ঙসি প্রধান মন্ত্রী শ্রী নরেন্দ্র মোদীনা নিউ দিল্লিদা কাউসিল্যা ইকোনোমিক কনক্লেপতা ৱা ঙাংখ্রে। ফাইনান্স মিনিস্ত্রিনা ইন্সতিতুৎ ওফ ইকোনোমিক গ্রোথকা লোয়ননা শীন্নবা কাউসিল্যা ইকোনোমিক কনক্লেপ অসিনা গ্রিন ত্রান্সিসনগী শেন থাদবা, চাউখৎপদা জিও-ইকোনোমিক্কী চৈথেংশিং, অৱা-অনা থেংনবা ঙম্নবা থৌশিল শেম্নবা প্রিন্সিপালশিং হায়রিবা থিমশিং অসিদা মীৎয়েং চঙগনি।
থৌরম অদুদা তিনখিবা মীয়ামদা ৱা ঙাংবদা, ৩শুবা কাউসিল্যা ইকোনোমিক কনক্লেপতা শরুক য়াবগীদমক প্রধান মন্ত্রীনা তৌবীমল খঙবা ফোঙদোকখি। মহাক্না হায়খি মদুদি ইকোনোমিগা মরী লৈনবা তোঙান-তোঙানবা ৱাফমশিং খন্ননবা নুমিৎ হুম্নি মীফম অসিদা তোঙান-তোঙানবা সেসনশিং পাংথোক্কনি। খন্ন-নৈবশিং অসিনা ভারতকী চাউখৎপা মতেং পাংগনি।
প্রধান মন্ত্রীনা হায়খি মালেমগী মরুওইবা মফম অনিদা লাল অমা শোক্নরিঙৈদা মীফম অসি পাংথোক্লি। মালেমগী ইনর্জি ৱাৎতনা ফংহন্নবা অমসুং মালেমগী ইকোনোমিগীদমক লমদমশিং অসি য়াম্না মরুওই। মালেমগী তম্বা ঙমদবা ফিবম অমদা, ঐখোয়না মফম অসিদা ভারতকী যুগকী খন্ন-নৈনরি। হৌজিক মালেম্না ভারত্তা থাজবা হেনগৎলক্লে অমসুং লৈবাক অসিনা মশানা মশাবু থাজবা হেনগৎলে।
প্রধান মন্ত্রীনা হায়খি ঙসি ভারত মালেমদা য়াংনা চাউখৎলক্লিবা অচৌবা ইকোনোমি ওইরে। হৌজিক ভারত জি.দি.পি তার্মদা ৫শুবা খ্বাইদগী চাউবা ইকোনোমি ওইরি। মালেমগী ওইনা ফিনতেক শীজিন্নবগী চাংদা ভারত মকোক্তা লৈরি অমসুং স্মার্দফোন দেতা শীজিন্নবগী তার্মদা ভারত মকোক্তা লৈরি। ইন্তরনেত শীজিন্নবা মীওইশিংগী তার্মদা ভারত অনিশুবা লৈরি অমসুং মালেমগী ওইনা খুদক্তা পাংথোকপা দিজিতেল ত্রান্সসেক্সনশিংগী তঙ্খায় অমরোম ভারত্তা পাংথোক্লি। হৌজিক ভারত্তা মালেমদা অহুমশুবা খ্বাইদগী চাউবা স্তার্দ-অপ ইকোসিস্তেম লৈরি অমসুং রিন্যুএল ইনর্জি পুথোকপগী লমদা লৈবাক অসি মরিশুবা মফমদা লৈরি। ভারত মালেমদা মোবাইল শাবগী অনিশুবা খ্বাইদগী চাউবা লৈবাক ওইরে অমসুং চকা অনি পানবা গারি অমসুং ত্রেক্তরশিং খ্বাইদগী য়াম্না শাবা লৈবাক ওইরে। ভারত মালেমদা খ্বাইদগী নহা ওইরিবা লৈবাক্নি। ভারত মালেমদা সাইন্তিস্তশিং অমসুং তেক্নিসিয়ানগী খ্বাইদগী য়াম্না লৈবা অহুমশুবা লৈবাক ওইরে অমসুং সাইন্স ওইগেরা, তেক্নোলোজি নত্ত্রগা ইন্নোবেসন ওইগেরা, ভারতনা হৌজিক অফবা মফম অমা কল্লে।
প্রধান মন্ত্রীনা হায়খি সরকারনা রিফোর্ম, পরফোর্ম অমসুং ত্রান্সফোর্মগী লাইৱা শীজিন্নরি অমসুং লৈবাক অসি চাউখৎনবা মখা তানা ৱারেপশিং লৌরি। সরকারনা পায়খৎলিবা থবকশিং অসিনা মরম ওইদুনা চহি ৬০গী মতুংদা সরকার অমা থংন-থংননা অহুমলকশুবা ওইনা অমুক হন্না খল্লে। মখোয়গী পুন্সিদা অফবা অওনবশিং পুরকপদা লৈবাক অসি অচুম্বা লম্বীদা চৎলি হায়না মীয়াম্না থাজরে। মসিগী ৱাখল্লোন অসি ভারতকী মীয়ামগী অপাম্বদা উবা ফংলে অমসুং লৈবাক অসিগী মীওই করোর ১৪০গী থাজবা অসি সরকার অসিগী মমল য়াম্লবা লন অমনি। ভারত চাউখৎনবা সরকারনা ঐখোয়গী থবক-থৌরমশিংদা অওনবশিং পুরক্নবা থবক পায়খৎলে। সরকার অসিগী অহুমশুবা তার্মগী অহানবা নুমিৎ ১০০দা অখন্নবা থবক কয়া পায়খৎলে। থৌশিলশিং অহোংবা পুরক্লে থবকশিং ফংহন্নবা অকনবা থবকশিং পায়খৎলে, তুংকোইনা চাউখৎনবা অমসুং ইন্নোবেসনদা মীৎয়েং থম্লে, অনৌবা ইনফ্রাস্ত্রকচর, পুন্সি মহিং য়াংনা ফগৎলে। মসি অহানবা থা অহুমগী ঐখোয়গী থৌশিলশিংগী মমি অমনি। হায়রিবা মতম অসিগী মনুংদা লুপা করোর লাখ ১৫ রোমগী ৱারেপশিং লৌখ্রে। লৈবাক অসিদা ইন্দস্ত্রিগী মফম ১২ শেমগৎনবা য়াওনা, ভারত্তা অচৌবা ইনফ্রাস্ত্রকচর প্রোজেক কয়াগী থবকশিং হৌরে অমসুং অনৌবা য়ুম করোর ৩ শানবা অয়াবা পীখ্রে।
শ্রী মোদীনা হায়খি মীওই কাংলুপ খুদিংমক কোনশিনবগী ভারতকী ৱাখল্লোন অসি ভারতকী চাউখৎপগী ৱারিগী অতোপ্পা শিংথানিঙাই ওইবা মরম অমনি। চাউখৎলকপা মতমদা থোং মান্নদবা হেনগৎলকই হায়না ঐখোয়না মমাঙদা থাজনরমখি, অদুবু মসিগী ওন্ন-তৈনবদা, ভারত চাউখৎলকপগা লোয়ননা মীওই কাংলুপ খুদিংমক কোনশিনবা হেনগৎলক্লে। হৌখিবা চহি ১০দা মীওই করোর ২৫ লায়রবা কোক্লে। ভারত য়াংনা চাউখৎলকপগা লোয়ননা, থোং মান্নদবা হন্থহন্নবা অমসুং মীওই খুদিংমক চাউখৎপগী কান্নবশিং ফংনবা সরকারনা থবক পায়খৎলে।
ঙসি ভারতকী চাউখৎপা অসিগা মরী লৈনবা মমাঙদা লাউথোকখিবশিং পল্লদুনা, প্রধান মন্ত্রীনা হায়খি মদুদি ভারতনা মাঙলোমদা চঙশিল্লিবা মাইকৈ অদুদা মখোয়গী থাজবা লৈখি অমসুং মসি হৌখিবা চয়োলশিং অমসুং থাশিংগী দেতানা মতেং পাংলে। হৌখিবা চহিদা মাঙজৌননা লাউথোকখিবা খুদিংদগী ভারতনা ইকোনোমি হেন্না ফগৎলে। ইন্সতিতুসন খুদিংমক, ৱার্ল্দ বেঙ্ক ওইগেরা নত্ত্রগা মুদি ওইগেরা, ভারতকা মরী লৈনবা মখোয়না মাঙজৌন্না লাউথোকপশিং হেন্না ফগৎলে। ইন্সতিতুসনশিং অসিনা হায়রি মদুদি মালেমগী লৈতাদবা কয়া লৈজরবশু, ভারত সেবেন প্লসকী রেত অমদা মখা তানা চাউখৎকনি। ভারতনা মসিদগী হেন্না ফজনা পাংথোক্কনি হায়না ঐখোয় ভারতমচাশিংনা মপুংফানা থাজবা থম্লি। ভারতকী থাজবা অসিগী অচৌবা মরম খর লৈরি। মসি মেনুফেকচরিং নত্ত্রগা সর্বিস সেক্তর ওইবা য়াই, ঙসিদি ভারত অসি মালেম্না শেন থাদনবগী খ্বাইদগী ফবা মফম অমনি হায়না লৌনরে। মসি মপা চানবা অমা নত্তে, মসি হৌখিবা চহি ১০দা ভারতকী মেক্রোইকোনোমিক ফন্দামেন্তেলশিংদা অচৌবা অওনবশিং পুরকখিবগী ফল অমনি।
অওনবশিং পুরকখিবা থৌদোক অমগী মতাংদা, শ্রী মোদীনা হায়খি মদুদি ভারতকী বেঙ্কিংগী অওনবশিংনা বেঙ্কশিংগী শেন-থুমগী ফিবম ফগৎহনবা খক নত্তনা, মখোয়না শেন পুথোকপা ঙম্বগী শক্তিশু হেনগৎহল্লে। গুদস অমসুং সর্বিস তেক্স (জি এস তি) না কেন্দ্র অমসুং রাজ্যগী তোঙান-তোঙানবা ইন্দাইরেক্ত তেক্সশিং পুনশিল্লে অমসুং ইন্সোলভেন্সি অমসুং বেঙ্করপসি কোদ(আই বি সি) না দাইত্ব লৌবা, শেন খোমগৎপা অমসুং থবক ওইনা পাংথোক্নবগী অনৌবা ক্রেদিদ কলচর অমা শেমগৎলে। ভারতনা মাইনিং, দিফেন্স, স্পেস য়াওনা সেক্তর কয়া লনাই কম্পেনিশিং অমসুং ভারতকী নহা ওইরিবা ওন্ত্রেপ্রেনিউয়রশিংগীদমক হাংদোক্লে। মালেমগী ইনভেস্তরশিংগী খুদোংচাবশিং মরাংকাইনা পীনবা সরকারনা এফ.দি.আই পোলিসি মনিংতমহল্লে।
প্রধান মন্ত্রীনা হায়খি মদুদি পুথোক-পুশিনগী শেনফম অমসুং মতম চঙবা হন্থহন্নবা সরকারনা অনৌবা ইনফ্রাস্ত্রকচরদা মীৎয়েং চঙলে। হৌখিবা চহি ১০ অসিদা মমাঙদা অমুক্ত ওইখিদ্রিবা মওংদা ইনফ্রাস্ত্রকচরদা শেন থাদবা হেনগৎলে।
প্রধান মন্ত্রীনা হায়খি ভারতনা লেপ্তনা চৎথবা থবকশিংগী শরুক অমা ওইনা ভারতনা ‘থবক্ত অওনবশিং’ পুরক্লে। কমপ্লাইয়েন্স ৪০,০০০ হেন্না সরকারনা মুৎথৎলে অমসুং কম্পেনিস এক্ত ক্রিমিনেল ওইহন্দ্রে। ললোন-ইতিক পাংথোকপদা খুদোংথিবা ওইহনবা প্রোবিজন কয়া শেমদোক্লে অমসুং কম্পেনি অমা হৌদোক্নবা অমসুং থুপচিন্নবা ক্লিয়ারেন্সকী থবকশিং লাইথোকহন্নবা লৈবাক্কী ওইবা শিঙ্গল ৱিন্দো সিস্তেম অমা শেমগৎলে। রাজ্যগী থাক্তা ‘প্রোসেস রিফোর্মস’ য়াংখৎহন্নবা রাজ্য সরকারশিংগী পুক্নিং থৌগৎলি।
প্রধান মন্ত্রীনা হায়খি ঙসিদি ভারত্তা সেক্তর কয়াদা মেনুফেকচরিং ফগৎহন্নবা প্রদক্সন লিঙ্ক ইন্সেন্তিপশিংগী কান্নবা ফংলে। পোৎথোক হেনগৎহন্নবা হৌখিবা চহি ৩ দা লুপা করোর লাখ ১.২৫ গী শেনফম অমদা থাদবদগী লুপা করোর লাখ ১১ রোমগী পোৎথোকশিং য়োল্লে। ভারতকী স্পেস অমসুং দিফেন্স সেক্তরশিং হাংদোক্লে। স্পেস সেক্তরদা স্তার্দ-অপ ২০০ হেন্না লৈরে অমসুং ভারতকী অপুনবা দিফেন্স মেনুফেকচরিংগী চাদা ২০ হৌজিক লনাই দিফেন্স কম্পেনিশিংদগী লাক্লে। চহি ১০গী মমাঙদা ভারত মোবাইল ফোনশিং খ্বাইদগী য়াম্না মপান লৈবাকশিংদগী পুশিল্লকপা লৈবাক অমা ওইরমখি। ঙসিদি লৈবাক অসিদা মোবাইল ফোন করোর ৩৩ হেন্না শারে। ইনভেস্তর খুদিংমক মখোয়না থাদখিবা শেনফমশিংদগী শেন্দোং য়াম্না ফংনবা ভারত্তা সেক্তর খুদিংমক্তা অফবা খুদোংচাবশিং লৈরে।
প্রধান মন্ত্রীনা হায়খি ঙসিদি, এ.আই অমসুং সেমিকন্দক্তরগুম্বা মরুওইবা তেক্নোলোজিশিংদা ভারতনা মীৎয়েং চঙলে। ভারতকী এ.আই মিসন্না এ.আইগী লমদা থিজিনবা অমসুং স্কিল অনিমক হেনগৎহনগনি। ইন্দিয়া সেমিকন্দক্তর মিসনগীদমক লুপা করোর লাখ ১.৫ থাদরে অমসুং অথুবা মতমদা ভারতকী সেমিকন্দক্তর প্লান্ত ৫ দগী মেদ ইন ইন্দিয়া চিপশিং মালেমগী মফম খুদিংমক্তা ফংহনবা হৌরগনি।
প্রধান মন্ত্রীনা হায়খি মদুদি মালেমদা খ্বাইদগী চাউবা মমল হোংবা ইন্তেলেকচুয়েল পৱার ফংফম ভারতনা ওইরে। হৌজিক ভারত্তা গ্লোবেল কেপাবিলিতি সেন্তর ১৭০০ থবক তৌরি অমসুং হৈথোই-শিংথোইরবা শীনফম কয়াগী ভারতমচাশিং থবক তৌরি। লাইরিক-লাইশু, ইন্নোবেসন, স্কিল অমসুং থিজিনবদা অকনবা মীৎয়েং অমা থমদুনা ভারতকী মখল কয়াগী মীওইশিংগী কান্নবা লৌনবা হোৎনবা অসি য়াম্না মরুওই। অনৌবা ইজুকেসন পোলিসিনা অওনবশিং পুরক্লে। হৌখিবা চহি ১০দা চয়োল খুদিংগী অনৌবা য়ুনিভর্সিতি অমা লিংখৎলে অমসুং নুমিৎ খুদিংগী অনৌবা কলেজ অনি হাংদোক্লে। হৌখিবা চহি ১০দা ঐখোয়গী লৈবাক অসিদা মেদিকেল কলেজ মশিং শরুক অনি হেনগৎলে।
প্রধান মন্ত্রীনা হায়খি মদুদি সরকারনা মহৈলোয়শঙশিংগী মশিং হেনগৎহনবা খক নত্তনা মখোয়গী মগুনশু হেনগৎহল্লে। হৌখিবা চহি ১০দা ক্বিউ.এস ৱার্ল্দ য়ুনিভর্সিতি রেঙ্কিংদা য়াওবা ভারতকী মহৈলোয়শঙ মশিং শরুক অহুম হেনগৎলে। লৈবাক অসিদা অফবা লাইরিক-লাইশুগী লমদা থৱায় য়াওবা হেনগৎলকপা অদু মসিদা মমি তারে। নহারোল করোর কয়া স্কিল হেনগৎহন্নবা অমসুং ইনতর্নশিপকীদমক চহি অসিগী বজেত্তা অখন্নবা পেকেজ অমা লাউথোক্লে। পি.এম ইনতর্নশিপ স্কিম্না ভারতকী নহারোল করোর ১ অচৌবা কম্পেনিশিংদা থবক তৌবগী এক্সপেরিয়েন্স তান্নবগী খুদোংচাবা পীরগনি। ইন্দস্ত্রিনা থৱায় য়াওবা উত্তুনা স্কিম অসিগী অহানবা নুমিত্তা স্কিম অসি শরুক য়ানবা কম্পেনি ১১১ রেজিস্তার তৌরকখি।
ভারতকী থিজিনবগী থবকশিংগী মতাংদা, প্রধান মন্ত্রীনা হায়খি হৌখিবা চহি ১০দা থিজিনবগী ফংলকপা অমসুং পেতেন্তশিং য়াংনা হেনগৎলক্লে। চহি ১০ অসিগী মনুংদা, গ্লোবেল ইন্নোবেসন ইন্দেক্স রেঙ্কিদা ভারত ৮১শুবা মফমদা লৈরম্বদগী ৩৯শুবদা হাইগৎলক্লে। ভারতকী থিজিনবগী থবকশিং ফগৎহন্নবা লুপা ত্রিল্লিয়ন অমগী রিছার্স ফন্দ অমা লিংখৎলে।
প্রধান মন্ত্রীনা হায়খি গ্রিন জোবশিং অমসুং তুংকোইনা চৎনবা য়াবা তুংলমচৎ অমগী মতাংদা ঙসি মালেমনা ভারত্তগী অচৌবা থাজবশিং থম্লে। লৈবাক অসিদা য়াম্লবা খুদোংচাবশিং ফংলে। ভারতনা মাইপাক্না জি-২০গী প্রসিদেন্ত ওইখ্রে। মীফম অদুদা গ্রিন ত্রান্সসিসনগী অনৌবা খোঙজেল অমা হৌখি অমসুং মীফম মনুংদা গ্লোবেল বাইওফুয়েল এল্লাইন্স লিংখৎনবা ভারতনা লাউথোকপদা মেম্বর লৈবাকশিং শৌগৎনখি। চৎলিবা দিকেত অসি লোইরকপদা গ্রিন হায়দ্রোজেন তন মিল্লিয়ন ৫ পুথোক্নবা অচৌবা পান্দম অমা ভারতনা থম্লি। মখোঙদগী হৌনা সোলার পৱার পুথোকপগী থবক হেনগৎহন্নবা ভারতনা থবক পায়খৎলে অমসুং সরকারনা শেন পুথোকপা পি.এম সু্র্যাঘর ফ্রি ইলেক্ত্রিসিতি স্কিমগী মখাদা ইমুং করোর ১.৩০ হেনবদা রুপতোপ সোলার পেনেলশিং থম্লে। স্কিম অসি পাক-চাউবা খক নত্তনা, মসিগী থবক অসি অওনবা অমনি অমসুং ইমুং খুদিংমক সোলার ইনর্জি পুথোক্লে। চাংচত্তা, ইমুংশিংনা চহি অমদা লুপা ২৫,০০০ কনবা ঙম্লে অমসুং সোলার পৱার কিলোৱাত ৩ পুথোকপা খুদিংগী কার্বোনদাইওক্সাইদ তন ৫০-৬০ থাদোকপা থিংলে। স্কিম অসিনা খুৎশা-হৈবা নহারোল কয়া শেমগৎতুনা থবক লাখ ১৭ রোম পীগনি অমসুং মসিনা অনৌবা শেন থাদনবা খুদোংচাবা কয়া পীরে।
প্রধান মন্ত্রীনা হায়খি ভারতকী ইকোনোমিদা অচৌবা অওনবা লাক্লে অমসুং অকনবা শেন্মিৎলোনগী য়ুম্ফমশিংদা মখা পোন্দুনা চাউখৎপগী লম্বীদা লাক্লে। ঙসি, ভারতনা মতোন য়ৌনবা থৌরাং তৌবা খক নত্তনা, মতোন্দা লৈনবা থবক কন্না শুরে। হৌজিক পাংথোক্লিবা খন্ন-নৈনবা অসিদা মমল য়াম্লবা ৱাফম কয়া লাক্কনি হায়বগী থাজবা থম্লি।
মসি পাংথোকপা য়াগনি অমসুং মসিনা য়ারোই হায়বসি সরকারগী থবক-থৌরমশিংদা চেকশিন্না ঙাক্না চৎলে অমসু মসি থৌশিল অমসুং লৈবাক ঙাকপগী শরুক অমা ওইহল্লে। উদ্যোগকী লুচিংবশিংগী লৌশিং অমসুং এক্সপেরিয়েন্স অসি য়াম্না মরুওই অমসুং মখোয়না পাংথোক্লিবা থবকশিং অসিগী মখোয় থাগৎপা ফোঙদোকচরি। প্রধান মন্ত্রীনা ইন্সতিতুৎ ওফ ইকোনোমিক গ্রোথকী প্রসিদেন্ত শ্রী এন কে সিংহ অমসুং মহাক্কী কাংবু মখোয়গী থবকশিংগীদমক থাগৎপা ফোঙদোকখি।
মীফম অদুদা শরুক য়াখিবশিংগী মনুংদা য়ুনিয়ন ফাইনান্স মিনিস্তর শ্রীমতি নিরমালা সিতারমন অমসুং ইন্সতিতুৎ ওফ ইকোনোমিক গ্রোথকী প্রসিদেন্ত শ্রী এন কে সিংহ য়াওখি।
নুঙগীৱারোল
কৌসিল্যা ইকোনোমিক কনক্লেপকী অহুমশুবা ইদিসন ওক্তোবর ৪ দগী ওক্তোবর ৬ ফাওবা পাংথোক্কনি। ভারত অমসুং মালেমগী অখঙ-অহৈশিং অমসুং থৌশিল শেম্লিবা মীওইশিংনা ভারতকী ইকোনোমি অমসুং গ্লোবেল সাউথকী ইকোনোমিশিংনা মায়োক্নরিবা মরুওইবা ৱাফমশিং খন্ন-নৈনগনি। মীফম অসিদা মালেম শীনবা থুংবগী ৱাঙাংলোয়শিং শরুক য়ারি।
Click here to read full text speech
Today, India is the fastest growing major economy. pic.twitter.com/uRcQPPNG5X
— PMO India (@PMOIndia) October 4, 2024
Reform, Perform & Transform. pic.twitter.com/UlsZ5LA8p6
— PMO India (@PMOIndia) October 4, 2024
Commitment to carry out structural reforms to make India developed. pic.twitter.com/41VG83RZFN
— PMO India (@PMOIndia) October 4, 2024
भारत में growth के साथ inclusion भी हो रहा है। pic.twitter.com/o9ZYz9zDAW
— PMO India (@PMOIndia) October 4, 2024
India has made 'process reforms' a part of the continuing activities of the government. pic.twitter.com/581cAat1vV
— PMO India (@PMOIndia) October 4, 2024
Today India's focus is on critical technologies like AI and semiconductors. pic.twitter.com/FlrdGxd7Ut
— PMO India (@PMOIndia) October 4, 2024
Special package for skilling and internship of youth. pic.twitter.com/5yUMwhcPeD
— PMO India (@PMOIndia) October 4, 2024
