Quoteকোম্মেমোরেতিব স্তাম্প ফোঙখ্রে
Quote“বেঙ্গলুরুগী অতিয়ানা অনৌবা ভারতকী তৌবা ঙম্বশিংগী খুদম ওইরি। মসি অনৌবা ভারতকী তশেংবা অনৌবা পনখৈ অদুনি”
Quote“কর্নাতকাগী নহারোলনা লৈবাকপু শক্তি কনখৎহন্নবগীদমক ঙাকশেলগী লমদা মখোয়গী তেক্নোলোজীগী হৈশিংবা অদু শীজিন্নগদবনি”
Quote“লৈবাক্না অনৌবা ৱাখল্লোন, অনৌবা এপ্রোচকা লোয়ননা মাংদা চংশিল্লবা মতমদা মাগী সিস্তেমশিংসু অনৌবা ৱাখল্লোনগী মতুং ইন্না হোংবা হৌরকই”
Quote“ঙসি এরো ইন্দিয়া অসি শুপ্নগী শো অমা খক্তা ওইদ্রে, মসিনা দিফেন্স ইন্দস্ত্রীগী স্কোপ উৎপা খক্তা নত্তনা ভারতকী মশাদা মশানা থাজবা থম্লিবা অদুসু উৎলি”
Quote“২১শুবা চহিচাগী অনৌবা ভারতনা খুদোংচাবা অমত্তা মাংহল্লোই অমদি খোঙথাং লৌখৎপদা অৱাৎপা লৈরোই”
Quote“ভারতনা খ্বাইদগী চাউবা দিফেন্স মেন্যুফেকচরিং লৈবাকশিংগী মনুংদা চন্নবা খোঙজেল য়াংনা খোঙথাংশিং লৌখৎকনি অমসুং মসিদা ঐখোয়গী প্রাইবেৎ সেক্তর অমদি ইনভেস্তরশিংনা অচৌবা থৌদাং লৌগনি”
Quote“ঙসিগী ভারতনা থুনা ৱাখল খল্লি, মীৎয়েং শান্না ৱাখল খল্লি অমসুং থুনা ৱারেপশিং লৌবা ঙম্মি”
Quote“এরো ইন্দিয়াগী অচৌবা খোঞ্জেলনা ভারতকী রিফোর্ম, পর্ফোর্ম অমসং ত্রান্সফোর্মগী পাউজেলনা খোন্থাংনা নীলহল্লি”

প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুগী য়েলহঙ্কাগী এয়র ফোর্স স্তেসন্দা এরো ইন্দিয়া ২০২৩গী ১৪শুবা ইদিসন হৌদোকখ্রে। এরো ইন্দিয়া ২০২৩গী থিম অসি “দি রনৱে তু এ বিলিয়ন ওপুরচুনিতীজ”না ওইরি অমসুং মসিদা মীরমগী ১০০ অমসুং ভারতকী কম্পনী ৭০০ য়াওনা দিফেন্স কম্পনী ৮০০গা লোয়ননা লৈবাক ৮০ হেনবদগী শরুক য়াবা উবা ফংগনি। প্রধান মন্ত্রীগী ‘মেক ইন ইন্দিয়া, মেক ফো দি ৱর্ল্দ’গী মঙলানগী মখাদা থৌরম অসিনা ইন্দিজিনস ইক্বিপমেন্ত/তেক্নোলোজীশিং উৎপা অমসুং মীরমগী কম্পনীশিংগা পার্তনরশিপশিং তৌবদা মীৎয়েং থম্বগনি।

|

থৌরম অসিদা ৱা ঙাংলদুনা প্রধান মন্ত্রীনা হায়খি বেঙ্গলুরুগী অতিয়ানা অনৌবা ভারতকী তৌবা ঙম্বশিংগী খুদম ওইরি। প্রধান মন্ত্রীনা হায়, “মসি অনৌবা ভারতকী তশেংবা অনৌবা পনখৈ অদুনি, ঙসি ভারতনা অনৌবা পনখৈশিং য়ৌবা ঙম্লি অমসুং মখোয়দগী হেনগৎপসু ঙম্লি”।

প্রধান মন্ত্রীনা হায়খি এরো ইন্দিয়া ২০২৩ অসি ভারতকী হেনগৎলক্লিবা তৌবা ঙম্বশিংগী তোমথিন ঙাল্লিবা খুদম অমনি অমসুং থৌরম অসিদা লৈবাক ১০০ হেনবনা শরুক য়াবা অসিনা ভারত্তা মালেম পুম্বনা থাজবা থম্লিবা অসি উৎলি। মহাক্না হায় মালেমগী মশক নাইবা কম্পনীশিংগা লোয়ননা ভারতকী এম.এস.এম.ই.শিং অমসুং স্তার্তঅপশিং য়াওনা একজিবিতর ৭০০ হেনবনা শরুক য়ারি। এরো ইন্দিয়া ২০২৩গী থিম “দি রনৱে তু এ বিলিয়ন ওপুরচুনিতীজ”গী মতাংদা পল্লদুনা প্রধান মন্ত্রীনা আত্মনির্ভর ভারতকী শক্তি অসি নোংমা নোংমগী অসুম হেনগৎলক্লি হায়খি।

|

শো অসিগা লোয়ননা পাঙথোক্লিবা ঙাকশেল মন্ত্রীগী কনক্লেব অমসুং সি.ই.ও. রাউন্দতেবলগী মতাংদা পল্লদুনা শ্রী মোদীনা হায় মদুদি সেক্তর অসিদা থৱায় য়াওনা শরুক য়াবনা এরো ইন্দিয়াগী মতিক-ময়াই হেনগৎহনগনি।

|

ভারতকী তেক্নোলোজী চাউখৎনবগী হব ওইরিবা কর্নাতকাদা এরো ইন্দিয়া পাঙথোকপগী মরু ওইবা অদু প্রধান মন্ত্রীনা ফোঙদোকখি। মহাক্না হায় মসিনা এভিএসন সেক্তরদা কর্নাতকাগী নহারোলশিংগীদমক অনৌবা এভেন্যুশিং হাংদোক্লগনি। প্রধান মন্ত্রীনা কর্নাতকাগী নহারোলনা লৈবাকপু শক্তি কনখৎহন্নবগীদমক ঙাকশেলগী লমদা মখোয়গী তেক্নোলোজীগী হৈশিংবা অদু শীজিন্নগদবনি হায়খি।

এরো ইন্দিয়া ২০২৩না অনৌবা ভারতকী হোংলক্লিবা এপ্রোচ অদু তাক্লি হায়না ফোঙদোক্লদুনা প্রধান মন্ত্রীনা হায়, “লৈবাক্না অনৌবা ৱাখল্লোন, অনৌবা এপ্রোচকা লোয়ননা মাংদা চংশিল্লবা মতমদা মাগী সিস্তেমশিংসু অনৌবা ৱাখল্লোনগী মতুং ইন্না হোংবা হৌরকই”। প্রধান মন্ত্রীনা এরো ইন্দিয়া অসি ‘শুপ্নগী শো অমা’ অমসুং ‘সেল তু ইন্দিয়া’গী ৱিন্দো অমা ওইনা লৌরম্বা মতম অদু নীংশিংখি অদুবু মসিগী ৱাখল্লোন অসি হৌজিক্তি অহোংবা লাক্লে।  মসি শুপ্নগী শো অমা খক্তা ওইদ্রে, মসিনা দিফেন্স ইন্দস্ত্রীগী স্কোপ উৎপা খক্তা নত্তনা ভারতকী মশাদা মশানা থাজবা থম্লিবা অদুসু উৎলি হায়না ফোঙদোক্লদুনা প্রধান মন্ত্রীনা হায়, “ঙসি এরো ইন্দিয়া অসি ভারতকী শক্তিনি অমসুং শুপ্নগী শো অমা খক্তা ওইদ্রে”।

|

প্রধান মন্ত্রীনা হায়খি ভারতকী মাইপাকপশিং অসিনা মাগী তৌবা ঙম্বশিং অদু তাক্লি। প্রধান মন্ত্রীনা হায় তেজাস, আই.এন.এস. বিক্রান্ত, সুরত অমসুং তুমকুরগী এদভান্স মেন্যুফেকচরিং ফেসিলিতীশিংনা মালেমগী অনৌবা অলতর্নেতিবশিং অমসুং খুদোংচাবশিংগা শম্নহল্লিবা আত্মনির্ভর ভারতকী মতিক-ময়াই ওইরি।

রিফোর্মশিংগী মতেংগা লোয়ননা সেক্তর খুদিংমক্তা পুরকখিবা রিভোল্যুসনশিংগী মতাংদা প্রধান মন্ত্রীনা হায় “২১শুবা চহিচাগী অনৌবা ভারতনা খুদোংচাবা অমত্তা মাংহল্লোই অমদি খোঙথাং লৌখৎপদা অৱাৎপা লৈরোই”। মহাক্না হায় দিকেদ কয়া খ্বাইদগী চাউবা দিফেন্স এক্সপোর্তর ওইরম্বা লৈবাক অসিনা হৌজিক মালেমগী লৈবাক ৭৫দা দিফেন্স ইক্বিপমেন্ত এক্সপোর্ত তৌবা হৌরে।

|

হৌখিবা চহি ৮-৯দা দিফেন্স সেক্তরদা অওনবা পুরকপগী মতাংদা প্রধান মন্ত্রীনা হায়খি মসিগী পান্দমদি ২০২৪-২৫ ফাওবদা বিলিয়ন ১.৫দগী বিলিয়ন ৫ য়ৌহনবনি। প্রধান মন্ত্রীনা হায়খি, “মফম অসিদগী ভারতনা খ্বাইদগী চাউবা দিফেন্স মেন্যুফেকচরিং লৈবাকশিংগী মনুংদা চন্নবা খোঙজেল য়াংনা খোঙথাংশিং লৌখৎকনি অমসুং মসিদা ঐখোয়গী প্রাইবেৎ সেক্তর অমদি ইনভেস্তরশিংনা অচৌবা থৌদাং লৌগনি”। প্রধান মন্ত্রীনা দিফেন্স সেক্তরদা প্রাইবেৎ সেক্তরনা ইনভেস্ত তৌনবা হায়খি মসিনা ভারত্তা অমসুং অতোপ্পা লৈবাক কয়াদা মখোয়গী অনৌবা খুদোংচাবা পীজরগনি।

|

অমৃত কালদা ভারত অসি ফাইতর জেৎ পাইলোৎকা চাংদম্নরদুনা শ্রী মোদীনা হায়খি, “ঙসিগী ভারতনা থুনা ৱাখল খল্লি, মীৎয়েং শান্না ৱাখল খল্লি অমসুং থুনা ৱারেপশিং লৌবা ঙম্মি”। প্রধান মন্ত্রীনা হায়খি ভারত অসি লৈবাক অমা ওইনা অকিবা লৈতে অদুবু অনৌবা পনখৈশিং তম্না কাখৎপা পাম্মি। প্রধান মন্ত্রীনা হায় ভারতনা খোঙজেল ফনা য়াংনা ৱাংনা কাখৎলুরবসু মতম চুপ্পদা হৌরকফম কাওদে।

মন্ত্রীনা হায়খি, “এরো ইন্দিয়াগী অচৌবা খোঞ্জেলনা ভারতকী রিফোর্ম, পর্ফোর্ম অমসং ত্রান্সফোর্মগী পাউজেলনা খোন্থাংনা নীলহল্লি”। মালেম পুম্বনা ভারত্তা ‘ইজ ওফ দুইং বিজিনেস’কীদমক রিফোর্মশিং পুরক্লিবা অসি য়েংনরি অমসুং গ্লোবেল ইনভেস্তমেন্তশিং লোয়ননা ভারতকী ইন্নোভেসনগা চুন্নবা এনভাইর্নমেন্ত অমা শেম্নবা লৌখৎখিবা খোঙথাংশিংগী মতাংদা ফোঙদোকখি। মহাক্না দিফেন্স অমসুং অতোপ্পা সেক্তরশিংদা ফোরেন দাইরেক্ত ইনভেস্তমেন্তশিংদা পুরকখিবা রিফোর্মশিং অমসুং ইন্দস্ত্রীশিংদা লাইসেন্সশিং পীবগী থৌওংশিং লায়থোকহনবা অমরোমদা মখোয়গী ভেলিদিতী শাংদোকপগী মতাংদা ফোঙদোকখি। প্রধান মন্ত্রীনা হায় চহি অসিগী বজেৎতা মেন্যুফেকচরিং য়ুনিৎশিংগী তেক্স বেনিফিৎশিং অসিসু হেনগৎহনখি।

|

প্রধান মন্ত্রীনা হায় দিমান্দ, এক্সপর্তিস লোয়ননা এক্সপরিয়েন্স লৈরবদি ইন্দস্ত্রীগী গ্রোথ লৈরকপা হায়বা অসি মহৌশানি। মহাক্না থৌরম অদুদা থাজবা পীখি মদুদি সেক্তর অসি শক্তি পীনবা খোঙথাংশিং অসি মাংদা চংশিন্দুনা হেন্না শক্তি পীরগনি।

থৌরম অসিদা কর্নাতকাগী রাজ্যপাল, শ্রী থাৱর চন্দ গহলোৎ, কর্নাতকাগী মুখ্য মন্ত্রী, শ্রী বসবরাজ বোম্মাই, কেন্দ্রগী ঙাকশেল মন্ত্রী, শ্রী রাজনাথ সিংহ, সিভিল এভিএসনগী কেন্দ্র মন্ত্রী, শ্রী জ্যোতিরদিত্য সিন্ধিয়া অমসুং ঙাকশেলগী কেন্দ্রগী রাজ্য মন্ত্রী, শ্রী অজয় ভত্তনা শরুক য়াখি।

বেকগ্রাউন্দ

প্রধান মন্ত্রীগী ‘মেক ইন ইন্দিয়া, মেক ফোর দি ৱর্ল্দ’ হায়বা মঙলানগী পরিংদা, থৌরম অসিনা ইন্দিজিনস ইক্বিপমেন্ত/তেক্নোলোজীশিং অমদি মপানগী কম্পেনীশিংগী খোঙবু ওইবগী মরী শেমগৎপদা মীৎয়েঙ থমগনি‍। দিজাইন লীদরসিপ, য়ু.এ.ভি. সেক্তর, দিফেন্স স্পেস অমদি তুংলমচৎকী ওইবা তেক্নোলোজীশিংদা খুমাঙ চাওশিল্লিবা লৈবাকসিগী খোঙজেলশিং উৎকদৌরিবা থৌরম অসিনা প্রধান মন্ত্রীগী ভারতকী দিফেন্স সেক্তরদা আত্মনিরভরতা পুরকপগী মায়কৈদা থম্লিবা মীৎয়েঙবুসু উৎকনি‍। মখা তানা, থৌরম অসিনা লাইত কোম্বেৎ এয়রক্রাফ্ত (এল.সি.এ.) – তেজাস, ঐচ.তি.তি.-৪০, দোর্নিয়র লাইত য়ুতিলিতী হেলিকোপ্তর (এল.য়ু.ঐচ.), লাইত কোম্বেৎ হেলিকোপ্তর (এল.সি.ঐচ.) অমদি এদভান্স লাইত হেলিকোপ্তর (এ.এল.ঐচ.)নচিংবা ইন্দিজিনস এয়র প্লেৎফোর্মশিং মপান্দা থাদোকপগী থৌওং পুক্নিং থৌগৎকনি‍। থৌরম অসিনা লমদমসিগী এম.এস.এম.ই.শিং অমদি স্তার্ত-অপশিংবু মালেমগী সপ্লাই চেনগা পুনশিন্নহন্দুনা কো-দিভেলপমেন্ত অমদি কো-প্রদক্সনগী খোঙবু ওইবা য়াওনা মপান লৈবাক্তগী ইনভেস্তমেন্তশিং পুক্নিং চিংশিনগদৌরি‍।

|

এরো ইন্দিয়া ২০২৩দা লৈবাক ৮০ হেনবনা শরুক য়ারগদৌরি‍। লৈবাক ৩০রোমগী মন্ত্রীশিং অমদি মালেমগী অমসুং ভারতকী ও.ই.এম.শিংগী সি.ই.ও. ৬৫রোম্না এরো ইন্দিয়া ২০২৩ অসিদা শরুক য়ারবা য়ারি‍।

এরো ইন্দিয়া ২০২৩ একজিবিসন্দা মপান লমগী দিফেন্স কম্পেনী ১০০ অমদি ভারতকী কেম্পেনী ৭০০ য়াওনা পুন্না কম্পেনী ৮০০ হেনবনা শরুক য়াগদৌরি‍। মসিদা শরুক য়াগদৌরিবা ভারতকী কম্পেনীশিংগী মরক্তা, নিচ তেক্নোলোজীদা খুমাং চাওশিনবা, এরোস্পেসতা খুমাঙ চাওশিনবা অমদি লৈবাকসিগী দিফেন্স কেপেবিলিতীশিং উৎকদৌরিবা এম.এস.এম.ই.শিং অমদি স্তার্ত-অপশিং য়াওগদৌরি‍। এরো ইন্দিয়া ২০২৩দা শরুক য়াগদৌরিবা অচৌবা একজিবিতরশিংগী মরক্তা এয়রবস, বোইং, দাসোল্ত এভিএসন, লোকহীদ মার্তিন, ইজ্রেল এরোস্পেস ইন্দস্ত্রী, ব্রহ্মোস এরোস্পেস, আর্মী এভিওসন, ঐচ.সি. রোবোতিক্স, এস.এ.এ.বি., সফ্রন, রোল্স রোইস, লার্সেন এন্দ তৌব্রো, ভারত ফোর্জ লিমিতেদ, হিন্দুস্তান এরোনোতিক লিমিতেদ (ঐচ.এ.এল.), ভারত ইলেক্ত্রোনিক্স লিমিতেদ (ব.ই.এল.), ভারত দাইনামিক্স লিমিতেদ (বি.দি.এল.) অমদি বি.ই.এম.এল. লিমিতেদনচিংবা য়াওরি‍।

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Reena chaurasia August 31, 2024

    बीजेपी
  • Vunnava Lalitha May 22, 2023

    जीव की रक्षा
  • Vunnava Lalitha May 22, 2023

    जीव की रक्षा
  • Rajkumar Kumar February 23, 2023

    63985 41008
  • RABI BISWAS February 23, 2023

    modi ji jindabad
  • Hargun das Kataria February 23, 2023

    Bharat Desh Sabse pyara Desh
  • Shamala Kulkarni February 22, 2023

    India is reaching new heights under the visionary leadership of our Hon'ble PM Modi ji..Jai Hind 🇮🇳
  • CHANDRA KUMAR February 18, 2023

    चीन के राष्ट्रपति को भारत में आमंत्रित किया जाना चहिए। राजनीति में उपेक्षित रहना रहना और उपेक्षित छोड़ देना सबसे ज्यादा घातक होता है। इसलिए दोस्त और दुश्मन से मिलते रहना चाहिए। दोस्त से मिलेंगे तो कद बढ़ेगा और दुश्मन से मिलेंगे तो दुश्मन की कमजोरी मालूम होगा, संभावित षड्यंत्र का पता चल सकेगा, दुश्मनों में फूट डाला जा सकेगा। अतः चीनी राष्ट्रपति को भारत में आमंत्रित किया जाए और दलाई लामा से उसका बातचीत कराया जाए। चीनी राष्ट्रपति को प्रलोभन दिया जाए की सीमा समझौता सही से करोगे और भारत में निवेश करोगे तो हम दलाई लामा को चीन को सौंप देंगे। यह सिर्फ प्रलोभन है, यह ध्यान रहे और चीनी राष्ट्रपति को वास्तविक उपहार नजर आना चाहिए। भारत में चीन बहुत बड़ा निवेश कर सकता है, हमें चीन को निवेश करने का लालच देना चाहिए, लेकिन चीनी कम्पनी को और चीन की शर्तों को भारत के अनुकूल बनाकर रखा जाए। फिर जब 2024 में भारत में अंतरराष्ट्रीय सम्मेलन हो रहा हो। ठीक उसी समय , दलाई लामा को भारत रत्न देकर सम्मानित किया जाए। तिब्बत का राष्ट्रपति का दर्जा देते हुए, भारत के संयुक्त संसदीय सम्मेलन का अध्यक्ष बनाकर, ऊपरी सदन और निचली सदन को एक साथ संबोधित करने का मौका दिया जाए। दलाई लामा को मिला यह सम्मान, सभी देशों के नजर में भारत को एक मजबूत देश का छवि बना देगा, जो एशिया में चीन को चुनौती दे सकता है। चीन तो आग बबूला होकर , भारत में हो रहे अंतरराष्ट्रीय सम्मेलन का विरोध करेगा और भारत नहीं आयेगा। इससे चीन की अंतरराष्ट्रीय छवि खराब होगा, और सभी देशों के राष्ट्रध्यक्ष से मिलने के मौका से भी चूक जायेगा। इसका सीधा फायदा भारत को होगा। भारत सभी देशों से प्रगाढ़ संबंध बनाकर एशिया में श्रेष्ठ सहयोगी देश बन जायेगा। बाद में चीन के गुस्से को शांत करने के लिए द्विपक्षीय शिखर सम्मेलन भारत तथा चीन में आयोजित किया जाए।
  • Jaidev February 18, 2023

    har har Mahadev
  • Ravi Panwar February 18, 2023

    jai hind
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India's first microbiological nanosat, developed by students, to find ways to keep astronauts healthy

Media Coverage

India's first microbiological nanosat, developed by students, to find ways to keep astronauts healthy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 20 ফেব্রুৱারি, 2025
February 20, 2025

Citizens Appreciate PM Modi's Effort to Foster Innovation and Economic Opportunity Nationwide