Quoteপ্রধান মন্ত্রী অৱাস য়োজনা অমসুং অতোপ্পা হাওসিং স্কিমশিংগী মখাদা গুজরাত শীনবা থুংনা শাবা য়ুম লাখ ১.৩ হেনবা শঙ্গাখ্রে অমসুং ভুমি পুজন পাংথোকখ্রে
Quote“মশিং য়াম্লবা অদোমগী থৌজালশিংনা ঐখোয়গী ৱাশকশিং মখা তানা মপাঙ্গল কনখৎহনগনি’
Quote“অদোমগী মতম অসি পুৱারি শেম্নবগী মতমনি”
Quote“ঐখোয়গী সরকারগী থবক্তি মীওই খুদিংমক্কী পাক্কাগী য়ুমথক অমা লৈহনবনি’
Quote“মীওই খুদিংমক্না লাক্লিবা চহি ২৫দা ভারত চাউখৎলবা লৈবাক অমা ওইহনবা পাম্লি। মসিগীদমক মীওই খুদিংমক পাংবা য়াবা মতেং পাংলসি”
Quote“খোঙজেল য়াংনা য়ুমশিং শানবা ঐখোয়গী হাওসিং স্কিমশিংদা অনৌবা তেক্নোলোজি শীজিন্নরে”
Quote“বিকসিত ভারতকী য়ুম্বী মরি-নহারোল, নুপীশিং, লৌমীশিং অমসুং লায়রবা শক্তি পীনবা ঐখোয়না থবক পায়খৎলে”
Quote“গরেন্তি লৈতবা মীওইশিংগীদমক মোদীনা গরেন্তি ওইনা লেপ্লি”
Quote“য়াইফ-থৌরাংশিংগী খ্বাইদগী কান্নবা ফংলবা মীওইশিংদি দলিত, ও.বি.সি অমসুং ত্রাইবেল ইমুংশিংনি”

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা ‘বিকসিত ভারত বিকসিত গুজরাত’ থৌরমদা ৱা ঙাংখ্রে। থৌরম অদুদা প্রধান মন্ত্রী অৱাস য়োজনা অমসুং অতোপ্পা হাওসিং স্কিমশিংগী মখাদা গুজরাত শীনবা থুংনা শাবা য়ুম লাখ ১.৩ হেনবা প্রধান মন্ত্রীনা শঙ্গাখি অমসুং ভুমি পুজন পাংথোকখি। মহাক্না অৱাস য়োজনাগী কান্নবা ফংলবা মীওইশিংগশু ৱারি শানখি।

প্রধান মন্ত্রীনা হায়খি গুজরাতকী চাউখৎপগী খোঙচত্তা গুজরাতকী মফম খুদিংমক্কী মীওইশিং শরুক য়ারে। মহাক্না হন্দক ভাইব্রেন্ত গুজরাত চহি ২০ মপুংফারকপগী থৌরম শরুক য়াখ্রে। ভাইব্রেন্ত গুজরাতগুম্বা অচৌবা থৌরমশিং পাংথোকপগীদমক মহাক্না গুজরাত থাগৎপা ফোঙদোকখি।

প্রধান মন্ত্রীনা হায়খি লায়রবা মীওই অমনা য়ুম অমা ফংবা হায়বসি মখোয়গী তুংগী য়াইফনবা গরেন্তি অমনি। মতম হৌখিবগী মতুংইন্না ইমুংশিং মশিং হেনগৎলক্কনি। লায়রবা মীওই খুদিংমক্কী য়ুম শানবা সরকারনা হোৎনরি অমসুং ঙসি য়ুম লাখ ১.৫ রোমগী ভুমি পুজন পাংথোক্লে। ঙসি অনৌবা য়ুম ফংলবা ইমুংশিং হরাওবা ফোঙদোকচরি অমসুং মখোয়গী তুংদা অফবা ওইনবা য়াইফ-পাউজেল পীজরি। অসিগুম্বা অচৌবা থবকশিং লোইশিল্লকপা মতমদা, লৈবাক অসিনা মসি ‘মোদী কি গরেন্তি’ হায়বদি থাজবশিং থবক ওইনা পাংথোকপা থাজবা হায়গনি।

 

|

প্রধান মন্ত্রীনা হায়খি ঙসিগী থৌরম অসি রাজ্য অসিগী মফম ১৮০দা মীওই কয়া শরুক য়াদুনা পাংথোক্লি। মশিং য়াম্লবা অদোমগী থৌজালশিংনা ঐখোয়গী ৱাশকশিং মখা তানা মপাঙ্গল কনখৎহনগনি। পর দ্রোপ মোর ক্রোপ অমসুং দ্রিপ ইরিগেসনগুম্বা থবকশিংনা বনাসকন্থা, মেহসানা,  অম্বাজি অমসুং পাতান্দা লৌউ-শিংউগী থবক্তা মতেং পাংলে। অম্বাজিদা পায়খৎলিবা চাউখৎ-থৌরাংগী থবকশিংনা লাইখুরুম্বা লাকপা মীওই কয়া মশিং হেনগৎহল্লগনি। বৃতিস মতমদগী পন্দুনা লাক্লবা অহমেদবাদতগী অবু রোদ য়ৌবা ব্রোদ গেজ লাইন্ন শেম্নবা থবক্না মশিং য়াম্লবা থবক ফংহল্লগনি।

প্রধান মন্ত্রীনা হায়খি হন্দক ভাদনগর খুঙ্গংদা চহি ৩০০ হেল্লবা অরিবা পোৎলমশিং ফংখিবা অসিনা মশিং য়াম্লবা লমকোয়বশিংগী পুক্নিং চিংশিল্লে। অৱাং থংবা গুজরাতকী হাতকেশ্বর, অম্বাজি, পাতান অমসুং তারাঙ্গাজিগুম্বা মফমশিং স্তেচু ওফ য়ুনিতিগা চপ মান্ননা লমকোয়বশিংগী মফম অমা ওইরক্লে।

নবেম্বর, দিশেম্বর অমসুং জনুৱারি থাশিংদা লৈবাক শীনবা থুংনা বিকসিত ভারত সংকল্প যাত্রা মাইপাক্না পাংথোকখ্রে অমসুং খুঙ্গং লাখ কয়াদা মোদীগী গরেন্তিগী গারি য়ৌখ্রে। গুজরাতকী মীওই করোর কয়া যাত্রা অসিদা শরুক য়াখি। সরকারনা হোৎনবদগী মীওই করোর ২৫ লায়রবা কোক্লে অমসুং মখোয় স্কিমশিংগী কান্নবশিং ফংলে অমসুং ফন্দশিং য়াম্না হৈশিংনা শীজিন্নখি অমসুং স্কিমশিংগী মতুংইন্না মখোয়গী পুন্সি শেমখি অমসুং লায়রবা মাইথিবা পীখি। বেনিফিসরিশিং থোরক্কদবনি অমসুং থবক অসি শৌগৎকদবনি অমসুং লায়রবা কোকহনবদা মতেং পাংগদবনি। মখোয়গী অনৌবা য়ুমশিং ফংবদা বেনিফিসরিশিং মশানা মশাবু থাজবা হেনগৎলে হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি অদোমগী মতম অসি পুৱারি শেম্নবগী মতমনি। শ্বাদেসি ইহৌ, ভারত থাদোকউ ইহৌ অমসুং দন্দি খোঙচৎ মতমদা নিংতম্বা হায়বসি মীওই খুদিংমক্কী পান্দম ওইখি। চাউখৎলবা ভারত অমা শেম্বা হায়বসি লৈবাক্কী ৱারেপনি। রাজ্যশিং চাউখৎহন্দুনা লৈবাক চাউখৎহনবা হায়বসি গুজরাতকী ৱাখল্লোলনি। ঙসিগী থৌরম অসি বিকসিত ভারতকী বিকসিত গুজরাত থৌরমনি।

প্রধান মন্ত্রীনা হায়খি পি.এম অৱাস য়োজনাগী মখাদা গুজরাতকী সহরগী লমশিংদা য়ুম লাখ ৯ হেন্না শাখ্রে। পি.এম অৱাস-গ্রামিনগী মখাদা রাজ্য অসিগী খুঙ্গংশিংদা য়ুম লাখ ৫ শাখ্রে। খোঙজেল য়াংনা য়ুমশিং শানবা ঐখোয়গী হাওসিং স্কিমশিংদা অনৌবা তেক্নোলোজি শীজিন্নরে। লাইতহাওস প্রোজেক্কী মখাদা য়ুম ১১০০ শাখ্রে।

প্রধান মন্ত্রী মোদীনা হায়খি ২০১৪গী মমাঙগী মতমগা চাংদম্নবদা লায়রবশিংগী য়ুম শাবগী খোঙজেল য়াম্না য়াংলে। মমাঙদা লায়রবশিংগী য়ুম শানবা ফন্দ লিক্না কাইথোকখি অমসুং কম্মিসন ওইনা শেনফম কয়া নারোন্দা মাঙখি। হৌজিক লায়রবশিংগী য়ুম শানবা পীবা শেনফম লুপা লাখ ২.২৫ হেল্লে অমসুং হায়রিবা শেনফম অসি মিদলমেন য়াওহন্দনা মখোয়গী বেঙ্ক একাউন্তশিংদা হকথেংননা হাপচিনবনি। মখোয়গী দরকার ওইবগী মতুংইন্না য়ুমশিং শানবগী মনিংতম্বা পীরে অমসুং তোইলেতশিং, তোতি ঈশিং,মৈ অমসুং গ্যাস কন্নেক্সন পীরে। হায়রিবা খুদোংচাবশিং অসিনা লায়রবশিংগী শেন তুংশিনবদা মতেং পাংলে। হৌজিক নুপীশিংগী মিংদা য়ুমশিং রেজিস্তার তৌদুনা নুপীশিং য়ুমগী মপুশিং ওইরে।

 

|

প্রধান মন্ত্রীনা হায়খি বিকসিত ভারতকী য়ুম্বী মরি-নহারোল, নুপীশিং, লৌমীশিং অমসুং লায়রবা শক্তি পীনবা ঐখোয়না থবক পায়খৎলে। কাংলুপ খুদিংমক্তা লায়রবা লৈরি। মীচং-মীখাই নাইদনা স্কিমশিংগী কান্নবশিং মীওই খুদিংমক্তা ফংহল্লে। গরেন্তি লৈতবা মীওইশিংগীদমক মোদীনা গরেন্তি ওইনা লেপ্লি। মুদ্রা য়োজনাগী মখাদা কাংলুপ খুদিংমক্কী ওন্ত্রেপ্রেনিউয়রশিং গরেন্তি য়াওদনা লোনশিং ফংলে। বিশ্বকর্মাশিং অমসুং লম্বী নাকলদা পোৎ য়োল্লিবশিংদা শেন্থং অমসুং স্কিল পীরে। য়াইফ-থৌরাংশিংগী খ্বাইদগী কান্নবা ফংলবা মীওইশিংদি দলিত, ও.বি.সি অমসুং ত্রাইবেল ইমুংশিংনি। কনাগুম্বা অমা মোদীগী থাজবদগী খ্বাইদগী য়াম্না কান্নবা ফংলবদি, মদু হায়রিবা ইমুংশিং অসিনি।

প্রধান মন্ত্রীনা হায়খি লাখপতি দিদিশিং শেম্নবা মোদীনা থাজবা পীরি। গুজরাতকী নুপী কয়া য়াওনা লৈবাক অসিনা লাখপতি দিদি করোর ১ শেমখ্রে। মথং চহি খরদা লৈবাক অসিনা লাখপতি দিদি করোর অহুম শেমগনি অমসুং মসিনা লায়রবা ইমুং কয়া ফিবম ফগৎহল্লগনি। চহি অসিগী বজেত্তগী অশা ৱার্করশিং অমসুং অঙ্গনৱাদি ৱার্করশিং অয়ুস্মান য়োজনাগী মখাদা কোনশিল্লে।

প্রধান মন্ত্রীনা হায়খি লায়রবা অমসুং মিদল ক্লাসকী চাদিং হন্থহন্নবা সরকারনা থবক পায়খৎলে। লেম্না চেঙ পীরে, হোস্পিতালশিংদা শেন য়াম্না চঙহন্দনা লায়য়েংবা য়ারে, অতাবা মমলদা হিদাক-লাংথকশিং ফংহল্লে, মোবাইল ফোন বিলশিং হোংহল্লে, উজৱালা য়োজনাগী মখাদা গ্যাস সিলিন্দরশিং পীরে অমসুং এল.ই.দি ব্লবশিংনা মৈগী বিলশিং হন্থহল্লে। রুপতোপ সোলার স্কিম্না য়ুম করোর ১গী মৈগী বিলশিং হন্থহনগনি অমসুং অহেনবা মৈ পুথোক্তুনা শেন তানবা ঙমগনি। স্কিম অসিগী মখাদা মৈ য়ুনিতি ৩০০ ফাওবা লেম্না পীগনি অমসুং সরকারনা খুদিংগী লুপা লিশিং কয়াগী মৈ লৈগনি।

মোধেরাদা সোলার ভিলেজ শেমগৎলিবা অসিগী মতাংদা প্রধান মন্ত্রীনা হায়খি অসিগুম্বা অওনবা হৌজিক লৈবাক শীনবা থুংনা উবা ফংলগনি। সোলার পম্পশিং থম্বা অমসুং লমহাংদা অপীকপা সোলার প্লান্তশিং শেমগৎপদা সরকারনা লৌমীশিংদা মতেং পাংলি। নুংথিলগী মতমদা লৌমীশিংনা লৌউ-শিংউগী মৈ শীজিন্নবা য়ানবা গুজরাত্তা সোলার ইনর্জিগী খুৎথাংদা লৌমীশিংদা তোখাইবা ফিদর অমা পীনবা থবকশু পায়খৎলে।

প্রধান মন্ত্রীনা হায়খি গুজরাত অসি ললোন-ইতিক্কী রাজ্য অমনি অমসুং রাজ্য অসিগী চাউখৎপগী খোঙচৎনবা উদোগ চাউখৎপদা অনৌবা ইনোৎ অমা পীগনি। উদোগকী পৱারহাওস অমা ওইনা গুজরাতকী নহারোলশিং মমাঙদা অমুক্তা ওইখিদ্রিবা মওংদা খুদোংচাবশিং ফংলে। ঙসিদি হিরম খুদিংমক্তা গুজরাতকী নহারোলশিংনা রাজ্য অসি অনৌবা থাকশিংদা পুখৎলে অমসুং থবক খুদিংমক্তা দবল-ইঞ্জিন সরকারনা মীওই খুদিংমক মতেং পাংগনি।

নুঙগীৱারোল

থৌরম অদু গুজরাতকী জিলা শীনবা থুংনা মফম ১৮০ হেনবদা পাংথোক্কনি অমসুং মরুওইবা থৌরম বনাসকান্থা জিলাদা পাংথোক্লি। হাওসিং স্কিমশিং য়াওনা তোঙান-তোঙানবা সরকারগী স্কিমশিংগী কান্নবা ফংলবা মীওই লিশিং কয়া রাজ্য শীনবা থুংনা পাংথোক্কদৌরিবা থৌরম অদুদা শরুক য়াখি। থৌরম অদুদা গুজরাতকী চীফ মিনিস্তর, গুজরাত সরকারগী অতোপ্পা মিনিস্তরশিং, এম.পিশি, এম.এল.এশিং অমসুং পঞ্চয়াত থাক্কী মীয়ামগী মীহুৎশিং শরুক য়াখি।

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • sunilkumar s November 23, 2024

    ಜೈ ಭಾರತೀಯ ಜನತಾ ಪಾರ್ಟಿ
  • Reena chaurasia August 31, 2024

    बीजेपी
  • Biswaranjan Mohapatra August 02, 2024

    Jay BJP
  • Biswaranjan Mohapatra August 02, 2024

    Jay BJP
  • Biswaranjan Mohapatra August 02, 2024

    Jay BJP
  • Biswaranjan Mohapatra August 02, 2024

    BJP
  • Pawan Jain April 14, 2024

    400+
  • Pradhuman Singh Tomar April 14, 2024

    BJP
  • Pradhuman Singh Tomar April 14, 2024

    BJP
  • Pradhuman Singh Tomar April 14, 2024

    BJP
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s fruit exports expand into western markets with GI tags driving growth

Media Coverage

India’s fruit exports expand into western markets with GI tags driving growth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development