নৌনা থবক খল্লবশিংদা এপোইন্তমেন্ত লেত্তর ৫১,০০০ য়েন্থোকখ্রে
“নহারোলশিং ‘চাউখৎলবা ভারত অমা’ শেমগৎপা মীওইশিং ওইরক্নবা রোজগার মেলানা লম্বী য়াৎলে”“অদোমগী মরুওইবা থবক্তি মীয়াম হিংবদা লাইহনগদবনি”“করিগুম্বা মখল অমতগী কান্নবশিং ফংদ্রবা মীওইশিংগী থোংজিলদা সরকারনা লেপ্লরে”“ভারতনা ইনফ্রাস্ত্রকচরগী অওনবা অমা উবা ফংলে”“লোইশিন্দনা লৈরিবা প্রোজেকশিং অসি লৈবাক অসিগী পুকচেল শেংবা তেক্স থিরবশিংদা অচৌবা নমথাক অমা তৌবনি, মসি অৱাবা অসি ঐখোয়না য়েংশিল্লি”“ভারতকী চাউখৎপগী ৱারিদা মালেমগী লুপশিংনা থাজবা থম্লে”ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা রোজগার মেলাদা ৱা ঙাংখ্রে অমসুং নৌনা থবক খল্লবশিংদা এপোইন্তমেন্ত লেত্তর ৫১,০০০ য়েন্থোকখ্রে। লৈবাক্কী তোঙান-তোঙানবা মফমশিংদগী নৌনা থবক খল্লবশিং সরকারগী তোঙান-তোঙানবা মিনিস্ত্রিশিং/দিপার্তমেন্তশিং হায়বদি রেভিনিউ দিপার্তমেন্ত, হোম এফেয়ার্স মিনিস্ত্রি, হায়র ইজুকেসন দিপার্তমেন্ত, স্কুল ইজুকেসন অমসুং লিতেরেসি দিপার্তমেন্ত, ফাইনান্সিএল দিপার্তমেন্ত, দিফেন্স মিনিস্ত্রি, হেল্থ অমসুং ফেমিলি ৱেলফিয়ার দিপার্তমেন্ত অমসুং লেবর অমসুং ইমপ্লোইমেন্ত মিনিস্ত্রি অমসুং অতৈ কয়া য়াওরি।
থবক ফংলবশিংদা ৱা ঙাংবদা প্রধান মন্ত্রীনা হায়খি নহারোলশিংদা থবক পীনবা সরকারগী খোঙজং মাংলোমদা লেপ্তনা চঙশিল্লি অমসুং ঙসিগী থৌরম অসিদা লৈবাক শীনবা থুংনা লৈরিবা নহারোল ৫০,০০০ হেনবদা সরকারগী থবকশিংগী এপোইন্তমেন্ত লেত্তরশিং য়েন্থোকখ্রে। এপোইন্তমেন্ত লেত্তরশিং অসি থবক ফংলবশিংনা কন্না হোৎনবগী মহৈ অমনি। মখোয় মীয়ামগা হকথেংননা থবক তৌমিন্নবা সরকারগী শরুক অমা ওইরে। সরকারগী থবক তৌবা মীওই অমা ওইনা, নৌনা থবক ফংলবশিংনা মশাগী মথৌ পুক্নিং চঙনা পাংথোক্কদবনি অমসুং মরুওইবা থবক্তি মীয়াম হিংবদা লাইহনবনা ওইগদবনি।
থা অসিগী ২৬তা পাংথোকখিবা সংবিধানগী নুমিৎ থৌরম নিংশিংলদুনা, প্রধান মন্ত্রীনা হায়খি ১৯৪৯গী নুমিৎ অসিদা লৈবাক অসিনা ভারতকী সংবিধান চৎনবা হৌখি অমসুং মীওই খুদিংমক্তা চপ মান্নবা হকশিং ফংহনখি। সংবিধান শেমখিবা বাবা সাহেব অম্বেদকারনা মীওই খুদিংমক্তা চপ মান্নবা খুদোংচাবশিং পীদুনা খুন্নাইগী অচুম্বা পুরকখি। নিংতম্বা ফংলবা মতুংদা থোং মান্ননা হিংমিন্নবগী অচুম্বা ৱাখল্লোন অদু মীরাইখি অমসুং খুন্নাইগী মরুওইবা কাংলুপ অমা চহি অমা তঙাইফদবা খুদোংচাদবশিং ফংদনা লৈখি। ২০১৪দা হৌজিক পাল্লিবা সরকার অসি লাক্লবা মতুংদা ‘লায়রবশিংদা মীৎয়েং চঙবা’ হায়বা লাইৱা অসি শীজিন্নবা হৌখি অমসুং অনৌবা লম্বী অমা শেমখি। “করিগুম্বা মখল অমতগী কান্নবশিং ফংদ্রবা মীওইশিংগী থোংজিলদা সরকারনা লেপ্লরে।
প্রধান মন্ত্রীনা হায়খি নিংতম্বা ফংলবা মতুং চহি কয়া মীরাইদুনা থম্বীরক্লবা মীওইশিংগী পুন্সিদা অওনবা পুরক্নবা সরকারনা থবক পায়খৎলি। সরকারগী ৱাখল্লোল অমসুং থবক তৌবগী মওংদা অহোংবা লাকপগী ফলনা মরম ওইদুনা ঙসিদা মমাঙদা অমুক্তা উখিদ্রিবা অহোংবশিং উবা ফংলে। অচৌ-অশাংশিং, মীয়াম অমসুং ফাইলশিং চপ মান্নরবসু, লায়রবশিং অমসুং মিদল ক্লাস চাউখৎনবা মীৎয়েং থম্বদগী সরকারগী থবক তৌবগী মওংদা অফবা অহোংবা অমা লাক্লে। লৈঙাক্কী থবকশিংদা অহোংবা পুরকপা অসিনা মীয়াম মীয়ামগী নুংঙাই-য়াইফবদা অফবা ফলশিং উবা ফংলে। হন্দক থিজিনবা অমদা, হৌখিবা চহি ৫দা মীওই করোর ১৩ হেন্না লায়রবা কোক্লে। মসি সরকারগী স্কিমশিংগী কান্নবা লায়রবশিংদা য়ৌবগী খুদম অমনি। বিকসিত ভারত সংকল্প যাত্রানা সরকারগী স্কিমশিংগী মীচম মীয়ামগী থোংজিলদা য়ৌহল্লে। থবক খল্লবশিংনা মখোয়গী মতম অদু মীয়ামগী য়াইফনবা থবক তৌবদা শীজিন্নগদবনি। মীয়াম্না অনৌবা হায়ৱেজশিং, রেলৱেজ স্তেসনশিং, এয়রপোর্তশিং অমসুং ঈশিং লম্বীশিংগী হীরমশিংদা ইনফ্রাস্ত্রকচরগী অওনবা অমা উবা ফংলে। ইনফ্রাস্ত্রকচরদা শেন য়াম্না থাদবা অসিনা অনৌবা থবক কয়া পীবা ঙম্লে।
প্রোজেকশিং মিসনগী মওংদা লোইশিনবগী মতাংদা প্রধান মন্ত্রীনা হায়খি লোইশিন্দনা লৈরিবা প্রোজেকশিং অসি লৈবাক অসিগী পুকচেল শেংবা তেক্স থিরবশিংদা অচৌবা নমথাক অমা তৌবনি। চহি খর অসিদা সরকারনা লুপা করোর লাখ কয়াগী প্রোজেকশিং হন্না য়েংশিনখ্রে অমসুং মখোয়না খোঙলৈ থুংনা লোইশিন্দুনা থবক ফংনবগী অনৌবা খুদোংচাবশিং পীরে। চহি ২২-২৩গী মমাঙদা হৌখিবা বিদার কালবুর্গি রেলৱে লাইন হন্দক লোইশিনখ্রে; ২০০৮তা সিক্কিমদা পাকয়োং এয়রপোর্ত শানবা থৌরাং তৌখি অদুবু ২০১৪ ফাওবা চেদা ওইনা লৈখি, অমসুং ২০১৪গী মতুংদা প্রোজেক অসি ২০১৮দা লোইশিনখি। পারাদিপ রিফাইন্নরি চহি ২০-২২ করিগুম্বা শিংথানিঙাই ওইবা থবক অমতা খুমাঙচাউশিন্দনা লৈখি। হন্দক রিফাইনরি অসি লোইশিনখ্রে।
লৈবাক অসিগী রিয়েল ইস্তেৎ সেক্তরগী মতাংদা প্রধান মন্ত্রীনা হায়খি সেক্তর অসিদা য়ুম শারিবশিং অমসুং মিদল ক্লাসশিং মরাই চাইথরকখি অদুবু রেরা লো চৎনবদগী অরোন-অথুপ লৈহনখিদে অমসুং শেন থাদবা হেনগৎলকখি। ঙসিদি, লৈবাক অসিদা রেরাগী মখাদা রিয়েল ইস্তেৎ প্রোজেক লাখ ১ হেন্না রেজিস্তার তৌরে। ঙসিদি লৈবাক অসিদা রিয়েল ইস্তেৎ চাউখৎলকপদগী মশিং য়াম্লবা থবকশিং ফংলে।
প্রধান মন্ত্রীনা হায়খি সরকারগী থৌশিলশিং অমসুং ৱারেপশিংনা ঙসিদি লৈবাক অসিগী শেন্মিৎলোন অনৌবা থাকশিংদা পুখৎলে। ভারতকী চাউখৎপগী খোঙজেলদা মালেমগী ইন্সতিতুসনশিংনা চেৎনা থাজবা থম্লে অমসুং থবক ফংবগী খুদোংচাবশিং হেনগৎলকপা, থবক শুবা ঙম্বা মীওইশিংগী য়াম্লবা অপুনবা মীশিং লৈবা অমসুং শিন্মীগী কান্নবা হেনৎলকপদগী ভারতনা য়াংনা চাউখৎলকপা অসিদা ইনভেস্তমেন্ত রেতিংদা মালেমগী লুচিংবা অমনা অয়াবা পীখ্রে। মসি ভারতকী মেনুফেকচরিং অমসুং কন্সত্রক্সন সেক্তর চাউখৎলকপা অসিনা ওইহনবনি। হায়রিবা থবকশিং অসিনা তুংদা ভারত্তা থবক ফংবা অমসুং মশানা মশাবু থবক পীজবা মখা তানা হেনগৎহনগনি।
শ্রী মোদীনা হায়খি সরকারগী থবক তৌবা মীওইশিং ওইনা থবক খল্লবশিংগী থৌদাং অসি ভারতকী চাউখৎপগী কান্নবশিং খুন্নাইগী খ্বাইদগী তোল্লবশিংদা য়ৌহনবনা ওইগদবনি। মফম অমা য়াম্না লাপ্পা ওইরবসু, মফম অদু অদোম্না মরুওইনা লৌগদবনি। মীওই অমা য়াম্না মনুং হুঞ্জিনবা মফমদা লৈবা ওইরবসু, অদোম্না মহাক্কী মনাক্তা চৎকদবনি। ভারত সরকারগী থবক তৌবা মীওই অমা ওইনা মসিগী ৱাখল্লোল অসিগা লোয়ননা থবক ফংলবশিংনা থবক তৌরকপা মতমদা চাউখৎলবা ভারত অমগী মঙলান মঙফাওনবা ঙমগনি।
প্রধান মন্ত্রীনা হায়খি মথং চহি ২৫ অসি লৈবাক অসিগী ওইনা য়াম্না মরুওই। থবক ফংলবশিংনা অনৌবা লার্নিং মোদুল ‘কর্মায়োগী প্রারম্ভ’ শীজিন্নগদবনি অমসুং মখোয় মখা তানা তমগদবনি। মসি চহি অমগী মমাঙদা হৌদোকপদগী হৌজিক ফাওবদা ‘কর্মায়োগী প্রারম্ভ’ মোদুলগী মখাদা নৌনা সরকারগী থবক ফংলবা মীওই লাখ কয়া ত্রেনিং পীখ্রে। ওনালাইন ত্রেনিং প্লেতফোর্ম iGoT কর্মায়োগীদা কোর্স ৮০০ হেন্না ফংলে। অদোমগী হৈথোই-শিংথৌইবা হেনগৎহন্নবা মসি শীজিন্নগদবনি। লৈবাক শেমগৎনবা মাইকৈদা মখোয়গী তুংগী য়াইফনবা পাউজেল পীদুনা প্রধান মন্ত্রীনা মহাক্কী ৱারোল লোইশিনখি।
নুঙগীৱারোল
রোজগার মেলা অসি থবক পীনবগী মতাংদা প্রধান মন্ত্রীনা পীখিবা থাজবশিং থবক ওইনা মাইকৈদা থাংজিনবা খোঙথাং অমনি। মখা তানা থবক পীনবা অমসুং নহারোলশিংদা শক্তি পীনবা অমসুং লৈবাক শেমগৎপদা শরুক য়ানবা খুদোংচাবশিং পীনবা রোজগার মেলানা থবক তৌরি।
মখোয়গী অনৌবা ৱাখল্লোলশিংগা লোয়ননা অমসুং থৌদাংগা চুনবা হৈথোই-শিংথোইবশিংনা লৈবাক্কী উদোগ, শেন্মিৎলোল অমসুং খুন্নাই চাউখৎপগী থবকশিং মপাঙ্গল কনখৎহন্দুনা প্রধান মন্ত্রীগী চাউখৎলবা ভারতকী মঙলাল মঙফাওনবদা মতেং পাংগনি।
iGoT কর্মায়োগী পোর্তেলদা য়াওরিবা ওনলাইন মোদুল ‘কর্মায়োগী প্রারম্ভ’ খুৎথাংদা মখোয় মশামক ত্রেনিং তৌনবগী খুদোংচাবা আমা নৌনা থবক খল্লবশিংনা ফংলে। প্লেতফোর্ম অসিদা মফম অমদগী দিভাইস অমদগী হেক্তা তম্বা য়ারবা ই-লার্নিং কোর্স ৮০০ হেন্না য়াওরি।
Prioritising ease of living for the citizens. pic.twitter.com/UmWzlZmdnb
— PMO India (@PMOIndia) November 30, 2023
सरकार खुद चलकर उन लोगों तक पहुंची, जिन्हें कभी योजनाओं का लाभ नहीं मिला: PM @narendramodi pic.twitter.com/STZkQHziuv
— PMO India (@PMOIndia) November 30, 2023
India is witnessing an infrastructure revolution. pic.twitter.com/eVoz37QwDB
— PMO India (@PMOIndia) November 30, 2023
Global institutions are optimistic about India's growth story. pic.twitter.com/Ec0qCxlxOF
— PMO India (@PMOIndia) November 30, 2023
