কশিং শাংদোক্লে, অনৌবা দিবিজনশিং অমসুং হেদক্বাতরশিং লিংখৎলে, জম্মু, কাস্মির, হিমাচল প্রদেস, পঞ্জাব অমসুং লেহ-লাদাখগুম্বা মফমশিং কান্নবা ফংলে। রেলৱে ইনফ্রাস্ত্রকচরদা জম্মু অমসুং কাস্মির অনৌবা মাইপাকপশিং লৈরে, উধাম্পুর-শ্রীনগর-বারমুল্লা রেল লাইন ঙসি লৈবাক শীনবা থুংনা ৱারিনরে। মালেমদা খ্বাইদগী ৱাংবা রেলৱে আর্ক ব্রিজ লোইশিল্লকপদা, লেহ-লাদাখকী মীয়াম লৈবাক অসিগী অতৈ মফমশিংগা শম্নবদা মরুওইবা থৌদাং অমা লৌগনি। লৈবাক অসিগী অহানবা কেবলগী রেলৱে ব্রিজ অঞ্জি খাদ ব্রিজ অসিশু প্রোজেক অসিগী শরুক অমনি। চেনাব থোং অমসুং অঞ্জি খাদ থোং অসি ইঞ্জিনিয়ারিংগী লাম্বা লৈতবা থবকশিংনি অমসুং মসিনা লমদম অসিদা শেন-থুমগী ফিবম চাউখৎপা অমসুং নুংঙাই-য়াইফবা হেনগৎহনগনি।
প্রধান মন্ত্রী শ্রী নরেন্দ্র মোদীনা হায়খি ওরিসাদা মহৌশাগী লনশিং, শাংলবা সমুদ্র মপান অমা লৈরি অমসুং মালেমগী ললোন-ইতিক পাংথোক্নবগী খুদোংচাবা য়াম্না লৈরি। ললোন-ইতিক অমসুং উদ্যোগ চাউখৎহন্নবা গাতি শক্তি কার্গো তর্মিনেল ৭ লিংখৎপগা লোয়ননা রাজ্য অসিদা লুপা করোর ৭০,০০০ হেনবগী তোঙান-তোঙানবা রেলৱে প্রোজেকশিং পায়খৎলি। ঙসি ওরিসাদা রায়াগাদা রেলৱে দিবিজনগী উরেপ-উয়ুং তমখিবা আসিনা রাজ্য অসিগী রেলৱে ইনফ্রাস্ত্রকচর মপাঙ্গল কনখৎহন্দুনা ত্রাইবেল ইমুংশিং মশিং য়াম্না খুন্দারিবা খা ওরিসাদা তুরিজম, ললোন-ইতিক অমসুং থবক ফংবা হেন্না ফগৎহনগনি।
ঙসি চারলাপাল্লি নিউ তর্মিনেল স্তেসন শঙ্গারদুনা, প্রধান মন্ত্রী শ্রী নরেন্দ্র মোদীনা হায়খি স্তেসন অসিনা আউতর রিং রোদগা শম্নদুনা লমদম অসি চাউখৎপা য়াংখৎহনগনি। স্তেসন অসিদা অনৌবা খুদোংচাবশিং হায়বদি প্লেতফোর্মশিং, লিফশিং, ইসকালেতরশিং, সোলার পৱারগী থবকশিং লৈরে। মসি তুংকোইনা চৎনবা য়াবা ইনফ্রাস্ত্রকচরগী শেমগৎনবা থাংজিনবা খোঙথাং অমনি। নৌবা তর্মিনেল অসিনা সিকন্দরবাদ, হায়দ্রবাদ অমসুং কাচিগুরাদা হৌজিক লৈরিবা স্তেসনশিংদা মী চিনবা হন্থহন্দুনা মীয়ামদা হেন্না খুদোংচাহনগনি।
প্রধান মন্ত্রী শ্রী নরেন্দ্র মোদীনা হায়খি অসিগুম্বা প্রোজেকশিংনা মীয়াম হিংবদা লাইবা হেনগৎহনবতা নত্তনা ললোন-ইতিক পাংথোকপদা লাইবা হেনগৎহনগনি, ভারতকী ইনফ্রাস্ত্রকচরশিংগী পান্দমশিং ফংহনবা ঙমগনি। হৌজিক ভারত্ত এক্সপ্রেসৱেশিং, ঈশিং লম্বীশিং অমসুং মেত্রো নেতৱার্কশিং য়াওনা ইনফ্রাস্ত্রকচর পাকথোক-চাউথোকপগী থবক চৎথরি। ২০১৪ দা এয়রপোর্ত ৭৫ লৈরম্বদগী হৌজিক এয়রপোর্ত ১৫০ য়ৌরে অমসুং সহর ৫ দা মেত্রোগী থবকশিং লৈরম্বদগী হৌজিক লৈবাক অসিগী সহর ২১ দা মেত্রো লৈরে। হায়রিবা প্রোজেকশিং অসি বিকসিত ভারত অমগী অচৌবা লম্বী অমনি অমসুং মসি হৌজিক লৈবাক অসিগী মীওই খুদিংমক্কী মিসন অমা অমা ওইরে।
ভারতনা চাউখৎলকপদা থাজবা ফোঙদোক্লদুনা, প্রধান মন্ত্রী শ্রী নরেন্দ্র মোদীনা হায়খি ঐনা থাজৈ মদুদি, অপুনবা ওইনা, ঐখোয়না মসিগী চাউখৎপা অসি মখা চৎথহনগনি। খুমাংচাউশিনবশিং অসিগীদমক মহাক ভারতকী মীয়াম থাগৎপা ফোঙদোকখি অমসুং লৈবাক শেমগৎনবা সরকারনা পায়খৎলিবা থবকশিং অমুক হন্না নিংশিংখি।
থৌরম অদুদা শরুক য়াখিবা শক্নাইরবা মীওইশিংগী মনুংদা রেলৱে, ইনফোর্মেসন অমসুং ব্রোদকাস্তিং, ইলেক্ত্রোনিক্স অমসুং ইনফোর্মেসন তেক্নোলোজিগী য়ুনিয়ন মিনিস্তর শ্রী অশ্বিনি বৈষ্ণব, য়ুনিয়ন মিনিস্তর শ্রী জি কিসন রেদ্দি, সাইন্স অমসুং তেক্নোলোজি, আর্থ সাইন্সেসগী রাজ্য মন্ত্রী অমসুং পি.এম.ওগী রাজ্য মন্ত্রী দোক্তর জিতেন্দ্র সিংহ, য়ুনিয়ন মিনিস্তর শ্রী ভি সোমান্না, রাজ্য মন্ত্রী শ্রী রভনিত সিংহ বিত্তু, য়ুনিয়ন মিনিস্তর বন্দি সঞ্জয় কুমার, ওরিসাগী রাজ্যপাল শ্রী হরি বাবু কামভামপতি, তেলঙ্গানাগী রাজ্যপাল শ্রী জিসনু দেব ভর্মা, জম্মু অমসুং কাস্মিরগী লেপ্তনেন্ত গভর্নর শ্রী মনোজ সিনহা, জম্মু অমসুং কাস্মিরগী চীফ মিনিস্তর শ্রী ওমর অবদুল্লাহ, তেলাঙ্গানাগী চীফ মিনিস্তর শ্রী এ রেভান্থ রেদ্দি অমসুং ওরিসাগী চীফ মিনিস্তর শ্রী মোহন চরন মাঝি য়াওখি।
নুঙগীৱারোল
লমদম অসিদা চৎথোক-চৎশিনগী খুদোংচাবা হেনগৎহন্নবা মরুওইবা খোঙথাংদা, প্রধান মন্ত্রীনা অনৌবা জম্মু রেলৱে দিভিজন শঙ্গাখ্রে। তেলঙ্গনাগী চর্লাপল্লী ন্যু তর্মিনেল স্তেসনসু মহাক্না শঙ্গাখি অমসুং ইস্ত কোস্ত রেলৱেগী রায়াগাদা রেলৱে দিভিজন বিল্দিংগী উরেপ উয়ুংসু তমখি।
পাথানকোৎ -জম্মু -উধামপুর - শ্রীনগর-বারামুল্লা, ভোগপুর সিরৱাল – পাথানকোৎ, বতালা – পাথানকোৎ অমসুং পাথানকোৎতগী জোগিন্দর নগর ফাওবগী সেক্সনশিং য়াওবা কিমি ৭৪২.১ শাংবা জম্মু রেলৱে দিভিজন শেমগৎপা অসিনা জম্মু অমসুং কাশ্মির অমসুং অকোয়বগী লমদমশিংদা চাউনা কান্নবা ফংহন্দুনা মসিনা মতম কয়াদগী পন্দুনা লৈরক্লবা মীয়ামগী অপাম্বা অদু মপুং ফাহল্লগনি অমসুং ভারতকী অতোপ্পা শরুকশিংগা চৎথোক-চৎশিনগী খুদোংচাবা ফগৎহনগনি। মসিনা থবক ফংহনবগী খুদোংচাবশিং, ইনফ্রাস্ত্রকচর চাউখৎহনবা, তুরিজম চাউখৎহনবা অমসুং লমদম অসিগী অপুনবা শেন-থুমগী ফিবম ফগৎহনবদা মতেং পাংগনি।
তেলঙ্গনাগী মেদচল-মালকাজগিরি দিস্ত্রিক্তকী চর্লাপল্লী ন্যু তর্মিনেল স্তেসন অসি চাউরাক্না লুপা করোর ৪১৩ গী শেনফমগা লোয়ননা অনিশুবা এন্ত্রীগী প্রোভিজনগা লোয়ননা কোচিং তর্মিনেল অমা ওইনা শেমগৎখ্রে। মসিগী মহৌশাগী অকোয়বগী ফিবম কায়হন্দবা তর্মিনেল অসিনা পেসেঞ্জরশিংগীদমক অফবা খুদোংচাবশিং লৈহল্লগনি, মসিনা সিকন্দরাবাদ, হায়দ্রাবাদ অমসুং কচেগুদাগুম্বা সহর অসিগী হৌজিক লৈরিবা কোচিং তর্মিনেলশিংদা লৈরিবা ত্রেনগী কঞ্জেসন হন্থহল্লগনি।
প্রধান মন্ত্রীনা ইস্ত কোস্ত রেলৱেগী রায়াগাদা রেলৱে দিভিজন বিল্দিংগী উরেপ উয়ুংসু তমখি। মসিনা ওরিশা, অন্ধ্র প্রদেশ অমসুং মনাক নকপদা লৈবা মফমশিংদা চৎথোক-চৎশিনগী খুদোংচাবা ফগৎহল্লগনি অমসুং লমদম অসিগী অপুনবা শেন-থুমগী ফিবম ফগৎহনবদা মতেং ওইরগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज देश विकसित भारत की संकल्प सिद्धि में जुटा है और इसके लिए भारतीय रेलवे का विकास बहुत महत्वपूर्ण है: PM @narendramodi
— PMO India (@PMOIndia) January 6, 2025
भारत में रेलवे के विकास को हम चार पैरामीटर्स पर आगे बढ़ा रहे हैं।
— PMO India (@PMOIndia) January 6, 2025
पहला- रेलवे के इंफ्रास्ट्रक्चर का modernization
दूसरा- रेलवे के यात्रियों को आधुनिक सुविधाएं
तीसरा- रेलवे की देश के कोने-कोने में कनेक्टिविटी
चौथा- रेलवे से रोजगार का निर्माण, उद्योगों को सपोर्ट: PM
आज भारत, रेल लाइनों के शत प्रतिशत electrification के करीब है।
— PMO India (@PMOIndia) January 6, 2025
हमने रेलवे की reach को भी लगातार expand किया है: PM @narendramodi
