ভারতকী এচিবমেন্তশিং অমসুং মায়পাকপশিংনা মালেম শিনবা থুংবদা আশাগী অনৌবা ইথৎ অমা লাকহল্লি: পি.এম.
ভারতনা ঙসি গ্লোবেল গ্রোথতা শাহৌ পীরি: পি.এম.ঙসিগী ভারতনা অচৌবা ৱাখলশিং খল্লি, অচৌবা পান্দমশিং থম্মি অমসুং শীংথানীংঙাই ওইরবা মহৈশিং পীরি: পি.এম.ঐখোয়না ভারত্তা খুঙ্গংগী য়ুমথোংশিংদা প্রোপর্তী রাইৎশিং পীনবা স্বামিত্ব স্কিম হৌদোকখি: পি.এম.নহারোলশিংনা ঙসিগী ভারতকী এক্স-ফেক্তর ওইরি, মসিদা এক্স হায়বা অসিনা এক্সপরিমেন্তেসন, এক্সিলেন্স অমসুং এক্সপান্সন তাক্লি: পি.এম.হৌখিবা দিকেদতা ঐখোয়না ইম্পেক্ত লৈতবা এদমিনিস্ত্রেসনদগী ইম্পেক্ত লৈবা গভর্নান্সতা ওন্থোকখি: পি.এম.মমাংদা য়ুমশিং শাবা অসি গভর্নমেন্ত-দ্রিভন ওইরমখি অদুবু ঐখোয়না মসি ওনর-দ্রিভন এপ্রোচতা ওন্থোকখি: পি.এম.প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা রিপব্লিক প্লেনরী সম্মিৎ 2025দা শরুক য়াখ্রে। মীয়াম তিনখিবা অদুদা ৱা ঙাংলদুনা মহাক্না রিপব্লিক TVবু য়ুথশিংবু গ্রাসরুৎ লেভেলদা শরুক য়াহন্নবা মাগী ইন্নোবেতিব এপ্রোচ অমসুং মশক থোকপা হেকাথোন কম্পিতিসন অমা শীনবগীদমক থাগৎপা ফোংদোকখি। মহাক্না হায়খি মদুদি লৈবাক্কী নহাশিংনা নেস্নেল দিস্কোর্সতা শরুক য়াবা মতমদা, মসিনা ৱাখল্লোনশিংদা অনৌবা অমা পুরকই অমসুং মখোয়গী ইনর্জীনা অকোয়বগী ফিভম পুম্নমক মপুং ফাহল্লি। মহাক্না হায়খি মদুদি হায়রিবা ইনর্জী অসি সম্মিৎ অসিদা ফাওরি। মহাক্না মখা তারদুনা হায়খি মদুদি নহারোলশিংনা শরুক য়াবা অসিনা অথিংবা খুদিংমক কোকহনবদা অমসুং ঙমখৈদগী হেন্দোকপদা মতেং পাংই। মসিনা পান্দম খুদিংমক ফংহনগনি অমসুং দেস্তিনেসন খুদিংমক য়ৌবা ঙমহনগনি। মহাক্না রিপব্লিক TVবু সম্মিৎ অসিগী অনৌবা ৱাখল্লোন অমা পুথোকপগীদমক থাগৎপা ফোংদোকখি অমসুং মায়পাক্নবা মহাক্কী য়াইফ পাউজেল পীখি। শ্রী মোদীনা পোলিতিকেল বেকগ্রাউন্দ অমত্তা লৈতবা নহা লাখ অমা ভারতকী রাজনিতীদা পুরক্নবা মহাক্কী ৱাখল্লোন অদু অমুক হন্না ফোংদোকখি।
শ্রী মোদীনা হায়খি মদুদি “মালেম্না চহিচা অসি ভারতকী চহিচা ওইনা মশক খঙলে অমসুং ভারতকী এচিবমেন্ত অমসুং মায়পাকপা অসিনা মালেমগী ওইনা অনৌবা আশা অমা পোকহল্লে”। মহাক্না হায়খি মদুদি মতম অমদা মশাবু অমসুং অতোপ্পশিংবু মাংহল্লিবা লৈবাক অমা ওইনা লৌনরম্বা ভারতনা হৌজিক মালেমগী চাউখৎপা পুরক্লি। ভারতকী তুংলমচৎকী মায়কৈ অসি ঙসিগী থবক অমসুং মায় পাকপশিংদগী উবা ফংলে হায়না মহাক্না মখা তাখি। নীংতম্বা ফংলবা মতুং চহি 65গী মতুংদা, ভারত অসি মালেমগী খ্বাইদগী চাউবা ইকনোমীগী তরামাথোইশুবা ওইখি। অদুম ওইনমক, হৌখিবা দিকেদ অমদা, ভারত অসি খ্বাইদগী চাউবা ইকনোমীগী মঙাশুবা মফমদা লৈখ্রে অমসুং হৌজিক মালেমগী খ্বাইদগী চাউবা ইকনোমীগী অহুমশুবা মফমদা ওইরক্নবা খোঙজেল য়াংনা চংশিল্লি।
চহি 18গী মমাংদা, 2007দা, ভারতকী চহিগী GDP না য়ু.এস. দোল্লর ত্রিলিয়ন 1 য়ৌখিবা মতম অদু নীংশিংলদুনা প্রধান মন্ত্রীনা হায়খি মদুদি মতম অদুদা, ভারতকী চহি অমগী ইকনোমিক এক্তিবিতী অসি য়ু.এস. দোল্লর ত্রিলিয়ন 1 ওইখি। মহাক্না মখা তাখি মদুদি ঙসিদি, ক্বাতর অমগী মনুংদা শেন্মিৎলোনগী থবকশিং অসি চপ মান্ননা পাংথোক্লি। মসিনা ভারতনা খোঙজেল য়াংনা খুমাং চাউশিল্লক্লিবা অদু উৎলি। মহাক্না হৌখিবা চহি তরা অসিদা ফংখিবা মরুওইবা অহোংবা অমসুং মহৈশিং উৎনবা খুদমশিং পীরদুনা হায়খি মদুদি হৌখিবা চহি তরা অসিদা, ভারতনা লৈবাক কয়াগী মীশিংদগী হেনবা মীওই করোর 25বু লায়রবদগী থোরমপা ঙমহনখ্রে। শ্রী মোদীনা মীয়ামদা সরকারনা থারকপা লুপা অমদগী শুপ্নগী পৈশা 15 খক্তমক লায়রবশিংদা য়ৌরকপা, অদুগা পৈশা 85দি শেঞ্জা-থুমজা তৌবনা লৌখিবা মতম অদুসু নীংশিংখি। মসিগী ওন্ন-তৈনবদা, হৌখিবা চহি তরা অসিদা, লুপা করোর লাখ 42 হেন্না দাইরেক্ত বেনিফিৎ ত্রান্সফর (DBT) গী খুত্থাংদা লায়রবশিংগী একাউন্তশিংদা হকথেংননা ত্রান্সফর তৌখ্রে। মসিনা শেনফম পুম্নমক বেনিফিসরীশিংদা য়ৌহনগনি।
চহি 10গী মমাংদা ভারতনা সোলর ইনর্জীগী লমদা শোত্থনা লৈরমখি হায়না পল্লদুনা প্রধান মন্ত্রীনা হায়খি, "ঙসিদি ভারতনা সোলর ইনর্জীগী কেপাসিতীদা মশিং 30 হেনগৎতুনা খ্বাইদগী মকোকথোংবা লৈবাক মঙাগী মনুংদা লৈরে, অদুগা সোলর মোদ্যুল মেনুফেকচরিংসু মশিং 30 হেনগৎখ্রে।" মহাক্না মসিসু হায়খি মদুদি চহি 10গী মমাংদা, হোলি ৱাতর গানশিংগুম্বা অঙাংশিংগী শান্নপোৎশিংসু পুশিল্লকখি, অদুগা ঙসিদি, ভারতকী শান্নপোৎ থাদোকপা অসি শরুক অহুম হেনগৎখ্রে। মহাক্না মসিসু পনখি মদুদি চহি 10গী মমাংদা, ভারতনা মহাক্কী লান্মীগীদমক রাইফলশিং ইম্পোর্ত তৌরম্মি, অদুবু হৌখিবা দিকেদ অমদা, ভারতকী দিফেন্স এক্সপোর্ত অসি শরুক 20 হেনগৎখ্রে।
হৌখিবা চহি 10দা ভারত অসি মালেমগী অনিশুবা খ্বাইদগী চাউবা স্তীল পুথোকপা লৈবাক, অনিশুবা খ্বাইদগী চাউবা মোবাইল ফোন পুথোকপা লৈবাক অমসুং অহুমশুবা খ্বাইদগী চাউবা স্তার্তঅপ ইকোসিস্তেম লৈবা লৈবাক ওইরে হায়না প্রধান মন্ত্রীনা মখা তানা ফোংদোকখি। মতম অসিমক্তদা, ইনফ্রাস্ত্রকচরদা ভারতকী কেপিতেল শেনফম অসি শরুক মঙা হেনগৎখ্রে অমসুং লৈবাক অসিদা এয়রপোর্তশিংগী মশিং শরুক অনি হেনগৎখ্রে, অমসুং ওপরেস্নেল ওইরিবা AIIMSকী মশিং শরুক অহুম হেনগৎখ্রে হায়না মহাক্না ফোংদোকখি। মহাক্না মখা তানা হায়খি মদুদি হৌখিবা চহি তরা অসিদা, মেদিকেল কোলেজশিং অমসুং মেদিকেল সিৎশিংগী মশিং অসি শরুক অনি হেনগৎলে।
প্রধান মন্ত্রীনা হায়খি, "ঙসিগী ভারত অসি চাউনা খল্লি, অচৌবা পান্দমশিং থম্লি, অমসুং মশক থোকপা মহৈশিং ফংলি।" মহাক্না হায়খি মদুদি মসি ওইরক্লিবা অসি লৈবাক অসিগী ৱাখল্লোন হোংলকপদগীনি, অমসুং ভারত অসি অচৌবা আশাশিংগা লোয়ননা মাংলোমদা চংশিল্লি। মহাক্না হায়খি মদুদি মমাংদা, ৱাখল্লোন অসি স্তেতস ক্বো অসিবু য়াজরম্মি, অদুবু হৌজিক্তি, কনা কনানাগী মহৈ পীবা ঙম্বগে হায়বদু মীয়াম্না খঙলে। মীয়ামগী আশাশিং অসি মতৌ করম্না চাউখৎলিবগে হায়বদু মহাক্না খুদম ওইনা পনখি। ঈকংনদগী কোকহন্নবা থবক লৌখৎনবা হায়জবদগী হৌরগা বন্দে ভারত কন্নেক্তিবিতী অমসুং ইন্তর্নেস্নেল এয়রপোর্তশিং দিমান্দ তৌরকপা ফাওবা মহাক্না পনখি। মহাক্না হায়খি মদুদি মমাংঙৈগী দিসপেন্সনশিংনা মীয়ামগী আশাশিং অদু কাইহনখি, মসিনা মরম ওইদুনা মখোয়না মখোয়গী আশাশিং অদু হন্থহনখি। অদুম ওইনমক, ঙসিদি, ফীভম অমসুং ৱাখল্লোন অসি য়াম্না থুনা হোংখ্রে, অমসুং মীচম মীয়াম্বু ভিক্সিৎ ভারতকী পান্দম্না লমজিংলি।
খুন্নাই নৎত্রগা লৈবাক অমহেক্তগী মপাঙ্গল অসি নাগরিকশিংগীদমক অথিংবা অমসুং অৱাবা কয়া লৌথোকপা মতমদা হেনগৎলকই হায়না পল্লদুনা শ্রী মোদীনা হায়খি মদুদি মসিনা নাগরিকশিংগী তৌবা ঙম্বশিং হেনগৎহল্লি, মসিনা আকাশ ফাওবা অপীকপা ওইনা উহল্লি। সরকারনা মমাংগী এদমিনিস্ত্রেসনশিংনা থম্লম্বা অথিংবশিং অসি লেপ্পা লৈতনা লৌথোক্লি হায়না মহাক্না ফোংদোকখি। মহাক্না স্পেস সেক্তরগী খুদম পীরদুনা হায়খি মদুদি মমাংদা পুম্নমক অসি ইসরোগী মখাদা লৈরম্মি। ইসরোনা শিংথানিংঙাই ওইবা থবকশিং পাংথোক্লবসু, লৈবাক অসিদা স্পেস সাইন্স অমসুং ওন্তপ্রিন্যুওরশিপকী ওইথোকপা য়াবশিং অদু মপুং ফানা শিজিন্নবা ঙমখিদে। মহাক্না পনখি মদুদি স্পেস সেক্তর অসি হৌজিক নহা ওইরিবা ইন্নোবেতরশিংগীদমক্তা হাংদোক্লে, মসিনা মরম ওইদুনা লৈবাক অসিদা স্পেস স্তার্তঅপ 250 হেন্না শেম্লে। স্তার্তঅপশিং অসিনা হৌজিক বিক্রম-এস অমসুং অগ্নিবনগুম্বা রোকেৎশিং শেমগৎলি হায়না মহাক্না মখা তাখি। প্রধান মন্ত্রীনা মেপ্পিং সেক্তরগী মতাংদসু পনখি। মমাংদা ভারত্তা মেপ শেম্নবগীদমক সরকারগী অয়াবা মথৌ তাখি। মসিগী অথিংবা অসি লৌথোক্লে, অমসুং ঙসিদি, জিওস্পেসিএল মেপ্পিং দেতানা অনৌবা স্তার্তঅপশিংগীদমক লম্বী য়াৎলি। ন্যুক্লিয়র ইনর্জী সেক্তর অসি মমাংদা তোঙান তোঙানবা অথিংবা কয়াগা লোয়ননা সরকারগী কন্ত্রোল মখাদা লৈরম্মি হায়না পল্লদুনা প্রধান মন্ত্রীনা হায়খি মদুদি চহি অসিগী বজেৎ অসিনা সেক্তর অসি প্রাইবেৎ সেক্তরদা হাংদোক্নবা লাউথোকখ্রে। মসিনা 2047 ফাওবদা ন্যুক্লিয়র ইনর্জী কেপাসিতী গিগাৱাৎ 100 হাপ্নবা লম্বী য়াৎলি।
প্রধান মন্ত্রীনা হায়খি মদুদি ভারতকী খুঙ্গংশিংদা লুপা করোর লাখ 100গী চাংদা তেপ তৌদ্রিবা শেন্মিৎলোনগী পোতেন্সিএল লৈরি অমসুং পোতেন্সিএল অসি খুঙ্গংশিংদা য়ুমশিংগী মওংদা লৈরি, মসিদা লিগেল দোক্যুমেন্তশিং অমসুং মওং চুম্না মেপ্পিং তৌদ্রি, মসিনা খুঙ্গংগী মীওইশিংনা বেঙ্ক লোন লৌবা ঙমহনদে। মহাক্না পনখি মদুদি ৱাফম অসি ভারত খক্তগী ওইদে, মরমদি অচৌবা লৈবাক কয়ানা মখোয়গী প্রজাশিংগীদমক প্রোপর্তী রাইৎ ফংহনদে। মালেমগী ওর্গানাইজেসনশিংনা হায়রি মদুদি মখোয়গী নাগরিকশিংদা মপু ওইবা হকশিং পীনবা লৈবাকশিংনা GDPদা মশক থোকপা হেনগৎলকপা উরি হায়না মহাক্না মখা তাখি। প্রধান মন্ত্রীনা হায়খি, "ভারত্তা খুঙ্গংগী য়ুমশিংগী মপু ওইবা হকশিং ফংহন্নবা স্বামিত্ব স্কিম হৌদোক্লে অমসুং খুঙ্গংগী য়ুম খুদিংমক সর্ভে তৌনবা অমসুং মেপ তৌনবা দ্রোনশিং শীজিন্নরি।" লৈবাক শিনবা থুংনা প্রোপর্তী কার্দশিং য়েন্থোকপা হৌরে অমসুং হৌজিক ফাওবদা প্রোপর্তী কার্দ করোর 2 হেন্না ইসু তৌখ্রে। মহাক্না পনখি মদুদি প্রোপর্তী কার্দ লৈতবনা খুঙ্গংশিংদা মমাংদা ৱাথোক অমসুং কোর্তকী কেস কয়া থোকহনখি, অদুবু হৌজিক্তি ৱারোইশিন ফংলে। মহাক্না মখা তানা হায়খি মদুদি খুঙ্গংগী মীওইশিংনা হৌজিক্তি হায়রিবা প্রোপর্তী কার্দশিং অসি শীজিন্নদুনা বেঙ্ককী লোন লৌবা ঙম্লে। মসিনা মখোয়দা বিজিনেস হৌনবা অমসুং মশাগী থবক পায়খৎনবা খুদোংচাবা পীরি।
মহাক্না পীরম্বা খুদমশিংগী খ্বাইদগী চাউবা কান্নবা ফংলবশিং অসি লৈবাক অসিগী নহাশিংনি হায়না পল্লদুনা শ্রী মোদীনা হায়খি, "নুহারোলশিং অসি ভিক্সিৎ ভারতকী খ্বাইদগী চাউবা স্তেকহোল্দরশিংনি অমসুং ঙসিগী ভারতকী এক্স-ফেক্তরনি, মসিদা এক্সনা এক্সপরিমেন্তেসন, এক্সিলেন্স অমসুং এক্সপান্সন তাক্লি।" মহাক্না হায়খি মদুদি নহারোলশিংনা অরিবা পাম্বৈশিংদগী হেন্দোক্তুনা অনৌবা লম্বী শেম্লে, মালেমগী বেঞ্চমার্কশিং শেম্লে, অমসুং ভারত মচা করোর 140গীদমক ইন্নোবেসনশিং পাকথোক চাউথোকহনখ্রে। মহাক্না পনখি মদুদি নহারোলশিংনা লৈবাক অসিগী মরুওইবা সমস্যাশিংগী সোলুসন পীবা ঙম্মি, অদুবু মসিগী পোতেন্সিএল অসি মমাংদা শীজিন্নখিদে। প্রধান মন্ত্রীনা হায়খি মদুদি সরকারনা হৌজিক্তি চহি খুদিংগী স্মার্ত ইন্দিয়া হেকাথোন পাংথোক্লি। হৌজিক ফাওবদা নহা লাখ 10না শরুক য়াখ্রে। তোঙান তোঙানবা মন্ত্রালয়শিং অমসুং দিপার্তমেন্তশিংনা গভর্নান্সকা মরী লৈনবা প্রোব্লেম স্তেতমেন্ত কয়া অসি নহা ওইরিবা শরুক য়ারিবশিংদা পুথোকখ্রে অমসুং মখোয়না সোলুসন 2500 রোম পুথোকখ্রে হায়না মহাক্না ফোংদোকখি। মহাক্না হেক্কাথোন কলচর অসি রিপব্লিক TVদসু মখা তানা প্রমোৎ তৌরকপদা নুংঙাইবা ফোংদোকখি।
প্রধান মন্ত্রীনা হায়খি, "হৌখিবা চহি তরা অসিদা, লৈবাক অসিনা অনৌবা মতমগী লৈঙাকপা, ইম্পেক্ত ৱাৎপা এদমিনিস্ত্রেসনবু ইম্পেক্ত লৈবা গভর্নান্সতা ওন্থোকপা থেংনখি।" মহাক্না মখা তাখি মদুদি মমাংদা অসিগুম্বা স্কিমশিং লৈরম্লবসু, মীয়াম্না অহানবা ওইনা সরকারগী স্কিমশিংদগী কান্নবা ফংলি হায়না হায়নরি। হৌজিক্কী খেন্নবসি লাস্ত মাইলগী দেলিভরীগী থাজবা পীবনি হায়না মহাক্না হায়খি। মমাংদা, লায়রবশিংগীদমক য়ুমশিং অসি পেপরদা অয়াবা পীরম্মি, অদুবু হৌজিক্তি, য়ুমশিং অসি গ্রাউন্দদা শাগৎলি হায়না পল্লদুনা শ্রী মোদীনা হায়খি মদুদি য়ুম শাবগী থৌওং অসি গভর্নমেন্ত-দ্রিভন ওইখি অমসুং দিজাইন অমদি মেতরিএলশিংগী ৱারেপ লৌখি। অদুম ওইনমক, সরকারনা হৌজিক্তি ওনর-দ্রিভন ওইহন্দুনা বেনিফিসরীগী একাউন্তদা শেল ত্রান্সফর তৌদুনা, মখোয়বু য়ুমগী দিজাইন লেপহন্নবা অয়াবা পীরে হায়না মহাক্না হায়খি। প্রধান মন্ত্রীনা হায়খি মদুদি য়ুম দিজাইন তৌনবগীদমক লৈবাক শীনবা থুংনা কম্পিতিসনশিং পাংথোকখি। মসিদা মীয়াম্না শরুক য়াখি। মসিনা য়ুম শাবগী ক্বালিতী অমসুং খোঙজেল হেনগৎহনখি। মহাক্না হায়খি মদুদি মমাংদা, মপুং ফাদ্রিবা য়ুমশিং পীখি, অদুবু হৌজিক্তি, সরকারনা লায়রবশিংগীদমক্তা ঈশিংগী কন্নেক্সনশিং, উজ্জ্বলা স্কিমগী মখাদা গ্যাস কন্নেক্সনশিং অমসুং সৌভাগ্য স্কিমগী মখাদা ইলেক্ত্রিসিতী কন্নেক্সনশিং য়াওবা দ্রিম হোমশিং ফংহল্লি। ঐখোয়না ফক্লাং মরি শাবতা নত্তনা য়ুমশিং অসিদা পুন্সি পীরি।"
লৈবাক অমগী চাউখৎ-থৌরাংগীদমক নেস্নেল সেক্যুরিতীগী মরুওইবা অদু পল্লদুনা প্রধান মন্ত্রীনা হৌখিবা চহি তরা অসিদা সেক্যুরিতী হেনগৎহন্নবগীদমক মরুওইবা থবক কয়া পায়খৎলি হায়না পনখি। মহাক্না নীংশিংখি মদুদি মমাংদা, সেরিএল বোম্ব ব্লাস্ত ব্রেকিং ন্যুজ অমসুং স্লিপর সেল নেৎৱার্কশিংগী স্পেসিএল প্রোগ্রামশিং TVদা তোইনা উবা ফংখি, অদুবু ঙসিদি, অসিগুম্বা থৌদোকশিং অসি TV স্ক্রীনশিং অমসুং ভারতকী লমদম অনিমক্তা লৈতে। মহাক্না ফোংদোকখি মদুদি নক্সলিজম অসি লোইশিল্লক্লে, হায়রিবা জিলাশিংগী মশিং অসি চামা হেন্না হেলমবদগী কুনমরিগী মখাদা হন্থরে। মহাক্না হায়খি মদুদি "নেসন ফার্স্ত"গী ৱাখল্লোনগা লোয়ননা থবক তৌদুনা অমসুং লমশিং অসিদা গভর্নান্সপু গ্রাসরুৎ লেভেলদা পুরক্তুনা মসি ফংবা ঙমখি। শ্রী মোদীনা কিলোমিতর লিশিং কয়াগী লম্বী, স্কুল, হোস্পিতালশিং শাবগী থবক অমসুং হায়রিবা জিলাশিং অসিদা 4G মোবাইল নেৎৱার্কশিং য়ৌহনবগী মতাংদা পনখি। মসিগী মহৈশিং অসি মীপুম খুদিংমক্তা উবা ফংলে।
সরকারনা লৌখৎলিবা অকনবা খোঙথাংশিংনা জঙ্গলদগী নক্সলিজম মুত্থৎলে, অদুবু হৌজিক্তি মসিনা সহরগী মফমশিংদা শন্দোরক্লি হায়না শ্রী মোদীনা ফোংদোকখি। মহাক্না হায়খি অর্বান নক্সলশিংনা মতম অমদা মখোয়গী মায়োক্তা লৈরম্বা অমসুং ভারতকী হেরিতেজদা য়ুম্ফম ওইবা গান্ধীগী ৱাখল্লোনদগী ইথিল ফংলবা পোলিতিকেল পার্তীশিংদা থুনা চঙশিল্লক্লি। মহাক্না হায়খি মদুদি সহরগী নক্সলশিংগী ৱা অমসুং লোল অসি হৌজিক্তি হায়রিবা পোলিতিকেল পার্তীশিং অসিগী মনুংদা শন্দোরক্লি, মসিনা মনুং য়ৌশিনবা অদু তাক্লি অমসুং মহাক্না অর্বান নক্সলশিং অসি ভারতকী চাউখৎপা অমসুং হেরিতেজগী অচৌবা য়েক্নবনি হায়না ফোংদোকখি। মহাক্না অর্বান নক্সেলশিংবু এক্সপোজ তৌবদা শ্রী অর্নব গোস্বামিনা হোৎনখিবশিংবু থাগৎপা ফোংদোকখি। মহাক্না হায়খি মদুদি চাউখৎলবা ভারত অমগীদমক চাউখৎপা অমসুং হেরিতেজ মপাঙ্গল কনখৎহনবা অনিমক মরু ওই। মহাক্না অর্বান নক্সলশিংগী মায়োক্তা চেকশিন্না লৈনবা তকশিনখি।
“ঙসিগী ভারতনা খুদোংচাদবা খুদিংমক থেংনদুনা অনৌবা পনখৈশিং য়ৌবা ঙম্লি” মহাক্না থাজবা ফোংদোক্লদুনা শ্রী মোদীনা হায়খি রিপব্লিক TV নেৎৱার্কনা “নেসন ফার্স্ত” হায়বা ৱাখল্লোনগা লোয়ননা জর্নেলিজম অসি মগুন হেনগৎহন্নবা মখা তানা হোৎনগনি। রিপব্লিক TVগী জর্নেলিজমনা চাউখৎলবা ভারত অমগী আশাশিংবু মখা তানা শৌগৎকনি হায়না মহাক্না ফোংদোকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
India's achievements and successes have sparked a new wave of hope across the globe. pic.twitter.com/5BQP1f1Yd7
— PMO India (@PMOIndia) March 6, 2025
India is driving global growth today. pic.twitter.com/nTbUOlGD7J
— PMO India (@PMOIndia) March 6, 2025
Today's India thinks big, sets ambitious targets and delivers remarkable results. pic.twitter.com/bj4bhelbGb
— PMO India (@PMOIndia) March 6, 2025
We launched the SVAMITVA Scheme to grant property rights to rural households in India. pic.twitter.com/fvFXbJ8RBL
— PMO India (@PMOIndia) March 6, 2025
Youth is the X-Factor of today's India.
— PMO India (@PMOIndia) March 6, 2025
Here, X stands for Experimentation, Excellence, and Expansion. pic.twitter.com/yZnj76ms8F
In the past decade, we have transformed impact-less administration into impactful governance. pic.twitter.com/Xq3UrYVIGE
— PMO India (@PMOIndia) March 6, 2025
Earlier, construction of houses was government-driven, but we have transformed it into an owner-driven approach. pic.twitter.com/CpfTX9YZqi
— PMO India (@PMOIndia) March 6, 2025
