Dedicates National Atomic Timescale and Bhartiya Nirdeshak Dravya to the Nation
Lays Foundation Stone of National Environmental Standards LaboratoryUrges CSIR to interact with students to inspire them become future scientistsBhartiya Nirdeshak Dravya’s 'Certified Reference Material System' would help in improving the Quality of Indian productsExhorts Scientific Community to Promote ‘value creation cycle’ of Science, Technology and IndustryStrong Research will Lead to Stronger Brand India: PMপ্রধান মন্ত্রী শ্রী নরেন্দ্র মোদীনা নেস্নেল মেত্রোলোজী কনক্লেব ২০২১দা থৌরম হৌদোকপগী ৱারোল পীখ্রে। মহাক্না ভিদিও কনফরেন্সকী খুত্থাংদা ঙসি নেস্নেল এতোমিক তাইমস্কেল অমসুং ভারতিয়া নির্দেশক দ্রব্য জাতিদা কত্থোকখ্রে অমসুং নেস্নেল এনভাইর্নমেন্তেল স্তেন্দর্দস লেবোরেতোরীগী উরেপ-উয়ুং তমখ্রে। কনক্লেব অসি নই দিল্লীগী কাউন্সিল ওফ সাইন্তিফিক এন্দ ইন্দস্ত্রীএল রিসর্চ – নেস্নেল ফিজিকেল লেবোরেতোরী (সি.এস.আই.আর.-এন.পি.এল.)না মখোয়গী লিংখৎখিবা চহি ৭৫শুবগা ইরোইননা পাঙথোকখিবনি। ‘মেত্রোলোজী ফোর দি ইনক্লুসিব গ্রোথ ওফ দি নেসন’না কনক্লেব অসিগী থিম ওইখি। থৌরম অসিদা কেন্দ্রগী মন্ত্রী দা. হর্শ বর্ধন অমসুং প্রিন্সিপল সাইন্তিফিক এদভাইজর দা. বিজে রাঘৱননা শরুক য়াখি।
থৌরম অসিদা ৱা ঙাংলদুনা প্রধান মন্ত্রীনা ভারতকী সাইন্তিস্তশিংনা অনৌবা চহি অসিদা ভারতকী ওইবা কোবিদ বেক্সিন অনি মাই পাক্না পুথোরকপদা থাগৎপা ফোঙদোকখি। মহাক্না হায় ভারতকী কোবিদ বেক্সিনেসন প্রোগ্রাম অসি মালেমদা খ্বাইদগী চাউবনি অমসুং মসি হৌরগনি। মহাক্না সি.এস.আই.আর. য়াওনা লৈবাক অসিগী সাইন্তিফিক ইন্সতিত্যুসনশিংনা চুংশিন্নদুনা লৈবাক অসিনা মায়োক্নরিবা শিংনবা খুদিংমক্কী ৱারোইশিন পুথোক্নবা হোৎনবা অসিগীদমক্তা থাগৎখি।
প্রধান মন্ত্রীনা সি.এস.আই.আর.দা স্কুলগী মহৈরোইশিংগা ৱারী শাদুনা মখোয়দা ইন্সতিত্যুত অসিনা হোৎনরিবশিং অসি খঙহন্নবা এৱেরনেস পাঙথোক্নবা হায়খি। মহাক্না হায়খি মসিনা মখোয়বু তুংগী সাইন্তিস্তশিং ওইনবা ইথিল পীগনি অমসুং ইনোৎ হাপকনি। মহাক্না লৈবাক অসিগী চাউখৎ-থৌরাংদা ইভোলুসন অমসুং ইভাল্যুএসন তৌবদা সি.এস.আই.আর. এন.পি.এল.না মরু ওইবা থৌদাং লৌখিবা অসিগীদমক থাগৎখি। মহাক্না হায়খি ঙসিগী কনক্লেব অসিনা হৌখিবা মতমদা পুরকখিবা মাই পাকপশিং খন্নবদা মতেং ওইগনি অমদি তুংদা লাক্কদবা শিংনবশিং কোকহন্নবা ইন্সিতিত্যুত অসিনা শেম শাবদা মতেং পাংগনি। মহাক্না ইন্সতিত্যুত অসিনা থোরক্তুনা মরোমদোল লেপচবা ভারত অমগী লম্বীদা চংশিন্নবা অনৌবা স্তেন্দর্দশিং অমসুং অনৌবা বেঞ্চমার্কশিং থম্বগা লোইননা মরু ওইবা থৌদাং অমা লৌনবা হায়খি।
প্রধান মন্ত্রীনা হায় সি.এস.আই.আর.-এন.পি.এল.না ভারতকী তাইমকীপর ওইদুনা ভারতকী তুংলমচৎতা অওনবা পুরক্নবগী থৌদাসু লৌরি। মহাক্না হায়খি হৌখিবা দিকেদশিং অসিদা ভারতনা ফোরেন স্তেন্দর্দশিংগী ক্বালিতী অমদি মীজর্মেন্তদা তাংদুনা লাকখি। অদুবু হৌজিক্তি ভারতকী খোঙজেল, খুমাং চাউশিনবা, চাউখৎপা, মশক অমসুং ভারতকী মপাঙ্গল অসি ঐখোয় ইশাগী স্তেন্দর্দশিংনা লেপচরগনি। মহাক্না হায় মীজর তৌনবা সাইন্স ওইরিবা মেত্রোলোজী অসিনসু সাইন্তিফিক্কী মাই পাকপা পুরক্নবগীদমক্তা য়ুম্বীসু ওইরি। মীজরমেন্ত য়াওদনা রিসর্চ অমদা হৌবা য়াদে। ঐখোয়না মাই পাকখিবশিং অসি ফাওবা স্কেল খরদা ওল্লি। মহাক্না হায় মালেমদা লৈগদবা লৈবাক অসিগী ক্রেদিবিলিতী অসিসু মাগী মেত্রোলোজীগী রিলাইএবিলিতীগী মখা পোনগনি। মহাক্না হায় মেত্রোলোজী হায়বা অসি মিংশেলগুম্বনি মসিনা ঐখোয়না মালেমদা লৈরিবা থাক, ফগৎহনবা য়াবা লম অদু তাক্লি। মহাক্না মরোমদোম লেপচবা ভারত অমা ওইহনবদা পন্দম অসি ফংনবা হোৎনবদা ক্বান্তিতী অমসুং ক্বালিতী চংঙি হায়না ফোঙদোকখি। মহাক্না মালেমদা ভারতকী প্রদক্তশিংনা থলহনবগী মহুৎ ভারতকী প্রদক্তশিং লৈরিবা কস্তমর খুদিংমক্কী পুক্নিং সুমহৎনবা হায়খি। মহাক্না মেদ ইন ইন্দিয়াগী প্রদক্তশিং অসিনা মালেমগী দিমান্দ থুংহনবা খক্তা নত্তনা মালেমগী অয়াবসু লৌগদবনি।
প্রধান মন্ত্রীনা হায় ঙসি জাতিদা কত্থোকখিবা ভারত্তিয়া নির্দেশক দ্রব্য অসিনা ‘সর্তিফাইদ রিফরেন্স মেতরিএল সিস্তেম’ অমা দ্রাফ তৌদুনা হেবী মেতলশিং, পেস্তিসাইদস, ফার্মা অমসুং তেক্সতাইল্স অসিগুম্বা সেক্তরশিংদা ক্বালিতী লৈবা প্রদক্তশিং শাবদা মতেং ওইরগনি। মহাক্না মখা তারদুনা হায়খি হৌজিক ইন্দস্ত্রীনা রিগুলেসন সেন্ত্রিক এপ্রোচকী মহুৎ কঞ্জুমর সেন্ত্রিক এপ্রোচকী মাইকৈদা চংশিল্লি। মহাক্না হায় অনৌবা স্তেন্দর্দশিং অসিগা লোইননা লৈবাক অসিগী জিলাশিংদা লোকেল প্রদক্তশিংদা গ্লোবেল আইদেন্তিতী পীনবা কেম্পেন অমা চত্থরি হায়রিবা অসিনা ঐখোয়গী এম.এস.এম.ই. সেক্তরশিংদা মরু ওইনা কান্নবা ওইরগনি।
প্রধান মন্ত্রীনা হায়খি ইন্তরনেস্নেলগী থাকশিং অসি ঙাক্না চৎপনা লোকেল সপ্লাই চেন থিরিবা অচৌবা ফোরেন মেন্যুফেকচরিং কম্পনীশিংনা ভারত্তা লাকপদা মতেং ওইরগনি। মহাক্না হায় অনৌবা সেন্দর্দশিং অসিগা লোইননা এক্সপোর্ত অমসুং ইম্পোর্ত অনিমক্কী ক্বালিতী লৈহনবা ঙমলগনি। মসিনা ভারতকী জেনরেল কঞ্জুমরদা ক্বালিতী লৈবা গুদশিং ফংহনবসু ঙম্লগনি অমদি এক্সপোর্তরশিংনা মাইয়োক্নবা সমস্যাশিং হন্থহনবা ঙম্লগনি।
প্রধান মন্ত্রীনা ইরিহাস্তা লৈবাক অমা হেক্তনা সাইন্স প্রমোৎ তৌনবা হোৎনদুনা দাইরেক্ত কোররিলেসন লৈহনদুনা খুমাং চাউশিনখি হায়না ফোঙদোকখি। মহাক্না মসিবু সাইন্স, তেক্নোলোজী অমসুং ইন্দস্ত্রীগী ‘ভেল্যু ক্রীএসন সাইকল’ হায়না কৌখি। মখা তানা শন্দোক্না হায়রদুনা প্রধান মন্ত্রীনা হায় সাইন্তিফিক ইনবেন্সন অমনা তেক্নোলোজী অমা শেম্মি অমসুং তেক্নোলোজীমা ইন্দস্ত্রী চাউখৎহনবা ঙম্মি। মসিগী সাইকল অসিনা ঐখোয়বা অনৌবা ওইথোকপা য়াবশিংগী মাইকৈদা লমজিংলি। প্রধান মন্ত্রীনা মখা তারদুনা হায়খি সি.এস.আই.আর.-এন.পি.এল.না ভেল্যু সাইকল অসি মাংলোমদা পুখৎপদা অচৌবা থৌদাং অমা লৌখি।
ঙসিগী মালেম অসিদা লৈবাক অসিনা মরোমদোল লেপচবা ভারত অমাগী পান্দমা লোইননা চংশিল্লিবা মতম অসিদা সাইন্সকী ভেল্যু ক্রীএসন সাইকল অসিদগী মাস ক্রীএসন অসি য়াম্না মরু ওইবা হেল্লক্লি। মসিদা সি.এস.আই.আর.না মাগী থৌদাং লৌগদবনি।
প্রধান মন্ত্রীনা ঙসি মহাক্না মীওইবা জাতিগীদমক্তা কত্থোকখ্রবা সি.এস.আই.আর.-এন.পি.এল.গী নেস্নেল এতোমিক তাইমস্কেল অসিগীদমক নুংঙাইবা ফোঙদোকখি। মহাক্না হায় ভারতনা মতম অসি নেনো সেকেন্দগী চাংগী মনুংদা ওনবা ঙমদুনা মরোমদোম লেপচবা ঙম্লে। নেনো সেকেন্দ ২.৮কী এক্যুরেসী লেবেল ফংবা ঙম্বা অসি য়াম্না অচৌবা তৌবা ঙম্বা অমনি। হোজিক্তি নেনো সেকেন্দ ৩দগী তাবা এক্যুরেসী রেঞ্জকা লোইননা ইন্দিয়ন স্তেন্দর্দ তাইম অসি ইন্তরনেস্নেল স্তেন্দর্দ তাইমগা চান্নবা ঙম্লে। মসিনা কত্তিং এদজ তেক্নোলোজীগা লোইননা থবক তৌরিবা ইস্রোগুম্বা ওর্গনাইজেসনদা অচৌবা মতেং ওইরগনি। অনৌবা তেক্নোলোজীগা মরী লৈনবা বেঙ্কিং, রেলৱেজ, দিফেন্স, হেল্থ, তেলিকোম, ৱেদর ফোর্কাস্ত, দিজাস্তর মেনেজমেন্ত অমসুং মান্নবা সেক্তর কয়ানা মাই পাকপা অসিদগী চাউনা কান্নবা ফংলগনি।
প্রধান মন্ত্রীনা ইন্দস্ত্রী ৪.০দা ভারতনা লৌরিবা থৌদাং অসি মপাঙ্গল কনখৎহনবদা তাইমস্কেলনা লৌইবা থৌদাংগী মতাংদসু ফোঙদোকখি। এনভাইর্নমেন্তগী লমদা ভারতনা মাংজিল থাদুনা চৎলি। অদুম ওইনমক নুংশিৎকী ক্বালিতী ওন্নবা তেক্নোলোজী অমসুং তুলশিংগী ওইনদি ভারতনা অতোপ্পদা মীপাল তাংলি। মসিগী মাই পাকপা অসিনা লম অসিদা মীপাল তাংদবা অমসুং পোলুসন কন্ত্রোলগী হেন্না কান্নবা অমসুং অহোংবা তুলশিং শাবা ঙমহল্লগনি। মসিনা নুংশিৎকী ক্বালিতী অমসুং ইমিসন তেক্নোলোজীগা মরী লৈনবা তেক্নোলোজীশিংগী গ্লোবেল মার্কেৎতা ভারতকী সিয়র হেনগৎহনবসু ঙম্লগনি। মসি ঐখোয়গী সাইন্তিস্তশিংনা লেপ্তনা হোৎনবশিংনা ঐখোয়না ফংবা ঙম্বনি হায়না শ্রী মোদীনা হায়খি।
প্রধান মন্ত্রীনা তোঙান তোঙানবা নোলেদজ সেক্তরশুংদা রিসর্চকী থৌদাংগী মাংদা কুপ্না খন্নখি। মহাক্না হায়খি চাউখৎলক্লিবা খুন্নাই অমদা রিসর্চ অসি মহৌশাগী ওইবা হৈনবী অমনা নত্তে অদুবু মসি মহৌশাগী প্রোসেস অমসু ওইরি। মহাক্না হায় রিসর্চকী শাফু অসি কম্মর্সিএল নত্ত্রগা সোসিএল ওইবা য়াই অমসুং রিসর্চনা ঐখোয়গী লৌশিং অমসুং খঙবা ঙম্বা অসি হেনগৎহনবদা মতেং পাংবসু য়াগনি। মাগী য়াথোক্লবা অরোইবা পান্দম অদুগী হেনদক্তুনা তুংগী মাইকৈ অমসুং শীজিন্নবা অসি লেপথোকপা ওইথোক্তে। ঐখোয়না খঙবা ঙমদবা অসি রিসর্চনা লৌশিংগী অনৌবা লৈমাই অমদা পুগনি অমসুং মসি অরেম্বদা কৈদৌনুংদা মাংলোই হায়বা অসি খক্তনি। প্রধান মন্ত্রীনা ফাদর ওফ জেনেতিক্স হায়না খঙনরিবা মেন্দেল অমসুং নিকোলস তেস্লাগী খুদমশিং পীখি, মখোয়না তৌরমখিবা থবক্কী মতিক ময়াই অসি কোন্না শক খঙখি। অয়াম্বা মতমদা রিসর্চনা মাগী খুদক্কী ওইবা পান্দম ফংবা ঙমদবা য়াই অদুবু চপ মান্নবা রিসর্চ অদুনা অতোপ্পা সেক্তর অমদা অনৌবা লম্বী ওইবসু য়াই। প্রধান মন্ত্রীনা ৱাফম অসিগী মতাংদা জগদিশ চন্দ্র মোসকী খুদম অদু পীখি, মহাক্কী মাইক্রোৱেফ থিয়োরী অসি কম্মর্সিএল ওইবা ঙমখিদে অদুবু ঙসিদি রেদিও কম্ম্যুনিকেসন সিস্তেম পুম্নমক মসিদা য়ুম্ফম ওইরি। মহাক্না মালেমগী লাঞ্জাওগী মতমদা পাঙথোকখিবা রিসর্চশিংনা কোন্না থংদা তোঙান তোঙানবা সেক্তরশিংদা কান্নরকপগী মতাংদা খুদমশিংসু পীখি। খুদম ওইনা দ্রোনশিং অসি লানগীদমক্তা শাখি অদুবু ঙসিদি মসি ফোতোশোৎশিং অমসুং দেলিবরীশিং তৌবদা ওইনা শিজিন্নরি। মরম অসিনা ঐখোয়গী সাইন্তিস্তশিং মরু ওইনা নহা ওইরিবা সাইন্তিস্তশিংনা ক্রোস ফর্তিলাইজেসনগী ওইথোকপশিংগী মাংদা রিসর্চ তৌদুনা থিদোক্কদবনি। মখোয়গী রিসর্চ অদু মখোয়গী লমগী মপালদা পুথোক্তুনা শিজিন্নবগী ওইথোকপা অদুসু মখোয়না পুথোক্কদবনি।
প্রধান মন্ত্রীনা ইলেক্ত্রিসিতীবু খুদম ওইনা পীদুনা অপীকপা রিসর্চ অমনা মালেমদা করম্না অহোংবা পুরকপগে হায়না উৎখি। ত্রান্সপোর্তেসন, কম্ম্যুনিকেসন, ইন্দস্ত্রী নত্ত্রগা নুংতিগী পুন্সিদবু ওইরবসু ঙসিদি পুম্নমক ইলেক্ত্রিসিতীনা চল্লাইরি। মসিগা মান্ননা সেমি-কন্দক্তরগুম্বা ইনবেন্সন অসিনা দিজিতেল রিভোলুসনগা লোইননা ঐখোয়গী পুন্সি চাউখৎহনখি। অসিগুম্বা ওইথোকপা য়াবশিং অসি ঐখোয়গী নহা ওইরিবা রিসর্চরশিংগী মাংদা লৈরি, মখোয়গী রিসর্চ অমসুং ইনবেন্সনশিংগা লোইননা মখোয়না পুমতোপ-তোপ্পা তুংলমচৎ অমগী লম্বী অমা য়াৎপা ঙম্লগনি হায়না প্রধান মন্ত্রীনা ফোঙদোকখি।
প্রধান মন্ত্রীনা ফ্যুচর-রেদী ইকো-সিস্তেম অমা শেম্নবা হোৎনরিবশিং অদু ফোঙদোকখি। ভারতনা গ্লোবেল ইন্নোবেসন রেঙ্কিংদা মকোক থোংবা ৫০দা য়ৌবা ঙমখ্রে, ভারতনা সাইন্স অমসুং ইঞ্জিনীয়রিং পব্লিকেসনশিংগী পীয়র রিভ্যুদা ৩শুবা রেঙ্কতা লৈ মসিনা বেসিক রিসর্চতা মরু ওইবা মীৎয়েং থম্মি তাক্লি। ইন্দস্ত্রী অমসুং ইন্সতিত্যুসনশিংগী মরক্তা চুংশিন্নরিবা অসিগী মপাঙ্গল কনখৎহনখ্রে। মালেমগী অচৌবা কম্পনী পুম্নমক্না মখোয়গী রিসর্চ ফেসিলিতীশিং ভারত্তা লিংখৎখ্রে। হৌখিবা চহি খরা অসিদা অসিগুম্বা ফেসিলিতীশিংগী মশিং অসি চাউনা হেনগৎখি।
প্রধান মন্ত্রীনা হায়খি ভারতকী নহাশিংগী ওইনা রিসর্চ অমসুং ইন্নোবেসনগী ওইথোকপশিং লোইবা নাইদে। মরম অসিনা ইন্নোবেসন মশা অসিগুম্না ইন্নোবেসন ইন্সতিত্যুস্নেলাইজেসন তৌবা অসিসু চপ মান্ননা মরু ওই। ঐখোয়গী নহাশিংনা ইন্তেলেকচ্যুএল প্রোপর্তী করম্না ঙাক শেনগনি হায়বা খঙবা তাই। ঐখোয়না নীংশিংগদবদি ঐখোয়গী পেতেন্তশিং লৈবা হেল্লিবা মখৈ মখোয়গী শিজিন্নফম হেল্লক্কনি। ঐখোয়গী রিসর্চকী মপাঙ্গল কনবা অমদি মাংজিল থারিবা সেক্তরশিংদা ঐখোয়বু মশক খঙবা হেনগনু। মসিনা মপাঙ্গল লৈবা ব্রান্দ ইন্দিয়া অমা ওইহনবা ঙমগনি হায়না প্রধান মন্ত্রীনা ফোঙদোকখি।
সাইন্তিস্তশিংবু কর্মা য়োগী হায়না কৌদুনা প্রধান মন্ত্রীনা মখোয়না লেবতা লাইনিংবা অমগুম্না হোৎনরিবশিং অসিবু থাগৎখি অমদি মহাক্না হায়খি মখোয় অসি ভারত মচা করোর ১৩০গী আশা অমসুং থাজবগী লম্বী ওইরি হায়না থাগৎখি।
