প্রধান মন্ত্রী, শ্রী নরেন্দ্র মোদীনা ঙসি শ্রী সোম্নাথ থ্রসকী মিতিং শরুক য়াখ্রে। মিতিং অসি ভিদিও কনফরেন্সকী খুত্থাংদা পাংথোকখি। থ্রস্তিশিংনা লৈখিদ্রবা থ্রস অসিগী এক্স-চেয়রমেন শ্রী কেশুভাই পতেলগী মফমদা শ্রদ্ধাঞ্জলী কৎখি।
থ্রস্তিশিংনা য়েৎনবা য়াওদনা প্রধান মন্ত্রী শ্রী নরেন্দ্র মোদীবু লাক্কদৌরিবা মতম কয়াদা লমজিংনবা থ্রস অসিগী মথংগী চেয়রমেন ওইনা খনখি। প্রধান মন্ত্রীনশু থৌদাং অসিবু য়াজখি অমসুং সোম্নাত তীম অসিনা হোৎনরিবা অসিবু থাগৎপা ফোংদোকখি। মহাক্না আশা কয়া অমা ফোংদোকখি মদুদি পুন্না চৎমিন্নবনা, থ্রস অসিনা মখা তানা ইনফ্রাস্ত্রকচর অসিবু ফগৎহনবা, লৈফম শিন্দোকপা, পোত্থাফমগী খুদোংচাবা অমসুং কোইনা চৎপা লাইনিংবশিংগা ঐখোয়গী থায়নগী লৈরিবা লনশিং অসিগা হেন্না ফবা মরী লৈনহনবা অসিনি। মিতিং অসিগী মনুংদা খুদোংচাগদবা, হৌজিক চৎথরিবা থৌওং অমসুং প্রোজেক্তশিংগী মতাংদা হন্না য়েংখি।
থ্রস অসিগী মশক নাইরবা হান্নগী চেয়রপর্সন খর অদুদি ইকাই খুম্নরবা জামসাহেব দিগবিজয়া সিংহ জি, শ্রী কানাইয়ালাল মুন্সি, হান্নগী প্রধান মন্ত্রী শ্রী মোরাজি দেসাই, শ্রী জয় কৃষ্ণ হরি বল্লাভ, শ্রী দিনেশভাই শাহ, শ্রী প্রসনবাদন মেহতা অমসুং শ্রী কেশুভাই পতেল য়াওরি।
