Quoteজম্মু অমসুং কাশ্মিরদা লুপা করোর 1,500 হেনবগী মরু ওইবা চাউখৎ-থৌরাংগী প্রোজেক্ত 84 উরেপ উয়ুং তমখ্রে অমসুং শঙ্গাখ্রে
Quoteলুপা করোর 1,800 রোম ওইবা কম্পিতিতিবনেস ইমপ্রুমেন্ত ইন এগ্রিকলচর এন্দ এল্লাইদ সেক্তরস (JKCIP) প্রোজেক্ত হৌদোকখ্রে
Quote“মীয়াম্না সরকারগী ৱাখল্লোনশিং অমসুং পোলিসীশিংদা থাজবা থম্মি”
Quote“ঐখোয়গী সরকারনা মীয়ামগী অনীংবা অপাম্বশিং থুংহন্দুনা অমসুং ফলশিং পুরক্তুনা মাগী পরফোর্মেন্স উৎখি”
Quote“হন্দক্কী লোক সভা মীখলশিংদা মীয়ামগী মেন্দেৎকী অচৌবা পাউজেল অসি স্তেবিলিতীনা ওইরি”
Quote“ঐখোয়না ঙসি অতলজীগী ইন্সানিয়ত, জমহুরিয়ত ওর কশমীরিয়তকী বিজন অদু মঙফাওনবা উবা ফংলে”
Quote“দেমোক্রেসীগী ফিরাল ৱাংনা পাইহন্দুনা থম্নবগীদমক নখোয়না হোৎনখিবা অদুবু ঐনা থাগৎপা ফোঙদোক্নবা লাকপনি”
Quote“ঙসি ভারতকী সম্বিধান অসি তশেংবা মওংদা জম্মু অমসুং কশ্মিরদা ইমপ্লিমেন্ত তৌখি। আর্তিকল 370গী ফকলাং থুগাইখি”
Quote“ঐখোয়না দিল য়া দিল্লী ওইরবসু অরাপ্পা পুম্নমক লৈহনদনবা অঙম্বা পুম্নমক হোৎনরি”
Quote“নখোয় নশাগী ভোৎনা জম্মু অমসুং কশ্মিরগী অনৌবা সরকার খনগদবা মতম অদু পাংলাপ লাপত্রে। জম্মু অমসুং কাশ্মিরনা অমুক হন্না রাজ্য অমা ওইদুনা মাগী তু
Quoteথৌরম অসিদা প্রধান মন্ত্রীনা একজিবিসন য়েংখি অমসুং য়ুনিয়ন তেরিতোরী অসিগী নহা ওইরিবা এচিভরশিংগা লোয়ননা ৱারী শাখি।;
Quoteমহাক্না মখা তাখি, "মীয়াম্না সরকারগী পান্দম অমসুং পোলিসীশিংদা থাজবা থম্লি।"

প্রধান মন্ত্রী, শ্রী নরেন্দ্র মোদীনা ঙসি জম্মু অমসুং কাশ্মিরগী শ্রীনগরদা শের-ই-কাশ্মির ইন্তর্নেস্নেল কনফরেন্স সেন্তর (SKICC)দা পাঙথোকপা ‘এম্পাৱরিং য়ুথ, ত্রান্সফোর্মিং J&K’গী থৌরমদা ৱা ঙাংখ্রে। প্রধান মন্ত্রীনা লম্বী-থোং, ৱাতর সপ্লাই অমসুং হায়র এজুকেসনগী ইনফ্রাস্ত্রকচরগী সেক্তরশিং কোনশিল্লিবা লুপা করোর 1,500 হেনবগী চাউখৎ-থৌরাংগী প্রোজেক্ত কয়ামরুম শঙ্গাখি অমসুং উরেপ উয়ুং তমখি। মহাক্না লুপা করোর 1,800রোমগী কম্পিতিতিবনেস ইমপ্রুবমেন্ত ইন এগ্রিকলচর এন্দ এল্লাইস সেক্তর্স প্রোজেক্ত (JKCIP)সু হৌদোকখি। শ্রী মোদীনা নৌনা সরকারগী থবক চংলকপা 200দা এমপ্লোইমেন্ত লেত্তরশিংসু পীখি। থৌরম অসিদা প্রধান মন্ত্রীনা একজিবিসন য়েংখি অমসুং য়ুনিয়ন তেরিতোরী অসিগী নহা ওইরিবা এচিভরশিংগা লোয়ননা ৱারী শাখি।

মীয়াম তিনখিবা অদুদা ৱা ঙাংলদুনা, প্রধান মন্ত্রীনা জম্মু অমসুং কাশ্মিরদা লাকপদা নুংঙাইবা ফোঙদোকখি অমসুং মসিগী অখন্নবা মরম অনি পনখি। মহাক্না হায়খি, "অহানবদা, ঙসিগী থৌরম অসি জম্মু অমসুং কাশ্মিরদা চাউখৎ-থৌরাংগী প্রোজেক্তশিং শঙ্গাবা অমসুং উরেপ-উয়ুং তম্বগা মরী লৈনৈ অমসুং অনিশুবদা, মসি লোক সভাগী মীখল মতুংদা জম্মু অমসুং কাশ্মিরগী মীয়ামগা লোয়ননা অহানবা উনবনি।" G7 সম্মিৎকীদমক ইতালিদা মহাক্না চৎখিবা অদু নীংশিংলদুনা প্রধান মন্ত্রীনা হায়খি মদুদি ভারতকী মায়কৈদা মালেমগী মীৎয়েং হোংলকপদা সরকারগী তর্ম অহুমগী কন্তিন্যুতীগী ইথিলগী মতাংদা ফোঙদোকখি। মহাক্না হায়খি মদুদি ভারত মচাশিংগী খ্বাইদগী ৱাংবা অনীংবা-অপাম্বশিং অসি লৈবাক অসিগী খ্বাইদগী চাউবা পাঙ্গলনি। মহাক্না হায়খি মদুদি অৱাংবা অনীংবা-অপাম্বশিং অসিনা সরকারদগী অৱাংবা এক্সপেক্তেসনশিং লৈহল্লি অমসুং মসিগী বেকদ্রোপ অসিদা, সরকারগী থংন-থংননা অহুমশুবা তর্ম পাইবা অসি অখন্নবা অমনি মরমদি এস্পিরেস্নেল সোসাইতী অমগী অমত্তা ঙাইরবা পেরামিতর অসি পরফোর্মেন্সনি। মহাক্না মখা তাখি, "মীয়াম্না সরকারগী পান্দম অমসুং পোলিসীশিংদা থাজবা থম্লি।"

 

|

প্রধান মন্ত্রীনা হায়খি মদুদি লোক সভাগী মীখল অসিদা মীয়ামগী মেন্দেতকী অচৌবা পাউজেল অসি স্তেবিলিতীনি। মহাক্না হৌখিবা চহিচাগী অরোইবা দিকেদতা লৈবাক অসিনা চাউখৎ-থৌরাংগী খোঙজেল চপ লেপতুনা চহি 10গী মনুংদা ইলেক্সন 5 পাঙথোকখিবা মতম অদুদা লৈরম্বা তংদু লৈতাদবা সরকারশিংগী শাংলবা তাঙ্কক অদু নীংশিংখি। “হায়রিবা তাঙ্কক অদু থাদোক্তুনা, ভারতনা হৌজিক্তি দেমোক্রেসী মপাঙ্গল কনখৎহনগদবা স্তেবল গভর্মেন্তকী অনৌবা তাঙ্কক অমদা চংশিল্লি।“অমসুং কাশ্মিরগী মীয়ামনা দিমোক্রেসী মপাঙ্গল কনখৎহনবদা লৌরিবা থৌদাং অদুসু মহাক্না পনখি। প্রধান মন্ত্রীনা হায়খি, "ঐখোয়না অতল জীগী ৱাখল্লোন ওইরিবা ইন্সানিয়ত, জমহুরিয়ত ওর কাশ্মিরিয়ত অসি ঙসি মঙফাওনবা উবা ফংলি।" হন্দক্কী মীখলশিংদা রেকোর্দ ওইনা ভোৎ থাদখিবা অদু পল্লদুনা, প্রধান মন্ত্রীনা জম্মু অমসুং কশ্মিরগী মীয়ামনা গনতন্ত্রদা থাজবা থম্বা অদুগীদমক থাগৎপা ফোঙদোকখি। মহাক্না হায়খি, "ঐহাক্না দেমোক্রেসীগী ফিরালবু ৱাংনা থম্বগীদমক্তা নখোয়না হোৎনরিবশিং অদুগীদমক ঐহাক্না থাগৎপা ফোঙদোক্নবা লাকচবনি।"

প্রধান মন্ত্রী মোদীনা হায়খি, "জম্মু অমসুং কাশ্মিরদা অহোংবা পুরক্লিবা অসি হৌখিবা চহি ১০দা সরকারনা পায়খৎখিবা থবকশিংগী মহৈনি।" লমদম অসিদা নুপীশিং অমসুং শেন্থোক ৱাৎপা কাংলুপকী মীওইশিং মখোয়গী হকশিং ফংদনা লৈরিবা অদু পল্লদুনা প্রধান মন্ত্রীনা হায়খি মদুদি হৌজিক লৈরিবা সরকার অসিনা "সবকা সাথ সবকা বিকাস"গী মন্ত্র অসি শিজিন্নদুনা মখোয়গী হকশিং অমুক হন্না ফংহন্নবা হোৎনরি। প্রধান মন্ত্রীনা হায়খি মদুদি পাকিস্তানদগী মাইগ্রেৎ তৌরকপা রিফ্যুজীশিং, বাল্মিকী কম্ম্যুনিতীগী মীওইশিং অমসুং সফাই করমচারিগী ইমুংশিংনা অহানবা ওইনা ভোৎ থাদবগী হক ফংলি। মহাক্না ৱাল্মিকি কম্ম্যুনিতীবু SCগী কাংলুপতা য়াওহন্নবা মতম শাংনা চঙশিনখিবা অপাম্বা অদু মপুং ফাহনবগী ৱাফমসু পনখি। SC কম্ম্যুনিতীগীদমক্তা লেজিস্লেতিব এসেমব্লিদা সিৎ রিজর্ব তৌবা অমসুং পদ্দরী ত্রাইব, পাহারিয়া কাস্ত, গদ্দা ব্রহ্মন অমসুং কোলি কম্ম্যুনিতীবু SCগী কাংলুপতা য়াওহনবগী ৱাফমসু পনখি। পঞ্চায়ত, নগর পালিকা অমসুং নগর নিগমগী মীখলশিংদা OBC রিজর্বেসন চৎনহনখ্রে হায়নসু মহাক্না ফোঙদোকখি। ভারতকী সম্বিধানগী শক্তি অমসুং মসিগী নুংগী মরু ওইবা অদু পল্লদুনা, প্রধান মন্ত্রীনা হায়খি মদুদি মসিনা ভারতকী নাগরিক করোর 140গী হকশিংবু মপাঙ্গল কনখৎহল্লি অমসুং লৈবাক শেমগৎপদা পার্তনর অমা ওইনবগী খুদোংচাবা পীরি। প্রধান মন্ত্রী মোদীনা ভারতকী সম্বিধান য়াখিদবা অমসুং নীংতম্লবা মতুংদগী জম্মু অমসুং কাশ্মিরবু নাথৈদুনা থমখিবা অদু নুংঙাইতবা ফোঙদোকখি। “ঙসি ঐখোয়না ভারতকী সম্বিধানগী মখাদা হিংলিবা অসিদা ঐহাক নুংঙাইবা ফাওই। সম্বিধানগী খুত্থাংদা, ঐখোয়না কাশ্মিরগী মশক মওং অসি অফবা ওইহন্নবা অনৌবা পাম্বৈশিং পুথোক্লি।" "অশেংবা ৱাহন্থোক্তা জম্মু অমসুং কাশ্মিরনা ভারতকী সম্বিধানবু লৌশিনখ্রে”, প্রধান মন্ত্রী মোদীনা হায়খি, “আর্তিকল 370গী ফকলাং অদু থুগাইখি”।

 

|

হৌখিবা চহি ১০দা কাশ্মিরদা লাকখিবা চাউখৎ-থৌরাংগী মতাংদা পল্লদুনা, প্রধান মন্ত্রীনা হায়খি মদুদি কাশ্মির তম্পাক্তা অনৌবা অহোংবশিং মালেম্না উরি। G20 সম্মিৎ মনুংদা লমদম অসিগী মীয়াম্না উৎখিবা মীয়োক-মীচান ফবগী মতৌগীদমক মখা তানা থাগৎপা ফোঙদোকখি। মহাক্না হায়খি মদুদি তম্পাক অসিদা G20 সম্মিৎগুম্বা মালেমগী থৌরম অমা পাঙথোকপা অসিনা কাশ্মিরগী মীয়ামদা চাউথোকচবা পোকহনখি। অঙাংশিংনা লাল চৌক্তা নুমিদাং অথেংবা ফাওবা শান্নবা উবদা ভারত মচা খুদিংমক্কী থম্মোয়দা নুংঙাইবা ফাওই। অদুগা মান্ননা, তম্পাক্কী কৈথেলশিংদা মীচিনবা অসিনা মীপুম খুদিংমক্কী মাইথোংদা নুংঙাইবগী মমি তাহল্লি। চহি অসিগী মার্চ থাদা দাল লেক্কী মনাক্তা পাঙথোকখিবা স্পোর্তস কার শো অদু নীংশিংলদুনা শ্রী মোদীনা হায়খি মদুদি মালেম পুম্নমক্না থৌরম অদু য়েংখি, মসিনা তম্পাক অসিদা চাউখৎপগী খুদম অমা ওইখি। মহাক্না কাশ্মিরগী তুরিজম অসি করম্না তোক ওফ দি তাউন অমা ওইরক্লিবগে হায়বগী মতাংদা পনখি, মহাক্না মখা তাখি মদুদি হয়েং পাঙথোক্কদৌরিবা ইন্তর্নেস্নেল যোগ দে প্রোগ্রাম অসিনা মফম অসিদা তুরিস্ত কয়াগী পুক্নিং চীংশিনগনি। লেফতনেন্ত গভর্নর সিনহাগী ৱাফম পল্লদুনা প্রধান মন্ত্রীনা হায়খি মদুদি তম্পাক অসিদা লাকপা তুরিস্ত করোর 2 হেনবা মশিংনা রেকোর্দ থুগাইরি অমসুং মসিনা মফম অসিগী শেন্মিৎলোনদা চাউনা মতেং পাংলি।

মমাংগী মীরোলগী অৱাবশিং অসিদগী লান্থোক্নবা লম্বী অমা ফংবা ঙম্নবা ঐহাক্না মপুং ফানা কত্থোকপা অমসুং পুকচেল  শেংবা মওংগা লোয়ননা ইশাবু কত্থোক্তুনা হোৎনরি। ঐখোয়না দিল য়া দিল্লীগী মরক্তা লৈরিবা অরাপ্পা পুম্নমক মুত্থৎনবা হোৎনরি”, হায়না প্রধান মন্ত্রীনা ফোঙদোকখি। দেমোক্রেসীগী মহৈ অসি ইমুং খুদিংমক্তা অমসুং মীওই খুদিংমক্তা য়ৌহন্নবগীদমক পুন্না হোৎনমিন্নবগী তঙাইফদবা অদু মহাক্না ফোঙদোকখি। মহাক্না হায়খি মদুদি সেন্ত্রেল এসিস্তেন্সকী শেনফম পুম্নমক জম্মু অমসুং কাশ্মিরগী মীয়ামগী য়াইফনবা শিজিন্নরি। “জম্মু অমসুং কাশ্মিরগী মীয়াম্না মখোয়গী মীহুৎ খনবা ফংজবা অমসুং মখোয়না মখোয়গী সমস্যাশিং কোকহন্নবা মখোয় মশানা হোৎনবা অসিদগী হেন্না ফবা করি লৈবগে। মসিনা মরম ওইদুনা এসেমব্লী ইলেক্সনগী শেম-শাবা হৌরে। নখোয় নশাগী ভোৎনা জম্মু অমসুং কশ্মিরগী অনৌবা সরকার খনগদবা মতম অদু পাংলাপ লাপত্রে। জম্মু অমসুং কাশ্মিরনা অমুক হন্না রাজ্য অমা ওইদুনা মাগী তুংলমচৎ শেমগদবা মতম অদু অথুবদা লাক্লগনি ", হায়না প্রধান মন্ত্রীনা ফোঙদোকখি।

 

|

শঙ্গাবা নত্রগা উরেপ উয়ুং তমখিবা প্রোজেক্তশিংগী মতাংদা পল্লদুনা প্রধান মন্ত্রীনা লুপা করোর 1,500 হেনবগী মরুওইবা চাউখৎ-থৌরাংগী প্রোজেক্তশিং অমসুং লুপা করোর 1,800গী এগ্রিকলচর এন্দ এল্লাইদ সেক্তর্স (JKCIP)গী মতাংদা হায়খি। সরকারগী থবকশিংদা খোঙজেল য়াংনা থবক লৌবগীদমক মহাক্না UT এদমিনিস্ত্রেসনবু থাগৎপা ফোঙদোকখি অমসুং হৌখিবা চহি 5দা থবক লৌবগী চাং চাউরাক্না 40,000 হেনখ্রে হায়না মহাক্না ফোঙদোকখি। জম্মু অমসুং কাশ্মিরদা অচৌবা ইনভেস্তমেন্ত কয়া অমা তৌবগী পোজিতিব ইম্পেক্ত অদুসু মহাক্না পনখি।

কাশ্মিরদা খুমাং চাউশিল্লকপা অসি থাগৎপা ফোঙদোক্লদুনা প্রধান মন্ত্রীনা হায়খি মদুদি ঙসি তম্পাক্তা রেল কনেক্তিবিতী, এজুকেসন, হেল্থ ইনফ্রাস্ত্রকচর, ইলেক্ত্রিসিতী অমসুং ঈশিং য়াওনা লম খুদিংমক্তা অচৌবা চাউখৎ-থৌরাংগী থবক কয়া পায়খৎপা উবা ফংলি। প্রধান মন্ত্রী গ্রামীন সরক য়োজনাগী মখাদা কিলোমীতর লিশিং কয়াগী লম্বী শেমখ্রে হায়না মহাক্না ফোঙদোকখি, অনৌবা হাইৱে অমসুং এক্সপ্রেসৱেগী মথক্তা, তম্পসক অসি রেলৱেগা শম্নহল্লগনি হায়নসু মহাক্না মখা তাখি। চেনাব রেলৱেগী থোংগী ফজরবা শক্তম অসিনা মীপুম খুদিংমকপু চাউথোকচবা পোকহল্লি। মরুওইনা, অৱাং কাশ্মিরদা লৈবা গুরেজ তম্পাক্তা গ্রিদ কনেক্তিবিতীগী অহানবা ওইনা এক্সেস ফংখি। ঙসিদি তম্পাক অসি লৌউ-শিংউবদগী হৌরগা হোর্তিকলচর, স্পোর্তস অমসুং স্তার্ত-অপশিং ফাওবদা লম খুদিংমক্তা খুদোংচাবা কয়া ফংলি হায়না শ্রী মোদীনা নৌহৌনা হায়খি।

 

|

হৌখিবা চহি 10দা কাশ্মিরদা চাউখৎ-থৌরাংগী থবকশিং পায়খৎলকপগীদমক প্রধান মন্ত্রীনা থাগৎপা ফোঙদোক্লসুনা মহাক্না হায়খি মদুদি তম্পাক অসি তপ্না তপ্না স্তার্ত-অপ, স্কিল দিবেলপমেন্ত অমসুং স্পোর্তকী মরুওইবা মফম অমা ওইরক্লি। মহাক্না পনখি মদুদি তম্পাক্কী লৌউ-শিংউগী সেক্তরদা চাদা 70 রোমদি স্তার্ত-অপশিংনি, মহাক্না মখা তাখি মদুদি হৌখিবা চহি খরদা তম্পাক অসিদা দিগ্রী কোলেজ 50 হেন্না লিংখৎখ্রে। “পোলিতেক্নিক্কী সীৎশিং হেনগৎলক্লি, অমসুং অনৌবা স্কিলশিং তম্বগী খুদোংচাবা লৈরি। IIT, IIM, অমসুং AIIMS শাগৎলি লোয়ননা অনৌবা মেদিকেল কোলেজ কয়া অমসু শাগৎলি।" মহাক্না হায়খি মদুদি তুরিজম অমসুং হোস্পিতালিতী সেক্তরদা লোকেলগী থাক্তা স্কিলশিং শেমগৎলি। প্রধান মন্ত্রীনা তুরিস্ত গাইদশিংগীদমক ওনলাইন কোর্সশিং হৌদোক্নবা অমসুং স্কুলশিং, কোলেজশিং, য়ুনিভর্সিতীশিংদা য়ুথ তুরিজম ক্লবশিং লিংখৎনবা ৱাফম থমখি… হায়রিবা থবকশিং অসি ঙসি কাশ্মিরদা পাঙথোক্লি।

প্রধান মন্ত্রীনা জম্মু অমসুং কাশ্মিরগী নরিশক্তিদা চাউখৎ-থৌরাংগী থবকশিংনা পোজিতিব ওইবা ইম্পেক্ত পীখিবা অদু পনখি। মহাক্না লোকেল সেল্ফ হেল্প গ্রুপকী নুপীশিংদা তুরিজম অমসুং IT ত্রেনিং পীবগী মতাংদসু পনখি।

 

|

নুমিৎ নিনিগী মমাংদা হৌদোকখিবা কৃশী সখী প্রোগ্রামগী মতাংদা পল্লদুনা, প্রধান মন্ত্রীনা হায়খি মদুদি জম্মু অমসুং কাশ্মিরগী নুপী 1200 হেনবনা কৃশী সখী ওইনা থবক তৌরি। মহাক্না নমো দ্রোন দিদি প্রোগ্রামগী মতাংদসু পনখি অমসুং স্কিম অসিগী মখাদা জম্মু অমসুং কাশ্মিরগী মচানুপীশিংবু ত্রেন তৌরি হায়না হায়খি। “সরকারনা নুপীশিংগী শেন্থোক হেনগৎহন্নবা অমসুং হিংনবগী খুদোংচাবশিং ফংহন্নবা হোৎনরি," হায়না মহাক্না মখা তাখি।

প্রধান মন্ত্রীনা হায়খি, "ভারত অসি তুরিজম অমসুং স্পোর্তসকী লমদা মালেমগী অচৌবা শক্তি অমা ওইরক্নবা হোৎনরি।" মহাক্না সেক্তর অনি অসিদা জম্মু অমসুং কাশ্মিরগী পোতেন্সিএল অদু পনখি। মহাক্না জম্মু অমসুং কাশ্মিরগী জিলা খুদিংদা অফবা স্পোর্তস ইনফ্রাস্ত্রকচর শেমগৎপগী মতাংদা পনখি অমসুং খেলো ইন্দিয়া সেন্তর 100 রোম শাগৎপগী মতাংদা পনখি। জম্মু অমসুং কাশ্মিরগী নহারোল চাউরাক্না 4500 রোম্না নেস্নেল অমসুং ইন্তর্নেস্নেল কম্পিতিসনশিংগীদমক ত্রেনিং ফংলি হায়না মহাক্না হায়খি। ৱিন্তর স্পোর্তসকী মতাংদা পল্লদুনা প্রধান মন্ত্রীনা হায়খি মদুদি জম্মু অমসুং কাশ্মির অসি ভারতকী ৱিন্তর স্পোর্তকী কোনুং ওইরক্লি। মহাক্না চহি অসিগী ফেব্রুৱারীদা লৈবাক শিনবা থুংবদগী শান্নরোয় 800 হেন্না শরুক য়াখিবা খেলো ইন্দিয়া ৱিন্তর গেম্সকী মরিশুবা এদিসন অদুগী মতাংদা পনখি। "অসিগুম্বা থৌরমশিং অসিনা তুংলমচৎতা ইন্তর্নেস্নেল স্পোর্ত ইভেন্তশিংগীদমক অনৌবা ওইথোকপা য়াবশিং শেমগনি", হায়না মহাক্না মখা তাখি।

 

|

প্রধান মন্ত্রীনা জম্মু অমসুং কাশ্মিরগী মীয়ামদা চাউখৎ-থৌরাংগী মায়োক্তা লেপ্লিবা শান্তি অমসুং মীওইবা খুন্নাইগী য়েক্নবশিংদগী চেকশিন্না লৈনবা খঙহনখি। শ্রী মোদীনা হায়খি, "মসি জম্মু অমসুং কাশ্মিরগী চাউখৎপা থিংনবা, মফম অসিদা শান্তি লৈহন্দনবা মখোয়গী অরোইবা খোঙথাং অমনি।" মহাক্না অকনবা ৱাফম থমখি মদুদি জম্মু অমসুং কাশ্মিরগী এদমিনিস্ত্রেসনগা খুৎশম্নদুনা কেন্দ্রগী গৃহ মন্ত্রীনা শেম-শাবা পুম্নমক য়েংশিনখিবা অদুদা সরকারনা হন্দক্কী তেরোরিস্তকী থৌদোকশিং অসি থোইদোক্না হকচিন্না লৌখি। প্রধান মন্ত্রীনা অমুক হন্না হায়খি, "জম্মু অমসুং কাশ্মিরগী য়েক্নবশিংবু পরা তম্বীনবা হোৎনবা য়াবা হোৎনগনি হায়না ঐনা থাজবা পীজরি। জম্মু অমসুং কাশ্মিরগী অনৌবা মীরোলনা মতম চুপ্পগী ওইবা শান্তিদা হিংগনি। ঐখোয়না জম্মু অমসুং কাশ্মিরনা খনজরিবা চাউখৎপগী লম্বী অসি মপাঙ্গল কনখৎহল্লগনি”। ঙসিগী চাউখৎ-থৌরাংগী প্রোজেক্তশিংগীদমক জম্মু অমসুং কাশ্মিরগী মীয়ামদা নুংঙাইবা ফোঙদোক্লদুনা প্রধান মন্ত্রীনা মহাক্কী ৱারোল পীবা লোইশিনখি।

 

|

থৌরম অদুদা জম্মু অমসুং কাশ্মিরগী লেফতনেন্ত গভর্নর, শ্রী মনোজ সিনহা অমসুং আয়ুশকী কেন্দ্রগী রাজ্য মন্ত্রী (ইন্দিপেন্দেন্ত চার্জ), শ্রী প্রতাপরাও জধাব শরুক য়াখি।

বেকগ্রাউন্দ

নহা ওইরিবা এচিভরশিংগী খুমাং চাউশিনবা অমসুং ইথিল উৎলিবা থৌরম ‘এম্পাৱরিং য়ুথ, ত্রান্সফোর্মিং J&K’ অসি লমদম অসিগীদমক য়াম্না মরু ওই।

 

|

প্রধান মন্ত্রীনা লুপা করোর 1,500 হেনবগী মরুওইবা চাউখৎ-থৌরাংগী প্রোজেক 84 উরেপ-উয়ুং তমখি অমসুং শঙ্গাখি। শঙ্গাখ্রবা প্রোজেক্তশিংগী মনুংদা লম্বী-থোং, থক্নবা ঈশিং পীনবা স্কিমশিং অমসুং অৱাংবা থাক্কী মহৈ-মশিংগী ইনফ্রাস্ত্রকচরশিং য়াওরি। মসিগী মথক্তা, প্রধান মন্ত্রীনা উরেপ-উয়ুং তমখ্রবা প্রোজেক্তশিংগী মনুংদা চেনানি-পাতনিতোপ-নসারি সেক্সন ফগৎহন্নবা প্রোজেক্ত, ইন্দস্ত্রিএল স্তেৎশিং চাউখৎহনবা অমসুং সরকারগী দিগ্রি কলেজ 6 শাবা য়াওরি।

প্রধান মন্ত্রীনা লুপা করোর 1800 রোমগী কম্পিতিতিপনেস ইমপ্রুপমেন্ত ইন এগ্রিকলচর এন্দ এল্লাইদ সেক্তরস(JKCIP) হৌদোকখ্রে। প্রোজেক্ত অসি জম্মু অমসুং কাশ্মিরগী জিলা 20গী ব্লোক 90দা পায়খৎকনি অমসুং বেনিফিসরি লাখ 15 কোনশিন্দুনা য়ুমথোং 300,000 প্রোজেক অসিগী কান্নবা ফংহনগনি।

প্রধান মন্ত্রী সরকারগী থবক ফংলবা মীওই 2000 হেনবদা এপোইন্তমেন্ত লেত্তরশিং য়েন্থোকখি।

উরেপ-উয়ুং তমখিবা অমসুং শঙ্গাখিবা প্রোজেক্তশিং অসিনা নহারোলশিংদা শক্তি পীরগনি অমসুং জম্মু অমসুং কাশ্মিরগী ইনফ্রাস্ত্রকচর ফগৎহল্লগনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

 

 

 

 

 

  • रीना चौरसिया September 16, 2024

    राम
  • Deepak kumar parashar September 07, 2024

    नमो
  • Avaneesh Rajpoot September 06, 2024

    jai
  • Vivek Kumar Gupta September 03, 2024

    नमो ...🙏🙏🙏🙏🙏
  • Vivek Kumar Gupta September 03, 2024

    नमो ......................…🙏🙏🙏🙏🙏
  • Aseem Goel August 26, 2024

    Jai Sri ram
  • Sandeep Pathak August 22, 2024

    jai shree Ram
  • Rajpal Singh August 09, 2024

    🙏🏻🙏🏻
  • Subhash Sudha August 06, 2024

    Jai shree Ram
  • Vimlesh Mishra July 22, 2024

    jai mata di
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Apple grows India foothold, enlists big Indian players as suppliers

Media Coverage

Apple grows India foothold, enlists big Indian players as suppliers
NM on the go

Nm on the go

Always be the first to hear from the PM. Get the App Now!
...
The World This Week On India
March 20, 2025

From the skies to the seas, from AI to ancient crafts, India's story this week is one of expansion, breakthroughs, and bold moves. A booming aviation industry, a scientific revelation in the Indian Ocean, a historic satellite launch, and a surge in AI jobs—India is stepping into the future with confidence. Meanwhile, ties with Armenia deepen, a major aerospace firm eyes Indian shores, and artisans breathe new life into heritage toymaking. Let’s dive into the stories that define India’s unstoppable rise.

|

Taking Off: India’s Aviation Boom and the Urgent Need for Pilots

With over 1,700 aircraft orders, India’s aviation industry is gearing up for unprecedented expansion. The current fleet of 800+ planes is set to grow, and with it comes a pressing demand: 30,000 pilots needed in the next two decades. The Ministry of Civil Aviation is working to ramp up pilot training infrastructure, positioning India as a global hub for flight training. The skies are getting busier, and India is ready. 

AI Surge: India’s Tech Workforce Faces a Crucial Moment

The Artificial Intelligence sector is racing ahead, with 2.3 million job openings projected by 2027. Globally, AI job postings have shot up by 21% annually, while salaries in the sector are growing at 11% each year. However, the talent gap is expected to persist, which can be filled by India, which isn’t just adopting AI—it’s shaping the global AI workforce.

Armenia Looks to India for Stronger Ties

In a telling statement, Armenian Foreign Minister Ararat Mirzoyan underscored India’s rising diplomatic clout, calling for deeper relations between the two nations. “We are eager to build ties with India so that both our peoples benefit in the coming decades and centuries,” he said, reinforcing India’s expanding influence beyond traditional partnerships.

The NISAR Satellite: A Game-Changer for Global Agriculture

A joint NASA-ISRO mission, the NISAR satellite is about to revolutionize farming worldwide. This cutting-edge technology will provide unparalleled insights into crop growth, plant health, and soil moisture levels, empowering farmers and policymakers with real-time data. Precision agriculture is no longer the future—it’s the present, and India is leading the way. 

The Mystery of the Indian Ocean’s Gravity Hole—Solved!

For decades, a bizarre gravitational anomaly in the Indian Ocean puzzled scientists: a dip in sea level 106 meters lower than the global average. Now, Indian scientists have cracked the mystery—it’s the result of deep-seated mantle dynamics shaping the Earth from within. This discovery not only unravels a geological enigma but also enhances our understanding of the planet’s internal forces.

Champions Again! India Lifts the ICC Trophy

Cricket fans across the country erupted in joy as Team India clinched the Champions Trophy, adding another milestone to its legacy. PM Narendra Modi congratulated the Indian Cricket team, hailing their perseverance and skill. From the T20 World Cup win to this latest triumph, Indian cricket remains a force to be reckoned with.

India Rescues 300 Nationals from Cybercrime Syndicates

Nearly 300 Indian citizens, lured to Southeast Asia with fake job offers, found themselves trapped in cybercrime rings. The Indian government’s action secured their release, with diplomatic missions in Myanmar and Thailand playing a key role. This operation reinforces India’s commitment to protecting its people abroad. (Reuters)

Mubadala’s Sanad Eyes India’s Aerospace Market

UAE-based Mubadala’s Sanad, a leading name in aerospace engineering, has set its sights on India following a record revenue of Dh4.92 billion in 2024. This move showcases India’s growing prominence in global aviation and aerospace manufacturing.

Bessemer’s $350M Double Downs on India’s Startups

Global venture capital giant Bessemer Venture Partners is doubling down on India with a $350 million fund, aimed at SaaS, fintech, cybersecurity, and digital health startups. This reflects India’s surging startup ecosystem, attracting major global investors eager to tap into its innovation potential. 

India’s Toymakers Keep Heritage Alive
Amid a flood of mass-produced plastic toys, Indian artisans are keeping traditional wooden toymaking alive. This craft, passed down through generations, is seeing renewed interest. The government has stepped in with initiatives to turn India into a global hub for handcrafted toys, blending tradition with new-age markets. 

A Nation on the Move
India’s story this week is one of ambition, resilience, and global leadership. Whether it’s solving scientific mysteries, shaping the future of AI, expanding its aerospace footprint, or rescuing its citizens from international fraud rings, India is making waves across the world. The momentum is undeniable—and this is just the beginning.