ঙসি প্রধান মন্ত্রী শ্রী নরেন্দ্র মোদীনা নিউ দিল্লিদা ভারত মন্দাপমদা G20 য়ুনিভর্সিতি কন্নেক্ত ফিনালেদা ৱা ঙাংখ্রে। ভারতনা G20গী প্রসিদেন্ত ওইবগী মতাংদা ভারতকী নহারোলশিংদা খঙহন্নবা অমসুং G20গী তোঙান-তোঙানবা থৌরমশিংদা মখোয়না শরুক য়াবা হেনগৎহন্নবা পান্দমদা G20 য়ুনিভর্সিতি কন্নেক্তকী থবক পায়খৎপনি। প্রধান মন্ত্রীনা থৌরম অদুদা চেফোঙ মরি, মমিং ওইনা পল্লবদা ভারতনা G20গী প্রসিদেন্ত ওইবদা চাউনা মাইপাকপা: মীৎয়েং শানবা লুচিংবা, পুম্নমক কোনশিনবা থৌরাং; ভারতনা G20গী প্রসিদেন্ত ওইবা: বসুধাইব কুতুম্বকম; G20 য়ুনিভর্সিতি কন্নেক্ত প্রোগ্রামগী খোমজিনবা অমসুং G20দা উৎখিবা ভারতকী কলচর অসিনি।
চয়োল অনিগী মমাঙদা G20 মীফম মনুংদা ভারত মন্দাপমদা পাংথোকখিবা থৌরমশিং নিংশিংলদুনা প্রধান মন্ত্রীনা হায়খি মসি মপুংফানা মাইপাক্লবা থৌরম অমা ওইখ্রে। মফম অসিদা ঙসি অমুক ভারতকী তুংলমচৎ উবা ফংলে। ভারত G20গুম্বা থৌরম অমা পাংথোকপা ঙম্বগী থাক য়ৌরে অমসুং মসিদা মালেমগী লৈবাকশিংনা অঙকপা পোক্নখ্রে। অসিগুম্বা থৌরম অমদা ভারতকী নহারোলশিং মখোয় মশামক শরুক য়াবা মরম্না মহাক্তি অঙকপা পোকখিদে। নহারোলশিংনা তুংদা লেপ্পদগী অসিগুম্বা অচৌবা থৌরমশিং মাইপাকপা অমা ওইখিবনি।
প্রধান মন্ত্রীনা হায়খি ভারত অসি অঙকপা থবকশিং পাংথোকফম অমা ওইরক্লে। মসি হৌখিবা নুমিৎ ৩০দা পাংথোকখিবা থবকশিংনা খুদম ওইরে। চন্দ্রয়ান মিসন মাইপাক্তুনা মালেম শীনবা থুংনা ভারতনা থাদা য়ৌখিবা খোন্থাং য়ৈখ্রে। ওগস্ত ২৩ অসি ঐখোয়গী লৈবাক্তা নেসনেল স্পেস দে হায়না খঙনরগনি। মসিগী মাইপাকপা অসিগা লোয়ননা, ভারতনা মসিগী সোলার মিসন মাইপাক্না থাগৎখ্রে। চন্দ্রয়ান্না কিমি লাখ ৩ লাপ্না পাইখি অমসুং অমসুং সোলার মিসন্না কিমি লাখ ১৫ হেন্না লাপ্না পাইগনি। ভারতকী থবকশিং অসিগা চাংদম্নবা য়াবা করি লৈরিবগে।
প্রধান মন্ত্রীনা হায়খি হৌখিবা নুমিৎ ৩০দা ভারতকী দিপ্লোমেসিগী থবকশিং অনৌবা থাকশিং য়ৌরে। G20 মীফম মমাঙদা খা অফ্রিকাদা পাংথোকখিবা ব্রিক্স মীফমদা ভারতনা হোৎনবদগী অনৌবা লৈবাক তরুক মসিগী মেম্বর ওইনা হাপচিনখি। খা অফ্রিকাগী মতুংদা, প্রধান মন্ত্রী গ্রিসতা চৎখি, মসি চহি ৪০গী মতুংদা ভারতকী প্রধান মন্ত্রী অমনা লৈবাক অসিদা চৎপা অহানবনি। G20 মীফম মমাংদা ইন্দোনেসিয়াদা মহাক্না মালেমগী লুচিংবা কয়াগা উনখি।
মালেমগী য়াইফনবা ভারত মন্দাপমদা লৌখিবা মরুওইবা ৱারেপশিং পল্লদুনা প্রধান মন্ত্রীনা হায়খি তোখায় তানরবা মালেম অমদা ফম্বাক অমদা মেম্বর লৈবাক পুম্নমক অমতা ওইনা পুনখিবা অসি সরকারগী অখন্নবা মাইপাকপা অমনি। অমতা ওইনা য়ানখিবা দিল্লি দিক্লারেসন মালেম শীনবা থুংনা হেদলাইনশিং ওইখ্রে। ভারতনা অসিগুম্বা থবক কয়া মাংজিল থাদুনা পাংথোকখ্রে। G20দা লৌখিবা ৱারেপশিং অসিনা ২১শুবা চহিচাদা অচৌবা অহোংবা পুরকপদা মতেং পাংলগনি। G20 দা অফ্রিকান য়ুনিয়ন লেংদবা মেম্বর অমা ওইনা য়াওখিবা, ভারতনা লুচিংবা ইন্তরনেসনেল বাইওফুএল এল্লাইন্স অমসুং ইন্দিয়া-মিদল ইস্ত-য়ুরোপ ইকোনোমিক কোরিদোর মীফম অসিগী অচৌবা মাইপাকপশিংনি।
G20 মীফম হেক লোইবগা, সাউদি অরাবিয়াগী রাজকুমারগী সরকারগী খোঙচৎ পাংথোকখি অমসুং সাউদি অরাবিয়ানা ভারত্তা বিল্লিয়ন দোল্লার ১০০ থাদরগনি। প্রধান মন্ত্রীনা হায়খি হৌখিবা নুমিৎ ৩০দা মহাক্না মালেমগী লুচিংবা ৮৫ উনখ্রে। মালেমদা ভারতকী মিংচৎ হেনগৎলকপগী খুদোংচাবা কয়া ফংলে। মসিনা মরম ওইদুনা ভারতনা অনৌবা খুদোংচাবশিং, অনৌবা মরুপশিং অমসুং অনৌবা কৈথেলশিং ফংলে, নহারোলশিংদা অনৌবা খুদোংচাবশিং পীরে।
হৌখিবা নুমিৎ ৩০দা এস.সি. এস.তি, ও.বি.সি অমসুং লায়রবশিং অমসুং মিদল ক্লাসশিং য়াইফনবা সরকারনা পায়খৎলিবা থবকশিং পল্লদুনা প্রধান মন্ত্রীনা হায়খি শেংলবা বিশ্বকর্মা জয়েন্তি থৌরমদা হৌদোকখিবা প্রধান মন্ত্রী বিশ্বকর্মা য়োজনা অসিনা খুৎহৈবশিং অমসুং শিন্মীশিং য়াম্না চাউনা কান্নবা পীরগনি। নহারোল লাখ ১ হেনবদা কেন্দ্র সরকারগী থবকশিংগী এপোইন্তমেন্ত লেত্তরশিং য়েন্থোক্নবা রোজগার মেলাশিং পাংথোক্লে। রোজগার মেলাশিং পাংথোকপা হেক হৌরকপদগী নহারোল লাখ ৬ হেনবদা এপোইন্তমেন্ত লেত্তরশিং য়েন্থোকখ্রে। অনৌবা সংসদতা অহানবা মীফম পাংথোক্তুনা মফম অদুদা নারী শক্তি বন্দন অধিনিয়ম পাস তৌখ্রে।
ইলেক্ত্রিক মোবিলিতিগী খ্বাইদগী নৌবা থবকশিংগী মতাংদা প্রধান মন্ত্রীনা হায়খি লৈবাক অসিদা বেত্তরি ইনর্জি স্তোরেজ সিস্তেম ফগৎনবা অনৌবা স্কিম অমা য়াবা পীখ্রে। নিউ দিল্লিগী দ্বারকাদা য়াসোভুমি কনভেন্সন সেন্তর শঙ্গাখ্রে, বারানসীদা অনৌবা ইন্তরনেসনেল ক্রিকেত স্তদিয়ম অমা শানবা উরেপ-উয়ুং তমখ্রে অমসুং বন্দে ভারত ত্রেন ৯ লমথাখ্রে। মধ্য প্রদেসতা রিফাইনরি অমদা পেত্রোকেমিকেল কমপ্লেক্স অমা শানবা, রিনিউএবল ইনর্জি আই.তি পার্ক, মেগা ইন্দস্ত্রিএল পার্ক অমা অমসুং অনৌবা ইন্দস্ত্রিএল সেক্তর তরুক শানবা উরেপ-উয়ুং তমখ্রে। হায়রিবা থবকশিং অসি নহারোলশিং থবক পীনবা অমসুং হৈথোই-শিংথোইবা হেনগৎহনবগা মরী লৈনবা ঙাক্তনি।
প্রধান মন্ত্রীনা হায়খি থাজবা, খুদোংচাবশিং অমসুং নিংতম্বা লৈরবা মতমদা নহারোলশিং চাউখৎলকই। নহারোলশিংনা অচৌবা ৱাখল খনগদবনি। লৈবাক অসিদা নহাক্না তৌবা ঙম্লোইদবা থবক অমতা লৈতে। থৌরম খুদিংমক অপীকপা ওইনা লৌরোইদবনি অমসুং থবক খুদিংমক শিংথাবা য়াবা থবক অমা ওইহন্নবা হোৎনগদবনি। G20 অসি ইচম চম্বা দিপ্লোমেতকী অমসুং দিল্লি খক্তদা পাংথোকপা থবক অমা ওইগদবনি। মদুগী মহুত্তা ভারতনা G20 মীয়াম্না লমজিংবা লৈবাক্কী খোঙজং অমা ওইহনখ্রে। G20 য়ুনিভর্সিতি কন্নেক্ত থৌরমদা য়ুনিভর্সিতি ১০০ হেনবগী মহৈরোয় লাখ ১ হেন্না শরুক য়াবদা মহাক্না থাগৎপা ফোঙদোকখি। সরকারনা G20 অসি স্কুলশিং, অৱাংবা থাক্কী ইজুকেসন অমসুং স্কিল দিবলপমেন্ত ইন্সতিতুসনশিংগী মহৈরোয় করোর ৫ হেনবদা য়ৌহনখি। ঐখোয়গী মীয়াম্না চাউনা খনখি অমসুং হেন্না চাউবা থবক পাংথোকখি।
অমৃত কালগী মথং চহি ২৫গী মরুওইবা পল্লদুনা প্রধান মন্ত্রীনা হায়খি মতম অসি লৈবাক্কী অমসুং নহারোলশিংগী য়াম্না মরুওইবা মতমনি। য়াংনা চাউখৎলক্লিবা ইকোনোমিশিংগী মরক্তা য়াওদুনা, অতেনবা মতমগী মনুংদা ১০শুবা মফমদা লৈরম্বদগী ভারতনা মালেমদা খ্বাইদগী চাউবা ৫শুবা ইকোনোমি ওইরকখি। মালেম্না ভারতনা থম্লিবা থাজবা অসি মপাঙ্গল কল্লি অমসুং রেকোর্দ ওইনা লৈবাক অসিদা মপান লৈবাকশিংদগী শেন থাদারক্লে। এক্সপোর্ত, মেনুফেকচরিং অমসুং সর্বিস সেক্তর অনৌবা থাকশিং য়ৌরে। শুপ্নগী চহি ৫গী মনুংদা, মীওই করোর ১৩.৫ লায়রবা কোক্তুনা ভারতকী নিও-মিদল ক্লাস য়ৌখ্রে। ফিজিকেল, সোসিএল অমসুং দিজিতেল ইনফ্রাস্ত্রকচরগী থবকশিংনা চাউখৎপগী অনৌবা খোঙজেল য়াংখৎলে। ফিজিকেল ইনফ্রাস্ত্রকচরগী লুপা করোর লাখ ১০ থাদবা উরে।
নহারোলশিংগী খুদোংচাবশিংগী মতাংদা প্রধান মন্ত্রীনা হায়খি ই.পি.এফ.ও পেরোলদা রেজিস্তার করোর ৫ তৌরে। মসিগী মনুংদা, করোর ৩.৫ অহানবা ওইনা এ.পি.এফ.ও শরুক য়াবনি, হায়বদি মসি মখোয়গী অহানবা ব্লোক্নি। ২০১৪ দা লৈবাক অসিদা স্তার্দঅপ ১০০ রোম লৈরম্বদগী অঙকপা ফংনা চাউখৎলক্তুনা হৌজিক স্তার্দঅপ লাখ ১ য়ৌরে। ভারতনা অনিশুবা খ্বাইদগী চাউবা মোবাইল হেন্দসেত শাবা লৈবাক ওইরে। ২০১৪গা চাংদম্নবদা দিফেন্স এক্সপোর্ত চাদা ২ হেনগৎলে। মুদ্রা য়োজননা নহারোলশিং থবক পীবা মীওই ওইহল্লে। স্কিম অসিনা অহানবা ওইনা ওন্ত্রেপ্রেনিউয়র করোর ৮ শেমগৎলে অমসুং হৌখিবা চহি ৯দা ভারত্তা কম্মন সর্বিস সেন্তর লাখ ৫ হাংদোক্লে।
প্রধান মন্ত্রীনা হায়খি রাজনিতিগী তংদু-লৈতাবা, নাখৈ শেংবা থৌশিল অমসুং গনতন্ত্রগী গুনশিংনা লৈবাক অসি চাউখৎলকপনি। হৌখিবা চহি ৯দা শেঞ্জা-থুমজা লাকশিন্নবা সরকারনা পুকচেল শেংনা থবক পায়খৎলে অমসুং মিদলমেন লাকশিন্নবা অমসুং সরকারগী ফন্দ নারোলদা চৎখিবা থিংনবা তেক্নোলোজিদা য়ুম্ফম ওইবা থবক কয়া পায়খৎলে। ঙসিদি, পুকচেল শেংবশিং মনা ফংলে অদুগা পুকচেল শেংদবশিংনা চৈরাক ফংলে।
প্রধান মন্ত্রীনা হায়খি লৈবাক অমা চাউখৎপগী খোঙচৎ মখা চৎথনবা পুকচেল শেংবা অমসুং তুংদু-লৈতাবা লৈঙাক লৈহনবা তঙাইফদে। করিগুম্বা ভারতকী নহারোলশিংনা চপ লেপ্লবদি, ২০৪৭দা ভারত চাউখৎলবা অমসুং অত্মানির্ভর লৈবাক অমা ওইবদা কনা অমতনা অথিংবা পীবা ঙম্লোই। হৌজিক মালেম পুম্নমক্না থাজবগা অমগা লোয়ননা ভারত্তা য়েংলে অমসুং মখোয়না ভারতকী তৌবা ঙম্বা অমসুং মসিগী নহারোল মশক খঙলে। মালেম চাউখৎনবা ভারত অমসুং মসিগী নহারোলশিং চাউখৎপা য়াম্না মরুওই। লৈবাক্কীদমক নহারোলশিংনা তৌবা ঙম্লোইদবা অমতা লৈতে। ঐগী থৌনা ভারতকী নহারোলশিংগী খুত্তা লৈরে।
শ্বাছ ভারত কেম্পেন মাইপাকহনবদা নহারোলশিংগী থৌদাংদা অপেনবা ফোঙদোক্লদুনা প্রধান মন্ত্রীনা হায়খি গান্ধী জয়েন্তি নোংমা ৱাৎলিঙৈদা, ওক্তোবর ১,২০২৩দা লৈবাক শীনবা থুংনা পাংথোক্কদৌরিবা অখন্নবা লু-নানবগী থবক্তা শরুক য়াবীয়ু। চয়োল অমগী মনুংদা য়ামদ্রবদা মীওই ৭ য়ু.পি.আই শীজিন্নবা তম্বীয়ু। ভোকেল ফোর লোকেল থবক ওইনা পাংথোক্কদবনি। কুহ্মৈশিং লাকপদা ‘মেদ ইন ইন্দিয়া’ খুদোলপোৎশিং লৈবীয়ু অমসুং লৈবাক অসিদা শাবা পোৎথোকশিং লৈবীয়ু। নুমিৎ খুদিংগী শীজিন্নবা পোৎলমশিংগী মমিং পরেং অমা শেম্বীয়ু অমসুং মখোয়গী মরক্তা মপান লৈবাকশিংদা শাবা পোৎলম কয়া য়াম্না য়াওবগে হায়বা খঙদোকউ। ঐখোয়না খঙদবা মপান লৈবাকশিংনা শাবা পোৎ-চৈশিংনা ঐখোয়গী পুন্সি লাঙ্গোই চল্লে অমসুং লৈবাক অসি কন্নবা মখোয় শীজিন্নবা লেপ্পা অসি য়াম্না মরুওই।
প্রধান মন্ত্রীনা হায়খি ভারতকী কলেজ অমসুং য়ুনিভর্সিতি কেম্পসশিং ভোকেল ফোর লোকেলগী মরুওইবা মফম অমা ওইরে। কেম্পসশিংদা মহৈরোয়শিংনা খাদি ফেসন অমা ওইহনগদবনি। কলেজ কলচরেল ফেস্তিবেলশিংদা খাদি ফেসন সোশিং পাংথোক্কদবনি অমসুং বিশ্বকর্মাশিংগী পোৎথোকশিং পুক্নিং থৌগৎকদবনি। হায়রিবা ৱারেপশিং অসিগা লোয়ননা ঙসি নহারোলশিংনা ভারত মন্দাপম থাদোক্তুনা চৎখিগনি হায়বগী থাজবা প্রধান মন্ত্রীনা ফোঙদোকখি।
প্রধান মন্ত্রীনা হায়খি নিংতম লালহৌগী লুচিংপুরেলশিংগুম ঐখোয়না লৈবাক্কীদমক থৱায় থানবা খুদোংচাবা ফংদ্রবসু, ঐখোয়না লৈবাক্কীদমক হিংনবা খুদোংচাবা ফংলে। চহি ১০০ মমাঙগী নহারোলশিংনা নিংতম্বা ফংনবা অমসুং লৈবাক অসি লোয়লম লৈঙাক্কী শক্তিশিংদগী লৈবাক শীনবা থুংনা নিংতম্বা ফংনবা ৱারেপ লৌখি। মরুপশিং, ঐগা লোয়ননা চৎমিন্ননবা ঐনা অদোমগী মফমদা হায়জরি। ঐখোয়গী মাঙদা চহি ২৫ লৈরে, চহি ১০০গী মমাঙদা মখোয়না শ্বারাজগী খোঙজং চঙশিনখি, ঐখোয়না নুংঙাই-য়াইফনবা থবক পায়খৎলি। অত্মানির্ভর ভারতনা নুংঙাই-য়াইফবগী অনৌবা থোংশিং হাংদোক্লে অমসুং অনৌবা থাকশিংদা পুখৎনবা মশানা মশাবু থাজবা লৈহল্লে। লৈবাক অসি মকোক থোংবা ইকোনোমি অহুমগী মনুং চনহন্নবা মহাক্না থাজবা পীরি। মসিগীদমক ঐনা অদোমগী মতেং অমসুং ইমা ভারতকী মতেং অমসুং ভারতমচা করোর ১৪০গী মতেং দরকার ওইরিবনি।
থৌরম অদুদা য়ুনিয়ন ইজুকেসন মিনিস্তর শ্রী ধর্মেন্দ্র প্রধান শরুক য়াখি।
নুঙগীৱারোল
G20 জন ভাগিদারি ঈহৌদা লৈবাক অসিদা লৈরিবা তোঙান-তোঙানবা মহৈলোয়শঙ, হায়র এজুকেসন ইন্সতিত্যুসনশিং অমসুং স্কিল দিবেলপমেন্ত ইন্সতিত্যুতশিংদগী নহারোল করোর ৫ হেনবনা শরুক য়াবা উখি। G20 য়ুনিভর্সিতি কন্নেক্তকী থৌরাং অসি ভারতনা G20 প্রসিদেন্ত ওইবা অসি ভারতকী নহাশিংদা ৱাখল তাহন্নবা অমসুং G20 থৌরমশিংদা মখোয়না শরুক য়াবা হেনগৎহন্নবা পান্দমদা লৌখৎখিবনি। থৌরম অসিদা ভারত্তা লৈরিবা তোঙান-তোঙানবা য়ুনিভর্সিতিশিংদগী মহৈরোই লাখ ১ হেনবনা শরুক য়াখি। অহানবদা, ভারতকী চহি ৭৫ শুরবা নীংতম্ববু পালন তৌনবা য়ুনিভর্সিতী ৭৫ থৌরাং তৌরম্মি, থৌরম অসিনা মসি ভারত্তা য়ুনিভর্সিতি ১০১ য়ৌনা পাকথোক চাউথোকখ্রে।
তোঙান-তোঙানবা থৌরমশিংসু লৈবাক অসিদা শীনবা থুংনা G20 য়ুনিভর্সিতি কন্নেক্তকী থৌরাংগী মখাদা পাঙথোকখি। হায়রিবশিং অসিদা হাইয়র এজুকেসন ইন্সিত্যুসনশিংদগী কা হেন্না শরুক য়াবা থেংনখি। মখা তানা, য়ুনিভর্সিতিশিংগীদমক লাংলম্বা থৌরম অসিদা মহৈলোইশঙ অমসুং কোলেজ কয়া শরুক য়ারক্তুনা পাকথোক-চাউথোরকখি।
G20 য়ুনিভর্সিতি কন্নেক্ত ফিনালে পাঙথোকফম অসিদা মহৈরোই ৩০০০ রোম, য়ুনিভর্সিতিশিংগী ফেকলতি মেম্বর, অমসুং ভাইস চান্সেল্লরশিংনা শরুক য়াখি। মসিগী মথক্তা, লৈবাক অসিগী মহৈরোইশিংনা থৌরম অসিদা লাইব ওইনা শরুক য়াখি।
Our Yuva Shakti has made India a happening place. pic.twitter.com/5sMko3aPgt
— PMO India (@PMOIndia) September 26, 2023
G20 में कुछ फैसले ऐसे हुए हैं, जो 21वीं सदी की पूरी Direction ही Change करने की क्षमता रखते हैं। pic.twitter.com/WqNqm75kU7
— PMO India (@PMOIndia) September 26, 2023
पिछले 30 दिनों में SC-ST-OBC के लिए, गरीबों और मिडिल क्लास के लिए, उनको Empower करने के लिए भी कई कदम उठाए गए हैं: PM @narendramodi pic.twitter.com/FtpqJHm0FQ
— PMO India (@PMOIndia) September 26, 2023
Youth progress only where there is optimism, opportunities and openness.
— PMO India (@PMOIndia) September 26, 2023
My message to the youth is - 'Think Big': PM @narendramodi pic.twitter.com/TQKceNYYCx
G20 Summit could have been limited to only a diplomatic and Delhi-centric programme.
— PMO India (@PMOIndia) September 26, 2023
But India made it a people-driven national movement. pic.twitter.com/feqx3jF6pi
आज भारत पर दुनिया का भरोसा बुलंद है। pic.twitter.com/0QPXqGY2IV
— PMO India (@PMOIndia) September 26, 2023
दुनिया की प्रगति के लिए भारत की प्रगति, और भारत के युवाओं की प्रगति आवश्यक है। pic.twitter.com/ucKM2Un5E4
— PMO India (@PMOIndia) September 26, 2023
ৱা ঙাংখিবগী মপুংফাবা ৱারোল পানবা মসিদা নম্বীয়ু
