নোংচুপ বেঙ্গলদা লুপা করোর ৪৫০০ হেনবগী রেল অমসুং লম্বী সেক্তরগী তোঙান-তোঙানবা চাউখৎ-থৌরাংগী প্রোজেকশিং শঙ্গাখি অমসুং লৈবাক মীয়ামদা কৎথোকখি
রেল লাইনশিং ইলেক্ত্রিক ফংহন্নবা মরুওইবা প্রোজেকশিং অমসুং অতোপ্পা মরুওইবা রেলৱে প্রোজেকশিং মীয়ামদা কৎথোকখ্রেসিলিগুরি অমসুং রাধিকাপুরগী মরক্তা অনৌবা পেসেঞ্জর ত্রেন সার্বিস লমথাখ্রেলুপা করোর ৩১০০ রোমগী নেসনেল হায়ৱে প্রোজেক অনি লমথাখ্রে“ঙসিগী প্রোজেকশিং অসি বিকসিত ৱেস্ত বেঙ্গলগী মাইকৈদা থাংজিনবা অহেনবা খোঙথাংনি”“ঐখোয়গী সরকারনা নোংপোক ভারত লৈবাক অসিগী গ্রোথ ইঞ্জিন ওইনা খন্নরি”“চহি ১০ অসিদা, ঐখোয়না পেসেঞ্জরদগী হৌরগা এক্সপ্রেস স্পিৎ ফাওবগী রেলৱেগী চাউখৎ-থৌরাং পায়খৎলে। ঐখোয়গী অহুমশুবা তার্মদা, মসি সুপরফাস্ত স্পিৎকা লোয়ননা মাঙলোমদা চংশিনগনি”ঙসি প্রধান মন্ত্রী শ্রী নরেন্দ্র মোদীনা সিলিগুরিদা বিকসিত ভারত বিকসিত নোংচুপ বেঙ্গল থৌরমদা ৱা ঙাংখ্রে। মহাক্না থৌরম অসিদা লুপা করোর ৪৫০০ হেনবগী রেল অমসুং লম্বী সেক্তরগী তোঙান-তোঙানবা চাউখৎ-থৌরাংগী প্রোজেকশিং শঙ্গাখি অমসুং লৈবাক মীয়ামদা কৎথোকখি।
থৌরম অদুদা তিনখিবা মীয়ামদা ৱা ঙাংবদা, চাগী ফজরবা লমদম অসিদা লাকপদা প্রধান মন্ত্রীনা হরাওবা ফোঙদোকখি। ঙসিগী প্রোজেকশিং অসি বিকসিত ৱেস্ত বেঙ্গলগী মাইকৈদা থাংজিনবা অহেনবা খোঙথাংনি হায়না মহাক্না ফোঙদোকখি।
প্রধান মন্ত্রীনা হায়খি নোংচুপ বেঙ্গলগী অৱাংথংবা শরুক অসি অৱাং-নোংপোক্কী থোঙ্গালনি অমসুং য়ুম্নোন্নরিবা লৈবাকশিংগা ললোন-ইতিক পাংথোক্নবা লম্বীশিং ওইরি। মরম অদুনা, রাজ্য অসিগী অৱাংথংবা শরুকশিংগা লোয়ননা নোংচুপ বেঙ্গল চাউখৎহন্নবা সরকারনা মরুওইনা লৌরে। রেল অমসুং লম্বীগী মতমগা চুনবা ম ওংদা শেমগৎপদা তঙাইফদে অমসুং একলাখি-বালুরঘাত, রানিনগর জলপাইগুরি-হালদিবারি অমসুং সিলিগুরি-অলুৱাবারি সেক্সনশিংদা রেল লাইনশিং ইলেক্ত্রিক ফংহনবগী থবক লোইশিল্লে। মসিনা নোর্থ অমসুং সাউথ দিনাজপুর, কুচ বেহার অমসুং জলপাইগুরিগী শরুকশিংদা ত্রেনশিংগী খোঙজেল য়াংখৎলগনি অমসুং সিলিগুরি-সমুকতালা লম্বীনা অনকপা উমংগী শরুকশিংদা পোল্লুসন হন্থরগনি। বারসোই-রাধিকাপুর সেক্সন ইলেক্ত্রিক ফংহনবা অসিনা বিহার অমসুং নোংচুপ বেঙ্গল অনিমক কান্নবা ফংলগনি। রাধিকাপুর অমসুং সিলিগুরিগী মরক্তা অনৌবা ত্রেন চেন্নবা লমথারে। নোংচুপ বেঙ্গলদা রেলৱেজ ফগৎহনবা অসিনা চাউখৎ-থৌরাংগী অনৌবা খুদোংচাবশিং পীগনি অমসুং মীচম মীয়ামগী পুন্সি হিংবদা লাইহনগনি।
প্রধান মন্ত্রীনা ভারতকী অতৈ মফমশিংগুম লমদম অসিদা ত্রেনশিং খোঙজেল চপ মানরে অমসুং অনৌবা অয়াংবা ত্রেনশিং চেনবা হৌদোক্লে। মিতালি এক্সপ্রেসনা নিউ জলপাইগুরিদগী ধাক কেন্ত ফাওবা চেন্দুনা বাংলাদেসগা রেল কন্নেক্তিবিতি লৈরে অমসুং বাংলাদেস সরকারগা খুৎশম্নদুনা রাধিকাপুর স্তেসন য়ৌরে।
প্রধান মন্ত্রীনা হায়খি নিংতম্বা ফংলবা মতুং চহি কয়া ভারতকী নোংপোক থংবা শরুক মীরাইদুনা থমখি। ঐখোয়গী সরকারনা নোংপোক ভারত লৈবাক অসিগী গ্রোথ ইঞ্জিন ওইনা খন্নরি। মরম অদুনা লমদম অসিদা লম্বী-থোং ফগৎনবা মমাঙদা অমুক্তা ওইখিদ্রিবা মওংদা শেন থাদরে। নোংচুপ বেঙ্গলগী চহিগী রেলৱে বজেত লুপা করোর ৪০০০ ওইরম্বা অদু হৌজিক করোর ১৪,০০০দা হেনগৎলে। নোর্থ বেঙ্গলদগী গুৱাহাতি ফাওবা সেমি হায়-স্পিৎ বন্দে ভারত ত্রেন চেল্লে অমসুং অমৃত ভারত স্তেন ৫০০ অমুক হন্না শেমগৎনবা খনগৎপদা হাওরা অমসুং সিলিগুরি য়াওরে। চহি ১০ অসিদা, ঐখোয়না পেসেঞ্জরদগী হৌরগা এক্সপ্রেস স্পিৎ ফাওবগী রেলৱেগী চাউখৎ-থৌরাং পায়খৎলে। ঐখোয়গী অহুমশুবা তার্মদা, মসি সুপরফাস্ত স্পিৎকা লোয়ননা মাঙলোমদা চংশিনগনি।
প্রধান মন্ত্রীনা হায়খি অৱাংথংবা নোংচুপ বেঙ্গলদা লুপা করোর ৩০০০ হেনবগী লম্বীগী প্রোজেক অনি শঙ্গারে। এন.ঐচ-২৭গী ঘোসপুকুর-ধুপগুরি সেক্সন লেন মরি ওইহনবা অমসুং এন.ঐচ-২৭দা ইস্লামপুর বাইপাস লেন মরি ওইহনবা অসিনা জলপাইগুরি, সিলিগুরি অমসুং মাইনাগুরি সহরশিংদা মী চিনবা হন্থহনগনি অমসুং সিলিগুরি, জলপাইগুরি অমসুং অলিপুরদুৱার লমদমশিংদা লম্বী-থোংগী হেন্না ফবা খুদোংচাবশিং ফংহনগনি। দুৱার, দর্জিলিং, গেঙতোক অমসুং মিরিকগুম্বা লমকোয়ফমশিং য়ৌবা লাইহল্লগনি। মসিনা লমদম অসিদা ললোন-ইতিক, উদোগ অমসুং চা থাফমশিং হেন্না চাউখৎহল্লগনি।
লোইশিল্লকপদা, প্রধান মন্ত্রীনা হায়খি নোংচুপ বেঙ্গল চাউখৎহন্নবা কেন্দ্র সরকারনা থবক খুদিংমক পায়খৎলে অমসুং ঙসিগী প্রোজেকশিং অসিগীদমক মীয়ামদা হরাওবা ফোঙদোকচরি।
থৌরম অদুদা শরুক য়াখিবশিংগী মনুংদা নোংচুপ বেঙ্গলগী রাজ্যপাল শ্রী সি.ভি অনন্দ বোস, কেন্দ্রগী রাজ্য মন্ত্রী শ্রী নিসিথ প্রামিক অমসুং এম.পি শ্রী রাজু বিস্তা অমসুং অতোপ্পা এম.পিশিং অমসুং এম.এল.এশিং য়াওখি।
নুঙগীৱারোল
নোর্থ বেঙ্গল অমসুং অনকপা মফমশিং কান্নবা পীগদবা রেল লাইনশিং মৈ ফংহনবগী তোঙান-তোঙানবা প্রোজেকশিং প্রধান মন্ত্রীনা লৈবাক মীয়ামদা কৎথোকখ্রে। প্রোজেকশিংগী মনুংদা ইকলাখি-বালুরঘাত সেক্সন; বারসোই-রাধিকাপুর সেক্সন; রানিগঞ্জ জলপাইগুরি-হালদিবারি সেক্সন; সিলিগুরি-অলুবারি সেক্সন ভাইয়া বাগদোগ্রা অমসুং সিলিগুরি-সিবোক-অলিপুরদুৱার জঙ্কসন-সামুকতালা(অলিপুরদুয়ার জঙ্কসন-নিউ কুচ বেহার য়াওনা) সেক্সন য়াওরি।
প্রধান মন্ত্রীনা লৈবাক মীয়ামদা কৎথোকখিবা মরুওইবা রেলৱে প্রোজেকশিংগী মনুংদা মনিগ্রাম-নিমিতা সেক্সনদা রেলৱে লাইন দবল ওইহনবা অমসুং নিউ জলপাইগুরিদা ইলেক্ত্রোনিক ইন্তরলোক্কিং য়াওনা অম্বারি ফালাকাতা-অলুবারিদা ওতোমেতিক শিগ্নেল্লিং য়াওরি। প্রধান মন্ত্রীনা সিলিগুরি অমসুং রাধিকাপুরদা অনৌবা পেসেঞ্জর ত্রেন অমশু লমথাগনি। হায়রিবা রেল প্রোজেকশিং অসিনা রেল কন্নেক্তিবি ফগৎহনগনি, ফ্রেদ পুথোক-পুশিন লৈহনগনি অমসুং লমদম অসিদা থবক ফংবা অমসুং শেন-থুম চাউখৎহনবদা মতেং পাংগনি।
প্রধান মন্ত্রীনা নোংচুপ বেঙ্গলদা লুপা করোর ৩,১০০ রোমগী নেসনেল হায়ৱে প্রোজেক অনি শঙ্গাখি। প্রোজেকশিংগী মনুংদা এন.ঐচ-২৭গী ঘোসপুকুর-ধুপগুরি সেক্সন লেন মরি ওইহনবা অমসুং এন.ঐচ-২৭দা ইস্লামপুর বাইপাস লেন মরি ওইহনবা য়াওরি। ঘোসপুকুর-ধুপগুরি সেক্সন অসি নোংপোক ভারতকা ভারতকী অতৈ মফমশিংগা শম্নবা নোর্থ-সাউথ ত্রান্সপোর্ত কোরিদোরগী শরুকনি। সেক্সন অসি লেন মরি ওইহনবা অসিনা নোর্থ বেঙ্গল অমসুং অৱাং-নোংপোক লমদমশিংগী মরক্তা চৎথোক-চৎশিন হেন্না নুংঙাইহনগনি। ইস্লামপুর বাইপাস লেন মরি ওইহনবা অসিনা ইস্লামপুর তাউন মী চিনবা হন্থহনবদা মতেং পাংগনি। লম্বীগী প্রোজেকশিং অসিনা লমদম অসিদা উদোগ অমসুং শেন-থুম চাউখৎহনবদা ইনোৎ পীগনি।
