QuoteNEET-PG Exam to be postpone for at least 4 months
QuoteMedical personnel completing 100 days of Covid duties will be given priority in forthcoming regular Government recruitments
QuoteMedical Interns to be deployed in Covid Management duties under the supervision of their faculty
QuoteFinal Year MBBS students can be utilized for tele-consultation and monitoring of mild Covid cases under supervision of Faculty
QuoteB.Sc./GNM Qualified Nurses to be utilized in full-time Covid nursing duties under the supervision of Senior Doctors and Nurses.
QuoteMedical personnel completing 100 days of Covid duties will be given Prime Minister’s Distinguished Covid National Service Samman

প্রধান মন্ত্রীনা লৈবাক অসিদা ওইরিবা কোবিদ-১৯গী ফিভমগা থেংননবা মতিক চাবা হ্যুমেন রিসোর্সকী তঙাই ফদবা লৈববু ঙসি য়েংশিনখ্রে। কোবিদ শেন্নবগীদমক্তা মেদিকেলগী মীওই মশিং য়াম্না হেনগৎহনগদবা মরু ওইবা ৱারেপ কয়া অমসু লৌখি।

এন.ই.ই.তি.-পি.জি. পরিক্ষাবু য়ামদ্রবদা থা ৪ য়ৈথোক্নবা ৱারেপ লৌখিবগা লোয়ননা পরিক্ষা অসি ওগস্ত ৩১, ২০২১গী মমাংদা পাংথোক্লরোই। পরিক্ষা অসি পাংথোক্ত্রিঙৈগী থা অমগী মমাংদা মহৈরোইশিংদা ই-পাউ খঙহনগনি। থৌওং অসিনা কোবিদ থেংননবা মতিক চাবা দাক্তর কয়া অমা পুথোকপা ঙমগনি।

ইন্তর্নশিপ রোতেসনগী শরুক অমা ওইনা মেদিকেল ইন্তর্নশিংবু মখোয়গী ফেকলতীগী মিৎয়েং মখাদা কোবিদ শেন্নবগী থবক্তা শিজিন্নবা য়াবগী ৱারেপ অমসু লৌখি। এম.বি.বি.এস.কী অরোইবা চহিদা তম্লিবা মহৈরোইশিংবু নীংথিনা খন্নরবা তুংদা, মখোয়গী ফেকলতীগী মিৎয়েং মখাদা ময়াই ওইরপ্না নাবা কোবিদ অনাবশিংদা তেলে-কন্সলতেসন অমসুং মোনিতরিং তৌবগী থবকশিংদা শিজিন্নবসু য়ারগনি। মসিনা কোবিদ শেন্নবগীদমক্তা হৌজিক লৈরিবা সেনিয়র দাক্তরশিংগী পোৎলুম হন্থহনবগা লোয়ননা কাংলোন চুম্না অনাবা লাইয়েংবগী থৌওংবুসু হেন্না ফগৎহল্লগনি।

অরোইবা চহিদা তম্লিবা পি.জি.গী মহৈরোইশিং (মপুং ওইবা অমসুং অখন্নবা হীরমগী)গা লোয়ননা রেসিদেন্তশিংসু অনৌবা পি.জি.গী মহৈরোইশিং লাক্ত্রিবা ফাওবা মখা তানা তেংবাংহনবা য়াখিগনি।

বি.এস.সি./জি.এন.এম. লোইরবা নর্সশিংবু সেনিয়র দাক্তর অমসুং নর্সশিংগী মখাদা কোবিদ শেন্নবগী মথৌদা মপুং ওইনা শিজিন্নবা য়ারগনি। 

কোবিদ শেন্নবদা মশানা য়ানা তেংবাংলিবা মীওইশিংনা কোবিদকী মথৌদা য়ামদ্রবদা নুমিৎ ১০০ লোইশিল্লবদি, তুংদা লৌরক্কদবা সরকারগী থবকশিংদা মখোয়শিংবু থবক খনবগীদমক্তা হান্না খন্নগনি।

কোবিদকা মরী লৈনবা থবকশিংদা তেংবাংনীংবা মেদিকেলগী মহৈরোই/প্রোফেস্নেলশিংবু মতাং চানা ভেক্সিন কাপথোক্কনি। অসিগুম্বা হেল্থ প্রোফেস্নেল খুদিংমক কোবিদ-১৯ লান্থেংনরিবা হেল্থ ৱর্করশিংগীদমক্তা চলায়রিবা সরকারগী ইন্স্যুরেন্স স্কিমগী মনুং চনগনি।

কোবিদ শেন্নবগীদমক্তা য়ামদ্রবদা নুমিৎ ১০০গী তেংবাংবগী থৌওংগী মনুং চনগে থোক্লকপা প্রোফেস্নেল খুদিংদা ভারত সরকারগী মাইকৈদগী প্রধান মন্ত্রীগী দিস্তিঙ্গুইসদ কোবিদ নেস্নেল সর্ভিস সম্মানসু পীরগনি।

দাক্তর, নর্স অমসুং মরী লৈনবা শিনফমগী মীওইশিংগা লোয়ননা ফ্রন্তলাইন ৱর্করশিংনা কোবিদ শেন্নবগী য়াংলেন শরু ওইরিবনি। মখোয়গুম্বা কয়াগী মতিক চাবা মশিং লৈবা অসি য়াম্না মরু ওই অমসুং অনাবশিংগী তঙাই ফদবশিংসু মনিং থুংহনবা ঙমগনি। মেদিকেলগী খুন্নাইগী মীওইশিংনা পাংথোক্লিবা মশক থোক্লবা থৌওং কয়াবু মীয়াম্না মুন্না খঙনরি।

কেন্দ্র সরকারনা দাক্তর/নর্সশিংবু কোবিদকী থবকশিংদা শিজিন্নবা য়াহন্নবগীদমক্তা জুন ১৬, ২০২০দা চৎন-কাংলোন অমা থোকখি। কেন্দ্র সরকারনা কোবিদ শেন্নবগী ফেসিলিতী অমসুং হ্যুমেন রিসোর্স হেনগৎহন্নবগীদমক্তা লুপা করোর ১৫,০০০গী অখন্নবা পব্লিক হেল্থ ইমর্জেন্সী সপ্পোর্তসু পীখ্রবনি। নেস্নেল হেল্থ মীসনগী খুত্থাংদা মীওই কয়া শিজিন্নদুনা অহেনবা স্পেসিএলিস্ত ২২০৬, মেদিকেল ওফিসর ৪৬৮৫ অমসুং স্তাফ নর্স ২৫,৫৯৩বু থৌওং অসিগী খুত্থাংদা লৌখি।

মরু ওইনা খন্নখিবা ৱাফমশিংগী অকুপ্পা মরোল মখাদা পীরিঃ

১) কোম্থোকপা/কান্নহনবা/শাংদোকপাঃ

এন.ই.ই.তি.-পি.জি.বু য়ামদ্রবদা থা ৪ য়ৈথোকপাঃ কোবিদ-১৯গী মশিং হন্দক্তা য়ামখৎলকপদগী ওইরক্লিবা হৌজিক্কী ফিভম অসি য়েংলদুনা, এন.ই.ই.তি.-পি.জি. ২০২১ অসি য়ৈথোকখ্রে। পরিক্ষা অসি ওগস্ত ৩১, ২০২১গী মমাংদা পাংথোক্লরোই। পরিক্ষা অসি পাংথোক্ত্রিঙৈগী থা অমগী মমাংদা মহৈরোইশিংদা ই-পাউ খঙহনগনি। থৌওং অসিনা কোবিদ থেংননবা মতিক চাবা দাক্তর কয়া অমা পুথোকপা ঙমগনি।

রাজ্য/য়ু.তি. সরকারনা এন.ই.ই.তি.গী পরিক্ষা থাগদবা মতিক চাবা মীওইশিং থিদোক্তুনা হৌজিক ওইরিবা কোবিদ-১৯গী লুরবা তাঞ্জা অসিদা তেংবাংনবা হায়বগী থবক পাংথোক্কনি। মসিগী এম.বি.বি.এস. দাক্তরশিংগী তেংবাং অসি কোবিদ-১৯ শেন্নবদা শিজিন্নবা য়াগনি। রাজ্য/য়ু.তি. সরকারশিংনা ইন্তর্নশিপ রোতেসনগী শরুক অমা ওইনা মেদিকেল ইন্তর্নশিংবু হৌজিক্তি মখোয়গী ফেকলতীগী মিৎয়েং মখাদা কোবিদ শেন্নবগী থবক্তা শিজিন্নবা য়াগনি। এম.বি.বি.এস.কী অরোইবা চহিদা তম্লিবা মহৈরোইশিংবু নীংথিনা খন্নরবা তুংদা, মখোয়গী ফেকলতীগী মিৎয়েং মখাদা ময়াই ওইরপ্না নাবা কোবিদ অনাবশিংদা তেলে-কন্সলতেসন অমসুং মোনিতরিং তৌবগী থবকশিংদা শিজিন্নবসু য়ারগনি।

পি.জি., অরোইবা চহিগী মহৈরোইশিংগী তেংবাংশিং মখা তাবাঃ অরোইবা চহিদা তম্লিবা পি.জি.গী মহৈরোইশিং (মপুং ওইবা অমসুং অখন্নবা হীরমগী)গা লোয়ননা রেসিদেন্তশিংসু অনৌবা পি.জি.গী মহৈরোইশিং লাক্ত্রিবা ফাওবা মখা তানা তেংবাংহনবা য়াখিগনি। মসিগা মান্নবা ওইনা, অনৌবা সেনিয়র রেসিদেন্ত/রেজিস্ত্রার খন্দ্রিবা ফাওবদি হান্না লৈরিবশিংগী তেংবাংশিং শিজিন্নবা য়াগনি।

নর্সিংগী মীওইশিং : বি.এস.সি./জি.এন.এম. লোইরবা নর্সশিংবু সেনিয়র দাক্তর অমসুং নর্সশিংগী মখাদা কোবিদ শেন্নবগী মথৌদা অমসুং আই.সি.য়ু.নচিংবদা মপুং ওইনা শিজিন্নবা য়ারগনি।  এম.এস.সি. নর্সিংগী মহৈরোই, পোস্ত বেসিক্স বি.এস.সি. (এন.) অমসুং পোস্ত বেসিক দিপ্লোমা নর্সিংগী মহৈরোইশিং অসি রেজিস্তর তৌরবা নর্সিং ওফিসরনি অমসুং হোস্পিতালগী কাঙলোন/পোলিসীগী মতুং ইন্না মখোয়বু কোবিদ-১৯গী অনাবা লাইয়েংবদা শিজিন্নবা য়াই। পরিক্ষাগী ফল ঙাইরিবা ফাইনেল য়র জি.এন.এম. নত্ত্রগা বি.এস.সি. (নর্সিং)গী মহৈরোইশিংসু তোঙান-তোঙানবা হোস্পিতাল/লন্নাইগী ফেসিলিতীশিংদা সেনিয়র ফেকলতী অমগী মিৎয়েং মখাদা মপুং ওইবা কোবিদ নর্সিং দ্যুতী পাংথোকপা য়াগনি।

এল্লাইদ হেল্থ কেয়র প্রোফেস্নেলশিংগী তেংবাংসু মখোয়গী ত্রেনিং অমসুং সর্তিফিকেত্তা য়ুম্ফম ওইরগা কোবিদ শেন্নবগী থৌওং কয়াদা শিজিন্নবা য়াগনি।

মতৌ অসুম্না শিন লাংলিবা অহেনবা হ্যুমেন রিসোর্সশিং অসি কোবিদ শেন্নরিবা ফেসিলিতীশিংদা শিজিন্নগনি।

২) ইন্সেন্তিব/থবক তৌববু শক খঙবীবাঃ

কোবিদ শেন্নবদা মশানা য়ানা তেংবাংলিবা মীওইশিংনা কোবিদকী মথৌদা য়ামদ্রবদা নুমিৎ ১০০ লোইশিল্লবদি, তুংদা লৌরক্কদবা সরকারগী থবকশিংদা মখোয়শিংবু থবক খনবগীদমক্তা হান্না খন্নগনি।

অহেনবা মেনপাৱর লৌবগী থবক পাংথোকপগীদমক্তা রাজ্য/য়ু.তি.শিংনা হ্যুমেন রিসোর্স কয়াবু কন্ত্রেক্তা লৌবগী নেস্নেল হেল্থ মিসন (এন.ঐচ.এম.)গী লৈরিবা কাঙলোনশিং খন্নবা য়াগনি। রাজ্যশিংনা হায়রিবা কাংলোনশিং অসিগী মতুং ইন্না শেল পীবগী মতাংদা ৱারেপ লৌবগী অয়াবসু লৈগনি। মশক থোকপা কোবিদ সেবাগীদমক্তা চানবা ইকায় খুম্নবগী থৌওংসু খন্নবা য়াগনি।

কোবিদকা মরী লৈনবা থবকশিংদা তেংবাংনীংবা মেদিকেলগী মহৈরোই/প্রোফেস্নেলশিংবু মতাং চানা ভেক্সিন কাপথোক্কনি। অসিগুম্বা হেল্থ প্রোফেস্নেল খুদিংমক কোবিদ-১৯ লান্থেংনরিবা হেল্থ ৱর্করশিংগীদমক্তা চলায়রিবা সরকারগী ইন্স্যুরেন্স স্কিমগী মনুং চনগনি।

কোবিদ শেন্নবগীদমক্তা য়ামদ্রবদা নুমিৎ ১০০গী তেংবাংবগী থৌওংগী মনুং চনগে থোক্লকপা প্রোফেস্নেল খুদিংদা ভারত সরকারগী মাইকৈদগী প্রধান মন্ত্রীগী দিস্তিঙ্গুইসদ কোবিদ নেস্নেল সর্ভিস সম্মানসু পীরগনি।

রাজ্য সরকারশিংনা থৌওং অসিগী খুত্থাংদা লন্নাইগী কোবিদ হোস্পিতালগা লোয়ননা কেস মশিং য়ামখৎপা মফমশিংদা হায়রিবা অহেনা হেল্থ প্রোফেস্নেলশিং অসি শিজিন্নবা য়াগনি।

দাক্তর, নর্স, মরী লৈনবা প্রোফেস্নেল অমসুং অতোপ্পা হেল্থ কেয়রগী স্তাফশিংগী ফম হাঙলকপা মতমদা এন.ঐচ.এম.গী কাংলোন্দা য়ুম্ফম ওইবা খোংজেল য়াংখৎপা থৌওং চত্থদুনা নুমিৎ ৪৫নিগী মনুংদা কন্ত্রেক্তা ফমশিং অসি মেনবা য়াগনি।

মেনপাৱর ফংবগী মশিং হেনগৎহন্নবগীদমক্তা রাজ্য/য়ু.তি.শিংনা মথক্তা পঙ্খ্রিবা ইন্সেন্তিবশিংবু খন্ননবা হায়রি।

  • शिवकुमार गुप्ता February 10, 2022

    जय भारत
  • शिवकुमार गुप्ता February 10, 2022

    जय हिंद
  • शिवकुमार गुप्ता February 10, 2022

    जय श्री सीताराम
  • शिवकुमार गुप्ता February 10, 2022

    जय श्री राम
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India's first microbiological nanosat, developed by students, to find ways to keep astronauts healthy

Media Coverage

India's first microbiological nanosat, developed by students, to find ways to keep astronauts healthy
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi greets the people of Arunachal Pradesh on their Statehood Day
February 20, 2025

The Prime Minister, Shri Narendra Modi has extended his greetings to the people of Arunachal Pradesh on their Statehood Day. Shri Modi also said that Arunachal Pradesh is known for its rich traditions and deep connection to nature. Shri Modi also wished that Arunachal Pradesh may continue to flourish, and may its journey of progress and harmony continue to soar in the years to come.

The Prime Minister posted on X;

“Greetings to the people of Arunachal Pradesh on their Statehood Day! This state is known for its rich traditions and deep connection to nature. The hardworking and dynamic people of Arunachal Pradesh continue to contribute immensely to India’s growth, while their vibrant tribal heritage and breathtaking biodiversity make the state truly special. May Arunachal Pradesh continue to flourish, and may its journey of progress and harmony continue to soar in the years to come.”