Quoteএম্স, ফর্তিলাইজর প্লান্ত অমসুং আই.সি.এম.আর. শঙ্গাখ্রে
Quoteদবল ইঞ্জিন সরকারনা চাউখৎ-থৌরাংগী থবকশিংগী খোঙজেল শরুক অনি হেনগৎহনখি: পি.এম.
Quote“খুদোংচাবা ফংদ্রবা অমসুং শোত্থরবশিংগী খনবা সরকার অসিনা কন্না হোৎনখি লোয়ননা ফলসু পীবা ঙমখি”
Quote“ঙসিগী থৌরম অসিনা ওইথোকপা ঙমদবা অমত্তা লৈতবা অনৌবা ভারতকী অখাং কনবা অদুগী খুদম ওইরি”
Quoteচু থারিবা লৌমীশিংগী য়াইফনবা তৌখিবা থবক অদুগীদমক য়ু.পি. সরকারবু থাগৎখি

প্রধান মন্ত্রী শ্রী নরেন্দ্র মোদীনা উত্তর প্রদেশকী গোরাখপুরদা তোঙান-তোঙানবা চাউখৎ-থৌরাংগী প্রোজেক্ত কয়ামরুম জাতি মীয়ামদা খুৎশিন্নখ্রে।

|

প্রধান মন্ত্রীনা গোরাখপুরদা এম্স অমসুং ফর্তিলাইজর প্লান্ত শঙ্গাবদা অমসুং আই.সি.এম.আর.ঈ রিজনেল মেদিকেল রিসর্চ সেন্তরগী অনৌবা বিল্দিং শাখিবা অসিগীদমক য়ু.পি. মীয়ামদা নুংঙাইবা ফোঙদোকখ্রে। মহাক্না চহি ৫গী মমাংদা এম্স অমসুং ফর্তিলাইজর প্লান্ত অসিগী উরেপ-উয়ুং তমখিবা অদুবু নীংশিংখি, অমসুং অনিমক ঙসি শঙ্গাবা অসিনা প্রোজেক্তশিং পাইখৎপা হৌখ্রবদি লোইশিন্নবা হোৎনরিবা সরকার অসিগী মওং-মতৌ অদু থমখি।

|

ধান মন্ত্রীনা হায় মদুদি দবল ইঞ্জিন ওইবা সরকার লৈরবদি চাউখৎ-থৌরাংগী থবকশিংগী খোঙজেল অসি শরুক অনি হেন্না য়াংখৎলি। মহাক্না হায়খি থবক অমা অফবা ৱাখল্লোনগা লোয়ননা পাইখৎলবদি খুদোংথিবা লাক্লবসু অপনবা পীবা ঙমদে। লৈতা-লাইরা, শোত্থরবা অমসুং খুদোংচাবা ফংদ্রবশিংগীদমক খনবা সরকার অমা লৈরবা মতমদা মসিনা থবক কন্না পাইখৎলি অমসুং মদু ফলশিং পুরক্তুনা উৎলি। মহাক্না হায়খি, ঙসিগী থৌরম অসিনা অনৌবা ভারত অসিনা অখাং কল্লবা মতমদা করিগুম্বা অমত্তা ওইথোক্তবা তৌদে হায়বগী খুদম পীখি।

|

প্রধান মন্ত্রীনা হায়খি, ময়া অহুম লোংবা লালোং অমগী খুত্থাংদা সরকার অসিনা চাদা ১০০ নীমনা কোতিং তৌবা য়ুরিয়া পুথোক্তুনা য়ুরিবা লান্না শীজিন্নবা থিংবা ঙমখি। মহাক্না হায়খি লৌমীশিংনা মখোয়গী লৌবুক্তা করম্বা মখলগী হার মথৌ তাবগে খঙবা ঙম্নবা লৌমী করোর কয়াদা সোইল হেল্থ কার্দশিং পীখি। মহাক্না হায়খি সরকার অসিনা য়ুরিয়া পুথোকপা হেনগৎহন্নবা মীৎয়েং চংখি। লোনদুনা লৈরুরবা ফর্তিলাইজর প্লান্তশিং অসি অমুক হন্না নমদুনা হাংদোকহন্দুনা য়ুরিয়া পুথোকপা হেনগৎনবা হোৎখি। লৈবাক অসিগী তোঙান-তোঙানবা শরুকশিংদা ফর্তিলাইজর প্লান্ত ৫ মপুং ফানা শাব লোইখিবগা লোয়ননা লৈবাক অসিদা য়ুরিয়া তোন লাখ ৬০রোম ফংলগনি হায়না প্রধান মন্ত্রীনা ফোঙদোকখি।

|

হৌখিবা চহি খরা অসিদা চুগী লৌমীশিংগীদমক অমুক্তা তৌখিদ্রিবা মওংদা থবক পাইখৎখিবগীদমক উত্তর প্রদেশকী সরকারবু প্রধান মন্ত্রীনা থাগৎপা ফোঙদোকখি। মহাক্না সরকার অসিনা হন্দক্তা চুগী রিম্যুনরেতিব প্রাইস অসি লুপা ৩০০/-দা হেনগৎহনখিবা অমসুং হৌখিবা চহি ১০দা মমাংগী সরকারনা চু থারিবা লৌমীশিংদা পীখিবা শেম অদুগা চপ মান্নবা শেনবা পীথোকপা ঙমখিবগীদমক থাগৎখি।

প্রধান মন্ত্রীনা হায়খি নীংতম্বা ফংলবা মতুং চহিচা অসিগী অহৌবা শরুক ফাওবদা লৈবাক অসিদা এম্স অমা খক্তমক লৈরমখি। হান্নগী প্রধান মন্ত্রী শ্রী অতল বিহারি বাজপায়ীনা এম্স ৬ অমগা অয়াবা পীরমখি। হৌখিবা চহি ৭ অসিদা লৈবাক শিনবা থুংবদা অনৌবা এম্স ৬ শানবা থবক পাইখৎলি হায়না প্রধান মন্ত্রীনা ফোঙদোকখি। মহাক্কী সরকারগী পন্দমদি লৈবাক অসিগী জিলা খুদিংমক্তা য়ামদ্রবদা মেদিকেল কোলেক অমা লৈহনবা অসিনি হায়না মহাক্না লাউথোকখি।

|

প্রধান মন্ত্রীনা হায়খি লমদম অসিগী লৌমীশিংগীদমক গোরাঝপুর ফর্তিলাইজর প্লান্ত অসি কয়াম মরু ওইবগে হায়বা মীপুম খুদিংমক্না খঙই। মহাক্না হায়খি প্লান্ত অসি ফনা মরু ওইরবসু মমাংগী সরকারনা মসি অমুক হন্না হাংদোকপদা মীৎয়েং চংলমখিদে। মীপুম খুদিংমক্না খঙই মদুদি গোরাখপুরদা এম্স শানবা দিমান্দ অসি চহি কয়া তৌদুনা লাকখি। অদুবু ২০১৭কী মমাংদা সরকার পাইরম্বশিং অদুনা গোরাখপুরদা এম্স শানবা লম অসি পীদনবা মরমশিং থিদুনা লৈখি। প্রধান মন্ত্রীনা লমদম অসিদা অঙকপা ফংনা জপানিজ এন্সেফলাইতিস কেসশিং হন্থরকপা অমসুং লমদম অসিদা মেদিকেল ইনফ্রাস্ত্রকচর হেনগৎলকপা অসিগী মতাংদা ফোঙদোকখি। “এম্স অমসুং আই.সি.এম.আর.গী সেন্তরগা লোয়ননা জে.ই.গী মায়োক্তা লান্থেংনবদা অনৌবা থৌনা হাপ্লগনি” হায়না মহাক্না ফোঙদোকখি।

প্রধান মন্ত্রীনা অঙম্বা শাবগী রাজনিতী অসিবু চৈখি, শক্তিগী রাজনিতী তৌবা, স্কেমশিং অমসুং মাফিয়া অসিনা মমাংদা রাজ্য অসিগী মীয়ামদা অৱাবা পীখি। মহাক্না অসিগুম্বা শক্তিশিং অসিদগী চেকশিন্নবা মীয়ামদা অপীল তৌখি।

|

প্রধান মন্ত্রীনা হায়খি ঙসি ঐখোয়গী সরকার অসিনা লৈতা-লাইরবশিংগী সরকারগী গপদাউনশিং হাংদোকখি অমসুং য়ু.পি.গী সি.এম. অসি য়ুমথোং খুদিংদা চান্নবা পোৎলম য়েনবদা থবক চেল্লি হায়না ফোঙদোকখি। মহাক্না মখা তারদুনা হায় মসিগী কান্নবশিং য়ু.পি.গী মীওই করোর ১৫রোম্না ফংলি। হন্দক্তা পি.এম. গরিব কল্যান অন্ন য়োজনা অসু য়াওশঙ ফাওবা শাংদোকখি। মমাংগী সরকারনা ক্রিমিনেলশিংবু ঙাকলৌ পীদুনা য়ু.পি.গী মিংচৎ থিনবা হোৎনরমখি। ঙসি মাফিয়া অসি জেলদা লৈরে অমসুং ইনভেস্তরশিংনা মনিং তম্না য়ু.পি.দা ইনভেস্ত তৌরি। মসি দবল ইঞ্জিনগী দবল দিবেলপমেন্ত অদুনি। মরম অসিনা য়ু.পি.না দবল ইঞ্জিন সরকারদা থাজবা থমখি হায়না মহাক্না মখা তাখি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • शिवकुमार गुप्ता January 13, 2022

    जय भारत
  • शिवकुमार गुप्ता January 13, 2022

    जय हिंद
  • शिवकुमार गुप्ता January 13, 2022

    जय श्री सीताराम
  • शिवकुमार गुप्ता January 13, 2022

    जय श्री राम
  • G.shankar Srivastav January 02, 2022

    सोच ईमानदार काम दमदार फिर से एक बार योगी सरकार
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
From Unbanked To Empowered: The Success Story Of Jan Dhan Yojana

Media Coverage

From Unbanked To Empowered: The Success Story Of Jan Dhan Yojana
NM on the go

Nm on the go

Always be the first to hear from the PM. Get the App Now!
...
Haryana Chief Minister meets PM Modi
February 27, 2025

The Chief Minister of Haryana, Shri Nayab Singh Saini met the Prime Minister, Shri Narendra Modi today.

The Prime Minister’s Office handle posted on X:

“Chief Minister of Haryana, Shri @NayabSainiBJP, met Prime Minister @narendramodi.

@cmohry”