Quoteতি.বি.-মুক্ত পঞ্চায়ত, অতেনবা মতমগী তি.বি. প্রিভেন্তিব ত্রিতমেন্ত পেন-ইন্দিয়াদা ওফিসিএল ওইনা হৌদোকপগী খোঙথাং অমসুং তি.বি.গী ফেমিলী-সেন্ত্রিক কেয়র মোদেল হৌদোকখ্রে
Quoteতি.বি.-লৈতবা খুন্নাই অমা লৈহন্নবা ভারতনা খোঙফম চেৎলি হায়না অমুক্কা হন্না ফোংদোকখ্রে
Quoteইং ২০২৫ ফাওবদা তি.বি. মুত্থৎনবগীদমক্তা ভারতকী খ্বাইদগী ফবা থৌরাং, পান্দম অমসুং চলায়বা য়াবা থবক থৌরম কয়া অমা লৈরিঃ স্তোপ তি.বি.গী একজেক্যুতিব দাইরেক্তর
Quote“তি.বি.গুম্বা লাইনাগী মাইয়োক্তা মালেমগী ওইবা ৱারেপ লৌবগী মাইকৈদা কাশীনা অনৌবা শক্তী হাপ্লগনি”
Quote“ভারতনা ৱান ৱর্ল্দ তি.বি. সম্মিতকী খুত্থাংদা মালেমগী য়াইফনবগীদমক্তা অনৌবা ৱারেপ অমা মপুং ফাহল্লি”
Quote“ভারতকী হোৎনবগী মতৌনা তি.বি.গী মাইয়োক্তা মালেম্না চত্থরিবা লাল্লোংগী অনৌবা মোদেল অমা ওইরে”
Quote“তি.বি.গী মাইয়োক্তা চত্থরিবা থৌওংশিংদা মীয়াম্না শরুক য়াবসিনা ভারতকী অচৌবা তেংবাং অমনি”
Quote“ভারতনা ইং ২০২৫ ফাওবদা তি.বি. মুত্থৎপগী পান্দমগী মাইকৈদা থবক পায়খৎলি”
Quote“ভারতকী কেম্পেন, ইন্নোভেসন অমসুং মতমগা চুনবা তেক্নোলোজী খুদিংগী কান্নবশিং লৈবাক ময়াম্না ফংবা হায়বসি ঐহাক্কী অপাম্বনি”

প্রধান মন্ত্রী, শ্রী নরেন্দ্র মোদীনা ঙসি ভরানসীগী রুদ্রকাশ কনভেন্সন সেন্তরদা পাংথোকপা ৱান ৱর্ল্দ তি.বি. সম্মিত্তা ৱা ঙাংখ্রে। মহাক্না তি.বি.-মুক্ত পঞ্চায়ত, অতেনবা মতমগী তি.বি. প্রিভেন্তিব ত্রিতমেন্ত পেন-ইন্দিয়াদা ওফিসিএল ওইনা হৌদোকপগী খোঙথাং অমসুং তি.বি.গী ফেমিলী-সেন্ত্রিক কেয়র মোদেল অমসুং ভারতকী চহিগী তি.বি.গী পাউদম ২০২৩ য়াওনা তোঙান-তোঙানবা খোঙথাং কয়া হৌদোকখ্রে। প্রধান মন্ত্রীনা ভরানসীদা নেস্নেল সেন্তর ফোর দিজিজ কন্ত্রোল অমসুং হাই কনতেনমেন্ত লেবোরেতরীগী উরেপ উয়ুং তম্বগা লোয়ননা মেত্রোপোলিতান পব্লিক হেল্থ সর্ভেলিএন্স য়ুনিতকী মফমসু শঙ্গাখ্রে। মহাক্না খনগৎলবা রাজ্য/য়ু.তি. খরদা তি.বি. মুত্থৎনবা হোৎনবদা খুমাং চাউশিনবগীমক মনা পীখ্রে। রাজ্য/য়ু.তি.গী থাক্তা মনা ফংখিবশিংদি কর্নাতকা অমসুং জম্মু অমসুং কশ্মিরনি অমসুং জিলাগী থাক্তা মনা ফংখিবশিংনা নিলগিরী, পুলৱামা অমসুং অনন্তনাগনি।

|

স্তোপ তি.বি.গী একজেক্যুতিব দাইরেক্তর, দাঃ লুসিয়া দিত্তুনা মালেম অসিদা চহি লিশিং ক্যাদগী লৈরক্লবা লাইনা, ত্যুবর্ক্যুলোসীস নত্ত্রগা তি.বি.গী মতাংদা খন্ন-নৈননবগীদমক্তা হন্দক্কী সম্মিত অসিদি মালেমগী খ্বাইদগী অরিবা শহর, ভরানসীদা পাংথোক্লি হায়খি। ভারতকী মনাক্তা খ্বাইদগী ফবা থৌরাং, পান্দম অমসুং চলায়বা য়াবা অফবা থবক কয়া অমা লৈদুনা তি.বি.গী অচৌবা পোৎলুম অমা লৈ হায়না মহাক্না হায়খি। ভারতকী জি.২০ প্রসিদেন্সীনা মালেমগী য়াইফ-থৌরাংগী থৌদাং লৌবগী মতাংদা মিৎয়েং চঙখি অমসুং ৱান ৱর্ল্দ ৱান হেল্থ হায়রিবা থীম অসিগী মরু ওইবসু শন্দোক্না তাকখি। ভারতনা প্রধান মন্ত্রীগী লুচিং মখাদা ইং ২০২৫ ফাওবদা তি.বি. মুত্থতপগী লম্বীদা চঙশিল্লি হায়না মহাক্না পাউদমখি। ভারতকুম্বা লৈবাকশিংগী হোৎনজমন্না মরম ওইদুনা তি.বি.গী লাইওং খঙদোক্ত্রিবা অমসুং লাইয়েংদবা মীওই মশিংনা পুৱারীদা অহানবা ওইনা মিলিয়ন ৩গী মখাদা লৈবা ঙম্লিবনি হায়না মহাক্না হায়খি। ভারতনা তি.বি. মাইয়োক্নবগী পাক-চাউবা মতৌ অমসুং তি.বি. ফ্রী ইন্দিয়া ইনিসিএতিবপু থাগৎলদুনা ভারত সরকারনা তেংবাংদুনা ভারতনা ইং ২০২৫ ফাওবদা তি.বি. মুত্থৎপা ঙমগনি হায়বগী থাজবসু ফোংদোকখি। সেপ্তেম্বর ২০২২দা ন্যু য়োর্ক্তা পাংথোকখিবা য়ু.এন. জেনেরেল এসেমব্লী মনুংদা তি.বি.গী মতাংদা য়ু.এন.গী অৱাংবা থাক্কী মীফম ফমখিবা অদুদা প্রধান মন্ত্রীবু মীখল অসিদা শরুক য়াবীনবা পাউজেল পীখি হায়না মহাক্না পাউদমখি। তি.বি.গী মাইয়োক্তা মালেম্না থেংনরিবা লানফম অসিদা প্রধান মন্ত্রীনা লুচিংবীদুনা মালেমগী অতোপ্পা লুচিংবশিংগী মফমদসু ইথীল পীবিয়ু হায়না মহাক্না প্রধান মন্ত্রীগী মফমদা হায়জখি। 

|

প্রধান মন্ত্রীনা ঙসি তিনখিবা মীয়ামদা ৱা ঙাংবদা, ৱান ৱর্ল্দ তি.বি. সম্মিত অসি ভরানসীদা পাংথোকপসিদা নুংঙাইবা ফাওই হায়না ফোংদোকখি অমসুং মহাক অসি শহর অসিদগী থোক্লকপা পার্লিয়ামেন্তকী মীহুত অমনি হায়নসু ফোংদোকখি। মীওইবা খুন্নাইগী থবক কনবা অমসুং মখোয়গী হোৎনজমন কয়াগী মতৌবু চহি লিশিং কয়াদগী উদুনা লাক্লবা কাশী শহর অসিদি লাইওইরবা ইচেল ওমগুম্বনি হায়না মহাক্না হায়খি। “অয়েৎপা কয়া থেংনজরবসু, ‘সবকা প্রয়াস’ (মীপুম খুদিংনা হোৎনমিন্নবা) অসিনা অনৌবা পাম্বৈ শেম্মি হায়বগী প্রমান্দি কাশীনা মতম পুম্বদগী ওইদুনা লাক্লি”, মহাক্না হায়খি। মহাক্না তি.বি.গুম্বা লাইনাগী মাইয়োক্তা মালেমগী ওইবা ৱারেপ লৌবগী মাইকৈদা কাশীনা অনৌবা শক্তী হাপকনি হায়বগী থাজবা লৈ হায়না ফোংদোকখি।

ভারতনা লৈবাক অমা ওইনা, ভারতকী ৱাখল্লোনগী মমি অসিদি বাসুদৈবা কুতুম্বকম, হায়বদি, মালেম অসি ইমুং-মনুং অমনি হায়বগী ইথিলদা উবা ফংই হায়না প্রধান মন্ত্রীনা হায়খি। মসিগুম্বা লিরবা ৱাখল্লোন অসিনা ঙসিগী মতমগী চাউখৎলবা মালেমদা অপুনবা মিৎয়েং অমসুং ৱারোইশিন পীরি হায়না প্রধান মন্ত্রীনা ফোংদোকখি। মসিগুম্বা ৱাখল্লোন অসিদা য়ুম্ফম ওইরগা ভারতনা জি.২০গী প্রসিদেন্ত ওইনা “ৱান ফেমিলী, ৱান ৱর্ল্দ, ৱান ফ্যুচর”গী থীম খনখিবনি হায়না মহাক্না পনখি। “জি.২০গী থীম অসিদি মালেম পুম্বগী অমত্তা ওইমিন্নবা তুংগী মতমগী ৱারেপ অমনি”, প্রধান মন্ত্রীনা হায়খি। ভারতনা ‘ৱান আর্থ, ৱান হেল্থ’কী পান্দম্বু খুমাং চাউশিনহল্লি অমসুং ভারতনা ৱান ৱর্ল্দ তি.বি. সম্মিতকী খুত্থাংদা মালেমগী য়াইফনবগীদমক্তা অনৌবা ৱারেপ অমা মপুং ফাহল্লি হায়না মহাক্না মখা তাখি।

ভারতনা ইং ২০১৪গী মতুংদা তি.বি.গা মাইয়োক্নবা ঙম্নবগীদমক্তা খোঙফম চেৎখিবা অমসুং ৱারেপ চেৎখিবগী মতৌদি মমাংদা অমুক্তা উখিদ্রি হায়না প্রধান মন্ত্রীনা হায়খি। ভারতনা হোৎনরিবা মতৌ অসি য়াম্না মরু ওই মরমদি মসিনা মালেম্না তি.বি.গী মাইয়োক্তা চত্থরিবা লাল্লোংগী অনৌবা মোদেল অমা ওইরি হায়না প্রধান মন্ত্রীনা হায়খি। মমাংগী চহি ৯দা ভারতনা তি.বি.গী মাইয়োক্তা মশা য়াম্বা থৌওং পায়খৎখিবগী মতাংদসু পনখি। মীয়াম্না শরুক য়াবা, ন্যুত্রিসন হেন্না ফগৎহনবা, লাইয়েংবগী মতৌদা অনৌবা থৌওং পুরকপা, তেক য়াওশিল্লকপা অমসুং ফিত ইন্দিয়া, য়োগ অমসুং খেলো ইন্দিয়াগুম্বা ৱেলনেস অমসুং প্রিভেন্সনগী থৌওং কয়াগী খোঙথাংশিংসু মহাক্না পনখি।

|

তি.বি.না নাবা মীওইশিংদা তেংবাংবদা মীয়াম্না শরুক য়ামিন্নবগী মতাংদা প্রধান মন্ত্রীনা নিক্সয় মিত্রা কেম্পেনগী মতাংদা ৱাফম কয়া থমখি। তি.বি.না নাবা অনাবা চাউরাকপা লাখ ১০মুক্তি মীয়াম্না লৌশিনখি অমসুং চহি ১০-১২গী অঙাং ফাওবনা থবক অসিগীদমক্তা মাং থানা থোক্লকখি হায়না মহাক্না পাউদমখি। প্রোগ্রাম অসিগী মখাদা তি.বি.গী অনাবশিংদা শেলগী তেংবাং পীবগী শেনফম্না লুপা করোর লিশিং অমা য়ৌখ্রে। মসিগুম্বা ইহৌ অসিবু “ইথিল পীবা থৌওংনি” হায়না মহাক্না হায়রদুনা প্রবাসী ভারতমচাশিং ফাওবনা মসিদা শরুক য়াবসিদা মহাক্না নুংঙাইবা ফাওই হায়না ফোংদোকখি।

তি.বি.গী অনাবশিংনা ন্যুত্রিসনগী মতাংদা থেংনবা মরু ওইবা শিংনবা কয়াগী মতাংদা প্রধান মন্ত্রীনা পল্লদুনা, নিক্সয় মিত্রা কেম্পেন্না তি.বি.গী অনাবশিংদা তেংবাংখিবশিংগী মতাংদা পনখি। সরকারনা ইং ২০১৮দা তি.বি.গী অনাবশিংগী দাইরেক্ত বেনেফিত ত্রান্সফর স্কিম অমা লাউথোকখি অমসুং মসিনা মরম ওইদুনা, চাউরাক্না লুপা করোর ২০০০গী শেনফম মখোয়গী বেঙ্ক একাউন্তশিংদা হকথেংননা হাপখি অমসুং মসিদগী তি.বি.গী অনাবা চাউরাক্না লাখ ৭৫না থৌওং অসিগী কান্নবা ফংখি হায়না মহাক্না মীয়ামগী মিৎয়েং চিংশিনখি। “নিক্সয় মিত্রানা হৌজিক্তি তি.বি. অনাবশিংগী শক্তিগী অনৌবা হৌরকফম অমা ওইরে”, প্রধান মন্ত্রীনা হায়খি। চৎনদ্রবা থৌওং পাংথোক্তুনা অনৌবা ৱারোইশিন পুরকপদা য়াম্না অৱাবা অমা ওই হায়বসি নিংথীনা খঙদুনা, তি.বি. অনাবশিংনা লাইয়েংবা তোকখিদনবা হায়দুনা সরকারনা অনৌবা থৌরাং কয়া পায়খত্তুনা থবক পাংথোকখি হায়না প্রধান মন্ত্রীনা হায়খি। তি.বি. স্ক্রীনিং তৌবা অমসুং লাইয়েংবগীদমক্তা অয়ুশমান ভারত স্কিম হৌদোকপা, লৈবাক্কী তেস্তিং লেব মশিং হেনগৎহনবা অমসুং তি.বি.গী অনাবা মশিং য়াম্না লৈবা শহরশিংদা পান্দম থমদুনা মফমশিংগা অখন্নবা ৱর্ক পোলিসী শেম্বগী থৌওংশিংগী খুদমশিং মহাক্না পনখি। মসিগা মান্নবা থৌওং অমা ওইনা, প্রধান মন্ত্রীনা ‘তি.বি. মুক্ত পঞ্চায়ত অভিয়ান’ কৌবা অনৌবা কেম্পেন অমা ঙসিদগী হৌদোক্লে হায়না পাউদমখি। তি.বি.দগী ঙাকথোকপগী থা ৬কী প্রোগ্রামগী মহুত্তা থা ৩গী প্রোগ্রাম অমসু সরকারনা হৌদোক্লগনি হায়বা ৱাফমসু মহাক্না পাউদমখি। মমাংদদি, অনাবশিংনা নুমিৎ খুদিংগী ওইনা থা তরুক হিদাক চাবগী মথৌ তারম্মি, অদুবু হন্দক্কী অনৌবা পথাপ অসিদদি, অনাবা অমনা চয়োল অমদা হিদাক অমুকখক চারগনি হায়না মহাক্না ফোংদোকখি।

|

তি.বি. ফ্রী ইন্দিয়া কেম্পেন্দা তেক য়াওশিল্লকপগী মতাংদসু প্রধান মন্ত্রীনা পাউদমখি। নিক্সয় পোর্তেল অমসুং দেতা সাইন্স শিজিন্নবনা হীরম অসিদা চাউনা তেংবাংলি হায়না মহাক্না হায়খি। হকশেল মন্ত্রালয়-আই.সি.এম.আর.না সব-নেস্নেল দিজিজ সর্ভেলিএন্সকী অনৌবা পাম্বৈ অমা পুথোক্লে অমসুং মসিনা ভারতপু দবল্যু.ঐচ.ও. নত্তনা মসিগুম্বা মোদেল লৈবা অমত্তা ঙাইরবা লৈবাক ওইহল্লি হায়না মহাক্না হায়খি।

তী.বি.গী অনাবা মশিং হন্থরক্লিবা অমসুং কর্নাতকা অমদি জম্মু অমসুং কশ্মিরদা ঙসি পীরিবা মনা অসিগী মতাংদা পল্লদুনা প্রধান মন্ত্রীনা ইং ২০৩০গী মালেমগী পান্দমগী মাইয়োক্তা ঐখোয়না ইং ২০২৫ ফাওবদা তি.বি. মুত্থৎপগীদমক্তা থম্লিবা অতোপ্পা অচৌবা ৱারেপ অমগী মতাংদা পাউদমখি। লাইচত মনুংদা ঐখোয়গী হেল্থ ইনফ্রাস্ত্রকচর অমসুং তৌবা ঙম্বগী মতিক হেনগৎখিবা অসিগী মতাংদা প্রধান মন্ত্রীনা পল্লদুনা, লাইনা অসিগা মাইয়োক্নবদা ত্রেস, তেস্ত, ত্রেক, ত্রিত অমসুং তেক্নোলোজী শিজিন্নবা হেনগৎখিবা অসিগী মতাংদসু মীয়ামগী পুক্নিং চিংশিনখি। “ভারতকী মসিগুম্বা লোকেল এপ্রোচ অসিদা মালেমগী ওইনা চাওনা কান্নবা লৌবা য়াবগী মতিক লোইনরি”, মহাক্না মসিগুম্বা তৌবা ঙম্বগী মতিক অসিবু পুন্না শিজিন্নবগী তঙাই ফদবা মিৎয়েং চঙলদুনা ফোংদোকখি। তি.বি.গী হিদাকশিংগী চাদা ৮০ হেনবদি ভারত্তা শারি হায়না মহাক্না পাউদমখি। “ভারতকী কেম্পেন, ইন্নোভেসন অমসুং মতমগা চুনবা তেক্নোলোজী খুদিংগী কান্নবশিং লৈবাক ময়াম্না ফংবা হায়বসি ঐহাক্কী অপাম্বনি। সম্মিত অসিদা শরুক য়ারিবা লৈবাক খুদিংনা মসিগী মতাংদা মেকানিজম অমা শেম্বা য়াই। ঐখোয়গী ৱারেপ অসি শোইদনা মপুং ফাহনবা ঙমগনি হায়না ঐহাক্না থাজবা থম্মি – হোই, ঐখোয়না তি.বি. মুত্থৎপা ঙমগনি”, প্রধান মন্ত্রীনা মখা তানা হায়খি।

|

মহাত্মা গান্ধীনা লেপ্রোসী মুত্থৎপদা লৌখিবা থৌদাংগী মতাংদা প্রধান মন্ত্রীনা পল্লদুনা, অহমেদবাদতা লৈবা লেপ্রোসীগী হোস্পিতাল অমা শঙ্গাবীনবা গান্ধীজীবু কৌখিবগী থৌদোক অমগী মতাংদা মহাক্না পাউদমখি। হোস্পিতাল অসিগী থোংশিংদা শো লোনবগী মতৌ উবদা মহাক্না য়াম্না নুংঙাইবা ফাওগনি হায়না মফমদুদা তিনখিবা মীয়ামদা গান্ধীজীনা হায়খিবগী থৌদোকপু মহাক্না নিংশিংখি। অদুবু হোস্পিতাল অসিনা মতুংগী দিকেদ কয়া ফাওবদা মথৌ পাংথোক্তুনা লাকখিবা অমসুং লেপ্রোসী লাইনা মুত্থৎপা ঙমখিদবা অসিদা নুংনাংবা ফোংদোকখি। গুজরাত মীয়াম্না মহাক্কী মফমদা খুদোংচাবা শিন্নখিবা মতুংদা লেপ্রোসীগী মাইয়োক্তা চঙশিনবা খোঙথাংদা ইং ২০০১দা অনৌবা ইনোৎ অমা হাপখি হায়না মহাক্না পাউদমখি অমসুং গুজরাত্তা লৈরম্বা লেপ্রোসীগী চাংনা ২৩%দগী ১%দগী হন্থনা লৈরে হায়নসু মহাক্না মখা তানা ফোংদোকখি। লেপ্রোসী হোস্পিতাল অসি মহাক্না মুখ্য ওইরিঙৈগী ইং ২০০৭তা থিংজিনখি হায়না মহাক্না পাউদমখি। হীরম অসিদা সোসিএল ওর্গনাইজেসন্না লৌখিবা থৌদাং অমসুং মীয়াম্না শরুক য়াখিবগী মতৌশিং পল্লদুনা তি.বি.গী মাইয়োক্তা ভারতনা শোইদনা মায় পাকপা ঙমগনি হায়বগী থাজবা পোকই হায়না মহাক্না ফোংদোকখি। “ঙসিগী অনৌবা ভারত অসিদি মশাগী পান্দমশিং ফংবা ঙম্বগীদমক্তা মমিং লৈরিবনি”, প্রধান মন্ত্রীনা হায়খি অমসুং ওপন দিফিকেসন ফ্রী ওইবগী পান্দম ফংখিবা, সোলর পাৱর পুথোকপা অমসুং পেত্রোলদা ইথানোল য়ানবগী অকক্নবা পর্সেন্তেজকী পান্দম কয়া লেপখিবা মতমগী মমাংদা ফংখিবা থৌদোকশিংগী খুদমসু পীখি। “মীয়াম্না শরুক য়াবগী শক্তি অসিনা মালেম পুম্বগী থাজবসু হেনগৎহল্লি”, মহাক্না পনখি অমসুং ভারতনা তি.বি.গী মতাংদা ফংলিবা মায় পাকপশিং অসি মীয়াম্না শরুক য়াবদগীনি হায়না ফোংদোকখি। তি.বি.গী অনাবশিংবু লাইনা অসিগী মতাংদা নিংথীনা খঙহনসি হায়না মহাক্না মীয়াম পুম্বনা থৱাই মান্ননা চঙমিন্নরসি হায়বা ৱাফম থমখি।

|

কশাগী হেল্থ সর্ভিসশিং পাকথোক চাউথোকহন্নবা পায়খৎপা খোঙথাং কয়াগী মতাংদা প্রধান মন্ত্রীনা পাউদমখি। নেস্নেল সেন্তর ফোর দিজিজ কন্ত্রোলগী ভরানসী ব্রাঞ্চ ঙসি শঙ্গাখ্রে। পব্লিক হেল্থ সর্ভেলিএন্স য়ুনিতসু মথৌ পাংথোকপা হৌরে। বি.ঐচ.য়ু.গী চাইল্দ কেয়র ইন্সতিত্যুত, ব্লদ বেঙ্কশিং মোদর্নাইজ তৌবা, মোদর্ন ত্রাউমা সেন্তর, সুপর স্পিসিএলিতী ব্লোক অমসুং অনাবা লিশিং ৭০ হেনবনা লাইয়েংবগী খুদোংচাবা ফংলিবা পন্দিত মদন মোহন মাল্বিয়া কেন্সর সেন্তরগী মতাংদসু মহাক্না পনখি। কবির চাউরা হোস্পিতাল, দিস্ত্রিক্ত হোস্পিতাল, দাইলাইসীস ফেসিলিতী, সি.তি. স্কেন ফেসিলিতী অমসুং কাশীগী খুঙ্গংগী মফমশিংদা হেল্থ সর্ভিসশিং পাকথোক চাউথোকপগী ৱাফম কয়াসু মহাক্না পনখি। ভরানসীদা অনাবা লাখ ১.৫ হেনবনা অয়ুশমান ভারত স্কিমগী মখাদা লেম্না লাইয়েংলি অমসুং জন ঔশধী কেন্দ্র ৭০ হেনবনা অনাবশিংদা অহোঙবা মমলদা হিদাক ফংহল্লি।

প্রধান মন্ত্রীনা মহাক্কী ৱারোল লোইশিনবা ওইনা, ভারতনা লৈবাক অসিগী এক্সপ্রেরিএন্স, এক্সপর্তাইজ অমসুং ৱিল পাৱর শিজিন্নদুনা তি.বি. মুত্থৎপগী কেম্পেন্দা থবক পায়খৎলি হায়না ফোংদোকখি। ভারতনা তেংবাংগী মথৌ তাবা লৈবাকশিংদা তেংবাংনবা মতম পুম্বদা শেম শারগা লৈরি হায়নসু মহাক্না পনখি। “সবকা প্রয়াস (মীয়াম পুম্বগী হোৎনজমন) খক্তদগী ঐখোয়না হোৎনরিবশিং মায় পাকপা ঙমগনি। ঐখোয়না ঙসি হোৎনরিবশিং অসিনা হয়েংগী মতমগী অচেৎপা ফম্বাক অমা শেম্বা ঙমগনি অমসুং ঐখোয়গী তুংগী চারোন শুরোনশিংদা হেন্না ফবা মালেম অমা খুৎশিন্নবা ঙমগনি হায়না ঐহাক্না থাজবা থম্মি”, প্রধান মন্ত্রীনা মহাক্কী ৱারোল লোইশিনখি।

উত্তর প্রদেশকী রাজ্যপাল, শ্রী অনন্দিবেন পতেল, উত্তর প্রদেশকে মুখ্য মন্ত্রী, শ্রী য়োগী অদিত্যনাথ, হকশেল অমসুং য়াইফ য়ুম্বালগী কেন্দ্র মন্ত্রী, দাঃ মনশুখ মন্দাবিয়া, উত্তর প্রদেশকী উপ-মুখ্য মন্ত্রী, শ্রী বৃজেশ পাথক অমসুং স্তোপ তি.বি.গী দাঃ লুসিয়া দিত্তুসু অতোপ্পা মীথুংলেন কয়াগা লোয়ননা ঙসিগী থৌরমদা শরুক য়াখি।

বেকগ্রাউন্দ

মালেমগী ত্যুবর্কুলোসিস নুমিতনা লাকপদা, প্রধান মন্ত্রীনা ৱান ৱার্ল্দ তি.বি. সম্মিত্তা ৱা ঙাংগনি। হায়রিবা সম্মিত অসি হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দব্ল্যু.) অমসুং স্তোপ তি.বি. পার্তনর্শিপ অনিনা শীনবনি। ২০০১দা হৌদোকখিবা স্তোপ তি.বি. পার্তনর্শিপ হায়বসি য়ুনাইতেদ নেসন্সনা য়ুম্বু ওইবা তি.বি.না শোকহল্লবা মীয়াম, খুন্নাই অমসুং লৈবাকশিংগী খোঞ্জেলশিং ৱাংখৎহন্নবা হৌদোকখিবা ওর্গানাইজেসননি।

থৌরম অসিগী মনুংদা, প্রধান মন্ত্রীনা তি.বি.-মুক্ত পঞ্চায়ত থৌরাং য়াওনা ভারত পুম্বগী ওইবা অতেনবা তি.বি. প্রিভেন্তিব ত্রিৎমেন্ত (তি.পি.তি.); তি.বি.গী ফেমিলী সেন্ত্রিক কেয়র মোদেল অমা ওইরিবা অমসুং ভারতকী চহিগী তি.বি.গী রিপোর্ত ২০২৩ ফোংগনি। প্রধান মন্ত্রীনা তি.বি. লোইশিনবদা খুমাং চাউশিল্লিবা খনগৎলবা রাজ্য/য়ু.তি. অমসুং জিল্লাশিংবুসু মনা য়েন্থোক্কনি।

মার্চ ২০১৮দা, নই দিল্লীদা পাঙথোকখিবা এন্দ তি.বি. সম্মিত্তা প্রধান মন্ত্রীনা ভারতবু ২০২৫ ফাওবদা পাখিবা চহিদগী চহি মঙা ঙনখৎনা তি.বি.গা মরী লৈনবা এস.দি.জি. পান্দম ফংনবা লাউখি। ৱান ৱার্ল্দ তি.বি. সম্মিত অসিনা লৈবাক অসিনা তি.বি. মপুং ফানা মুত্থৎনবা হোৎনরিবা পান্দম অসিদা হেন্না খুমাং চাউশিন্ননবগী তাঞ্জা অমা পীরগনি। মসিনা নেসনেল তি.বি. ইলিমিনেসন প্রোগ্রামশিংদগী তমজনবগী খুদোংচাবা অমসু পীরগনি। লৈবাক ৩০রোমদগী ওইগদবা অন্তর্জাতিগী দেলিগেতশিংসু সম্মিত অসিদা শরুক য়ারগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • DAR GULZAR January 14, 2024

    great leadership
  • Jayakumar G June 07, 2023

    India, which is presiding over the G-20 Summit, has proposed the theme 'One World, One Family, One Future'! This theme is the resolution of the shared future of the whole world as one family. Recently, India has also taken the initiative to take forward the vision of 'One Earth, One Health'. And now, India is fulfilling another pledge of global good through the 'One World TB Summit'.
  • Ankit sharma April 05, 2023

    राम राम जी🙏🇮🇳🇮🇳🇮🇳🇮🇳🇮🇳🇮🇳🇮🇳
  • Ramee Nanda April 04, 2023

    t b percent Last stage Ko maine 1988 me fast swasthya karne ke liye ek behtreen prayog ki tthi Bakri ka fres doodh roj aadha Cup dawa ke roop me ek maah Tak baki High protein diet ke sath yadi nonvegiteryan Hain to bakre ka meet roj Kam masala me Bana ek katori khane me Shamil karna chahiye yadi vejiteriyan hain to roj ek katoti soya been ki badi Namak dalkar ubalkar nichodkar makhan thode se yani ek tabal spoon lekar usme soya badi fry karke khana hai chahe to pulao me daal kar ya sabji banakar khaye par roj khana hai roj meet ki sabji sambhav na ho to ek din me 12 ghante ke andar roj 6 uble ande khana hai 15 Dino tak aur jjis bhi Dharm Ko mante Hain kopy me roj 2 ya 3 pej koi mantra likhe ek mah Tak to tention free dimag teji se swasthya Labh deta hai Jaise ki Gayatri Mantra.
  • Rohit Saini March 28, 2023

    जय हो
  • Ram Surat March 27, 2023

    Jai shree Ram 🙏🌺🚩
  • Ram Surat March 27, 2023

    Jai Jai Shri Ram 🙏🙏🙏🚩🚩🚩💕 Har Har Mahadev 🙏🙏🙏🚩🚩🚩💕 It is possible if Modi ji is there, our Prime Minister Modi ji is the pride and pride of the country, I am proud of Prime Minister Modi ji, CM Yogi Adityanath Maharaj ji. May God give long life, make them successful, keep them both healthy and benevolent. Im from, jarau dhanupur handiya tagshil prayagraj utarprdesh
  • Vinay Jaiswal March 27, 2023

    जय हो नमों नमों
  • Ramee Nanda March 27, 2023

    kabhi sambhav hua to amar pujyniya respected manniya prime minister Shri Maan Narendra Modi sir se parmition lekar jagah jagah ke t b aur cancer percents ko Mai swayam tthik karne Jana chahungi yani unko bimari se ladne aur swasthya hone ka jajba paida karungi aur ye kaam Mai bina peyment ke karungi bhawishya me aisi meri ikccha hai par Abhi nahi.bhawisya me
  • krishnapal yadav March 26, 2023

    जय हिन्द
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
Modi government turns 11 and going strong

Media Coverage

Modi government turns 11 and going strong
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 8 জুন, 2025
June 08, 2025

PM Modi’s Vision of Women-led Development – Transforming Women into Nation Builders