রাজস্থান হায় কোর্ত ম্যুজিয়ম শঙ্গাখ্রে
“ভারতকী জুদিসিএল সিস্তেমগী য়ুম্ফম নেস্নেল য়ুনিতীনা ওইরি অমসুং মসি মপাঙ্গল কনখৎহনবনা জাতি অমসুং মাগী সিস্তেমশিং হেন্না মপাঙ্গল কনগনি”
“ভারতীয় ন্যায় সনহিতাগী ৱাখল্লোন য়ারিবা মখৈ ইফেক্তিব ওইহনবা অসি হৌজিক ঐখোয়গী থৌদাং ওইরে”
“ঐখোয়না কোলোনিএল লো কয়া লৌথোক্তুনা মপুং ফানা চৎনহনখিদ্রে”
“ভারতীয় ন্যায় সনহিতানা ঐখোয়গী দেমোক্রেসীবু লোইলমগী ৱাখল্লোনদগী মনীংতমহনখি”
“ঙসি ভারতকী মঙলানশিং অসি য়াম্না চাউরে অমসুং প্রজাশিংগী অনীংবা অপাম্বশিং হেন্না ৱাংখৎলক্লি”
“জুদিসিয়রীনা নেস্নেল ইস্যুশিংদা লেপ্পা লৈতনা ভিজিলেন্ত অমসুং এক্তিব ওইবগী থৌদাং লৌদুনা লাকখি”
“ভিকসিৎ ভারত্তা মীপুম খুদিংমক্কীদমক অচম্বা, লায়না ফংবা অমসুং লায়না ৱায়েল ফংহনবা অসি য়াম্না মরু ওই”

প্রধান মন্ত্রী, শ্রী নরেন্দ্র মোদীনা ঙসি রাজস্থানগী জোধপুরদা পাংথোকপা রাজস্থান হায় কোর্তকী প্লেতিনম জুবিলী থৌরমগী লোইশিনবগী থৌরমদা ৱা ঙাংখ্রে। মহাক্না রাজস্থান হায় কোর্ত ম্যুজিয়মসু শঙ্গাখি।

প্রধান মন্ত্রীনা মহারাস্ত্রদগী মহাক্না লাকপদা ৱেদরগী ফীভম ফত্তবনা মরম ওইদুনা থৌরম পাংথোকফমদা য়ৌরকপদা থেংখিবগীদমক নুংঙাইতবা ফোংদোকখি। মহাক্না রাজস্থান হায় কোর্তকী প্লেতিনম জুবিলী থৌরমগী শরুক অমা ওইবা ফংবদা নুংঙাইবা ফোংদোকখি অমসুং হায়খি মদুদি রাজস্থান হায় কোর্তনা ভারতকী সম্বিধান্না চহি ৭৫ মপুং ফারকপা মতমদা চহি ৭৫ মপুং ফারি। প্রধান মন্ত্রীনা হায়খি মরম অসিনা মসি মশক নাইবা মীওই কয়াগী ৱায়েল. ইন্তিগ্রিতী, অমসুং কত্থোকপবু পালন তৌনবা থৌরম অমসু ওইরি। মহাক্না জস্তিসকী মরু ওইবা মীওইশিং অমসুং রাজস্থানগী মীয়ামবু থৌরম অসিগী নুংঙাইবা ফোংদোক্লদুনা হায়খি মদুদি “ঙসিগী থৌরম অসি লৈবাক অসিনা সম্বিধানদা থাজবা থম্বগী খুদম অমনি”।

 

প্রধান মন্ত্রীনা হায়খি মদুদি রাজস্থান হায় কোর্ত লৈরিবসি ভারতকী অমত্তা ওইবগী পুৱারীগা মরী লৈনৈ। সরদার বল্লভভাই পতেলনা নীংথৌ পানবা লৈবাক ৫০০ হেন্না পুনশিন্নবা অমসুং ভারত শেম্নবগীদমক অমত্তা ওইনা পুনশিন্নবা হোৎনখিবা অদু নীংশিংলদুনা, প্রধান মন্ত্রীনা হায়খি মদুদি রাজস্থানগী তোঙান তোঙানবা নীংথৌ পানবা লৈবাকশিং হায়বদি জয়পুর, উদয়পুর অমসুং কোতাদা মখোয় মশাগী হায় কোর্ত লৈরম্মি অমসুং মখোয়শিং অসি রাজস্থান হায় কোর্ত শেম্নবা পুনশিনখি। শ্রী মোদীনা হায়খি, “নেস্নেল য়ুনিতী অসি ভারতকী জুদিসিএল সিস্তেমগী য়ুম্ফমনি অমসুং মসিবু মপাঙ্গল কনখৎহনবা অসিনা লৈবাক অমসুং মাগী সিস্তেমশিং অসিবু হেন্না মপাঙ্গল কনখৎহনগনি”।

প্রধান মন্ত্রীনা হায়খি মদুদি জস্তিস অসি অচম্বা অমসুং ময়েক শেংবা অমনি, অদুম ওইনমক, করিগুম্বা মতমদা প্রোসিদ্যুরশিংনা মসিবু কমপ্লেক্স ওইহল্লি। শ্রী মোদীনা হায়খি মদুদি জস্তিসপু য়ারিবমখৈ লায়থোকহন্নবা হোৎনবদা ঐখোয় পুন্না হোৎনমিন্নবা মথৌ তাই। ভারতনা মসিগী মাইকৈ অসিদা পুৱারী ওইরবা অমসুং মরুওইবা থবক কয়া পায়খৎলকপদা মহাক্না নুংঙাইবা ফোংদোকখি। মহাক্না মখা তানা হায়খি মদুদি সরকারনা মরী লৈনদবা কোলোনিএল লো কয়া অমা লৌথোকখ্রে।

শ্রী মোদীনা হায়খি মদুদি ভারতনা নীংতম্লবা মতুংদা, চহি তরাগী খুজিং কয়াগী মতুং কোলোনিএলগী ৱাখল্লোন থাদোক্তুনা ভারতকী পেনেল কোদকী মহুৎ শিন্দুনা ভারতীয় ন্যায় সনহিতা চৎনহনখ্রে। মহাক্না মখা তাখি মদুদি ভারতীয় ন্যায় সনহিতা অসি ভারতকী ৱাখল্লোনদা য়ুম্ফমসু ওইরিবা "চৈরাক পীবগী মহুত্তা অচুম্বা ৱায়েল ফংহনব"গী ৱাখল্লোনদা য়ুম্ফম ওইরি। শ্রী মোদীনা থাজবা ফোংদোকখি মদুদি ভারতীয় ন্যায় সনহিতানা মীওইবগী ৱাখল্লোনবু খুমাং চাউশিলহল্লগনি অমসুং ঐখোয়বু কোলোনিএলগী ৱাখল্লোনদগী লাপথোকহল্লগনি। মহাক্না মখা তারদুনা হায়খি, "ভারতীয় ন্যায় সনহিতাগী ৱাখল্লোন অসি ওইথোকপা য়াবা মওংদা মপাঙ্গল কলহন্নবা হৌজিক ঐখোয়গী থৌদাং ওইরে।"

 

প্রধান মন্ত্রীনা হৌখিবা চহি তরা অসিদা লৈবাক অসি য়াম্না থুনা হোংলক্লি হায়না ফোংদোকখি। মহাক্না ভারতনা মালেমগী খ্বাইদগী চাউবা ইকনোমীগী ১০শুবা মফমদগী ৫শুবা মফমদা ওনখৎলকপগী ৱাফম পনখি। প্রধান মন্ত্রীনা হায়খি, "ঙসিদি ভারতকী মঙলানশিং অসি অচৌবা ওইরে অমসুং প্রজাশিংগী অপাম্বশিংসু ৱাংখৎলক্লি।" অনৌবা ভারতকী মথৌ তাবশিংগী মতুং ইন্না অনৌবা ইন্নোভেসনশিং অমসুং সিস্তেমশিং মোদর্নাইজ তৌবগী তঙাই ফদবা অদু মহাক্না ফোংদোকখি। মহাক্না মখা তারদুনা হায়খি মদুদি "জস্তিস ফোর ওল" ফংনবগীদমক মসিসু চপ মান্ননা মরু ওই। প্রধান মন্ত্রীনা ভারতকী জুদিসিএল সিস্তেমদা অহোংবা পুরকপদা তেক্নোলোজীনা লৌরিবা মরুওইবা থৌদাং অদু পনখি অমসুং "ই-কোর্তস" প্রোজেক্তকী খুদম পনখি। মহাক্না হায়খি মদুদি হৌজিক ফাওবদা লৈবাক অসিদা কোর্ত ১৮,০০০ হেন্না কম্প্যুতরাইজ তৌখ্রে অমসুং কোর্ত কেস করোর ২৬ হেনবগী ইনফোর্মেসন নেস্নেল জুদিসিএল দেতা গ্রিদকী খুত্থাংদা সেন্ত্রেলাইজ তৌরবা ওনলাইন প্লেৎফোর্মদা ফংহল্লে। শ্রী মোদীনা হায়খি মদুদি কোর্ত কমপ্লেক্স ৩০০০ হেন্না অমসুং জেল ১২০০ হেন্না ভিদিও কনফরেন্সকী খুদোংচাবশিংগা ফংহল্লে। মহাক্না রাজস্থান্না মসিগী মাইকৈদা পায়খৎলিবা থবকশিংগী খোঙজেলদা নুংঙাইবা ফোংদোকখি। কোর্ত চা কয়া কম্প্যুতরাইজ তৌদুনা পেপরলেস কোর্ত, ই-ফাইলিং, ইলেক্ত্রোনিক সমন সর্ভিস অমসুং ভর্চুএল হিয়রিংগী খুদোংচাবশিং ফংহল্লে। মমাংদা লৈরম্বা কোর্তশিংগী প্রোসেসশিং খোঙজেল তপথবা অদু পল্লদুনা প্রধান মন্ত্রীনা হায়খি মদুদি লৈবাক অসিনা মীপুম খুদিংমক্কী পোৎলুম হন্থহন্নবা লৌখৎলিবা কান্নরবা খোঙথাংশিংনা ভারত্তা জস্তিসকী অনৌবা আশা অমা পীরে। প্রধান মন্ত্রীনা লৈবাক অসিগী জুদিসিএল সিস্তেম লেপ্পা লৈতনা রিফোর্ম তৌদুনা নৌনা ফংলকপা আশা অসিবু ঙাক্না চৎনবা হায়খি।

 

প্রধান মন্ত্রীনা হায়খি মদুদি মহাক্না মমাংদা চহি চা কয়াদগী চৎনরক্লবা ঐখোয়গী মেদিএসন প্রোসেসকী সিস্তেম অসিবু তাঙ্কক কয়অদা পনখি। মহাক্না হায়খি মদুদি "অল্তর্নেতিব দিসপ্যুত রিজোলুসন" মেকানিজম অসি ঙসিদি লৈবাক অসিদা মমল হোংবা অমসুং অথুবা ৱারেপ লৌবগী মরুওইবা পাম্বৈ অমা ওইরক্লি। মহাক্না মখা তাখি মদুদি অল্তর্নেতিব দিসপ্যুত মেকানিজমগী সিস্তেম অসিনা লৈবাক অসিদা ইজ ওফ লিভিং অমসুং ইজ ওফ জস্তিস হেনগৎহনগনি। প্রধান মন্ত্রীনা হায়খি মদুদি সরকারনা মসিগী মায়কৈ অসিদা আইনশিং শেমদোক্তুনা অমসুং অনৌবা প্রোভিজনশিং হাপচিন্দুনা খোঙথাং কয়া অমা লৌখৎলি। শ্রী মোদীনা আশা তৌখি মদুদি জুদিসিয়রীগী মতেংগা লোয়ননা সিস্তেমশিং অসি হেন্না মপাঙ্গল কনখৎহল্লগনি।

প্রধান মন্ত্রীনা হায়খি, "জাতিগী ওইবা ইসুশিংদা জুদিসিয়রীনা চেকশিন্না অমসুং এক্তিব ওইবগী মোরেলগী থৌদাং অসি লেপ্পা লৈতনা লৌরি।" মহাক্না হায়খি মদুদি জম্মু অমসুং কাশ্মীরদগী আর্তিকল ৩৭০ লৌথোকখিবা অসি ভারতকী ইন্তিগ্রেসনগী নিংথিনা খুদম অমনি। সি.এ.এ.গী হ্যুমেনিতরিয়ন লো অদুসু মহাক্না পনখি অমসুং হায়খি মদুদি কোর্তকী ৱারেপশিংনা নেচরেল জস্তিসকী মতাংদা মখোয়গী স্তেন্দ অদু ময়েক শেংলে। প্রধান মন্ত্রী শ্রী মোদীনা হায়খি মদুদি সুপ্রিম কোর্ত অমসুং হায় কোর্তশিংনা 'নেসন ফার্স্ত'কী ৱারেপ অদু মপাঙ্গল কনখৎহল্লে। প্রধান মন্ত্রীনা লাল কিলাদগী মহাক্কী ৱারোল পীবদা সেক্যুলর সিবিল কোদকী মতাংদা পনখি। মহাক্না হায়খি হৌজিক লৈরিবা সরকার অসিনা ৱাফম অসি পুখৎলবসু, ভারতকী জুদিসিয়রীনা মতম পুম্নমক্তা মসিগী মাইকৈদা ৱা ঙাংদুনা লাক্লি। মহাক্না হায়খি মদুদি নেস্নেল য়ুনিতীগী হীরমশিংদা কোর্তনা লৌরিবা ফিরেপ অসিনা প্রজাশিংদা থাজবা পোকহল্লি।

 

প্রধান মন্ত্রীনা অকনবা ৱাফম থমখি মদুদি "ইন্তিগ্রেসন" হায়বা ৱাহৈ অসি ২১শুবা চহিচাগী ভারত্তা মরুওইবা থৌদাং অমা লৌগনি। ত্রান্সপোর্ত, দেতা, হেল্থ সিস্তেমগী ইন্তিগ্রেসন - ঐখোয়গী ভিজনদি তোঙান্না থবক তৌরিবা লৈবাক অসিগী আই.তি. সিস্তেম পুম্নমকপু ইন্তিগ্রেৎ তৌগদবনি হায়বসিনি। পুলিস, ফোরেন্সিক, প্রোসেস সর্ভিস মেকানিজমশিং ভারতকী সুপ্রিম কোর্তদগী হৌরগা দিস্ত্রিক্ত কোর্ত ফাওবা, পুম্নমক্না পুন্না থবক তৌমিন্নগদবনি।" ঙসি রাজস্থানগী দিস্ত্রিক্ত কোর্ত পুম্নমক্তা হৌদোকখিবা ইন্তিগ্রেসন প্রোজেক্তকীদমক মহাক্না মহাক্কী য়াইফ-পাউজেল পীখি।

প্রধান মন্ত্রীনা হায়খি মদুদি তেক্নোলোজী শীজিন্নবা অসি ঙসিগী ভারত্তা লায়রবশিংবু শক্তি পীনবগী চাংয়েং তৌরবা পাম্বৈ অমা ওইরক্লি। হৌখিবা চহি ১০ অসিদা ভারতপু মালেমগী এজেন্সী অমসুং ওর্গনাইজেসন কয়াদগী থাগৎপা ফোংদোক্নরকখ্রে হায়না মহাক্না মখা তাখি। শ্রী মোদীনা হায়খি মদুদি ভারতনা দি.বি.তি.দগী হৌরগা য়ু.পি.আই. ফাওবগী লম কয়াদা করম্না থবক তৌরি অমসুং মালেমগী ওইবা মোদেল অমা ওইরক্লি। মহাক্না মখা তানা হায়খি মদুদি চপ মান্নবা এক্সপরিয়েন্স অসি জস্তিস সিস্তেমদসু চৎনহনগদবনি। মসিগী মাইকৈ অসিদা, তেক্নোলোজী অমসুং মীওই অমগী মশাগী লোলদা লিগেল দোক্যুমেন্তশিং ফংহনবা অসি লাইরবশিংবু শক্তি পীনবগী খ্বাইদগী ফবা পাম্বৈ অমা ওইরগনি হায়না শ্রী মোদীনা ফোংদোকখি। সরকারনা দিশা কৌবা অনৌবা সোলুসন অমা প্রমোৎ তৌরি হায়না মহাক্না মখা তাখি। মহাক্না আইনগী মহৈরোইশিং অমসুং অতোপ্পা আইনগী এক্সপর্তশিংবু কেম্পেন অসিদা মতেং পাংনবা হায়খি। প্রধান মন্ত্রীনা অকনবা ৱাফম থম্লদুনা হায়খি মদুদি লোকেল লোলশিংদা লিগেল দোক্যুমেন্তশিং অমসুং জজমেন্তশিং মীয়ামদা ফংহন্নবা থবক পায়খৎলি। মহাক্না মখা তানা হায়খি মদুদি ভারতকী সুপ্রিম কোর্তনা হান্ননা মসি সোফতৱেয়র অমগী মতেংগা লোয়ননা হৌখ্রে। মসিদা জদিসিএল দোকুমেন্তশিং অসি লোন ১৮দা হন্দোকপা য়াগনি। শ্রী মোদীনা জুদিসিয়রীনা পায়খৎলিবা অখন্নবা থবক পুম্নমকপু থাগৎপা ফোংদোকখি।

 

প্রধান মন্ত্রীনা থাজবা থমখি মদুদি কোর্তশিংনা ইজ ওফ জস্তিসতা অহেনবা প্রাইওরিতি পীদুনা চৎকনি। শ্রী মোদীনা “ভিকসিৎ ভারত্তা মীপুম খুদিংমক্কীদমক অচম্বা, লায়না ফংবা অমসুং লায়বা ৱায়েল ফংহনবা অসি য়াম্না মরু ওই,” হায়না ফোংদোক্লদুনা ৱারোল পীবা লোইশিনখি।

থৌরম অদুদা রাজস্থানগী রাজ্যপাল শ্রী হরিবাউ কৃষ্ণরাও বাগদেজী, রাজস্থানগী মুখ্য মন্ত্রী শ্রী ভজনলাল শর্মা, কেন্দ্রগী লো অমসুং জস্তিসকী মন্ত্রী (ইন্দিপেন্দেন্ত চার্জ), শ্রী অর্জুনরাম মেঘৱালজী, সুপ্রিম কোর্ত ওফ ইন্দিয়াগী জস্তিস শ্রী সঞ্জীব খান্না,  রাজস্থান হায় কোর্তকী চীফ জস্তিস শ্রী মনীন্দ্র মোহন শ্রীবাস্তবনা শরুক য়াখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Income inequality declining with support from Govt initiatives: Report

Media Coverage

Income inequality declining with support from Govt initiatives: Report
NM on the go

Nm on the go

Always be the first to hear from the PM. Get the App Now!
...
Chairman and CEO of Microsoft, Satya Nadella meets Prime Minister, Shri Narendra Modi
January 06, 2025

Chairman and CEO of Microsoft, Satya Nadella met with Prime Minister, Shri Narendra Modi in New Delhi.

Shri Modi expressed his happiness to know about Microsoft's ambitious expansion and investment plans in India. Both have discussed various aspects of tech, innovation and AI in the meeting.

Responding to the X post of Satya Nadella about the meeting, Shri Modi said;

“It was indeed a delight to meet you, @satyanadella! Glad to know about Microsoft's ambitious expansion and investment plans in India. It was also wonderful discussing various aspects of tech, innovation and AI in our meeting.”