Quoteঅসাম পুলিসনা দিজাইন তৌবা ‘অসাম কোপ’ মোবাইল এপ্লিকেসন হৌদোকখ্রে
Quote“গুৱাহাতি হায় কোর্তকী মশাগী নাৎকী পুক্কৈ-লনগৈ অমসুং শক্তম লৈজৈ”
Quote“২১শুবা চহিচাদা ভারতমচাশিংগী মপান নাইদ্রবা অনিংবশিং থুংহন্নবা জুদিসিয়ারিনা গনতন্ত্রগী য়ুম্বী অমা ওইনা মপাঙ্গল কনবা অমসুং মীয়ামগী ইহুল খঙনা থৌদাং লৌগদবনি”
Quote“ঐখোয়না অরিবা লো লিশিং কয়া লৌথোক্লে, চৎন-কাংলোনশিং মশিং হন্থহল্লে”
Quote“সরকার নত্ত্রগা জুদিসিয়ারি ওইগেরা, ইন্সতিতুৎ খুদিংমক্কী থৌদাং অমসুং সংবিধানগী থৌদাং খুদিংমক মীয়াম হিংবদা লাইহনবগা মরী লৈনগদবনি”
Quote“লৈবাক অসিদা অচুম্বা ৱায়েল ফংহন্নবা থবক মতমগা চুনবা মওংদা পায়খৎনবা তেক্নোলোজিগী মপান নাইদ্রবা খুদোংচাবা লৈরি”
Quote“এ.আইগী খুৎথাংদা মীয়াম্না য়াম্না লাইনা অচুম্বা ৱায়েল ফংবা হেনগৎহন্নবা ঐখোয়না হোৎনগদবনি”

ঙসি প্রধান মন্ত্রী শ্রী নরেন্দ্র মোদীনা অসামগী গুৱাহাতিদা শ্রীমন্তা শঙ্করদেব কলাক্ষেত্রদা গুৱাহাতি হায় কোর্তকী প্লাতিনম জুব্লি থৌরমদা ৱা ঙাংখ্রে। থৌরম অদুদা, প্রধান মন্ত্রীনা অসাম পুলিসনা দিজাইন তৌবা ‘অসাম কোপ’ মোবাইল এপ্লিকেসন হৌদোকখ্রে। এপ্লিকেসন অদুনা ক্রাইম এন্দ ক্রিমিনেল নেতৱার্ক ত্রেক্কিং সিস্তেম(সি সি তি এন এস) অমসুং বাহান নেসনেল রেজিস্তারগী দেতাবেজদগী মরাল লৈবা মীওইশিং অমসুং গারিশিং খোঙ্গুল লীবদা শীজিন্নগনি।

 

|

গুৱাহাতি হায় কোর্তকী প্লাতিনম জুব্লি থৌরম শরুক য়াবা ফংবদা হরাওবা ফোঙদোক্লদুনা থৌরম অদুদা তিনখিবা মীয়ামদা প্রধান মন্ত্রীনা হায়খি লৈবাক অসিনা নিংতম্বা চহি ৭৫ মপুংফারকপা লোয়ন্না গুৱাহাতি হায় কোর্ত চহি ৭৫ মপুংফারে। মতম অসি এক্সপেরিয়েন্সশিং চেকশিন্না থমগদবা মতম অমনি অমসুং অনৌবা পান্দমশিং ফংনবা দাইত্ব লৈনা অহোঙবশিং পুরক্নবা মথংগী খোঙথাং থাংগদবনি। গুৱাহাতি হায় কোর্তকী মশাগী নাৎকী পুক্কৈ-লনগৈ অমসুং শক্তম লৈজৈ। গুৱাহাতি হায় কোর্তনা কোনশিল্লিবা থবক অসি পাক-চাউই অমসুং য়ুম্নোন্নরিবা রাজ্যশিং অরুনাচল প্রদেস অমসুং নাগালেন্দ য়াওরি। ২০১৩ ফাওবা, গুৱাহাতি হায় কোর্তকী মখাদা রাজ্য ৭ লৈরমখি লোয়ন্না কোর্ত অসিগা অৱাং-নোংপোক শীনবা থুংনা ইনাকখুল্লবা পুৱারি অমসুং গনতন্ত্রগী হেরিতেচগী মরী লৈনরি।

 

|

ঙসিগী থৌরম অদুদা প্রধান মন্ত্রীনা অসাম অমসুং অৱাং-নোংপোক শীনবা থুংনা লৈরিবা লিগেলগী লমদা থবক তৌরিবশিং থাগৎখি। প্রধান মন্ত্রীনা দোক্তর বাবাসাহেব অম্বেদকারগী মফমদসু ইকায়খুম্নবা উৎখি। মহাক্না হায়খি মান্নবা অমসুং পুন্না হিংমিন্নবগী সংবিধানগী গুনশিং অসি অনৌবা যুগকী ভারতকী য়ুমফম্নি।

 

|

প্রধান মন্ত্রীনা হায়খি ২১শুবা চহিচাদা ভারতমচাশিংগী মপান নাইদ্রবা অনিংবশিং থুংহন্নবা জুদিসিয়ারিনা গনতন্ত্রগী য়ুম্বী অমা ওইনা মপাঙ্গল কন্না অমসুং মীয়ামগী ইহুল খঙনা থৌদাং লৌগদবনি। মপাঙ্গল কনবা অমসুং মতমগা চুনবা ৱায়েল কাংলোনগী থবক অমা লৈহন্নবা সংবিধান্না ঐখোয়দা শীন্নরি। লেজিসলেচর, জুদিসিয়ারি অমসুং ইজুকিউতিপগী অপুনবা থৌদাং মথৌ তাই। “ঐখোয়না অরিবা লো লিশিং কয়া লৌথোক্লে অমসুং চৎন-কাংলোনশিং মশিং হন্থহল্লে।অসিগুম্বা অরিবা লো ২০০০ রোম অমসু চৎন-কাংলোন লিশিং ৪০ রোম মখা তানা চৎনদ্রে। মসিগা লোয়ন্না ললোন-ইতিক্কী প্রোবিজন কয়া দিক্রিমিনেলাইজ তৌবদগী কোর্তশিংদা কেস মশিং হন্থরে।

 

|

প্রধান মন্ত্রীনা হায়খি সরকার নত্ত্রগা জুদিসিয়ারি ওইগেরা, ইন্সতিতুৎ খুদিংমক্কী থৌদাং অমসুং সংবিধানগী থৌদাং খুদিংমক মীচম মীয়াম হিংবদা লাইহনবগা মরী লৈনগদবনি। হিংবদা লাইহনবদা তেক্নোলোজিনা শক্তি লৈরবা খুৎলায় অমা ওইরে। হিরম খুদিংমক্তা সরকারনা তেক্নোলোজি মপুংফানা শীজিন্নরি। দি.বি.তি,আধার অমসুং দিজিতেল ইন্দিয়া মিসন্ন অসি সরকারনা তেক্নোলোজি শীজিন্নবগী খুদম্নি। স্কিম খুদিংমক লায়রবশিংগী হক ফংনবা পাম্বৈ অমা ওইরে।

প্রধান মন্ত্রী শ্বামিতভা য়োজনাগী মতাংদা প্রধান মন্ত্রীনা হায়খি লৈবাক অসিগী ৱায়েল থৌদাগী থবক্তা অচৌবা পোৎলুম অমা ওইরিবা লন-থুমগী হকশিংগা মরী লৈনবা কেসশিংগী মতাংদা অচৌবা থবক অমা পায়খৎলে। চাউখৎলবা লৈবাকশিং ফাওবা নাখৈ শেংদবা লন-থুমগী হকশিংগী ৱাথোকশিং মায়োক্নরি। লৈবাক অসিদা খুঙ্গং লাখ ১ হেন্না দ্রোন শীজিন্নদুনা মেপ লৌরে অমসুং নাগরিক লাখ কয়াদা লন-থুমগী কার্দশিং য়েন্থোকখ্রে। মসিনা লন-থুমগা মরী লৈনবা কেস মশিং হন্থরে অমসুং মীয়াম হিংবদা লাইহল্লে।

প্রধান মন্ত্রীনা হায়খি লৈবাক অসিদা অচুম্বা ৱায়েল ফংহন্নবা থবক মতমগা চুনবা মওংদা পায়খৎনবা তেক্নোলোজিগী মপান নাইদ্রবা খুদোংচাবা লৈরি। সুপ্রিম কোর্তকী ই-কম্মিতিকী থবক থাগৎনিঙাইনি। চহি অসিগী বজেত্তা ই-কোর্ত মিসনগী অহুমশুবা ফেজ লাউথোক্লে। ৱায়েল থৌদাগী থবকশিং মপুংফানা পাংথোক্নবা মালেমগী ওইনা আর্তফিসিএল ইন্তিলিজেন্স শীজিন্নবা হৌরে। এ.আইগী খুৎথাংদা মীয়াম্না য়াম্না লাইনা অচুম্বা ৱায়েল ফংবা হেনগৎহন্নবা ঐখোয়না হোৎনগদবনি।

 

|

অলতর্নেতিপ দিসপুৎ রিজোলুসন সিস্তেমগী মতাংদা প্রধান মন্ত্রীনা হায়খি অৱাং-নোংপোক্তা লমদম অমগী থায়নদগী চৎনরক্লবা অলতর্নেতিপ দিসপুৎ রিজোলুসনগী থবক মরাংকাইনা লৈরি। কস্তমরি লোগী মতাংদা হায় কোর্তনা লাইরিক ৬ ফোঙখিবা অসি থাগৎফম থোকই। হায়রিবা চৎনবীশিং অসি লো স্কুলশিংদা তাকপী-তম্বীগদবনি।

 

|

প্রধান মন্ত্রীনা হায়খি অচুম্বা ৱায়েল ফংবা লাইহন্নবা মরুওইবা শরুক অমদি লৈবাক অসিগী মীয়াম লোশিং খঙহনবা অমসুং অচুম্বা লৌশিং অসিনি অমসুং মসিনা মীয়াম্না লৈবাক অসিদা অমসুং লৈবাক অসিগী থবকশিংদা থাজবা হেনগৎহনগনি। আইনশিং অরাইবা মওংদা খঙবা য়ানবা থবকশিং পায়খৎকদবনি। অরাইবা লোনশিং আইনশিং ইথোক্নবা থবক পায়খৎকদবনি অমসুং মসিনা ঐখোয়গী লৈবাক্কী কোর্তশিংদা য়াম্না চাউনা মতেং ওইগনি। মীওই খুদিংমক্না মখোয় মশাগী লোন্দা ইন্তরনেৎ শীজিন্নবা য়ানবা ভাসিনি পোর্তেলনা পান্দম থম্লি। মসিগী কান্নবা কোর্তশিংসু ফংগনি।

প্রধান মন্ত্রীনা হায়খি অপীকপা মরালগীদমক মতম শাংনা কৈশুমশঙদা লৈরিবশিং অমসুং মরুপ-মপাং নত্ত্রগা শেন লৈজদবশিংগীদমক সরকার অমসুং জুদিসিয়ারিনা থবক পায়খৎপা মথৌ তাই। আইনগী ওইবা থবকশিং পাংথোকপা লোইরবা মতুংদা মখোয়গী ইমুং-মনুংশিংনা লৌশিল্লু হায়বা য়াদ্রবা মীওইশিংগী অৱাবা উগদবনি। অসিগুম্বা মীওইশিং থাদোরকপা মতমদা শেন্থং পীনবা প্রোবিজন অমা চহি অসিগী বজেত্তা হাপ্লে। হায়রিবা কেন্দ্রগী শেন্থং অদু রাজ্যনা ফাদোক তারবশিংদা শিন্নগনি।

শ্লোক অমা লৌখৎলদুনা প্রধান মন্ত্রীনা হায়খি ধর্মা ঙাক-শেল্লিবশিং ধর্মনা ঙাকথোকই। লৈবাক্কীদমক থবক তৌবা হায়বসি ঐখোয়গী ধর্মানি অমসুং ঐখোয়গী থৌদাংনি। মসিগী থাজবা অসিনা লৈবাক অসি ‘চাউখৎলবা ভারত’কী পান্দম ফংবা ঙমগনি।

ঙসিগী থৌরম অদুদা অসামগী রাজ্যপাল শ্রী গুলাব চান্দ কাতারিয়া, অসামগী চীফ মিনিস্তর শ্রী হিমান্ত বিশ্বা শর্মা, অরুনাচল প্রদেসকী চীফ মিনিস্তর শ্রী পেমা খান্দু, লো অমসুং জজতিসকী য়ুনিয়ন মিনিস্তর শ্রী কিরেন রিজিজু, সুপ্রিম কোর্তকী জজতিস রিসিকেস রোই অমসুং গুৱাহাতি হায় কোর্তকী চীফ জজতিস সন্দিপ মেহতা শরুক য়াখি।

নুঙগীৱারোল

গুৱাহাতি হায় কোর্ত ১৯৪৮তা লিংখৎখি অমসুং অৱাং-নোংপোক্কী রাজ্য ৭ হায়বদি অসাম, নাগালেন্দ, মনিপুর, মেঘালয়, মিজোরম, ত্রিপুরা অমসুং অরুনাচল প্রদেসকী কমন কোর্ত ওইনা ২০১৩ ফাওবা থবক তৌখি। ২০১৩দা মনিপুর, মেঘালয় অমসুং ত্রিপুরা রাজ্যশিংগী তোখায়বা হায় কোর্তশিং শেমখি। হৌজিক গুৱাহাতি হায় কোর্তকী মখাদা অসাম, নাগালেন্দ, মিজোরম অমসুং অরুনাচল প্রদেস লৈরি অমসুং কোর্ত অসিগী প্রিন্সিপাল সিত গুৱাহাতিদা লৈরি অমসুং কোহিমা(নাগালেন্দ), আইজোল(মিজোরম) অমসুং ইতানাগর(অরুনাচল প্রদেস)তা পর্মনেন্ত বেঞ্চশিং লৈরি। 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • डा सी जी मौर्य April 20, 2023

    हर हर मोदी घर घर मोदी, सबका साथ सबका विकास बीजेपी की फिर सरकार,, 🙏🙏🙏🙏🙏🙏🙏
  • Hira Lal April 15, 2023

    सरकारी स्कूल के बच्चों को केंद्र सरकार द्वारा धर्म के आधार पर वजीफा दिया जाता है यह कहां की धर्मनिरेक्षता है? हिंदू वर्ग के बच्चों को छोड़कर शेष सभी को वजीफा केंद्र सरकार दे रही है। क्या सभी लोग और अदालतें सोई पड़ी है? जनता जवाब मांगती है
  • Hira Lal April 15, 2023

    सभी से निवेदन है कि केन्द्र सरकार तक यह संदेश जरूर पहुंचाएं की स्कूली बच्चों को वजीफा धर्म को आधार न बनाया जाए ।सभी बच्चों को एक समान समझा जाए
  • RatishTiwari Advocate April 15, 2023

    भारत माता की जय जय जय
  • Rajashree Wadeyar April 15, 2023

    ಜೈ ಬಿಜೆಪಿ..
  • Vinay Jaiswal April 15, 2023

    जय हो नमों नमों
  • Baktha Vatsalam April 15, 2023

    திமுக திருடனை ஒழித்தால் தான் டா மத்தியிலும் மாநிலத்திலும் ஒரே ஆட்சியாக மாறும் கோ கிரீன்கோ எலெக்டிரிக் மின் சார யூனிட் சேவையை விழுப்புரம் வரை குறைந்த கட்டணத்தில் ஓட விடலாம் ஜெய்ஹிந்த் நன்றி வணக்கம்ஜி
  • Tala Sumitraben April 15, 2023

    bharat mataji ki jai
  • Mohmmadmoslim Mohmmadslim April 15, 2023

    Thank you sir, I don
  • Anath Biswas April 15, 2023

    jio
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Economic Survey: India leads in mobile data consumption/sub, offers world’s most affordable data rates

Media Coverage

Economic Survey: India leads in mobile data consumption/sub, offers world’s most affordable data rates
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 1 ফেব্রুৱারি, 2025
February 01, 2025

Budget 2025-26 Viksit Bharat’s Foundation Stone: Inclusive, Innovative & India-First Policies under leadership of PM Modi