প্রধান মন্ত্রী, শ্রী নরেন্দ্র মোদীনা ঙসি নই দিল্লীগী হোতেল তাজ পেলেস্তা ET নাও গ্লোবেল বিজিনেস সম্মিৎ 2024দা ৱা ঙাংখ্রে।
প্রধান মন্ত্রীনা গ্লোবেল বিজিনেস সম্মিৎ 2024না খনখিবা থিম ‘দিসরপ্সন, দিবেলপমেন্ত অমসুং দাইভর্সিফিকেসন’গী মরু ওইবা অদু থমলদুনা ৱা ঙাংবা হৌখি। “দিসরপ্সন, দিবেলপমেন্ত অমসুং দাইভর্সিফিকেসনগী মতাংদা লাকপা মতমদা মীপুম খুদিংমক্না য়াজৈ মদুদি মসি ভারতকী মতমনি”, পি.এম.না মালেমনা ভারত্তা থাজবা থম্বা হেনগৎলক্লিবা অসিগী মতাংদা ফোঙদোকখি। দেভোস্তা ভারতনা অমুক্তা ওইখিদ্রিবা মওংদা থাজবা থম্নরকপগী মতাংদা ৱা ঙাংলদুনা প্রধান মন্ত্রীনা ভারত অসি অমুক্তা থোকখিদ্রিবা ইকনোমিক সক্সেস স্তোরী অমনি, মাগী দিজিতেল অমদি ইনফ্রাস্ত্রকচরনা অনৌবা পনখৈশিং য়ৌরকপা অমসুং ভারতনা মালেমদা লৈরিবা সেক্তর খুদিংমক খুদুম চনশিল্লকপগী মতাংদা খন্নখিবা অদু নীংশিংখি। পি.এম. মোদীনা মকোক থোংবা ওফিসিএল অমনা ভারতকী মতিক ময়াই অসিবু ‘শাথিরবা শন লবা” অমগা চাংদম্নখিবা অদু নীংশিংখি। প্রধান মন্ত্রীনা হায়খি মদুদি মালেমদা লৈরিবা দিবেলপমেন্ত এক্সপর্ত গ্রুপশিংনা হৌখিবা চহি 10দা ভারত্তা লাকখিবা অওনবশিংগী মতাংদা খন্নখিবা অসিনা ঙসি ভারত্তা মালেমনা থাজবা হেনগৎলক্লি উৎলি। “মমাংদা অসিগুম্বা ভারতকী তৌবা ঙম্বা অমসুং মালেমদা মাইপাকপগী মতাংদা পোজিতিব সেন্তিমেন্ত অমত্তা উখিদ্রি”, হায়না শ্রী মোদীনা ফোঙদোক্লদুনা মহাক্না লাল কিলাদগী – ‘মসি মতম অদুনি, চপ চারবা মতমনি’ হায়না ফোঙদোকখিবা অদু নীংশিংখি।
লৈবাক অমা হেক্তগী চাউখৎ খোঙচৎতা ফীভম পুম্নমক মাগী মাইকৈদা লৈবা তানফম অমা লাকই হায়না ফোঙদোক্লদুনা প্রধান মন্ত্রীনা হায়খি মদুদি হায়রিবা তানফম অসিদা লৈবাক অদুনা লাক্কদৌরিবা চহিচাশিংগীদমক মশাবু শক্তি লৈহল্লি। “ঐহাক্না ঙসি ভারতকীসু তানফম অদু য়ৌরকপা উবা ফংলি। মসিগী তানফম অসি অমুক্তা ওইখিদ্রি। অমরোমদা ভারতকী অফবা মতম হৌরে” হায়না পি.এম. মোদীনা ফোঙদোক্লদুনা গ্রোথ রেৎ লেপ্পা লৈতনা হেনগৎলক্লি অমসুং ফিস্কল দেফিসিৎ হন্থরক্লি, এক্সপোর্ত হেনগৎলক্লি অমসুং হৌজিক একাউন্ত দেফিসিৎ লেপ্পী, প্রদক্তিব ইনভেস্তমেন্ত অসি রেকোর্দ ওইনা ৱাংলি অমসুং ইনফ্লেসন কন্ত্রোল তৌরি, খুদোংচাবা অমসুং ইনকম হেনগৎলক্লি, লায়রবা হন্থরক্লি, কঞ্জুম্পসন অমসুং ইনকম হেনগৎলক্লি অমসুং বেঙ্ক NPAদা রেকোর্দ ওইনা হন্থরক্লি। প্রধান মন্ত্রীনা মখা তারদুনা প্রদক্সন অমসুং প্রদক্তিবিতী অনিমক হেনগৎলক্লি।
চহি অসিগী ইন্তেরিম বজেৎ অসি ‘পোপুলিস্ত বজেৎ’ অমনি হায়রদুনা ইকনোমিক এক্সপর্তশিং অমসুং জর্নেলিস্তশিংনা থাগৎনরকপা অদুদা নুংঙাইবা ফোঙদোক্লদুনা প্রধান মন্ত্রীনা মখোয়গী রিভ্যুশিংগীদমক মখোয়বু থাগৎখি অমসুং বজেৎকী ‘অহানবা প্রিন্সিপলশিং’ নত্ত্রগা ওভরওল পোলিসী-মেকিংদা মীৎয়েং চীংশিনখি। “প্রিন্সিপলশিং অদুদি – স্তেবিলিতী, কনসিস্তেন্সী অমসুং কন্তিন্যুতীনি” হায়না প্রধান মন্ত্রী মোদীনা ফোঙদোক্লদুনা হায়খি বজেৎ অসি প্রিন্সিপলশিং অসিগী এক্সতেন্সন অমনি।
কোরোনাভাইরস লাইচৎকী মতম অদু হন্না য়েংলদুনা প্রধান মন্ত্রীনা মসিগী মতুং তারকপা মতম অদু হেল্থ অমসুং ইকনোমীগী শীংনবা অনি অসি লাকশিন্নবা পাম্বৈগী মরমদা কনাগুম্বা অমত্তনা খঙখিদবা অদুদা মালেম পুম্বগী সরকারশিংগীদমক অচৌবা চাংয়েং অমা ওইখি। মহাক্না হায়খি মতম অসিগী মনুংদ ভারতনা পুন্সি কনবদা মরু ওইবা মীৎয়েং চংখি। “করিগুম্বা পুন্সি লৈরবদি পুম্নমক লৈ” হায়না মহাক্না ফোঙদোক্লদুনা সরকারনা পুন্সি কন্নবা রিসোর্সশিং তুংশিন্নবা অমসুং মীয়ামদা খুদোংথিবশিংগী মতাংদা খঙহন্নবা লৌখৎপা খোঙথাংশিং অদু থমখি। মহাক্না হায়খি সরকাকরনা লায়রবদা লেম্না রাসন পীনবা ৱারেপ লৌখি, মেদ ইন ইন্দিয়া ভেক্সিনশিংদা মীৎয়েং চংখি অমসুং থুনা ভেক্সিন ফংহনবদা মীৎয়েং চংখি। “সরকারনা হেল্থ অমসুং লাইবলিহুদ দিমান্দ অনিমক থুংহনখি” হায়না ফোঙদোক্লদুনা পি.এম. মোদীনা নুপীশিংগী একাউন্তশিংদা তৌখিবা দাইরেক্ত বেনিফিৎ ত্রান্সফর, স্ত্রীৎ ভেন্দরশিং অমসুং অপীকপা ওন্তপ্রিনোরশিংদা পীবা ফাইনান্সিএল সপ্পোর্তশিং অমসুং লৌউ-শিংউগা মরী লৈনবা সমস্যাশিং কোকহন্নবা পাইখৎপা থৌশিলশিংগী মরমদা হায়খি। মহাক্না হায় সরকারনা খুদোংথিববু খুদোংচাবদা ওন্থোক্নবা ফিরেপ লৌখি। দিমান্দ হেনগৎহন্নবা শেল হেন্না নম্নবা অমসুং অচৌবা বিজিনেসশিংদা মতেং পাংনবা এক্সপর্তশিংগী ৱাখল্লোন অদু নীংশিংলদুনা প্রধান মন্ত্রীনা হায় মদুদি মালেমগী সরকার কয়ানা পাইখৎপা এপ্রোচ অসিনা মরম ওইরগা ইনফ্লেসনগী চাংশিং হেনগৎহল্লি। “ঐখোয়দসু মসিগী প্রেসর অসি কয়ারক পীনবা হোৎনখি” হায়না ফোঙদোক্লদুনা প্রধান মন্ত্রীনা মখা তাখি, “অদুবু ঐখোয়না গ্রাউন্দ রিএলিতী খঙখি। ঐখোয়না ঐখোয়গী এক্সপরিয়েন্স অমসুং ঐখোয়গী কনসাইন্সতা য়ুম্ফম ওইরগা মাংদা চংশিনখি”। পি.এম. মোদীনা চুমব্রা হায়না মতম অমদা ৱাহং হংখিবা ভারতকী পোলিসীশিং অসি ঙসি ইকনোমীগী শক্তি লৈরবা পোজিসন অমদা লৈরিবা অসিবু থাগৎখি।
“ভারত অসি য়াইফরবা লৈবাক অমনি। সরকারনা মীচম প্রজাশিংগী পুন্সি ফগৎহনবা অমসুং পুন্সিগী ক্বালিতী ফগৎহনবদা মরু ওইবা মীৎয়েং চংখি”, হায়না প্রধান মন্ত্রীনা ফোঙদোকখি। মহাক্না হায় নাকল অমরোমদা অনৌবা স্কিমশিং শেম্মি অমরোমদনা সরকারনা ইলিজিবল বেনিফিসরী খুদিংমক্তা কান্নবশিং ফংহল্লি। “ঐখোয়না হৌজিক খক্তদা নত্তনা লৈবাক্কী তুংলমচৎতসু ইনভেস্ত তৌখি” হায়না মহাক্না মখা তাখি। প্রধান মন্ত্রীনা বজেৎ খুদিংমক্তা মপুং ওইবা ফেক্তর মরি য়াওরি হায়খি অমসুং কেপিতেল এক্সপেন্দিচরগী মওংদা প্রদক্তিব এক্সপেন্দিচর রেকোর্দ তৌবা, য়াইফ থৌরাংগী স্কিমশিংদা অমুক্তা ওইখিদ্রিবা মওংদা ইনভেস্তমেন্ত তৌবা, লেম্না তৌবা চাদিং কন্ত্রোল তৌবা অমসুং ফাইনান্সিএল দিস্সিপ্লিন লৈবা অসি পনখি। মহাক্না বেলেন্স অমা মেন্তেন তৌখি অমসুং সবজেক্ত মরিমক্তা থম্মিবা তার্গেৎশিং ফংবা ঙমখি। অপাম্বা তার্গেৎশোং থুংহনবদা ‘শেল তুংশিনবা অসি শেল ফংবনি’ হায়বা মন্ত্র শীজিন্নবা অসি থাগৎলদুনা মসিনা মরম ওইরগা মতম চানা প্রোজেক্তশিং লোইশিনবা ঙমহল্লি হায়না ফোঙদোকখি। থিন্থবনা মরমনা ওইরগা প্রোজেক্তশিংদা চংবা শেনফমশিং হেনগৎলক্লি পল্লদুনা পি.এম. মোদীনা 2008তা হৌদোকখিবা ইস্তর্ন দেদিকেতেদ ফ্রৈত কোরিদোর প্রোজেক্ত অসি খুদম ওইনা পীখি অমসুং হায়খি মতম অদুদা প্রোজেক্তকী শেনফম লুপা করোর 16,500 ওইরম্বা অদু মমাং চহিদা লোইশিনখিবা অদুদা লুপা করোর 50,000 হেন্না চংহনখি। মহাক্না 1998তা হৌদোকখিবা অসামগী বোগিবীল থোং অসিগী প্রোজেক্তকী শেনফম লুপা করোর 1100 ওইখিবা অদু 2018দা লোইশিনবদা লুপা করোর 5,000 চংখি হায়নসু ফোঙদোকখি।
প্রধান মন্ত্রীনা লৈবাক্কী শেন অসি সিস্তেমদা ত্রান্সপরেন্সী পুরক্তুনা অমসুং তেক্নোলোজী শীজিন্নদুনা তুংশিনবা ঙমহনখি হায়নসু ফোঙদোকখি। মহাক্না হায়খি চেদা লৈরম্বা শাশিন্নবা বেনিফিসরী করোর 10 লৌথোকখি অমসুং দাইরেক্ত বেনিফিৎ ত্রান্সফরনা ফন্দশিংগী লিকেজ লৈরম্বা অদু লোইশিন্দুনা অরানবা মীওইশিংগী মখুৎতা তাখিগদবদগী লুপা করোর লাখ 3.25 কনবা ঙমখি, সরকারগী গুদস লৈনবগী জেম পোর্তেল অসিনা লুপা করোর 65,000 তুংশিনবা ঙমহনখি অমসুং ওইল প্রোক্যুর্মেন্ত দাইভর্সিফিকেসন তৌবনা লুপা করোর 25,000 তুংশিনবা ঙমহনখি। “হৌখিবা চহিদা ঐখোয়না পেত্রোলদা ইথানোল ব্লেন্দিং তৌদুনা লুপা করোর 24,000 তুংশিনবা ঙমখি” হায়না মহাক্না মখা তাখি। মহাক্না সরকারগী বিল্দিংশিংদা থাদুনা লৈরিবা ওফিসকী অমোৎ অকাই য়োন্দুনা সরকারনা লুপা করোর 1100 তানবা ঙমখিবা স্বচ্ছতা অভিয়ানগী মতাংদসু পনখি।
ধান মন্ত্রীনা হায় সরকাআরগী স্কিমশিং অসি প্রজাশিংগী শেল তুংশিনবা ঙমহন্নবা মওংদা শেমখিবনি। মহাক্না লায়রবশিংদা অফবা থক্নবা ঈশিং ফংহনখিবা জল জীবন মিসনগী মতাংদা পল্লদুনা হায় মসিনা ঈশিংনা থোকহনবা লাইনাশিংগী অনাবশিং লায়েংবদা তৌবা মখোয়গী চাদিংশিং হন্থহল্লি। আয়ুশ্মান ভারতকী মতাংদা পল্লদুনা পি.এম. মোদীনা হায় মসিনা লৈবাক্কী লায়রবশিংনা লুপা করোর লাখ অমা চাদিং তৌগদবদগী কনবা ঙমখি অমরোমদা লুপা করোর 30,000না পি.এম. জনঔশাধি কেন্দ্রশিংদগী হীদাংশিং 80% হোংনা লৌদুনা তুংশিনবা ঙমহনখি।
শ্রী মোদীনা হায়খি মহাক্না হৌজিক্কী মীরোল খক্তনা নত্তনা তুংগী মীরোল কয়াগী থৌদাংসু লৌরি। মরম অসিনা পোলিসীশিং অমসুং ৱারেপশিংদা ফাইনান্সিএল মেনেজমেন্তবু খ্বাইদগী মরু ওইনা লৌরি।
ইলেক্ত্রিসিতী অসি খুদম ওইনা পীরদুনা প্রধান মন্ত্রীনা য়ুম করোর অমগীদমক রুফতোপ সোলর স্কিম অসিনা মখোয়গী মৈগী বিল জিরোদা হন্থহন্দুনা মৈ পুথোকচরগনি হায়খি অমসুং মখোয়না অহেনবা মৈসু য়োন্দুনা শেল তানবা ঙমলগনি। মহাক্না উজালা য়োজনাগী মখাদা LED ব্লবশিং ফংহনদুনা মৈগী বিলদা লুপা করোর 20,000 তুংশিনবদা মতেং পাংখিবা অদুসু ফোঙদোকখি।
প্রধান মন্ত্রীনা হৌখিবা দিকেদ তরেৎ অসিদা লৈবাক অসিদা লায়রবা মুত্থৎনবা স্লোগানশিং লাউদুনা লাক্লবসু মখোয়না মসিগী মহৈ ফংহনবা ঙমখিদে অমসুং এয়র-কন্দিসন কাশিংদগী পাউতাকশিং পীরকখিবা মীওইশিংনা করোরপতি ওইখ্রে অমসুং লায়রবশিংনা অদুমক লায়রদুনা লৈহৌখি। 2014গী মতুংদা ওল-রাউন্দগী থবক তৌবা হৌদুনা হৌখিবা চহি 10দা লায়রবদগী মীওই করোর 25 থোরকহনবা ঙমখি। মহাক্না মসিগীদমক সরকারগী পোলিসীশিংবু থাগৎখি। “ঐহাক্না লায়রবা ইমুংদগী হৌরকপনা লায়রবা করম্না থেংনগনি খঙই। মাইকৈ অসিদা মাংদা চংশিন্দুনা লৈবাক্কী লায়রবা কোকহনবা ঙমগনি অমসুং ঐখোয়গী লৈবাকপু চাউখৎহনগনি”, হায়না শ্রী মোদীনা ফোঙদোকখি।
“ভারতকী গভর্নান্স মোদেলনা ত্রীম অনিদা অমুক্তদা মাংদা চংশিল্লি” হায়না প্রধান মন্ত্রীনা ফোঙদোকখি। মহাক্না হায় নাকল অমরোমদা 20শুবা চহিচাগী শীংনবশিং কোকহল্লি অমরোমদনা সরকারনা 21শুবা চহিচাগী অনীংবা অপাম্বশিং থুংহন্নবা হোৎনরি। দিবেলপমেন্ত পেরামিতরশিং চাংদম্নরদুনা প্রধান মন্ত্রীনা হায়খি তোইলেৎ করোর 11 শারি অমসুং স্পেস সেক্তরদা অনৌবা ওইথোকপা য়াবশিং ফংহল্লি, লায়রবশিংগী য়ুম করোর 4 শারি অমরোমদা অতল তিঙ্করিং লেব 10,000 হেন্না শারি, মেদিকেল কোলেজ 300 হেন্না লিংখৎখি অমসুং ফ্রৈত কোরিদোর অমসুং দিফেন্স কোরিদোরগী থবক লোইশিল্লি, ভন্দে ভারত ত্রেনশিংসু চেলহল্লি লোয়ননা দিল্লী য়াওনা সহর কয়াদা ইলেক্ত্রিক বস 10,000 চেলহল্লি। মহাক্না ভারত মচা করোর কয়াবু বেঙ্কিং সেক্তরদা কন্নেক্ত তৌরি অমসুং দিজিতেল ইন্দিয়া অমসুং ফিনতেক্কী খুত্থাংদা খুদোংচাবা কয়ামরুম ফংহল্লি হায়নসু পাউদমখি।
চাউখৎপগী ৱাখল্লোন অসি শাপ ওইনা লৌখিবা মতাংদা পল্লদুনা প্রধান মন্ত্রীনা হায় মদুদি মসিনা লিমিৎ অমা লৈহনখি অমসুং কনাগুম্বা অমবু মশাগী ওইবা খোঙজেলদা চংশিনবদা অপনবা ওইহনখি। মহাক্না হায় মদুদি হৌজিক পাল্লিবা সরকার অসিনা শক্তি পাইরকপা মতমদা ব্যূরোক্রেসীদা মসিগা মান্নবা সমস্যা লৈরমখি। অহোংবা পুরক্নবা মহাক্না মমাংগী সরকারদগী হেন্না চাউবা স্কেলদা অমসুং হেন্না য়াংবা খোঙজেলদা থবক তৌনবা ৱারেপ লৌখি। হৌখিবা চহি 10 অসিগা 2014 ফাওবদা তৌরম্বা থবক অদুগা চাংদম্নরদুনা পি.এম. মোদীনা হায়খি রেলৱে লাইনশিং ইলেক্ত্রিফিকেসন তৌবা অসি 20,000 km দগী 40,000 kmদা হেনগৎহনখি, নেস্নেল হায়ৱে লেন মরি ওনবা অসি 18,000 km দগী 30,000 kmদা হেনগৎহনখি, মেত্রো রেল নেৎৱার্ক অসি 250 km দগী তানা লৈরম্বা অদু 650 km দগী হেনগৎহনখি। 2014 ফাওবদা দিকেদ তরেৎ অসিদা ভারত্তা তোতি ঈশিংগী কন্নেক্সন করোর 3.5 পীরমখিবা অদুগা চাংদম্নবদা জল জীবন মিসনগী মখাদা 2019দগী চহি মঙাগী মনুংদা খুঙ্গংগী লমশিংদা য়ুম করোর তরাদা তোতি ঈশিংগী কন্নেক্সন ফংহনখি হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি মদুদি লৈবাক অসিনা 2014গী মমাং চহি 10দা চৎনরম্বা পোলিসীশিং অসিনা লৈবাক অসিবু লায়রবগী লম্বেলদা পুরমখি। অমসুং মসিগী মতাংদা পার্লিয়ামেন্তগী সেসনদা বজেৎ পুথোকপদা মসিগী মতাংদা হ্বাইৎ পেপর পুথোকখি হায়খি। মহাক্না স্কেমশিং অমসুং পোলিসী পেরালাইসিস তৌবনা ইনভেস্তরশিংগী থাজবা মাংহন্দুনা চাউনা রিস্ক লৈহনবনা মরম ওইরগা মালেমগী ইনভেস্তরশিংনা চাউনা নুংঙাইতবা পোকখি হায়না ফোঙদোকখি। মহাক্না হায়খি মদুদি হৌজিক ভারতকী ইকনোমী অসি শক্তি লৈরবা মফম অমদা লৈরি সরকার অসিনা হ্বাইৎ পেপরদা লৈবাক্কী মমাংদা অচুম্বা পুম্নমক পুথোকখ্রে।
“ভারতনা চাউখৎপগী অনৌবা পনখৈশিং তম্না পাইখৎলি” হায়না ফোঙদোক্লদুনা মীপুম খুদিংমক্তা থাজবা পীরদুনা হায় লৈবাক অসিনা মালেমগী অহুমশুবা খ্বাইদগী চাউবা ইকনোমী ওইনবা লম্বেলদা চংশিল্লি। মহাক্না হৌজিক পাল্লিবা সরকারগী অহুমশুবা তর্মদা অচৌবা ৱারেপশিং লৌবা উবা ফংগনি অমসুং লায়রবা কোকহন্নবা অনৌবা স্কিমশিং পুথোক্নবা থবক পাইখৎপগী শেম শারি লোয়ননা ভারতকী চাউখৎ থৌরাংদা অনৌবা শাহৌ অমা পীরগনি হায়না থাজবা ফোঙদোকখি। মহাক্না হায়খি মদুদি মীওই লাখ 15 হেনবগী সজেসনশিং অসিসু তাখি। ৱারোল পীবা লোইশিল্লদুনা প্রধান মন্ত্রীনা হায়, “অনৌবা ভারতনা সুপর স্পীদকা লোয়ননা থবক তৌগনি। মসি মোদীগী গরেন্তীনি”।
This is India’s Time. pic.twitter.com/m8ROtZf0q2
— PMO India (@PMOIndia) February 9, 2024
Today, every development expert group in the world is discussing how India has transformed in last 10 years. pic.twitter.com/K5qnfp3fRe
— PMO India (@PMOIndia) February 9, 2024
The world trusts India today. pic.twitter.com/IrvoJfP0v4
— PMO India (@PMOIndia) February 9, 2024
किसी भी देश की Development Journey में एक समय ऐसा आता है, जब सारी परिस्थितियां उसके favour में होती हैं।
— PMO India (@PMOIndia) February 9, 2024
ये वो समय होता है जब वो देश अपने आपको, आने वाली कई-कई सदियों के लिए मजबूत बना लेता है।
मैं भारत के लिए आज वही समय देख रहा हूं: PM @narendramodi pic.twitter.com/AK3UqxuMBk
Stability, consistency and continuity... pic.twitter.com/L1R0J4lCRA
— PMO India (@PMOIndia) February 9, 2024
We ensured that the government itself reaches every eligible beneficiary. pic.twitter.com/Uli9scOj5t
— PMO India (@PMOIndia) February 9, 2024
Four main factors in each of our budgets... pic.twitter.com/5lkV2x2XCS
— PMO India (@PMOIndia) February 9, 2024
Completing projects in a time-bound manner has become the identity of our government. pic.twitter.com/fM179inN9I
— PMO India (@PMOIndia) February 9, 2024
On one hand we are addressing the challenges of the 20th century and on the other hand, we are also fulfilling the aspirations of the 21st century. pic.twitter.com/8d22YiVHyr
— PMO India (@PMOIndia) February 9, 2024
2014 के पहले के 10 साल में देश जिन नीतियों पर चला, वो वाकई देश को कंगाली की राह पर ले जा रही थीं।
— PMO India (@PMOIndia) February 9, 2024
इस बारे में संसद के इसी सेशन में एक White Paper भी रखा गया है: PM pic.twitter.com/lFBSKhbmSk
