লুচিংবশিংনা ইন্দিয়া-দেনমার্ক গ্রিন স্ত্রাতেজিক পার্তনরশিপকী খুমাংচাউশিনবা হন্না য়েংশিনখ্রে অমসুং অৱাং থাক্তা ৱারি শানবা অমসুং মতেং পীনবা হেনগৎলকপদা অপেনবা ফোঙদোকখ্রে
প্রধান মন্ত্রী ফ্রেদেরিকসেননা ভারতকী জি-২০গী থবকশিং থাগৎখ্রে অমসুং দেনমার্কনা মপুংফানা মতেং পাংগনি হায়বগী থাজবা ফোঙদোকখিমথং চহি ২০২৪দা ইন্দিয়া-দেনমার্ককী মরী চহি ৭৫ মপুং ফারকপগী থৌরম পাংথোকপা হায়না লুচিংবশিংনা য়ানখিঙসি প্রধান মন্ত্রী নরেন্দ্র মোদীনা দেনমার্ককী প্রধান মন্ত্রী মেত্ত ফ্রেদেরিকসেনগা তেলিফোন্দা ৱারি শানখ্রে।
অনিশুবা তার্ম অমগী মহাক দেনমার্ককী প্রধান মন্ত্রী হাপ্পদা প্রধান মন্ত্রী মোদীনা প্রধান মন্ত্রী ফ্রেদেরিকসেন থাগৎপা ফোঙদোকখি।
লুচিংবা অনিনা ইন্দিয়া-দেনমার্ক গ্রিন স্ত্রাতেজিক পার্তনরশিপকী খুমাংচাউশিনবা হন্না য়েংশিনখ্রে অমসুং অৱাং থাক্তা ৱারি শানবা অমসুং মতেং পীনবা হেনগৎলকপদা মখোয়না অপেনবা ফোঙদোকখ্রে।
হৌজিক ভারতনা জি-২০গী প্রসিদেন্ত ওইরিবা অসিগী মতাংদা প্রধান মন্ত্রী মোদীনা প্রধান মন্ত্রী ফ্রেদেরিকসেনদা পাউদমখি। প্রধান মন্ত্রী ফ্রেদেরিকসেননা ভারতকী জি-২০গী থবকশিং থাগৎখ্রে অমসুং দেনমার্কনা মপুংফানা মতেং পাংগনি হায়বগী থাজবা ফোঙদোকখি।
মথং চহি ২০২৪দা ইন্দিয়া-দেনমার্ককী মরী চহি ৭৫ মপুং ফারকপগী থৌরম মওং তানা পাংথোকপা হায়না লুচিংবশিংনা য়ানখি অমসুং মখা তানা মখোয়গী মরীশিং পাকথোক-চাউথোক্নবা হিরমশিং থিদোকপা হায়না য়ানখি।
