“মেরে সপনো কা ভারত” অমসুং “অনসং হেরোজ ওফ ইন্দিয়ন ফ্রিদম মুফমেন্ত”গী মতাংদা খনগৎলবা ৱারেংশিং ফোঙখ্রে
এম.এস.এম.ই. তেক্নোলোজী সেন্তর অমসুং ওপন-এয়র থিএতর ওইবা ওদিতোরিয়ম অমা -পেরুনথলাইবর কামরাজর মনীমন্দপমসু শঙ্গাখ্রে
“ভারতকী দেমোগ্রাফী অসি নৌরি, অমসুং ভারতকী ৱাখল্লোন অসিসু নৌরি। ভারতকী মতিক-ময়াই অমসুং মাগী মঙলানশিংদা নহা ওইবগী ৱাখল চেল্লি। ভারত অসি মাগী ৱাখল্লোন লোয়ননা ৱাখল খন্বা ঙম্বগী মতৌদসু নৌরি”
“ভারতনা মাগী নহারোলশিংবু দেমোগ্রাফিক দিভিদেন্দ ওইনা খনবগা লোয়ননা দিভেলপমেন্ত দ্রাইভরনি হায়নসু খল্লি”
“ভারতকী নহাশিংদা কন্না থবক শুবা ঙম্বগী মতিক লৈ অমসুং তুংলমচৎপু ময়েক শেংনা উবা ঙম্মি। মরম অসিনা ঙসি ভারতনা হায়বা অদু মালেম্না হয়েংগী খোঞ্জেলনি হায়না লৌনরিবনি”
“নহারোলশিংগী তৌবা ঙম্বা অদু অরিবা স্তেরিওতাইপশিংনা পোৎলুম পীদ্রে। নহারোলশিং অসিনা মশা অমদি খুন্নাইবু অনৌবা শীংনবশিংগী মতুং ইন্না অওনবা পুরকপা ঙম্লে”
“ঙসিগী নহারোলশিংদা ‘ঐহাক তৌবা ঙম্মি’ হায়বগী ইথিল চেল্লি হায়রিবা অসি মীরোন খুদিংদা ইথিল পীনবা হৌরকফম ওইরি।”
“ভারতকী নহারোলনা মালেমগী য়াইফ নুংঙাইবগী পথাপ ইরি।”
“ঙসিগী নহারোলশিংদা ‘ঐহাক তৌবা ঙম্মি’ হায়বগী ইথিল চেল্লি হায়রিবা অসি মীরোন খুদিংদা ইথিল পীনবা হৌরকফম ওইরি।”
“ভারতকী নহারোলনা মালেমগী য়াইফ নুংঙাইবগী পথাপ ইরি।”

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা পুদুচেরীদা ২৫শুবা নেস্নেল য়ুথ ফেস্তিবেল হৌদোকখ্রে। ঙসি স্বামী বিবেকানন্দগী মপোক কুমওন অসি নেস্নেল য়ুথ দে হায়না পালন তৌরি। থৌরম অদুদা প্রধান মন্ত্রীনা “মেরে সপনো কা ভারত” অমসুং “অনসং হেরোজ ওফ ইন্দিয়ন ফ্রিদম মুফমেন্ত”গী মতাংদা খনগৎলবা ৱারেংশিং ফোঙখি। ৱারেংশিং অসি থিম অনি অসিদা নহারোল লাখ ১ হেনবনা পীশিল্লকখিবশিংদগী খনগৎখি। প্রধান মন্ত্রীনা লুপা করোর ১২২গী ইনভেস্তমেন্ত তৌদুনা পুদুচেরীদা লিংখৎখিবা এম.এস.এম.ই. মন্ত্রালয়গী তেক্নোলোজী সেন্তর অমসু শঙ্গাখি। প্রধান মন্ত্রীনা লুপা করোর ২৩ চংনা পুদুচেরী সরকারনা শাখিবা ওপন-এয়র থিএতর ওইবা ওদিতোরিয়ম অমা - পেরুনথলাইবর কামরাজর মনীমন্দপমসু শঙ্গাখি। থৌরম অদুদা কেন্দ্রগী মন্ত্রী শ্রী অনুরাগ সিংহ থাকুর, শ্রী নরায়ন রানে, শ্রী ভানু প্রতাপ সিংহ ভর্মা অমসুং শ্রী নিতিশ প্রমানিক, দা. তামিলসাই সোন্দরারজন, পুদুচেরীগী মুখ্য মন্ত্রী শ্রী রঙ্গাস্বামী, রাজ্যগী মন্ত্রীশিং অমসুং পার্লিয়ামেন্তরিয়নশিংনা শরুক য়াখি।

মীতিন অসিদা ৱা ঙাংলদুনা প্রধান মন্ত্রীনা লৈবাক মীয়ামদা নেস্নেল য়ুথ দেগী য়াইফ-পাউজেল পীখ্রে। স্বামী বিবেকানন্দদা কোক নোন্না খুরুম্লদুনা প্রধান মন্ত্রীনা চহি অসিগী আজাদী কা অমৃত মহোৎসব অসিদা মহাক্কী মপোক কুমওন তাবা অসিনা হেন্না ইথিল পীরি হায়না ফোঙদোকখ্রে। শ্রী ওরোবিন্দোগী ১৫০শুবা মপোক কুমওন অমদি মহাকবী সুব্রমনিয়ম ভারতীগী ১০০শুবা লৈখিদবগী কুমওন অসি চপ মান্ননা চহিদা তারকপদা চহি অসিগী মগুন হাপকৎখি হায়না প্রধান মন্ত্রীনা ফোঙদোকখি। “অথোইবা মীশক অনি অসি পুদুচেরীগা অখন্নবা মরী অমা লৈনৈ। মখোয় অনিমক্না অমনা অমগী লিতরেসী অমসুং স্পিরিচ্যুএল খোঙচৎতা খোঙলোয় ওইদুনা লাকখি” হায়না প্রধান মন্ত্রীনা ফোঙদোকখ্রে। 

অরিবা মতমগী লৈবাক অসিগী নৌরিবা প্রোফাইলগী মতাংদা ফোঙদোক্লদুনা প্রধান মন্ত্রীনা হায়খি, ঙসি মালেম্না ভারত্তা আশা অমদি থাজবগী মীৎয়েংনা য়েংলি। মরমদি ভারতকী দেমোগ্রাফী অসি নৌরি, অমসুং ভারতকী ৱাখল্লোন অসিসু নৌরি। ভারতকী মতিক-ময়াই অমসুং মাগী মঙলানশিংদা নহা ওইবগী ৱাখল চেল্লি। ভারত অসি মাগী ৱাখল্লোন লোয়ননা ৱাখল খন্বা ঙম্বগী মতৌদসু নৌরি। ভারতকী ৱাখল্লোন অমসুং ফিলোসোফীদা মতম চুপ্পদা অহোংববু তরাম্না ওকই অমসুং মাগী এন্তিক্যুতীদা মোদর্নিতী য়াওরি, হায়না মহাক্না ফোঙদোকখি। প্রধান মন্ত্রীনা হায় লৈবাক অসিগী নহারোলগী মথৌ তারকপা মতমদা মতম পুম্বদা মখোয়না মাং থানা থোরকই। লৈবাক অসিগী কন্সিয়সনেসতা অকাইবা লাকপা মতমদা শঙ্করগুম্বা নহারোলনা থোরক্তুনা আদী শঙ্ক্রাচর্য়গুম্না অপুনবগী মরীনা লৈবাক অসিবু পুনশিনখি। মীওৎ-মীনৈ চত্থখিবা মতমশিংদা গুরু গোবিন্দ সিংহজীগী সাহিবজাদেগুম্বা নহাশিংনা থৱায় কত্থোকখি। ভারতনা নীংতম্বা ফংনবা কত্থোকপা মথৌ তাখিবা মতমদা ভগত সিংহ, চন্দ্রশেখর আজাদ অমসুং নেতাজী সুভাসগুম্বা নহা ওইরিবা য়াওল্লোয়শিংনা মাং থানা থোরক্তুনা লৈবাক্কীদমক মখোয়গী থৱায় থাখি। লৈবাক অসিন স্পিরিচ্যুএল রিজেনরেসন মথৌ তারকপা মতমদা ওরোবিন্দো অমসুং সুব্রমনিয়ম ভারতীগুম্বা মশক নাইবা মীওইশিং থোরকখি হায়না প্রধান মন্ত্রীনা মখা তাখি।

ভারতকী নহাশিংগী মনাক্তা দেমোগ্রাফিক দিভিদেন্দকা লোয়ননা গনতন্ত্রিক ওইবা ভেল্যুসু লৈ, মখোয়গী দেমোক্রেতিক দিভিদেন্দ অসিসু চাংদম্ননীংঙাই লৈতে হায়না প্রধান মন্ত্রীনা ফোঙদোকখি। ভারতনা মশাগী নহারোলশিংবু দেমোগ্রাফিক দিভিদেন্দ ওইনা খনবগা লোয়ননা দিভেলপমেন্তকী দ্রাইভরনি হায়নসু খল্লি হায়না মহাক্না ফোঙদোকখি। ভারতকী নহাশিংদা ঙসি তেক্নোলোজীগী মঙাল লৈরবদি, গনতন্ত্রা খঙবগী ৱাখল্লোনসু লৈগনি হায়না প্রধান মন্ত্রীনা ফোঙদোকখি। ভারতকী নহাশিংদা কন্না থবক শুবা ঙম্বগী মতিক লৈ অমসুং তুংলমচৎপু ময়েক শেংনা উবা ঙম্মি। মরম অসিনা ঙসি ভারতনা হায়বা অদু মালেম্না হয়েংগী খোঞ্জেলনি হায়না লৌনরিবনি।

নীংতম ইহৌগী মতমদা লৈরম্বা নহারোলশিংগী চারোল শুরোল অদুনা লৈবাক অসিগীদমক পুম্নমক কত্থোকপদা চিংনবা মীকুপ অমফাওবা লৈখিদে হায়না প্রধান মন্ত্রীনা ফোঙদোকখি। অদুবু ঙসিগী নহারোলশিং অসিনা লৈবাক অসিগীদমক হিংগদবনি অমসুং নীংতম লান্মীশিং অদুনা মংজরম্বা মঙলানশিং অদু মঙফাওনহনগনি। নহারোলশিংগী তৌবা ঙম্বা অসি অরিবা ৱাখল্লোনশিংনা অপনবা পীদে, মখোয়না করম্না শিজিন্নগনি হায়বা খংই হায়না মহাক্না মখা তাখি। মসিগী নহারোলশিং অসিনা মশামথন্তা অমসুং সমাজ অসিবু অনৌবা শিংনবশিং, অনৌবা দিমান্দশিং অসিগী মতুংইন্না অওনবা পুরকপা ঙম্মি অমসুং অনৌবা অমা শেম্বা ঙম্মি। ঙসিগী নহারোলশিং অসিদা চারোল শুরোল খুদিংমক্কী ইথিল পীনবগী হৌরকফম অমা ওইরিবা ‘কেন দু’গী থৌনা অদু লৈ হায়না প্রধান মন্ত্রীনা ফোঙদোকখি।

ঙসিদি ভারতকী নহারোলশিংনা মালেমগী য়াইফনবা পথাপ অদু ইরি হায়না প্রধান মন্ত্রীনা থাগৎপা ফোঙদোকখি। ভারতকী নহারোলশিং অসি মালেম পুম্বদা লৈরিবা য়ুনিকোর্ন ইকোসিস্তেমগী মনুংদা থাজবগী ফোর্স অমনি। ভারত্তা ঙসিদি স্তার্তঅপ ৫০,০০০ হেনবগী অকনবা ইকোসিস্তেম অমা লৈরে। মসিগী মনুংদা স্তার্তঅপ লিশিং ১০ হেনবনা লাইচৎ অসিগী অৱাবা চৈরক্তা থোরকখিবনি। প্রধান মন্ত্রীনা অনৌবা ভারতকী মন্ত্র –কম্পিত এন্দ কঙ্কর পীখি। মসিনা তাকপদি শরুক য়ারগা মাইপাকপা পুরকউ। পুনশিল্লগা লান অদু মাই পাকউ। প্রধান মন্ত্রীনা ওলিম্পিক্স অমসুং পেরালিম্পিক্সকী পর্ফোরমেন্স অমসুং ভেক্সিনেসন দ্রাইবতা নহারোলশিংনা শরুক য়াখিবা অদুবু নহারোলশিংগী মরক্তা লৈবা মাই পাক্নবা অমসুং থৌদাং লৌবগী ঙম্বগী খুদম অমনি হায়না ফোঙদোকখি। 

সরকারনা ইচানুপাশিং অমসুং ইচানুপীশিং অসি মান্নৈ হায়না লৌই হায়না প্রধান মন্ত্রীনা ফোঙদোকখি। মসিগী ৱাখল্লোন অসিগা লোয়ননা ইচানুপীশিংগী য়াইফনবা মখোয়গী লুহোংবগী চহি অসি ২১দা হেনগৎনবা ৱারেপ লৌখি। ইচানুপীশিংনা মখোয়গী কেরিয়র শেমজবা ঙম্মি, মখোয়দা অহেনবা মতম ফংজনবা ৱাখল্লোন্দা মসি য়াম্না মরুওইবা খোঙথাং অমনি হায়না মহাক্না ফোঙদোকখি। 

নীংতম ইহৌগী মতমদা মখোয়না কত্থোকখিবা অদুগীদমক মখোয়বু শকখংবীবা য়ারবা অদুবু শকখংবীদ্রবা নীংতম লান্মী কবামরুম লৈরি হায়না প্রধান মন্ত্রীনা ফোঙদোকখি। অসিগুম্বা অথোইবা মীওইশিং অসিগী মতাংদা ঐখোয়গী নহারোলশিংনা হেন্না ইবা, রিসর্স তৌরিবমখৈ লৈবাক অসিগী তুংদা হৌরক্কদৌরিবা চারোল শুরোল শিংনা মখোয়গী মতাংদা হেন্না খংগনি হায়না মহাক্না মখা তাখি। মহাক্না নহারোলশিংনা ভোকেল ওইনবা অমসুং লু-নানবগী দ্রাইব অসিদা শরুক য়ানবা পাউজেল পীখি।

নেস্নেল য়ুথ ফেস্তিবেল অসিনা ভারতকী নহারোলশিংগী ৱাখল্লোনশিং অসি অফবা মাইকৈদা পুরক্নবা অমসুং লৈবাক শেমগৎনবা অপুনবা ফোর্স অমা ওইনা অওনবা পুরক্নবা পান্দম থম্লি। মসি সোসিএল কোহেসন অমসুং ইন্তেলেকচুএল অমসুং কলচরেল ইন্তিগ্রেসনগী খ্বাইদগী চাউবা এক্সরসাইসশিংগী মরক্তা অমনি। মসিনা ভারতকী জাতী কয়াগী চৎন-লোনচৎশিং অসিবু ‘এক ভারত, শ্রেস্থ ভারত’কী অপুনবা লংলা অমনা অমত্তা ওইনা পুনশিন্নবা পান্দম থম্লি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Income inequality declining with support from Govt initiatives: Report

Media Coverage

Income inequality declining with support from Govt initiatives: Report
NM on the go

Nm on the go

Always be the first to hear from the PM. Get the App Now!
...
Chairman and CEO of Microsoft, Satya Nadella meets Prime Minister, Shri Narendra Modi
January 06, 2025

Chairman and CEO of Microsoft, Satya Nadella met with Prime Minister, Shri Narendra Modi in New Delhi.

Shri Modi expressed his happiness to know about Microsoft's ambitious expansion and investment plans in India. Both have discussed various aspects of tech, innovation and AI in the meeting.

Responding to the X post of Satya Nadella about the meeting, Shri Modi said;

“It was indeed a delight to meet you, @satyanadella! Glad to know about Microsoft's ambitious expansion and investment plans in India. It was also wonderful discussing various aspects of tech, innovation and AI in our meeting.”