য়োক এক্সেলেন্সী, রাস্ত্রপতী অনুরা কুমারা দিসানায়ক,
লৈবাক অনিমক্কী দেলিগেতশিং,
মীদিয়াগী মরুপশিং,
য়াইফ-পাউজেল পীজরি!
ঐহাক্না রাস্ত্রপতী দিসানায়কপু ভারত্তা তরাম্না ওকচরি। অদোম্না রাস্ত্রপতী ওইনা অহান্বা ফোরেন খোঙচত্তা ভারত্তা লাক্নবা খনবিবগীদমক ঐঙোন্দা নুংঙাইবা ফাওই। রাস্ত্রপতী দিসানায়ক্কী খোঙচৎ অসিনা ঐখোয়গী মরীদা অনৌবা ইনোৎ অমসুং ইহুল হাপ্লে। ঐখোয়না ঐখোয়গী খোঙবু ওইবগী মরী অসিদা তুংলমচৎকী ওইবা মীৎয়েঙ অমা থম্লি। ঐখোয়না ঐখোয়গী শেন্মিৎলোনগী পার্ত্নরসিপ অসিদা ইনভেসতমেন্ত-লেদ গ্রোথ অমসুং কন্নেক্তিবিতীদা মরুওইবা মীৎয়েঙ থম্লি। অদুগা ফীজিনেল, দিজিতল অমসুং ইনর্জী কন্নেক্তিবিতীনা ঐখোয়গী পার্ত্নরসিপকী মরুওইবা য়ুম্বী ওইহন্নবা ফিরেপ লৌরে। ঐখোয়না লৈবাক অনিগী মরক্তা ইলেক্ত্রিসিতী-গ্রিদ কন্নেক্তিবিতী অমসুং মল্ত-প্রদক্ত পেত্রোলিয়ম পাইপলাইন শেমগৎনবা থবক তৌমিন্নগনি। সমপুর সোলার পৱার প্রোজেক্তকী থবক খোঙজেল য়াঙ্খৎহল্লগনি। মসিগী মথক্তা, স্রি লঙ্কাগী পৱার প্লান্তশিংদা LNG সপ্লাই তৌগনি। নাকল অনিমক্না বাইলেতরেল ত্রেদ প্রমোত তৌনবগীদমক অথুবা মতমদা ETCA পায়খৎনবা হোৎনমিন্নগনি।
মরূপশিং,
হৌজিক ফাওবদা, ভারতনা স্রি লঙ্কাদা USD বিলিয়ন ৫ গী ওইগদবা গ্রান্ত অমসুং লাইন ওফ ক্রেদিত ফংহনখ্রে। ঐখোয়না স্রি লঙ্কাগী দিস্ত্রিক্ত ২৫ মক্তা ঙাক্লৌ পীরি। ঐখোয়গী প্রোজেক্তশিং মতম পুম্বদা ঐখোয়গী খোঙবু লৈবাকশিংগী চাওখৎ থৌরাংগী প্রাইওরিতীশিংদা য়ুম্ফম ওইরগা খনগৎপনি। চাওখৎ থৌরাংগী ঙাক্লৌ অসিবু মাঙদা পুখৎলদুনা, ঐখোয়না মাহোদগী অনুরাধাপুর রেল সেক্সন অমসুং কনকেসন্থুরাই হিথাংফম ফাওবগী সিগ্নেলিং সিস্তেম নৌহৌননা শেমগৎনবা গ্রান্তকী মতেঙ পীননবা ফিরেপ লৌরে। ঐখোয়গী এজুকেস্নেল কোওপরেসনগী মনুং চন্না, ঐখোয়না জাফ্না অমসুং স্রি লঙ্কাগী নোংপোকথংবা শরুক্তা লৈরিবা য়ুনিভর্সিতীশিংদগী মহৈরোয় ২০০ দা থাগী স্কোলারসিপ ফংহল্লগনি। মথঙগী চহি মঙাসিদা, স্রি লঙ্কাগী সিভিল সর্ভেন্ত ১৫০০ ভারত্তা ত্রেন তৌগনি। য়ুম-কৈ, রিনিউএবল ইনর্জী অমসুং ইনফ্রাস্ত্রকচরগা লোয়ননা, ভারতনা স্রি লঙ্কাগী লৌউ-শিংউ, দেরী অমসুং ফিসরিজকী সেক্তরশিংদসু মতেঙ পাংগনি। ভারতনা স্রি লঙ্কাগী য়ুনিক দিজিতেল আইদেন্তিতী প্রোজেক্তকী খোঙবু ওইগনি।
মরূপশিং,
রাস্ত্রপতী দিসানায়ক অমসুং ঐহাক্না ঐখোয়গীঈ সিক্যুরিতী ইন্তরেস্ত অসি অমা অমগা মরী লৈনৈ হায়না মপুং ফানা য়ানরি। ঐখোয়না অথুবা মতমদা সিক্যুরিতী কোওপরেসন এগ্রীমেন্ত অসি অথুবা মতমদা লোইশিন্নবা ফিরেপ লৌরে। ঐখোয়না হায়দ্রোগ্রাফীদা তেংবাংননবা ৱাফমসু য়ানরে। ঐখোয়না কোলোম্বো সিক্যুরিতী কনক্লেব অসি লমদমসিদা ইং-তপ্পা, সিক্যুরিতী অমসুং দিভেলপমেন্তকী মরুওইবা ফম্পাক অমনি হায়না থাজবা থম্লি। অমব্রেলা অসিগী মখাদা, মেরিতাইম সিক্যুরিতী, কাউন্তর তেরোরিজম, সাইবর সিক্যুরিতী, স্মগ্লিং অমসুং ওর্গনাইজ ক্রাইম থেংনবা, হ্যুমেনিতরিয়ন তেংবাং অমসুং দিজাস্তর রিলীফকী লমদা তেংবাং ফংহনগনি।
মরূপশিং,
ভারত অমসুং স্রি লঙ্কা অনিগী মরক্তা মীগা মীগগী মরক্লতা লৈনরিবা মরী অসি ঐখোয়গী খুন্থোক্লোন্দা মরা তাদুনা লাকখ্রবনি। ভারতনা পালি লোলবু ক্লাসিকেল লোলনি হায়না লাউথোকখিপা মতমদা, স্রি লঙ্কানা মদুগী হরাও তয়াম্বা ফোঙদোকখি। ফেরী সর্ভিস অমসুং চেন্নাই-জাফ্না ফ্লাইত কন্নেক্তিবিতীনা তুরিজমদা ইনোৎ হাপ্পখক নত্তনা কলচরগী ওইবা মরীসু চেৎশিনহল্লে। নাগাপত্তিনম – কনকেসন্থুরাই ফেরী সর্ভিস মায় পাক্না হৌদোকখ্রবা মতুংদা, ঐখোয়না রামেস্বরম অমসুং তলাইমন্নরগী মরক্তা ফেরী সর্ভিস অমসু হৌদোক্নবা ঐখোয়না পুন্না ফিরেপ লৌমিন্নরে। বুদ্ধিজম সর্কিত অমসুং স্রি লঙ্কাগী রামায়ন ত্রেলগী খুত্থাঙদা তুরিজমগী য়াম্লবা মতিং ফুদোকহহন্নবা থবকসু পায়খৎপা হৌরগনি।
মরূপশিং,
ঐখোয়না ঐখোয়গী ঙামীশিংগী পুন্সি হিংনবা লম্বীগী মরমদসু কুপ্না ৱারী শানখি। ঐখোয় অনিমক্না হীরমসিদা হ্যুমেনিতরিয়ন এপ্রোচ অমদা চঙশিন্নবা য়ানরে। ঐখোয়না স্রি লঙ্কাদা অমুক হন্না শেমগৎ শাগৎপা অমদি শন্তাইনবগী মতাঙদসু ৱারী শানখি। রাস্ত্রপতী দিসানায়ক্না মহাক্কী মপুং ফাবা মীৎয়েঙগী মরমদা ঐঙোন্দা পাউদম্লকখি। স্রি লঙ্কাগী লৈঙাক্না তামিল মীওইশিংগী অনিংবা অপাম্বা ফংহনগনি হায়না ঐখোয়না থাজবা থম্লি। মখোয়না স্রি লঙ্কাগী সংবিধান মপুং ফানা চৎনহন্নবা অমসুং প্রোভিন্সিএল কাউন্সিলগী মীখল পাঙথোরক্কনি হায়না থাজবসু চপ চানা থম্লি।
মরূপশিং,
ঐহাক্না রাস্ত্রপতী দিসানায়ক্কী মফমদা মহাক্কী লৈবাক শেমগৎনবগী থৌরাংদা ভারতনা থাজনিংঙাই ওইবা খোঙবু অমা ওইইনা লেপকনি হায়না থাজবা পীজখি। অমুক্কা হন্না, ঐহাক্না রাস্ত্রপতী দিসানায়ক অমসুং মহাক্কী খোঙবুবু ভারত্তা তরাম্না ওকচরি। মহাক্না বোধগয়াদা চৎপা খোঙচত্তা অফবতা ওইরসনু হায়না ঐহাক্না থৌনিজরি, অমদি খোঙচৎ অদু স্পিরিচুএল ইনর্জীনা থন্বা অমসুং পুক্নিং থৌগৎনিংঙাই ওইবা ওইরসনু।
ময়ামবু ঙমখৈ লৈতনা থাগৎচরি।
मैं राष्ट्रपति दिसानायक का भारत में हार्दिक स्वागत करता हूँ।
— PMO India (@PMOIndia) December 16, 2024
हमें ख़ुशी है कि राष्ट्रपति के रूप में अपनी पहली विदेश यात्रा के लिए आपने भारत को चुना है।
आज की इस यात्रा से हमारे संबंधों में नई गति और ऊर्जा का सृजन हो रहा है: PM @narendramodi
भारत ने अब तक श्रीलंका को 5 बिलियन डॉलर की Lines of Credit और grant सहायता प्रदान की है।
— PMO India (@PMOIndia) December 16, 2024
श्रीलंका के सभी 25 जिलों में हमारा सहयोग है।
और हमारे प्रोजेक्ट्स का चयन सदैव पार्टनर देशों की विकास प्राथमिकताओं पर आधारित होता है: PM @narendramodi
भारत और श्रीलंका के people to people संबंध हमारी सभ्यताओं से जुड़े हैं।
— PMO India (@PMOIndia) December 16, 2024
जब भारत में पाली भाषा को “Classical भाषा” का दर्जा दिया गया, तो श्रीलंका में भी उसकी खुशी मनाई गई: PM @narendramodi
हमने मछुआरों की आजीविका से जुड़े मुद्दों पर भी चर्चा की।
— PMO India (@PMOIndia) December 16, 2024
हम सहमत हैं, कि हमें इस मामले में एक मानवीय approach के साथ आगे बढ़ना चाहिए: PM @narendramodi
