প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুত্থাংদা মহারাস্ত্রাগী সঙ্গোলাদগী নোংচুপ বেঙ্গোলগী শালিমার ফাওবা চেনগদবা ১০০শুবা কিসান রেল ঙসি লম্থাখ্রে। কেন্দ্রগী মন্ত্রী শ্রী নরেন্দ্র সিংহ তোমার অমসুং শ্রী পিয়ুশ গোয়লসু থৌরম অদুদা শরুক য়াখি।
থৌরম অসিদা ৱা ঙাংবদা প্রধান মন্ত্রীনা কিসান রেল সর্ভিস অসি লৈবাক অসিগী লৌউবশিংগী চাগাবু শরুক অনিদা হেনগৎহন্নবা মরু ওইবা খোঙথাং অমনি হায়খি। কোরোনাগী লাইচৎ মনুং অসিদা ফাওবা হৌখিবা থা মরিদা কিসান রেল সর্ভিস ১০০ হৌদোকপা ঙমখিবা অদুদা মহাক্না নুংঙাইবা ফোংদোকখি। মহাক্না হায়খিবদা, মসিগী ত্রেন সর্ভিস অসিনা লৌউ-শিংউবগা মরী লৈনবা শেমিৎলোন্দা অচৌবা অহোংবা অমা পুরক্লগনি অমসুং মসিনা লৈবাক অসিগী কোল্দ সপ্লাই চেনগী মপাঙ্গলসু হেনগৎহল্লগনি হায়খি। কিসান রেল অসিদা পুগদবা খ্বাইদগী য়ামদবা চাংগী অকক্নবা লৈতে অমসুং মসিনা মরম ওইদুনা খ্বাইদগী পিকপা পোত্থোকশিংসু অচৌবা কৈথেলশিংদা অহোঙবা মমলদা য়ৌবা ঙমহল্লগনি হায়না মহাক্না মখা তানা হায়খি।
প্রধান মন্ত্রীনা হায়খিবদা কিসান রেল প্রোজেক্ত অসিনা সরকারনা লৌউবশিংগী তেংবাংনবা খঙফম চেৎপা অসি উৎপখক নত্তনা ঐখোয়গী লৌউবশিংনা অনৌবা খুদোংচাবশিংগীদমক্তা কয়া য়াম্না থুনা শেম-শাবা ঙম্বগে হায়বা উৎপগী খুদম অমসু ওইরে হায়খি। ঐখোয়গী লৌউবশিংনা মখোয়গী পোত্থোকশিং অসি অতোপ্পা রাজ্যশিংদসু য়োনবা য়ারগনি অমসুং মসিদা লৌউবশিংগী রেল (কিসান রেল) অমসুং লৌউ-শিংউগী ফ্লাইৎ (কৃশি উরান)কী অচৌবা থৌদাং য়াওরি হায়না মহাক্না হায়খি। মহাক্না কিসান রেল অসি মপুং ফাবা ঙাক-শেনবগী থৌওংগা লোয়নবা উহৈ-ৱাহৈ, মনা-মশিং, শঙ্গোম, ঙানচিংবা থুনা পত্থ-পুম্থবা পোৎলমশিং পুথোক-পুশিন তৌনবা মোবাইল কোল্দ স্তোরেজ অমনি হায়নসু হায়খি। “নিং-তম্বা ফংদ্রিঙৈগী মমাংদগী ভারত্তা মতম পুম্বদা চাউরবা রেলৱেগী নেৎৱর্ক লৈরকখি। কোল্দ স্তোরেজকী তেক্নোলোজী অসিসু হান্নদগী লৈরম্মি। মসিগী মপাঙ্গল অসি কিসান রেলগী খুত্থাংদা হৌজিক খক্তা নীংথিজনা শিজিন্নবনি”, হায়না প্রধান মন্ত্রীনা মখা তানা ফোংদোকখি।
কিসান রেলগুম্বা ফেসিলিতী অসিনা নোংচুপ বেঙ্গোলগী অপিকপা লৌউবা মিলিয়ন কয়াদা চাউরবা কান্নবা কয়া ফংহল্লে হায়না প্রধান মন্ত্রীনা হায়খি। মসিগী খুদোংচাবশিং অসি লৌউবশিং খক্তা নত্তনা মফম অসিগী পিক্না কারবার তৌবা মীওইশিংদসু ফংহল্লি। মহাক্না হায়খিবদা লৌউ-শিংউগী হীরমদা মীরমদগী খঙলকপা লৌশিংশিং অমসুং কান্নবশিং অমসুং অনৌবা তেক্নোলোজী কয়া অমা ভারতকী লৌউ-শিংউগী থৌওংশিংদা য়াওহল্লে হায়খি।
লৌউবশিংনা মখোয়গী পোত্থোকশিং থম্বা য়ানবা হায়দুনা রেলৱে স্তেসনগী মনাক নকপা মফমশিংদা পেরিশেবল রেল কার্গো সেন্তর কয়া অমসু শারি। মসিগী পান্দমদি উহৈ অমসুং মনা-মশিং অসি য়ুম্থোং খুদিংদা ঙম্লিবমখৈ য়ৌহনবনি। অহেনবা পোত্থোকশিং অসিনা হৈ-মহী, অচার, সোস, চিপ্সনচিংবা শেম-শাবগা মরী লৈনবা ওন্তোপ্রিনর্শিংদা য়ৌহনগদবনি হায়না প্রধান মন্ত্রীনা মখা তানা ফোংদোকখি।
প্রধান মন্ত্রীনা হায়খিবদা সরকারনা অহানবা ওইনা পাংথোক্কদবা থৌওংনি খন্দুনা মিৎয়েং চঙলিবা অসি থম্ফমগা মরী লৈনবা ইনফ্রাস্ত্রকচর অমসুং লৌউ-শিংউগী পোত্থোকশিংদা ভেল্যু হাপচিনবগা মরী লৈনবা প্রোসেসিং ইন্দস্ত্রীশিংনি হায়খি। পি.এম. কৃশি সম্পদা য়োজনাগী মখাদা মেগা ফুদ পার্কশিং, কোল্দ চেন ইনফ্রাস্ত্রকচর অমসুং এগ্রো প্রোসেসিং ক্লস্তরগী মনুং চনবা প্রোজেক্ত চাউরাক্না ৬৫০০গী অয়াবসু পীখ্রে হায়না মহাক্না হায়খি। আত্মানির্ভর অভিয়ান পেকেজকী মখাদা মাইক্রো ফুদ প্রোসেসিং ইন্দস্ত্রীশিংগী ওইনা লুপা করোর ১০০০০ কায়থখ্রবনি।
শ্রী মোদীনা খুঙ্গংগী মীয়াম, নহা অমসুং লৌউবশিংনা শরুক য়াবা অমসুং শৌগৎপগী মরমদগী সরকারনা হোৎনরিবা খুদিং অসি মাই পাকপা ঙম্লিবনি হায়না হায়খি। এগ্রি-ব্যুজিনেস অমসুং এগ্রি-ইনফ্রাস্ত্রকচরগী মতাংদা ফার্মর প্রোদ্যুসর ওর্গনাইজেসন (এফ.পি.ও.) অমসুং নুপীগী সেল্ফ হেল্প গ্রুপকুম্বা তেংবাংনবগী কাঙলুপশিংদা অহানবা তেংবাং পীনবা মিৎয়েং চঙলি। হন্দক্তা পাংথোকখিবা শেমদোকপশিং অসিনা লৌউ-শিংউগী কারবার পাকথোক-চাউথোকহনগনি অমসুং মসিদা হায়রিবা কাঙলুপশিং অসিনা খ্বাইদগী চাউবা বেনিফিশরী ওইগনি। লৌউ-শিংউবদা লন্নাইগী মীওইনা শেল থাদবা অসিনা সরকারনা কাঙলুপশিং অসিদা তেংবাংনবা হোৎনরিবা থৌওংশিং অসিগী ঙাক্লৌ ওইগনি। “ঐখোয়না অচেৎপা খোঙফমগা লোয়ননা ভারতকী লৌউ-শিংউবা অমসুং লৌমীশিংগী মপাঙ্গল হাপ্পগী লম্বীদা লেপ্তনা চৎকনি”, হায়না প্রধান মন্ত্রীনা মখা তানা হায়খি।
किसान रेल सेवा, देश के किसानों की आमदनी बढ़ाने की दिशा में भी एक बहुत बड़ा कदम है।
— PMO India (@PMOIndia) December 28, 2020
इससे खेती से जुड़ी अर्थव्वस्था में बड़ा बदलाव आएगा।
इससे देश की कोल्ड सप्लाई चेन की ताकत भी बढ़ेगी: PM
ये काम किसानों की सेवा के लिए हमारी प्रतिबद्धता को दिखाता है।
— PMO India (@PMOIndia) December 28, 2020
लेकिन ये इस बात का भी प्रमाण है कि हमारे किसान नई संभावनाओं के लिए कितनी तेजी से तैयार हैं।
किसान, दूसरे राज्यों में भी अपनी फसलें बेच सकें, उसमें किसान रेल और कृषि उड़ान की बड़ी भूमिका है: PM#100thKisanRail
किसान रेल चलता फिरता कोल्ड स्टोरेज भी है।
— PMO India (@PMOIndia) December 28, 2020
यानि इसमें फल हो, सब्ज़ी हो, दूध हो, मछली हो, यानि जो भी जल्दी खराब होने वाली चीजें हैं, वो पूरी सुरक्षा के साथ एक जगह से दूसरी जगह पहुंच रही हैं: PM#100thKisanRail
अब किसान रेल जैसी सुविधा से पश्चिम बंगाल के लाखों छोटे किसानों को एक बहुत बड़ा विकल्प मिला है।
— PMO India (@PMOIndia) December 28, 2020
और ये विकल्प किसान के साथ ही स्थानीय छोटे-छोटे व्यापारी को भी मिला है।
वो किसान से ज्यादा दाम में ज्यादा माल खरीदकर किसान रेल के ज़रिए दूसरे राज्यों में बेच सकते हैं: PM
कृषि से जुड़े एक्सपर्ट्स और दुनिया भर के अनुभवों और नई टेक्नॉलॉजी का भारतीय कृषि में समावेश किया जा रहा है।
— PMO India (@PMOIndia) December 28, 2020
स्टोरेज से जुड़ा इंफ्रास्ट्रक्चर हो या फिर खेती उत्पादों में वैल्यू एडिशन से जुड़े प्रोसेसिंग उद्योग, ये हमारी सरकार की प्राथमिकता हैं: PM
पीएम कृषि संपदा योजना के तहत मेगा फूड पार्क्स, कोल्ड चेन इंफ्रास्ट्रक्चर, एग्रो प्रोसेसिंग क्लस्टर, ऐसे करीब साढ़े 6 हजार प्रोजेक्ट स्वीकृत किए गए हैं।
— PMO India (@PMOIndia) December 28, 2020
आत्मनिर्भर अभियान पैकेज के तहत माइक्रो फूड प्रोसेसिंग उद्योगों के लिए 10 हज़ार करोड़ रुपए स्वीकृत किए गए हैं: PM
