ইকাইখুম্নজরবা প্রধান মন্ত্রীনা নবেম্বর ২০-২১, ২০২১দা লখনৌদা পাংথোকপা ৫৬শুবা দি.জি.পি/আই.জি.পি.শিংগী কনফরেন্স – ২০২১দা শরুক য়াখ্রে। কনফরেন্স অদুদা তোঙান তোঙানবা রাজ্য/য়ু.তি.শিংদগী সি.এ.পি.এফ./সি.পি.ও.শিংগী দি.জি.পি/আই.জি.পি. ৬২না লখনৌদা শরুক য়াখি। তোঙান তোঙানবা রেঙ্ককী ওফিসর ৪০০ হেনবনা লৈবাক শিনবা থুংনা লৈরিবা আই.বি. ওফিসশিংদগী ভর্চুএল ওইনা শরুক য়াখি।
প্রধান মন্ত্রীনা কনফরেন্সকী মনুংদা পাংথোকখিবা ৱারী-ৱতাইগী থৌরমদা শরুক য়াখি অমসুং মহাক্কী মমল য়াম্লবা সজেসনশিং পীখি। কনফরেন্সকী মমাংদা, প্রিজন রিফোর্ম, তেরোরিজম, লেফ ৱিং এক্সত্রিমিজম, সাইবর ক্রাইম, নার্কোতিক্স ত্রাফিকিং, এন.জি.ও.শিংগী ফোরেন ফন্দিং, দ্রোনগা মরী লৈনবা ৱাফমশিং, ঙমখৈদা লৈবা খুঙ্গংশিং শেমগৎ-শাগৎপা অসিনচিংবা লৈবাক্কী ঙাকশেলগা মরী লৈনবা মরুওইবা হিরমশিংগী মতাংদা খন্ন-নৈননবা দি.জি.পি.শিংগী তোঙান তোঙানবা ক্রোর গ্রুপশিং শেমখি।
প্রধান মন্ত্রীনা খন্ন-নৈনবা অদুদা শরুক য়াদুনা মহাক্কী মমল য়াম্লবা পাউতাকশিং পীখি। কনফরেন্স অদু লোইশিনবগী ৱা ঙাংবদা প্রধান মন্ত্রীনা পুলিসকা মরী লৈনবা থৌদোকশিং নৈনবা লোইননা তম্বগী থৌওংশিং অদু ইন্সতিত্যুস্নেলাইজ মেকানিজম অমা শেম্ননবা শাফু পীখি। মহাক্না হাইব্রিদ ফোর্মেৎকী কনফরেন্স অদুবু থাগৎপা ফোংদোকখি অমসুং হায়খি মদুদি মসিদগী তোঙান তোঙানবা থাক্কী ওফিসরশিংগী মরক্তা ই-পাউ ফাওনবা লাইহল্লে। মহাক্না লৈবাক অপুনবগী পুলিস ফোর্সকী কান্ননবা ইন্তর-ওপরেবল তেক্নিকশিং চাউখৎহনবদা শাফু পীখি। মহাক্না গৃহ মন্ত্রীগী লুচিং মখাদা হাই পাৱর পুলিস তেক্নোলোজী মিশন লিংখৎনবা হায়খি মরমদি তুংলমচৎকী তেক্নিকশিংবু মখোংদগী হৌবা পুলিসকী তঙাইফদবশিংগী মতুং ইন্না হাপচিনবা য়ানবগীদগমক্তনি। মীচমগী পুন্সিদা তেক্নিক্কী মথৌ তাবা অদু ফোংদোক্নবগীদমক্তা প্রধান মন্ত্রীনা কোৱিন, জেম অমসুং য়ু.পি.আই.গী খুমদ পীখি। মহাক্না কোবিদ লাইচৎকী মতুংদা পুলিসকী থবক-থৌরমদা মীয়ামগী মায়কৈদা অফবা অহোংবা পুরকপগীদমক থাগৎপা ফোংদোকখি। মহাক্না হায়খি মদুদি দ্রোন তেক্নিক শিজিন্নবা অসি মীয়ামগী কান্ননবগীদমক শিজিন্নগদবনি। মহাক্না ২০১৪দা হৌদোকখিবা এ.এম.এ.আর.তি. পুলিসিংগী চাং নাইনা য়েংশিনবা অদুগী মতাংদা হায়খি অমসুং মদুদা লেপ্তনা অহোংবা পুরকপা অমসুং মদুবু ইন্সতিত্যুস্নেলাইজ তৌনবগীদমক শাফু পীখি। পুলিসকী থেংনরিবা অৱাবশিং লোইশিন্নবগীদমক্তা মহাক্না অৱাংবা তেক্নিক্কী মহৈ ফংলবা নহাশিং পুন্সিন্নবগীদমক হায়খি মদুদি হেকাথোনগী খুৎথাংদা তেক্নিকেল সোলুসনশিং থিদোকপা য়াই।
প্রধান মন্ত্রীনা আই.বি. পার্সোনেলশিংদা থোইদোকপা মথৌদাংগীদমক প্রসিদেন্ত পুলিস সেবা মেদল পীখি। অহানবা ওইনা প্রধান মন্ত্রীগী লুচিং মখাদা রাজ্য কয়ামরুমগী আই.পি.এস. ওফিসরশিংনা কন্তেম্পোরেরী সেক্যুরিতী ইসুশিংগী মতাংদা ইবা মখোয়গী আর্তিকলশিং পুথোকখি, মদুনা কনফরেন্স অদুগী মগুন হেনগৎহনখি।
মসিগী মমাংদা, নবেম্বর ১৯দা গ়হ মন্ত্রীনা কনফরেন্স অসি হৌদোকখি, মদুদা মহাক্না লৈবাক অসিগী খ্বাইদগী ফবা পুলিস স্তেসন অহুমদা ত্রোফী পীদুনা ইকাই খুম্নবা উৎখি। গৃহ মন্ত্রী মীফম খুদিংমক্তা শরুক য়াখি অমসুং মহাক্না মহাক্কী মমল য়াম্লবা সজেসনশিং পীখি অমসুং লম্বী তাকখি।
