Inaugurates pilot Project of the 'World's Largest Grain Storage Plan in Cooperative Sector' in 11 PACS of 11 states
Lays foundation stone for additional 500 PACS across the country for construction of godowns & other agri infrastructureInaugurates project for computerization in 18,000 PACS across the country“Cooperative sector is instrumental in shaping a resilient economy and propelling the development of rural areas”“Cooperatives have the potential to convert an ordinary system related to daily life into a huge industry system, and is a proven way of changing the face of the rural and agricultural economy”“A large number of women are involved in agriculture and dairy cooperatives”“Modernization of agriculture systems is a must for Viksit Bharat”“Viksit Bharat is not possible without creating an Aatmnirbhar Bharat”প্রধান মন্ত্রী, শ্রী নরেন্দ্র মোদীনা নই দিল্লীগী ভারত মন্দপমদা কোওপরেতিব সেক্তরগী মরু ওইবা খোঙথাং কয়া ঙসি শঙ্গাখিবগা লোয়ননা উরেপ উয়ুংসু তমখ্রে। প্রধান মন্ত্রীনা রাজ্য 11গী প্রাইমারী এগ্রিকলচরেল ক্রেদিত সোসাইতী (PACS) 11দা পায়খৎলিবা ‘কোওপরেতিব সেক্তরগী মালেমগী খ্বাইদগী চাউবা গ্রেন স্তোরেজ প্লান’গী পাইলোত প্রোজেক্ত অমা হৌদোকখ্রে। প্রধান মন্ত্রীনা খোঙথাং অসিমক্কী মখাদা লৈবাক শিনবা থুংবদা গোদাউন অমসুং এগ্রিগী অতোপ্পা ইনফ্রাস্ত্রকচর কয়াগী অহেনবা PACS 500 কী উরেপ উয়ুং তমখ্রে। খোঙথাং অসিনা PACS গোদাউনশিংগা ফুদ গ্রেন সপ্লাই চেনগা মওং মরিল তানা পুনশিনবা, ফুদ সেক্যুরিতী ঙাকপা অমসুং লৈবাক্কী শেন্মিৎলোনগী শাহৌ লৌবদা তেংবাংবগী পান্দম থম্লি। হায়রিবা থৌওংশিং অসিদি NABARDনা শৌগৎপনি অমসুং নেস্নেল কোওপরেতিব দিভেলপমেন্ত কোরপোরেসন (NCDC)না লমজিংবনি। খোঙথাং অসি এগ্রিকলচরেল ইনফ্রাস্ত্রকচর স্কিম (AIF), এগ্রিকলচরেল মার্কেত্তিং ইনফ্রাস্ত্রকচর (AIM)নচিংবা হান্নদগী লৈরবা স্কিম কয়া পুনশিন্দুনা পায়খৎপনি অমসুং মসিনা প্রোজেক্ত অসিদা শরুক য়ারিবা PACSশিংনা ইনফ্রাস্ত্রকচর দিভেলপমেন্তকী থবকশিং পাংথোকপা ঙমহন্নবা সবসিদী ফংহনগনি অমসুং শেন্দোই কোকপগী খুদোংচাবা কয়াসু পীগনি। প্রধান মন্ত্রীনা লৈবাক শিনবা থুংবগী PACS 18,000 কম্প্যুতরাইজ তৌবগী প্রোজেক্ত অমসু হৌদোকখ্রে, মসিদি কোওপরেতিব সেক্তরদা ইনোৎ হাপ্নবা অমসুং অপীকপা অমসুং মশিং য়ামদবা লৌমীশিংবু মপাঙ্গল হাপ্নবা সরকারগী ‘শহকার সে স্মৃধী’ হায়বা মিৎয়েংগী মখাদা পাংথোকপনি।
প্রধান মন্ত্রীনা ঙসিগী থৌরমদা ৱা ঙাঙবদা ভারত মন্দপম্না বিকশিৎ ভারতকী খোঙচৎ অসিগী মনুং চন্না অতোপ্পা মশক থোকপা মায় পাকপা অমসু থেংনরে, হায়বদি, ‘সহকার সে স্মৃধী’গী মায়কৈদা তুংলমচত্তা খোঙথাং থাংজিল্লিবা অসিগী মতাংদা পাউদমখি। লৌউ-শিংউ অমসুং লৌয়বগী ফম্বাক কনখৎহনবদা কোওপরেসনগী চাউরবা থৌদাং য়াওরি। মসিনা মরম ওইরগা কোওপরেতিবকী তোঙানবা মন্ত্রালয় অমা শেমখ্রিবনি। মহাক্না হায়খি, ঙসি হৌদোক্লিবা ‘কোওপরেতিব সেক্তরগী মালেমগী খ্বাইদগী চাউবা গ্রেন স্তোরেজ প্লান’ অসিনা লৈবাক্কী মফম খুদিংদা ৱেয়রহাউস অমসুং গোদাউন মশিং য়াম্না লৈহনগনি। মসিগী প্রোজেক্ত অসিগা লোয়ননা PACS কম্প্যুতরাইজ তৌবগী অতোপ্পা প্রোজেক্ত কয়ানা লৈবাক্কী লৌউ-শিংউগী পথাপ্তা অনৌবা মায়কৈ তাক্কনি অমসুং লৌউববুসু মতমগা চুনহনগনি।
কোওপরেতিব হায়বসি ভারতকী অরিবা মতমগী ৱাখল্লোন্নি হায়না প্রধান মন্ত্রীনা হায়খি। প্রধান মন্ত্রীনা স্কৃপচর অমগী মতাংদা পল্লদুনা, অপীকপা পাঙ্গল কয়া পুনশিন্দুনা অচৌবা থবক অমা পাংথোকপা ঙম্মি হায়না মহাক্না শন্দোক্না তাকখি। থৌওং অসিমক ভারতকী খুঙ্গনগী অরিবা পথাপশিংদা ইন্দুনা চৎনরম্মি হায়না মহাক্না মখা তাখি। “কোওপরেতিব অসিনা ভারতকী মরোমদোম লেপচবা খুন্নাইশিংগী ফম্বাক ওইরম্মি। মসিদি শুপ্নগী পথাপ অমখক নত্তে, মসিদি ইথিল অমনি”, পি.এম.না মসিগুম্বা ইথিল অসিদি পথাপ অমসুং রিসোর্সকী পনখৈগী ৱাংমদা লৈ অমসুং মখোয়না মশক থোকপা মহৈ কয়া পুথোকই হায়না পাউদম্লদুনা ফোংদোকখি। কোওপরেতিবকী মফমদা নোংমগী পুন্সি মহিংগা মরী লৈনবা অচম্বা পথাপ অমবু চাউরবা ইন্দস্ত্রীগী পথাপ অমদা ওন্থোকপা ঙম্বগী মতিক লৈ, অমসুং খুঙ্গং অমসুং লৌউ-শিংউগী শেন্মিৎলোনগী ফিভমদা অহোংবা পুরকপা ঙম্মি হায়বগী খুদমসু মখোয়না উৎখ্রবনি হায়না মহাক্না হায়খি। অনৌবা মন্ত্রালয় অসিগী খুত্থাংদা, ভারত সরকারনা ভারতকী লৌউ-শিংউ সেক্তরগী মচোই তারবা পাঙ্গলশিংবু অমত্তা ওইনা পুনশিন্নবা পান্দম থম্লি হায়না প্রধান মন্ত্রীনা মীয়ামগী পুক্নিং চীংশিনখি।
প্রধান মন্ত্রীনা ফার্মর প্রদ্যুসর ওর্গনাইজেসন (FPO)গী খুদম পীরদুনা, খুঙ্গংগী অপীকপা লৌমীশিংগী মরক্তা ওন্তোপ্রিনর ওইবগী ইথিল হেনগৎলক্লিবা অসিবু শকখঙখি। তোঙানবা মন্ত্রালয় অমা লৈবদগী, পান্দম ওইরিবা FPO 10,000গী মনুংদগী FPO 8,000 অসিনা মথৌ তৌবা হৌখ্রে হায়না মহাক্না হায়খি। কোওপরেতিবকী কান্নবশিংনা হৌজিক ঙামী অমসুং শা-উচেক লোইবা মীওইশিংদা য়ৌরে। ফিশরী সেক্তরদা কোওপরেতিব য়ুনিৎ 25,000 হেন্না মথৌ তৌরি। প্রধান মন্ত্রীনা সরকারনা লাক্লিবা চহিশিং অসিদা কোওপরেতিব সোসাইতী 2,00,000 শাবগী পান্দম অসিবু অমুক্কা হন্না নীংশিংখি।
প্রধান মন্ত্রীনা গুজরাতকী মুখ্য মন্ত্রী ওইরিঙৈগী মতম নীংশিংলদুনা, কোওপরেতিবকী মপাঙ্গল ওইনা অমুল অমসুং লিজত পাপরনা মায় পাকপগী ৱারী লিখি অমসুং হায়রিবা কারবারশিং অসিদা নুপীশিংনা লৌবা থৌদাং কয়াগী মতাংদসু পাউদমখি। কোওপরেতিব সেক্তরগা মরী লৈনবা পোলিসী কয়াদা সরকারনা নুপীশিংদা অহেনবা মিৎয়েং অমসুং খুদোংচাবা পীরি। মলতি স্তেত কোওপরেতিব সোসাইতীজ এক্ততা অহোংবা পুরক্তুনা নুপীশিংবু বোর্দকী শরুক য়াহনখিবগী মতাংদসু মহাক্না পনখি।
প্রধান মন্ত্রীনা কোওপরেতিবশিংনা পুন্না হোৎনমিন্নদুনা লৌমীশিংগী মশাগী ওইবা শিংনবশিং মাইয়োক্নবা ঙম্বগী মতিক লৈ হায়রদুনা স্তোরেজকী খুদম পীখি। স্তোরেজ ইনফ্রাস্ত্রকচর লৈতবনা মরম ওইরগা লৌমীশিংনা থেংনবা অমাঙবা কয়াদা মিৎয়েং চঙলদুনা, প্রধান মন্ত্রীনা সরকারনা হৌদোক্লিবা মেত্রিক তন লাক্ষ 700কী মালেমগী খ্বাইদগী চাউবা স্তোরেজ প্লান্দা মীয়ামগী পুক্নিং চীংশিনখি অমসুং থৌওং অসি লুপা করোর লাক্ষ 1.25 চঙদুনা মথংগী চহি 5কী মনুংদা লোইশিনগনি হায়না পাউদমখি। মসিগী মতেংদগী লৌমীশিংনা মশাগী পোত্থোক মতম কুইনা থম্বা য়ারগনি, মতম চানা য়োনবা য়ারগনি অমসুং বেঙ্কতগী লোন ফংবদসু মসিনা মতেং ওইবগা লোয়ননা মশাগী খুদোংচাবগী মতুং ইন্না পোত্থোকশিং অসি য়োন্দুনা শেন্দোং হেন্না ফংবা য়ারগনি হায়না মহাক্না মখা তাখি।
“লৌউ-শিংউগী পথাপ্পু মতমগা চুনহনবা হায়বসি বিকশিৎ ভারত অমা শেম্বদা য়াম্না তঙাই ফদে”, প্রধান মন্ত্রীনা সরকারনা PACSকুম্বা সরকারগী লুপকী অনৌবা থৌদাং শেম্নবা হোৎনরিবা অসি পল্লদুনা হায়খি। কম্মিত্তীশিং অসিনা জন ঔশধী কেন্দ্র ওইনা মথৌ পাংথোক্লি, পি.এম. কিসান সাম্রুধী কেন্দ্র কয়া অমসু চলায়রি হায়না মহাক্না হায়খি। পেত্রোল, দিজল অমসুং LPG সিলিন্দরগী লমদা মথৌ পাংথোক্লিবা কোওপরেতিব কম্মিত্তী কয়াগী মতাংদা মহাক্না পল্লদুনা PACSশিংনা খুঙ্গং কয়াদা ৱাতর কম্মিত্তীগী থৌদাংসু লৌরি হায়না পাউদমখি। প্রধান মন্ত্রীনা হায়খি, মসিনা লোন কম্মিত্তীগী প্রদক্তিবিতী হেনগৎহল্লে অমসুং চাগা তানবগী অনৌবা পাম্বৈ কয়াসু শেম্লে। “কোওপরেতিব কম্মিত্তীশিংনা ঙসিদি খুঙ্গংশিংদা কম্মন সর্ভিস সেন্তর ওইনা মথৌ পাংথোক্লি অমসুং ফেসিলিতী মশিং কয়া অমসু পীরি”, মহাক্না মখা তাবগা লোয়ননা তেক্নোলোজী অমসুং দিজিতেল ইন্দিয়া চাউখৎলকপদগী লৌমীশিংগী মফমদা মখল কয়াগী সেবা কয়া পাক শন্না ফংহনবা ঙম্লে হায়নসু ফোংদোকখি। মসিনা খুঙ্গংগী নহাশিংদা থবক্কী খুদোংচাবা কয়া পীগনি হায়না মহাক্না মখা তাখি।
বিকশিৎ ভারতকী খোঙচৎ অসিদা কোওপরেতিব ইন্সতিত্যুসনশিংগী থৌদাং য়াম্না মরু ওই হায়না প্রধান মন্ত্রীনা হায়খি। মখোয়না আত্মানির্ভর ভারতকী খোঙথাংশিংদা তেংবাংনবা প্রধান মন্ত্রীনা হায়খি। “বিকশিৎ ভারত হায়বসি আত্মানির্ভর ভারত য়াওদনা ওইথোক্লোই”, প্রধান মন্ত্রীনা হায়খি। ঐখোয়না ইম্পোর্তকী মখা পোল্লিবা পোত্থোকশিংগী লিস্ত অমা কোওপরেতিব সেক্তরনা শেমদুনা মদুবু লৈবাক অসিদা পুথোকচবদা মতৌ করম্না তেংবাংবা ঙমগনি হায়না মখোয়না খনবগী মথৌ তাই হায়না মহাক্না হায়খি। হীরম অসিদা লৌখৎপা য়াবা পোৎলম অমদি চানবা থাউনি হায়না প্রধান মন্ত্রীনা খুদম ওইনা হায়খি। মান্নবা মতৌ ওইনা, কোওপরেতিবনা ইথানোলদা শাফু পীবনা ঐখোয়গী ইনর্জীগী তঙাই ফদবশিংগীদমক্তা শিজিন্নরিবা থাউগী ইম্পোর্ত হন্থহনবা য়াগনি। অতোপ্পা খুদম অমনা হৱাইনি। মেন্যুফেকচরিং গুদ কয়া অমসু কোওপরেতিবনা মিৎয়েং চঙবা য়াই হায়না মহাক্না হায়খি।
নেচ্যুরেল ফার্মিং অমসুং লৌমীশিংবু উর্জদাতা (ইনর্জী পীবা মীওই) অমসুং উর্বরক্তদাতা (হার পীবা মীওই) ওইহনবগী মতাংদা কোওপরেতিবনা থৌদাং য়াবা য়াই হায়না প্রধান মন্ত্রীনা হায়খি। লবুকশিংগী অকোয়বদা রুফতোপ সোলর অমসুং সোলর পেনেল খিনবগী থবক অসিসু কোওপরেতিবনা মখোয়গী খোঙথাং ওইহনবা য়াই হায়না মহাক্না হায়খি। গোবর্ধন, বাইও CNG পুথোকপা, মেন্যুর অমসুং ৱেস্ত তু ৱেল্থকী হীরমদসু মখোয়না তেংবাংবা য়াই। মসিনা হার ইম্পোর্ত তৌবদা চঙবা শেল হন্থহনগনি হায়না মহাক্না হায়খি। অপীকপা লৌমীশিংগী থবকশিংবু গ্লোবেল ব্রান্দিং তৌনবা কোওপরেতিবশিংনা মাঙ থানা থোক্লক্নবা প্রধান মন্ত্রীনা ৱাফম থমখি। মালেমগী চাকচা তেবল খুদিংদা শ্রী অন্না মিল্লেত থমসি হায়না মহাক্না হায়খি।
খুঙ্গংগী শেন্থোক হেনগৎহনবদা কোওপরেতিবনা লৌরিবা থৌদাংগী মতাংদা প্রধান মন্ত্রীনা পল্লদুনা, দাইরী কোওপরেতিবশিংনা মহাক্কী কন্সতিত্বেন্সী, কাশীদা পীরিবা শাফুগী মতাংদা পাউদমখি। হৌখিবা চহি 10গী মনুংদা, খোইহী পুথোকপগী চাংনা মেত্রিক তন লিশিং 75তগী মেত্রিক তন লাক্ষ 1.5তা হেনগৎখিবা অমসুং মীরমদা থাদোকপগী চাংনা মেত্রিক তন লিশিং 28তগী মেত্রিক তন লিশিং 80দা য়ৌখিবগী থৌওংশিং পল্লদুনা, প্রধান মন্ত্রীনা কোওপরেতিবনা খোইহীগী সেক্তরদা খোঙজেল য়াঙনা মায় পাক্লিবা অসিগী মতাংদা পাউদমখি। NAFED, TRIFED অমসুং স্তেত কোওপরেতিবশিংগী থৌদাংশিং শকখঙদুনা প্রধান মন্ত্রীনা মখোয়না মখোয়গে হীরমশিং পাকথোক চাউথোকহন্নবা হায়খি।
দিজিতেল পেমেন্ত অমসুং দাইরেক্ত বেনেফিত ত্রান্সফরগী কান্নবশিংদা মিৎয়েং চঙলদুনা, প্রধান মন্ত্রীনা PACSশিংনা হকথেংনবা অমসুং দিজিতেল পেমেন্তকী মথৌ য়াম্না তারি হায়খি। মখোয়না সোইল তেস্তিংগী মতাংদা মাঙ থানা থোক্লক্তুনা সোইল হেল্থ কার্দকী কেম্পেনবু মায় পাকহনসি হায়না মহাক্না মখোয়গী মফমদা হায়খি।
কোওপরেতিবতা নহা অমসুং নুপীশিংনা শরুক তম্বগী চাং হেনগৎলক্লিবা অসিবুসু প্রধান মন্ত্রীনা শকখঙখি। মহাক্না কোওপরেতিবকা মরী লৈনবা লৌমীশিংদা সোইল হেল্থ য়েংশিন্দুনা মরী লৈনবা পোত্থোক পুথোকপগী মতাংদা তাকপীফম থোকই হায়খি। মসিনা অনৌবা ফিভম অমা শেম্বগা লোয়ননা সেক্তর অসিদা অনৌবা ইনোৎ হাপকনি, মহাক্না হায়খি। কোওপরেতিব সেক্তর মনুংদা স্কিল দিভেলপমেন্ত অমসুন ত্রেনিংগী মতাংদা খঙহনফম থোকই হায়বসিদা প্রধান মন্ত্রীনা অহেনবা মিৎয়েং চঙখি। “PACS অমসুং কোওপরেতিব সোসাইতীশিংনা মখোয় মশেলদগী তম্নবগী মথৌ তাই”, প্রধান মন্ত্রীনা হায়রদুনা খ্বাইদগী ফবা থৌওং শেয়র তৌননবা পোর্তেল অমা শেম্বা, মসিগুম্বা থৌওংবু মীওই মশিং য়াম্বদা য়ৌহন্নবা ওনলাইন ত্রেনিং সীস্তেম অমসুং মোদ্যুল শেম্বা হায়বসিসু য়াম্না মথৌ তারি হায়না মখা তাখি। এস্পিরেস্নেল দিস্ত্রিক্ত প্রোগ্রামগী মতাংদা পাউদম্লদুনা, প্রধান মন্ত্রীনা জিলাশিংগী মরক্তা হেলথী ওইবা কম্পিতিসন লৈহনবগী মথৌ তাই অমসুং মসিগুম্বা মান্নবা থৌওং কয়াসু কোওপরেতিব সেক্তরদা পুশিনবগী মথৌ তাই হায়না পাউদমখি। মীয়াম্না থাজবা হেনগৎহন্নবা, কোওপরেতিবকী লুপকী ওইবা মীহুৎ খনবদা নুং পান ফাওনা উহনবগী মরু ওইবদসু মহাক্না পনখি।
কোওপরেতিব সোসাইতীশিংবু নুংঙাই য়াইফবগী য়ুম্ফম অমা ওইহন্নবা সরকারনা হোৎনরিবা কয়াগী মতাংদা প্রধান মন্ত্রীনা পল্লদুনা লুপা করোর 1দগী লুপা করোর 10 ফাওবগী চাগা তানবা কোওপরেতিব সোসাইতীশিংগী সেতা চাদা 12তগী চাদা 7দা হন্থখিবগী মতাংদা পাউদমখি। মসিনা কম্মিত্তীশিংগী কেপিতেল হেনগৎহনখ্রে অমসুং কম্পেনী অমা ওইনা তুংলমচত্তা চঙশিনবগী অনৌবা লম্বী কয়াসু হাংদোক্লি। কোওপরেতিব সোসাইতী অমসুং কম্পেনীশিংগী মরক্তা অলতর্নেতিব তেক্সকী মীচঙ মীখাই নাইবগী ৱাফম পুথোক্লদুনা, প্রধান মন্ত্রীনা সোসাইতীশিংগী খ্বাইদগী নেম্বা অলতর্নেতিব তেক্সকী চাংবু চাদা 18.5তগী চাদা 15দা হন্থহনখিবা, মসিনা মরম ওইরগা কোওপরেতিব সোসাইতী অমসুং কম্পেনীশিংগী মরক্তা চপ মান্নবা মিৎয়েং য়েংলকখিবা অসিগী মতাংদা পাউদমখি। শেল লৌথোকপা মতমদা মাইয়োক্নবা TDSকী হীরমগী ৱারোইশিন পুরকপা ওইনা, শেল লৌথোকপা য়াবগী অকক্নবা শেনফম্বু চহিদা লুপা করোর 1দগী লুপা করোর 3 ফাওবা হেনগৎখিবা অসিগী মতাংদা প্রধান মন্ত্রীনা পনখি। প্রধান মন্ত্রীনা মহাক্কী ৱারোল লোইশিনবা ওইনা, কোওপরেতিবকীদমক্তা পুন্না হোৎনরিবা অসিনা লৈবাক মনুংগী পাঙ্গলশিং পুনশিন্দুনা চাউখৎ থৌরাংগী খুদোংচাবা কয়া হাংদোকপা ঙমগনি হায়বগী থাজবা লৈ হায়না ফোংদোকখি।
হোম এফিয়র্স অমসুং কোওপরেসনগী কেন্দ্র মন্ত্রী, শ্রী অমিত শাহ; লৌউ-শিংউগী কেন্দ্র মন্ত্রী, শ্রী অর্জুন মুন্দা অমসুং কম্মর্স্কী কেন্দ্র মন্ত্রী, শ্রী পিয়ুশ গোয়লসু ঙসিগী থৌরমদা শরুক য়াখি।
বেকগ্রাউন্দ
মশক নাইরবা প্রোজেক্তশিং অসি লুপা করোর 2500 হেন্না কাইথোক্তুনা অয়াবা পীখিবনি। থৌওংশিং অসিদা লৈবাক্কী মথৌ পাংথোক্লিবা PACS খুদিংমকপু ইন্তরপ্রাইস রিসোর্স প্লান্নিং (ERP)দা য়ুম্ফম ওইবা নেস্নেল সোফৱেয়র অমদা ওনশিনবা, ইনিতিগ্রেসন অমসুং কন্নেক্তিবিতী ফগৎহনবা য়াওরি। PACSশিং অসিবু স্তেত কোওপরেতিব বেঙ্ক অমসুং দিস্ত্রিক্ত সেন্ত্রেল কোওপরেতিব বেঙ্কশিংগী খুত্থাংদা NABARDকা পুনশিন্দুনা, প্রোজেক্ত অসিনা PACSকী থবক তৌবগী মওং অমসুং চলায়বগী মতৌ ফগৎহন্নবা হোৎনরি। মসিনা অপীকপা অমসুং মশিং য়ামজদবা লৌমী করোর কয়াদা কান্নবা পীগনি। NABARDনা প্রোজেক্ত অসিগীদমক্তা নেস্নেল লেভেল কম্মন সোফৱেয়র অমসু PACSনা মথৌ তারিবা লৈবাক পুম্বগী শিংনবা কয়া য়েংলগা শেমখ্রবনি। ERP সোফৱেয়র অসিদা PACS 18,000 ওনবোর্দ তৌবা লোইখ্রে অমসুং প্রোজেক্ত চলায়বগী হীরমদা নীংথিনা মায় পাক্লি।
खेती और किसानी की नींव को मजबूत करने में सहकारिता की शक्ति की बहुत बड़ी भूमिका है: PM @narendramodi pic.twitter.com/lc0ekfD9uR
— PMO India (@PMOIndia) February 24, 2024
आज हमने अपने किसानों के लिए दुनिया की सबसे बड़ी स्टोरेज स्कीम या भंडारण स्कीम शुरू की है: PM @narendramodi pic.twitter.com/9AQVp95hw0
— PMO India (@PMOIndia) February 24, 2024
सहकार, देश की अर्थव्यवस्था के, खासकर ग्रामीण और कृषि से जुड़ी अर्थव्यवस्था के कायाकल्प का एक प्रमाणिक तरीका है। pic.twitter.com/of4EfzXWYi
— PMO India (@PMOIndia) February 24, 2024
आज देश में भी डेयरी और कृषि में सहकार से किसान जुड़े हैं, उनमें करोड़ों की संख्या में महिलाएं ही हैं। pic.twitter.com/SgJTT3qKiq
— PMO India (@PMOIndia) February 24, 2024
विकसित भारत के लिए भारत की कृषि व्यवस्थाओं का आधुनिकीकरण भी उतना ही जरूरी है। pic.twitter.com/S932SO5oQO
— PMO India (@PMOIndia) February 24, 2024
आत्मनिर्भर भारत बनाए बिना, विकसित भारत बनाना संभव नहीं है। pic.twitter.com/Y0gc96x48V
— PMO India (@PMOIndia) February 24, 2024
हमें अपने मिलेट्स, यानि श्री अन्न ब्रांड को दुनिया के डाइनिंग टेबल तक पहुंचाना है: PM @narendramodi pic.twitter.com/SbhCkK1lm0
— PMO India (@PMOIndia) February 24, 2024
