পি.এম.না লুপা করোর ১,২১,৩০০কী মথক্তা ওইবা রাজ্য ১০ অমসুং য়ু.তি. ২দা পাংইখৎলিবা মরু ওইবা প্রোজেক্ত ১২ য়েংশিনখ্রে
পি.এম.না রাজকোত, জম্মু, আৱন্তিপোরা, বিবিনাগর, মাদুরাই, রেৱারি অমসুং দার্ভঙ্গাদা এ.আই.আই.এম.এস. শাবগী থবকশিং অদুগী খুমাং চাউশিনবগী ফিভম অদু য়েংশিনখ্রেপি.এম. স্বনিধি স্কীম অদুবু য়েংশিল্লদুনা, প্রধান মন্ত্রীনা চীফ সেক্রেতরীশিংদা অর্বান এরিয়াশিংদা লৈরিবা মতিক চাবা স্ত্রীত ভেন্দরশিং অদুবু মশক খঙদোক্নবা অমসুং য়াওহন্নবা হায়খ্রেপি.এম.না স্বনিধি সে সমরিদধি কেমপেনগী খুত্থাংদা স্বনিধি বেনিফিসরীশিংগী ইমুং-মনুংশিংদা সরকারগী স্কীমশিংগী কান্নবশিং অদুবু ফংহন্নবা হায়খ্রেপ্রধান মন্ত্রী, শ্রী নরেন্দ্র মোদীনা ঙসি অঙনবদা কেন্দ্র অমসুং রাজ্য সরকারশিং য়াওবা প্রো-এক্তিব গোবর্নেন্স অমসুং মতম চানা ইমপ্লিমেন্ত তৌনবগীদমক্তা আই.সি.তি.দা য়ুমফম ওইবা মল্তি-মোদল প্লেতফোর্ম, প্রগতিগী ৪২শুবা এদিশনগী মীফমদা ময়াই তাংবল লৌখ্রে।
মিফম অদুদা, মরু ওইবা প্রোজেক্ত তরানিথোই য়েংশিনখ্রে। প্রোজেক্ত তরানিথোই অদুগী মরক্তা, প্রোজেক্ত তরেত অমদি হকশেল অমসুং য়াইফ-য়ুম্বাল মন্ত্রালয়দগীনি, প্রোজেক্ত অনি অমনা রেলৱেজ মন্ত্রালয়দগীনি অমসুং রোদ ত্রান্সপোর্ত অমসুং হাইৱেজ মন্ত্রালয়, স্তীল মন্ত্রালয়, পেত্রোলিয়ম অমসুং নেচরেল গ্যাস ঞন্ত্রালয়দগী প্রোজেক্ত অমমম য়াওখি। মসিগী প্রোজেক্তশিং অসিদা পুন্না লুপা করোর ১,২১,৩০০ চংখি অমসুং রাজ্য ১০গা মরি লৈনৈ মিং ওইনা পল্লবদা, ছত্তিসগর, বিহার, রাজস্থান, মধ্য প্রদেশ, গুজরাত, মহারাস্ত্র, তেলঙ্গনা, তামিল নাদু, ওরিশা অমসুং হরিয়ানা অমসুং য়ু.তি. ২ মিং ওইনা পল্লবদা, জম্মু অমসুং কাশ্মির অমসুং দাদ্রা অমসুং নাগর হৱেলি।
পি.এম.না রাজকোত, জম্মু, আৱন্তিপোরা, বিবিনাগর, মাদুরাই, রেৱারি অমসুং দার্ভঙ্গাদা এ.আই.আই.এম.এস. শাবগী থবকশিং অদুগী খুমাং চাউশিনবগী ফিভম অদু য়েংশিনখ্রে। পি.এম.না স্তেকহোল্দর পুম্নমক্তা লৈরিবা ইশুশিং অদু লোইশিন্নবা অমসুং মীয়ামগীদমক্তা মসি কয়া য়াম্না মরু ওইবগে হায়বদু য়েংলগা প্রোজেক্তশিং অসিবু লোইশিন্নবা পীরিবা অকক্নবা মতম অদু ঙাক্না চৎনবা তাক্লকখি।
ৱারি-ৱাতাই শানবা অদুদা, প্রধান মন্ত্রীনা ‘পি.এম. স্বনিধি স্কীম’বুশু য়েংশিনখি। মহাক্না চীফ সেক্রেতরীশিংদা অর্বান এরিয়াশিংদা মরু ওইনা তায়র II অমসুং IIIগী সহরশিংদা লৈরিবা মতিকচাবা স্ত্রীত ভেন্দরশিং অদুবু মশক খঙদোক্নবা অমসুং মখোয়বু মসিগী মনুং চলহন্নবা হায়খি। মহাক্না মিসন মোদতা স্ত্রীত ভেন্দরশিং অসিনা দিজিতেল ত্রানজেক্সন তৌবা থৌগৎনবা অমসুং স্বনিধি সে সমরিদধি কেমপেনগী খুত্থাংদা স্বনিধি বেনিফিসরীশিংগী ইমুং-মনুংশিংদা সরকারগী স্কীমশিংগী কান্নবশিং পীনবা দ্রাইব অমা পাংথোক্নবশু হায়খ্রে।
পি.এম.না জি.২০ মীফমশিং মাইপাক্না পাংথোকখিবগীদমক্তা চীফ সেক্রেতরী পুম্নমকপু থাগৎপা ফোংদোকখ্রে। মহাক্না মরু ওইনা তুরিজম অমসুং এক্সপোর্তকীদমক্তা মখোয়গী রাজ্যশিংগীদমক্তা মীফমশিং আসিদগী কান্নবা খ্বাইদগী হেন্না লৌনবা হায়খি।
প্রগতি মীফমশিং অসিগী মনুংদা, হৌজিক ফাওবগী ওইনা পুন্না লুপা করোর লাখ ১৭.০৫ চংবা প্রোজেক্ত ৩৪০ য়েংশিনখ্রে।
