প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশকী উজ্জৈন্দা লৈবা শ্রী মহাকাল লোক্তা মহাকাল লোক প্রোজেক্তকী ফেস I জাতিদা খুৎশিন্নখ্রে।
প্রধান মন্ত্রীনা নন্দী দ্বারদগী শ্রী মহাকাল লোক্তা মহাক্না থুংলবা মতমদা মহাক্না নাৎকী ওইবা ফৈজোম শেৎখি। মনুংদা লৈবা লাইশঙদা থুংলবা মতুংদা প্রধান মন্ত্রীনা পুজা অমসুং দর্শন পাঙথোকখি অমসুং লাইশঙগী পুজারিশিং য়াওনা ভগৱান শ্রী মহাকালগী মমাংদা মখুৎ লোন্নদুনা থৌনিখি। আর্তি তৌরবা অমসুং পুশপাঞ্জলি পাঙথোক্লবা মতুংদা প্রধান মন্ত্রীনা মনুংদা লৈবা লাইশঙগী খা থংবা চুথেক্তা ফমখি অমসুং ধ্যান তৌখি অমরোমদনা মন্ত্রশিং শোনখি। প্রধান মন্ত্রীনা নন্দীগী মীতমগা হেক থংননসু ফমখি অমসুং মখুৎ লোন্নদুনা থৌনিখি।
প্রধান মন্ত্রীনা শ্রী মহাকাল লোক খুৎশিন্নবগী প্লেগ মাইখুম হাংখি। প্রধান মন্ত্রীনা লাইশঙগী ঋসিশিংগসু উন্নখি অমসুং মখোয়গা ঙাইহাক ৱারী শাখি। প্রধান মন্ত্রীনা মহাকাল লোক মন্দির কমপ্লেক্সতা চৎখি অমসুং খোঙনা চৎতুনা সপ্তর্শি মন্দল, মন্দপম, ত্রিপুরাসুর বথ অমসুং নবগর য়েংখি। প্রধান মন্ত্রীনা শিব পুরানাদগী অতোপ্পা কয়াগা লোয়ননা তাইবংপল শেমলকখিবা, গনেশ পোকখিবা, সতিগী ৱারী অমসুং দক্ষাগী মতাংদা ৱারীশিংদা য়ুম্ফম ওইবা পথকী ফকলাংদা য়েকপা লাইশিংসু য়েংখি। শ্রী মোদীনা মতুংদা থৌরম অসিদা উৎখিবা নাৎকী ওইবা থৌরম অমা য়েংখি অমসুং মানসরোভরদা মলখম্বগী পরফোর্মেন্স য়েংখি। মসিগী মতুংদা ভারত মাতা মন্দিরদা দর্শন তৌখি।
প্রধান মন্ত্রীগা লোয়ননা মধ্য প্রদেশকী রাজ্যপাল শ্রী মঙ্গুভাই পতেল, মধ্য প্রদেশকী মুখ্য মন্ত্রী, শ্রী শিবরাজ সিংহ চৌহান অমসুং কেন্দ্র মন্ত্রী শ্রী জ্যোতিরাদিত্য সিন্ধিয়াসু চৎখি।
বেকগ্রাউন্দ
প্রধান মন্ত্রী, শ্রী নরেন্দ্র মোদীনা মধ্য প্রদেশকী উজ্জৈনগী শ্রী মহাকাল লোক্তা মহাকাল লোক প্রোজেক্তকী ফেজ ১ জাতি মীয়ামদা খুৎশিন্নখি। মহাকাল লোক প্রোজেক্তকী ফেজ ১না লাইশঙ অসিদা লাই খুরুম্বা লাক্লিবা মীওইশিংদা মালেমগী থাক্কী এমেনিতীশিং ফংহন্দুনা মখোয়গী এক্সপরিএন্স হেনগৎহনবদা মতেং ওইগনি। প্রোজেক্ত অসিনা মফম অসিদা মী চিন্বা হন্থহন্নবা অমসুং হেরিতেজ স্ত্রকচরশিংবু ঙাক শেন্দুনা থম্নবা অমদি হান্নগী ফিভমদা হঞ্জিলহন্নবা থৌরাংদা অখন্নবা মীৎয়েং থম্লি। প্রোজেক্ত অসিগী মখাদা, লাইশঙ মনুং অসি হান্নদগী শরুক তরেৎকী ময়াদা চাউথোক্লগনি। প্রোজেক্ত অসিগী অপুনবা শেনফম লুপা করোর ৮৫০গী ময়াদা ওইগনি। হৌজিক লাইশঙ অসিদা চহিদা মীওই করোর ১.৫রোম লাক্লিবা অসি শরুক অনি হেনগৎলক্কনি হায়না পানরি। প্রোজেক্ত অসি তাঙ্কক অনি থোক্না শেমগৎনবা থৌরাং তৌরি।
মহাকাল পথ অসিদা প্রভু সিভগী অনন্দ তান্দব স্বরুপ (জগোয়গী মওং)শিং উৎপা য়ুম্বী ১০৮ য়াওরি। প্রভু সিভগী পুন্সিগী শক্লোন কয়া উৎপা লাইনিংগা মরী লৈনবা নুংদা হকপা শক্তমশিং মহাকাল পথ অসিদা য়াওরি। পথ অসিগী ফক্লাংদা য়েক্লিবশিং অসি তাইবংপাল শেম্বগী থৌওং, গনেস পোকপা, সতি দক্সগী ৱারীনচিংবা শিব পুরানাদা য়ুম্ফম ওইবনি। হেক্তর ২.৫ হেন্না পাক চাউবা প্লাজাগী মফম অসি থম্বাল হৌবা ইকোনশিংনা কোয়শিল্লি অমদি ইফুৎশিংগা লোয়ননা সিভগী মীতমশিং খিল্লি। মফম পুম্বসি অর্তিফিসিএল ইন্তলিজেন্স অমসুং সর্ভিলেন্স কেমেরাগী মতেংনা পুং ২৪ চুপ্না ইন্তিগ্রেতেদ কম্মান্দ এন্দ কন্ত্রোল সেন্তরনা য়েংশিন্দুনা লৈগনি।
