Launches Karmayogi Prarambh module - online orientation course for new appointees
“Rozgar Mela is our endeavour to empower youth and make them the catalyst in national development”“Government is Working in mission mode to provide government jobs”“Central government is according the highest priority to utilise talent and energy of youth for nation-building”“The 'Karmayogi Bharat' technology platform will be a great help in upskilling”“Experts around the world are optimistic about India's growth trajectory”“Possibility of new jobs in both the government and private sector is continuously increasing. More, importantly, these opportunities are emerging for the youth in their own cities and villages”“We are colleagues and co-travellers on the path of making India a developed nation”প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা রোজগার মেলাগী মখাদা নৌনা ইন্দক্ত তৌবা রিক্রুইৎশিংদা এপোইন্তমেন্ত লেত্তর ৭১,০০০ য়েন্থোকখ্রে। রোজগার মেলানা এমপ্লোইমেন্ত জেনরেসন হেনগৎহনবদা কেতলিস্ত অমা ওইনা মথৌ তৌরগনি অমসুং নহারোলশিংবু শক্তি পীনবা মখোয়দা অফবা খুদোংচাবশিং পীরগনি লোয়ননা জাতি শেমগৎপদা হকথেংননা শরুক তম্লগনি পান্নরি। মমাংদা ওক্তোবরদা রোজগার মেলাগী মখাদা নৌনা ইন্দক্ত তৌবা এপোইন্তী ৭৫,০০০দা এপোইন্ত লেত্তরশিং খুৎশিন্নখি।
থৌরম অদুদা ৱা ঙাংলদুনা প্রধান মন্ত্রীনা হায়খি ভারতকী সহর ৪৫ হেনবদা এপোইন্তমেন্ত লেত্তরশিং নহারোল ৭১,০০০ হেনবদা পীবনা ইমুং কয়াগীদমক নুংঙাইবগী অনৌবা মায়োল অমদা পুরগনি। মহাক্না ধন্তেরসকী নুমিৎতা কেন্দ্র সরকারনা নহারোলশিংদা এপোইন্তমেন্ত লেত্তর ৭৫,০০০ য়েন্থোকখিবা অদু নীংশিংখি। প্রধান মন্ত্রীনা হায়খি, “ঙসিগী রোজগার মেলা অসি কেন্দ্র সরকারনা লৈবাক্কী নহারোলশিংদা থবক্কী খুদোংচাবশিং পীনবা মিসন মোদতা থবক তৌরি হায়বগী খুদম অমা ওইরি”।
থা অমগী মমাংদা পাইখৎখিবা রোজগার মেলাগী থৌশিল অদুবু নীংশিংলদুনা প্রধান মন্ত্রীনা হায় মতম মতমগী মতুং ইন্না অসিগুম্বা রোজগার মেলাশিং য়ুনিয়ন তেরিরোরীশিং অমসুং রাজ্য কয়ানা পাঙথোক্কনি। মশা-মশাগী সরকারশিংনা মহারাস্ত্র, গুজরাত, উত্তর প্রদেশ, জম্মু অমসুং কাশ্মির, লদাখ, অন্দমান অমসুং নিকোবর, লক্ষদ্বীপ, দামন অমসুং দিয়ু, দদ্রা অমসুং নগর হবেলি অমসুং চান্দিগরদা নহারোল লিশিং কয়াদা এপোইন্তমেন্ত লেত্তরশিং খুৎশিন্নখিবদা মহাক্না নুংঙাইবা ফোঙদোকখি। মহাক্না মখা তারদুনা হায় গোৱা অমসুং ত্রিপুরানা নুমিৎ খরনি অসিদা অসিগুম্বা রোজগার মেলাশিং পাঙথোক্নবা শেম-শারি। প্রধান মন্ত্রীনা অসিগুম্বা অচৌবা মাইপাকপা অসিগীদমক দবল-ইঞ্জিন সরকারদা মনা পীখি অমসুং অসিগুম্বা রোজগার মেলাশিং অসি ভারতকী নহারোলশিংবু শক্তি পীনবা মতম মতমগী ওইনা পাঙথোক্কনি হায়না থাজবা পীখি।
প্রধান মন্ত্রীনা হায়খি নহারোলশিং অসি জাতিগী খ্বাইদগী অচৌবা শক্তিনি। কেন্দ্র সরকারনা মখোয়গী তেলেন্ত অমসুং ইনর্জী অসিবু জাতি শেমগৎপদা শীজিন্নবদা খ্বাইদগী মরু ওইবা মীৎয়েং চংলি। মহাক্না অনৌবা পব্লিক সর্ভেন্তশিংবু তরাম্না ওকখি অমসুং নুংঙাইবা ফোঙদোকখি। মহাক্না মখোয়দা য়াম্না মরু ওইবা তানফম হায়বদি অমৃত কালদা মখোয়দা মরু ওইবা থৌদাং শীন্নরি হায়না নীংশিংখি। মহাক্না অমৃত কালদা চাউখৎপা লৈবাক অমা ওইহন্নবা লৈবাক্কী ফিরেপতা মখোয়না লৌগদৌরিবা থৌদাং অদু খঙহনখি। মহাক্না মখোয়দা কেন্দ্র সরকারগী মীহুৎশিং ওইনা মখোয়না মশাগী থৌদাং অদু মুন্না খঙগদবনি অমসুং মখোয়গী থৌদাং পাঙথোক্নবা কেপাসিতী বিল্দিংদা লেপ্তনা মীৎয়েং থম্নবা হায়খি।
ঙসি লোঞ্চ তৌখিবা কর্ময়োগী ভারত তেক্নোলোজী প্লেৎফোর্মগী মতাংদা প্রধান মন্ত্রীনা সরকারগী ওফিসিএলশিংগীদমক ওনলাইন কোর্স কয়া ফংলগনি হায়না পাউদমখি। কর্ময়োগী প্রারম্ভ কৌবা সরকারগী কর্মচারিশিংগীদমক অখন্ননা দিজাইন তৌবা কোর্স অমগী মতাংদা মহাক্না ফোঙদোকখি অমসুং অনৌবা এপোইন্তীশিংদা মসিগী কান্নবা লৌনবা হায়খি। কান্নবশিংগী মতাংদা পল্লদুনা প্রধান মন্ত্রীনা হায় মদুদি মসিনা মখোয়গী স্কিল দিবেলপমেন্তগীদমক অচৌবা কান্নবা ওইরগনি লোয়ননা তুংদা লাক্কদবা মতমশিংদা মখোয়দা কান্নবা পীরগনি।
প্রধান মন্ত্রীনা লাইচৎ অমসুং লান্না মরম ওইদুনা মালেমগী থাক্তা নহারোলশিংগীদমক ওইরিবা খুদোংচাদবা মতৌ অসিগী মতাংদা পনখি। মহাক্না হায় অসিগুম্বা অরুবা তানফমশিংদা মালেমগী অখঙ-অহৈশিংনা ভারতকী গ্রোথ ত্রেজেক্তরীদা থাজবা থম্মি। প্রধান মন্ত্রীনা হায়, অখঙ-অহৈশিংগী মতুং ইন্না ভারতনা সর্ভিস সেক্তরদা মরু ওইবা ফোর্স অমা ওইরক্লগনি অমসুং অথুবদা মালেমগী মেন্যুফেকচরিং হব ওইরগনি। অমরোমদা পি.এল.আই.গুম্বা থৌশিলশিংনা মসিদা অচৌবা থৌদাং লৌরগনি, নহারোলশিং অমসুং লৈবাক্কী স্কিল মেনপাৱরগী মপুং ওইবা য়ুম্ফম ওইরগনি হায়না প্রধান মন্ত্রীনা ফোঙদোকখি। পি.এল.আই. স্কিমনা থবক লাখ ৬০ পীরবা য়ানা লৈ হায়না প্রধান মন্ত্রীনা পাউদমখি। মেদ ইন ইন্দিয়া, ভোকেল ফোর লোকেলগুম্বা কেম্পেনশিং অমসুং লোকেলবু গ্লোবেল য়ৌহনবা মসিনা থবক্কী অমসুং মশানা মশাবু থবক পীজবগী অনৌবা খুদোংচাবশিং পীরি হায়না মহাক্না মখা তাখি। মহাক্না হায়, “ সরকার অমসুং প্রাইবেৎ সেক্তর অনিমক্তা অনৌবা থবক্কী খুদোংচাবশিং লেপ্পা লৈতনা হেনগৎলক্লি। মরু ওইনা খুদোংচাবশিং অসি নহারোলশিংগী মখোয়গী মশাগী সহর অমসুং খুঙ্গংশিংদা হেনগৎলক্লি। মসিনা নহারোলশিংনা মাইগ্রেসন তৌনীংবা পোক্লম্বা অদু হন্থহনখি অমসুং মখোয়না লৈরিবা মফম অদুগী চাউখৎ-থৌরাংদা মখোয়না থৌদাং লৌবা ঙম্লগনি”।
প্রধান মন্ত্রীনা স্তার্তঅপতগী মশানা মশাবু থবক পীজবা অমসুং স্পেসতগী দ্রোন ফাওবদা লৈরিবা সেক্তরশিংদা পাইখৎখিবা খোঙথাংশিংনা পীখিবা অনৌবা খুদোংচাবশিংগী মতাংদা ফোঙদোকখি। স্তার্তঅপ ৮০,০০০না নহারোলশিংদা মখোয়গী তেলেন্ত উৎচনবা খুদোংচাবা পীরি। দ্রোনশিং অসি হীদাক-লাংথক, তিল হীদাক অমসুং স্বামিত্ব স্কিমদা মেপ্পিং তৌবা অমসুং দিফেন্স সেক্তরদা শীজিন্নবা হেনগৎলক্লি। মসিনা নহারোলশিংগীদমক অনৌবা থবক্কী খুদোংচাবশিং পীরি হায়না মহাক্না ফোঙদোকখি। নুমিৎ খরনিগী মমাংদা ভারত্তা প্রাইবেৎ সেক্তরনা ভারতকী অহানবা স্পেস রোক্কেৎ লোঞ্চ তৌখিবা অদু নীংশিংলদুনা প্রধান মন্ত্রীনা স্পেস সেক্তর হাংদোক্নবা লৌখিবা ফিরেপ অমদি মসিনা ভারতকী নহারোলশিংদা থবক্কী খুদোংচাবশিং পীরিবা অসিবু থাগৎখি। মহাক্না সেঙ্কসন তৌখিবা মুদ্রা লোন করোর ৩৫ হেনবা অদুবু খুদম ওইনা পীখি। প্রধান মন্ত্রীনা রিসর্চ অমসুং ইন্নোভেসন্দা শাহৌ পীরিবা অসিবু থাগৎখি অমসুং মসিনা লৈবাক অসিদা থবক্কী খুদোংচাবশিং হেনগৎহনখি হায়না ফোঙদোকখি।
প্রধান মন্ত্রীনা এপোইন্তীশিংদা মখোয়দা পীরিবা অনৌবা খুদোংচাবশিং অসি মপুং ফানা শীজিন্ননবা হায়খি। মহাক্না হায় মদুদি এপোইন্তমেন্ত লেত্তরশিং অসিনা মখোয়গীদমক গ্রোথ লৈনবা লমদা চংশিন্নবা মখোয়গী এন্ত্রী পোইন্তনি অমসুং মখোয়গী এক্সপরিয়েন্স অমসুং মখোয়গী সিনিয়রশিংদগী তমশিন্দুনা অফবা কেন্দিদেৎ অমা ওইনবা হোৎনৌ হায়না হায়নখি। প্রধান মন্ত্রীনা মহাক্কী লৌশিংগী এক্সপরিয়েন্স অদু শিয়র তৌরদুনা ৱারোল পীবা লোইশিনখি। মহাক্না হায় কনাগুম্বা অমনা মখোয়গী থৱায়দা য়াওরিবা মহৈরোয় অমগী ৱাখল্লোন অদু কৈদৌনুংদা মাংহল্লোইদবনি। শ্রী মোদীনা অনৌবা করিগুম্বা অমা তমশিন্নবগী খুদোংচাবা অদু মহাক্না কৈদৌনুংদা মাংহনদে হায়না ফোঙদোকখি। প্রধান মন্ত্রীনা এপোইন্তীশিংদা ওনলাইন ত্রেনিংগী মখোয়গী এক্সপরিয়েন্স অদু শিয়র তৌনবা আমসুং কর্ময়োগী ভারত প্লেৎফোর্ম ফগৎহন্নবা মখোয়গী কান্নরবা ফীদবেক পীরক্নবা হায়খি। প্রধান মন্ত্রীনা লোইশিনবদা হায়খি, “ঐখোয়না ভারতপু চাউখৎপা লৈবাক অমা ওন্থোক্নবগী লম্বেলদা চংশিল্লি। মসিগী মঙলান অসিগা লোয়ননা মাংদা চংশিন্নবা ঐখোয়না ফিরেপ লৌরসি”।
বেকগ্রাউন্দ
রোজগার মেলা অসি প্রধান মন্ত্রীনা এমপ্লোইমেন্ত জেনরেসন্দা খ্বাইদগী মরু ওইবা মীৎয়েং চংনবা লৌখিবা ফিরেপ অদু থুংহন্নবা মাইকৈদা চংশিনবা খোঙথাং অমনি। রোজগার মেলানা এমপ্লোইমেন্ত জেনরেসন হেনগৎহনবদা কেতলিস্ত অমা ওইনা মথৌ তৌরগনি অমসুং নহারোলশিংবু শক্তি পীনবা মখোয়দা অফবা খুদোংচাবশিং পীরগনি অমসুং জাতি শেমগৎপদা হকথেংননা শরুক তম্লগনি পান্নরি। মমাংদা ওক্তোবরদা রোজগার মেলাগী মখাদা নৌনা ইন্দক্ত তৌবা এপোইন্তী ৭৫,০০০দা এপোইন্ত লেত্তরশিং খুৎশিন্নখি।
অনৌবা এপোইন্তীশিংদা এপোইন্তমেন্ত লেত্তরশিংগী ফিজিকেল কোপীশিং অসি লৈবাক শিনবা থুংবদা লৈবা মফম ৪৫দা খুৎশিন্নগনি (গুজরাত অমসুং হিমাচল প্রদেশ য়াওদনা)। মমাংদা মেনশিনখিবা ফমশিংগী কেতগোরীশিংগী মথক্তা ওজা, লেকচর্র, নর্স, নর্সিং ওফিসর, দোক্তর, ফার্মাসিস্ত, রেদিওগ্রাফর অমসুং অতোপ্পা তেক্নিকেল অমসুং পেরামেদিকেলগী পোস্তশিংসু মেনশিনগনি। তোঙান-তোঙানবা সেন্ত্রেল আর্মদ পুলিস ফোর্সেস (সি.এ.পি.এফ.)তা গৃহ মন্ত্রালয়না মশিং য়াম্লবা পোস্তশিং মেনশিনগনি। প্রধান মন্ত্রীনা কর্ময়োগী প্রারম্ভ মোদ্যুলসু লোঞ্চ তৌখ্রে। মোদ্যুল অসি সরকারগী তোঙান-তোঙানবা বিভাগশিংদা অনৌবা এপোইন্তী পুম্নমক্কীদমক ওনলাইন ওরিয়েন্তেসন কোর্স অমনি। মসিদা পোলিসীশিংদা চুশিন্ননবা হোৎনবদা অমসুং অনৌবা থৌদাংশিং অসিদা লায়না ত্রাঞ্জিসন তৌবদা মখোয়বু মতেং পাংনবা সরকারগী কর্মচারীশিংগীদমক কোদ ওফ কন্দক্ত, থবক মফমগী কাংলোন অমসুং ইন্তিগ্রিতী, হ্যুমেন রিসোর্স পুলিসীশিং অমসুং অতোপ্পা কান্নবশিং অমসুং এলাৱেন্সশিং য়াওগনি। মখোয়গী লৌশিং, স্কিল অমসুং কম্পিতেন্সীশিং হেনগৎহন্নবগীদমক igotkarmayogi.gov.in প্লেৎফোর্মদা অতোপ্পা কোর্সশিং এক্সপ্লোর তৌনবগী খুদোংচাবসু মখোয়না ফংগনি।
Working in mission mode to provide government jobs. pic.twitter.com/A7f6WGmQ08
— PMO India (@PMOIndia) November 22, 2022
Youth are the biggest strength of our country. pic.twitter.com/hb8rl5Nn7X
— PMO India (@PMOIndia) November 22, 2022
The 'Karmayogi Bharat' technology platform which has been launched, has several online courses. This will greatly help in upskilling. pic.twitter.com/KWSirYDxF8
— PMO India (@PMOIndia) November 22, 2022
Experts around the world are optimistic about India's growth trajectory. pic.twitter.com/Pe4h6gQin0
— PMO India (@PMOIndia) November 22, 2022
New opportunities are being created for the youth in India. pic.twitter.com/sZwRbhULJg
— PMO India (@PMOIndia) November 22, 2022
