Quoteলুপা করোর লিশিং 20,000 হেনবগী পি.এম. কিসানগী 17শুবা ইন্সতোলমেন্ত য়েন্থোকখ্রে
Quoteসেল্ফ হেল্প গ্রুপকী নুপী 30,000 হেনবগী মফমদা কৃষি শখী ওইনা গ্রান্ত সর্তিফিকেত য়েন্থোকখ্রে
Quote“কাশীগী মীয়াম্না ঐহাকপু মখোয়গী মীহুৎ ওইনা অহুম্লক শুবা ওইনা থাগৎপীদুনা ঐহাকপু থৌজানবীরি”
Quote“মীয়াম্না খল্লবা সরকার অমনা থংন-থংননা অহুম্লক শুবা ওইনা হল্লকপা হায়বসি মালেমগী গনতন্ত্র চৎপা লৈবাকশিংদা য়াম্না তোয়না উবা নত্তে”
Quote“21শুবা চহি চা অসিদা ভারতপু শেন্মিৎলোনগী খ্বাইদগী পাঙ্গল লৈবা শক্তি ওইহনবদা লৌউ-শিংউগী অপুনবা পথাপকী অচৌবা থৌদাং লৈরি”
Quote“পি.এম. কিসান সম্মান নিধীনা মালেমগী খ্বাইদগী চাউবা দাইরেক্ত বেনেফিৎ ত্রান্সফর স্কিম অমা ওইরক্লে”
Quote“অচুম্বা বেনেফিশরী খুদিংদা পি.এম. কিসান সম্মান নিধীগী কান্নবা য়ৌহনবদা তেক্নোলোজী নীংথিজনা শিজিন্নখিবা অসিদা ঐহাক্না নুংঙাইবা ফাওই”
Quote“মালেমগী চাক-চাফম তেবল খুদিংদা ভারতকী হৱাই চেংৱাই নত্ত্রগা চিঞ্জাক্কী পোত্থোক খরা শোইদনা য়াওহনবা হায়বসি ঐহাক্কী মঙলান্নি”
Quote“ইমা অমসুং ইচে ইচল য়াওদনা লৌউবা হায়বসি ৱাখলনা লাম্বা ফংদে”
Quote“বনস দাইরী লাক্লবা তুংদা, বনারসকী শঙ্গোম পুথোকপা মীওই কয়াগী চাগান
Quoteলৈবাক শিনবা থুংবগী লৌমীশিংনা থৌরম অসিদা তেক্নোলোজীগী খুত্থাংদা শরুক য়াখি।

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী ভরানসীদা পাংথোকপা কিসান সম্মান সম্মেলন্দা ৱা ঙাঙখিবগা লোয়ননা লৌমী বেনেফিশরী করোর 9.26কী মফমদা লুপা করোর লিশিং 20,000 হেনবগী শেনফম্বু পি.এম. কিসান সম্মান নিধী (পি.এম.-কিসান)গী 17শুবা ইন্সতোলমেন্ত ওইনা দাইরেক্ত বেনেফিত ত্রান্সফরগী খুত্থাংদা য়েন্থোকখি। থৌরম অসিগী মনুংদা মহাক্না সেল্ফ হেল্প গ্রুপকী নুপী 30,000 হেনবগী মফমদা কৃষি শখী ওইনা গ্রান্ত সর্তিফিকেতশু য়েন্থোকখি। লৈবাক শিনবা থুংবগী লৌমীশিংনা থৌরম অসিদা তেক্নোলোজীগী খুত্থাংদা শরুক য়াখি।

প্রধান মন্ত্রীনা ঙসি তিনখিবা মীয়ামদা ৱা ঙাঙবদা মহাক্না পার্লিয়ামেন্তকী মীখলদা মায় পাক্লবা মতুংদা চৎলিবা মহাক্কী অহানবা খোঙচৎ অসিদা কাশীগী মীয়ামদা য়াইফ পাউজেল পীখি। মহাক্না মখোয়বু মহাকপু অহুমশুবা ওইনা খনবগীদমক্তা থাগৎপা ফোংদোকখি। “হৌজিক্তি ইমা গঙ্গা ফাওবনা ঐহাকপু নাওকোনবীরে হায়না লৌজরে অমসুং ঐহাকশু কাশী মচা ওল্লে”, তৌবীমল খঙলবা পি.এম. মোদীনা হায়খি।

 

|

হন্দক্তা লোইশিনখিবা 18শুবা লোক সভাগী মীখলনা পাক চাউবা, তৌবা ঙম্বগী মতিক, পুম্নমক মনুং চনবা অমসুং ভারতকী গনতন্ত্রগী মরা চেৎপগী মতৌ উৎখি অমসুং মালেমগী মাঙদা উৎখি হায়না প্রধান মন্ত্রীনা হায়খি। মীখল অসিদা ভোতর করোর 64 হেনবনা ভোৎ থাদখি অমসুং মীয়াম্না থৱাই য়াওনা শরুক য়াখি হায়না পল্লদুনা, প্রধান মন্ত্রীনা মসিগুম্বা পাক চাউবা মীখল অসি মফম অমত্তদা পাংথোকখিদ্রি হায়না পাউদমখি। ইতালীদা পাংথোকখিবা G7 সম্মিতকী মহাক্কী খোঙচৎ নীংশিংলদুনা, প্রধান মন্ত্রীনা ভারত্তা লৈরিবা ভোতর মশিং অসি G7 লৈবাক অপুনবগী মীশিংদগী অমগা তংখায় হেল্লি অমসুং য়ুরোপিয়ন য়ুনিয়নগী মেম্বর লৈবাক অপুনবগী মীশিংদগী চাউরাক্না শরুক অনিগা মখায় হেল্লি হায়না পাউদমখি। নুপী ভোতর মশিং করোর 31না মীখল অসিদা মশিং য়াম্না শরুক য়াখিবা অসিবু পি.এম. মোদীনা পল্লদুনা মসিনা মালেমগী ওইনা লৈবাক অমগী নুপী ভোতর মশিং খ্বাইদগী য়াম্বনি হায়না ফোংদোকখি। মশিং অসি USAগী অপুনবা মীশিংগা মান্নগে তৌরে হায়না মহাক্না মখা তাখি। “ভারতকী গনতন্ত্রগী মপাঙ্গল অমসুং নীংথিবা মতৌনা মালেমগী পুক্নিং চীংশিনবতা নত্তনা শাফু অমশু পীরিবনি”, শ্রী মোদীনা হায়খি। গনতন্ত্রগী কুহ্মৈ অসিদা শরুক য়াবা অমসুং মসিবু নীংথিনা মায় পাকহনবগীদমক্তা মহাক্না কাশীগী মীয়াম্বু থাগৎখি। “ভরানসীগী মীয়াম্না পার্লিয়ামেন্তকী মীহুৎ অমখক খনবা নত্তে, মখোয়না লৈবাক্কী প্রধান মন্ত্রী অমা খল্লিবনি”, প্রধান মন্ত্রীনা তৌবীমল খঙবা উৎলদুনা হায়খি।

মীয়াম্না খন্দুনা লৈরবা সরকার অমনা অহুম্লক শুবা ওইনা হল্লকপা হায়বসিনা মীখলগী কাঙলোনশিং অসিবু “মমাংদা অমুক্তা থোকখিদ্রিবা” থৌওং অমা ওইহল্লে, প্রধান মন্ত্রীনা মসিদি মালেমগী গনতন্ত্রশিংগী মরক্তা য়াম্না তাঙনা থোকপা থৌদোক অমনি পল্লদুনা হায়খি। “মসিগুম্বা হেত-ত্রিক অসি ভারত্তা চহি 60গী মমাংদা থোকখ্রে”, প্রধান মন্ত্রীনা হায়খি। “নহাশিংগী অপাম্বা য়াম্না ৱাংবা ভারতকুম্বা লৈবাক অমদা সরকার অমনা চহি 10 লৈঙাক্লবা মতুংদা অমুক্কা হন্না শক্তি পায়রকপা হায়বসি য়াম্না চাউবা মায় পাকপনি অমসুং থাজবা য়াম্না লৈরে হায়বগী খুদম্নি। অদুগা অদোম্না থম্লিবা থাজবা অসিনা ঐহাক্কী খ্বাইদগী চাউবা লন্নি অমসুং মসিনা লৈবাকপু অনৌবা অৱাংবা থাক্তা পুখৎপদা ঐহাক্কী পাঙ্গল ওইগনি”, মহাক্না মখা তাখি।

 

|

প্রধান মন্ত্রীনা লৌমী, নারীশক্তি, নহা অমসুং লাইরবশিংবু চাউখৎপা ভারতকী য়ুম্বীনি হায়না য়াম্না মরু ওইনা লৌরিবা অসিবু অমুক্কা হন্না পল্লদুনা সরকার শেম্লবা মতুংদা লৌখিবা খ্বাইদগী অহানবা ৱারেপ অসি লৌমী অমসুং লাইরবশিংগী মতাংদা ওইখি হায়না নীংশিংখি। পি.এম. অৱস য়োজনাগী মখাদা লৈরিবা অহেনবা ইমুং করোর 3 অমসুং পি.এম. কিসান সম্মান নিধীগী ইন্সতোলমেন্তকা মরী লৈনবা ৱারেপ অসিনা লৈবাক্কী মীওই করোর কয়াদা তেংবাংগনি হায়না প্রধান মন্ত্রীনা হায়খি।

প্রধান মন্ত্রীনা থৌরম মফমদা তিনখিবা অমসুং তেক্নোলোজীগী খুত্থাংদা থৌরম অসিদা শরুক য়াখিবা লৌমীশিংবু থাগৎখি। লৌমী করোর কয়াগী একাউন্ততা লুপা করোর 20,000 হাপখিবা অদুবুশু মহাক্না পনখি। ‘লাক্ষপতি দিদি’ করোর 3 শেম্বগী মায়কৈদা পায়খৎপা পাঙ্গল লৈরবা খোঙথাং ওইরিবা কৃষি সখীগী মতাংদশু মহাক্না পাউদমখি। খোঙথাং অসিনা নুপীশিংগী পুন্সিবু হেন্না ইকায় খুম্নবা অমসুং বেনিফিশরী নুপীশিংগী চাগা তানফম শোইদনা লৈহনগনি হায়না প্রধান মন্ত্রীনা হায়খি।

“পি.এম. কিসান সম্মান নিধীনা মালেমগী খ্বাইদগী চাউবা দাইরেক্ত বেনেফিৎ ত্রান্সফর স্কিম অমা ওইরক্লে”, প্রধান মন্ত্রীনা হায়খি অমসুং লৌমী করোর কয়াগী একাউন্ততা হাপখিবা লুপা করোর লাক্ষ 3.25কী মনুংদগী লুপা করোর 700তি ভরানসীগী ইমুংখক্তদা হাপখিবনি হায়না মহাক্না মখা তানা হায়খি। মতিক চাবা বেনেফিশরীশিংগী মফমদা খুদোংচাবা য়ৌহনবদা তেক্নোলোজী শিজিন্নখিবগী মতৌবু প্রধান মন্ত্রীনা থাগৎখি অমসুং পি.এম. কিসান স্কিমগী মখাদা লৌমী করোর 1 হেনবনা মশাবু রেজিস্তর তৌবা য়াহনখিবা বিকশিৎ ভারত সঙ্কল্প য়াত্রাবুশু মহাক্না মায় পাকপা অসিগী মরম অমনি হায়না ফোংদোকখি। মীয়ামগী খুদোংচাবা হেনগৎহন্নবগীদমক্তা মরী লৈনবা কাঙলোন কয়া লাইথোকহনখিবনি হায়না মহাক্না মখা তাখি। “অনীংবা অমসুং অপাম্বনা মফম মতম চানবু লৈরবদি লৌমীশিংগী য়াইফ য়ুম্বালগা মরী লৈনবা থবকশিং অসি খোঙজেল য়াঙনা পায়খৎপা ঙম্বনি”, শ্রী মোদীনা মখা তাখি।

21শুবা চহি চা অসিদা ভারতপু মালেমগী খ্বাইদগী অহুমশুবা চাউবা শেন্মিৎলোন ওইহনবদা এগ্রি-ইকোসীস্তেম্না য়াগদবা থৌদাংগী মতাংদা পল্লদুনা, পি.এম. মোদীনা মালেমগী থাক্তা মিৎয়েং য়েংবা অমসুং হৱাই অমদি থাউ থোকপা মরুগী মতাংদা অথুবা মতমদা মরোমদোম লেপচবা ঙম্বগী তঙাই ফদবা লৈ হায়না মহাক্না অহেনবা মিৎয়েংশু থমখি। মরু ওইবা এগ্রি এক্সপোর্তর অমা ওইবগী তঙাই ফদবদশু মহাক্না মিৎয়েং চঙখি। লমদমসিগী মশাগী পোত্থোকশিংনা মালেমগী কৈথেলদা মফম কনবা ঙম্লে অমসুং জিলা খুদিংদা লৈরিবা ৱান দিস্ত্রিক্ত ৱান প্রদক্ত স্কিম অমসুং এক্সপোর্ত হবশিংগী খুত্থাংদা এক্সপোর্ত্তা শাফু অমশু পীরি হায়না মহাক্না পনখি। “মালেমগী চাক-চাফম তেবল খুদিংদা ভারতকী হৱাই চেংৱাই নত্ত্রগা চিঞ্জাক্কী পোত্থোক খরা শোইদনা য়াওহনবা হায়বসি ঐহাক্কী মঙলান্নি”, মহাক্না মখা তাখি অমসুং লৌউ-শিংউগী লমদা লৈগদবা জিরো দিফেক্ত-জিরো ইফেক্তকী ৱাফমদশু মহাক্না মরু ওইবা পীখি। মিল্লেত, হর্বেল পোত্থোক অমসুং নেচরেল ফার্মিংবু শৌগৎনবগীদমক্তা কিসান সমিধী কেন্দ্রশিংগী খুত্থাংদা চাউরবা নেতৱর্ক অমা শেম্লে হায়না মহাক্না ফোংদোকখি।

 

|

মশিং য়াম্লবা নুপীশিংনা শরুক য়ারিবা অসিবু পল্লদুনা, মখোয়না লৌউ-শিংউবদা তেংবাংলিবা অমসুং মরু ওইরিবা অসিগী মতাংদা পল্লদুনা মখোয়না তেংবাংবগী থৌওং হেনগৎহন্নবগীদমক্তা লৌউ-শিংউগী থৌওং কয়া পাকথোক চাউথোকহনবগী মতাংদা প্রধান মন্ত্রীনা পাউদমখি। দ্রোন দিদি প্রোগ্রামগুম্না, কৃষি শখী হায়বসিশু মায়কৈ অসিদা পায়খৎপা খোঙথাং অমনি হায়না প্রধান মন্ত্রীনা পাউদমখি। নুপীশিংনা আশাগী থৌমী অমসুং বেঙ্ক শখী ওইনা ওইনা থৌদাং য়ারিবশিং পল্লদুনা, প্রধান মন্ত্রীনা মখোয়না কৃষি শখী ওইনা থবক তৌবগী মতৌ লৈবাক পুম্বনা উরগনি হায়খি। কৃষি শখী ওইনা সেল্ফ হেল্প গ্রুপ হেল্প গ্রুপশিংদা সর্তিফিকেত 30,000 হেন্না য়েন্থোকখ্রে অমসুং রাজ্য 11দা হৌজিক চত্থরিবা স্কিম অসিনা লৈবাক্কী এস.ঐচ.জি. লিশিং কয়াবু অমত্তা ওইনা শম্নহল্লগনি অমসুং লাক্ষপতি দিদি করোর 3 শেম্বদা মরু ওইবা থৌদাং লৌগনি হায়না প্রধান মন্ত্রীনা হায়খি।

কেন্দ্র অমসুং রাজ্য সরকারনা কাশী অমদি পুর্বাঞ্চলগী লৌমীশিংগীদমক্তা খোঙফম চেৎলিবা অসিবু প্রধান মন্ত্রীনা পাউদম্লদুনা বনস দাইরী সঙ্কুল, পেরিশেবল কার্গো সেন্তর অমসুং ইন্তিগ্রেতেদ পেক্কিং হাউসকী মতাংদা পনখি। প্রধান মন্ত্রীনা হায়খি, “বনস দাইরীনা বনারসকী অকোয়বদা লৈবা লৌমী অমসুং শন লোইবা মীওইশিংগী মরাইবক হোংহল্লে। ঙসিদি, দাইরী অসিনা নুমিৎ খুদিংগী শঙ্গোম লীতর লাক্ষ 3মুক খোম্লি। বনারসতা লৈবা শন লোইবা ইমুং লিশিং 14 হেনবনা দাইরী অসিদা রেজিস্তর তৌরি। হৌজিক্তি, বনস দাইরীনা মথংগী চহি অমগা মখায়দা শন লোইবা মীওই লিশিং 16 অমগা হাপচিল্লগনি। বনস দাইরী লাক্লবা তুংদা, বনারসকী শঙ্গোম পুথোকপা মীওই কয়াগী চাগানা লুপা লাক্ষ 5 ফাওবা য়ৌখি”।

ঙা য়োকপা লৌমীশিংগী চাগা হেনগৎহন্নবা সরকারনা পায়খৎখিবা থবকশিংগী মতাংদা পল্লদুনা, প্রধান মন্ত্রীনা পি.এম. মতস্য সম্পদা য়োজনা অমসুং কিসান ক্রেদিত কার্দকী কান্নবশিংগী মতাংদা পনখি। ভরানসীদা ঙা য়োকপগী থবক তৌরিবা মীওইশিংদা তেংবাংনবগীদমক্তা লুপা করোর 70 চঙদুনা চন্দোলীদা শেমগৎলিবা মতমগা চুনবা ঙাগী কৈথেল শারিবা অসিগী মতাংদশু মহাক্না মখা তানা পাউদমখি।

প্রধান মন্ত্রীনা পি.এম. সুর্য়ঘর মুফ বিজলী য়োজনা অসি ভরানসীদা নীংথিনা পায়খৎলিবা অসিদা নুংঙাইবা ফোংদোকখি। স্কিম অসিদা লোকেল মীয়াম চাউরাকপা লিশিং 40না রেজিস্তর তৌরি, য়ুম 2,500না সোলর পেনেল ফংনখ্রে অমসুং য়ুম 3,000গী থবক চত্থরি হায়না মহাক্না পাউদমখি। মসিনা মৈগী বিল জিরো ওইবা অমসুং বেনেফিশরী ইমুংশিংদা অহেনবা চাগা তালহন্দুনা কান্নবা অনি পীরি।

 

|

ভরানসী অমসুং মনাক নকপা খুঙ্গংশিংগী কন্নেক্তিবিতী হেনগৎহন্নবা মমাংগী চহি 10দা পায়খৎলিবা থবক কয়াগী মতাংদা পল্লদুনা, প্রধান মন্ত্রীনা ভরানসীদা লৈবা লৈবাক্কী খ্বাইদগী অহানবা রোপৱে প্রোজেক্তনা অকোনবা থাক্তা য়ৌশিল্লে, ঘাজিপুর, অজমগর অমসুং জোনপুর শহরশিং শম্নবা রিং রোদ, ফুলৱারিয়া অমসুং চৌকাঘাত ফ্লাইওভর লোইশিল্লক্লিবা, কাশী, ভরানসী অমসুং কেন্ত রেলৱে স্তেসনশিংগী অনৌবা শক্তম অমা পীরিবা, বাবতপুর এয়রপোর্তনা এয়র ত্রাফিক অমসুং কারবারদা হেন্না নুংঙাইহল্লিবা, গঙ্গা ঘাত পরিংদা পাংথোক্লিবা চাউখৎ থৌরাং, বনারস হিন্দু য়ুনিভর্সিতীদা অনৌবা খুদোংচাবা কয়া লৈহল্লক্লিবা, শহর অসিগী কুন্দ কয়া নৌনা শেমগৎলিবা অমসুং ভরানসীগী মফম কয়াদা অনৌবা পথাপ কয়া শেমগৎলিবা অসিগী মতাংদা কুপ্না পাউদমখি। কশাগী স্পোর্ত ইনফ্রাস্ত্রকচর শেমগৎলিবা অমসুং নহাশিংগী অনৌবা খুদোংচাবা কয়া পীরিবা অসিগী মতাংদশু মহাক্না পনখি।

কাশীবু লৌশিংগী কোনুং হায়না খঙনরিবা অসিগী মতাংদা পল্লদুনা, প্রধান মন্ত্রীনা হেরিতেজ শহর অমনা অর্বান দিভেলপমেন্তকী অনৌবা ৱারী অমা ইবা ঙম্বা শহর ওইদুনা মালেমগী মফমদা তাক্লিবা অসিগীদমক্তা অরীবা শহর অসিবু থাগৎখি। “চাউখৎ থৌরাং অমসুং হেরিতেজকী মন্ত্রা অসি কাশীগী মফম খুদিংদা উবা ফংলি। মসিগুম্বা চাউখৎ থৌরাং অসিনা কাশী খক্তদা কান্নবা পীবা নত্তে। অপুনবা পুর্বাঞ্চলগী ইমুংশিংনা মখোয়গী থবক অমসুং তঙাই ফদবশিংগীদমক্তা কাশীদা লাক্নরি অমসুং হায়রিবা থবকশিং অসিদশু মখোয়না তেংবাংলি”, প্রধান মন্ত্রী মোদীনা হায়খি। “বাবা বিশ্বানাথকী থৌজালদগী কাশীগী চাউখৎ থৌরাংগী মসিগুম্বা অনৌবা তাঙ্কক অসি লেপ্তনা মখা চত্থখিগনি”, প্রধান মন্ত্রীনা মহাক্কী ৱারোল লোইশিনখি।

উত্তর প্রদেশকী রাজ্যপাল, শ্রীমতি আনন্দীবেন পতেল, মুখ্য মন্ত্রী, শ্রী য়োগী অদিত্যনাথ, লৌউ-শিংউ অমসুং লৌমীশিংগী য়াইফ থৌরাংগী কেন্দ্র মন্ত্রী, শ্রী শিবরাজ শিংহ চৌহান, লৌউ-শিংউ অমসুং লৌমীশিংগী য়াইফ থৌরাংগী কেন্দ্রগী রাজ্য মন্ত্রী, শ্রী ভগীরথ চৌধরী, উত্তর প্রদেশকী উপ মুখ্য মন্ত্রী, শ্রী কেশব প্রসাদ মৌর্য় অমসুং শ্রী ব্রিজেশ পত্নাইক্কা লোয়ননা উত্তর প্রদেশ সরকারগী মন্ত্রীশিংনা অতোপ্পা মীথুংলেন কয়াগা লোয়ননা ঙসিগী থৌরমদা শরুক য়াখি।

বেকগ্রাউন্দ

3শুবা তার্মগী প্রধান মন্ত্রী ওইনা ৱাশক লৌরবা মতুংদা, লৌমীশিংগী য়াইফনবা থবক পায়খৎনবা সরকারনা পীখিবা থাজবশিং থবক্তা পাংথোকপা ওইনা পি.এম কিষান নিধিগী 17শুবা ইন্সতোলমেন্ত থাদোক্নবা অয়াবা পীবা ওইনা প্রধান মন্ত্রীনা মহাক্কী অহানবা ফাইল খুৎয়েক পীখি। থাজবা পীখিবা অদুগী মতুংইন্না, দাইরেক্ত বেনিফিত ত্রান্সফরগী খুৎথাংদা প্রধান মন্ত্রী কিষান সম্মান নিধিগী মখাদা লৌমী করোর 9.26 রোমদা লুপা করোর 20,000 হেনবগী 17শুবা ইন্সতোলমেন্ত প্রধান মন্ত্রীনা থাদোক্কনি। হৌজিক ফাওবদা পি.এম-কিষানগী মখাদা খুদোংচাবা ফংবা য়ারবা লৌমীশিংগী ইমুং করোর 11 হেনবা লুপা করোর লাখ 3.04 হেন্না ফংখ্রে।

 

|

থৌরম মনুংদা, প্রধান মন্ত্রীনা নুপীশিংগী সেল্ফ হেল্প গ্রুপ 30,000 হেনবদা কৃষি শখিশিং ওইনা শক্তাকচেশিং য়েন্থোক্কনি। খুঙ্গংগী নুপীশিং কৃষি শখিশিং ওইনা শক্তি পীদুনা কৃষি শখি কনভর্জেন্স প্রোগ্রাম(কে এস সি পি)না ভারতকী খুঙ্গং অওনবা পুরক্নবা পান্দম থম্লি। থৌরম অসিগী মখাদা নুপীশিং কৃষি শখিশিং নত্ত্রগা পেরা-এক্সতেন্সন ৱার্করশিং ওইনা ত্রেনিং পীরি অমসুং শক্তাকচেশি পীরি। মসিগী সর্তিফিকেসন কোর্স অসি “লাখপতি দিদি” থৌরমগী শরুক অমা ওইনা পাংথোকপনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Harish Bedi January 22, 2025

    My Prime Minister My Pride ✌🏻✌🏻👏🏻👏🏻🪷🪷👌🏻👌🏻
  • Jitender Kumar BJP Haryana State President November 22, 2024

    Village Musepur
  • Rohit Pradhan October 31, 2024

    my prime minister my Pride
  • Vivek Kumar Gupta September 01, 2024

    नमो ...🙏🙏🙏🙏🙏
  • Vivek Kumar Gupta September 01, 2024

    नमो ..................🙏🙏🙏🙏🙏
  • Aseem Goel August 26, 2024

    🙏🙏🙏
  • Sandeep Pathak August 22, 2024

    jai shree Ram
  • ओम प्रकाश सैनी August 19, 2024

    ram ji
  • ओम प्रकाश सैनी August 19, 2024

    ram
  • ओम प्रकाश सैनी August 19, 2024

    Jai shree ram
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Rs 1,555 crore central aid for 5 states hit by calamities in 2024 gets government nod

Media Coverage

Rs 1,555 crore central aid for 5 states hit by calamities in 2024 gets government nod
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 ফেব্রুৱারি, 2025
February 19, 2025

Appreciation for PM Modi's Efforts in Strengthening Economic Ties with Qatar and Beyond