Your Excellency, Chancellor Scholz

Delegates from both the nations,

য়োর এক্সিলেন্সী, চেঞ্চেলর স্কোলজ

লৈবাক অনিমক্কী দেলিগেৎশিং,

মেদিয়াগী পার্তনরশিং,

গুতান তেগ!

খুরুমজরি!

ঐহাক্না ঐগী মরুপ চাঞ্চেলর স্কোলজ অমসুং মহাক্কী দেলিগেসনবু ভারত্তা তরাম্না ওকচরি। ২০১২তা লাকখিবা মহাক্কী খোঙচৎ অসি ভারত্তা হেমবর্গকী মেয়র অমনা লাকপা অহানবনি। মসিনা মতম শাংনা লৈরিবা ভারত-জর্মনগী মরীগী মতিক ময়াই খঙই হায়বা ময়েক শেংনা তাকই।

মমাং চহিদা ঐখোয়না মীফম অহুম পাঙথোকখি। অমসুং মীফম পাঙথোকপা খুদিংগী মহাক্কী লৌশিং লৈবা অমসুং মীৎয়েং শানবা মতৌনা ঐখোয়গী বাইলেতরেলগী মরীশিংদা অনৌবা শাহৌ অমসুং শক্তি পীখি। ঙসিগী মীফম অসিদা ঐখোয়না মরু ওইবা বাইলেতরেল, রিজনেল অমসুং মালেমগী সমস্যাশিং কুপ্না খন্নখি।

মরুপশিং,

ভারত অমসুং জর্মনীগী মরক্তা লৈরিবা অচেৎপা মরীশিং অসি অপুনবা দেমোক্রেতিক ভেল্যুশিং অমসুং অমনা অমগী অপাম্বা মুন্না খঙনবা অসিদা য়ুম্ফম ওই। লৈবাক অনিগী মরক্তা কলচরেল অমসুং ইকনোমিক একচেঞ্জশিংগী শাংলবা পুৱারী অমা লৈজৈ। মালেমগী খ্বাইদগী চাউবা দেমোক্রেতিক ইকনোমী অনিগী মরক্তা কোওপরেসন হেনগৎলক্লিবা অসিনা লৈবাক অনিগী মরক্তা লৈরিবা মীওইশিংদা কান্নবা পীবা খক্তা নত্তনা ঙসিগী তেন্সন্না থল্লবা মালেমদা মসিনা অফবা পাউজেল অমসু পীরি।

য়ুরোপতা ঐখোয়গী খ্বাইদগী চাউবা ত্রেদিং পার্তনর ওইবগা লোয়ননা জর্মনীনা ভারত্তা ইনভেস্তমেন্ত তৌনবগী মরু ওইবা সোর্সসু ওইরি। ঙসি ‘মেক ইন ইন্দিয়া’ অমসুং ‘আত্মনির্ভর ভারত’ কেম্পেননা মরম ওইদুনা ভারতকী সেক্তর পুম্নমক্তা অনৌবা খুদোংচাবশিং লাক্লি। জর্মনীনা খুদোংচাবশিংদা পুক্নিং চংলিবা অসিনা ঐখোয়গীদমক য়াম্না পুক্নিং থৌগৎনীংঙাই ওই।

চাঞ্চেলর স্কোলজগা লোয়ননা ঙসি লাকখিবা বিজিনেস দেলিগেসন্না ভারতকী বিজিনেসকী লুচিংবশিংগা মাইপাক্না মীফম অমা পাঙথোকখি, অমসুং অফবা অমদি মরু ওইবা য়ান্ন-ৱারোলশিং খুৎয়েক পীনখি। ঐখোয়না দিজিতেল ত্রান্সফোর্মেসন, ফিনতেক, আই.তি., তেলিকোম অমসুং সপ্লাই চেনশিংগী দাইভর্সিফিকেসন অসিগুম্বা হীরমশিংদা লৈবাক অনিগী ইন্দস্ত্রী লুচিংবশিংদগী কান্নরবা ৱাখল্লোনশিং তাবা ফংখি।

মরুপশিং,

ভারত অমসুং জর্মনীনা থর্দ কন্ত্রীশিং চাউখৎহন্নবগীদমক ত্রাইএঙ্গুলর দিবেলপমেন্ত কোওপরেসনগী মখাদা ম্যুচুএল কোওপরেসন হেনগৎলক্লি। হৌখিবা চহি খরা অসিদা ঐখোয়গী মরক্তা পিপল-তু-পিপলগী মরী অসি শক্তি হেনগৎহনখি। অমসুং মসিগী মরী অসি মমাং চহিগী দিসেম্বরদা খুৎয়েক পীখিবা মাইগ্রেসন এন্দ মোবিলিতী পার্তনরশিপ এগ্রীমেন্তগা লোয়ননা হেন্না চেৎশিল্লগনি।

হোংলক্লিবা মতম অসিগী মথৌ তাবশিংগী মতুং ইন্না ঐখোয়গী মরীশিংদা অনৌবা অমদি মতমগা চুন্নবা হীরমশিং হাপচিল্লি। মমাং চহিদা জর্মনীদা চৎখিবা ঐগী খোঙচৎ অদুদা ঐখোয়না গ্রীন এন্দ সস্তেনেবল দিবেলপমেন্ত পার্তনরশিপ লাউথোকখি। মসিগী খুত্থাংদা ঐখোয়না ক্লাইমেৎ এক্সন অমসুং সস্তেনেবল দিবেলপমেন্ত গোলশিংগী লমশিংদা কোওপরেসন পীনবা হেনগৎহল্লি। ঐখোয়না রিন্যুএবল ইনর্জী, গ্রীন হাইদ্রোজেন অমসুং বাইও-ফ্যুলশিংগুম্বা মফমশিংদা পুন্না থবক তৌনবা ৱারেপসু লৌখি।

মরুপশিং,

ঐখোয়গী স্ত্রেতেজিক পার্তনরশিপকীদমক সেক্যুরিতী অমসুং দিফেন্স কোওপরেসন্না মরু ওইবা য়ুম্বী অমা ওইরি। পুন্না ঐখোয়না লম অসিদা তেপ তৌদ্রিবা ঐখোয়গী মতিক-ময়াই অসি মপুং ফানা মঙফাওনবা ঙম্নবা খোঙথাংশিং লৌখৎপা ঙমগনি। তেরোরিজম অমসুং সেপারেতিজমগী মায়োক্তা লান্থেংনবদা ভারত অমসুং জর্মনীগী মরক্তা এক্তিব কোওপরেসন লৈখি। লৈবাক অনিমক্না ক্রোস-বোর্দর তেরোরিজম লোইশিন্নবা অকনবা খোঙথাংশিং মথৌ তাই হায়বা অসি য়ান্নখি।

মরুপশিং,

কোবিদ লাইচৎ অমসুং য়ুক্রেনগী লানগী চৈথেংশিং মালেম শিনবা থুংবদা ফংখি। মসিনা চাউখৎলক্লিবা লৈবাকশিংদা মরু ওইনা নেগেতিব ইম্পেক্ত অমা পীখি। ঐখোয়না মসিগী মতাংদা নুংনাংবা ফোঙদোকখি। ঐখোয়না য়ান্নখি মদুদি সমস্যাশিং অসি পুন্না খোঙথাংশিং লৌখৎলবা খক্তদা কোকহনবা ঙমগনি। জি২০গী ভারতকী প্রসিদেন্সী মনুংদা মসিগী ৱাফম অসিদা অকনবা মীৎয়েং থমখি।

য়ুক্রেন্দা ওইরক্লিবা ফীভম অসি হৌরকপদগী ভারতনা দাইলোগ অমসুং দিপ্লোমেসীগী খুত্থাংদা লান অসি লোইশিন্নবা ৱাফম ভারতনা থমখি। ঐখোয়না শান্তীগী থৌওং অমা হেক্তদা শরুক তম্নবা শেম-শাদুনা লৈ। অফবা মওং অমদা গ্লোবেল রিএলিতীশিং অসি মমি তানবা মলতি-লেতরেল ইন্সতিত্যুসনশিং রিফোর্ম তৌবা মথৌ তাই হায়বা অসিদা ঐখোয়না য়ান্নখি। মসি ঐখোয়না জি৪দা থৱায় য়াওনা শরুক য়াদুনা য়ু.এন. সেক্যুরিতী কাউন্সিল রিফোর্ম তৌনবা হোৎনরিবা অসিদা ময়েক শেংনা উবা ফংলি।

এক্সিলেন্সী,

ইরৈবাকচা পুম্নমক্কী মহুৎ শিন্দুনা ঐহাক্না অদোম অমদি অদোমগী দেলিগেসনবু ভারত্তা অমুক্কা হন্না তরাম্না ওকচরি। চহি অসিগী সেপ্তেম্বরদা ভারত্তা পাঙথোক্কদবা জি২০ সম্মিৎতা ঐখোয়না অদোমবু অমুক হন্না তরাম্না ওকপগী খুদোংচাবা ফংগনি। ভারত্তা লাকপীবা অমদি ঙসিগী কান্নরবা খন্ন-নৈনবা অসিগীদমক অদোমবু হন্না-হন্না থাগৎচরি।

  • Reena chaurasia August 30, 2024

    भाजपा
  • Reena chaurasia August 30, 2024

    बीजेपी
  • Babla sengupta December 23, 2023

    Babla sengupta
  • Rajesh Shah March 31, 2023

    how some one from German foreign ministry can comment against democracy in India?
  • Vijay lohani March 02, 2023

    Jay shree ram
  • Raj kumar Das February 28, 2023

    प्रिय सांसद जी माननीय प्रधानमंत्री जी,अप्रैल,जून अगस्त में बनारस में G-20 के कई कार्यक्रम तय है,छावनी बड़े होटल्स का गढ़ है ज्यादातर विदेशी मेहमान छावनी कैन्टीनमेन्ट में ही रूकेंगे विकास की कई योजनायें बनी थी टेंडर प्रक्रिया भी चालु कर दी गई थी,अचानक छावनी चुनाव के गजट ने विकास के कार्य चुनाव आचार संहिता में अवरुद्ध हो गये, कृपया वाराणसी छावनी के चुनाव में फेरबदल का अविलंब निर्देश जारी करें।🙏🏻🙏🏻
  • Kiran Yadav February 27, 2023

    🚩🙏🙏🚩
  • Dharamvati Devi February 26, 2023

    जय श्री राम
  • February 26, 2023

    Namaste sir 🙏🙏
  • Vijay lohani February 26, 2023

    namo namo
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Over 100K internships on offer in phase two of PM Internship Scheme

Media Coverage

Over 100K internships on offer in phase two of PM Internship Scheme
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 20 ফেব্রুৱারি, 2025
February 20, 2025

Citizens Appreciate PM Modi's Effort to Foster Innovation and Economic Opportunity Nationwide