“অখাং কনবা, মশিং লাকঙমদ্রবা কত্থোকপা, নুংঙাইবা থাদোকপা অমসুং তপস্যা চহিচা কয়া তৌরবা মতুংদা ঐখোয়গী শ্রী রাম মফম অসিদা য়ৌরক্লে”
“জনুৱারী 22, 2024 অসি শুপ্নগী কেলেন্দরগী তাং অমা খক্তা নত্তে মসি অনৌবা ‘কাল চক্র’ অমগী অহৌবনি”“ঐহাক্না ভারতকী জুদিসিয়রীনা ৱায়েলগী ইকাই খুম্নবা ঙাকপগীদমক থাগৎচরি। ভগৱান রামগী মন্দির, ৱায়েল পীবগী খুদম অসি অচুম্বা মওংদা শাখি”“ঐগী নুমিৎ 11নিগী ব্রত-অনুস্থান মনুংদা ঐহাক্না শ্রী রামনা চৎলমখিবা মফম খুদিংমক্তা চৎনবা হোৎনখি”“সমুদ্রদগী সরয়ু তুরেল ফাওবা মফম খুদিংদা রামগী মিংদা চপ মান্নব হরাও তয়াম্বগী মমি উবা ফংলি”“রাম কথা অসি লোইনাইদে অমসুং রামায়নসু লোইনাইদে। রামগী ৱাখল্লোনশিং, পাউতাকশিং অমসুং তাকপী-তম্বীরমবশিং অসি মফম খুদিংমক্তা চপ মান্নৈ”“মসি রামগী শক্তমদা নেস্নেল কন্সিয়সনেসকী মন্দির অমনি। ভগৱান রাম অসি ভারতকী থাজবা, য়ুম্ফম, ৱাখল্লোন, লো, কন্সিয়সনেস, ইকাই খুম্নবা অমসুং মতিক ময়াইনি”“ঐহাক্না থমোয় শেংনা ফাওজৈ মদুদি মতমগী খোঙচৎতা অহোংবা লাক্লি। ঐখোয়গী মীরোল অসিবু মরু ওইবা লম্বেল অসিগী আর্কিতেক ওইনা খনবীখিবা অসি নুংঙাইবা ফাওই”“ঐখোয়না মথংগী চহিশ্রী মোদীনা শ্রী রাম জন্মভুমি মন্দির শাবদা য়াওখিবা শ্রমজীবিশিংগা লোয়ননা ৱারী শাখি।“নুমিৎশিং, মাইকৈশিং, অতিয়া অমসুং পুম্নমক্না ঙসি মশেক মঙাল থোক্না ঙান্থোইরি”, হায়না প্রধান মন্ত্রীনা ফোঙদোক্লদুনা হায় মদুদি মসি অচম্বা মতম নত্তে মতমদা হক্তুনা লৈহৌরদব মুৎনাইদ্রবা নীংশিং মমি অমনি”।প্রধান মন্ত্রীনা ভারতকী জুদিসিয়রীবু “ৱায়েলগী ইকাই খুম্নবা ঙাকপীদুনা ৱায়েলগী শক্তম কাইহনবা তৌদনা শ্রী রামগী মন্দিরবু অচুম্বা মওংদা শাখিবগীদমক” থাগৎপা ফোঙদোকচরি হায়খি।প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী অয়োধ্যাদা নৌনা শাখি শ্রী রাম জন্মভুমি মন্দিরদা শ্রী রামলল্লাগী প্রান প্রতিস্থাগী থৌরমদা ঙসি শরুক য়াখ্রে। শ্রী মোদীনা শ্রী রাম জন্মভুমি মন্দির শাবদা য়াওখিবা শ্রমজীবিশিংগা লোয়ননা ৱারী শাখি।
থৌরম অসিদা ৱা ঙাংলদুনা প্রধান মন্ত্রীনা হায়খি মদুদি ঐখোয়গী রাম অসি চহিচা কয়াগী মতুংদা য়ৌরক্লে। “অখাং কনবা, মশিং লাকঙমদ্রবা কত্থোকপা, নুংঙাইবা থাদোকপা অমসুং তপস্যা চহিচা কয়া তৌরবা মতুংদা ঐখোয়গী শ্রী রাম মফম অসিদা য়ৌরক্লে”, হায়না পি.এম. মোদীনা ফোঙদোকখি অমসুং প্রজাশিংদা থৌরম অসিগী নুংঙাইবা ফোঙদোকখি। প্রধান মন্ত্রীনা হায়খি ‘গর্ভ গৃহ’ মনুংদা শেংলবা ইথিল অসি এক্সপরিয়েন্স তৌবা ফংজবা অসি ৱাহৈনা ফোঙদোকপা ঙমলোই অমসুং মহাক্কী হকচাংদা শক্তিতনা থল্লি অঞসুং ৱাখল অসিনা প্রান প্রতিস্থাগী মীকুপ অসিদা লুপখি: “ঐখোয়গী রাম লল্লা অসি তেন্ত খন্দুনা অমুক হন্না লৈররোই। শেংলবা মন্দির অসিনা হৌজিক মহাক্কী য়ুম ওইরগনি” হায়না প্রধান মন্ত্রীনা থাজবা ফোঙদোকখি অমসুং ঙসিগী থৌরম অসি লৈবাক অসিদা অমসুং মালেমদা লৈরিবা রাম ভক্তাশিংনা এক্সপরিয়েন্স তৌবা ফংগনি। “মীকুপ অসি সুপরনেচরেল ওই অমসুং য়াম্না শেংই, লৈরিবা এতমোস্ফিয়র, এনভাইর্নমেন্ত অমসুং ইনর্জী অসিনা ঐখোয়দা ভগৱান রামনা থৌজালশিং পীরি তাক্লি”, হায়না শ্রী মোদীনা ফোঙদোকখি। মহাক্না হায়খি মদুদি জনুৱারী 22গী অয়ুক্কী কোরৌ অসিনা অনৌবা ইথিল অমা পুরকখি। রাম জন্মভুমি মন্দিরগী ‘ভুমি পিজন’ তৌখিবদগী হৌনা লৈবাক পুম্বদা হরাও তয়াম্বনা থনখি অমসুং চাউখৎ-থৌরাংগী থবকশিংনা প্রজাশিংদা অনৌবা শক্তি অমা পীখি হায়রদুনা “জনুৱারী 22, 2024 অসি শুপ্নগী কেলেন্দর অমা খক্তা নত্তে, মসি অনৌবা ‘কাল চক্র’গী হৌরকফম অমনি হায়না প্রধান মন্ত্রীনা ফোঙদোকখি। “ঙসি ঐখোয়না চহিচা কয়া খাংদুনা লাকপগী লন ফংজরে, ঐখোয়না শ্রী রামগী মন্দির ফংলে” হায়না প্রধান মন্ত্রীনা ফোঙদোকখি। মহাক্না হায়খি লৈবাক অসিনা মীখা পোনবগী য়োৎলিং থৎদৎখ্রে অমসুং হৌখিবা মতমগী এক্সপরিয়েন্সশিংদগী ইথিল লৌখি। পি.এম. মোদীনা হায়খি মদুদি ঙসিগী তাং অসি ঙসিদগী চহি লিশিং কয়া ফাওবা ঙাংনদুনা লৈহৌরগনি অমসুং মসি ভগৱান রামগী থৌজালশিংদগী মরু ওইবা থৌরম অসি পাঙথোকপা ঙমখিবনি। “নুমিৎশিং, মাইকৈশিং, অতিয়া অমসুং পুম্নমক্না ঙসি মশেক মঙাল থোক্না ঙান্থোইরি”, হায়না প্রধান মন্ত্রীনা ফোঙদোক্লদুনা হায় মদুদি মসি অচম্বা মতম নত্তে মতমদা হক্তুনা লৈহৌরদব মুৎনাইদ্রবা নীংশিং মমি অমনি”।
শ্রী রামগী থবক খুদিংমক্তা শ্রী হনুমান য়াওই হায়না ফোঙদোক্লদুনা প্রধান মন্ত্রীনা শ্রী হনুমান অমসুং হনুমান গরহিদা খুরুমখি। মহাক্না লক্ষ্মন, ভারত, শত্রুঘন, অমসুং মাতা জানকীদসু খুরুমখি। মহাক্না থৌরম খুদিংমক্তা শেংলবা এন্তিতীশিং য়াওই হায়না ফোঙদোকখি। প্রধান মন্ত্রীনা ঙসিগী নুমিৎ অসি য়ৌরকপদা থিন্থখিববু ঙাকপীনবা শ্রী রামদা হায়জখি অমসুং হায়খি মদুদি অহাংবা অসি মেনশিল্লবনিনা শ্রী রামনা শোইদনা ঐখোয়বু ঙাকপীরগনি।
শ্রী রামগী সন্ত তুলসিদাসনা ‘ত্রেতা য়ুগ’তা হল্লকখিবা অদু নীংশিংলদুনা প্রধান মন্ত্রীনা মতম অদুদা অয়োধ্যাদা ফাওরমগদবা নুংঙাইবা অদু নীংশিংখি। “শ্রী রামগী শেৎনা খাইনবা অসি চহি 14 ওইখি অমসুং মসি খাংবা ঙমখিদে। মতম অসিদা অয়োধ্যা অমসুং ইরৈবাকচাশিংনা চহি চা কয়া খাইদোক্নবগী অৱাবা খাংখি” হায়না মহাক্ন ফোঙদোকখি। শ্রী মোদীনা মখা তারদুনা হায় সংবিধানগী তশেংবা কোপীদা শ্রী রাম য়াওরবসু নীংতম্বা মতুংদা শাংলবা লান অমা থংনখি। প্রধান মন্ত্রীনা ভারতকী জুদিসিয়রীবু “ৱায়েলগী ইকাই খুম্নবা ঙাকপীদুনা ৱায়েলগী শক্তম কাইহনবা তৌদনা শ্রী রামগী মন্দিরবু অচুম্বা মওংদা শাখিবগীদমক” থাগৎপা ফোঙদোকচরি হায়খি।
প্রধান মন্ত্রীনা হায়খি লৈবাক পুম্বনা অপীকপা খুঙ্গংশিং য়াওনা প্রোসেসনশিং চৎপা অমসুং মন্দিরশিংদা স্বচ্ছতাগী খোঙথাংশিং পাইখৎপা উবা ফংখি। “ঙসি লাইবক পুম্বনা দিৱালী পালন তৌরি। য়ুমথোং খুদিংদা নুংথিলদা ‘রাম জ্যোতি’ থান্নবা শেম শাখি” হায়না শ্রী মোদীনা ফোঙদোকখি। মহাক্না ঙরাং রাম সেতুগী অহৌবা মফম ওইরিবা অরিচল মুনাইদা চৎখিবা অদু নীংশিংলদুনা প্রধান মন্ত্রীনা হায়খি মদুদি মসি কাল চক্রদা অওনবা পুরকখিবা মীকুপ অদু ওইখি। মীকুপ অদুগা চাংদম্নরদুনা প্রধান মন্ত্রীনা হায় মহাক্না ঙসিগী মীকুপ অসিনা মতমগী খোঙচৎতা অহোংবা পুরক্কনি অমসুং মাংদ চংশিনগনি হায়না থাজবা ফোঙদোকখি। শ্রী মোদীনা হায়খি মহাক্কী নুমিৎ 11নিগী অনুস্থান মনুংদা মহাক্না ভগৱান রামনা মখোঙ থাংখিবা মফমশিংদা মহাক্না থৌনিনবা হোৎনখি। নাশিক্কী পঞ্চৱাতি ধাম, কেরলাগী ত্রিপ্রায়র মন্দির, আন্ধ্র প্রদেশকী লেপক্ষি, শ্রীরঙ্গমগী শ্রী রঙ্গানাথস্বামী মন্দির, রামেশ্বরম অমসুং ধনুশকোদীগী শ্রী রামানাথস্বামী মন্দির পল্লদুনা প্রধান মন্ত্রীআ সমুদ্রদগী সরয়ু তুরেল ফাওবগী খোঙচৎকীদমক থাগৎপা ফোঙদোকখি। “সমুদ্রদগী সরয়ু তুরেল ফাওবা রামগী মীংখৈ শোন্দুনা হরাও মথৌ কাবা অসি মফম খুদিংমক্তা উবা ফংখি” মখা তারদুনা হায়, “ভগৱান রাম অসি ভারতকী আত্মাগী পার্তিকল খুদমক্কা কন্নেক্ত তৌখি। রাম অসি ভারত মচাশিংগী থমোয়দা লৈ”। মহাক্না হায়খি ভারতকী মফম অমা হেক্তদা লৈরিবা মীওইশিংগী কনসাইন্সতা অমত্তা ওইবগী ৱাখল্লোন থেংনগনি অমসুং মসিদগী হেনবা অপুনবগী ফোর্ম্যুলা অমা লৈরোই।
লোল কয়াদা শ্রী রাম কথা তাখিবগী মহাক্কী এক্সপরিয়েন্স অদু নীংশিংলদুনা প্রধান মন্ত্রীনা হায়খি রাম অসি ৱাখলদা লৈ, চৎনবীগী কুহ্মৈশিংদা য়াওরি। “চহি কাংলুপ খুদিংমক্কী মীয়ামদা রাম য়াওরি। মখোয়গী মওং মতৌ অমসুং ৱাহৈশিংদা রাম ফোঙদোক্লি। মসিগী ‘রাম রাস’ অসিনা পুন্সিগুম্না লেপ্পা লৈতনা চেন্থরি। রাম কথা অসি লোইনাইদে অমসুং রামায়নসু লোইনাইদে। রামগী ৱাখল্লোনশিং, পাউতাকশিং অমসুং তাকপী-তম্বীরম্বশিং মফম খুদিংমক্তা চপ মান্ননা লৈ”।
প্রধান মন্ত্রীনা ঙসিগী নুমিৎ অসি ওইথোকপা ঙম্নবা মীয়াম্না কত্থোকখিববু তৌবীমল খঙবা উৎখি। মহাক্না শন্তশিং, কার সেৱকশিং অমসুং রাম ভক্তশিংদা থাগৎপা ফোঙদোকখি।
প্রধান মন্ত্রীনা হায়খি, “ঙসিগী থৌরম অসি নুংঙাইবা ফোঙদোকপা খক্তা নত্তনা ভারতকী খুন্নাই মপুং মরৈ ফারে খঙলকপা মীকুপ অমসু ওইরি। ঐখোয়গীদমক মসি থোইবগী থৌরম নত্তে মসি মীওইবা খুন্নাইনা থোইবগীনি”। পুৱারীদা কীশিন্দুনা থমলমখিবা অসি শন্দোক্না হায়রদুনা প্রধান মন্ত্রীনা হায়খি মদুদি লৈবাক অমনা মাগী পুৱারীদা চৈথেং নংখিবগী ফল অসি নুংঙাইবা ওই। মহাক্না হায়, “অদুম ওইনমক পুৱারীগী মসিগী কীশি অসি হাংদোকপগী গ্রেবিতী অমসুং সেন্সিতিবিতী অসিনা ঐখোয়গী তুংলমচৎ অসিনা ঐখোয়গী হৌখিবা মতমদগী হেন্না নীংথীজরগনি”। প্রধান মন্ত্রীনা মাংহন তাকহনলমখিবা মীওইশিংবু নীংশিংলদুনা হায়খি অসিগুম্বা মীওইশিং অসিনা ঐখোয়গী সোসিএল ইথোস কয়াম শেংবগে খঙলমখিদে। “রামলল্লাগী মন্দির শাবা অসিনা ভারতকী খুন্নাইগী শান্তি, অখাং কনবা, তংদু লৈতাবা অমসুং তেংবাং পীনবগী খুদমসু ওইরি। ঐখোয়না উবা ফংলি মদুদি মসি শাবনা মৈ পীদে শক্তি ওইনা পীরি। রাম মন্দিরনা খুন্নাইগী শরুক খুদিংমক্তা অফবা তুংলমচৎকী মাইকৈদা চংশিন্নবা ইথিল পীরি” হায়না মহাক্না ফোঙদোকখি। মহাক্না মখা তারদুনা হায় “রাম অসি শুপ্নগী মৈ খক্তা নত্তে মহাক অসি শক্তিনি, মহাক অসি লান নত্তে ৱারোইশিননি, রাম অসি ঐখোয় খক্তগী নত্তে ময়াম পুম্নমক্কীনি, রাম অসি হৌজিক খক্তগী নত্তে তুংলমচৎকীনি।
প্রধান মন্ত্রীনা হায়খি মালেম পুম্বা অসি প্রান প্রতিস্থাগা কন্নেক্ত তৌখি, রাম লৈ হায়বা অসি উবা ফংখি। মহাক্না হায়খি লৈবাক কয়াদা মসিগা মান্নবা থৌরমশিং পাঙথোক্লি অমসুং অয়োধ্যাগী কুহ্মৈ অসিনা রামায়নগী গ্লোবেল ত্রেদিসনশিংবু হরাও তয়াম্বগা লোয়ননা পাঙথোকপা ওইরি। “রাম লল্লাগী ইকাই খুম্নবা অসি ‘বসুধৈব কুতুম্বকম’গী ৱাখল্লোন অদুনি” হায়না মহাক্না মখা তাখি।
পি.এম. মোদীনা হায়খি মদুদি মসি শ্রী রামগী শক্তমগী প্রান প্রতিস্থাগী থৌরম খক্তা নত্তে মসিদা শ্রী রামগী শক্তমদা য়াওরিবা ভারতকী নাৎতা থম্মিবা লেংদ্রবা থাজবা অদুগী প্রান প্রতিস্থানি। মহাক্না হায়খি মসি হ্যুমেন ভেল্যুশিং অমসুং খ্বাইদগী অৱাংবা থাক্কী ৱাখল্লোনশিং, মালেম পুম্বগী ওইনা তানফম অসিদা মরু ওইরিবা অদুগুম্বগী খুদম ওইরি। প্রধান মন্ত্রীনা হায়খি মদুদি পুম্নমক্কী য়াইফনবা ফিরেপ অসিনা ঙসি রাম মন্দিরগী শক্তম শেমগৎখি অমসুং মসি শুপ্নগী মন্দির অমা খক্তা নত্তে ভারতকী বিজন, ফিলোসোফী অমসুং মাইকৈ তাক্লিবা ওইরি। “রামগী শক্তমদা নেস্নেল কন্সিয়সনেসকী মন্দির অমনি। ভগৱান রাম অসি ভারতকী থাজবা, য়ুম্ফম, ৱাখল্লোন, লো, কন্সিয়সনেস, ৱাখল্লোন, ইকাই খুম্নবা অমসুং মতিক ময়াইনি। রাম অসি ইচেলনি, রাম অসি শাফুনি। রাম অসি নীতিনি। রাম অসি লোইনাইদে। রাম অসি মখা চত্থৈ। রাম অসি ভিভুনি। রাম অসি পুম্নমক্তা শন্দোক্লি, মালেম, য়ুনিভর্সেল সোল” হায়না প্রধান মন্ত্রীনা ফোঙদোকখি। মহাক্না হায়খি ভগৱান রামগী প্রতিস্থাগী শাফু অসি চহি লিশিং কয়া ফাওখিগনি। মহাঋশি বাল্মিকী পল্লদুনা প্রধান মন্ত্রীনা হায়খি মদুদি রামনা লমদম অসি চহি লিশিং তরা পালনখি মসিনা রামরাজ্য চহি লিশিং কয়াদগী শেমগৎখি তাকখি।“ত্রেতে য়ুগতা রামনা লাকপা মতমদা রামরাজ্য অসি চহি লিশিং কয়াগীদমক শেমখি। রামনা চহি লিশিং কয়া মালেমবু লমজিংদুনা লাকখি”, হায়না পি.এম. মোদীনা ফোঙদোকখি।
প্রধান মন্ত্রীমা রাম ভক্তা খুদিংমক্তা রাম মন্দির মঙফাওনরবা মতুংদা মাংদা লৈরিবা লম্বী খঙদোক্নবা হায়খ্রে। “ঙসি ঐহাক্না মতমগী খোঙচৎ অসি হোংলক্লি হায়না থমোয় শেংনা ফাওরি। ঐখোয়গী মীরোলনা মরু ওইবা লম্বী অসিগী আর্কিতেক ওইনা খনখিবা অসি য়াম্না নুংঙাইবা ওইরি”। পি.এম. মোদীনা হৌজিক লৈরিবা তাঙ্কক অসিগী মরু ওইবা অদু থমখি অমসুং ‘য়হি সমে হৈ সহি সমে হৈ’ হায়না নৌহৌনা ফোঙদোকখি। “ঐখোয়না মথংগী চহি লিশিং অমগীদমক ভারতকী য়ুম্ফম থোনবা তাই। মন্দিরদগী মাংদা চংশিন্দুনা ইরৈবাকচা পুম্নমক্না হৌজিক মীকুপ অসিদগী শক্তি লৈবা, মতিক ময়াই লৈবা অমসুং শেংলবা ভারত অমা শেমগৎনবা ৱাশকলসি”, হায়না প্রধান মন্ত্রীনা ইরৈবাকচাশিংদা ফোঙদোকখি। মসিগীদমক রামগী ৱাখল্লোন অসি লৈবাক্কী কনসাইন্সতা লৈহনবা মরু ওই হায়না মহাক্না ফোঙদোকখি।
প্রধান মন্ত্রীনা ইরৈবাকচাশিংদা মখোয়গী কন্সিয়সনেস অসি দেবতগী দেশ, রামদগী রাস্ত্র- ঈশ্বরদগী জাতিদা পাকথোক চাউথোকহনগদবনি হায়খি। মহাক্না মখোয়দা শ্রী হনুমানগী শেবা, লুপচবা অমসুং কত্থোকপদগী তমশিন্নবা হায়খি। “ভারত মচা খুদিংমক্তা ফাওরিবা লুপচবা, শেবা অমসুং কত্থোকপগী ৱাখল্লোনশিং অসিনা মতিক ময়াই লৈবা, অচৌবা অমসুং শেংলবা ভারত অমা শেম্নবগী য়ুম্ফম ওইরগদবনি” হায়না মহাক্না ফোঙদোকখি। প্রধান মন্ত্রীনা মখা তারদুনা হায় মদুদি মাতা শব্রিগী থাজবগী নুংদা লৈরিবা ৱাখল্লোন অসি ভারত মচা খুদিংমক্কী থমোয়াদা ‘রাম লাক্কনি’ হায়বা অসিনা মতিক ময়াই চেনবা ভারতকী য়ুম্ফম ওইগদবনি হায়বা অসিনা ওইরি। নিশাদ্রাজকীদমক রামনা ফাওখিবা মীনুংশিং অদুনা মীপুম খুদিংমক অমত্তনি অমসুং মসিগী অমত্তা ওইবা ৱাখল্লোন অসিনা মতিক ময়াই লৈবা অমসুং শেংবা ভারতকী য়ুম্ফম ওইগদবনি।
প্রধান মন্ত্রীনা হায়খি মদুদি ঙসি লৈবাক অসিদা নীংহন্নবগী মফম লৈতে। খৈরোইগী ৱারী পল্লদুনা প্রধান মন্ত্রীনা হায়খি মদুদি মশাবু পীকই অমসুং চম্মি খনবশিংনা খৈরোইনা শরুক তমখিবা অদু নীংশিংবীয়ু অমসুং হেসিতেন্সী থাদোকপীয়ু। মহাক্না হায়খি অচৌবা নত্ত্রগা অপীকপা খোঙথাং খুদিংমক্কী শক্তি লৈ অমসুং শরুক তমগনি। “সবকা প্রয়াসকী ৱাখল্লো অসি শক্তি লৈবা, মতিক ময়াই চেনবা অমসুং শেংলবা ভারত অমগী য়ুম্ফম ওইগদবনি। অঞসুং মসি ঈশ্বরদগী লৈবাক অসিদা শন্দোক্লিবা কন্সিয়সনেসনি অমসুং রামদগী জাতিদা পীরিবা কন্সিয়সনেসনি” হায়না প্রধান মন্ত্রীনা ফোঙদোকখি।
লৌশিং অমসুং শক্তি য়াম্না লৈবা লঙ্কাগী নীংথৌ রৱনগী লান্থেংনবা মতমদা মহাক শোইদনা মাইথীরগনি খঙখিবা জতায়ুগী থৌনা অদু পল্লদুনা প্রধান মন্ত্রীনা হায়খি অসিগুম্বা থৌদাং মশক খংবা অসি মতিক ময়াই লৈবা অমসুং শেংলবা ভারত অমগী য়ুম্ফম ওইরগদবনি। শ্রী মোদীনা পুন্সিগী মীকুপ খুদিংমক জাতি শেমগৎপদা কত্থোক্কদবনি হায়না ৱাশকখি অমসুং হায়খি “রামগী থবক, রাস্ত্রগী থবক্কা লোয়ননা মতমগী মীকুপ খুদিংমক, হকচাংগী পার্তিকল খুদিংমক্না লৈবাক্কীদমক কত্থোকপগী পান্দমগা লোয়ননা রামনা কত্থপোকপগা কন্নেক্ত তৌগদবনি।
ইশাগী হেন্দোক্না খনবগী মাগী থিম অদু মখা চত্থরদুনা পি.এম. মোদীনা হায়খি ঐখোয়না ভগৱান রামবু খুরুমজবা অসি জীবা পানবা পুম্বগী ওইগদবনি, ‘ঐ’দগী ‘ঐখোয়’ হায়বা অসিদা ওইগদবনি। ঐখোয়গী খোঙথাংশিংনবা ভিকসিৎ ভারত অমা শেমগৎপদা কত্থোক্কদবনি হায়না মহাক্না ফোঙদোকখি।
হৌজিক চত্থরিবা অমৃত কাল অমসুং নৌরিবা দেমোগ্রাফিক্সকী মতাংদা পল্লদুনা প্রধান মন্ত্রীনা লৈবাক্কী গ্রোথকীদমক ফেক্তরশিংগী মতিক চারবা অপুনবা অদু ফোঙদোকখি। প্রধান মন্ত্রীনা হৌরক্লোবা মীরোলদা মখোয়গী শক্তি লৈরবা কলা সংস্কৃতিদগী সপ্পোর্ত লৌদুনা থাজবগা লোয়ননা মাংদা চংশিন্নবা হায়খি। “ভারতনা চৎনবীগী শেলবা লম্বী অমসুং মোদর্নিতীগী লোইনাইদ্রবা লম্বী অনি অসি তুংইন্দুনা চাউখৎপগী পান্দম ফংবা ঙমগনি” হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি তুংলমচৎ অসি মাইপাকপশিংদা কত্থোক্লি অমসুং রাম মন্দির অসিনা চাউখৎপা ভারত উবা ফংলগনি। “অথোইবা রাম মন্দিরনা ভিকসিৎ ভারত ওইরকপা উবা ফংলগনি” হায়না প্রধান মন্ত্রীনা ফোঙদোককি। মন্দির অসিদগী পরা তমশিন্দুনা প্রধান মন্ত্রীনা হায়খি করিগুম্বা জস্তিফাইদ তৌরবা অমসুং অপুনবা অমদি ওর্গনাইজ ওইরবা শক্তিদগী লাক্লবদি পান্দম ফংবা ঙমগনি। “মসি ভারতকী মতমনি অমসুং ভারতনা মাংদা চংশিল্লি। চহিচা কয়া ঙাইরবা মতুংদা ঐখোয়না মফম অসি য়ৌরকখি। ঐখোয়না চহিচা অসি ঙাইজররকখি। হৌজিক ঐখোয়না লেপ্পা তৌররোই। ঐখোয়না চাউখৎপগী পনখৈশিং য়ৌবা ঙম্লগনি” হায়না প্রধান মন্ত্রীনা রাম লল্লাদা থৌনিজদুনা মহাক্না ইকাই খুম্নবা উৎতুনা ৱারোল পীবা লোইশিনখি অমসুং য়াইফ পাউজেল পীখি।
থৌরম অসিদা উত্তর প্রদেশকী রাজ্যপাল, শ্রীমতি অনন্দিবেন পতেল, উত্তর প্রদেশকী মুখ্য মন্ত্রী, শ্রী য়োগী অদিত্যানাথ, রাস্ত্রিয় স্বয়মসেবক সঙ্খগী সরসংঘচলক, শ্রী মোহন ভগৱত অমসুং শ্রী রাম জন্মভুমি তীর্থ ক্ষেত্র ত্রস্তকী প্রসিদেন্ত, শ্রী নৃত্যা গোপাল দাসনা শরুক য়াখি।
বেকগ্রাউন্দ
পুৱারী ওইরবা প্রান প্রতিস্থাগী থৌরমদা লৈবাক্কী মরু ওইবা লাইনীং অমদি ধর্মগী কাংলুপ পুম্নমক্কী মীহুৎশিংনা অমসুং তোঙান-তোঙানবা ত্রাইবেল ফুরুপশিংগী মীহুৎশিং য়াওনা পুন্সিগী লম পুম্নমক্তগী মীয়াম্না থৌরম অসিদা শরুক য়াখি।
মতিক ময়াই চেল্লবা শ্রী রাম জন্মভুমি মন্দির অসি অরিবা নাগর মওংদা শাখি। মসিগী ময়ুং (নোংপোক-নোংচুপ) অসি ফুত 380; মরাকনা ফুত 250 অমসুং অৱাংবনা ফুত 160 ওইরি; অমসুং মসিদা পুন্না য়ুম্বী 392 ঙাকলৌ পীরি অমসুং থোং 44 পাল্লি। মন্দিরগী য়ুম্বীশিং অমসুং ফকলাংশিং অসিনা হিন্দুগী ঈশ্বরশিংগী মরমদা নীংথিনা হকতুনা উৎলি। মরু ওইবা লাইশঙগী মফম ওইরিবা অসিগী গ্রাউন্দ ফ্লোরদা ভগৱান শ্রী রামগী অঙাং ওইরিঙৈ মতমগী মীতম (শ্রী রামলল্লাগী মীতম) খিনখি।
মন্দির অসিগী মপুং ওইবা চংফম (মেন এন্ত্রান্স) অসি নোংপোক থংবা মাইকৈদা লৈ, মসি সিংহ দ্বারগী খুত্থাংদা স্তিয়র 32 কাখৎতুনা চংবা য়াগনি। মন্দির অসিদা পুন্না মন্দির মঙা লৈ - নৃত্য মন্দপ, রঙ্গ মন্দপ, সভা মন্দপ, প্রার্থনা মন্দপ অমসুং কীর্তন মন্দপ। মন্দির অসিগী মনাক্তা অরিবা মতমদা লৈরম্বা পুৱারী ওইরবা গুহা (সীতা কুপ) লৈ। মন্দির কমপ্লেক্স অসিগী খা নোংচুপ থংবা শরুক, কুবর তিলাদা জতায়ুগী মীতম খিনখিবগা লোয়ননা অরিবা মতমগী ভগৱান শিবকী মন্দির নৌনা শেমজিনখি।
মন্দির অসিগী য়ুম্ফম অসি রোলর-কম্পক্তেদ কনক্রেত (RCC)গী মিতর 14 থাবা লেয়রগা লোয়ননা থোনখি, মসিনা খুৎশেমগী নুং মালহল্লি। মন্দির অসি শাবা য়োৎ অমত্তা শীজিন্নখিদে। লৈবাক্কী লৈনিলদগী ঙাকথোক্নবা গ্রেনাইৎ শীজিন্নদুনা ফুত 21 ৱাংবা প্লিন্থ অমা শাখি। মন্দির কমপ্লেক্স অসিদা সিবেজ ত্রীৎমেন্ত প্লান্ত, ৱাতর ত্রীৎমেন্ত প্লান্ত, মৈহৌ লাংপোক্কীদমক ৱাতর সপ্লাই অমসুং ইন্দিপেন্দেনত পাৱর স্তেসন লৈ। মন্দির অসি লৈবাক্কী অরিবা চৎনবী অমসুং লমদম অসিগী তেক্নোলোজী শীজিন্নদুনা শাখি।
आज हमारे राम आ गए हैं! pic.twitter.com/4TtQMm89tW
— PMO India (@PMOIndia) January 22, 2024
22 जनवरी, 2024, ये कलैंडर पर लिखी एक तारीख नहीं।
— PMO India (@PMOIndia) January 22, 2024
ये एक नए कालचक्र का उद्गम है: PM @narendramodi pic.twitter.com/5XRVA4XQF1
पूरा देश आज दीवाली मना रहा है।
— PMO India (@PMOIndia) January 22, 2024
आज शाम घर-घर रामज्योति प्रज्वलित करने की तैयारी है: PM @narendramodi pic.twitter.com/ZkAioQ1Y4v
अपने 11 दिन के व्रत-अनुष्ठान के दौरान मैंने उन स्थानों का चरण स्पर्श करने का प्रयास किया, जहां प्रभु राम के चरण पड़े थे: PM @narendramodi pic.twitter.com/jJyuGt8Laq
— PMO India (@PMOIndia) January 22, 2024
प्रभु राम तो भारत की आत्मा के कण-कण से जुड़े हुए हैं। pic.twitter.com/HwEdTKLycy
— PMO India (@PMOIndia) January 22, 2024
हर युग में लोगों ने राम को जिया है। pic.twitter.com/5SmY9NgTm4
— PMO India (@PMOIndia) January 22, 2024
राम तो सबके हैं।
— PMO India (@PMOIndia) January 22, 2024
राम वर्तमान ही नहीं, राम अनंतकाल हैं। pic.twitter.com/E1QRsc0ao3
आज अयोध्या में, केवल श्रीराम के विग्रह रूप की प्राण प्रतिष्ठा नहीं हुई है।
— PMO India (@PMOIndia) January 22, 2024
ये श्रीराम के रूप में साक्षात् भारतीय संस्कृति के प्रति अटूट विश्वास की भी प्राण प्रतिष्ठा है।
ये साक्षात् मानवीय मूल्यों और सर्वोच्च आदर्शों की भी प्राण प्रतिष्ठा है: PM @narendramodi pic.twitter.com/pYOLqh1x5K
राममंदिर भारत की दृष्टि का, भारत के दर्शन का, भारत के दिग्दर्शन का मंदिर है। pic.twitter.com/pYSDGilLzy
— PMO India (@PMOIndia) January 22, 2024
आइए, हम संकल्प लें कि राष्ट्र निर्माण के लिए हम अपने जीवन का पल-पल लगा देंगे। pic.twitter.com/K3JqcrvbP7
— PMO India (@PMOIndia) January 22, 2024
ये भारत के विकास का अमृतकाल है।
— PMO India (@PMOIndia) January 22, 2024
आज भारत युवा शक्ति की पूंजी से भरा हुआ है: PM @narendramodi pic.twitter.com/n4omfsdyVt
ये भव्य राम मंदिर साक्षी बनेगा- भारत के उत्कर्ष का, भारत के उदय का।
— PMO India (@PMOIndia) January 22, 2024
ये भव्य राम मंदिर साक्षी बनेगा- भव्य भारत के अभ्युदय का, विकसित भारत का। pic.twitter.com/9X1aelsgAO
