Quoteলুপা করোর ৫০০০ রোমগী লৌউ-শিংউ চাউখৎহন্নবা থৌরম লৈবাক মীয়ামদা কৎথোকখ্রে
Quoteশ্বাদেস দর্সন অমসুং প্রাসাদ স্কিমগী মখাদা লুপা করোর ১৪০০ হেনগী তুরিজম সেক্তরগী প্রোজেক ৫২ লৈবাক মীয়ামদা কৎথোকখ্রে অমসুং হৌদোকখ্রে
Quoteশ্রীনগরদা “ইন্তিগ্রেতেদ দিবলপমেন্ত ওফ হজরতবাল শ্রাইন” প্রোজেক লৈবাক মীয়ামদা কৎথোকখ্রে
Quoteচেলেঞ্জ বেজ দেস্তিনেসন দিবলপমেন্ত স্কিমগী মখাদা খনগৎলবা লমকোয়ফমশিং লাউথোক্লে
Quote‘দেখো অপ্না দেস পিপলস চোইন্স ২০২৪’ অমসুং ‘চালো ইন্দিয়া গ্লোবেল দাইস্পোরা কম্পেন’ হৌদোক্লে
Quoteজম্মু অমসুং কাস্মিরদা নৌনা সরকারগী থবক খল্লবশিংদা এপোইন্তমেন্ত লেত্তরশিং য়েন্থোকখ্রে
Quote“মীয়াম্না নুংশিবগী তৌবীমল উৎপা ওইনবা মোদীনা পায়খৎপা য়াবা থবকশিং পায়খৎকনি। অদোমগী থম্মোয়শিং জয় তৌনবা ঐনা মসিগী অকনবা থবকশিং পাংথোকপনি অমসুং ঐ অচুম্বা লম্বীদা চৎলি হায়না ঐ থাজৈ”
Quote“চাউখৎপগী শক্তি, তুরিজমগী খুদোংচাবশিং, লৌমীশিংগী শুবা-নোম্বা অমসুং জম্মু অমসুং কাস্মিরগী নহারোলশিংগী লুচিংবনা বিকসিত জম্মু কাস্মিরগী লম্বী শেমগনি”
Quote“জম্মু কাস্মির অসি শুপ্নগী মফম অমা খক নত্তে, জম্মু কাস্মির অসি ভারতকী মকোক্নি। চাউখৎপা অমসুং ইকায়খুম্নবগী খু
Quoteমহাক্না লুপা করোর ৫০০০ রোমগী লৌউ-শিংউ চাউখৎহন্নবা থৌরম লৈবাক মীয়ামদা কৎথোকখ্রে
Quoteমসিনা নাজরি মশামক ব্রান্দ অমা ওইরে অমসুং ৱেবসাইত অমা শেমদুনা লৈবাক শীনবা থুংবদগী কেজি ৫০০০ রোমগী ওর্দর লিশিং কয়া ফংখ্রে অমসুং মহাক্কী খোই উপু ২০০০ হেল্লে অমসুং লমদম অসিগী নহারোল ১০০ রোম থবক শীজিন্নরে
Quoteমহাক্না নুপীশিংগী স্কিল দিবলপমেন্তগী গভর্নমেন্ত পোলিতেক্নিকতা ইনকুবেসন সেন্তরনা মতেং পাংখি

ঙসি প্রধান মন্ত্রী শ্রী নরেন্দ্র মোদীনা জম্মু অমসুং কাস্মিরগী শ্রীনগরদা বিকসিত ভারত বিকসিত জম্মু কাস্মির থৌরমদা ৱা ঙাংখ্রে। মহাক্না লুপা করোর ৫০০০ রোমগী লৌউ-শিংউ চাউখৎহন্নবা থৌরম লৈবাক মীয়ামদা কৎথোকখ্রে। “ইন্তিগ্রেতেদ দিবলপমেন্ত ওফ হজরতবাল শ্রাইন” প্রোজেক য়াওনা শ্বাদেস দর্সন অমসুং প্রাসাদ স্কিমগী মখাদা লুপা করোর ১৪০০ হেনগী তুরিজম সেক্তরগী প্রোজেক ৫২ লৈবাক মীয়ামদা কৎথোকখ্রে অমসুং হৌদোকখ্রে। প্রধান মন্ত্রীনা ‘দেখো অপ্না দেস পিপলস চোইন্স ২০২৪’ অমসুং ‘চালো ইন্দিয়া গ্লোবেল দাইস্পোরা কম্পেন’ হৌদোক্লে অমসুং চেলেঞ্জ বেজ দেস্তিনেসন দিবলপমেন্ত স্কিমগী মখাদা খনগৎলবা লমকোয়ফমশিং লাউথোক্লে। জম্মু অমসুং কাস্মিরদা নৌনা সরকারগী থবক খল্লবশিংদা এপোইন্তমেন্ত লেত্তর ১০০০ রোম য়েন্থোকখ্রে অমসুং মাইপাক্লবী নুপীশিং, লাখপতি দিদিশিং, লৌমীশিং অমসুং ওন্ত্রেপ্রেনিউয়রশিং য়াওনা সরকারগী তোঙান-তোঙানবা স্কিমশিংগী বেনিফিসরিশিংগা উনখ্রে।

 

|

পুলৱামাদগী খোই লোইবা নজিম নাজিরনা সরকারদগী কান্নবশিং ফংদুনা মহাক্না চাদা ৫০গী সবসিদি অমদা খোই উপু ২৫ লৈদুনা মহাক্কী ললোন-ইতিক পাংথোক-চাউথোকপা মহাক্কী খোঙচৎকী মতাংদা প্রধান মন্ত্রীদা পাউদমখি। প্রাইম মিনিস্তরস ইমপ্লাইমেন্ত জেনেরেসন প্রোগ্রামগী মখাদা লুপা লাখ ৫ ফংদুনা মহাক্কী খোই উপু ২০০ থমদুনা মহাক্কী শেন-থুমগী ফিবম ফগৎলকপগী মতাংদা মহাক্না পাউদমখি। মসিনা নাজরি মশামক ব্রান্দ অমা ওইরে অমসুং ৱেবসাইত অমা শেমদুনা লৈবাক শীনবা থুংবদগী কেজি ৫০০০ রোমগী ওর্দর লিশিং কয়া ফংখ্রে অমসুং মহাক্কী খোই উপু ২০০০ হেল্লে অমসুং লমদম অসিগী নহারোল ১০০ রোম থবক শীজিন্নরে।

 

|

মহাক্না ২০২৩দা এফ.পি.ও অমা ফংখিবা অমসুং মহাক্কী ললোন-ইতিক চাউখৎলকপদা মতেং পাংখিবগী মতাংদা মহাক্না মখা তানা প্রধান মন্ত্রীদা পাউদমখি। লৈবাক অসিদা ফিনতেক্কী লমদা অওনবা পুরকখিবা দিজিতেল ইন্দিয়াগী থবক হৌদোকপগীদমক মহাক্না প্রধান মন্ত্রী থাগৎখি। জম্মু অমসুং কাস্মিরদা অথুম্বগী অওনবা অমা পুরক্নবা মহাক্না মাঙজিল থাখিবগীদমক প্রধান মন্ত্রীনা নাজিম থাগৎপা ফোঙদোকখি অমসুং মহাক্কী মাইপাকপদা হরাওবা ফোঙদোকখি। ললোন-ইতিক হৌদোক্নবা অহানবা সরকারদগী মতেং ফংখিবগী মতাংদা প্রধান মন্ত্রীনা হংবদা নাজিমনা হায়খি অহানবদা মহাক খুদোংচাদবা কয়া থেংনখি অমসুং তুংদা এগ্রিকলচর দিপার্তমেন্তনা মহাক্কী মতেং পাংখি।

প্রধান মন্ত্রীনা হায়খি খোই লোইবা অসি অনৌবা সেক্তর অমনি, মসিগী কান্নবা য়াম্না লৈরি অমসুং খোইশিংনা লৌবুক্কী শিন্মীশিংগুম থবক শুদুনা মহৈ-মরোংশিংদা কান্নবা পীরি। নাজিমনা হায়খি থবক অসিনা লৌমীশিংদা কান্নবা পীবদগী খোই লোইনবা লম মপুশিংনা শেন লৌদনা মখোয়গী লমশিং পীনবা থৌরাং তৌরে। হিন্দু কুস চীঙশাংশিংগী অকোয়বদা ময়াই থংবা এসিয়াদা খোইহি পুথোকপগী মতাংদা থিজিন্নবা প্রধান মন্ত্রীনা নাজিমদা পাউতাক পীখি অমসুং উপুশিংগী অকোয়বদা অকক্নবা লৈশিং থাদুনা অনৌবা খোইহিগী মহাও অমা পুথোক্নবা থবক পায়খৎনবা মঙোন্দা খঙহনখি।

 

|

অসিগুম্বা থবকশিং উত্তর প্রদেসতা মাইপাক্লে হায়না প্রধান মন্ত্রীনা পনখি। মালেম শীনবা থুংবদা পাম্নবা হেনগৎলকপদগী একাসিয়া খোইহিগী মমল কেজিদা লুপা ৪০০দগী কেজিদা লুপা ১০০০দা হেনগৎলকপদা প্রধান মন্ত্রীনা হরাওবা ফোঙদোকখি। মহাক্কী ললোন-ইতিক্কী থবকশিংদা ৱাখল অমসুং পান্দম নাখৈ শেংবা অমসুং থৌনা উৎপগীদমক প্রধান মন্ত্রীনা নাজিম থাগৎপা ফোঙদোকখি অমসুং মহাক্কী মমা-মপাদা হরাওবা ফোঙদোকখি। মহাক্না হায়খি নাজিম্না ভারতকী নহারোলশিংদা মাইকৈ অমা তাক্লে অমসুং ইথিল অমা ওইরে।

শ্রীনগরগী অহতেসাম মজিদ ভাত, ফুদ তেক্নলোজি স্কিল দিলপমেন্ত প্রোগ্রাম অমগী খুৎথাংদা বেকরিদা অনৌবা থবকশিং পাংথোকপা বেকরি ওন্ত্রেপ্রেনিউয়র অমনি। মহাক্না নুপীশিংগী স্কিল দিবলপমেন্তগী গভর্নমেন্ত পোলিতেক্নিকতা ইনকুবেসন সেন্তরনা মতেং পাংখি। তোঙান-তোঙানবা দিপার্তমেন্তশিংদগী এন.ও.সিশিং লৌনবা হোৎনবদা মহাক অমসুং মহাক্কী কাংবু গভর্নমেন্ত শিঙ্গল ৱিন্দো সিস্তেমনা মতেং পাংখি। প্রধান মন্ত্রীনা হায়খি হৌখিবা চহি ১০দা মখোয়গী স্তার্দঅপকী মঙলানশিং মঙফাওন্নবা নহারোলশিংগী মরুওইবদা সরকারনা পাংবা য়াবা মতেং পাংলে।

মহাক্কী থবকশিংদা তোঙান-তোঙানবা জিলাশিংদগী মহাক্কী মরুপশিং য়াওহনবগীদমক প্রধান মন্ত্রীনা মহাক থাগৎখি। প্রধান মন্ত্রীনা হায়খি ঐখোয়গী নহারোলশিংগী অনৌবা ৱাখল্লোনশিং মচাক-মথুম অমসুং শেন ৱাৎপগী অৱাবা মায়োক্নহন্দবা হায়বসি ঐখোয়গী থবক্নি। জম্মু অমসুং কাস্মিরগী ইচানুপীশিংনা লৈবাক শীনবা থুংবগী নহারোলশিংগীদমক অনৌবা ইথিলগী খুদমশিং ওইরে। লায়রবা ইচানুপীশিংগী ফিবম ফগৎনবা থবক পায়খৎপগীদমক মহাক্না মখোয় থাগৎখি।

 

|

গন্দরবালগী হমিদা বানো শঙ্গোম পুথোকপগী থবক তৌখি। মহাক্না প্রধান মন্ত্রীদা হায়খি মদুদি মহাক নেসনেল রুরেল লাইফলিহুদ মিসন(এন আর এল এম)দগী কান্নবা ফংলে অমসুং শঙ্গোমগী পোৎথোকশিং পুথোক্নবা য়ুনিতি অমা লিংখৎলে। মহাক্না অতোপ্পা নুপীশিংশু থবক পীরে। পোৎথোকশিং মগুন লৈবরা হায়না য়েংশিনবা, য়োম্বা অমসুং য়োনবগী মতাংদশু মহাক্না প্রধান মন্ত্রীদা খঙহনখি। মহাক্কী শঙ্গোমগী পোৎথোকশিং প্রিজার্বেতিপশিং শীজিন্নদে অমসুং মহাক্কী পোৎথোকশিং য়োন্নবগী লম্বীশিং প্রধান মন্ত্রীদা শন্দোক্না তাকখি।

 

ললোন-ইতিক্তা মহাক্কী হৈশিংবা অমসুং মচি ওইবা চীঞ্জাক পুথোকপগী থবক পায়খৎপগীদমক প্রধান মন্ত্রীনা মহাক থাগৎপা ফোঙদোকখি। মগুন লৈহন্নবা চেকশিনবগীদমক অমসুং মহৌশাগী অকোয়বগী ফিবম শোকহন্দবা মওংদা মহাক্কী ললোন-ইতিক পাংথোকপগীদমক প্রধান মন্ত্রীনা মহাক থাগৎখি।

তিনখিবা মীয়ামদা ৱা ঙাংবদা, প্রধান মন্ত্রীনা হায়খি মালেমদা লৈবা লাইরৈবাক অমদা থুংলবগুম ফাওবা অদু ৱাহৈশিংনা ফোঙদোকপা ঙম্লরোই। মহৌশা, নুংশিৎ, তম্পাক, অকোয়বগী ফিবম অমসুং কাস্মিরগী ইনাওশিং অমসুং ইচলশিংগী নুংশিবা অমসুং মীনুংশিং অসি লাম্বা লৈতে। থৌরম অসি ভিদিও লিঙ্ককী খুৎথাদা ব্লোক ২৮৫ হেনবগী মীওই লাখ ১ হেন্না শরুক য়ারি। অনৌবা জম্মু অমসুং কাস্মির অসি চহি কয়া ঙাইরক্লবনি। মসিগী অনৌবা অনৌবা জম্মু অমসুং কাস্মির অসিগীদমক দোক্তর শ্যামা প্রসাদ মুখর্জি কৎথোকখি। অনৌবা অনৌবা জম্মু অমসুং কাস্মিরদা মসিগী মমিৎতা তুংগী অরাংবা মঙাল ফাওরে অমসুং অপনবা খুদিংমক কোকহন্নবা অচেৎপা ফিরেপ লৈরে। অনৌবা জম্মু অমসুং কাস্মিরগী মীয়ামগী মমোন নোকপা মাইথোঙশিং উবদা নাগরিক করোর ১৪০ শান্তি ফংলে।

জম্মু অমসুং কাস্মিরগী মীয়াম্না মীনুংশিং উৎপদা মহাক্কী তৌবীমল খঙবা উৎলদুনা, প্রধান মন্ত্রীনা হায়খি মীয়াম্না নুংশিবগী তৌবীমল উৎপা ওইনবা মোদীনা পায়খৎপা য়াবা থবকশিং পায়খৎকনি। অদোমগী থম্মোয়শিং জয় তৌনবা ঐনা মসিগী অকনবা থবকশিং পাংথোকপনি অমসুং ঐ অচুম্বা লম্বীদা চৎলি হায়না ঐ থাজৈ। অদোমগী থম্মোয়শিং জয় তৌনবা ঐনা মখা তানা ঐগী থবকশিং তৌগনি। মসি মোদীগী গরেন্তিনি অমসুং মোদীগী গরেন্তি হায়বগী ৱাহন্থোক্তি গরেন্তিশিং থবক ওইনা পাংথোকপনি হায়বা অদোম খঙলে।

 

|

হন্দক মহাক্কী জম্মু খোঙচত্তা লুপা করোর ৩২,০০০ রোমগী ইনফ্রাস্ত্রকচর অমসুং ইজুকেসন প্রোজেকশিং মহাক্না হৌদোকখিবা অদু নিংশিংলদুনা, প্রধান মন্ত্রীনা হায়খি ঙসি তুরিজম, চাউখৎ-থৌরাং অমসুং লৌউ-শিংউগা মরী লৈনবা প্রোজেকশিং হৌদোক্লে অমসুং এপোইন্তমেন্ত লেত্তরশিং য়েন্থোক্লে। চাউখৎপগী শক্তি, তুরিজমগী খুদোংচাবশিং, লৌমীশিংগী শুবা-নোম্বা অমসুং জম্মু অমসুং কাস্মিরগী নহারোলশিংগী লুচিংবনা বিকসিত জম্মু কাস্মিরগী লম্বী শেমগনি। জম্মু কাস্মির অসি শুপ্নগী মফম অমা খক নত্তে, জম্মু কাস্মির অসি ভারতকী মকোক্নি। চাউখৎপা অমসুং ইকায়খুম্নবগী খুদমগী অৱাংবা মকোক অমনি। মরম অদুনা বিকসিত ভারতকীদমক বিকসিত জম্মু অমসুং কাস্মির মরুওই।

প্রধান মন্ত্রীনা হায়খি লৈবাক অসিদা আইনশিং চৎনবা মতমদা জম্মু অমসুং কাস্মিরদা চৎনদবা মতম অমা লৈরমখি অমসুং লায়রবশিংগী য়াইফ-থৌরাংগী স্কিমশিং লায়রশিংদা ফংখিদে। লাইবক্কী অহোংবশিং লাক্লে, ঙসি লৈবাক শীনবা থুংবগী স্কিমশিং শ্রীনগরদগী হৌদোক্লে অমসুং লৈবাক অসিদা তুরিজমদা জম্মু অমসুং কাস্মিরনা মাঙজিল থারে। মরম অদুনা, ভারতকী মফম ৫০ হেনবগী মীওইশিং থৌরম অসিদা শরুক য়ারে। শ্বাদেস দর্সন স্কিমগী মখাদা ঙসি লৈবাক অসিগী মীয়ামদা প্রোজেক তরুক কৎথোক্লে অমসুং স্কিম অসিগী মথংগী ফেজ থবক হৌরে।

প্রধান মন্ত্রীনা হায়খি প্রসাদ স্কিমগী মখাদা শ্রীনগর য়াওনা লৈবাক্কী তোঙান-তোঙানবা সহরশিংদা প্রোজেক ৩০ রোম হৌদোক্লে অমসুং প্রোজেক ৩ শঙ্গারে অমসুং অতোপ্পা ১৪ হৌদোক্লে। মীয়াম খুদোংচানবা শেংলবা হজরতবাল দর্গহ শেমগৎ-শাগৎপগী থবকশিং মপুংফানা লোইশিল্লে। ‘দেখো অপ্না দেস পিপলস চোইন্স’ কেম্পেনগী মখাদা সরকারনা মশক খঙদোক্লবা মফমশিং মথং চহি অনিদা লমকোয়ফমশিং ওইনা শেমগৎলগনি।

কেম্পেন অসিগী মখাদা, মীয়ামগী অপাম্বদা য়ুম্ফম ওইরগা খ্বাইদগী পাম্নবা মফমশিং সরকারনা শেমগৎকনি। এন.আর.আইশিং ভারত্তা লাক্নবা পুক্নিং থৌগৎনবা ‘চলো ইন্দিয়া’ কেম্পেন হৌদোক্লে। ঙসি হৌদোক্লিবা চাউখৎ-থৌরাংগী প্রোজেকশিংগীদমক জম্মু অমসুং কাস্মিরগী মীয়ামদা হরাওবা ফোঙদোকচরি। মসিনা লমদম অসিদা তুরিজম ইন্দস্ত্রি চাউখৎহনবা অমসুং অনৌবা থবকশিং ফংনবা খুদোংচাবশিং পীবদা মতেং পাংগনি।

 

|

প্রধান মন্ত্রীনা হায়খি করিগুম্বা ৱাখল্লোনশিং শেংলবা অমসুং থাজবশিং থবক ওইনা পাংথোক্নবা ফিরেপ অমা লৈরবদি, অফবা ফলশিং মখা তানা লাক্কনি। জম্মু অমসুং কাস্মিরদা জি-২০ মীফম মাইপাক্না পাংথোকখ্রে।

 

তুরিজম চাউখৎলকপগী মতাংদা, প্রধান মন্ত্রীনা হায়খি কনানা জম্মু অমসুং কাস্মিরদা লমকোয়বা চৎকনি হায়বগী মীয়াম্না ৱাহং হংনবা মতম অমা লৈখি। ঙসি, জম্মু অমসুং কাস্মিরনা তুরিজমগী রেকোর্দ খুদিংমক থুগায়রে। ২০২৩দা জম্মু অমসুং কাস্মিরদা হান্নগী রেকোর্দশিং নমখায়দুনা লমকোয়বা মীওই করোর ২ হেন্না লাকখি। হৌখিবা চহি ১০দা, অমরনাথ যাত্রা শরুক য়াবা ভক্ত মশিং খ্বাইদগী য়াম্না হেনগৎলে অমসুং বৈষ্ণো দেবীদা ভক্তশিং লাকপদা শিংথাবা য়ানা হেনগৎলে। রাজ্য অসিদা মপান লৈবাকশিংগী লমকোয়বশিং, শক্নাইরবা মীওইশিং অমসুং মপান লমগী অতিথিশিং লাকপা মশিং হেনগৎলে। লম য়েংনবা অমসুং ভিদিওশিং অমসুং রিলশিং শেম্নবা জম্মু অমসুং কাস্মির তম্পাক্তা হৌজিক শক্নাইরবা মীওইশিং অমসুং মপান লমগী অতিথিশিং ফাওবা লাক্লে।

লৌউ-শিংউগী মতাংদা, প্রধান মন্ত্রীনা হায়খি জম্মু অমসুং কাস্মিরগী লৌউ-শিংউগী পোৎথোকশিংগী মনুংদা সেফ্রোন, এপ্পলশিং, অকংবা উহৈশিং অমসুং চেরিশিং য়াওরি অমসুং রাজ্য অসি লৌউ-শিংউগী মফম অমনি। মরুওইনা উহৈ-ৱাহৈ থাবা অমসুং শা-ষন লোইবা চাউখৎহন্নবা মীৎয়েং থমদুনা লুপা করোর ৫,০০০গী লৌউ-শিংউ চাউখৎহন্নবা থৌরম্না মথং চহি ৫ দা জম্মু অমসুং কাস্মিরদা মমাঙদা অমুক্তা ওইখিদ্রিবা ফিবমদা লৌউ-শিংউগী থবক চাউখৎহনগনি। থৌরাং অসিনা মরুওইনা উহৈ-ৱাহৈ থাবা অমসুং শা-ষন লোইবগী হিরমদা নৌবা থবক লিশিং কয়া ফংহনগনি।

প্রধান মন্ত্রীনা হায়খি পি.এম কিষান সম্মান নিধি স্কিমগী মখাদা জম্মু অমসুং কাস্মিরগী লৌমীশিংগী একাউন্তশিংদা লুপা করোর ৩,০০০ রোম হকথেংননা হাপচিনখ্রে। উহৈশিং অমসুং মনা-মশিং লীদুনা থম্বা হেনগৎহন্নবা অমসুং মখোয় মতম শাংনা থম্বা ঙম্নবা জম্মু অমসুং কাস্মিরদা থমফমগী খুদোংচাবশিং হেনগৎহন্নবা শেন থাদবা শিংথাবা য়ানা হেনগৎলে। মালেমদা খ্বাইদগী চাউবা ৱেয়ারহাওসিং স্কিম হৌদোকপা অসিনা জম্মু অমসুং কাস্মির শীনবা থুংনা ৱেয়ারহাওস কয়া শারগনি।

 

|

জম্মু অমসুং কাস্মিরদা চাউখৎপগী খোঙজেল য়াংখৎলকপগী মতাংদা প্রধান মন্ত্রীনা হায়খি এ.আই.আই.এম.এস জম্মু ওইনা এ.আই.আই.এম.এস অনি শঙ্গারে অমসুং এ.আই.আই.এম.এস কাস্মিরগী থবক পায়খৎলি। লমদম অসিদা অনৌবা মেদিকেল কলেজ ৭, কেন্সর হোস্পিতাল অনি অমসুং আই.আই.তি অমসুং আই.আই.এমগুম্বা মহৈলোয়শঙশিং লিংখৎলে। জম্মু অমসুং কাস্মিরদা বন্দে ভারত ত্রেন অনি চেল্লে অমসুং শ্রীনগরদগী শঙ্গালদান অমসুং শঙ্গলাদানগী বারামুলা ফাওবা রেল সর্বিস হৌরে। মসিনা শেন-থুমগী থবকশিং হেনগৎহল্লগনি। জম্মু অমসুং কাস্মিরদা স্মার্দ সিতিগুম্বগী অনৌবা প্রোজেকশিং পায়খৎলে। তুংদা,জম্মু অমসুং কাস্মিরগী মাইপাকপগী ৱারি মালেম শীনবা থুংবগী খুদম অমা ওইরগনি।

মহাক্কী মন কি বাত থৌরমদা লমদম অসিগী হেন্দিক্রাফ অমসুং লু-নানবগী মতাংদা মহাক্না পনখি অমসুং থম্বালগা জম্মু অমসুং কাস্মিরগা লৈনবা মরী পনখি।

হিরম খুদিংমক্তা জম্মু অমসুং কাস্মিরগী নহারোলশিং চাউখৎনবা সরকারনা পায়খৎলিবা থবকশিংগী মতাংদা, প্রধান মন্ত্রীনা হায়খি জম্মু অমসুং কাস্মিরগী জিলা খুদিংমক্তা স্কিল দিবলপমেন্তদগী হৌরগা শান্নবগী খুদোংচাবশিং শেমগৎলে। জিলা ১৭তা হিরম কয়াদা শীজিন্নবা য়ারবা ইন্দোর স্পোর্তস হোল ১৭ শারে অমসুং জম্মু অমসুং কাস্মিরদা জাতি থাক্কী শান্নবগী তুর্নামেন্ত কয়া পাংথোক্লে। হৌজিক জম্মু অমসুং কাস্মির লৈবাক অসিগী ৱিন্তর স্পোর্তস কেপিতেল ওইরক্লে। হন্দক পাংথোকখিবা খেলো ইন্দিয়া ৱিন্তর গেমসতা শান্নরোয় ১০০০ রোম শরুক য়াখি।

ঙসি জম্মু অমসুং কাস্মির চাউখৎপগী অনৌবা থাকশিং য়ৌরে, মরম অদুনা ঙসি জম্মু অমসুং কাস্মির মনিংতম্না শ্বর হোল্লে। আর্তিকল ৩৭০ লৌথোক্লবা মতুংদগী অথিংবশিংদগী মনিংতম্বনি। আর্তিকল ৩৭০ লৌথোকপদগী নহারোলশিংগী হৈথোই-শিংথোইবা ইকায়খুম্নবা ফংলে অমসুং মীওই খুদিংমক চপ মান্নবা হকশিং অমসুং খুদোংচাবশিং ফংলে হায়না প্রধান মন্ত্রীনা ফোঙদোকখি।

মহাক্না হায়খি পাকিস্থান্দগী লাকপা রিফিউজিশিং, বালমিকি ফুরুপশিং অমসুং সেনিতেসনগী থবক তৌবা শিন্মীশিং ভোৎ থাবদগী হকশিং ফংলে, এস.সি কাংলুপ্তা চন্নবা বালমিকি ফুরুপকী দিমান্দ পীরে, সেদুল ত্রাইবশিং, পাদ্দারি ত্রাইবশিংগী এশেমব্লিদা সিতশিং খাক্লে অমসুং পাদ্দারি ত্রাইব, পাহারি কাংলুপ, গাদ্দা ব্রাহ্মিন অমসুং কোলি ফুরুপশিং সেদুল ত্রাইবশিং ওইনা শক খঙলে। জম্মু অমসুং কাস্মিরদা শাগৈগী রাজনিতি লৈবদগী সরকারনা পঞ্চয়াত, মিউনিসিপালিতি অমসুং মিউনিসিপালতি কোর্পোরেসন্দা ও.বি.সিশিংগী রিজার্বেসনগী হকশিং মৎখি। ঙসিদি কাংলুপ খুদিংমক মখোয়গী হকশিং অমুক হন্না ফংলে।

জম্মু অমসুং কাস্মির বেঙ্ক অওনবা পুরকপগী মতাংদা, প্রধান মন্ত্রীনা হায়খি বেঙ্ক অসি শাগৈগী রাজনিতি অমসুং শেঞ্জা-থুমজাগী চৈথেং ফংখি। বেঙ্কগী ফিবম ফগৎনবা অওনবা কয়া পুরক্লে। বেঙ্কতা লুপা করোর ১০০০গী মতেং পীরে অমসুং লান্না থবক হাপ্পখিবগী মথক্তা থবক লৌখৎলে। এন্তি করপসন বিউরোনা অসিগুম্বা থবক হাপখিবা লিশিং কয়া থিগৎলে। হৌখিবা চহি ৫দা থবক হাপ্পদা অরোন-অথুপ অমতা লৈত্রে। মসিগী ফল ওইনা, জম্মু অমসুং কাস্মির বেঙ্ককী শেন্দোং লুপা করোর ১৭০০ য়ৌরে অমসুং চহি ৫গী মমাঙদা ললোন-ইতিক্কী থবক লুপা করোর লাখ ১.২৫ ওইরম্বা অদু লুপা কোরোর লাখ ২.২৫ য়ৌরে। দিপোজিৎশিং লুপা করোর ৮০,০০০দগী লুপা করোর লাখ ১.২৫ য়ৌরে। চহি ৫গী মমাঙদা এন.পি.এ চাদা ১১ হেল্লম্বা অদু হৌজিক চাদা ৫গী মখাদা লৈরে। বেঙ্ককী সিয়ার শরুক ১২ হেনগৎতুনা চহি ৫গী মমাঙদা লুপা ১২ ওইরম্বা অদু হৌজিক লুপা ১৪০ য়ৌরে। পুকচেল শেংবা অমসুং মীয়ামগী য়াইফনবা খনবা সরকার অমা লৈবা মতমদা, মীয়াম্না খুদোংচাদবা খুদিংমক মায়োক্নবা ঙমগনি।

প্রধান মন্ত্রীনা হায়খি নিংতম্বা হেক ফংবদগী জম্মু অমসুং কাস্মির শাগৈগী রাজনিতিগী খ্বাইদগী চাউবা চৈথেং ফংলবা রাজ্য অমা ওইদুনা লাক্লি। করিগুম্বা হিরম অমতদা জম্মু অমসুং কাস্মিরগী চাউখৎ-থৌরাংগী কেম্পেন লেপহল্লোই অমসুং মথং চহি ৫দা রাজ্য অসি হেন্না য়াংনা চাউখৎকনি।

মহাক্কী ৱারোল লোইশিল্লকপদা প্রধান মন্ত্রীনা শেংলবা চাকহেন থাক য়ৌরকপদা লৈবাক অসিগী মীয়ামদা য়াইফ-পাউজেল পীখি। রামজান থাদা মীওই খুদিংমক শান্তি অমসুং নুংশিননা হিংমিন্নবা ফংনবা মীওই খুদিংমক্তা ঐনা য়াইফ-পাউজেল পীজরি। হয়েং মহাসিবরাত্রিনি, শেংলবা কুহ্মৈ অসি লাকপদা ঐনা মীওই খুদিংমক য়াইফ-পাউজেল পীজরি।

থৌরম অদুদা শরুক য়াখিবশিংগী মনুংদা, জম্মু অমসুং কাস্মিরগী লেপ্তনেন্ত গভর্নর শ্রী মনোজ সিনহা অমসুং কেন্দ্র সরকারগী রাজ্য মন্ত্রী দোক্তর জিতেন্দ্র সিংহ য়াওখি।

নুঙগীৱারোল

থৌরম অসিদা প্রধান মন্ত্রীনা জম্মু অমসুং কাস্মিরদা এগ্রি-ইকনোমী শাহৌ পীনবগী লুপা করোর ৫০০০ রোম ওইবা প্রোগ্রাম – ‘হোলিস্তক এগ্রিকলচর দিবেলপমেন্ত প্রোগ্রাম’ মীয়ামদা কৎথোকখি। মহাক্না ‘ইন্তিগ্রেতেদ দিবেলপমেন্ত ওফ হজরতবল শ্রাইন’ শ্রীনগরগী প্রোজেক্ত য়াওনা স্বদেশ দর্শন অমসুং প্রশাদ (পিলগ্রিমেজ রিজুবনেসন এন্দ স্পিরিচুএল, হেরিতেজ ওগমেন্তেসন দ্রাইব) স্কিমগী মখাদা লুপা করোর 1400 হেনবা তুরিজম সেক্তরগা মরী লৈনবা প্রোজেক্ত কয়ামরুম মীয়ামদা কৎথোকখি অমসুং হৌদোকখি। পি.এম.না ‘দেখো অপ্না দেশ পিপল্স চোইস তুরিস্ত দেস্তিনেসন পুল’ অমসুং চোলো ইন্দিয়া গ্লোবেল দাইস্পোরা কেম্পেন’সু হৌদোকখি। মহাক্না চেলেঞ্জ বেজ দেস্তিনেসন দিবেলপমেন্ত (সি বি দি দি) স্কিমগী মখাদা খনগৎলবা লমকোইফমশিংসু লাউথোকখি। মসিগী মথক্তা প্রধান মন্ত্রীনা জম্মু অমসুং কাশ্মিরগী সরকারগী থবক নৌনা চংলকপা মীওই ১০০০দা এপোইন্তমেন্ত ওর্দরশিংসু য়েন্থোকখি অমসুং নুপী মাইপাকখ্রবশিং, লাখপতি দিদিশিং, লৌমীশিং, ওন্তপ্রিনোরশিংনচিংবা য়াওনা সরকারগী তোঙান-তোঙানবা স্কিমশিংগী বেনিফিসরীশিংগসু ৱারী শানখি।

 

|

জম্মু অমসুং কাশ্মিরগী এগ্রি-ইকনোমীদা অচৌবা শাহৌ পীনবা খোঙথাং অমদা প্রধান মন্ত্রীনা মীয়ামদা ‘হোলিস্তিক এগ্রিকলচর দিবেলপমেন্ত প্রোগ্রাম’ কৎথোকখি। প্রোগ্রাম অসি জম্মু কাশ্মিরদা এগ্রি-ইকনোমীগী মরু ওইবা দোমেন অহুম, মদুদি হোর্তিকলচর, এগ্রিকলচর অমসুং লাইবস্তোক হসবেন্দ্রী অসিদা লৈরিবা থবক-থৌরমশিংগী অপুনবা লম কোনশিল্লিবা ইন্তিগ্রেতেদ প্রোগ্রাম অমনি। প্রোগ্রাম অসিনা দেদিকেতেদ দক্ষ কিসান পোর্তেলগী থোংদা লৌমী লাখ ২.৫ স্কিল দিবেলপমেন্ত ফংহল্লগনি পানরি। প্রোগ্রাম অসিগী মখাদা কিসান খিদমত ঘর ২০০০ রোম লিংখৎকনি অমসুং অচৌবা ভেল্যু চেনশিং লৌমী ফুরুপকী য়াইফনবা লৈহনগনি। প্রোগ্রাম অসিনা জম্মু অমসুং কাশ্মিরদা লৈরিবা শোত্থরবা ইমুং লাখ কয়াদা কান্নবা পীদুনা থবক্কী খুদোংচাবা ফংহনগনি।

প্রধান মন্ত্রীগী বিজন অসি মালেমগী থাক্কী ইনফ্রাস্ত্রকচর শাগৎতুনা অমসুং খুদোংচাবশিং ফংহন্দুনা লমকোইবশিং অমসুং তীর্থ য়াত্রা চৎপশিংনা মমিং লৈবা তীর্থ য়াত্রাগী মফমশিং অমসুং লমকোইফমশিং চৎপগী অপুনবা এক্সপরিয়েন্স ফগৎহনবনি। মসিগী পরিং মখাদা প্রধান মন্ত্রীনা লুপা করোর ১৪০০ হেনবগী স্বদেশ দর্শন অমসুং প্রশাদ স্কিমগী মখাদা থৌজিল কয়ামরুম মীয়ামদা কৎথোকখি অমসুং হৌদোকখি। প্রধান মন্ত্রীনা মীয়ামদা কৎথোকখিবা প্রোজেক্তশিং অসিদা জম্মু অমসুং কাস্মিরগী শ্রীনগরদা ‘ইন্তিগ্রেতেদ দিবেলপমেন্ত ওফ হজরতবল শ্রাইন’ শেমগৎপা; মেঘালয়দা নোর্থইস্ত সর্কিৎতা তুরিজম ফেসিলিতীশিং শেমগৎপা; বিহার অমসুং রাজস্থানদা স্পিরিচুএল সর্কিৎ শেমগৎপা; বিহারদা রুরেল অমসুং তীর্থনকর সর্কিৎ শেমগৎপা; তেলঙ্গানাগী জোগুলাম্বা গরৱাল জিলাগী জোগুলাম্বা দেবী মন্দির শেমগৎপা; অমসুং মধ্য প্রদেশকী অন্নুপুর জিলাদা অমরকন্তক মন্দির শেমগৎপা য়াওরি।

 

|

হজরতবল শ্রাইনদা লাকপা তীর্থ য়াত্রা চৎপা মীওইশিং অমসুং লমকোইবশিংগীদমক মালেমগী থাক্কী ইনফ্রাস্ত্রকচর শেমগৎনবা অমসুং খুদোংচাবশিং ফংহন্নবা অমসুং মখোয়গী হোলিস্তিক স্পিরিচুএল এক্সপরিয়েন্স হেনগৎহন্নবা খোঙথাং অমদা প্রোজেক্ত ‘ইন্তিগ্রেতেদ দিবেলপমেন্ত ওফ হজরতবল শ্রাইন’ পাইখৎখি। প্রোজেক্ত অসিগী মরু ওইবা কম্পোনেন্তশিংদা খুবম অসিগী ঙমখৈগী শম্বলশিং খাগৎপা; হজরতবল খুবমগী ঙমখৈশিং মৈ থানবা; ঘাতশিং অমসুং খুবমগী অকোইবদা লৈরিবা দেবরী পথশিং শেমগৎপা; সুফি ইন্তিপ্রেতেসন সেন্তর শাবা; তুরিস্ত ফেসিলিতেসন সেন্তর শাবা; সাইনেজশিং ইনস্তোল তৌবা; মথোল কয়া ওইবা কার পার্কিং; পব্লিক কনভিনিয়ন্স ব্লোক অমসুং খুবমগী চংফম শাবা য়াওনা অপুনবা মফম অসি শেমগৎ শাগৎপা য়াওরি।

পি.এম.না লৈবাক শিনবা থুংবদা তীর্থ য়াত্রা চৎফম অমসুং লমকোইফম কয়া শেমগৎপগী প্রোজেক্ত ৪৩সু হৌদোকখি। মসিদা আন্ধ্র প্রদেশকী কাকীনাদা জিলাদা লৈবা অন্নাবারাম মন্দির; তমিল নাদুগী তঞ্জাবুর অমসুং ময়িলাদুতুরৈ জিলা অমসুং পুদুচেরীগী করৈকাল জিলাগী নবগ্রহ মন্দিরশিং; কর্নাতক্কী মৈসুরু জিলাগী শ্রী চমুন্দেশ্বরী দেবী মন্দির; রাজস্থানগী বীকানের জিলাগী করনী মাতা মন্দির; হিমাচল প্রদেশকী উনা জিলাগী মা চিন্তপুর্নি মন্দির; গোৱাগী বোম জেসস চর্চকী বসিলিকা য়াওনা মরু ওইবা ধর্মগী মফমশিং য়াওরি। প্রোজেক্তশিং অসিদা অরুনাচল প্রদেশকী মেচুকা এদভেঞ্চর পার্ক, উত্তরাখন্দগী পিথৌরাগরগী গুঞ্জীদা রুরেল তুরিজম ক্লস্তর এক্সপরিয়েন্স; তেলঙ্গানাগী অনন্তগিরিদা অনন্তগিরি ফোরেস্তা ইকোতুরিজম জোন’ মেঘালয়গী সোহরাদা মেঘালয়ন এজ কেব এক্সপরিয়েন্স অমসুং ৱাতরফোল্স ত্রেল্স এক্সপরিয়েন্স; অসামগী জোর্হাত্তা চিন্নামরা তী ইস্তেৎ রিইমেজিন তৌবা; পঞ্জাবকী কপুরথালাগী কঞ্জলি ৱেতলেন্তদা ইকোতুরিজম এক্সপরিয়েন্স; লেহদা জুল্লী লেহ বাইওদাইভর্সিতী পার্কগুম্বা তোঙান-তোঙানবা মফমশিং অমসুং এক্সপরিয়েন্স সেন্তরশিং শেমগৎপা য়াওরি।

থৌরম অসিদা প্রধান মন্ত্রীনা চেলেঞ্জ বেজ দেস্তিনেসন দিবেলপমেন্ত স্কিমগী মখাদা খনগৎলবা লমকোইফম ৪২ লাউথোকখি। কেন্দ্রগী বজেৎ ২০২৩-২৪ মনুংদা লাউথোকখিবা ইন্নোভেতিব স্কিমনা লমকোইফমশিং শেমগৎপদা ইনোৎ হাপতুনা এন্দ-তু-এন্দ তুরিস্ত এক্সপরিয়েন্সশিং ফংহন্নবা অমরোমদনা তুরিজম সেক্তরদা সস্তেনেবিলিতী প্রমোৎ তৌনবা অমসুং কম্পিতিতিবনেস লৈহন্নবা পান্দম থম্মি। লমকোইফম ৪২ অসি কেতগোরী ৪ দা মশক খঙদোকখি (কলচর এন্দ হেরিতেজ দেস্তিনেসনদা ১৬; স্পিরিচুএল দেস্তিনেসনদা ১১; ইকোতুরিজম অমসুং অমৃত ধরোহরদা ১০ অমসুং ভাইব্রেন্ত ভিলেজতা ৫)।

প্রধান মন্ত্রীনা ‘দেখো অপ্না দেশ পিপল্স চোইস ২০২৪’গী মওংদা লৈবাক অসিনা তুরিজমগী মতাংদা ফাওরিবা ইহুল খঙদোক্নবা অহানবা ওইনা লৈবাক শিনবা থুংবদা ইনিসিএতিব অসি হৌদোকখি। লৈবাক শিনবা থুংবগী পুল অসিনা প্রজাশিংনা খ্বাইদগী পাম্নবা লমকোইফমশিং মশক খঙদোক্নবা অমসুং স্পিরিচুএল, কলচরেল এন্দ হেরিতেজ, নেচর এন্দ ৱাইল্দলাইফ, এদভেঞ্চর অমসুং অদর কেতগোরী – তুরিজম কেতগোরী মঙাদা লমকোইবশিংগী ৱাখল্লোন খঙনবা হোৎন্নবা পান্দম থম্মি। মরু ওইবা কেতগোরী মরি অসিগী মথক্তা ‘অদর’ কেতগোরী অসিদা কনাগুম্বনা মখোয়গী পর্সনেল ওইনা পামজবা মফমশিংগীদমক ভোৎ তৌদুনা ভাইব্রেন্ত বোর্দর ভিলেজ, ৱেলনেস তুরিজম, ৱেদ্দিং তুরিজমনচিংবা এক্সপ্লোর তৌদ্রিবা লমকোইফমশিং অমসুং লমথুংফমশিংগী মওংদা লোৎশিন্দুনা লৈরিবা মনী অদু খঙদোকপদা মতেং পাংগনি। পুল এক্সর্সাইজ অসি ভারত সরকারগী সিতিজেন এঙ্গেজমেন্ত পোর্তেল, মাইগোব প্লেৎফোর্মদা পাঙথোক্কনি।

প্রধান মন্ত্রীনা ইন্দিয়ন দাইস্পোরাবু ইনক্রেদিবল ইন্দিয়া এম্বেসেদরশিং ওইহন্নবা ইথিল পীনবা অমসুং ভারতকী তুরিজম চাউখৎহন্নবা পান্দমগা লোয়ননা ‘চলো ইন্দিয়া গ্লোবেল দাইস্পোরা কেম্পেন’ হৌদোকখি। কেম্পেন অসি ভারত্তা ভারত মচা নত্তনা মরুপ য়ামদ্রবদা ৫ লাকহন্নবা পুক্নিং থৌগৎনবা ইন্দিয়ন দাইস্পোরা মেম্বরশিংদা হায়খিবগী প্রধান মন্ত্রীগী ৱাফম অদুদা য়ুম্ফম ওইরগা মসি হৌদোকপনি। মীরমদা লৈবা ভারত মচা করোর ৩ হেনবগা লোয়ননা ইন্দিয়ন দাইস্পোরানা কলচরেল এম্বেসেদরশিং ওইদুনা ভারতকী তুরিজমগীদমক শক্তি লৈরবা কেতলিস্ত অমা ওইনা মথৌ তৌগনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • krishangopal sharma Bjp January 14, 2025

    नमो नमो 🙏 जय भाजपा 🙏🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • krishangopal sharma Bjp January 14, 2025

    नमो नमो 🙏 जय भाजपा 🙏🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌹
  • krishangopal sharma Bjp January 14, 2025

    नमो नमो 🙏 जय भाजपा 🙏🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌹🌷
  • ASHISHKUMAR PATEL November 14, 2024

    WHY CENTRAL GOVERNMENT GIVES LINK ?
  • रीना चौरसिया October 11, 2024

    मोदी
  • Reena chaurasia August 26, 2024

    जय श्री राम
  • Jayanta Kumar Bhadra May 05, 2024

    call me once
  • Jayanta Kumar Bhadra May 05, 2024

    very nice looking
  • Jayanta Kumar Bhadra May 05, 2024

    Kalyani Simanta
  • Jayanta Kumar Bhadra May 05, 2024

    namaste sir
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India: The unsung hero of global health security in a world of rising costs

Media Coverage

India: The unsung hero of global health security in a world of rising costs
NM on the go

Nm on the go

Always be the first to hear from the PM. Get the App Now!
...
PM chairs a High-Level Meeting to review Ayush Sector
February 27, 2025
QuotePM undertakes comprehensive review of the Ayush sector and emphasizes the need for strategic interventions to harness its full potential
QuotePM discusses increasing acceptance of Ayush worldwide and its potential to drive sustainable development
QuotePM reiterates government’s commitment to strengthen the Ayush sector through policy support, research, and innovation
QuotePM emphasises the need to promote holistic and integrated health and standard protocols on Yoga, Naturopathy and Pharmacy Sector

Prime Minister Shri Narendra Modi chaired a high-level meeting at 7 Lok Kalyan Marg to review the Ayush sector, underscoring its vital role in holistic wellbeing and healthcare, preserving traditional knowledge, and contributing to the nation’s wellness ecosystem.

Since the creation of the Ministry of Ayush in 2014, Prime Minister has envisioned a clear roadmap for its growth, recognizing its vast potential. In a comprehensive review of the sector’s progress, the Prime Minister emphasized the need for strategic interventions to harness its full potential. The review focused on streamlining initiatives, optimizing resources, and charting a visionary path to elevate Ayush’s global presence.

During the review, the Prime Minister emphasized the sector’s significant contributions, including its role in promoting preventive healthcare, boosting rural economies through medicinal plant cultivation, and enhancing India’s global standing as a leader in traditional medicine. He highlighted the sector’s resilience and growth, noting its increasing acceptance worldwide and its potential to drive sustainable development and employment generation.

Prime Minister reiterated that the government is committed to strengthening the Ayush sector through policy support, research, and innovation. He also emphasised the need to promote holistic and integrated health and standard protocols on Yoga, Naturopathy and Pharmacy Sector.

Prime Minister emphasized that transparency must remain the bedrock of all operations within the Government across sectors. He directed all stakeholders to uphold the highest standards of integrity, ensuring that their work is guided solely by the rule of law and for the public good.

The Ayush sector has rapidly evolved into a driving force in India's healthcare landscape, achieving significant milestones in education, research, public health, international collaboration, trade, digitalization, and global expansion. Through the efforts of the government, the sector has witnessed several key achievements, about which the Prime Minister was briefed during the meeting.

• Ayush sector demonstrated exponential economic growth, with the manufacturing market size surging from USD 2.85 billion in 2014 to USD 23 billion in 2023.

•India has established itself as a global leader in evidence-based traditional medicine, with the Ayush Research Portal now hosting over 43,000 studies.

• Research publications in the last 10 years exceed the publications of the previous 60 years.

• Ayush Visa to further boost medical tourism, attracting international patients seeking holistic healthcare solutions.

• The Ayush sector has witnessed significant breakthroughs through collaborations with premier institutions at national and international levels.

• The strengthening of infrastructure and a renewed focus on the integration of artificial intelligence under Ayush Grid.

• Digital technologies to be leveraged for promotion of Yoga.

• iGot platform to host more holistic Y-Break Yoga like content

• Establishing the WHO Global Traditional Medicine Centre in Jamnagar, Gujarat is a landmark achievement, reinforcing India's leadership in traditional medicine.

• Inclusion of traditional medicine in the World Health Organization’s International Classification of Diseases (ICD)-11.

• National Ayush Mission has been pivotal in expanding the sector’s infrastructure and accessibility.

• More than 24.52 Cr people participated in 2024, International Day of Yoga (IDY) which has now become a global phenomenon.

• 10th Year of International Day of Yoga (IDY) 2025 to be a significant milestone with more participation of people across the globe.

The meeting was attended by Union Health Minister Shri Jagat Prakash Nadda, Minister of State (IC), Ministry of Ayush and Minister of State, Ministry of Health & Family Welfare, Shri Prataprao Jadhav, Principal Secretary to PM Dr. P. K. Mishra, Principal Secretary-2 to PM Shri Shaktikanta Das, Advisor to PM Shri Amit Khare and senior officials.