প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুৎথাংদা ইনৌ-নৌনা শেমজিনখিবা জলিয়ানৱালা বাঘ স্মারক্কী কমপ্লেক্স অদু লৈবাক অসিদা কৎখ্রে৷ থৌরম অদুদা, স্মারক্তা শারিবা ম্যুজিয়ম গেল্লরীশিং অদুসু মহাক্না শঙ্গাখি৷ কমপ্লেক্স অসি অপগ্রেদ তৌননবা সরকার অসিনা লৌখৎখিবা দিবেলপমেন্ত ইনিসিয়েতিব কয়ামরোম অদু থৌরম অসিনা উৎখি৷
প্রধান মন্ত্রীনা পঞ্জাবকী থৌনা ফরবা লৈবাক অমসুং জলিয়ানৱালা বাঘকী হোলী সোইল অদুদা খুরুমখি৷ নিংতম্বগী মৈরি খক্তমক মুথৎনবা মীওইবা খুন্নাইনা মমাংগী মতমদা তৌখিদ্রিবা থৌওংশিং অদু থিংনবা হোৎনখিবা ইমা ভারতকী মচাশিং অদুদসু মহাক্না ইকাই খুম্নবা উৎখি৷
থৌরম অদুদা ৱা ঙাংলদুনা, জলিয়ানৱালা বাঘকী ৱালশিংদা চমজরবা নুপাশিং অমসুং নুপীশিংগী মংলানশিং অদু বুল্লেত মার্কশিং ওইনা অদুমক তাবা উরি হায়না প্রধান মন্ত্রীনা ফোংদোকখি৷ ঙসিদি, মদুগী শাহীদি অদুদা তুখিবা মশিং য়াম্লবা ইমাশিং অমসুং ইচেলশিং অদুগী পুন্সি অমসুং মিনুংশি অদু ঐখোয়না নিংশিল্লি হায়না মহাক্না মখাতানা ফোংদোকখি৷
জলিয়ানৱালা বাঘ অসি মশিং য়াম্লবা রিবোলুসন্নরীশিং অমসুং লান্মীশিং খুদম ওইনা হায়রবদা সর্দার উধম সিংহ, সর্দার ভগত সিংহনা ভারতী নিংতম ইহৌগীদমক কৎথোকখিবা অসিদা চাওনা পুক্নিং শুমহৎখিবা মফম অদুনি হায়না প্রধান মন্ত্রীনা ফোংদোকখি৷ ১৯১৯, এপ্রীল ১৩গী মিনত ১০গী মতম অদু ঐখোয়গী নিংতম ইহৌগী মুৎপা নাইররোইদবা ৱারি ওইখ্রে, মসিনা মরম ওইদুনা ঙসি ঐখোয়না নিংতম্বগী অমিৃত মহোতসব পাংথোকপা ঙম্লিবনি হায়না মহাক্না ফোংদোকখি৷ অসিগুম্লবা থৌরম অসিদা, লৈবাক অসিনা মনিং-মখা তম্লকপা চহি ৭৫ মপুং ফারকপদা অনৌবা বর্জনদা জলিয়ানৱালা বাঘ মিমোরিএল কৎপা অসি ঐখোয় পুম্নমকপু চাওনা পুক্নিং থৌগৎনবগী খুদোংচাবা অমনি হায়না মহাক্না ফোংদোকখি৷
জলিয়ানৱালা বাঘ মাস্কর অসিগী মমাংদা, মফম অসিদা হোলী বাইসাখি পাংথোক্নরম্মী হায়বসি প্রধান মন্ত্রীনা নিংশিংলকখি৷ ‘সর্বাত দা ভালা’গী স্পিরিতকা লোইননা গুরু গোবিন্দ সিংহ জি খল্সা পান্থসু নুমিৎ অসিমক্তদা লিংখৎখি৷ লৈবাক অসিনা মনিং-মখা তম্লকপা চহি ৭৫ শুরকপদা, মসিগী নৌনা শেমজিল্লিবা জলিয়ানৱালা বাঘ অসিনা মসিগী মফম অসিগী পুৱারিগী মতাংদা নৌনা লাক্লিবা মীরোল অসিদা নিংশিংহল্লি অমসুং হৌখিবা ৱারিশিংগী মতাংদা হেন্না খঙহন্নবা পু্ক্নিং থৌগৎলগনি হায়না মহাক্না ফোংদোকখি৷
পুৱারিনা ঐখোয়বু তাকপি-তম্বিবা অমসুং ঐখোয়বু অচুম্বা লম্বীদা চৎনবগী মাইকৈ তাকপিবা অসিনা মশা মশাগী পুৱারিবু ঙাক শেনবা হায়বসি লৈবাক খুদিংমক্কী থৌদাংনি হায়না প্রধান মন্ত্রীনা ফোংদোকখি৷ লৈবাক অমা হেক্তনা অসিগুম্বা পুৱারিগী হৌখিবশিং অসি মীরাইদুনা থম্বা হায়বসি অচুম্বা নত্তে হায়না মহাক্না মখা তরক্লম্মী৷ মরম অদুনা, ভারতনা চহি খুদিংগী ওগস্ত ১৪ অসি 'পার্তিসন হোরর্স রিমেম্ব্রেন্স দে' ওইনা পাংথোক্নবা ৱারেপ্নখ্রে হায়না মহাক্না ফোংদোকখি৷ ভারত পার্তিসন তৌবগী মতমদা জলিয়ানৱালা বাঘকুম্বা অকি-তুজুংলবা থৌদোকশিং অসি ভারতনা থেংনখি৷ পার্তিসনগী মতম অসিদা পঞ্জাবকী প্রজা মীয়াম্না খ্বাইদগী হেন্না অৱাবা মাইয়োক্নখি হায়না মহাক্না ফোংদোকখি৷ পার্তিসনগী মতমদা লৈবাক অসিগী মফম পুম্নমক্তা মরু ওইনা পঞ্জাবকী ইমুংশিংনা থেংনখিবা অৱাবা অদু ঙসিসু ঐখোয়দা ফাওরি হায়না মহাক্না মখাতারম্মী৷
মালেম অসিগী মফম অমা হেক্তদা, ভারত মচাশিংনা অৱাবা খুদোংচাদবা মাইয়োক্নরকপা মতমদা, মখোয়শিং অদুগীদমক মহাক্কী ঙমজবি থাদুনা মতেং পাংনবা লেপ্লি হায়না প্রধান মন্ত্রীনা ঙসি ফোংদোকখি৷ কোরোনাগী মতমদবু ওইরবসু নত্রগা অফগানিস্তানগী ক্রাইসিস অসিদবু ওইরবসু, মালেম অসিনা লেপ্পা-লৈতনা থেংনরি৷ ওপরেসন দেবী শক্তিগী মখাদা অফগানিস্তানদগী মরুপ-মপাং কয়া অমা ভারত্তা পুরক্লি হায়না মহাক্না মখা তাখি৷ ‘গুরু ক্রিপা’না মরম ওইদুনা, প্রজা মীয়ামগা লোইননা হোলী গুরু গ্রান্থ সাহিবকী ‘স্বারুপ’ অদু ভারত্তা সরকার অসিনা পুরকপা ঙম্লগনি হায়না প্রধান মন্ত্রীনা ফোংদোকখি৷ অসিগুম্বা ফিভমশিং অসি ৱানা মাইয়োক্নরিবা প্রজা মীয়ামগীদমক পোলিসীশিং শেম্বদা গুরুশিংগী তিচিংশিং অসিনা মতেং পাংলি হায়না মহাক্না ফোংদোকখি৷
হৌজিক লৈরিবা মালেমগী ফিভমশিং অসিনা ‘এক ভারত শ্রেশথা ভারত’কী মরু ওইবা অমসুং অত্মনির্ভর অমসুং অত্মবিস্বাসকী তঙাই ফদবা অদু খঙহল্লি হায়না প্রধান মন্ত্রীনা ফোংদোকখি৷ হায়রিবা থৌদোকশিং অসিনা ভারতকী ফাউন্দেসনশিং মপাঙ্গল লৈহনবদা লমজিংলিবনি হায়না মহাক্না ফোংদোকখি৷
অমিৃত মহোতসবতা, খুঙ্গং খুদিংমক্তা নিংতম লান্মীশিংবু ইকাই খুম্নবা উৎলি হায়না ঙসি প্রধান মন্ত্রীনা ফোংদোকখি৷ নিংতম ইহৌগী মরু ওইবা স্তেজশিং অসিদা শাগোন্নরিবা মফমশিং অসি ঙাক শেন্নবা য়াম্না কন্না হোৎনরি হায়না মহাক্না ফোংদোকখি৷ জলিয়ানৱালা বাঘকুম্না লৈবাক অসিদা লৈরিবা নেস্নেল মোনুমেন্তশিং খুদম ওইনা হায়রবদা অলাহবাদতা ম্যুজিয়মদা লৈরিবা ইন্তরেক্তিব গেল্লরী, কোলকতাদা লৈরিবা বাইপ্লোবি ভারত গেল্লরীসু নৌহৌননা শেমগৎলি হায়না মহাক্না পনখি৷ নেতাজিনা ইহান হানবা ওইনা লৈবাক অসিগী ফিরাল পাইহনখিবা অন্দামনদা লৈরিবা মফম অদুদা অনৌবা আইদেন্তিতী পীদুনা অজাদ হিন্দ ফোজ(আই.এন.এ.)গী কন্ত্রব্যুসনশিং অদু নিংশিংহনখ্রে৷ অন্দামনদা লৈরিবা ইথৎশিংগী মমিংশিং নিংতম ইহৌগী মমিং লৌদুনা থোনখ্রে৷
ঐখোয়গী ত্রাইবেল কম্ম্যুনিতীনা নিংতম ইহৌদা অচৌবা থৌদাং লৌখি অমসুং চাওনা কৎথোকখি হায়না প্রধান মন্ত্রীনা ফোংদোকখি৷ মখোয়না কৎথোক্লম্বশিং অদুগী মতাংদা পুৱারিগী লাইরিকশিংদা ইগদবা চাং অদুদগী ৱাৎনা ইরবনি হায়না প্রধান মন্ত্রীনা নুংঙাইতনা ফোংদোকখি৷ লৈবাক অসিগী রাজ্য ৯দা ত্রাইবেলগী নিংতম লান্মীশিং অমসুং মখোয়গী স্ত্রগল উৎপা ম্যুজিয়মশিং শেমগৎপগী থবক চত্থরি হায়না মহাক্না ফোংদোকখি৷
পঞ্জাবকী ফজরবা ত্রেদিসন অদু পল্লদুনা, গুরুশিংগী লম্বী অদু মতুং ইন্দুনা, পঞ্জাবকী মচানুপাশিং অমসুং মচানুপীশিংনা লৈবাক অসিনা থেংনরিবা খুদোংথিবা পুম্নমক্তা অকিবা লৈতনা লেপ্লিবা অদু প্রধান মন্ত্রীনা ফোংদোকখি৷ মসিগী মমল লৈরবা হেরিতেজ অসি ঙাক শেন্নবা য়াম্না কন্না হোৎনরি হায়না মহাক্না ফোংদোকখি৷ লাইবক ফবদগী ৫৫০শুবা গুরু নানক দেবী জিগী প্রকাসহোতসব, ৩৫০শুবা গুরু গোবিন্দ সিংহ জিগী প্রকাসহোতসব, ৪০০শুবা গুরু তেগ বহাদুর জিগী প্রকাসহোতসবকুম্বা থৌরমশিং অসি হৌখিবা চহি তরেৎ অসিদা পাংথোকখি অমসুং মসিগী হোলী থৌরমশিং অসিগী মতেংদগী গুরুশিংগী তিচিংশিং অসি শন্দোক্নবা কেন্দ্র সরকারনা হোৎনখ্রে হায়না মহাক্না ফোংদোকখি৷ অসিগুম্বা মমিং লৈরবা লিগেসী অসি নহাশিংদা য়ৌহন্নবা অমসুং সুলাতানপুর লোধিবু হেরিতেজ তাউনদা ওন্থোকখিবা, কর্তারপুর কোরিদোর, তোঙান তোঙানবা লৈবাকশিংগা পঞ্জাবকা নুংশিৎকী লম্বী শম্নহনখিবা, গুরু স্থানশিংগা শম্নহনখিবা অমসুং স্বাদেশ দর্শন স্কিমগী মখাদা পতিয়লা হেরিতেজ সর্ক্যুইত-কলানোর-খতকর কালন-অমিৃতসর-ফেরোজপুর-চমকোর সাহিব-ফতেহগার্হ সাহিব-অনন্দপুর সাহিব শেমগৎ শাগৎখিবগুম্বা ইনিসিয়েতিবশিং অদু মহাক্না অমমম্তা ওইনা শন্দোক্না ফোংদোরকখি৷
ঐখোয়গী মনিং-মখা তম্বগী অমিৃত কাল অসি লৈবাক অসিগী ওইনা য়াম্না মরু ওই হায়না প্রধান মন্ত্রীনা ফোংদোকখি৷ মসিগী অমিৃত কাল অসিদা, মীপুম খুদিংমক্না হেরিতেজ অমসুং দিবেলপমেন্তদা মাই ওনশিনলক্নবা মহাক্না তকশিনখি৷ পঞ্জাবকী লৈবাক অসিনা ঐখোয়বু মতম পুম্নমক্তা থৌনা হাপ্পী অমসুং ঙসিদি পঞ্জাবপু লেবেল খুদিংমক্তা অমসুং মাইকৈ খুদিংমক্তা চাওখৎহনবা য়াম্না মরু ওই৷ মসিগীদমক, ‘সবকা সাথ, সবকা বিকাস’কী স্পিরিত অসিগা লোইননা পুন্না থৌবক তৌমিন্ননবা মহাক্না মীপুম খুদিংমক্তা তকশিনখি৷ জলিয়ানৱালা বাঘকী লমদম অসিনা লৈবাক অসিনা মহাক্কী থম্লিবা পান্দমশিং অদু অথুবা মতমদা ফংনবগী রিজোলুসনশিং অসিগীদমক লেপ্পা লৈতনা ইনর্জী পীবা ওইরসনু হায়না মহাক্না মঙ্গোল পীখ্রে৷
কল্চরগী কেন্দ্রগী মন্ত্রী, হাউজিং অমসুং আর্বান এফিয়র্সকী কেন্দ্রগী মন্ত্রী, কল্চরগী রাজ্য মন্ত্রীশিং, পঞ্জাবকী রাজ্যপাল অমসুং মুখ্য মন্ত্রী; হরিয়ানা, উত্তরখন্দ অমসুং হিমাচল প্রদেশকী মুখ্য মন্ত্রীশিং; পঞ্জাবতগী লোক সভা অমসুং রাজ্য সভাগী এম.পি.শিং, জলিয়ানৱালা বেঘ নেস্নেল মিমোরিএল ত্রস্তকী মেম্বরশিং অমসুং অতোপ্পা মীওইশিংনা থৌরম অসিদা শরুক য়াখি৷
অকুপ্পা মরোলশিংগীদমক মফম অসিদা পীরিবা বেক্তগ্রাউন্দর অসি য়েংবিয়ু
वो मासूम बालक-बालिकाएं, वो बहनें, वो भाई, जिनके सपने आज भी जलियांवाला बाग की दीवारों में अंकित गोलियों के निशान में दिखते हैं।
— PMO India (@PMOIndia) August 28, 2021
वो शहीदी कुआं, जहां अनगिनत माताओं-बहनों की ममता छीन ली गई, उनका जीवन छीन लिया गया।
उन सभी को आज हम याद कर रहे हैं: PM @narendramodi
13 अप्रैल 1919 के वो 10 मिनट, हमारी आजादी की लड़ाई की वो सत्यगाथा बन गए, जिसके कारण आज हम आज़ादी का अमृत महोत्सव मना पा रहे हैं।
— PMO India (@PMOIndia) August 28, 2021
ऐसे में आज़ादी के 75वें वर्ष में जलियांवाला बाग स्मारक का आधुनिक रूप देश को मिलना, हम सभी के लिए बहुत बड़ी प्रेरणा का अवसर है: PM @narendramodi
किसी भी देश के लिए अपने अतीत की ऐसी विभीषिकाओं को नजरअंदाज करना सही नहीं है।
— PMO India (@PMOIndia) August 28, 2021
इसलिए, भारत ने 14 अगस्त को हर वर्ष ‘विभाजन विभीषिका स्मृति दिवस’ के रूप में मनाने का फैसला किया है: PM @narendramodi
आज दुनियाभर में कहीं भी, कोई भी भारतीय अगर संकट से घिरता है तो भारत पूरे सामर्थ्य से उसकी मदद के लिए खड़ा हो जाता है।
— PMO India (@PMOIndia) August 28, 2021
कोरोना काल हो या फिर अफगानिस्तान का संकट, दुनिया ने इसे निरंतर अनुभव किया है।
ऑपरेशन देवी शक्ति के तहत अफगानिस्तान से सैकड़ों साथियों को भारत लाया जा रहा है: PM
आज़ादी के महायज्ञ में हमारे आदिवासी समाज का बहुत बड़ा योगदान है।
— PMO India (@PMOIndia) August 28, 2021
इतिहास की किताबों में इसको भी उतना स्थान नहीं मिला जितना मिलना चाहिए था।
देश के 9 राज्यों में इस समय आदिवासी स्वतंत्रता सेनानियों और उनके संघर्ष को दिखाने वाले म्यूज़ियम्स पर काम चल रहा है: PM @narendramodi
देश की ये भी आकांक्षा भी थी, कि सर्वोच्च बलिदान देने वाले हमारे सैनिकों के लिए राष्ट्रीय स्मारक होना चाहिए।
— PMO India (@PMOIndia) August 28, 2021
मुझे संतोष है कि नेशनल वॉर मेमोरियल आज के युवाओं में राष्ट्र रक्षा और देश के लिए अपना सब कुछ न्योछावर कर देने की भावना जगा रहा है: PM @narendramodi
