পি.এম.না কোবিদ অমসুং বেক্সিনেসনগা মরী লৈনবা ফীভমগী মতাংদা অৱাংবা থাক্কী মীফম অমদা ময়াই তাংবল লৌখ্রে

Testing has gone up from around 50 lakh tests per week in early March to around 1.3 crore tests per week now

Localised containment strategies are the need of the hour: PM

PM instructed that testing needs to be scaled up further in areas with high test positivity rates

PM asks for augmentation of healthcare resources in rural areas to focus on door to door testing & surveillance.

Empower ASHA & Anganwadi workers with all necessary tools to boost fight in rural areas: PM

Important to ensure proper distribution of oxygen supply in rural areas: PM

Necessary training should be provided to health workers in the operation of ventilators & other equipment: PM

 পি.এম.দা মার্চকী অঙনবা শরুক্তা চয়োল অমদা তেস্ত লাখ ৫০রোম তৌরম্বা অদু হৌজিক চয়োল অমদা তেস্ত করোর ১.৩রোম তৌদুনা লৈবাক অসিদা তেস্ত তৌবগী চাং লেপ্তপনা হেনগৎলক্লি হায়না পাউদমখ্রে। মখোয়না পি.এম.দা তেস্ত পোজিতিবিতী রেৎশিং তপ্না-তপ্না হন্থরক্লি অমদি রিকভরী রেৎ হেনগৎলক্লি হায়নসু খঙহনখ্রে। নোংমদা কেস লাখ ৪ হেন্না হেল্লম্বা অদু হৌজিক হন্থরক্লিবা অসি হেল্থকিয়র ৱর্করশিং, রাজ্য সরকারশিং অমসুং কেন্দ্র সরকারনা হোৎনরিবশিং অসিগী ফলনি হায়না খন্নখ্রে।

ওফিসিএলশিংনা কোবিদ, তেস্ত তৌবা, ওক্সিজেন লৈবা-লৈতবা, হেল্থকিয়র ইনফ্রাস্ত্রকচর, বেক্সিনেসন রোদমেপকী মতাংদা রাজ্য অমসুং জিলাগী থাক্তা লৈরিবা ফীভমগী মতাংদা অকুপ্পা ৱারোল য়াওবা প্রজেন্তেসন অমা উৎখ্রে।

পি.এম.না হায় অখন্ননা জিলাশিংদা তি.পি.আর. ৱাংবা রাজ্যশিংগী ওইনা লোকেলাইজ কন্তেনমেন্তগী লালোংশিং অসি হৌজিক য়াম্না তঙাই ফদবা ওইরে। প্রধান মন্ত্রীনা তেস্ত পোজিতিবিতী রেৎশিং ৱাংবা মফমশিংদা মরু ওইনা আর.তি.-পি.সি.আর. অমসুং রেপিদ তেস্তশোং শিজিন্নদুনা তেস্ত তৌবা অসি মখা তানা হেনগৎহনবা মথৌ তাই হায়না য়াথং পীখ্রে। পি.এম.না মশিং ৱাংখৎলক্লিবা অসিনা মখোয়না হোৎনরিবা অসি অরেম্বা তারে হায়বগী মখল অমতগী প্রেসর লৈতনা মশিং অদু অরোৎপা লৈতনা রিপোর্ত তৌনবা রাজ্যশিংদা থৌগৎকদবনি হায়না ফোঙদোকখ্রে। পি.এম.না য়ুমথোং খুদিংদা চৎতুনা তেস্ত তৌবা অমসুং সর্ভিলেন্স চত্থনবা মীৎয়েং থমদুনা খুঙ্গংগী মফমশিংদা হেল্থকিয়র রিসোর্সশিং চাউথোকহন্নবা খঙহনখ্রে। মহাক্না মথৌ তাবা খুৎলাই পুম্নমক শিজিন্নদুনা আশা অমসুং অঙ্গনৱাদী ৱর্করশিং এম্পাৱর তৌনবগী মতাংদসু ফোঙদোকখ্রে। পি.এম.না খুঙ্গংগী মফমশিংদা হোম আইসোলেসন তৌবা অমসুং লায়েংবগী মতাংদা অরাইবা লোলদা শন্দোক্না তাকপা গাইদলাইনশিং শেম্নবা খঙহনখ্রে।

প্রধান মন্ত্রীনা ওক্সিজেন কন্সেন্ত্রেতরশিংগী প্রোবিজন য়াওনা খুঙ্গংগী মফমশিংদা ওক্সিজেন সপ্লাই ফংহন্নবা দিস্ত্রিব্যুসন প্লান অমা শেমদোক্তুনা থম্নবা পাউতাক পীখ্রে। প্রধান মন্ত্রীনা মখা তারদুনা হায় ইক্বিপমেন্ত চল্লাইনবা হেল্থ ৱর্করশিংদা মথৌ তাবা ত্রেনিং পীগদবনি অমসুং অসিগুম্বা মেদিকেল দিভাইসশিং মথৌ তৌবদা অপনবা থোক্তনবা পাৱর সপ্লাই পীগদবনি।

প্রধান মন্ত্রীনা রাজ্য খরগী স্তোরেজতা ভেন্তিলেতরশিং শিজিন্নদনা তাদুনা লৈরি হায়না ফোঙখিবা রিপোর্ত খরা অদু হকচিন্না লৌখি অমসুং কেন্দ্র সরকারনা পীথখিবা ভেন্তিলেতরশিং অদু ইন্সতোলেসন তৌনবা অমসুং শিজিন্ননবা খুদক্তা ওদিৎ অমা চত্থনবা য়াথং পীখ্রে। প্রধান মন্ত্রীনা মখা তারদুনা হায় করিগুম্বা মথৌ তারবদি ভেন্তিলেতরশিং নীংথিজনা চল্লাইনবা হেল্থকিয়র ৱর্করশিংদা রিফ্রেশর ত্রেনিং পীগদবনি।

পি.এম.না হায় ভারতনা কোবিদকী মায়োক্তা লান্থেংনরিবা অসি মতম পুম্বদা সাইন্তিস্তশিং অমসুং লম অসিদা খঙহৈরবশিংদা লমজিংদুনা লাকখি অমসুং মখোয়না মখা তানা লমজিংখিগনি।

ওফিসিএলশিংনা পি.এম.দা বেক্সিনেসনগী থৌওং অমসধং রাজ্য-রাজ্যগী চহি ৪৫+কী চহি কাংলুপকী কভরেজকী মতাংদা পাউদমখ্রে। তুংদা বেক্সিন ফংহন্নবগী মতাংদা রোদমেপসু খন্নখ্রে। মহাক্না ওফিসিএলশিংদা রাজ্যশিংগী খুৎশম্নদুনা বেক্সিনেসনগী খোঙজেল য়াংখৎহন্নবা পাউতাক পীখ্রে।