প্রধান মন্ত্রীনা ‘মিসন মৌসম’ হৌদোকখ্রে, IMD ভিজন-২০৪৭ দোকুমেন্ত ফোঙখ্রে
প্রধান মন্ত্রীনা থৌরমদুদা নীংশিং খুদম ওইনা পুথোকপা পোস্তেজ স্তাম্প অমদি শেলয়েক মায়খুম হাংদোকখ্রেIMD গী চহি ১৫০ অসি ভারত মচা করোর কয়াগী থৌগলদা ইন্দিয়ন মেতিওরোলোজিকেল দিপার্তমেন্তকী খোঙচৎ অমা ওইবখক নত্তনা লৈবাক অসিগী মোদর্ন সাইন্স অমসুং তেক্নোলোজীগী অথোয়বা খোঙচৎ অমনি: প্রধান মন্ত্রীসাইন্তিফিক ইন্সতিত্যুসনশিংদা রিছর্চ অমদি ইনোভেসন তৌবনা অনৌবা ভারতকী খোঙফমগী শরুক অমনি, IMD গী ইনফ্রাস্ত্রকচর অমদি তেক্নোলোজীনা হৌখিবা চহি ১০ সিদা হান্না খল্লুদবা চাংদা পাকথোক চাউথোরক্লি: প্রধান মন্ত্রীঐখোয়না ‘মিসন মৌসম’ ভারতপু ক্লাইমেত-স্মার্ত লৈবাক ওইহন্নবা হৌদোকপনি, মিসন মৌসম অসি তুং কোইগদবা তুংলমচৎ অমদি তুংগীদমক শেম শাবগী মায়কৈদা ভারতনা লেপ্লিবা খোঙফমগী খুদম অমনি: প্রধান মন্ত্রীঐখোয়গী মেতিওরোলোজিকেলগী লমদা খুমাঙ চাওশিনবনা মরম ওইরগা ঐখোয়গী দিজাস্তর মেনেজমেন্ত কেপাসিতী শেমগৎলকপনি, মালেম পুম্বনা মসিদগী কান্নবা ফংলি, ঐখোয়গী ফ্লাস ফ্লদ গাইদেন্স সিস্তেম্না নেপাল, ভুতান, বঙ্গলাদেশ অমদি স্রি লঙ্কাদা ইনফোর্মেসন ফংহল্লি: প্রধপ্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা পাঙথোকপা ইন্দিয়া মেতিওরোলোজিকেল দিপার্তমেন্ত (IMD) গী ১৫০ শুবা মপোক কুমওন থৌরমদা শরুক য়াখ্রে। থৌরমদুদা তিল্লিবা মীয়ামগী মফমদা ৱা ঙাংলদুনা, IMD গী চহি ১৫০ অসি ভারত মচা করোর কয়াগী থৌগলদা ইন্দিয়ন মেতিওরোলোজিকেল দিপার্তমেন্তকী খোঙচৎ অমা ওইবখক নত্তনা ভারতকী মোদর্ন সাইন্স অমসুং তেক্নোলোজীগী অথোয়বা খোঙচৎ অমনি হায়না মহাক্না হায়খি। চহিচা অমা মখায় অসি IMD না ভারত মচা মিলিয়ন কয়াগী থৌগল তৌদুনা লাক্লি অমদি মসিনা ভারতকী সাইন্তিফিক প্রোগ্রেসকী খুদম অমা ওইরে হায়না মহাক্না শিংথাখি। শ্রী মোদীনা IMD গী মায় পাকপশিং অসিগী মতাঙদা নীংশিং খুদম ওইনা পুথোকপা পোস্তেজ স্তাম্প অমদি শেলয়েক ঙসি ফোঙখি হায়খি। ভিজন দোকুমেন্ত ফোঙলিবসিনা ভারতনা নীংতম্লকপা চহি ১০০ মপুং ফারকপা মতম, ২০৪৭ দা IMD গী তুংলমচৎকী লম্বী য়াৎলি হায়না মহাক্না মখা তাখি। মহাক্না লৈবাক মীয়ামগী মফমদা IMD গী চহি ১৫০ মপুং ফারকপগী থৌরমগী য়াইফ-পাউজেল পীখি।
IMD না মাগী চহি ১৫০ গী খোঙচৎকী শরুক অমা ওইনা নহাশিং শরুক য়াহন্নবা নেস্নেল মেতিওরোলোজিকেল ওলিম্পিয়াদ অমা পাঙথোকখি হায়না প্রধান মন্ত্রীনা ফোঙদোকখি। মহৈরোয় লিশিং কয়ানা শরুক য়াদুনা মসিনা মখোয়দা মেতিওরোলোজীগী লমদা খঙনিংবা হেনগৎহনগনি হায়না মহাক্না মখা তাখি। শ্রী মোদীনা মফমদুমক্তদা মতম খরগী মমাঙদা নহাশিংগা ৱারী শানখিববু নীংশিংখি অমদি ঙসি থৌরমসিদা শরুক য়ারিবা নহা পুম্নমক্কী মফমদা নুংঙাইবা ফোঙদোকখি।
IMD অসি জনুৱারী ১৫, ১৮৭৫ দা, মকর শঙ্ক্রান্তিগা য়াম্না নক্ননা হৌদোকখিবনি হায়রদুনা, “ঐখোয় পুম্নমক্না ভারতকী চৎনবীদা মকর শঙ্ক্রান্তয়িগী মরুওইবা খঙই,” হায়না শ্রী মোদীনা হায়খি। গুজরাত্তগী হৌরকপা মীওই অমা ওইনা মহাক্না পামজরকপা কুমহৈ অমা হায়রগদি মকর শঙ্ক্রান্তিনা ওইরম্মি হায়না মহাক্না মখা তাখি। মখা তানা ফোঙদোক্লদুনা, শ্রী মোদীনা মকর শঙ্ক্রান্তিনা নুমিৎনা কেপ্রিকোন্দা চঙখিদুনা উত্তরায়ন হায়না খঙনবা অৱাং তম্না হাইগৎলকপবু তাকই হায়খি। মতম অসিদা মালেমগী অৱাংথংবা তঙ্খায়দা নুমিৎকী মঙাল ফংবগী চাং তপ্না তপ্না হেনগৎলক্তুনা, লৌউ শিংউগীদমক শেম শাবা হৌনরকপা মতম্নি হায়না মহাক্না ফোঙদোকখি। মকর শঙ্ক্রান্তি অসি অৱাংদগী খা ফাওবদা, অদুগা নোংপোক্তগী নোংচুপ ফাওবদা ভারত শিনবা থুংনা নাৎকী মফোঙদোক মখল কয়াদা পাঙথোক্নৈ হায়না প্রধান মন্ত্রীনা ফোঙদোকখি। মহাক্না লৈবাক মীয়াম পুম্নমক্কী মফমদা থৌরমসিগী য়াইফ-পাউজেল পীখি।
“লৈবাক অমগী সাইন্তিফিক ইন্সতিত্যুসনশিংগী খুমাঙ চাওশিন্বগী খোঙচেল লৈবাক্তুনা সাইন্সকী লমদা খঙ-হৈবদা মমি তাই,” হায়না শ্রী মোদীনা হায়খি। সাইন্তিফিকস ইন্সতিত্যুসনশিংদা রিছর্চ অমদি ইনোভেসন তৌবনা অনৌবা ভারতকী মশক মওংগী থাদোক্নবা য়াদ্রবা শরুক অমা ওইরি হায়না মহাক্না শিংথাখি। হৌখিবা দেকেদ অসিদা, দোপ্লর ৱেদর রেদার, ওতোমেতিক ৱেদর স্তেসন, রনৱে ৱেদর মোনিতরিং সিস্তেম, অমদি দিস্ত্রিক্ত-ৱাইজ রেনফোল মোনিতরিং স্তেসন মশিং শিংথানিংঙাই ওইনা হেনগৎলক্তুনা অমদি পুম্নমক অসি অপগ্রেদ তৌরক্তুনা IMD গী ইনফ্রাস্ত্রকচর অমদি তেক্নোলোজীনা হান্না খল্লুদবা চাঙদা পাকথোক চাউথোরক্লি হায়না মহাক্না মখা তাখি। প্রধান মন্ত্রীনা ভারতকী মেতিওরোলোজীনা স্পেস অমদি দিজিতেল তেক্নোলোজীদগী চাউনা কান্নবা ফংলি হায়খি। অন্তার্কতিকাদা মাইত্রি অমদি ভারতি হায়না মিংথোনবা ভারতকী মেতিওরোলোজিকেল ওবজর্বেতরী অনি লৈ, সুপরকম্প্যুতর আর্ক অমদি অরুনিকা পুথোক্তুনা IMD দা থাজবা য়াবগী চাং হেনগৎহল্লে হায়না মহাক্না পাউদমখি। তুং কোইগদবা তুংলমচৎ অমদি তুংগীদমক শেম শাবগী লমদা ভারতনা লেপ্লিবা খোঙফম তাক্লিবা ‘মিসন মৌসম’ হৌদোক্তুনা লৈবাক অসিবু নোং নুংশিৎকী ফীভম পুম্নমক্কীদমক শেম শাদুনা লৈবা অমদি ক্লাইমেত-স্মার্ত ওইবা লৈবাক অমা ওইহল্লে হায়না প্রধান মন্ত্রীনা লাউথোকখি।
সাইন্সকী মরুওইবা অসি অনৌবা পন্দোলশিং লোম্বা খরক্তা নত্তে মীচম মীয়ামগী পুন্সি মহিং ফগৎহন্বগী মতাঙদসু মরু ওই হায়না প্রধান মন্ত্রীনা ফোঙদোকখি। মরিক চুমবা ৱেদর ইনফোর্মেসন মীপুম খুদিংদা ফংহন্দুনা IMD না হীরম অসিদা খুমাঙ চাওশিল্লি হায়না মহাক্না ফোঙদোকখি। ‘আর্লী ৱার্নিং ফোর ওল’ অসিনা হৌজিক্তি মীশিং ৯০% কোনশিল্লি হায়না প্রধোক মন্ত্রীঈনা পাউদমখি। মতম অমা হেক্তদা কনাগুম্বা মীওই অমা হেক্তনা মমাঙগী অমদি লাক্কদৌরিবা নুমিৎ ১০ নিগী ৱেদর ইনফোর্মেসন এক্সেস তৌবা ঙম্লে অমদি ৱাতসএপ্তা ফাওবা ফোর্কাস্ত ফংহল্লি হায়না মহাক্না শিংথাখি। ‘মেঘদনুত মোবাইল এপ’ অসিনা লম লমগী লোল পুম্বদা ৱেদর ইনফোর্মেসন ফংহল্লি। চহি ১০ রোমগী মমাঙদা, লৌমী অমদি শা-শন লোইবা মীওই ১০% খক্তনা নোং-চীংগা মরী লৈনবা পাউতাকশিং শীজিন্নরম্মি, অদুবু ঙসিদি মশিং অসি ৫০% য়ৌরে হায়না শ্রী মোদীনা ফোঙদোকখি। হৌজিক্তি নোং খাকপগী ৱার্নিংসু মোবাইল ফোনশিংদা ফংহন্বা য়ারে। মমাঙদদি সমুদ্রদা ঙা ফাবা মীওইশিংগী ইমুং লাখ কয়ানা মখোয়না সমুদ্রদা ঙা ফাবা থোকপা মতমদা পাখৎপা ফাওনরম্মি, অদুবু হৌজিক্তি IMD গী মতেঙগা লোয়ননা ঙামীশিংনা মতম চানা চেকশিনৱা ফংবা ঙম্লি। হায়রিবা রিএল-তাইম অপদেতশিং অসিনা শাফবগী চাং হেনগৎহল্লি অমদি লৌউ-শিংউ অমদি ব্লু ইকনমীনচিংবা লমশিং মপাঙ্গল কনখৎহল্লি হায়না প্রধান মন্ত্রীনা মখা তাখি।
“মেতিওরোলোজী অসি লৈবাকসিগী দিজাস্তর মেনেজমেন্ত কেপেবিলিতীগীদমক য়াম্না মরুওই,” হায়না ফোঙদোক্লদুনা মহৌশাগী ওইবা অমাঙ অ্রতাগী শাফু হন্থহন্নবা, মেতিওরোলোজীগী মতিং হেনগৎহনবা মথৌ তাই হায়না শ্রী মোদীনা হায়খি। ভারতনা হায়রিবা মরুওইবা ৱাফম অসি মতম পুম্বদা খঙদুনা লাক্লি অমদি হৌজিক্তি মমাঙদা নান্থোকপা ঙম্লোই হায়না লৌনরম্বা দিজাস্তরগী শাফুশিং কোকহনবা ঙম্লে হায়খি। কন্দ্লা, কতচতা ১৯৯৮ দা সাইক্লোনিক নোংলৈ নুংশিৎ অমদি ১৯৯৯ দা ওরিসাদা সুপর সাইক্লোন অমনা থোকহনখিবা অমাঙ অতা, মীওই লিশিং কয়া থৱায় মাঙখিববু নীংশিংলদুনা, প্রধান মন্ত্রীনা হৌখিবা চহি খরসিদা অচৌবা সাইক্লোন অমদি দিজাস্তর কয়া থোকোচরবসু, ভারতনা অয়াম্বা থৌদোকশিংদা মায় পাক্না পুন্সি মাঙবা হন্থহল্লে নৎত্রগা থিংবা ঙম্লে হায়খি। হায়রিবা মায় পাকপা অসিদা মেতিওরোলোজিকেল দিপার্তমেন্তনা লৌরিবা মরুওইবা থৌদাংবু মহাক্না শিংথাখি। সাইন্সকা পুনশিনবা অমদি মাঙজৌননা শেম শাবনসু লুপা বিলিয়ন কয়া মাঙগদবদগী কন্বা ঙমহন্দুনা, শেন্মিৎলোনবু খাঙবা কন্বা ওইহল্লে অমদি ইনভেস্তরশিংগী থাজবসু হেনগৎহল্লে হায়না মহাক্না ফোঙদোকখি।
“সাইন্সকী লমদা খুমাঙ চাওশিন্বা অমদি মসিবু মপুং ফানা শীজিন্নবনা মালেমগী মমাঙদা লৈবাক অমগী শক্তম শাগৎপদা মরুওই,” হায়না প্রধান মন্ত্রীনা হায়খি। ভারতকী মেতিওরোলোজিকেলগী লমদা খুমাঙ চাওশিনবা অসিনা লৈবাকসিগী দিজাস্তর মেনেজমেন্ত কেপাসিতী মপাঙ্গল কনখৎহন্দুনা মালেম পুম্বদা কান্নবা পীরি। ভারতকী ফ্লাস ফ্লদ গাইদেন্স সিস্তেম্না নেপাল, ভুতান, বঙ্গলাদেশ, অমদি স্রি লঙ্কাদা ইনফোর্মেসন ফংহল্লি হায়না প্রধান মন্ত্রীনা ফোঙদোকখি। ভারতনা ‘বিস্ব ব্ধু’ ওইনা মতম পুম্বদা মহৌশাগী অমাঙ অতা থোক্লকপা মতমদা, অতোপ্পা লৈবাকশিংবু মতেঙ পাংনবা লেপ্তুনা লাক্লি। মসিনা মালেমগী মমাঙদা ভারতকী মীংচৎসু হেনগৎহল্লি হায়না মহাক্না মখা তাখি। মহাক্না IMD সাইন্তিস্তশিংবু মায় পাকপশিং অসিদা মখোয়না লৌরিবা শিংথানিংঙাই ওইরবা থৌদাংশিংগীদমক থাগৎখি।
IMD গী ১৫০ শুবা কুমওন থৌরমদা ভারতকী ইনাক খুল্লবা মেতিওরোলোজীগী পুৱারীগী মরমদা পল্লদুনা, প্রধান মন্ত্রীনা নোং-চীংগী ফীভম অসিনা মীওইবনা লাক্লিবা খোঙচৎ অসিদা ইথিল পীরিবা মরুওইবা মচাক অমা ওইদুনা লাক্লি, পুৱারী শিন-থুংনা মালেম পুম্বদা মীওইবনা লেপ্পা লৈতনা নোং-চীংগী ফীভম অমদি অকোয়বগী ফীভমগী মরমদা খঙনবা হোৎনদুনা লাকখি হায়খি। ভারতকী ইনাক খুল্লবা মেতিওরোলোজিকেল এক্সপর্তিজকী মতাঙদা পল্লদুনা, ভেদ, সমহিতা, অমদি সুর্য় সিদ্ধান্ত অসিনচিংবা অরিবা লাইরিকশিংদা মহৌশাদগী লৈরক্লবা ৱাখল লৌশিংশিং নীংথিনা ইশিন্দুনা, মচা খায়না অমদি মনুং হুৎনা নৈনদুনা লাক্লি হায়রদুনা, তামিল নাদুগী সঙ্গম লিতরেচর অমদি অৱাংলোমদনা ঘাঘ ভদ্দারিগী ফোল্ক লিতরেচরশিংদা মেতিওরোলোজীগী ইনফোর্মেসন মরাং কায়না য়াওরি হায়না শ্রী মোদীনা হায়খি। মেতিওরোলোজীবু তোঙানবা মশা অমা ওইনা লৌনরম্বগী মহুত্তা লাংপুমলোন হোৎপা, অইং-অশাগী লমদা থিজিন্বা, শা-উচেক্কী লীচৎ শাজৎ, অমদি খুন্নাইগী ওইনা থেংনরকপশিংগী শরুক অমা ওইনা লৌনরম্মি হায়না মহাক্না ফোঙদোকখি। প্রধান মন্ত্রীনা লৈচিলগী মপৈ অমদি মখলশিং, অমদি অপকঙা (গ্রহ) শিংগী লৈফমগী লমদা চৈশিংলোন হোৎপগী লমদা থিজিন্বা ক্রিসি পরাসর অমদি ব্রিহত সমহিতানচিংবগী মতাঙদসু প্রধান মন্ত্রীনা পনখি। ক্রিসি পরাসরগী মতাঙদা পল্লদুনা, শ্রী মোদীনা এতমোস্ফেরিক প্রেসর অমদি শাবগী চাং ৱাংবা নৎত্রগা নেম্বনা লৈচিলগী মওং মতৌ অমদি নোংজুগী মওংদা ইথিল পী হায়খি। মতমসিগী খুৎশু খুৎলায়শিং য়াওদনা অরিবা মতমগী মায়চৌশিংনা পাক শন্না থিজিন খোৎচিনলম্বগী মতাঙদা পল্লদুনা, মখোয়গী পাক চাউরবা ৱাখল লৌশিং অমদি পুক্নিং চেৎপা মতৌবু মহাক্না শিংথাখি। মহাক্না চুম্লে খঙলবা অরিবা ৱাখল লৌশিংশিংবু মোদর্ন সাইন্সকা পুনশিন্নবগী মরুওইবা ৱাফম থমখি অমদি মায়কৈ অসিদা হেন্না থিজিন হুমজিন্নবা ৱাফম থমখি। প্রধান মন্ত্রীনা চহি খরগী মমাঙদা মহাক্না ফোঙখিবা, গুজরাতকী হিহোনবশিংগী চহিচা কয়া লিরবা সমুদ্রগী ৱাখল লৌশিংশিং য়াওবা, “প্রি-মোদর্ন কতচি নেভিগেসন তেক্নিক্স এন্দ ভোয়েজেজ” হায়বা লাইরিক পনখি। মহৌশা অমদি শা-উচেকশিংগী মওং মতৌগী মরমদা মমুৎ তানা খঙবা ভারতকী ত্রাইবেল ফুরুপশিংগী ইনাক খুল্লবা ৱাখল লৌশিংগী লনবুসু মহাক্না শিংথাখি। অসিগুম্বা ৱাখল লৌশিংশিং অসি থিজিন্দুনা মতমসিগী ওইবা সাইন্তিফিক থৌওংশিংদা পুনশিন্নবা ৱাফম মহাক্না থমখি।
IMD গী ৱেদর ফোর্কাস্তশিং চুম্বা হেনগৎহক্লে, মখোয়গী মরুওইবসু হেনগৎলক্লে হায়রদুনা, প্রধান মন্ত্রীনা IMD গী দেতাগী দিমান্দ তোঙান তোঙানবা সেক্তরশিং, ইন্দস্ত্রীশিংদা, অমদি নুংতিগী পুন্সিদা ফাওবা হেনগৎলক্লগনি হায়না ফোঙদোকখি। প্রধান মন্ত্রীনা য়ুহা হাবনচিংবা মহৌশাগী অমাঙ অতাশিংগী ৱার্নিং সিস্তেম শেমগৎপা য়াওনা তুংদা মথৌ তারক্কদবশিং ৱাখলদা থমদুনা থবক তৌবগী মথৌ তাবা ৱাফম ফোঙদোকখি। মহাক্না সাইন্তিস্তশিং, রিছর্চ স্কোলারশিং, অমদি IMD গুম্বা ইন্সতিত্যুসনশিংবু অনৌবা থৌওংশিং পুথোকপগী মায়কৈদা থবক পায়খৎনবা পুক্নিং থৌগৎখি। মহাক্কী ৱারোল লোইশিল্লকপদা, শ্রী মোদীনা মালেমগী থৌগল অমদি ঙাকশেলদা ভারতনা মরুওইবা থৌদাং লৌরক্কনি হায়বগী থাজবা ফোঙদোকখি। মহাক্না IMD অমদি মাগী চহি ১৫০গী খোঙচৎ অসিদা মেতিওরোলোজীগী লমদা শরুক য়ারকখিবা মীওই পুম্নমক্কী মফমদা নুংঙাইবা ফোঙদোকখি।
আর্থ সাইন্সকী কেন্দ্রগী রাজ্য মন্ত্রী (ইন্দিপেন্দেন্ত চার্জ), দোক্তর জিতেন্দ্র সিংহ, ৱর্ল্দ মেতিওরোলোজিকেল ওর্গনাইজেসন (WMO) গী সেক্রেতরী-জেনেরেল প্রোফেসর সেলেস্ত সাউলোসু থৌরমদুদা অতৈ মীথুংশিংগা লোয়ননা শরুক য়াখি।
বেকগ্রাউন্দ
প্রধান মন্ত্রীনা লৈবাক অসিবু ‘ৱেদর রেদী অমদি ক্লাইমেত-স্মারত লৈবাক’ অমা ওইহন্নবা ‘মিসন মৌসম’ হৌদোকখি। মিসন অসিনা কত্তিং-এদ্জ ৱেদর সর্ভিলেন্স তেক্নোলোজী অমদি সিস্তেম শেমগত্তুনা, হায়-রিজোলুসন এতমোস্ফেরিক ওবজর্বেসন, নেক্স জেনেরেসন রেদার অমদি সেতলাইতশিং, অমদি হায়-পর্ফোর্মেন্স কম্প্যুতরশিং শীজিন্নদুনা পান্দম অসি ফংনবা থবক পায়খৎলি। মসিনা ঈশিং-নুংশিৎ অমদি অইং-অশাগী থৌওংশিংগী মরমদা খঙবা হেনগৎহন্বা, তুং কোইনা ৱেদর মেনেজমেন্ত অমদি ইন্তরভেন্সনগী লাল্লোং য়াৎপদাম তেঙ পাংগদবা এয়র ক্বালিতী দেতা ফংহনবদসু মীৎয়েঙ থমগনি।
প্রধান মন্ত্রীনা ৱেদর রেজিলিএন্স অমদি ক্লাইমেত চেঞ্জ এদাপ্তেনগী IMD ভিজন-২০৪৭ দোকুমেন্তসু ফোঙখি। মসিদা ৱেদর ফোর্কাস্তিং, ৱেদর মেনেজমেন্ত, অমদি ক্লাইমেত চেঞ্জ মিতিগেসনগী থৌরাংশিং য়াওরি।
IMD গী ১৫০ শুবা মপোক কুমওন থৌরম পাঙথোকপা ওইনা, হৌখিবা চহি ১৫০ অসিদা IMD না ফংবা ঙমখ্রবশিং, ভারতপু ক্লাইমেত রেজিলিএন্ত ওইহন্বদা মানা লৌরিবা থৌদাং, উত্থোক্নবা অমদি তোঙান তোঙানবা ৱেদর অমদি ক্লাইমেত সর্ভিসশিং ফংহনবদা লৈঙাক্কী ইন্সতিত্যুসনশিংনা লৌরিবা থৌদাংশিং উৎননবা থৌরম, থবক থৌওং, অমদি ৱর্কসোপ কয়া পাঙথোকখি।
Click here to read full text speech
IMD के ये 150 वर्ष… ये केवल भारतीय मौसम विभाग की यात्रा नहीं है।
— PMO India (@PMOIndia) January 14, 2025
ये हमारे भारत में आधुनिक साइन्स और टेक्नालजी की भी एक गौरवशाली यात्रा है।
IMD ने इन 150 वर्षों में न केवल करोड़ों भारतीयों की सेवा की है, बल्कि भारत की वैज्ञानिक यात्रा का भी प्रतीक बना है: PM @narendramodi
वैज्ञानिक संस्थाओं में रिसर्च और इनोवेशन नए भारत के temperament का हिस्सा है।
— PMO India (@PMOIndia) January 14, 2025
इसीलिए, पिछले 10 वर्षों में IMD के इंफ्रास्ट्रक्चर और टेक्नॉलजी का भी अभूतपूर्व विस्तार हुआ है: PM @narendramodi
भारत एक climate-smart राष्ट्र बनें इसके लिए हमने ‘मिशन मौसम’ भी लॉंच किया है।
— PMO India (@PMOIndia) January 14, 2025
मिशन मौसम sustainable future और future readiness को लेकर भारत की प्रतिबद्धता का भी प्रतीक है: PM @narendramodi
हमारी meteorological advancement के चलते हमारी disaster management capacity build हुई है।
— PMO India (@PMOIndia) January 14, 2025
इसका लाभ पूरे विश्व को मिल रहा है।
आज हमारा Flash Flood Guidance system नेपाल, भूटान, बांग्लादेश और श्रीलंका को भी सूचनाएं दे रहा है: PM @narendramodi
