প্রধান মন্ত্রী, শ্রী নরেন্দ্র মোদীনা ঙসি উনাগী অম্ব অন্দৌরাদগী নই দিল্লী ফাওবগী অনৌবা ভন্দে ভারত এক্সপ্রেসকী অহানবা খোঙচৎ লমথাখ্রে।
প্রধান মন্ত্রীনা ভন্দে ভারত এক্সপ্রেসকী ত্রেন কোচশিং অমসুং ওনবোর্দ ফেসিলিতীশিং য়েংশিনখি। শ্রী মোদীনা ভন্দে ভারত এক্সপ্রেসকী লোকোমোতিব ইঞ্জিনগী কন্ত্রোল সেন্তরসু য়েংশিনখি। মহাক্না উনা রেলৱে স্তেসনসু য়েংশিনখি।
প্রধান মন্ত্রীনা হিমাচল প্রদেশকী উনা জিলাগী অম্ব অন্দৌরা রেলৱে স্তেসন্দা থুংখিবা মতমদা হিমাচল প্রদেশকী মুখ্য মন্ত্রী, শ্রী জয় রাম থাকুর, হিমাচল প্রদেশকী রাজ্য পাল, শ্রী রাজেন্দ্র বিশ্বনাথ অর্লেকর, রেলৱেজকী কেন্দ্র মন্ত্রী, শ্রী অশ্বিনি বৈশ্নো অমসুং ইনফোর্মেসন এন্দ বোর্কাস্তিংগী কেন্দ্র মন্ত্রী, শ্রী অনুরাগ সিংহ থাকুরনা ওকখি।
ত্রেন অসি চেলহনবা অসিনা লমদম অসিগী তুরিজমদা শাহৌ পীবদা মতেং পাংলগনি অমসুং নুংঙাইবা অমসুং হেন্না থুবা চৎথোক-চৎশিনগী পাম্বৈ অমা ফংহল্লগনি। উনাদগী নই দিল্কী ফাওবা চৎপদা চংবা মতমদা পুং অনি হন্থহল্লগনি। অম্ব অন্দৌরাদগী নই দিল্লী ফাওবা চেল্লিবা অসিনা লৈবাক অসিদা হৌদোকখিবা মরিশুবা ভন্দে ভারত ত্রেন ওইরগনি অমসুং মসি মমাংগীশিংগা চাংদম্নবদা এনভান্স ভর্জন ওইরি, মসি অরুম্বা হন্থৈ অমসুং অতেনবা মতমগী মনুংদা হেন্না য়াংবা খোঙজেলদা চেনবা ঙম্মি। ভন্দে ভারত ২.০ অসিদা পুংদা কিমি ০দগী ১০০ ফাওবা শুপ্নগী সেকেন্দ ৫২দা য়ৌবা ঙম্মি অমসুং খ্বাইদগী য়াংবা খোঙজেল অসি পুংদা কিমি ১৮০ ফাওবা ওইবগা লোয়ননা হেন্না এদভান্স ওইবা অমসুং ফগৎহল্লবা ফীচরশিং য়াওরি। ফগৎহল্লবা ভন্দে ভারত এক্সপ্রেস অসি মমাংগী ভর্জনগী তন ৪৩০গা চাংদম্নবদা তন ৩৯২ লুম্মি ওন-দিমান্দ ফেসিলিতীদা ৱাই-ফাই কন্তেন্ত অমসু য়াওগনি। কোচ খুদিংমক্তা মমাংগী ভর্জন্দা ২৪” ওইরম্বা অদু ৩২”গী স্ক্রীনশিং থমদুনা পেসেঞ্জরশিংদা ই-পাউ অমসুং ইনফোতেনমেন্ত ফংহল্লগনি। ভন্দে ভারত এক্সপ্রেস অসি এনভাইরনমেন্তেলী ফ্রেন্দলী ওইরগনি মরমদি এ.সি.শিংগী ইনর্জী ইফিসিএন্ত চাদা ১৫ হেন্না ওইরি। ত্রেক্সন মোতোরগী উফুল থাংদবা ক্লীন এয়র কুলিংগা লোয়ননা চৎথোক-চৎশিন তৌবদা হেন্না নুংঙাইহল্লগনি। মমাংদা একজিক্যুতিব ক্লাস পেসেঞ্জরশিংদা খক্তা ফংহল্লম্বা সাইদ রিক্লাইনর সীত ফেসিলিতী অসি ক্লাস পুম্নমক্তা ফংহল্লগনি। একজিক্যুতিব কোচশিংদা ১৮০ দিগ্রী রোতেতিং সীতশিংগী অহেনবা ফীচর হাপলি।
ভন্দে ভারত এক্সপ্রেসকী অনৌবা দিজাইন অসিদা এয়র প্যুরিফিকেসনগীদমক রুফ-মাউন্তেদ পেকেজ য়ুনিত (আর.এম.পি.য়ু.)দা ফোতো-কেতলাইতিক অলত্রাভাইওলেৎ এয়র প্যুরিফিকেসন সিস্তেম অমা ইনস্তোল তৌরি। চান্দিগরগী সেন্ত্রেল সাইন্তিফিক ইন্সত্রুমেন্তস ওর্গনাইজেসন (সি.এস.আই.ও.)গী পাউতাক মতুং ইন্না সিস্তেম অসি ফ্রেশ এয়র অমসুং রিতর্ন এয়রগী খুত্থাংদা লাকপা নুংশিৎবু মহি, বেক্তরিয়া, ভাইরসনচিংবদগী ফিল্তর তৌনবা অমসুং শেংদোক্নবা আর.এম.পি.য়ু.গী অরোইবা অনিমক্তা হাপ্না দিজাইন তৌখি অমসুং মসিদা ইনস্তোল তৌখি।
ভন্দে ভারত এক্সপ্রেস ২.০না হেন্না ফবা অমসুং এয়রক্রাফকুম্বা ত্রেভেলিং এক্সপরিয়েন্স কয়া অমা ফংহল্লি। মসিদা লমদম অসিদা শাজবা ত্রেন কোলিজন এভোইদেন্স সিস্তেম – কবচ য়াওনা এদভান্স ওইরবা খ্বাইদগী নৌবা সেফতী ফীচরশিং য়াওরি।
