Quote“NCCনা এক ভারত শ্রেস্থ ভেরতকী ৱাখল্লোন উৎলি”
Quote“কর্তব্য পথতা পাঙথোকখিবা 75শুবা রিপব্লিক দে অসি ‘নারী শক্তি’দা কত্থোকখি”
Quote“মালেম্না ভারতকী ‘নারী শক্তি’না করম্না লম খুদিংমক্তা মাগী মতিক ময়াই উৎপগে য়েংনরি”
Quote“মমাংঙৈদা চংবা য়ারমখিদবা সেক্তরশিংদা ইচানুপীশিংগীদমক ঐখোয়না খুদোংচাবশিং ফংহনখি”
Quote“ঙসি স্তার্ত-অপশিং নত্ত্রগা সেল্ফ-হেল্প গ্রুপশিং ওইরবসু নুপীশিংনা লম খুদিংমক্তা মখোয়না মাইপাকপা ঙমলি”
Quote“লৈবাক অসিনা মপারী অমসুং মমোমগী তেলেন্ততা চপ মান্নবা খুদোংচাবা পীরবা মতমদা মাগী তেলেন্ত পুল অসি চাউথোরকই”
Quote“হৌখিবা চহি 10দা ভারতকী দিজিতেল ইকনোমী অসিনা ঐখোয়গী নারোলগী শক্তিগী অনৌবা হৌরকফম ওইখি"
Quote“চাউখৎপা ভারতনা ঐখোয়গী নহারোলগী মঙলানশিং থুংহনবা ঙমগনি”

প্রধান মন্ত্রী, শ্রী নরেন্দ্র মোদীনা ঙসি দিল্লীগী করিয়প্পা পরেদ গ্রাউন্দদা চহিগী ওইবা NCC PM রেল্লীদা ৱা ঙাংখ্রে। শ্রী মোদীনা কলচরেল প্রোগ্রাম মীৎয়েং তাখি অমসুং বেস্ত কেদেৎ এৱার্দসু পীখি। মহাক্না NCC নুপীমচাশিংগী মেগা সাইক্লোথোন অমসুং ঝান্সীদগী দিল্লী ফাওবগী নারী শক্তি বন্দন রন (NSRV) লমথাখি।

“NCC কেদেৎশিংগী মরকতা শরুক য়াবনা এক ভারত শ্রেস্থ ভারতকী ৱাখল্লোন উৎলি” হায়না প্রধান মন্ত্রীনা লৈবাক্কী তোঙান-তোঙানবা শরুকশিংদগী কেদেৎশিংনা শরুক য়াবা অসি উবদা ফোঙদোকখি। মহাক্না NCC অসি লেপ্পা লৈতনা পাকথোক চাউথোরক্লিবা অসিদা নুংঙাইবা ফোঙদোকখি অমসুং হায়খি মদুদি  ঙসিগী থৌরম অসিনা অনৌবা অহৌবা অমা ওইরি। মহাক্না ভাইব্রেন্ত ভিলেজ স্কিমগী মখাদা সরকারনা শেমগৎলিবা ঙমখৈগীমফমশিংদগী খুঙ্গংগী সর্পঞ্চ 400 হেনবা অমসুং লৈবাক শিনবা থুংবদগী সেল্ফ-হেল্প গ্রুপশিংদগী নুপী 100 হেনবনা শরুক য়ারি হায়নসু ফোঙদোকখি।

প্রধান মন্ত্রীনা হায়খি মদুদি রেল্লী অসিনা ‘ৱান ৱর্ল্দ, ৱান ফেমিলী, ৱান ফ্যুচর’গী ৱাখল্লোন মপাঙ্গল কনখৎহল্লি। মহাক্না হায়খি 2014দা রেল্লী অসিদা লৈবাক 10দগী কেদেৎশিং লাকখি, ঙসি মসিগী মশিং অসি 24দা হেনগৎলক্লে।

 

|

পুৱারী ওইরবা 75শুবা রিপব্লিক দে অসি নারী শক্তিদা কত্থোকখি পল্লদুনা পি.এম. মোদীনা হায়খি মদুদি লৈবাক অসিনা পুন্সিগী লম খুদিংমক্তা ভারতকী মমোমশিংনা মাইপাকখিবশিং উৎখি। মহাক্না থৌরম অসিদা মনা পীখ্রবা কেদেৎশিংবুসু থাগৎখি। মহাক্না বদোদারা অমসুং কাশী ফাওবগী সাইকল গ্রুপশিংগী মতাংদা পনখি অমসুং মহাক্না মফম অনিমক্কী MP ওইরি হায়খি।

খুন্নাইদা নুপীশিংনা লৌরম্বা থৌদাং অসি কলচরেল এরেঞ্জমেন্তশিং অমসুং ওর্গনাইজেসনশিং খক্তা ওইরমখিবা মতম অদু নীংশিংলদুনা প্রধান মন্ত্রীনা হায়খি মদুদি ঙসি মালেমনা ভারতকী মমোমশিংনা লম খুদিংমক্তা, কংফাল, সমুদ্র, নোংথক নত্ত্রগা স্পেস ওইরবসু মাগী মতিক-ময়াই উৎলিবা অদু উবা ফংলি। মহাক্না রিপব্লিক দে পেরেদতা নুপী পার্তিসিপেন্তশিংগী অখাং কনবা মতৌ অদু পনখি অমসুং হায়খি মদুদি মসি শুপ্নগী নোংমদা ফংবা মাইপাকপা নত্তে মসিদি চহি 10 কত্থোক্তুনা হোৎনখিবশিংগী ফলনি। “নারী অসি ভারতকী চৎনবীশিংদা মতম চুপ্পদা শক্তি ওইনা লৌদুনা লাকখি” হায়না ফোঙদোক্লদুনা প্রধান মন্ত্রীনা ব্রিতিশকা থেংনখিবা রানী লক্ষ্মি বাই, রানী চেন্নাম্মা অমসুং রানী ভেলু নচিয়ারগুম্বা থৌনা ফরবা লান্মীশিংগী মতাংদা ফোঙদোকখি। হৌখিবা চহি 10দা সরকারনা লৈবাক অসিদা নারী শক্তিগী থৌনা মপাঙ্গল কনখৎহন্নবা লেপ্পা লৈতনা হোৎন্দুনা লাকখি হায়না প্রধান মন্ত্রীনা ফোঙদোকখি। মহাক্না মমাংঙৈদা থীংলমখিবা নত্ত্রগা য়ারমখিদবা সেক্তরশিংদা নুপীশিংনা চংলবদা লৈরম্বা অপনবা পুম্নমক লৌথোক্লি হায়খি অমসুং দিফেন্স ফোর্সশিং অহুমগী ফ্রন্তলাইনদা চংবা য়াবা, দিফেন্সতা নুপীগী পর্মিনেন্ত কম্মিসন তৌখিবা অমসুং কম্মান্দ রোল অমসুং কোম্বেৎ পোজিসনশিংদা চংবা য়াহল্লিবা অসি খুদম ওইনা পীখি। “আগ্নিভীর নত্ত্রা ফাইতর পাইলোৎ ওইরবসু নুপীশিংনা শরুক য়াবা হেনগৎলক্লি” হায়না প্রধান মন্ত্রীনা ফোঙদোকখি। মহাক্না সাইনিক স্কুলশিংদা নুপীমচা মহৈরোয়শিংগীদমক এদমিসন তৌবা য়াহল্লি হায়নসু ফোঙদোকখি। শ্রী মোদীনা হৌখিবা চহি 10দা সেন্ত্রেল আর্মদ ফোর্সেস্তা নুপীশিংগী মশিং অসি শরুক অনি হেনগৎলকখি অমরোমদা রাজ্যশিংদা স্তেৎ পুলিস ফোর্স্তা নুপী হেন্না রিক্রুৎ তৌনবা পুক্নিং থৌগৎলি হায়না ফোঙদোকখি।

 

|

খুন্নাইগী মেন্তেলিতীদা খোঙথাং অহুম অসিনা পীরিবা শাফুগী মতাংদা প্রধান মন্ত্রীনা হায়খি মদুদি অতৈ সেক্তরশিংদসু নুপীশিংনা শরুক য়াবা হেনগৎলক্লি। মহাক্না খুঙ্গংগী মফমশিংদা বেঙ্কিং অমসুং ইন্সুরেন্স ফংহনবদা নুপী কয়ানা থৌদাং লৌরি হায়খি। “স্তার্তঅপ নত্ত্রগা সেল্ফ-হেল্প গ্রুপশিংগুম্বা সেক্তরশিংদসু ৱারী অসি চপ মান্নৈ” হায়না মহাক্না মখা তাখি।

মহাক্না হায় মদুদি নুপীশিংনা শরুক য়ারকপনা মরম ওইরগা তেলেন্ত পুল হেনগৎলকপনা ভিকসিৎ ভারত অমা শেমগৎলি। “মালেম পুম্বনা ভারতপু ‘বিশ্বা মিত্রা’ ওইনা উরি” হায়না ফোঙদোক্লদুনা পি.এম. মোদীনা ভারতকী পাসপোর্তকী মশিং হেনগৎলক্লি হায়না ফোঙদোকখি। “লৈবাক কয়ানা ভারতকী নহারোলগী তেলেন্ত অমসুং স্কিলদা খুদোংচাবা অমা উরি” হায়না মহাক্না ফোঙদোকখি।

প্রধান মন্ত্রী নরেন্দ্র মোদীনা মথংগী চহি 25 অসিদা লৈবাক্কী তুংলমচৎ শেম্বদা ভারতকী নহারোলগী মরু ওইবা থৌদাংগী মতাংদা পল্লদুনা মখোয়গীদমক লৈরিবা মহাক্কী বিজন অদু থমখি। থমোয় নুংদগী ফোঙদোক্লদুনা প্রধান মন্ত্রীনা হায়খি, “মসিগী ত্রান্সফোর্মেতিব ইরা, লাক্কদৌরিবা চহি 25 অসিদা চাউখৎপা ভারত শমা শেমগৎপা উবা ফংবতা নত্তনা মোদীগী মহুৎ নহারোলশিংদা মপুং ওইন কান্নবা পীরগনি”। নহারোলশিং অসি ভারতকী চাউখৎ খোঙচৎকী প্রাইমারী বেনিফিসরীশিংনা হায়রদুনা প্রধান মন্ত্রীনা হায়খি, “চহিচা অসিগী খ্বাইদগী চাউবা বেনিফিসরীশিং অসি নখোয়গুম্বা নহা ওইরিবা মীওইশিংনি”। মহাক্না লেপ্পা লৈতনা কন্না হোৎনবগী মরু ওইবা অদু থমলদুনা হায়, “নখোয়না মাইপাক্নবা লেপ্পা লৈতনা হোৎনবা অসি য়াম্না মরু ওইগনি”।

 

|

হৌখিবা দিকেদ অসিদা সেক্তর কয়ামরুমদা পাইখৎখিবা খোঙথাংশিংগী মতাংদা পল্লদুনা প্রধান মন্ত্রী মোদীনা হায়, “হৌখিবা চহি 10 অসিদা স্কিল দিবেলপমেন্ত, এমপ্লোইমেন্ত অমসুং ওন্তপ্রিনোর্শিপকী মাইকৈদা সেক্তর খুদিংমক্তা মরু ওইবা খোঙথাংশিং লৌখৎখি”। মহাক্না ভারত চাউখৎহনবদা য়ারিবা মখৈ শাফু পীনবা নহারোলগী তেলেন্ত অমসুং স্কিলশিং শীজিন্ননবা ফোঙদোকখি।

প্রধান মন্ত্রীনা হায়খি লৈবাক শিনবা থুংবদা স্কুল লিশিং কয়া মোদর্নাইজ তৌনবা পান্দম থমখিবা অনৌবা নেস্নেল এজুকেসন পোলিসী অমসুং পি.এম. শ্রীগী মখাদা স্মার্ত স্কুল কেম্পেনগুম্বা ইনিসিএতিবশিংগী খুত্থাংদা নহারোলবু শক্তি পীনবা সরকারনা ফিরেপ লৌখি। মহাক্না হৌখিবা দিকেদ অসিদা প্রোফেস্নেল এজুকেসনগা মরী লৈনবা কোলেজ, য়ুনিভর্সিতী অমসুং ইন্সতিত্যুসনশিংদা অমুক্তা উখিদ্রিবা গ্রোথ লাকখি হায়নসু ফোঙদোকখি।

ভারতকী এজুকেস্নেল লেন্দস্কেপতা খুমাং চাউশিল্লিবা অসিগী মতাংদা পল্লদুনা প্রধান মন্ত্রী মোদীনা হায়খি, “হৌখিবা চহি 10 অসিদা ভারতকী য়ুনিভর্সিতীশিংগী গ্লোবেল রেঙ্কিংশিংদা শীংথানীংঙাই ওইনা ফগৎলকখি”। মহাক্না রাজ্য কয়ামরুমদা অনৌবা IIT অমসুং AIIMSশিং লিংখৎপগা লোয়ননা মেদিকেল কোলেজ অমসুং সীতশিংগী মশিং চাউনা হেনগৎলকপদা নুংঙাইবা ফোঙদোকখি।

 

|

প্রধান মন্ত্রী মোদীনা থাজবা পীখি মদুদি সরকারনা রিসর্চকী খোঙথাংশিংদা শাহৌ পীনবা অনৌবা লোশিং শেম্লি লোয়ননা নহা ওইরিবা তেলেন্তকীগদমক দিফেন্স, স্পেস অমসুং মেপ্পিংগুম্বা সেক্তরশিং হাংদোক্নবা হোৎনরি। মহাক্না নৌহৌননা ফোঙদোকখি, “ইনিসিএতিব পুম্নমক অসি নখোয়গী কান্ননবা, ভারতকী নহারোলগীদমক পাইখৎলি”।

ইকনোমিক এম্পাৱর্মেন্তদা গিয়র ওন্থোক্তুনা “মেক ইন ইন্দিয়া” অমসুং “আত্মনির্ভর ভারত” কেম্পেনশিং পাইখৎলি হায়না পল্লদুনা প্রধান মন্ত্রীনা মখোয় অসি ভারতকী নহারোলগী অনীংবা অপাম্বশিংগা চুনরি হায়খি। মহাক্না হায়খি, “কেম্পেনশিং অসি নখোয়গুম্বা নহা ওইরিবা মীওইশিংগীদমক্তনি, নখোয়দা অনৌবা থবক্কী খুদোংচাবশিং পীনবনি”।

ভারতকী দিজিতেল রিভোল্যুসনগী খুদম অমদা প্রধান মন্ত্রীনা দিজিতেল ইকনোমীদা চাউনা গ্রোথ লৈরিবা অমসুং নহারোলদা পীরিবা মসিগী অচৌবা শাফুগী মতাংদা পনখি। মহাক্না হায়খি “হৌখিবা চহি 10দা ভারতকী দিজিতেল ইকনোমী অসিনা ঐখোয়গী নহারোলগীদমক শক্তিগী অনৌবা হৌরকফম ওইখি”।

 

|

মালেমদা ভারতনা অহুমশুবা খ্বাইদগী চাউবা স্তার্তঅপ ইকোসিস্তেম ওইরক্লিবা অসিগী পল্লদুনা প্রধান মন্ত্রী মোদীনা নহারোলগী মরক্তা লৈরিবা ওন্তপ্রিনোরিএল স্পিরিৎ অসিবু থাগৎখি। মহাক্না হায়, “ঙসি ভারত্তা রেজিস্তর তৌরবা স্তার্তঅপ লাখ 1.25 অমসুং য়ুনিকোর্ন চামা হেন্না লৈরি”। প্রধান মন্ত্রীনা মোবাইল মেন্যুফেকচরিংদা গ্রোথ লৈরিবা অমসুং ভারত্তা দেতা হোংনা ফংলিবা অমসুং খুঙ্গং খুদিংমক্তা ওপ্তিকেল ফাইবর কন্নেক্তিবিতী ফংহল্লিবা অসিগী মতাংদসু ফোঙদোকখি।

ই-কম্মর্স, ই-শোপ্পিং, হোম দেলিবরী, ওনলাইন এজুকেসন অমসুং রিমোৎ হেল্থকিয়রগী এক্সপান্সনগী মতাংদা পল্লদুনা প্রধান মন্ত্রীনা নহারোলশিংদা দিজিতেল ইন্দিয়ানা পীরিবা খুদোংচাবশিং লৌনবা হায়খি, মহাক্না দিজিতেল কন্তেন্ত ক্রিএসনগী প্রোলিফরেসন অমসুং নহারোল মশিং কয়া থবক পীরিবা খুঙ্গংগী মফমশিংদা কম্মন সর্ভিস সেন্তর লাখ মঙা হেন্না লিংখৎখিবগী মতাংদা পনখি।

প্রধান মন্ত্রীনা ঙমখৈগী খুঙ্গংশিংবু অরোইবা খুঙ্গং কৌবগী ৱাখল্লোন্দা পুরকখিবা অহোংবগী মতাংদা ফোঙদোকখি। হৌজিক খুঙ্গংশিং অসি ‘অহানবা খুঙ্গং’ ওইনা লৌরি। মহাক্না হায়খি খুঙহগংশিং অসিনা লাক্কদৌরিবা মতমশিংদা অচৌবা তুরিস্ত সেন্তরশিং ওইরক্কনি।

 

|

নহারোলশিংদা হকথেংননা ৱা ঙাংলদুনা প্রধান মন্ত্রী মোদীনা ভারতকী তুংলমচৎ য়াৎপদা মখোয়গী মতিক ময়াইদা থাজবা থম্মি হায়খি, মখোয়না লৈবাক শেমগৎপগী খোঙথাংশিংদা থৱায় য়াওনা শরুক য়ানবা হায়খি। মহাক্না মখোয়দা ‘মাই ভারত ওর্গনাইজেসন”দা রেজিস্তর তৌনবা অমসুং চাউখৎপা ভারত অমা ওইহনবদা ৱাখল্লোনশিং শরুক তম্নবা হায়খি।

লোইশিনবদা প্রধান মন্ত্রী মোদীনা শরুক য়ারিবা পুম্নমক্তা মহাক্না নুংঙাইবা ফোঙদোকখি অমসুং মখোয়গী তুংলমচৎকীদমক য়াইফ মঙ্গোল পীখি। নহারোলশিং অসিদা মহাক্না থাজবা থম্মি হায়না নৌনা ফোঙদোক্লদুনা “নখোয়না ভিকসিৎ ভারতকী আর্কিতেকনি” হায়না লাউথোকখি।

কেন্দ্রগী ঙাকশেল মন্ত্রী, শ্রী রাজ নাথ সিংহ, NCCগী দিরেক্তর জেনরেল, লেফতনেন্ত জেনরেল গুরবিরপাল সিংহ, কেন্দ্রগী ঙাকশেলগী রাজ্য মন্ত্রী, শ্রী অজয় ভত্ত, চীফ ওফ দিফেন্স স্তাফ, লেফতনেন্ত জেনরেল অনিল চৌহান, চীফ ওফ আর্মী স্তাফ, জেনরেল মনোজ পান্দে, চীফ ওফ এয়র স্তাফ এয়র চীফ মর্শেল ভি আর চৌধরি, চীফ ওফ নেবেল স্তাফ, এদমিনরেল আর হরি কুমার অমসুং দিফেন্স সেক্রেতরী, শ্রী গিরিধর অরামানেনা থৌরম অসিদা শরুক য়াখি।

 

|

বেকগ্রাউন্দ

থৌরম অসিদা ‘অমৃত কাল কী NCC’ হায়বা থিমদা অমৃত পীধিনা শরুক তম্মিবা অমসুং মখোয়দা শক্তি পীরিবা অসি উৎলিবা কলচরেল প্রোগ্রাম অমা য়াওখি। বসুধৈব কুতুম্বকমগী তশেংবা ভারত মচাগী ওইবা ৱাখল্লোন্দা  মীরৈবাক 24দগী NCC কেদেৎ অমসুং অঙাং ওইরিবা কেদেৎ 2,200 হেনবনা চহি অসিগী রেল্লীদা শরুক য়াখি।

অখন্নবা মীথুংলেনশিং ওইনা ভাইব্রেন্ত ভিলেজশিংগী সর্পঞ্চ 400 হেনবা অমসুং লৈবাক্কী তোঙান-তোঙানব শরুকশিংদগী সেল্ফ-হেল্প গ্রুপ কয়াগী নুপী 100 হেনবনসু NCC PM রেল্লীদা শরুক য়াখি।

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Uttam Das January 27, 2025

    Jay Hind
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। 🇮🇳🇮🇳#26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। 🇮🇳🇮🇳#26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। 🇮🇳🇮🇳#26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। 🇮🇳🇮🇳#26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। 🇮🇳🇮🇳#26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। #26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। #26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। #26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
  • krishangopal sharma Bjp January 26, 2025

    आप सभी को गणतंत्र दिवस की हार्दिक शुभकामनाए। #26January2025 #RepublicDay Nayab Saini CMO Haryana BJP Haryana BJP Kurukshetra Mohan Lal Badoli Sushil Rana Krishangopal Sharma Krishan Gopal Sharma
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s Average Electricity Supply Rises: 22.6 Hours In Rural Areas, 23.4 Hours in Urban Areas

Media Coverage

India’s Average Electricity Supply Rises: 22.6 Hours In Rural Areas, 23.4 Hours in Urban Areas
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development