প্রধান মন্ত্রী, শ্রী নরেন্দ্র মোদীনা ঙসি নই দিল্লীগী বিজ্ঞান ভাবনদা কনফেদরেসন ওফ ইন্দিয়ন ইন্দস্ত্রী (সি.আই.আই.)না শিনবা ‘জর্নী তুৱার্দস ভিকসিৎ ভারত: এ পোস্ত য়ুনিয়ন বজেত ২০২৪-২৫ কনফরেন্স’কী হৌদোকপগী থৌরমদা ৱা ঙাংখ্রে। কনফরেন্স অসিনা সরকারগী গ্রোথ লৈনবগী অচৌবা ভিজন অমসুং ইন্দস্ত্রীগী থৌদাংগী মতাংদা মরু ওইবা অদু থম্নবা পান্দম থম্মি। মসিদা ইন্দস্ত্রী, সরকার, দিপ্লোমেতিক কম্ম্যুনিতী, থিঙ্ক তেঙ্ক ১০০০ হেনবনা শরুক য়াখি অমসুং লৈবাক অসিদা অমসুং মপান্দা লৈবা তোঙান-তোঙানবা সি.আই.আই. কয়াদগী মীওই কয়ানা শরুক য়াখি।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি লৈবাক অসিগী প্রজাশিংনা পুন্সিগী হিরম খুদিংমক্তা স্তেবিলিতী ফংলবা অমসুং থৱায় য়াওরবা মতমদা জাতিনা কৈদৌনুদা শোত্থনা লৈরোই। থৌরম অদুদা ৱা ঙাংনবা মহাকপু কৌখিবগীদমক মহাক্না কনফেদরেসন ওফ ইন্দিয়ন ইন্দস্ত্রী (সি.আই.আই.) দা থাগৎপা ফোংদোকখি।
লায়চৎ মনুংদা ললোন-ইতিক্কী লমদা লৈরম্বা চাউখৎ-থৌরাংগী মতাংদা খন্ন-নৈনখিবা অদু পল্লদুনা, প্রধান মন্ত্রীনা মতম অদুদা মহাক্না ফোংদোকখিবা অপাম্বা অদু নীংশিংখি অমসুং লৈবাক অসিনা ঙসি উবা ফংকিবা খোঙজেল য়াংনা চাউখৎলক্লিবা অদু পনখি। “ঙসি ঐখোয়না ভিকসিৎ ভারতকী মাইকৈদা চৎলিবা খোঙচৎকী মতাংদা খন্নরি। মসি সেন্তিমেন্তদা লাকপা অহোংবা খক্তা নত্তনা কনফিদেন্সতা লাকপা অহোংবগী মমি অমনি " হায়না মহাক্না হায়খি। মালেমগী খ্বাইদগী চাউবা ৫শুবা ইকনোমী ওইনা ভারতকী থাক অদু অমুক হন্না ফোংদোক্লদুনা মহাক্না হায়খি মদুদি ৩শুবা মফমদা খোঙজেল য়াংনা খুমাং চাউশিল্লি।
প্রধান মন্ত্রীনা হৌজিক লৈরিবা সরকারনা ২০১৪দা লৈঙাক পায়রকখিবা মতম অদু নৌহৌনা নিংশিংখি অমসুং শেন্মিৎলোনবু অমুক হন্না ত্রেক্তা পুরক্নবা মতম অসিগী তঙাইফদবা অদু পনখি। মহাক্না ২০১৪গী মমাংগী মতমগী মতাংদা পনখি, মতম অদুদা লৈবাক অসি ফ্রেজাইল মাইব ইকনোমীগৌ মনুং চল্লমখি অমসুং লুপা করোর লাখ কয়াগী শেঞ্জা-থুমজবা অমসুং স্কেমগী থবকশিংনা থলমখি। সরকারনা হ্বাইৎ পেপর অমদা পনখিবা ইকনোমিক কন্দিসনশিংগী অকুপ্পা ৱারোল নৈনবা তৌদনা, প্রধান মন্ত্রীনা ইন্দস্ত্রীগী লুচিংবশিং অমসুং ওর্গনাইজেসনশিংবু দোক্যুমেন্ত অদু য়েংশিনবা অমসুং মমাংগী শেন্মিৎলোনগী ফিভমশিংগা চাংদম্ননবা পুক্নিং থৌগৎখি। হৌজিক লৈরিবা সরকার অসিনা ভারতকী শেন্মিৎলোনবু অনৌবা অৱাংবা থাক্তা পুখৎলে অমসুং অৱাবা ফীভমদগী ঙাকথোক্লে হায়না মহাক্না অকনবা ৱাফম থমখি।
হন্দক্তা পুথোকখিবা বজেৎকী ৱাফম খরা পল্লদুনা প্রধান মন্ত্রীনা হৌজিক লৈরিবা লুপা করোর লাখ ৪৮গী বজেৎ অসি ২০১৩-১৪গী লুপা করোর লাখ ১৬গী বজেৎগা চাংদম্নখি, মসি শরুক অহুম হেনগৎপনি। কেপিতেল এক্সপেন্দিচর, রিসোর্স ইনভেস্তমেন্তকী খ্বাইদগী চাউবা মিজর অসি ২০০৪দা লুপা করোর লিশিং ৯০ ওইরম্মি, মসি ২০১৪ ফাওবদা চহি ১০দা লুপা করোর লাখ ২দা হেনগৎখি, মসি শরুক অনি হেনগৎখি। মসিগা চাংদম্নবদা, মরুওইবা ইন্দিকেতর অসি ঙসি লুপা করোর লাখ ১১ হেনখ্রে, ঙসিদি মসি শরুক মঙা হেনখ্রে।
মহাক্কী সরকারনা ভারতকী শেন্মিৎলোনগী সেক্তর খুদিংমক য়েংশিন্নবা ৱাশক্লি হায়না নৌহৌনা ফোংদোক্লদুনা প্রধান মন্ত্রীনা হায়খি, "অদোম্না তোঙান তোঙানবা সেক্তরশিংদা য়েংবীরবদি, মখোয় খুদিংমক্তা ভারতনা করম্না মীৎয়েং থম্লিবা অদু অদোম্না খঙবা ঙমগনি।" মমাংগী সরকারগা চাংদম্নরদুনা শ্রী মোদীনা হায়খি মদুদি হৌখিবা চহি ১০দা রেলৱেজ অমসুং হাইৱেজকী বজেৎ অসি শরুক ৮ হেনগৎখ্রে। মরক অসিদা, লৌউ-শিংউ অমসুং ঙাকশেলগী বজেৎশিং অসি মথংশিৎনা শরুক মরি অমসুং অনি হেনগৎলকপা উবা ফংখি।
সেক্তর খুদিংমক্কী বজেত্তা রেকোর্দ ওইনা হেনগৎলকপা অসি তেক্সতা রেকোর্দ ওইনা হন্থরবা মতুংদা পাংথোক্লে হায়না প্রধান মন্ত্রীনা অকনবা ৱাফম থমখি। প্রধান মন্ত্রীনা হায়খি, "২০১৪দা, লুপা করোর ১গী ইনকম লৈবা এম.এস.এম.ই.শিংনা প্রিজুম্পতিব তেক্স পীবা মথৌ তাখি, হৌজিক্তি লুপা করোর ৩ ফাওবগী ইনকম লৈবা এম.এস.এম.ই.শিংনা মসিগী খুদোংচাবা লৌবা ঙম্লে। ২০১৪দা, এম.এস.এম.ই.শিংনা লুপা করোর ৫০ ফাওবা ফংলবদি চাদা ৩০গী তেক্স পীগদবনি, ঙসিদি হায়রিবা চাং অসি চাদা ২২ ওইরে। ২০১৪দা, কম্পনীশিংনা চাদা ৩০গী কোর্পোরেৎ তেক্স পীরম্মি। ঙসিদি লুপা করোর ৪০০ ফাওবগী ইনকম লৈবা কম্পনীশিংগী ওইনা চাদা ২৫ ওইরে।“
প্রধান মন্ত্রীনা হায়খি মদুদি কেন্দ্রগী বজেৎ অসি বজেৎ এল্লোকেসন অমসুং তেক্স হন্থহনবতা নত্তনা অফবা লৈঙাক লৈহনবদসুনি। শ্রী মোদীনা ২০১৪গী মমাংদা, শেন্মিৎলোনগী ফীভম ফনা লৈরে হায়বগী মমি অমা শেমনবগীদমক্তা বজেৎশিংদা অচৌবা এনাউন্সমেন্ত তৌখিবা অদু নীংশিংখি। অদুম ওইনমক, লাউথোকখিবশিং অসি তশেংনমক্কী চৎনহনবগী মতাংদদি, মদুগী অশেংবা মমিদি উবা ফংখিদে। মখোয়না ইনফ্রাস্ত্রকচরদা পীখিবা শেনফম অসি মপুং ফানা শীজিন্নবা ঙমখিদে, অদুবু এনাউন্সমেন্তকী মতমগী মনুংদা হেদলাইনশিং ওইখি। শেয়র মার্কেতশিংদসু পীক্না হেনগৎলকপগী রেজিস্তর তৌরমখি, অমসুং মখোয়গী সরকারশিংনা প্রোজেক্তশিং মতম চানা লোইশিনবা মরুওইনা লৌখিদে। “ঐখোয়না হৌখিবা চহি ১০ অসিদা ফীভম অসি হোংদোক্লে। ঐখোয়না ইনফ্রাস্ত্রকচরগী প্রোজেক্ত খুদিংমক য়াম্না থুনা অমসুং পাক-চাউনা লোইশিনলি হায়বসি ময়াম পুম্নমক্না উবা ফংলে,” হায়না শ্রী মোদীনা মখা তাখি।
হৌজিক মালেমগী ওইরিবা ফীভমগী মতাংদা প্রধান মন্ত্রীনা হায়খি মদুদি ভারতকী গ্রোথ অমসুং স্তেবিলিতী অসি অখন্নবা অমনি। ভারতকী ফোরেন এক্সচেঞ্জ রিজর্ব অসি চাউনা গ্রোথ লৈবা উবা ফংলে অমসুং ভারতনা অৱাংবা মালেমগী ওইরিবা অতাবা গ্রোথ অমসুং অৱাংবা ইনফ্লেসনগী ফীভম অসিদা অৱাংবা গ্রোথ অমসুং অতাবা ইনফ্লেসন লৈ উৎলি। মহাক্না লাইচৎ মনুংদা ভারতকী শেন-থুমগী ওইবা চেকশিন থৌরাং অসি মালেমগীদমক রোল মোদেল অমনি হায়নসু হায়খি। মালেমগী গুদস অমসুং সর্বিস এক্সপোর্ত্তা ভারতকী কন্ত্রিব্যুসন লেপ্পা লৈতনা হেনগৎলক্লি। মহাক্না অকনবা ৱাফম থমখি লাইচৎ, মহৌশাগী ওইবা খুদোংথিবা অমসুং লানগুম্বা মালেমগী ওইবা শীংনবশিং লৈরবসু মালেমগী গ্রোথতা ভারতনা শরুক তম্মিবা অসি চাদা ১৬ য়ৌরে।
প্রধান মন্ত্রীনা হায়খি মদুদি “জাতি অসিনা ভিকসিৎ ভারতকী ৱারেপশিংগা লোয়ননা মাংলোমদা চংশিল্লি”। মহাক্না হায়খি মদুদি হৌখিবা চহি ১০দা মীওই করোর ২৫না লাইরবা কোকহনখ্রে। মহাক্না ইজ ওফ লিভিং হেনগৎনবা অমসুং পুন্সি মহিং হেনগৎহন্নবা সরকারনা হোৎনরিবশিং অদু পনখি।
প্রধান মন্ত্রীনা হায়খি মদুদি ইন্দস্ত্রী ৪.০ স্তেন্দর্দশিংবু ৱাখলদা থমদুনা সরকারনা স্কিল দিবেলপমেন্ত অমসুং এমপ্লোইমেন্ততা য়াম্না মীৎয়েং চংলি। প্রধান মন্ত্রীনা মুদ্রা য়োজনা, স্তার্ত-অপ ইন্দিয়া অমসুং স্তেন্দ অপ ইন্দিয়া কেম্পেনগী খুদমশিং পনখি অমসুং মীওই করোর ৮ হেনবনা অনৌবা বিজিনেসশিং হৌখ্রে হায়না পাউদমখি। মহাক্না হায়খি মদুদি ভারত অসি নহারোল লাখ কয়া থবক পীরিবা স্তার্তঅপ লাখ ১.৪০গী লমদমনি। চহি অসিগী বজেৎতা লুপা করোর লাখ ২গী পি.এম. পেকেজগী মতাংদা পল্লদুনা প্রধান মন্ত্রীনা হায়খি মদুদি মসিনা নহারোল করোর ৪ হেনবদা কান্নবা ফংহল্লগনি। মহাক্না হায়খি, “পি.এম. পেকেজ অসি হোলিস্তিস অমসুং কম্প্রিহেন্সিবা ওইবা অমনি। মসি এন্দ-তু-এন্দ সোলুসনশিংগা মরী লৈনৈ”। প্রধান মন্ত্রী মোদীনা পি.এম. পেকেজ অসিগী মখাদা লৈরিবা ভিজন অদু মখা তানা ফোংদোকখি অমসুং হায়খি মদুদি মসিনা ভারতকী মেন পৱার অমসুং পোত্থোকশিং অসি ক্বালিতী অমসুং ভেল্যুদা মালেমগী থাক্তা চাংদম্নবা ঙমহনবদা পান্দম থম্লি। শ্রী মোদীনা নহারোলশিংগী হৈশিংবা অমসুং এক্সপোজর হেনগৎহন্নবা হৌদোকখিবা ইন্তর্নশিপ স্কিমগী মতাংদসু পনখি। মসিনা মখোয়গী থবক ফংবগী খুদোংচাবসু হেনগৎহল্লগনি। প্রধান মন্ত্রীনা হায়খি, মরম অসিনা সরকারনা ই.পি.এফ.ও.গী কন্ত্রিব্যুসনদা ইন্সেন্তিবশিং পীনবা লাউথোকখ্রে।
প্রধান মন্ত্রীনা হায়খি মদুদি সরকারগী পান্দম অমসুং অচেৎপা ফিরেপ অদু ময়েক শেংলে অমসুং মসিগী মাইকৈদগী দাইভর্জন তৌবা অমত্তা লৈতে। 'নেসন ফর্স্ত'গী কম্মিতমেন্ত অসি দোল্লর ত্রিলিয়ন ৫গী ইকনোমীগী পান্দম, সেচুরেসন এপ্রোচ, জিরো ইফেক্ত-জিরো দিফেক্ততা মীৎয়েং চঙবা অমসুং আত্মনির্ভর ভারত নৎত্রগা ভিকসিৎ ভারতকী অচেৎপা ফিরেপদা উৎলি। মহাক্না স্কিমশিং অসি পাকথোক চাউথোকহনবদা অমসুং য়েংশিনবদা মীৎয়েং চংলিবা অমসুং মরুওইবা পীরি হায়না ফোংদোকখি।
প্রধান মন্ত্রীনা বজেৎ অসিদা মেন্যুফেকচরিংগী হিরম য়াওরিবা অদুগী মতাংদা পনখি। মহাক্না সেক্তর ১৪গীদমক মল্তি পর্পজ লোজিস্তিক্স পার্কশিং, পি.এল.আই.গা লোয়ননা মেক ইন ইন্দিয়া অমসুং তোঙান তোঙানবা সেক্তরশিংদা এফ.দি.আই.গী কাংলোনশিং লায়থোকহনবগী মতাংদা পনখি। বজেৎ অসিনা লৈবাক অসিগী জিলা ১০০গীদমক্তা প্লগ-এন্দ-প্লে ইনভেস্তমেন্ত-রেদি ইনভেস্তমেন্ত পার্কশিং লাউথোকখ্রে। হায়রিবা সহর ১০০ অসি ভিকসিৎ ভারতকী অনৌবা হবশিং ওইরগনি।" প্রধান মন্ত্রীনা হায়খি মদুদি মহাক্কী সরকারনা হৌজিক লৈরিবা ইন্দস্ত্রীএল কোরিদোরশিং অসিসু মোদর্নাইজ তৌগনি।
মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.) গী মন্ত্রালয়বু মপাঙ্গল কনখৎহন্নবা মহাক্কী সরকারগী মীৎয়েং অদু পল্লদুনা প্রধান মন্ত্রীনা হায়খি মদুদি মখোয়না থেংনরিবা খুদোংচাদবশিং অদু কোকহনবগা লোয়ননা মখোয়দা মথৌ তাবা খুদোংচাবশিংসু ফংহল্লে। শ্রী মোদীনা হায়খি, এম.এস.এম.ই.শিংদা মথৌ তাবা ৱার্কিং কেপিতেল অমসুং ক্রেদিৎ ফংহন্নবা ঐখোয়না ২০১৪দগী লেপ্পা লৈতনা থবক তৌদুনা লাক্লি। মখোয়গী কৈথেল ফংবা অমসুং মখোয়গী ওইথোকপা য়াবশিং ফগৎহল্লি অমসুং মখোয়বু ফোর্মেলাইজ তৌরি,” হায়না শ্রী মোদীনা ফোংদোক্লদুনা মখা তাখি মদুদি মখোয়গী পোৎলুম কোকহন্নবা তেক্স হন্থহনখ্রে অমসুং কমপ্লায়েন্সশিং লায়থোকহনখ্রে।
প্রধান মন্ত্রীনা বজেৎ অসিদা ন্যুক্লিয়র পাৱর জেনরেসনগীদমক অহেনবা এলোকেসন, লৌউ-শিংউগীদমক দিজিতেল পব্লিক ইনফ্রাস্ত্রকচর, লৌমীশিংগী লমগী পার্সেলশিংদা নম্বর পীনবগীদমক ভু-আধার কার্দ, স্পেস ইকনোমীগীদমক লুপা করোর ১০০০গী ভেঞ্চর কেপিতেল ফন্দ, ক্রিতিকেল মিনরেল মিসন, অমসুং মাইনিংগীদমক ওফশোর ব্লোকশিং লিলাম লাউবগী মতাংদা পনখি। মহাক্না হায়খি, "অনৌবা লাউথোকশিং অসিনা খুমাং চাউশিনবগী অনৌবা লম্বীশিং হাংদোক্কনি।"
ভারতনা মালেমগী খ্বাইদগী চাউবা অহুমশুবা শেন্মিৎলোন ওইরক্নবা হোৎনরিবা অসিদা, মরুওইনা সনরাইজ সেক্তরশিংদা খুদোংচাবশিং শেমগৎলক্লি হায়না পল্লদুনা প্রধান মন্ত্রীনা সেমিকন্দক্তর ভেল্যু চেনদা মমিং অমা শেমগৎপগী তঙাই ফদবা অদু ফোংদোকখি। মরম অদুনা, সরকার অসিনা সেমিকন্দক্তর ইন্দস্ত্রীদা পুক্নিং চিংশিল্লি হায়না প্রধান মন্ত্রীনা হায়খি। মরু ওইনা হৌজিক লৈরিবা মোবাইল মেন্যুফেকচরিং রিভোলুসনগী মতম অসিদা মহাক্না ইলেক্ত্রোনিক মেন্যুফেকচরিংবু পুক্নিং থৌগৎপগী মতাংদসু পনখি। মমাংদা ভারত অসি মপানদগী পোৎ পুশিল্লকপা লৈবাক অমা ওইরম্বদগী মতৌ করম্না মপানদা পোৎ থাদোকপা লৈবাক অমা ওইরকখিবগে হায়বগী মতাংদা মহাক্না পনখি। প্রধান মন্ত্রী মোদীনা ভারত্তা গ্রীন জোবস সেক্তরগী রোদ মেপ, গ্রীন হাইদ্রোজেন অমসুং ই-ভেহিকলস ইন্দস্ত্রীশিং হেনগৎহন্নবা ৱাফমসু পনখি। চহি অসিগী বজেৎতা ক্লিন ইনর্জীগী খোঙথাংশিং অসি য়াম্না খন্ন-নৈনরি হায়না পল্লদুনা প্রধান মন্ত্রীনা হায়খি মদুদি ঙসিগী মতম অসিদা, ইনর্জী সেক্যুরিতী অমসুং ইনর্জী ত্রাঞ্জিসন অনিমক ইকনোমী অমসুং ইকোলোজীগীদমক্তা চপ মান্ননা মরু ওই। অপীকপা ন্যুক্লিয়র রিএক্তরশিংদা পায়খৎলিবা থবকশিংগী মতাংদা পল্লদুনা শ্রী মোদীনা হায়খি মদুদি মসিনা ইন্দস্ত্রীদা ইনর্জী ফংহনবদা কান্নবা ফংহনবতা নত্তনা সেক্তর অসিগা মরী লৈনবা সপ্লাই চেন পুম্নমক্না অনৌবা ললোন-ইতিক্কী খুদোংচাবশিং ফংলগনি। প্রধান মন্ত্রীনা হায়খি, "ঐখোয়গী ইন্দস্ত্রীশিং অমসুং ওন্ত্প্রিনোরশিংনা লৈবাক অসিগী চাউখৎ-থৌরাংগীদমক মখোয়গী অচেৎপা ফিরেপ মতম পুম্নমক্তা উৎলি।" ভারত অসি সনরাইজ সেক্তর পুম্নমক্তা গ্লোবেল প্লেয়র অমা ওইহনবদা মখোয়না মরুওইবা থৌদাং লৌগনি হায়না থাজবা থম্লদুনা মহাক্না হায়খি।
প্রধান মন্ত্রীনা হায়খি, "ঐখোয়গী সরকারদা পোলিতিকেল ৱিলগী অৱাৎপা লৈতে। ঐখোয়গীদমক্তদি, লৈবাক অসিগী অমসুং মাগী প্রজাশিংগী অপাম্বশিং অসি খ্বাইদগী মরুওই। ভারতকী প্রাইবেৎ সেক্তর অসি ভিকসিৎ ভারত অমা শেমগৎনবা মপাঙ্গল লৈবা মেদিয়ম অমনি হায়না পল্লদুনা প্রধান মন্ত্রীনা হায়খি মদুদি ভারতকী গ্রোথ স্তোরিগী মরুওইবা দ্রাইভিং ফোর্স অসি ৱেলথ ক্রিএতরশিংনি। মহাক্না হায়খি মদুদি ভারতকী পোলিসীশিং, অচেৎপা থাজবা, অচেৎপা ফিরেপশিং, ৱারেপশিং অমসুং ইনভেস্তমেন্তশিং অসি মালেমগী চাউখৎপগী য়ুম্ফম ওইরি। মালেমগী ইনভেস্তরশিংগী মরক্তা ভারতকী মতাংদা পুক্নিং চিংশিনবা হেনগৎলক্লিবা অদু পল্লদুনা, প্রধান মন্ত্রীনা হৌখিবা নিতি আয়োগকী মীফমদা মহাক্না রাজ্যশিংগী মুখ্য মন্ত্রীশিংদা ইনভেস্তর-ফ্রেন্দলী চার্তরশিং শেম্নবা, ইনভেস্তমেন্ত পোলিসীশিংদা ক্লিরিতী লৈহন্নবা অমসুং ইনভেস্তমেন্তকীদমক কান্নরবা ফিভম অমা শেম্নবা হায়খিবা অদুগী মতাংদা পাউদমখি।
থৌরম অদুদা কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতি নির্মলা সিতারমন, কেন্দ্রগী কম্মর্স অমসুং ইন্দস্ত্রী মন্ত্রী শ্রী পিয়ুশ গোয়ল অমসুং কনফেদরেসন ওফ ইন্দিয়ন ইন্দস্ত্রী (সি.আই.আই.) গী প্রসিদেন্ত শ্রী সঞ্জীব পুরীসু শরুক য়াখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
वो दिन दूर नहीं जब भारत दुनिया की तीसरी सबसे बड़ी इकॉनॉमिक पावर बन जाएगा। pic.twitter.com/VqHys9uUvJ
— PMO India (@PMOIndia) July 30, 2024
The speed and scale at which our government is building infrastructure is unprecedented. pic.twitter.com/ERSGc5fexg
— PMO India (@PMOIndia) July 30, 2024
India - a beacon of growth and stability. pic.twitter.com/QyUg5Oy4b5
— PMO India (@PMOIndia) July 30, 2024
Ensuring 'Ease of Living' and 'Quality of Life' for all our citizens. pic.twitter.com/M3LMQLhqWr
— PMO India (@PMOIndia) July 30, 2024
मैं इंडस्ट्री को, भारत के प्राइवेट सेक्टर को भी, विकसित भारत बनाने का एक सशक्त माध्यम मानता हूं: PM @narendramodi pic.twitter.com/asXWA2RLls
— PMO India (@PMOIndia) July 30, 2024
