Mera Saansad
Search Search
Manipuri language

প্রধান মন্ত্রীনা ভিদিও কনফরেন্সকী থোংদা গ্লোবেল ইনভেস্তর্স মীত ‘ইনভেস্ত কর্নাতকা ২০২২’গী হৌদোকপগী থৌরমদা ৱা ঙাংখ্রে

Published By : Admin | November 2, 2022 | 10:30 IST
“তেলেন্ত নত্ত্রগা তেক্নোলোজীগী মতাংদা লাকপা মতমদা ‘ব্রান্দ বেঙ্গলুরু’ অসি ৱাখলদা হান্না চোংথোরকই”
“‘ইনভেস্ত কর্নাতকা ২০২২’ অসি কম্পিতিতিব অমসুং কোওপরেতিব ফেদরেলিজমগী ফজরবা খুদম অমনি”
“করি থোক্কনি তম্বা ঙমদ্রবা তানফম অসিদা ভারতকী শেন্মীৎলোনগী ফন্দামেন্তেলশিংদা মালেমনা থাজবা থম্লি”
“রেদ তেপতা ইনভেস্তরশিংবু ত্রেপ তৌদুনা থম্বগী মহুৎ ইনভেস্তমেন্ত লাক্নবগী রেদ কার্পেৎ থারিবা ফীভম অমা ওইহনখি”
“অচৌবা রিফোর্মশিং, অচৌবা ইনফ্রাস্ত্রকচর অমসুং খ্বাইদগী ফবা তেলেন্ত খক্তনা অনৌবা ভারত অমা শেমগৎপা ওইথোক্কনি”
“চাউখৎ-থৌরাংগী পান্দমশিং অসি ইনভেস্তমেন্ত অমসুং হ্যুমেন কেপিতেলদা মীৎয়েং চংলবতদা ফংবা ঙমগনি”
“দবল ইঞ্জিন সরকারগী শক্তিনা কর্নাতকাগী চাউখৎ খোঙথাংদা শাহৌ পীরি”
“ভারত্তা ইনভেস্ত তৌবা হায়বগী ৱাহন্থোক্তি ইনক্লুজন্দা ইনভেস্ত তৌবা, দেমোক্রেসীদা ইনভেস্ত তৌবা, মালেমগীদমক ইনভেস্ত তৌবা অমসুং হেন্না ফবা, হেন্না লুনানবা অমসুং শাফবা গ্রহ অমগীদমক ইনভেস্ত তৌবা হায়বনি”

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা কর্নাতকাগী গ্লোবেল ইনভেস্তর্স মীত, ইনভেস্ত কর্নাতকা ২০২২গী হৌদোকপগী থৌরমদা ৱা ঙাংখ্রে।

থৌরম অদুদা ৱা ঙাংলদুনা প্রধান মন্ত্রীনা ঙসি পাঙথোকখিবা রাজ্যোৎসবকীদমক কর্নাতকাগী মীয়ামদা য়াইফ পাউজেল পীখি। প্রধান মন্ত্রীনা কর্নাতকা অসি চৎনবী অমসুং তেক্নোলোজী, মহৌশা অমসুং নাৎ, ফজরবা আর্কিতেকচর অমসুং স্তার্ত অপ কয়াগী অপুনবা অমনি হায়না ফোঙদোকখি। শ্রী মোদীনা হায়, “তেলেন্ত নত্ত্রগা তেক্নোলোজীগী মতাংদা লাকপা মতমদা ‘ব্রান্দ বেঙ্গলুরু’ অসি ৱাখলদা হান্না চোংথোরকই। মসিগী মমিং অসি ভারত্তা খক্তা নত্তনা মালেম পুম্বনা শোন্নরি”।

কর্নাতকাদা ইনভেস্তরশিংগী মীফম পাঙথোকপা অসিদা প্রধান মন্ত্রীনা নুংঙাইবা ফোঙদোকখি অমসুং মসি কম্পিতিতিব অমসুং কোওপরেতিব ফেদরেলিজমগী ফজরবা খুদম অমনি হায়খি। মহাক্না হায় মেন্যুফেকচরিং অমসুং প্রদক্সন অসিনা রাজ্য সরকারগী থৌশিল-থৌরাংশিং অমসুং কন্ত্রোলগী মখা চাউনা পোল্লি। মহাক্না হায়, “গ্লোবেল ইনভেস্তর্স মীত অসিগী খুত্থাংদা রাজ্যশিংনা অখন্নবা সেক্তরশিংদা মীৎয়েং থমখি অমসুং অতোপ্পা লৈবালশিংগা লোয়ননা চুংশিন্নরি”। মীত অসিদা তৌগদৌরিবা পার্তনরশিপ করোর কয়ানা জাতিগী নহারোলশিংগীদমক থবক্কী খুদোংচাবা পীরগনি হায়না নুংঙাইবা ফোঙদোকখি।

প্রধান মন্ত্রীনা হায় ২১শুবা চহিচাদা হৌজিক লৈরিবা ফীভম অসিদগী ভারতনা মাংদা খক্তা চংশিনগদবনি। ভারতনা মমাং চহিগদা দোলর বিলিয়ন ৮৪গী ফোরেন ইভেস্তমেন্তগী রেকোর্দ থমখি। ভারত্তা থম্লিবা গ্লোবেল ওপতিমিজমগী ৱাখল্লোনগী মতাংদা প্রধান মন্ত্রীনা হায়, “তম্বা ঙমদবা মতম অসিদা হৌজিকসু অয়াম্বা লৈবাকশিংনা ভারতকী শেন্মীৎলোনগী ফন্দামেন্তেলশিংদা থাজবা থম্নরি। তোখাই-তোখাইতানা লৈরিবা মতম অসিদা ভারতনা মালেমগা লোয়ননা মাংদা চংশিল্লি অমসুং মালেমদা লোয়ননা থবক তৌবদা মীৎয়েং চংলি। সপ্লাই চেনদা অপনবা থোক্লিবা মতম অসিদা হীদাক লাংথক অমসুং ভেক্সিনশিংগী সপ্লাইগী তাংদা মালেমদা ভারতনা থাজবা পীরি হায়না মহাক্না ফোঙদোকখি। ঐখোয়গী প্রজাশিংগী অনীংবশিংনা মরম ওইদুনা মার্কেৎ সেচুরেসনগী ক্লাইমেৎ অসিদা ঐখোয়গী দোমেস্তিক মার্কেৎশিংনা মপাঙ্গল কল্লি। প্রধান মন্ত্রীনা হায় গ্লোবেল ক্রাইসিসকী মতমদা এনালিস্তশিং অমসুং ইকোনোমিস্তশিংনা ভারত অসি ব্রাইৎ স্পোৎ অমা ওইনা থাগৎনরি। শ্রী মোদীনা হায়, “ভারতকী শেন্মীৎলোন অসি নোংমা নোংমগী মপাঙ্গল কনখৎহন্দুনা ঐখোয়গী ফন্দামেন্তেলশিং য়ুম্ফম থোন্নবগী মাইকৈদা ঐখোয়না লেপ্পা লৈতনা হোৎনরি”। প্রধান মন্ত্রীনা ভারতকী শেন্মীৎলোনগী ত্রেজেক্তরী খঙবা তঙাই ফদে হায়না ফোঙদোকখি। মহাক্না হায় লৈবাক অসিনা থৌশিল-থৌরাং অমসুং ইমপ্লিমেন্তেসনগা মরী লৈনবা সমস্যাশিং থেংনরিবা মতমদা হৌখিবা চহি ৯-১০দগী চৎনরক্লিবা থৌওংদা অহোংবা পুরকখিবগী মতাংদা পাউদমখি। মহাক্না হায়, “রেদ তেপতা ইনভেস্তরশিং ত্রেপ তৌবগী মহুৎ ঐখোয়না ইনভেস্তমেন্তগীদমক রেদ কার্পেৎ থারি, অমসুং অনৌবা অরুবা লোশিং শেম্বগী মহুৎ ঐখোয়না রেস্নেলাইজ তৌরি”।

প্রধান মন্ত্রী হায়, “অনৌবা ভারত অমা শেমগৎপা অসি অচৌবা রিফোর্মশিং, অচৌবা ইনফ্রাস্ত্রকচর অমসুং খ্বাইদগী ফবা তেলেন্তকা লোয়ননা ওইথোকপা ঙমগনি। ঙসি সরকারগী লম খুদিংমক্তা অচৌবা রিফোর্মশিং পুরক্লি”। জি.এস.তি., আই.বি.সি., বেঙ্কিং রিফোর্মশিং, য়ু.পি.আই., চৎনদ্রবা আইন ১৫০০ মুৎথৎপা অমসুং তঙাই ফদ্রবা কমপ্লায়েন্স লিশিং ৪০গী মতাংদা ফোঙদোকখি। মহাক্না হায় কম্পনী লো প্রোবিজন কয়া দেক্রিমিনেলাইজেসন তৌবা, ফেসলেস এসেসমেন্ত, এফ.দি.আই.গী অনৌবা এভেন্যুশিং, দ্রোন রুলশিং লিবরেলাইজেসন তৌবা, জিওস্পাসিএল অসিগুম্বা খোঙথাংশিং অমসুং স্পেস সেক্তর অমদু দিফেন্স সেক্তরনা অমুক্তা উখিদ্রিবা মওংদা শাহৌ পীরি। প্রধান মন্ত্রীনা হায় হৌখিবা চহি ৮দা ওপরেস্নেল এয়রপোর্তশিংগী মশিং শরুক অনি হেনগৎলকখি অমসুং মেত্রো অসি সহর ২০ হেনবদা পাকথোক চাউথোকখি।

পি.এম.-গতি শক্তি নেস্নেল মাস্তর প্লানগী পান্দমগী মতাংদা পল্লদুনা প্রধান মন্ত্রীনা হায় মসিনা ইন্তিগ্রেতেদ ইনফ্রাস্ত্রকচর দিবেলপমেন্ত পুরক্নবা পান্দম থম্মি। মহাক্না হায় ইনফ্রাস্ত্রকচর চাউখৎহন্নবা খক্তা নত্তনা হান্না লৈরিবা ইনফ্রাস্ত্রকচরগীদমক রোদ মেপ শেম্লি অমরোমদনা প্লান ইমপ্লিমেন্ত তৌবা মতমদা খ্বাইদগী ফগদবা রুৎকী মতাংদা খন্নখি। শ্রী মোদীনা লাস্ত-মাইল কন্নেক্তিবিতীদা অমসুং মালেমগী থাক য়ৌহন্দুনা প্রদক্ত নত্ত্রগা সর্ভিস ফগৎহন্নবা লম্বীশিংগী মতাংদা মীৎয়েং চংখি। প্রধান মন্ত্রীনা খোঙচৎ অসিদা নহারোলশিংনা মাইপাকখিবশিং অদু পাউদমখি অমসুং ভারতকী সেক্তর খুদিংমক্না য়ুব শক্তিদা শাহৌ পীরি হায়না ফোঙদোকখি।

প্রধান মন্ত্রীনা হায় “চাউখৎপগী পান্দম অসি ইনভেস্তমেন্ত অমসুং হ্যুমেন কেপিতেলদা মীৎয়েং থম্লবা খক্তদা ফংবা ঙমগনি। ৱাখল্লোন অসিগা লোয়ননা মাংদা চংশিন্দুনা ঐখোয়না হেল্থ অমসুং এজুকেসন সেক্তরদা ইনভেস্তমেন্তশিং থৌগৎলি। ঐখোয়গী পান্দমদি প্রদক্তিবিতী হেনগৎহনবা অমসুং হ্যুমেন কেপিতেল ফগৎহনবনি”। প্রধান মন্ত্রীনা হেল্থ এস্যুরেন্স স্কিমশিংগা লোয়ননা মেন্যুফেকচরিং ইন্সেন্তিবশিং; ইজ ওফ দুইং বিজিনেস লোয়ননা হেল্থ এন্দ ৱেলনেস সেন্তরশিং; হায়ৱে নেৎৱার্কশিং লোয়ননা তোইলেৎ অমসুং অফবা থক্নবা ঈশিংগী প্রোবিজিন; ফ্যুচরিস্তিক ইনফ্রাস্ত্রকচর লোয়ননা স্মার্ত স্কুলশিংগুম্বা অমুক্তা শাহৌ পীরিবা হীরমশিংগী মতাংদা পনখি। লৈবাক অসিগী অকোইবগী ফীভমদা শোক্লোইদবা মওংদা শাহৌ লৈনবগী মতাংদা প্রধান মন্ত্রীনা হায়, “ঐখোয়গী গ্রীন গ্রোথ অমসুং সস্তেনেবল ইনর্জীগী থৌশিলশিং অসিনা ইনভেস্তর হেন্না হেন্না চিংশিল্লি। মখোয়গী কোস্ত রিতর্ন তৌহনবা পাম্বা মীওইশিং অমসুং পৃথিবী অসিদা মখোয়গী থৌদাং পাঙথোকপা পাম্বশিংনা ভারত্তা আশাগা লোয়ননা থাজবা থম্লি”।

কর্নাতকাগী দবল-ইঞ্জিন সরকারগী শক্তিগী মতাংদা পল্লদুনা প্রধান মন্ত্রীনা হায় মসি রাজ্য অসিগী সেক্তর কয়া খোঙজেল য়াংনা খুমাং চাউশিনবগী মরমশিংগী মনুংদা অমনি। খুদমশিং পীরদুনা প্রধান মন্ত্রীনা হায় কর্নাতকানা লেপ্পা লৈতনা ইজ ওফ দুইং বিজিনেসকী তোপ রেঙ্করশিংগী মনুংদা অদুমক চনবা ঙম্লি অমসুং মসি এফ.দি.আই.দা তোপ স্তেৎশিংগী লিস্ততা চনবা ঙম্বননি হায়না থাগৎখি। মহাক্না মখা তারদুনা হায় “ফোরচুন কম্পনী ৫০০গী মনুংদা মফম অসিদা ৪০০ লৈ অমসুং ভারতকী য়ুনিকোর্ম ১০০ হেনবগী মনুংদা কর্নাতকাদা ৪০ হেন্না লৈ”। প্রধান মন্ত্রীনা হায় কর্নাতকা অসি ঙসি মালেমগী খ্বাইদগী চাউবা তেক্নোলোজী ক্লস্তর ওইনা মশিং পাবদা য়াওরি মসিদা ইন্দস্ত্রী, ইনফোর্মেসন তেক্নোলোজী, ফিনতেক, বাইওতেক, স্তার্তঅপশিং লোয়ননা সস্তেনেবল ইনর্জী লৈবা মফম ওইরি। মহাক্না মখা তারদুনা হায় “লম খুদিংমক্তা চাউখৎ-থৌরাংগী অনৌবা ৱারী অমা ইরি”। মহাক্না মখা তারদুনা হায় মদুদি কর্নাতকাগী চাউখৎ থৌরাংগী পেরামিতর কয়াদা ভারতকী অতোপ্পা রাজ্যশিং খক্তা নত্তনা অতোপ্পা লৈবাকশিংগা চাংদম্নরি। ভারতকী মেন্যুফেকচরিং দোমেন্দা অনৌবা তাঙ্কক অমা হৌরি হায়রদুনা প্রধান মন্ত্রীনা নেস্নেল সেমিকন্দক্তর মিসনগী মতাংদা পনখি অমসুং মফম অসিগী তেক ইকোসিস্তেমনা চিপ দিজাইন অমসুং মেন্যুফেকচরিংবু অনৌবা পনখৈ তম্না পুরগনি হায়না ফোঙদোকখি।

ভারতকী মঙলান অমসুং ইনভেস্তর অমগী মঙলানগা চাংদম্নরদুনা প্রধান মন্ত্রীনা হায়খি মদুদি ইনভেস্তর অমনা মিদিয়ম অমসুং লোং-তর্ম বিজন অমগা লোয়ননা মাংদা চংশিনবা মতমদা ভারতকী ইথিলসু লোং-তর্ম ওই। মহাক্না নেনো য়ুরিয়া, হাইদ্রোজেন ইনর্জী, গ্রীন এমোনিয়া, কোল গ্যাসিফিকেসন অমসুং স্পেস সেতলাইৎশিং খুদম ওইনা পীখি অমসুং মহাক্না হায় ঙসি ভারতনা মালেমবু চাউখৎহনবা হায়বা মন্ত্রগা লোয়ননা মাংদা চংশিল্লি। মহাক্না হায়, “মসি ভারতকী অমৃত কালনি অমসু আজাদী কা অমৃত মহোৎসব অসিদা লৈবাক অসিগী মীয়ামনা অনৌবা ভারত অমা শেমগৎনবা ৱাশক লৌরি”। প্রধান মন্ত্রীনা মহাক্কী ৱারোল পীবা লোইশিনবদা হায়খি মদুদি ভারতনা ২০৪৭ ফাপবদা চাউখৎপা লৈবাক অমা ওইনবা পান্দম থম্মি অমসুং ইনক্লুসিন, দেমোক্রেতিক ওইবা অমসুং মপাঙ্গল কনবা ভারত ওইনবা মসিগীদমক ইনভেস্তমেন্ত অমসুং ভারতকী ইথিল অসি পুনশিন্দুনা মালেমনা চাউখৎপদা খোঙজেল য়াংখৎহনগনি। মহাক্না লোইশিনবদা হায়, “ভারত্তা ইনভেস্ত তৌবা হায়বগী ৱাহন্থোক্তি ইনক্লুজন্দা ইনভেস্ত তৌবা, দেমোক্রেসীদা ইনভেস্ত তৌবা, মালেমগীদমক ইনভেস্ত তৌবা অমসুং হেন্না ফবা, হেন্না লুনানবা অমসুং শাফবা গ্রহ অমগীদমক ইনভেস্ত তৌবা হায়বনি”।

বেকগ্রাউন্দ

মীফম অসিনা মথং দিকেদকীদমক শেন থাদবা ঙম্বা ইভেস্তরশিং চিংশিন্নবা অমসুং চাউখৎ-থৌরাংগী এজেন্দা থম্নবা পান্দম থম্লি। নুমিৎ হুম্নি চুপ্না বেঙ্গলুরুদা নবেম্বর ২দগী নবেম্বর ৪ ফাওবা পাংথোক্লিবা মীফম অসিদা ৱাঙাংলোয় ৮০ হেনবনা শরুক য়াগনি। ৱাঙাংলোয়শিংগী মনুংদা কুমার মঙ্গলম বিরলা, সাজন জিন্দাল, বিক্রম কিরলোস্কার য়াওরি। মসিগা লোয়ন্না, একজিবিতর ৩০০ হেনবগী বিজিনেস একজিবিসন অমা অমসুং কন্ত্রি সেসনশিং পাংথোক্কনি। কন্ত্রি সেসনশিং য়ুম্বু ওইগদবা লৈবাকশিংদি- ফ্রান্স, জর্মনি, নেদেরলেন্দস, সাউথ কোরিয়া, জাপান অমসুং ওস্ত্রেলিয়ানি অমসুং হায়রিবা লৈবাক অসিগী অৱাংবা থাক্কী মিনিস্তরশিং অমসুং দেলিগেসনশিংগী মীহুৎ কাংবুশিং শরুক য়াগনি। মালেমগী থাক্তা পাংথোক্কদৌরিবা থৌরম অসিনা কর্নাতকানা মালেমদা মসিগী কলচর উৎনবগী খুদোংচাবা অমা পীরগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Login or Register to add your comment
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
View All
'You Are A Champion Among Leaders': Guyana's President Praises PM Modi

Media Coverage

'You Are A Champion Among Leaders': Guyana's President Praises PM Modi
View All
NM on the go

Nm on the go

Always be the first to hear from the PM. Get the App Now!
Download App
...
PM Modi congratulates hockey team for winning Women's Asian Champions Trophy
November 21, 2024

The Prime Minister Shri Narendra Modi today congratulated the Indian Hockey team on winning the Women's Asian Champions Trophy.

Shri Modi said that their win will motivate upcoming athletes.

The Prime Minister posted on X:

"A phenomenal accomplishment!

Congratulations to our hockey team on winning the Women's Asian Champions Trophy. They played exceptionally well through the tournament. Their success will motivate many upcoming athletes."