Quoteদেদিকেতেদ ফ্রৈত কোরিদোরগী পন্দিৎ দীনদয়াল উপধ্যায় জংসন – সোননজর রেলৱে লাইন শঙ্গাখ্রে
Quoteএন.ঐচ.-৫৬কী বরানসী-জোনপুর শরুক লেন মরিদা পাকথোকহনববু মীয়ামদা কত্থোকখ্রে বরানসীদা প্রোজেক্তশিং কয়া শঙ্গাখ্রে
Quoteমনিকর্নিকা অমদি হরিসচন্দ্র ঘাৎ তৌনা শেমগৎপগী থবক্কী উরেপ উয়ুং তমখ্রে
Quoteসিপেত কেম্পস কর্সরাদা মহৈরোয়শিংগী হোস্তেলগী উরেপ উয়ুং তমখ্রে
Quoteবেনিফিসরীশিংদা পি.এম. স্বানিথীগী লোন, পি.এম.এ.ৱাই. খুঙ্গংগী য়ুমশিংগী শো অমদি অয়ুস্মান কার্দশিং য়েন্থোকখ্রে
Quote“ঙসিগী প্রোজেক্তশিং অসি কাসীগী অরিবা থৱায়বু মাঙহন্দনা থম্লগা অনৌবা হকচাঙ অমা পীননবা ঐখোয়না লেপখিবা ফিরেপ পাকথোক চাউথোকহল্লকপনি”
Quote“লৈঙাক্না বেনিফিসরীশিংগা দাইলোগ অমদি ইন্তরেক্সনগী অনৌবা চৎনবী অমা হৌদোক্লে, হায়বদি ‘দাইরেক্ত বেনিফিৎকা লোয়ননা দাইরেক্ত ফীদবেক’ ফংলে”
Quote“বেনিফিসরী কাঙবুনা খুন্নাইগী অচুম্বা ৱায়েল অমদি সেকুলরিজমগী খ্বায়দগী চুম্বা খুদম অমা ওইরক্লি”
Quote“পি.এম. অৱাস অমদি অয়ুস্মান্নচিংবা স্কীমশিংনা মীরোল কয়াদা শহুম পী”
Quote“লায়রবশিংনা মশানা মশাবু ইকায়খুম্নজবা হায়বসি মোদীগী ৱাশক্নি”
Quote“গরীব কল্য়ান নৎত্রগা ইনফ্রাস্ত্রকচর ওইরবসু, ঙসি বজেৎকী অৱ
Quoteশ্রী মোদীনা পি.এম. স্বানিধীগী লোন, পি.এম.এ.ৱাই খুঙ্গংগী য়ুমশিংগী সো অমদি অয়ুস্মান ভারত কার্দশিং য়েন্থোকপসু হৌদোকখি‍। থৌরম মফমদা য়ৌরকপা মতমদা, প্রধান মন্ত্রীনা মনিকর্নিকা অমদি হরিসচন্দ্র ঘাতকী মোদেলশিংসু য়েংখি‍।

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী বরানসীদা লুপা করোর ১২,০০০ হেনবগী চাওখৎ থৌরাংগী প্রোজেক্ত কয়া শঙ্গাখ্রে অমদি উরেপ উয়ুং তমখ্রে‍। প্রোজেক্তশিং অসিদা দেদিকেতেদ ফ্রৈত কোরিদোরগী পন্দিত দীনদয়াল উপধ্যায় জংসন – সোন নগর রেলৱে লাইন, ইলেক্ত্রিফিকেসন নৎত্রগা দব্লিংগী থবক লোইরবা রেলৱে লাইন অহুম, এন.ঐচ.-৫৬কী বরানসী-জোনপুর শরুক লেন মরিদা পাকথোকপগী থবক, অমদি বরানসীদা পায়খৎপা প্রোজেক্ত কয়া মীয়ামদা কত্থোকপা য়াওরি‍। প্রধান মন্ত্রীনা পি.দব্লিউ.দি. লম্বী ১৫ শেম্বা অমদি শেমজিনবা, খুঙ্গংগী থক্নবা ঈশিংগী স্কীম ১৯২, লাইনিংগা মরী লৈনবা ইরু লুফম খাত তরুক্তা অতাওবা ফি হোংফম জেত্তী শেম্বা য়াওনা মনিকর্নিকা অমদি হরিসচন্ত্র ঘাত নৌনা দিজাইন তৌদুনা নৌনা শেমগৎপা, অমদি সিপেত কেম্পস করসরাদা মহৈরোয়শিংগী হোস্তেল শাবা য়াওনা রেলৱে প্রোজেক্ত কয়াগী উরুপ উয়ুংসু তমখি‍।

 

|

শ্রী মোদীনা পি.এম. স্বানিধীগী লোন, পি.এম.এ.ৱাই খুঙ্গংগী য়ুমশিংগী সো অমদি অয়ুস্মান ভারত কার্দশিং য়েন্থোকপসু হৌদোকখি‍। থৌরম মফমদা য়ৌরকপা মতমদা, প্রধান মন্ত্রীনা মনিকর্নিকা অমদি হরিসচন্দ্র ঘাতকী মোদেলশিংসু য়েংখি‍।

তিল্লিবা মীয়ামদা ৱা ঙাঙলদুনা, প্রধান মন্ত্রীনা শেংলবা স্রবনগী থা হৌরকপা, প্রভু বিস্বানাথ, অমদি ইমা গঙ্গাগী থৌজাল  ফংলবা, অমদি বরানসীগী মীয়ামলক্তা তিল্লবদা পুন্সি অসি থৌজালগী মশক ওইরকই হায়খি‍। প্রধান মন্ত্রীনা সিভ নীংজবা মীওই লিশিং কয়ানা বরানসীদা ঈশিং কৎনবা লাক্লি হায়রদুনা ময়োল্লম অসিনা লাই খুরুম্বা মীশিং রেকোর্দ ওইনা উবা ফংলগনি হায়বসি শেংলে হায়খি‍। “বরানসীদা লাক্লিবা খুদিংমক মতম পুম্বদা হরাও নুংঙাইবগী ইথিলগা লোয়ননা হন্নখি”, হায়না প্রধান মন্ত্রীনা লমদমদুগী মীয়ামগী মীওক মীচানবু শিংথারদুনা হায়খি‍। মহাক্না কাসীগী মীয়ামবু  জি২০ দেলিগেৎশিংবু তরাম তরাম ওকখিবা অমদি লাই খুরুম্ফমশিং তরু তনান্না অমদি মশক মচু থোক্না থমখিবগীদমক থাগৎখি‍।

উরেপ উয়ুং তম্লিবা লুপা করোর ১২০০০ হেনবগী প্রোজেক্তশিংগী মতাঙদা পল্লদুনা, “পুম্নমক অসি কাসীগী অরিবা থৱায়বু য়োক্তুনা থম্লগা অনৌবা হকচাঙ অমা পীননবগী ঐখোয়গী খোঙফম পাকথোক চাউথোকহল্লকপগী থৌওংনি”, হায়না প্রধান মন্ত্রীনা হায়খি‍। মহাক্না প্রোজেক্তশিং অসিগীদমক মীয়ামগী মফমদা নুংঙাইবা ফোঙদোকখি‍।

মমাঙদা তোঙান তোঙানবা স্কীমশিংগী বেনিফিসরীশিংগা উনখ্রবা প্রধান মন্ত্রীনা, মমাঙদদি স্কীমশিং অসি গ্রাসরুত্তা য়ৌরমদে হায়খি‍। হৌজিক পাল্লিবা লৈঙাকসিনা বেনিফিসরীশিংগা ৱারী শানবা অমদি তাথোক তাশিন তৌবগী চৎনবী অমা হৌদোকখি, হায়বসি মসিনা ‘দাইরেক্ত বেনিফিৎকা লোয়ননা দাইরেক্ত ফীদবেক’সু ফংহল্লে হায়না মহাক্না হায়খি‍। মসিনা মরম ওইরগা দিপার্তমেন্ত অমসুং ওফিসরশিংনা হেন্না ফবা মওংদা মথৌ তৌহল্লে হায়না মহাক্না মখা তাখি‍। “নীংতম্লবা মতুং চহি কয়া লৈরগা, মীয়ামগী লৈঙাক্কী তশেং তশেংবা কান্নবা ফংফম থোকপা মীওইশিংদা তশেংবা ৱাখল্লোন্দা য়ৌরে”, হায়না প্রধান মন্ত্রীনা মখা তাখি‍।

লৈঙাক অসিনা স্কীম খুদিংমক্কী কান্নবা খুন্নাইগী মমৈদা লৈরিবা মীওই অদু ফাওবা য়ৌনা ফংহন্নবা থৌরাং পায়খৎপগা লোয়ননা বেনিফিসরী ক্লাসনা ঙসিদি খুন্নাইগী অচুম্বা ৱায়েল অমদি সেকুলরিজমগী তশেং তশেংবা মওংগী খুদম ওইরে হায়বা ৱাফম প্রধান মন্ত্রীনা থমখি‍। চঙশিল্লিবা লম্বী অসিনা কম্মিসন চাবা মীওইশিং, ব্রোকরশিং অমদি স্কাম্সতরশিংবু লৌথোকখিদুনা শেঞ্জা থুমজা অমদি খেন্ননা য়েংবগী ফীভম লৈহনদ্রে হায়না প্রধান মন্ত্রীনা হায়খি‍।

 

|

হৌখিবা চহি ৯ অসিদা লৈঙাক অসিনা ইমুং অমগুম্না অমদি মীরোল অমগুম্না থবক তৌখিবতা নত্তনা তুংগী মীরোলগী পুন্সি মহিং ফগৎহন্নবগীদমক্তসু থবক পায়খৎখি হায়না প্রধান মন্ত্রীনা হায়খি‍। ইমুং করোর ৪ হেনবদা পক্কাগী য়ুম ফংহনখ্রবা পি.এম.এ.ৱাই.বু খুদম ওইনা পীরদুনা, ঙসি উত্তর প্রদেশকী বেনিফিসরীশিংদা পক্কাগী য়ুম লাখ ৪ খুৎশিন্নরি হায়না মহাক্না হায়খি‍। “হায়রিবা য়ুমশিং অসিনা শাফনা লৈনবগী ইথিল অমা পোকহল্লি অমদি য়ুম্বুশিংনা মশানা মশাবু থাজজবগী চাং হেনগৎহল্লি”, হায়রদুনা প্রধান মন্ত্রীনা য়ুম্বু অয়াম্বদি মখোয়গী মমিংদা লমগী মপু অহানবা ওইনা পানবা ফংজরবা নুপীশিংনি হায়খি‍। অসিগুম্বা নুপীশিং অসিদা হায়রিবা পক্কাগী য়ুমশিং অসিনা শেলথুমগী সিক্যুরিতীগী পাম্বৈ অমা পীরি হায়না মহাক্না ফোঙদোকখি‍।

লৈঙাক্কী স্কীমশিংগী ইম্পেক্কী মতাঙদা মখা তারদুনা, প্রধান মন্ত্রীনা অয়ুস্মান ভারত স্কীম অসি লুপা লাখ ৫ ফাওবগী লেম্না লায়েংবখক্তদা লোইদে, লায়েংবদা চঙলিবা শেনফমসিনা মীরোল কয়াবু ফীভম চাদবা অমদি শেন্দোন্না খ্বাঙ কোয়রবা পুন্সি অমদা লংশিনবা ঙম্বনা মসিনা মীরোল কয়াদসু কান্নবা পীরি হায়খি‍। “অয়ুস্মান য়োজনা অসিনা লায়রবা মীওইশিংবু লাইবক্কী তমথিরবা শহুমদগী ঙাকথোক্লি‍। মরম অসিননি ঐনা কার্দ অসিবু মিসন মোদতা লায়রবা মীপুম খুদিংদা ফংহন্নবা হোৎনরিবা‍। ঙসিগী থৌরমসিদা মীওই করোর অমা লাখ হুম্ফমদা অয়ুস্মান ভারত কার্দ য়েন্থোকপা হৌদোক্লি”, হায়না মহাক্না হায়খি‍।

“লৈবাক অমগী রিসোর্সশিংদা খ্বায়দগী চাউনা ক্লেম তৌরিবা অসি লায়রবা অমদি চাকথুং ফিথুংদ্রবশিং অসিনি”, হায়না ফোঙদোক্লদুনা, প্রধান মন্ত্রীনা জন ধন একাউন্ত করোর ৫০, অমদি মুদ্রা স্কীমগী মখাদা কোলেতরেল য়াওদনা লোন পীবনচিংবা ফাইনেন্সিএল ইনক্লুজনগী খোঙথাঙশিং পনখি‍। মসিনা লায়রবা, দলিত, চাকথুং ফিথুংদ্রবা, শোত্থহৌরবা, ত্রাইবেল, মীশিং য়ামদবা ফুরুপ অমদি নুপী ওন্ত্রপ্রিন্যুরশিংদা কান্নবা পীরি‍।

প্রধান মন্ত্রীনা পি.এম. স্বানিথীগী মতাঙদা ফোঙদোক্লদুনা, স্ত্রীত ভেন্দর অয়াম্বা শোত্থহৌরবা ফুরূপশিংদগী ওইরবসু, লৈঙাক অসিনা মমাঙদা মখোয়গী ইসুশিংগী পাম্বৈ পুথোকপিখিদে অমদি মখোয়বু ওৎপি নৈবিদুনা থম্লম্ম‍ি হায়খি‍। হৌজিক ফাওবদা মীওই লাখ ৩৫ হেনবনা পি.এম. স্বানিধীনা কান্নবা পীখ্রে, অমদি ঙসি বরানসীগী বেনিফিসরী লাখ ১.২৫ হেনবদা লোনশিং থাদোক্লি হায়না প্রধান মন্ত্রীনা পাউদমখি‍। “লায়রবশিং মশানা মশাবু ইকায়খুম্নজহনবা হায়বসি মোদীগী ৱাশক্নি”, হায়না প্রধান মন্ত্রীনা ফোঙদোকখি‍।

 

|

প্রধান মন্ত্রীনা মমাঙগী লৈঙাকশিংগী পুকচেল শেংদবা অমদি ফন্দ মরাঙ কায়দবগী মতাঙদা ৱাফম কয়া থমখি‍। “ঙসিদি, গরীব কল্য়ান নৎত্রগা ইনফ্রাস্ত্রকচর ওইরবসু, বজেৎকী অৱাৎপা অমত্তা লৈত্রে‍। খাজনা থিবসু চপ মান্নৈ, সিস্তেমসু চপ মান্নৈ, লৈঙাকখক্তনি হোংলিবা‍। অনিংবা অপাম্বা হোংলবদি মহৈসু হোংলকই”, হায়না মহাক্না হায়খি‍। মমাঙগী স্কাম অমদি ব্লেক মার্কেতিংগী পাউশিং ঙসিদি অনৌবা প্রোজেক্তশিং মীয়ামদা কত্থোকপা অমদি উরেপ উয়ুং তম্বগী পাউনা মহুৎ শিনখ্রে‍। পোৎচৈ পুবা ত্রেনশিংগী অখন্নবা ত্রেক অমগী প্রোজেক্ত অমা ওইরিবা ইস্তর্ন দেদিকেতেদ ফ্রৈত কোরিদোরবু মহাক্না হায়রিবা অহোংবসিগী খুদম অমা ওইনা পীখি‍। প্রোজেক্ত অসি ২০০৬তা শেম্বা হৌখিবনি, অদুবু ২০১৪ ফাওবদা কিলোমিতর অমা শাংবা ত্রেক অমফাওবা উবা ফংলমদে হায়না মহাক্না পাউদমখি‍। হৌখিবা চহি ৯ অসিদা প্রোজেক্ত অসিগী অয়াম্বা শরুক লোইশিনখ্রে অমদি হায়রিবা মফমশিং অদুদা পোৎচৈ পুবা ত্রেনশিং চেনবা হৌরে‍। “ঙসিমকসু, দীন দয়াল উপধ্যায় জংসন্দগী অনৌবা সোননগর সেক্সন শঙ্গারে‍। মসিনা পোৎচৈ পুবা ত্রেনগী খোঙজেল হেনগৎহনবতা নত্তনা পুর্বাঞ্চল অমদি ইস্তর্ন ইন্দিয়াদা থবক্কী অনৌবা খুদোংচাবশিং শেমগৎলগনি”, হায়না মহাক্না মখা তাখি‍।

লৈবাকসিনা খোঙজেল য়াঙবা ত্রেনশিং পাম্লিবা অসিগী মতাঙদা পল্লদুনা, প্রধান মন্ত্রীনা লৈবাকসিদা রাজধানী এক্সপ্রেস অহানবা ওইনা চহি ৫০গী মমাঙদা চেনবা হৌখ্রবসু, মসিনা ঙসি রুত ১৬ খক্তদা চেনবা ঙম্লি‍ হায়খি‍। হৌজিক রুত ১৯ খক্তদা চেল্লিবা চহি ৩০-৩৫গী মমাঙদা হৌদোকখিবা শতাব্দী এক্সপ্রেসপুসু মহাক্না খুদম ওইনা পীখি‍। প্রধান মন্ত্রীনা বন্দে ভারত এক্সপ্রেসকীম তাঙদা পল্লদুনা, তেনখ্রবা চহি ৪গী মতমসিদা ত্রেন অসিনা রুত ২৫দা চেল্লি হায়খি‍। “বনারসনা লৈবাকসিগী ইহান হানবা বন্দে ভারত ফংখিবনি”, হায়না প্রধান মন্ত্রীনা মখা তাখি‍। ঙসি গোরখপুরদগী অনৌবা বন্দে ভারত এক্সপ্রেস ত্রেন অনি গোরখপুর – লখনৌ অমদি জোধপুর – অহমদবাদ রুতশিংদা লমথাখ্রে হায়না মহাক্না পাউদমখি‍। “হায়রিবা বন্দে ভারত অসি লৈবাকসিগী মিদ্দল ক্লাসশিংগী মরক্তা সুপরহিত ওইরে অমদি মসিগী দিমান্দ অসুম অসুম হেনগৎলক্লি”, হায়না শ্রী মোদীনা হায়খি‍। বন্দে ভারতনা লৈবাকসিগী কাচিন কোয়া থুংনা শম্নহনগদবা নুমিৎ অদু কুইররোই হায়না মহাক্না থাজবা ফোঙদোকখি‍।

হৌখিবা চহি ৯ অসিদা কাসীদা কন্নেক্তিবিতীগী ফীভম ফগৎহন্নবগীদমক মমাঙদা খন্নরুদবা চাংদা পায়খৎখিবা থবকশিংগী মতাঙদা মচা খায়না পাউদম্লদুনা, হায়রিবশিং অসিনা থবক পীননবগী অচৌবা খুদোংচাবা কয়াসু শেমখ্রে হায়না প্রধান মন্ত্রীনা ফোঙদোকখি‍। কাসীদা লম কোয়বা অমদি লাই খুরুম্বা মীওই করোর ৭ লাকখি হায়রদুনা মসি চহি অমগী মনুংদা শরুক ১২ হেনগৎলকপনি অমদি মসিনা রিক্সো চিংলিবা, দুকান ফম্লিবা, ধাবা অমদি হোতেলদা থবক তৌরিবা, বনারসী সারীগী ইন্দস্ত্রীদা থবক তৌরিবা মীওইশিংগী হেন্না ফবা শেন্থোক লম্বী শেমগৎলি হায়না মহাক্না হায়খি‍। হিহোনবা মীওইশিংসু মসিদগী চাউনা কান্নরি হায়না মহাক্না হায়রদুনা নুমিদাংৱাইরমগী মতমদা গঙ্গা আর্তি মনুংদা হোন্দোরক্লিবা হিগী মশিংদা অঙকপা ফোঙদোকখি‍। “ময়াম্না মতৌ অসুম্না বনারসপু শেন্নদুনা থম্বিয়ু”, হায়না মহাক্না হায়খি‍।

মহাক্কী ৱারোল লোইশিল্লকপদা, প্রধান মন্ত্রীনা মীয়াম পুম্নমকপু ঙসিগী প্রোজেক্তশিংগীদমক নুংঙাইবা ফোঙদোকখি অমদি বরানসীগী চাওখৎ খোঙচৎ বাবাগী থৌজালগা লোয়ননা মখা চত্থখিগনি হায়বগী থাজবা ফোঙদোকখি‍।

উত্তর প্রদেশগী গভর্নর, মিস অনন্দিবেন পতেল, উত্তর প্রদেশকী মুখ্য মন্ত্রী, শ্রী য়োগী অদিত্যনাথ, উত্তর প্রদেশকী উপ মুখ্য মন্ত্রী, শ্রী কেসব প্রসাদ মৌর্য় অমদি শ্রী ব্রজেস পাথক, হেভী ইন্দস্ত্রীগী কেন্দ্র মন্ত্রী, শ্রী মহেন্দ্র নাথ পান্দে, হকশেল অমদি য়াইফ-য়ুম্বালগী কেন্দ্রগী রাজ্য মন্ত্রী, প্রোফেসর এস.পি. সিংহ বঘেল, অমদি উত্তর প্রদেশ লৈঙাক্কী মন্ত্রী অমসুং অতৈ মীওইশিংসু থৌরমদুদা শরুক য়াখি‍।

বেকগ্রাউন্দ

প্রধান মন্ত্রীনা দেদিকেতেদ ফ্রৈত কোরিদোরগী পন্দীৎ দীনদয়াল উপধ্যায় জংসন – সোন নগর রেলৱে লাইন মীয়ামদা কত্থোকখি‍। লুপা কর,র ৬৭৬০ চঙনা শেমগৎখিবা অনৌবা লাইন অসিনা পোৎচৈশিং হেন্না থুনা অমদি মতিং লৈনা পুথোক পুশিন তৌবদা মতেঙ ওইরগনি‍। লুপা করোর ৯৯০ হেন্না চঙনা ইলেক্ত্রিফিকেসন অমদি দব্লিংগী থবক পায়খৎখ্রবা রেলৱে লাইন অহুমসু মহাক্না লৈবাক্কী মফমদা কত্থোকখি‍। হায়রিবশিং অদুদি ঘাজিপুর সিতী – উনরিহর রেল লাইন, উনরিহর – জোনপুর রেল লাইন অমদি ভত্নি – উনরিহর রেল লাইন হায়বরিবশিং অসিনি‍। প্রোজেক্তশিং অসিনা উত্তর প্রদেশগী রেলৱে লাইনশিং চাদা ১০০ ইলেক্ত্রিফিকেসন তৌবগী পান্দম ফংহনবদা মতেঙ পাংখি‍।

প্রধান মন্ত্রীনা, বরানসীদগী লখনৌ ফাওবা চৎপদা লায়থোকহল্লিবা অমদি থুনা য়ৌহল্লিবা, লুপা করোর ২৭৫০ হেন্না চঙনা শেমখিবা এন.ঐচ. ৫৬কী বরানসী – জোনপুর সেক্সন লেন মরিদা পাকথোকহনবগী থবকসু লৈবাক্কী মফমদা কত্থোকখি‍।

প্রধান মন্ত্রীনা বরানসীদা শঙ্গাগদবা প্রোজেক্তশিংগী মনুংদা, পি.দব্লিউ.দি. লম্বী ১৮ শেমগৎপা অমদি শেমজিনবা; বি.ঐচ.য়ু. কেম্পস্তা ইন্তরনেস্নেল গর্ল্স হোস্তে শাবা; সেন্ত্রেল ইন্সতিত্যুৎ ওফ পেত্রোকেমিকেল্স ইঞ্জিয়রিং এন্দ তেক্নোলোজী (সিপেত) – ভোকেস্নেল সেন্তর এৎ ভিলেজ করসরা; পুলিস স্তেসন সিন্ধৌরা, পি.এ.সি. ভুল্লনপুর, ফাইয়র স্তেসন পিন্দ্রা অমদি গভর্নমেন্ত রেসিদেন্সিএল স্কুল তর্সাদাদা রেসিদেন্সিএল বিল্দিং অমসুং এমেনিতীশিং শাবা; ইকনমিক ওফেন্সেস রীছর্চ ওর্গনাইজেসন বিল্দিং; মোহন কত্রাদগী কোনিয়া ঘাত ফাওবগী সিৱর লাইন অমসুং রাম্না খুলদা মোদর্নর সেপ্তেজ মেনেজমেন্ত সিস্তেম; দবল-সাইদেদ বেকলিৎ এল.ই.দি. য়ুনিপোল ৩০; এন.দি.দি.বি. মিল্ক প্লান্ত রামনগরদা শন্থীগী বাইওগ্যাস প্লান্ত অমা; অমদি গঙ্গা তুরেলদা লাই খুরুম্বা লাকপশিংনা ঈরুপ্পদা মতেঙ ওইননা দশাস্বমেধ ঘাত্তা তোপ তোপ্পা অতাওবা ফি হোংফম জেত্তী অমা য়াওরি‍।

প্রধান মন্ত্রীনা উরেপ উয়ুং তমখিবা প্রোজেক্তশিংগী মনুংদা চৌখন্দী, করিপুর অমদি হরদতপুর রেলৱে স্তেসন মনাক্তা লেন অনিগী রেল ওবর ব্রিদ্জ (আর.ও.বি.) ৩ শাবা; ব্যাসনগর – পন্দীত দীনদয়াল উপধ্যায় জংসন রেল ফ্লাইওভর শাবা; অমদি পি.দব্লিউ.দি. লম্বী ১৫ শেমবা অমদি শেমজিনবা য়াওরি‍। হায়রিবা প্রোজেক্তশিং অসি পুন্না লুপা কর,র ৭৮০রোম চঙনা শেমগৎকদবনি‍।

প্রধান মন্ত্রীনা জল জীবন মিসনগী মখাদা লুপা করোর ৫৫০ চঙনা শাগদবা খুঙ্গংগী থক্নবা ঈশিংগী স্কীম ১৯২গী উরেপ উয়ুংসু তমগনি‍। মসিনা খুঙ্গং ১৯২দা লৈরিবা মীওই লাখ ৭তা অরুবা থক্নবা ঈশিং ফংহনগনি‍।

প্রধান মন্ত্রীনা মনিকর্নিকা অমসুং হরিসচন্দ্র ঘাত নৌনা দিজাইন তৌদুনা শেমগৎপগী উরেপ উয়ুংসু তম্লমখি‍। ঘাত অসি নৌনা শেমগৎকদৌরিবা অসিদা পব্লিক কনভিনিএন্স, ৱেতিং এরিয়া, উ থম্ফম, ফত্ত হৌদি লংথোকফম অমদি ইকো-ফ্রেন্দলী ওইবা পোৎলোয়ফমশিং য়াওগনি‍।

উরেপ উয়ুং তমখিবা অতোপ্পা প্রোজেক্তশিংদা দশাস্বমেধ ঘাত্তা অতাওবা ফি হোংফম জেত্তী শেমগৎপগুম্না বরানসীগী গঙ্গা তুরেলগী লাইনিংগী মরুওইবা ঈরুপফম তরুক্তা অতাওবা ফি হোংফম জেত্তীশিং, অমদি সিপেত কেম্পস করসরাদা মহৈরোয়শিংগী হোস্তেল য়াওরি‍।

থৌরম অদুদা, প্রধান মন্ত্রীনা উত্তর প্রদেশকী বেনিফিসরীশিংদা পি.এম. স্বানিধীগী লোন, পি.এম.এ.ৱাইগী খুঙ্গংগী য়ুমশিংগী সো অমসুং অয়ুস্মান ভারত কার্দশিংসু য়েন্থোকখি‍। মসিনা পি.এম.এ.ৱাই. বেনিফিসরী লাখ ৫গী য়ুম শঙ্গাবা, ইলিজিবল বেনিফিসরীশিংদা পি.এম. স্বানিধী লোন লাখ ১.২৫ য়েন্থোকপা অমসুং অয়ুস্মান কার্দ করোর ২.৮৮ য়েন্থোকপা হৌদোক্কনি‍।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Keshavv Kumar April 19, 2024

    🇮🇳🇮🇳🙏keshav kumar🙏🌹🌹🌺🌷🇮🇳🇮🇳
  • Dipanjoy shil December 27, 2023

    bharat Mata ki Jay🇮🇳
  • Santhoshpriyan E October 01, 2023

    Jai hind
  • vedram August 16, 2023

    great Modi ji Jay Ho Baba Kashi Vishwanath ki Jay
  • गुलाब चंद्र त्रिपाठी July 12, 2023

    हर हर मोदी। घर घर मोदी।
  • sandip krushnaarao wagh July 11, 2023

    🙏Shree Ram 🙏
  • Ravi Shankar July 10, 2023

    नमो नमो
  • Liancha Suantak July 09, 2023

    Jai Shree Ram Modiji very excellent jaihin.
  • Jayakumar G July 09, 2023

    🌺ஸ்ரீ ராம்🙏 ஜெய் ராம்🙏 ஜெய ஜெய ராம்🙏
  • Bhairav Sibun sahu July 08, 2023

    Modi sir aap bhrostachar party ko kada jabab dijiye
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
PMI data: India's manufacturing growth hits 10-month high in April

Media Coverage

PMI data: India's manufacturing growth hits 10-month high in April
NM on the go

Nm on the go

Always be the first to hear from the PM. Get the App Now!
...
Jammu & Kashmir Chief Minister meets Prime Minister
May 03, 2025

The Chief Minister of Jammu & Kashmir, Shri Omar Abdullah met the Prime Minister, Shri Narendra Modi in New Delhi today.

The Prime Minister’s Office handle posted on X:

“CM of Jammu and Kashmir, Shri @OmarAbdullah, met PM @narendramodi.”