প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুগী কে.এস.আর. রেলৱে স্তেসন্দা ভন্দে ভারত এক্সপ্রেস অমসুং ভারত গৌরব কাশি দর্শন ত্রেন লমথাখ্রে।
প্রধান মন্ত্রীনা ক্রান্তিভীর সঙ্গোলী রায়ন্না (কে.এস.আর.) রেলৱে স্তেসনগী প্লেৎফোর্ম নম্বর ৭কী লমথাগদবা মফমদা থুংখি অমসুং চেন্নাই-মৈসুরু ভন্দে ভারত এক্সপ্রেস্তা গ্রীন সিগ্নেল পীখি। মসি লৈবাক্কী মঙাশুবা ভন্দে ভারত এক্সপ্রেসনি অমসুং খা ভারতকী ওইনা অহানবনি। মসিনা চেন্নাইগী ইন্দস্ত্রিএল হব, বেঙ্গলুরুগী তেক অমসুং স্তার্তঅপ হব অমদি মমিং লৈরবা তুরিস্ত সিতী মৈসুরুগী মরক্তা কন্নেক্তিবিতী হেনগৎহল্লগনি।
প্রধান মন্ত্রীনা ত্বিত তৌখি;
“চেন্নাই-মৈসুরু ভন্দে ভারত এক্সপ্রেসনা কন্নেক্তিবিতী লোয়ননা কম্মর্সিএল এক্তিবিতীশিংদা শাহৌ পীরগনি। মসিনা ‘ইজ ওফ লিবিং’সু হেনগৎহল্লগনি। বেঙ্গুলুরুদগী ত্রেন অসি লমথাবা ফংজবদা নুংঙাইবা ফাওই।”
ಚೆನ್ನೈ-ಮೈಸೂರು ವಂದೇ ಭಾರತ್ ಎಕ್ಸ್ಪ್ರೆಸ್ ಸಂಪರ್ಕ ಸೌಲಭ್ಯದ ಜತೆಗೆ ವಾಣಿಜ್ಯ ಚಟುವಟಿಕೆಗಳನ್ನೂ ಹೆಚ್ಚಿಸುತ್ತದೆ. ಅದು ಜೀವನವನ್ನು ಹೆಚ್ಚು ಸುಗಮಗೊಳಿಸುತ್ತದೆ. ಈ ರೈಲಿನ ಸಂಚಾರಕ್ಕೆ ಬೆಂಗಳೂರಿನಲ್ಲಿ ಹಸಿರು ನಿಶಾನೆ ತೋರಿಸಿದ್ದಕ್ಕೆ ಸಂತಸವಾಗಿದೆ. pic.twitter.com/GtAxs6E846
— Narendra Modi (@narendramodi) November 11, 2022
The Chennai-Mysuru Vande Bharat Express will boost connectivity as well as commercial activities. It will also enhance ‘Ease of Living.’ Glad to have flagged off this train from Bengaluru. pic.twitter.com/zsuO9ihw29
— Narendra Modi (@narendramodi) November 11, 2022
মসিগী মতুংদা প্রধান মন্ত্রীনা প্লেৎফোর্ম নম্বর ৮গী লমথাগদবা মফমদা থুংখি অমসুং ভারত গৌরব কাশি য়াত্রা ত্রেন্দা গ্রীন সিগ্নেল পীখি। ভারত গৌরব স্কিমগী মখাদা ত্রেন অসি থাবা কর্নাতকানা অহানবা রাজ্য ওইরি, হায়রিবা অসিদা কর্নাতকাদগী কাশীদা তীর্থ য়াত্রা চৎপা মীওইশিং থানবগীদমক কর্নাতকা সরকার অমসুং রেলৱেজ মন্ত্রালয়না পুন্না থবক পাইখৎমিন্নরি। তীর্থ য়াত্রা চৎপা মীওইশিংদা কাশী, অয়োধ্যা অমসুং প্রয়াগরাজ চৎপদা নুংঙাইনা লৈনবা অমসুং লমজিংবগী খুদোংচাবা পীরগনি।
প্রধান মন্ত্রীনা ত্বিত তৌখি;
“ভারত গৌরব কাশী য়াত্রা ত্রেনগী থবক পাইখৎপা অহানবা রাজ্য ওইবগীদমক কর্নাতকাবু ঐহাক্না থাগৎপা ফোঙদোকচরি। ত্রেন অসিনা কাশী অমসুং কর্নাতকাবু হেন্না নকশিন্নহল্লি। তীর্থ য়াত্রা চৎপা অমসুং তুরিস্তশিংনা কাশী, অয়োধ্যা অমসুং প্রয়াফরাজ লাইনা চৎপা ফংলগনি।”
ಭಾರತ್ ಗೌರವ್ ಕಾಶಿ ಯಾತ್ರಾ ರೈಲು ಸಂಚಾರ ಸೌಲಭ್ಯವನ್ನು ಪಡೆದ ಮೊದಲ ರಾಜ್ಯವಾದ ಕರ್ನಾಟಕಕ್ಕೆ ಅಭಿನಂದನೆಗಳು. ಈ ರೈಲು ಕಾಶಿಯನ್ನು ಕರ್ನಾಟಕಕ್ಕೆ ಹತ್ತಿರವಾಗಿಸುತ್ತದೆ. ಯಾತ್ರಿಗಳು ಮತ್ತು ಪ್ರವಾಸಿಗರು ಕಾಶಿ, ಅಯೋಧ್ಯಾ ಹಾಗು ಪ್ರಯಾಗ್ ರಾಜ್ ಗೆ ಭೇಟಿ ನೀಡುವುದು ಸುಲಭವಾಗುತ್ತದೆ. pic.twitter.com/oTymcVgXTs
— Narendra Modi (@narendramodi) November 11, 2022
I would like to compliment Karnataka for being the first state to take up the Bharat Gaurav Kashi Yatra train. This train makes brings Kashi and Karnataka closer. Pilgrims and tourists will be able to visit Kashi, Ayodhya and Prayagraj with ease. pic.twitter.com/7fBlEW091Q
— Narendra Modi (@narendramodi) November 11, 2022
প্রধান মন্ত্রীবু কর্নাতকাগী মুখ্য মন্ত্রী, শ্রী বসবরাজ বোম্মাই অমসুং কর্নাতকাগী রাজ্যপাল, শ্রী থাৱর চন্দ গহলোৎ অমসুং কেন্দ্রগী মন্ত্রীশিং, শ্রী অশ্বিনি বৈশ্নব অমসুং শ্রী প্রহলাদ জোশিনা লোয়নখি।
বেকগ্রাউন্দ
- ভন্দে ভারত এক্সপ্রেস
ভন্দে ভারত এক্সপ্রেস ২.০না সুপরিয়র ওইবা অমসুং এয়রক্রাফকুম্বগী মশিং লাকঙমদ্রবা এক্সপরিয়েন্সশিং পীরি। মসিদা লমদম অসিদা দিবেলপ তৌজবা ত্রেন কোলিজন এভোইদেন্স সিস্তেম – কবচ য়াওনা এদভান্স স্তেৎ-ওফ-দি-আর্ত সেফতী ফীচরশিং য়াওরি। ভন্দে ভারত ২.০ অসি পুংদা কিমি ০দগী ১০০ ফাওবা শুপ্নগী সেকেন্দ ৫২দা য়ৌবা ঙম্মি অমসুং খ্বাইদগী য়াংবা খোঙজেল অসি পুংদা কিমি ১৮০ ফাওবা ওইবগা লোয়ননা হেন্না এদভান্স ওইবা অমসুং ফগৎহল্লবা ফীচরশিং য়াওরি। ফগৎহল্লবা ভন্দে ভারত এক্সপ্রেস অসি মমাংগী ভর্জনগী তন ৪৩০গা চাংদম্নবদা তন ৩৯২ লুম্মি, ওন-দিমান্দ ফেসিলিতীদা ৱাই-ফাই কন্তেন্ত অমসু য়াওগনি। কোচ খুদিংমক্তা মমাংগী ভর্জন্দা ২৪” ওইরম্বা অদু ৩২”গী স্ক্রীনশিং থমদুনা পেসেঞ্জরশিংদা ই-পাউ অমসুং ইনফোতেনমেন্ত ফংহল্লগনি। ভন্দে ভারত এক্সপ্রেস অসি এনভাইরনমেন্তেলী ফ্রেন্দলী ওইরগনি মরমদি এ.সি.শিংগী ইনর্জী ইফিসিএন্ত চাদা ১৫ হেন্না ওইরি। ত্রেক্সন মোতোরগী উফুল থাংদবা ক্লীন এয়র কুলিংগা লোয়ননা চৎথোক-চৎশিন তৌবদা হেন্না নুংঙাইহল্লগনি। মমাংদা একজিক্যুতিব ক্লাস পেসেঞ্জরশিংদা খক্তা ফংহল্লম্বা সাইদ রিক্লাইনর সীত ফেসিলিতী অসি ক্লাস পুম্নমক্তা ফংহল্লগনি। একজিক্যুতিব কোচশিংদা ১৮০ দিগ্রী রোতেতিং সীতশিংগী অহেনবা ফীচর হাপলি।
ভন্দে ভারত এক্সপ্রেসকী অনৌবা দিজাইন অসিদা এয়র প্যুরিফিকেসনগীদমক রুফ-মাউন্তেদ পেকেজ য়ুনিত (আর.এম.পি.য়ু.)দা ফোতো-কেতলাইতিক অলত্রাভাইওলেৎ এয়র প্যুরিফিকেসন সিস্তেম অমা ইনস্তোল তৌরি। চান্দিগরগী সেন্ত্রেল সাইন্তিফিক ইন্সত্রুমেন্তস ওর্গনাইজেসন (সি.এস.আই.ও.)গী পাউতাক মতুং ইন্না সিস্তেম অসি ফ্রেশ এয়র অমসুং রিতর্ন এয়রগী খুত্থাংদা লাকপা নুংশিৎবু মহি, বেক্তরিয়া, ভাইরসনচিংবদগী ফিল্তর তৌনবা অমসুং শেংদোক্নবা আর.এম.পি.য়ু.গী অরোইবা অনিমক্তা হাপ্না দিজাইন তৌখি অমসুং মসিদা ইনস্তোল তৌখি।
- ভারত গৌরব ত্রেনশিং
ইন্দিয়ন রেলৱেজনা ২০২১গী নবেম্বর থাদা থিম-বেজ ভারত গৌরব ত্রেন ওপরেসন তৌনবা লোঞ্চ তৌখি। থিম অসিগী পান্দমদি ভারতকী ফজরবা কলচরেল হেরিতেজ অমসুং মতিক মঙাল লৈরবা পুৱারী ওইরবা মফমশিংদা ভারত গৌরব ত্রেনশিংগী খুত্থাংদা ভারত অমসুং মালেমগী মীয়ামদা উৎপনি। স্কিম অসিনা ভারতকী অচৌবা তুরিজম পোতেন্সিএল অসি তেপ তৌনবা থিম-বেজ ত্রেনশিং চেলহন্নবা তুরিজম সেক্তরগী প্রোফেস্নেলশিংগী মপুং ওইবা শক্তিশিং শীজিন্নবনি।
