Quote“সস্তেনেবল গ্রোথ অসি সস্তেনেবল ইনর্জীগী সোর্সশিংগী খুত্থাংদা খক্তা ওইথোক্কনি”
Quote“ভারতনা মশাগীদমক থমজবা পান্দম অমা হেক্তা ওইরবসু ঐহাক্না মখোয় অদু শীংনবা ওইনা লৌবগী মহুৎ খুদোংচাবা ওইনা লৌই”
Quote“বজেৎতা হায়-ইফিসিএন্সী সোলর মোদ্যুল মেন্যুফেকচর তৌনবা লুপা করোর লিশিং ১৯.৫ লাউথোকখি অসিনা সোলর মোদ্যুলশিং অমসুং মরী লৈনবা প্রদক্তশিংগী মেন্যুফেকচরিং অমসুং আর.এন্দদি.গীদমক ভারতপু গ্লোবেল হব অমা ওইহনবদা মতেং পাংলগনি”
Quote“চহি অসিগী বজেৎতা বেত্তরী স্বেপ্পিং পোলিসী অমসুং ইন্তর-ওপরেবিলিতী স্তেন্দর্দশিংগী মতাংদা প্রোবিজনশিংসু শেমখি। মসিনা ভারত্তা ইলেক্ত্রিক ভেহিকলশিং শীজিন্নবদা থেংনবা খুদোংচাদবা অদু হন্থহল্লগনি”
Quote“বজেৎ অসিদা ইনর্জী স্তোরেজকী থেংনরিবা শীংনবা অসি চাউনা মীৎয়েং চংখি”
Quote“মালেম্না নেচরেল রিসোর্স মখল পুম্নমক্তা হন্থরকপা উবা ফংলি। অসিগুম্বা ফীভম অমদা সর্ক্যুলর ইকনোমী অসি য়াম্না মরু ওই অমসুং মসি ঐখোয়গী পুন্সিগী শোইফদ্রবা শরুক অমা ঐখোয়না ওইহনবা তাই”

প্রধান মন্ত্রী শ্রী নরেন্দ্র মোদীনা ঙসি ‘ইনর্জী ফোর সস্তেনেবল গ্রোথ’কী মতাংদা পাঙথোকপা ৱেবিনারদা ৱা ঙাংখ্রে। মসিনা প্রধান মন্ত্রীনা ৱারোল পীখিবা বজেৎ মতুংগী পাঙথোকপা মপাল শুবা ৱেবিনার ওইরি।

প্রধান মন্ত্রীনা ‘ইনর্জী ফোর সস্তেনেবল গ্রোথ’ হায়বা অসিনা ভারতকী চৎনবী অদু তাকপতা নত্তনা তুংলমচৎকী মথৌ তাবশিং অমসুং অনীংবা অপাম্বশিং ফংনবা লাম্বেল অমসু ওইরি হায়না ফোঙদোকখ্রে। মহাক্না সস্তেনেবল গ্রোথ অসি সস্তেনবেল ইনর্জীগী সোর্সশিংগী খুত্থাংদা খক্তা ওইথোকপা ঙমগনি হায়না ফোঙদোকখ্রে। প্রধান মন্ত্রীনা ২০৭০ ফাওবদা নেৎ জিরো য়ৌনবা গ্লাসগোদা মহাক্না থমখিবা ফিরেপ অদু অমুক হন্না ফোঙদোকখি। মহাক্না এনভাইরনমেন্তেলী সস্তেনেবল লাইফস্তাল অমগা মরী লৈনবা এল.আই.এফ.ই.গী বিজন অদুসু থমখি। ভারতনা ইন্তর্নেস্নেল সোলর এলাইন্স অসিগুম্বা গ্লোবেল কোল্লাবোরেসনশিংদা লুচিংলি। মহাক্না ২০৩০ ফাওবদা নন-ফোসিল ইনর্জীগী কেপাসিতী গীগাৱাত ৫০ য়ৌনবগী পান্দম অমসুং নন-ফোসিল ইনর্জীগী খুত্থাংদা ইন্সতোল ইনর্জী কেপাসিতীডা চাদা ৫০ য়ৌনবগী মতাংদা ফোঙদোকখি। “ভারতনা মশাগীদমক থমজবা পান্দম অমা হেক্তা ওইরবসু ঐহাক্না মখোয় অদু শীংনবা ওইবগী মহুৎ খুদোংচাবা ওইনা লৌই। ভারতনা হৌখিবা চহি খরা অসিদা বিজন অসিগা লোয়ননা মাংদা চংশিল্লি অমদি হায়রিবা অসি চহি অসিগী বজেৎতা পোলিসীগী থাক্তা পুখৎখি”, হায়না মহাক্না হায়খ্রে। বজেৎ অসিনা সোলর মোদ্যুলশিং অমসুং মরী লৈনবা প্রদক্তশিংগী মেন্যুফেকচরিং অমসুং আর.এন্দদি.গীদমক ভারতপু গ্লোবেল হব অমা ওইহনবদা মতেং পাংলগদবা হায়-ইফিসিএন্সী সোলর মোদ্যুল মেন্যুফেকচর তৌনবা লুপা করোর লিশিং ১৯.৫ লাউথোকখি।

|

হন্দক্তা নেস্নেল হাইদ্রোজেন মিসন লাউথোকখিবা অদু পল্লদুনা প্রধান মন্ত্রীনা ভারতনা রিন্যুএবল ইনর্জী পাৱর মরাং কাইনা লৈবগী মশাগী লৈজরিবা খুংদোংচাবা অসি লৌরগা গ্রীন হাইদ্রোজেনগী হব ওইখি হায়না ফোঙদোকখ্রে। মহাক্না লম অসদিআ প্রাইবেৎ সেক্তরনা চংশিন্নবা হায়খ্রে।

শ্রী মোদীনা বজেৎ অসিদা ইনর্জী স্তোরেজকী থেংনরিবা শীংনবা অসি চাউনা মীৎয়েং চংখি হায়না ফোঙদোকখি। “চহি অসিগী বজেৎতা বেত্তরী স্বেপ্পিং পোলিসী অমসুং ইন্তর-ওপরেবিলিতী স্তেন্দর্দশিংগী মতাংদা প্রোবিজনশিংসু শেমখি। মসিনা ভারত্তা ইলেক্ত্রিক ভেহিকলশিং শীজিন্নবদা থেংনবা খুদোংচাদবা অদু হন্থহল্লগনি”, হায়না মহাক্না ফোঙদোকখি।

প্রধান মন্ত্রীনা ইনর্জী প্রদক্সনগা লোয়ননা সস্তেনেবিলিতীগীদমক ইনর্জী সেভিং তৌবসু চপ মান্ননা মরু ওই হায়না অকনবা ৱাফম থমখি। “নখোয়না করম্না ইনর্জী ইফিসিএন্ত এ/সি, ইফিসিএন্ত হীতরশিং, গীজরশিং, ওভনশিং ঐখোয়গী লৈবাক্তা শাগনি হায়বা অসিদা থবক পাইখৎকদবনি”, হায়না মহাক্না শরুক য়ারিবশিংদা ফোঙদোকখি।

|

ইনর্জী ইফিসিএন্ত প্রদক্তশিং মরু ওইনা লৌবগী তঙাই ফদবগী মতাংদা প্রধান মন্ত্রীনা এল.ই.দি. বল্বশিং চাউনা প্রমোৎ তৌরিবা অসি খুদম ওইনা পীখি। মহাক্না অহানবদা সরকারনা প্রদক্সন প্রমোৎ তৌদুনা এল.ই.দি.বল্বশিংগী মল হন্থহনখি অমদি মতুংদা উজ্জ্বলা স্কিমগী মখাদা এল.ই.দি. বল্ব করোর ৩৭ য়েন্থোকখি হায়না ফোঙদোকখি। মসিনা মরম ওইরগা কিলো ৱাত আৱর ইলেক্ত্রিসিতী মিলিয়ন লিশিং নিফুগা নিপাল সেভিং তৌবা ঙমখি অমসুং লায়রবা অমদি মিদল ক্লাস ওইবা ইমুং-মনুংশিংগী ইলেক্ত্রিসিতী বিলশিংদা লুপা করোর লিশিং ২০ সেভিং তৌখি। মখা তানা চহিগী কার্বোন ইমিসন অসিদা তন করোর ৪ হন্থরকখি। লোকেল বোদীশিংনা চহি খুদিংগী স্ত্রীৎ লাইৎশিংদা এল.ই.দি. বল্বশিং শীজিন্নবনা মরম ওইরগা চহিদা লুপা করোর লিশিং ৬ সেভিং তৌখি হায়না মহাক্না মখা তাখি।

কোল গ্যাসিফিকেসন অসি কোলগী ক্লীন ওইবা মহুৎ শিন্নবা পাম্বৈ অমনি হায়না প্রধান মন্ত্রীনা ফোঙদোকখি। চহি অসিগী বজেৎতা কোল গ্যাসিফিকেসন অসিগীদমক পাইলোৎ প্রোজেক্ত ৪ লাউথোকখি মসিনা প্রোজেক্তশিং অসিগী তেক্নিকেল অমসুং ফাইনান্সিএল ভাইএবিলিতী হেনগৎহনবদা মতেং ওইরগনি। মসিগা চপ মান্না সরকারনা ইথানোল ব্লেন্দিং লেপ্তনা প্রোমোৎ তৌরি। প্রধান মন্ত্রীনা মীতিন অদিদা অনব্লেন্দেদ ফ্যুএলগী অহেনবা দিফরেন্সিএল এক্সাইজ দ্যুতীগী মতাংদা খঙহনখি। হন্দক্তা ইন্দোরদা গোবরধন প্লান্ত শঙ্গাখিবা অদু নীংশিংলদুনা প্রধান মন্ত্রীনা প্রাইবেৎ সেক্তরনা মথংগী চহি অনিদা লৈবাক অসিদা অসিগুম্বা প্লান্ত ৫০০ নত্ত্রগা ১০০ লিংখৎপা য়াগনি হায়না ফোঙদোকখি।

|

প্রধান মন্ত্রীনা ভারত্তা ইনর্জী দিমান্দদা তুংলমচৎতা হেনগৎলক্কদবা অমসুং রিন্যুএবল ইনর্জীদা ত্রাঞ্জিসন তৌবগী মরু ওইবা অদু থমখি। মহাক্না মাইকৈ অসিদা পাইখৎপা খোঙথাংশিংগী মথং-মথং থমখি মখোয় অদুদি ভারতকী য়ুমথোং করোর ২৪-২৫তা মৈখু চেন্দনা চাক থোকহনবা; কেনেলশিংদা সোলর পেনেলশিং থম্বা, লৈকোল নত্ত্রগা বেলকোনীশিংদা সোলর ত্রী থম্বা অসিনা সোলর-ত্রীদগী য়ুমশিংনা ইনর্জী চাদা ১৫ ফংলি। মহাক্না ইলেক্ত্রিসিতী পদক্সন হেনগৎহন্নবা মাইক্রো হাইদেল প্রোজেক্তসিং এক্সপ্লোর তৌনবা সজেস্ত তৌখি। “মালেম্না নেচরেল রিসোর্স মখল পুম্নমক্তা হন্থরকপা উবা ফংলি। অসিগুম্বা ফীভম অমদা সর্ক্যুলর ইকনোমী অসি য়াম্না মরু ওই অমসুং মসি ঐখোয়গী পুন্সিগী শোইফদ্রবা শরুক অমা ঐখোয়না ওইহনবা তাই”, হায়না মহাক্না ফোঙদোকখি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Devendra Kunwar October 17, 2024

    BJP
  • D Vigneshwar September 11, 2024

    🚩
  • Jayanta Kumar Bhadra February 18, 2024

    Jay Hind
  • Jayanta Kumar Bhadra February 18, 2024

    Jay Ganesh
  • Jayanta Kumar Bhadra February 18, 2024

    Jay Maa
  • Jayanta Kumar Bhadra February 18, 2024

    Om Hari Om
  • Vaishali Tangsale February 06, 2024

    🙏🏻🙏🏻🙏🏻
  • संदीप नरहरी तांबे January 25, 2024

    ❤️
  • KESHAV PRASAD TIWARI January 11, 2024

    जय हो
  • Aman Mishra December 28, 2023

    जय हो
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s Average Electricity Supply Rises: 22.6 Hours In Rural Areas, 23.4 Hours in Urban Areas

Media Coverage

India’s Average Electricity Supply Rises: 22.6 Hours In Rural Areas, 23.4 Hours in Urban Areas
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development