প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা সান্সদ খেল মহাকুম্ভ ২০২২-২৩গী অনিশুবা তাঙ্কক হৌদোকখ্রে। ২০২১দগী হৌনা বস্তীগী মেম্বর ওফ পার্লিয়ামেন্ত, শ্রী হরিশ স্বিবেদিনা বস্তী জিলাদা সান্সদ খেল মহাকুম্ভ পাঙথোক্তুনা লাকখি। খেল মহাকুম্ভ অসিদা রেস্তলিং, কবদ্দি, খো খো, বাস্কেৎবোল ফুতবোল, হোক্কী, ভোলীবোল, হেন্দবোল, চেস, কেরোম, বেদমিন্তন, তেবল তেনিসনচিংবা ইন্দোর অমসুং আউতদোর স্পোর্তস অনিমক্কী কম্পিতিসন কয়ামরুম পাঙথোক্লি। মসিগী মথক্তা ৱারেং ইবা, লাই য়েকপা, রঙ্গোলি য়েকপা অসিনচিংবা কম্পিতিসনশিংসু খেল মহাকুম্ভদা পাঙথোক্লি।
থৌরম অসিদা ৱা ঙাংবদা প্রধান মন্ত্রীনা হায়খি মদুদি বস্তী অসি শুব-নোম্বা অমসুং ধ্যান, লম্বোইবা অমসুং অপাম-মীহৌ থাদোকপা হায়বা অসিনা শেমখিবা মহাঋশি বশিস্তকী শেংলবা লমদমনি। ধ্যান অমসুং তপস্যানা থনবা স্পোর্তসকী শান্নরোয় অমগী পুন্সিগা চাংদম্নরদুনা প্রধান মন্ত্রীনা হায়খি মদুদি মাইপাক্লবা স্পোর্তস শান্নরোয় অমনা মাগী পান্দমদা মীৎয়েং থম্মি অমসুং মাগী লম্বেলদা লাকপা অপনবা খুদিংমক মায়োক্নৈ।
খেল মহাকুম্বা পাকচাউনা পাঙথোক্লিবা অসি প্রধান মন্ত্রীনা থাগৎখি অমসুং অসিগুম্বা ইভেন্তশিংগী খুত্থাংদা স্পোর্তস্তা লৈরিবা ভারতকী ত্রেদিস্নেল এক্সপর্তিস অসি অনৌবা ইনোৎ অমা ফংলগনি হায়না থাজবা ফোঙদোকখি। মহাক্না হায় পার্লিয়ামেন্তরিয়ন ২০০রোমনা মখোয়গী কেন্দ্রশিংদা অসিগুম্বা খেল মহাকুম্বা পাঙথোক্লি। কাশীগী মেম্বর ওফ পার্লিয়ামেন্ত ওইনা শ্রী মোদীনা হায় অসিগুম্বা ইভেন্তশিং অসি বারানসীদসু পাঙথোক্লি। প্রধান মন্ত্রীনা হায়খি, “অসিগুম্বা ইভেন্তশিং শিন্দুনা এম.পি.শিংনা অনৌবা মীরোলগী তুংলমচৎ মখোঙ শোম্লি”।
প্রধান মন্ত্রীনা হায়খি মদুদি গেমশিং অসিগী খুত্থাংদা শরুক য়ারিবা ওথোরিতী ওফ ইন্দিয়াগী মখাদা মখা তানা ত্রেনিং তৌনবা পর্ফোরমিং এথেলিৎশিং খল্লি। প্রধান মন্ত্রীনা খেল মহাকুম্ভদা মমাং চহিদগী শরুক অহুম হেন্না শান্নরোয় ৪০,০০০না শরুক য়াবদা নুংঙাইবা ফোঙদোকখি।
লমদম অসিগী মমোমশিংনা হৈথোই-শীংথোইনা, খুৎশা শীংনা অমসুং তীম স্পিরিৎকা লোয়ননা খো খো মশান্না শান্নবা মীৎয়েং তাবদা অপেনবা ফোঙদোকখি। প্রধান মন্ত্রীনা গেম অসিদা য়াওরিবা মীপুম খুদিংমক্তা থাগৎপা ফোঙদোকখি অমসুং মখোয়গী তুংগী পুন্সিগীদমক য়াইফ মঙ্গোল পীখি।
সান্সদ খেল মহাকুম্ভদা নুপীমচাশিংনা শরুক য়াবগী মরু ওইবা ৱাফমগী মতাংদা বস্তী, পুর্ভঞ্চল, উত্তর প্রদেশ অমসুং ভারত পুম্বদগী মমোমশিংনা মখোয়গী তেলেন্ত অমসুং স্কিলশিং মালেমগী ফম্পাক্তা উৎলগনি হায়না প্রধান মন্ত্রীনা থাজবা ফোঙদোকখি। নুপীগী য়ু-১৯ তি২০ ক্রিকেৎ ৱর্ল্দ কপ নীংশিংলদুনা প্রধান মন্ত্রীনা তীম কেপ্তেন কুমারি শেফলি ভর্মনা থংন-থংননা বাউন্দরী মঙা লৌদুনা লাস্ত বোলদা সিক্স লৌদুনা ওভর অমদা রন ২৬ লৌবা ঙম্বগী শীংথানীংঙাই ওইবা মাইপাকপা অদুগী মতাংদা ফোঙদোকখি। মহাক্না হায় অসিগুম্বা তেলেন্ত অসি লৈবাক্কী কাচিন কোয়া খুদিংমক্তা লৈ অমসুং সান্সদ খেল মহাকুম্ভনা মখোয়বু লমজিংবা অমদি মখোঙ শোম্বীবদা মরু ওইবা থৌদাং লৌরি।
প্রধান মন্ত্রীনা মতম অমদা স্পোর্তস অসি ‘এক্সত্রাকরিকুলর’ এক্তিবিতী ওইনা লৌরমখিবা অমসুং মমল কয়া য়াওদনা হৈনবী নত্ত্রগা এক্তিবিতী ওইনা লৌরমখিবা মতম অদু নীংশিংখি, ৱাখল্লোন অসিনা লৈবাক অসিবু চাউনা অমাংবা থোকহনখি। মসিনা তেলেন্ত লৈরবা শান্নরোয় কয়া মখোয়গী মতিক-ময়াই উৎথোকপা ঙমহনখিদে। হৌখিবা চহি ৮-৯দা লৈবাক অসিনা মসিগী অশোইবা অসি শেমদোক্নবা থৌশিল কয়ামরুম পাইখৎখি অমসুং স্পোর্তসকীদমক অফবা এনভাইর্নমেন্ত অমা শেমগৎখি। মসিনা মরম ওইদুনা নহারোল কয়া কয়ানা স্পোর্তসপু কেরিয়র অমা ওইনা লৌরক্লি। মীচমগী মরক্তসু মশা-মউ ফনা থম্বা, হকচাং ফবা, তীম বোন্দিং, অৱাবা কোকহনবা, প্রোফেস্নেলগী মাইপাকপা অমসুং পর্সনেল ওইনা ফগৎহনবদসু কান্নবা পীখি।
স্পোর্তসকী মতাংদা মীয়ামগী মরক্তা খল্লিবা ৱাখল্লোনগী মতাংদা প্রধান মন্ত্রীনা হায়খি লৈবাক্কী স্পোর্তসকী মাইপাকপশিং অসিগী খুত্থাংদা অহোংবা লাকপা উবা ফংলে। প্রধান মন্ত্রীনা ওলিম্পিক্স অমসুং পেরালিম্পিক্সতা লৈবাক অসিগী পুৱারী ওইরবা পর্ফোরমেন্স অদু খুদমশিং ওইনা পীখি অমসুং স্পোর্তসকী লম কয়ামরুমদা ভারতকী পর্ফোরমেন্স অসিনা মালেমদা খন্ন-নৈন্নবা পোইন্ত অমা ওইরক্লে হায়না ফোঙদোকখি। স্পোর্তস অসি খন্নাইদা ফংফম থোকপা ইকাই খুম্নবা ফংলে হায়না মহাক্না ফোঙদোকখি। মসিনা মরম ওইরগা ওলিম্পিক্স, পেরালিম্পিক্স অমসুং অতোপ্পা কম্পিতিসনশিংদা অমুক্তং উখিদ্রিবা পর্ফোরমেন্স উবা ফংখি।
“মসি শুপ্নগী অহৌবনি, ঐখোয়না চৎকদবা য়াম্না ৱাৎলি”, প্রধান মন্ত্রীনা মখা তারদুনা হায় “স্পোর্তস অসি স্কিল অমসুং করেক্তরনি, মসি তেলেন্ত অমসুং ফিরেপনি”। স্পোর্তস চাউখৎহনবদা ত্রেনিংগী মরু ওইবগী মতাংদা পলদুনা প্রধান মন্ত্রীনা স্পোর্তস কম্পিতিসনশিং অসিনা শান্নরোয়শিংদা মখোয়গী ত্রেনিংগী চাংয়েং তৌনবা মখা তানা খুদোংচাবা অমা পীগদনি হায়না অপাম্বা ফোঙদোকখি। প্রধান মন্ত্রীনা হায় তোঙান-তোঙানবা থাকশিং অমসুং রিজনশিংদা স্পোর্তস কম্পিতিসনশিং তৌবনা শান্নরোয়শিংবু মখোয়গী মতিক-ময়াই খঙহন্দুনা মখোয়গী মশাগী ওইবা তেক্নিকশিং দিবেলপ তৌবদা মতেং পাংই অমরোমদনা কোচশিংদা মখোয়গী অশোইবশিং খঙবদা মতেং পাংই অমসুং ফগৎহন্নবগী খুদোংচাবা পীরি। য়ুথ, য়ুনিভর্সিতী অমসুং ৱিন্তর গেম্সনা শান্নরোয়শিংদা ফগৎহন্নবগী খুদোংচাবা কয়ামরুম পীরি। খেলো ইন্দিয়াগী খুত্থাংদা থা অমদা লুপা ৫০,০০০গী শেলগী তেংবাং শান্নরোয় ২৫০০দা পীরি। তার্গেৎ ওলিম্পিক্স পোদিয়ম স্কিম(তোপ্স)কী মখাদা ওলিম্পিক্স শান্নবা য়াবা শান্নরোয় ৫০০রোম মখোঙ শোম্লি। ইন্তর্নেস্নেল ত্রেনিংগী মথৌ তাবা অদু খঙলদুনা শান্নরোয় খরদা লুপা করোর ২.৫দগী করোর ৭কী তেংবাং ফংহনখি।
প্রধান মন্ত্রীনা স্পোর্তস সেক্তনা মায়োক্নরিবা শীংনবশিং অসি কোকহনবদা কেন্দ্র সরকারগী থৌদাংগী মতাংদা পলদুনা হায় ঐখোয়গী শান্নরোয়শিংদা রিসোর্স, ত্রেনিং, তেক্নিকেল নোলেদজ মতিক চানা পীনবা, ইন্তর্নেস্নেল এক্সপোজর ফংহন্নবা অমসুং শান্নরোয় খনবদা ত্রান্সপরেন্সী লৈহন্নবা অখন্নবা মীৎয়েং চংখি। লমদম অসিগী স্পোর্তস ইনফ্রাস্ত্রকচরদা ফগৎলক্লিবশিং অসিগী মতাংদা প্রধান মন্ত্রীনা হায় মদুদি স্তেদিয়মশিং শাগৎলি অমসুং বস্তী অমদি অতোপ্পা জিলাশিংদা থম্নবা কোচশিং হাপ্পি। মহাক্না মখা তারদুনা হায় লৈবাক শিনবা থুংবদা খেলো ইন্দিয়া দিস্ত্রিক্ত সেন্তর লিশিং অমা হেন্না লিংখৎখি মসিগী মনুংদা সেন্তর ৭৫০ হেনবদি শাবা লোইশিনখ্রে। লৈবাক শিনবা থুংবদা লৈরিবা শান্নবুংশিংগী জিও-তেগ্গিং তৌদুনা শান্নরোয়শিংনা ত্রেনিংদা মখল অমত্তগী সমস্যা মায়োক্নদনবা হোৎনরি। মহাক্না হায় অৱাং নোংপোক্কী নহারোলশিংগীদমক মনিপুরদা স্পোর্তস য়ুনিভর্সিতী অমা সরকারনা শাখি অমসুং য়ু.পি.গী মীরুত্তা অতোপ্পা স্পোর্তস য়ুনিভর্সিতী অমগা শারি। রাজ্য সরকারনা হোৎনরিবশিং অসিগী মতাংদা পলদুনা প্রধান মন্ত্রীনা হায় স্পোর্তস থৌগৎনবা উত্তর প্রদেশকী জিলা কয়াদা হোস্তেলশিং হাংলি। শ্রী মোদীনা মখা তাখি, “লোকেল লেবেলদা নেস্নেল-লেবেলগী খুদোংচাবশিং ফংহন্নবা খোঙথাংশিংসু লৌখৎলি”।
ফিত ইন্দিয়া মুফমেন্তগী মরু ওইবগী মতাংদা পলদুনা প্রধান মন্ত্রীনা হায় শান্নরোয় খুদিংমক্না মশা-মউ ফনা লৈবগী মরু ওইবা অদু খঙই। মখোয়গী নোংমগী পুন্সিদা য়োগ য়াওহনবগী অপাম্বা ফোঙদোক্লদুনা প্রধান মন্ত্রীনা হায়খি, “য়োগগা লোয়ননা অদোমগী হকচাংসু ফগনি অমসুং অদোমগী ৱাখলসু য়াকাইগনি। অদোমগী গেমদা মসিগী কান্নবসু অদোম্না ফংগনি”। ২০২৩ অসি ইন্তর্নেস্নেল ইয়র ওফ মিল্লেৎস হায়না লাউথোকখিবা অদুগী মতাংদা প্রধান মন্ত্রীনা শান্নরোয়শিংদা মচি ওইবা চীঞ্জাক পীজবদা মিল্লেৎশিংগী অচৌবা থৌদাং লৈ হায়খি। ৱারোল পীবা লোইশিনবদা প্রধান মন্ত্রীনা ঐখোয়গী নহারোলনা স্পোর্তস্তগী পরা তমশিনগনি অমসুং লৈবাক অসিদা শক্তি হাপকনি হায়না থাজবা ফোঙদোকখি।
থৌরম অদুদা উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমসুং মেম্বর ওফ পার্লিয়ামেন্ত, শ্রী হরিশ দ্বিবেদিনা শরুক য়াখি।
বেকগ্রাউন্দ
খেল মহাকুম্ভগী অহানবা তাঙ্কক দিসেম্বর ১০-দিশেম্বর ১৬, ২০২২দা পাংথোকখ্রে অমসুং অনিশুবা তাঙ্কক জনুৱারি ১৮-জনুৱারি ২৮,২০২৩ ফাওবা পাংথোক্কনি।
খেল মহাকুম্ভ অসি ইন্দোর অমসুং আউতদোরগী তোঙান-তোঙানবা স্পোর্তসশিং হায়বদি রেস্তলিং, কবদ্দি, খো-খো, বাস্কেৎতবোল, ফুতবোল, হোক্কি, ভোল্লিবোল, হেন্দবোল, চেস, কেরোম, বেদমিন্তন, তেবল তেনিসদা পাংথোকপনি। মশান্নশিং অসিগী মথক্ত, খেল মহাকুম্ভ মনুংদা ৱারেং ইবা, লাইয়েকপা, রঙ্গোলি শেম্বা চাংদম্নবসু পাংথোক্কনি।
খেল মহাকুম্ভ অসি বস্তী জিলা অমসুং মসিগা নক্নবা মফমশিংগী নহারোলশিং মখোয়গী শান্ন-খোৎনবগী হৈথোই-শিংথোইবশিং উৎনবা অমসুং শান্নবা অসি শীনফম অমা ওইনা চংশিন্নবা মখোয় পুক্নিং থৌগৎনবা মফম অমা পীনবা অনৌবা থবক অমনি। মসিনা মফম অসিগী নহারোলশিংদা থকশি-খাসি, অপুনবা ওইনা থবক তৌমিন্নবা, চাংদম্নবা, মশানা মশাবু থাজবা অমসুং মরৈবাক নুংশিবগী ৱাখল্লোন চেনহলবা ঙমগনি।
बीते 8-9 वर्षों में स्पोर्ट्स के लिए एक बेहतर वातावरण बनाने का काम किया है। pic.twitter.com/DOhUEaOIIB
— PMO India (@PMOIndia) January 18, 2023
Team bonding से लेकर तनाव मुक्ति के साधन तक, sports के अलग-अलग फायदे लोगों को नजर आने लगे हैं। pic.twitter.com/oxcPhhTWUt
— PMO India (@PMOIndia) January 18, 2023
आज का नया भारत, स्पोर्ट्स सेक्टर के सामने मौजूद हर चुनौती के समाधान का भी प्रयास कर रहा है। pic.twitter.com/1tiXb9ydmR
— PMO India (@PMOIndia) January 18, 2023
