প্রধান মন্ত্রী শ্রী নরেন্দ্র মোদীনা খুঙ্গঙ চাওখৎপদা কেন্দ্রগী বদজেতনা পীরিবা অফবা শাফুগী মতাঙদা পাঙথোকপা ৱেবিনার অমদা ৱা ঙাঙখ্রে। মসি পরিং নাইনা চত্থরকপা ৱেবিনারগী অনিসুবা তাঙ্কক্নি। মরী লৈনবা কেন্দ্রগী মন্ত্রীশিং, স্তেত লৈঙাকশিংগী মীহুৎশিং অমসুং অতৈ স্তেকহোল্দরশিংসু থৌরমদুদা শরুক য়াখি।
প্রধান মন্ত্রীনা লৈঙাক্কী খুজিল থৌরাং অমদি থবক থৌরম খুদিংগী মরুমদা সবকা সাথ, সবকা বিকাস, সবকা বিস্বাস অমসুং সবকা প্রয়াস হায়বা লাইৱাসিনা থৌদুনা চৎলি হায়বা ৱাফম হন্না থমদুনা হৌদোকখি। “ঐখোয়গী অজাদি কা অমৃত কালগী ৱাশকশিং মীপুম খুদিংনা পুন্না হোৎনমিন্নরবা মতমদা ওইথোক্কনি অমদি মীপুম খুদিংনা হোৎনগদৌরিবা অসি মীওই খুদিংমক, কাঙলুপ খুদিংমক অমদি মফম খুদিংমক্না চাওখৎপগী কান্নবা মপুং ফানা ফংলবা মতমদা ওইথোক্কদৌরিবনি।,” হায়না শ্রী মোদীনা হায়খি।
বদজেত অসিনা লৈঙাক্কী চাওখৎ থৌরাংগী স্কিমশিংগী কান্নবা ফংহন্নবগী পান্দম ফংননবা অমদি কমদৌনা তঙায় ফদনা চঙদ্রবা য়াদ্রবা ফীভমশিংনা মীপু তিংনা য়ৌহনগদগে হায়বগী তশেং তশেংবা লম্বী পরিং পীরে হায়না মহাক্না শন্দোক্না হায়খি। “বদজেত অসিনা পি.এম. অৱাস য়োজনা, গ্রামিন সরক য়োজনা, জল জীবন মিসন, অৱাং-নোংপোক্কী লম্বী থোং, খুঙ্গঙশিংদা ব্রোদবেন্দ য়ৌহনবনচিংবা স্কিম খুদিংমক্কী মথৌ তাবা চাকথুং পীরি” হায়না মহাক্না হায়খি। “মতৌ অসুম্না, বদজেত্তা লাউথোকখিবা ভাইব্রেন্ত ভিলেজ প্রোগ্রাম অসি ঙমখৈগী খুঙ্গঙশিংগীদমক্তা য়াম্না মরুওইবনি” হায়না মহাক্না মখা তাখি।
প্রধান মন্ত্রীনা লৈঙাক্কী মাঙজিল থাবা থৌরাংশিংগী মতাঙদা শন্দোক্না ঙাঙখি অমদি প্রাইম মিনিস্তর্স দেভেলপমেন্ত ইনিসিএতিব ফোর নোর্থ ইস্ত রিজন (পি.এম.-দিভাইন)না অৱাং-নোংপোক লমদমদা তঙাই ফদনা চঙদ্রবা য়াদ্রবশিং মপুং ফানা ফংহল্লগনি হায়বা ৱাফম থমখি। মতৌ অসুম্না স্বামিত্ব স্কিম্না লমগী পত্তা লাখ ৪০ হেন্না পীদুনা খুঙ্গঙশিংদা ইংখোল অমসুং লমগী ঙমখৈ নীংথিনা খায়দোকপদা মতেং পাংলি। য়ুনিক লেন্দ আইদেন্তিফিকেসন পিন্নচিংবা থৌরাংশিংগী মতেংনা খুঙ্গঙগী মীয়াম্না রিভিন্যু ওফিসিএলশিংদা তাংদুনা লৈবগী চাং হন্থহল্লগনি। মহাক্না স্তেত লৈঙাকশিংদা লমগী রেকোর্দশিং লিঙ্ক তৌবা অমদি ঙমখৈ খায়দোক্নবগী থবকশিং মতমগা চুনবা তেক্নোলোজীশিং শীজিন্নদুনা অকক্নবা মতম থমদুনা থবক পায়খৎনবা ৱাফম থমখি। “তোঙান তোঙানবা স্কিমশিংনা চাদা ১০০ কোনশিনবগী পান্দম ফংননবগীদমক, প্রোজেক্তশিং খোঙলৈ থুনা লোইশিন্নবা অমদি ক্বালিতীসু লৈনা পায়খৎননবা ঐখোয়না অনৌবা তেক্নোলোজীশিংদা মীৎয়েঙ থম্বা তাই” হায়না মহাক্না মখা তাখি।
জল জীবন মিসনগী মখাদা তোতি ঈশিং করোর ৪ শম্বগী পান্দমগী মতাঙদা পল্লদুনা, প্রধান মন্ত্রীনা থবক য়াঙশিন্নবা ৱাফম থমখি। মহাক্না স্তেত লৈঙাক খুদিংদা তিংগদৌরিবা পাইপলাইন অমসুং পীগদৌরিবা ঈশিংগী ক্বালিতী নীংথিনা য়েংশিন্নবা ৱাফমসু থমখি। “স্কিম অসিগী মরুওইবা মওং অমা হায়রগদি, খুঙ্গঙগী থাক্তা মখোয়না মপু ওইজবগী ৱাখল্লোন অমা লৈহনগদবনি অমদি “ৱাতর গভর্নেন্স’ মপাঙ্গল কনখৎহনগদবনি। হায়রিবশিং অসি পুক্নিংদা থম্লগা, ঐখোয়না ২০২৪ ফাওবদা য়ুমথোঙ খুদিংদা তোতিগী ঈশিং য়ৌহনগদবনি,” হায়ন প্রধান মন্ত্রীনা হায়খি।
খুঙ্গঙদা দিজিতেল কন্নেক্তিভিতী অসি ইচম চমবা মঙলান অমা ওইদ্রে, তঙায় ফদবা অমা ওইরে হায়বা ৱাফম প্রধান মন্ত্রীনা ফোঙদোকখি। “ব্রোদবেন্দনা খুঙ্গঙশিংদা খুদোংচাবশিং ফংহনবতা নত্তনা খুঙ্গঙশিংদা খুৎ-শা হৈবা নহা কয়াসু শেমগৎলগনি,” হায়না মহাক্না হায়খি। ব্রোদবেন্দনা লৈবাকসিগী মতিং হেনগৎহন্নবা সর্ভিস সেক্তরবু হেন্না পাকথোক চাউথোকহনগনি হায়না প্রধান মন্ত্রীনা ফোঙদোকখি। থবক পায়খৎপা লোয়রবা মফমদা ব্রোদবেন্দগী তৌবা ঙম্বশিং মওং চুম্না শীজিন্নবগী মতাঙদা মীয়ামদা পাক শন্না খঙহনবা মথৌ তাই হায়নসু মহাক্না হায়খি।
প্রধান মন্ত্রীনা নুপীগী পাঙ্গলবু খুঙ্গঙগী শেন্মিৎলোনগী য়ুম্ফম্নি হায়বা ৱাফম প্রধান মন্ত্রীনা ফোঙদোকখি। “ফাইনান্সিএল ইনক্লুজন্না ইমুং মনুংগী শেলথুমগী ফিরেপ লৌবদা নুপীশিং হেন্না নীংথিনা শরুক য়াহল্লি। অসুম্না নুপীশিংনা শরকু য়াশিনবগী চাং অসি সেল্ফ-হেল্প গ্রুপশিংগী খুত্থাঙদা হেনগৎহনবা মথৌ তাই”, হায়না মহাক্না মখা তাখি।
লোইশিল্লকপদা, প্রধান মন্ত্রীনা মহাক্না থেংনরকপশিংগী মতুং ইন্না খুঙ্গঙ চাওখৎ থৌরাংগীদমক লৈঙাক্লোনগী ফীভম ফগৎহন্নবা পাম্বৈ কয়াসু থমখি। খুঙ্গঙগী ৱাফমশিংগা মরী লৈনবা এজেন্সী পুম্নমক্না ৱাখল পরিং মান্ননা অমদি অমগা অমগা খুৎশম্নদুনা চৎমিন্নবা চাং নাইনা ফম্মিন্নবা কান্নগনি হায়বা ৱাফম মহাক্না থমখি। “শেল লৈবা লৈতবগী ৱাফমদগী, অমগা অমগা পুনশিন্নদবা, তাথোক তাশিন তৌনবদনা হেন্না খুদোংচাদবা মায়োক্নহল্লি”, হায়না মহাক্না হায়খি। ঙমখৈগী খুঙ্গঙশিং তোঙান তোঙানবা হেন্দান্নবশিংগী মফম ওইহনবা, থবক্তগী পোত্থারবা লৈঙাক্কী থৌমীশিংনা মখোয়না থেংনরকপশিংদুনা মখোয়গী খুঙ্গঙদা কান্নহনবনচিংবা তোঙান তোঙানবা অনৌবা পাম্বৈশিং হৌদোকখি। নুমিৎ অমা খুঙ্গঙদুগী মপোক নুমিৎ ওইনা লেপথোক্তুনা নুমিৎ অদুবু খুঙ্গঙদুগী খুদোংচাদবা ফীভমশিংগী ৱাখৈ পুরকপগী ৱাখল্লোন্দা হরাউ তয়াম্না পাঙথোকমিন্নবনা মীয়ামগা খুঙ্গঙদুগা লৈনরিবা মরী কনখৎহনগনি অমদি খুঙ্গঙগী পুন্সি মশক মচু থোকপা ওইহনগনি হায়বা ৱাফমসু মহাক্না থমখি। কৃসি বিজ্ঞান কেন্দ্রনচিংবা থৌরাংশিংগী মখাদা লৌমী খরা খনগত্তুনা মহৌশাগী ওইবা লৌউ পথাপ পায়খৎহনবা, মচি ওইবা চীঞ্জাক ৱাৎপা অমদি মহৈ তম্বা তোকপগী চাং হন্থহন্নবা খুঙ্গঙ মশানা ফিরেপ লৌজবনচিংবা থৌওংশিংনা ভারতকী খুঙ্গঙশিংদগী হেন্না ফবা মহৈ পুথোকহনবা ঙমগনি হায়না মহাক্না হায়খি।
सबका साथ, सबका विकास, सबका विश्वास और सबका प्रयास हमारी सरकार की पॉलिसी और एक्शन का प्रेरणा सूत्र है: PM @narendramodi
— PMO India (@PMOIndia) February 23, 2022
इस बजट में सरकार द्वारा, सैचुरेशन के इस बड़े लक्ष्य को हासिल करने के लिए एक स्पष्ट रोडमैप दिया गया है।
— PMO India (@PMOIndia) February 23, 2022
बजट में पीएम आवास योजना,
ग्रामीण सड़क योजना,
जल जीवन मिशन,
नॉर्थ ईस्ट की कनेक्टिविटी,
गांवों की ब्रॉडबैंड कनेक्टिविटी,
ऐसी हर योजना के लिए जरूरी प्रावधान किया गया है: PM
बजट में जो वाइब्रेंट विलेज प्रोग्राम घोषित किया गया है, वो हमारे सीमावर्ती गांवों के विकास के लिए बहुत अहम है: PM @narendramodi
— PMO India (@PMOIndia) February 23, 2022
जल जीवन मिशन के तहत लगभग 4 करोड़ कनेक्शन देने का टारगेट हमने रखा है।
— PMO India (@PMOIndia) February 23, 2022
इस टारगेट को हासिल करने के लिए आपको अपनी मेहनत और बढ़ानी होगी।
मेरा हर राज्य सरकार से ये भी आग्रह है कि जो पाइपलाइन बिछ रही हैं, जो पानी आ रहा है, उसकी क्वालिटी पर भी हमें बहुत ध्यान देने की ज़रूरत है: PM
गांवों की डिजिटल कनेक्टिविटी अब एक aspiration भर नहीं है, बल्कि आज की ज़रूरत है।
— PMO India (@PMOIndia) February 23, 2022
ब्रॉडबैंड कनेक्टिविटी से गांवों में सुविधाएं ही नहीं मिलेंगी, बल्कि ये गांवों में स्किल्ड युवाओं का एक बड़ा पूल तैयार करने में भी मदद करेगा: PM @narendramodi
ग्रामीण अर्थव्यवस्था का एक बड़ा आधार हमारी महिला शक्ति है।
— PMO India (@PMOIndia) February 23, 2022
फाइनेंशियल इंक्लुज़न ने परिवारों में महिलाओं की आर्थिक फैसलों में अधिक भागीदारी सुनिश्चित की है।
सेल्फ हेल्प ग्रुप्स के माध्यम से महिलाओं की इस भागीदारी को और ज्यादा विस्तार दिए जाने की जरूरत है: PM
