প্রধান মন্ত্রী শ্রী নরেন্দ্র মোদীনা লুচিংদুনা লাইবক থিবা থোঙ তৎপগী থৌদোক অদুগী মতাংদা ওইরক্লিবা ফিবম হন্না য়েংশিন্নবা মীফম অমা গুজরাতকী মোরবীদা পাংথোকখ্রে।
প্রধান মন্ত্রীনা হায়খি ওথোরিতিশিংনা খুদোংথিবা নঙলবা ইমুংশিংগা পাউ ফাউনগদবনি অমসুং মখোয় ফংবা য়াবা মতেং পুম্নমক ফংহনগদবনি। মী কনবগী থবকশিং অমসুং খুদোংথিবা নংলবশিংদা মতেং পাংবগী মতাংদা ওফিসিএলশিংনা প্রধান মন্ত্রীদা পাউদমখ্রে।
প্রধান মন্ত্রীনা হায়খি খুদক্কী ওইনা দরকার ওইরিবদি খুদোংথিবা থৌদোক অসিগা মরী লৈনবা খুদিংমক মশক খঙদোক্নবা অকুপ্পা থিজিনবা অমা পাংথোকপনি। ইনক্বারিদগী ফংলকপা মরুওইবা ৱাফমশিং খুদক্তা থবক ওইনা পাংথোক্কদবনি।
মীফম অদুদা চীফ মিনিস্তর ভুপেন্দ্রভাই পতেল, হোমগী রাজ্য মন্ত্রী হর্স সঙ্গাবি, গুজরাত সরকারগী মিনিস্তর বিরজেস মিশ্রা, গুজরাতকী চীফ সেক্রেতরি, রাজ্যগী দি.জিপি, লোকেল কল্লেক্তর, এস.পি, আই.জি.পি, এম.এল.এশিং অমসুং এম.পিশিং অমসুং অতোপ্পা ওফিসিএলশিং শরুক য়াখি।
মসিগী মমাঙদা, মোরবীদা থুংলবগা, প্রধান মন্ত্রীনা থোঙ তৎলিবা মফম অদুদা চৎখি। মহাক্না অশোকপশিং লায়েংলিবা মফম অদুদা লৈবা হোস্পিতালদা চৎখি। প্রধান মন্ত্রীনা মী কনবা অমসুং মতেং পীবগী থবক্তা শরুক য়ারিবা মীওইশিংগা উনখি অমসুং মখোয়গী থবক অদুগীদমক থাগৎখি।
