“ইনফ্রাস্ত্রকচর শেমগৎপনা লৈবাক্কী শেন্মীৎলোনবু শাহৌ পীরিবা শক্তি ওইরি”
“মসি স্তেকহোল্দর খুদিংমক্কী অনৌবা থৌদাংশিং লৌনবা, অনৌবা ওইথোকপা য়াবশিং পুরক্নবা অমসং অচৌবা ৱারেপশিং লৌনবগী তানফম ওইরে”“ভারত্তা চহিচা কয়াদগী হায়ৱেশিংগী মরু ওইবা অসি খঙদুনা লাকখি”“ঐখোয়না ‘লায়রবা অসিবু অফবনি’ হায়বা ৱাখল্লোন মুৎথৎপদা মাইপাকখি”“হৌজিক ঐখোয়না খ্বাইদগী ৱাংবা থাক্তা ঐখোয়গী খোঙজেল অমসুং খোঙথাং অসি হেনগৎহনবা তাই”“পি.এম. গতি শক্তি নেস্নেল মাস্তর প্লান্না ভারতকী ইনফ্রাস্ত্রকচর অমসুং মাগী মলতিমোদেল লোজিস্তিক্সকী মশক্তা অহোংবা পুরক্লগনি”“পি.এম. গতি শক্তি মাস্তর প্লান অসি চাউখৎ খোঙচৎকা লোয়ননা ইনকনোমিক অমসুং ইনফ্রাস্ত্রকচরেল প্লান্নিংবু ইন্তিগ্রেৎ তৌরিবা মরু ওইবা খুৎলাই অমনি”“ক্বালিতী অমসুং মলতিমোদেল ইনফ্রাস্ত্রকচরগা লোয়ননা ঐখোয়গী লোজিস্তিক কোস্ত অসি লাক্কদৌরিবা মতমশিংদা হেন্না হন্থরগনি”“ফিজিকেল ইনফ্রাস্ত্রকচরগী শক্তিগা লোয়ননা লৈবাক্কী সোসিএল ইনফ্রাস্ত্রকচর শক্তি লৈহনবা চপ মান্ননা মথৌ তাই”“নখোয়না জাতিগী চাউখৎ-থৌরাংদা নখোয়না শরুক তম্বা খক্তা নত্তনা ভারতকী গ্রোথ ইঞ্জিন্দা শাহৌসু পীরি”প্রধান মন্ত্রী, শ্রী নরেন্দ্র মোদীনা “ইনফ্রাস্ত্রকচর এন্দ ইনভেস্তমেন্ত: ইমপ্রুবিং লোজিস্তিক ইফিসিএন্সী ৱিথ পি.এম. গতিশক্তি নেস্নেল মাস্তর প্লান’ হায়বা হীরমদা পাঙথোকপা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী নিপাল শুবনি।
থৌরম অসিদা ৱা ঙাংলদুনা প্রধান মন্ত্রীনা সি.ই.ও. অমসুং এম.দি. ৭০০ হেনবগা লোয়ননা স্তেকহোল্দর চা কয়ানা মসিগী মরু ওইবা অসি খঙলদুনা ঙসিগী ৱেবিনারদা শরুক য়াবদা নুংঙাইবা ফোঙদোকখি। প্রধান মন্ত্রীনা সেক্তর এক্সপর্ত পুম্নমক অমসুং স্তেকহোল্দর কয়ানা ৱেবিনার অসি মাইপাকপা অমসুং কান্নবা ওইহনগনি হায়বগী থাজবা থমখি।
প্রধান মন্ত্রীনা হায়খি মদুদি চহি অসিগী বজেৎনা ইনফ্রাস্ত্রকচরদা অনৌবা শাহৌ পীরগনি। এক্সপর্তশিং অমসুং অচৌবা মেদিয়া হাউসশিংনা বজেৎ অমসুং মাগী মরু ওইবা ৱারেপশিংবু থাগৎনরকখিবা অদুগী মতাংদা প্রধান মন্ত্রীনা ফোঙদোকখি। মহাক্না হায়খি ভারতকী কেপেক্স অসি ২০১৩-১৪গা চাংদম্নবদা শরক ৫ হেনগৎলকখি অমসং সরকারনা নেস্নেল ইনফ্রাস্ত্রকচর পাইপলাইনগী মখাদা লুপা করোর লাখ ১১০ ইনভেস্ত তৌনবগী পান্দমগা লোয়ননা চংশিল্লি। প্রধান মন্ত্রীনা হায়, “মসি স্তেকহোল্দর খুদিংমক্কী অনৌবা থৌদাংশিং লৌনবা, অনৌবা ওইথোকপা য়াবশিং পুরক্নবা অমসং অচৌবা ৱারেপশিং লৌনবগী তানফম ওইরে”।
প্রধান মন্ত্রীনা হায়, “তুংলমচৎকী মথৌ তাবশিং অদু খঙনা চাউখৎ-থৌরাংগা লোয়ননা লৈবাক অমা হেক্তগী সস্তেনেবল দিবেলপমেন্তদা ইনফ্রাস্ত্রকচরনা মরু ওইবা থৌদাং অমা লৌখি”। মহাক্না হায়খি মদুদি ইনফ্রাস্ত্রকচরগা মরী লৈনবা পুৱারীগী লৌশিং লৈবশিংনা ৱাফম অসি নীংথিনা খঙগনি। মহাক্না চন্দ্রগুপ্তা মৌর্য়ানা উত্তরাপথ শাখিবা মদুবু অশোকানা মখা চত্থখি অমসুং শের শাহ সুরিনা মতুংদা অপগ্রেদ তৌখিবা অদু খুদম ওইনা পীখি। মহাক্না হায় ব্রিতিশরশিংনা মসিবু জি.তি. রোদ হায়না ওন্থোক্লমখি। প্রধান মন্ত্রীনা হায়, “ভারত্তা চহিচা কয়াদগী হায়ৱেশিংগী মরু ওইবা অসি খঙদুনা লাকখি”। রিভরফ্রন্তশিং অমসুং ৱাতরৱেজকী মতাংদা পল্লদুনা প্রধান মন্ত্রীনা ৱাতরৱেজকী খুত্থাংদা কোলকাতাগা হকথেংননা ফাওনরিবা বনারাসকী ঘাতশিং অসি প্রধান মন্ত্রীনা খুদম ওইনা পীখি। প্রধান মন্ত্রীনা হৌজিকসু মথৌ তৌরিবা তামিল নাদুগী চহি লিশিং ২ শুরবা কাল্লানাই দাম অসি খুদম ওইনা পীখি।
মমাংগী সরকারশিংগী মতমদা ইনফ্রাস্ত্রকচর শেমগৎপদা তৌখিবা ইনভেস্তমেন্তশিংগী লম্বীদা লাকখিবা অপনবশিংগী মতাংদা পল্লদুনা প্রধান মন্ত্রীনা লাইরবা হায়বা অসি অফবনি হায়বগী লৈরিবা ৱাখল্লোনগী মতাংদা ফোঙদোকখি। মহাক্না হায়খি হৌজিক পাল্লিবা সরকারনা মসিগী ৱাখল্লোন অসি মাংহনবদা মাইপাকপা খক নত্তনা মোদর্ন ইনফ্রাস্ত্রকচরদা রেকোর্দ ওইনা ইনভেস্তমেন্ত তৌরি।
ফীভম অসি ফগৎলকপগী মতাংদা প্রধান মন্ত্রীনা শন্দোক্না হায়রদুনা নেস্নেল হায়ৱেশিং শাবগী চাংচৎ অসি ২০১৪গী মমাংদা লৈরম্বা অদুগা চাংদম্নবদা শরুক অনিগী ময়াদা হেনগৎলকখি হঅয়না ফোঙদোকখি। মতৌ অসুম্না ২০১৪গী মমাংদা চহি অমদা রেলৱে ত্রেক্কী রুৎ কিমি ৬০০ খক্তা ইলেক্ত্রিফাইদ তৌরম্বা অদু হৌজিক্তি চহি অমদা কিমি ৪০০০ য়ৌরে। মহাক্না মখা তারদুনা হায় এয়রপোর্তশিং অমসং সীপোর্তকী কেপাসিতী অসি শরুক অনি হেনগৎলকখি।
লম্বেল অসি তুং ইল্লদনা ২০৪৭ ফাওবদা ভারতনা চাউখৎপা লৈবাক অমগী পান্দম ফংবা ঙম্লগনি হায়না ফোঙদোক্লদুনা প্রধান মন্ত্রীনা হায়, “ইনফ্রাস্ত্রকচর দিবেলপমেন্তনা লৈবাক্কী শেন্মীৎলোন শাহৌ পীনবা শক্তি ওইরি”। মহাক্না হায়, “হৌজিক ঐখোয়না খ্বাইদগী ৱাংবা থাক্তা ঐখোয়গী খোঙজেল অমসং খোঙথাংশিং হেনগৎহনগদবনি”। পি.এম. গতি শক্তি মাস্তর প্লান অসিনা চাউখৎ-খোঙচৎকা লোয়ননা ইকনোমিক অমসুং ইনফ্রাস্ত্রকচরেল প্লান্নিং ইন্তিগ্রেৎ তৌনবা মরু ওইবা খুৎলাই অমা ওইরি হায়না ফোঙদোক্লদুনা প্রধান মন্ত্রীনা হায়, “গতি শক্তি নেস্নেল মাস্তর প্লান্না ভারতকী ইনফ্রাস্ত্রকচর অমসুং মাগী মলতিমোদেল লোজিস্তিক্সকী মশক্তা অহোংবা পুরক্লগনি”।
প্রধান মন্ত্রীনা পি.এম. গতি শক্তি মাস্তর প্লানগী ফলশিং ময়েক শেংনা উবা ফংলি হায়খি। “ঐখোয়না লোজিস্তিক্সকী মথৌ তৌবদা অপনবা পীরিবা অহোবশিং মশক খঙদোকখি। মরম অসিনা চহি অসিগী বজেৎতা মরু ওইবা প্রোজেক্ত ১০০ মশক খঙদোকখি অমসুং লুপা করোর ৭৫,০০০ এল্লোকেৎ তৌখি। ক্বালিতী অমসুং মলতিমোদেল ইনফ্রাস্ত্রকচরগা লোয়ননা ঐখোয়গী লোজিস্তিক কোস্ত অসি লাক্কদৌরিবা মতমশিংদা হেন্না হন্থহল্লগনি। মসিনা ঐখোয়গী প্রদক্তশিংগী কম্পিতেন্সতা ভারত্তা শাজবা পোৎশিংদা পোজিতিব ওইবা মওংদা কান্নবা পীরগনি। লোজিস্তিক্স সেক্তরগা লোয়ননা ইজ ওফ লিবিং অমসুং ইজ ওফ দুইং বিজিনেস্তা চাউনা হেনগৎহল্লগনি” হায়না ফোঙদোক্লদুনা সেক্তর অসিগী প্রাইবেৎ সেক্তরদা শরুক য়ানবা বর্তন তৌজরি।
রাজ্যশিংগী থৌদাংগী মতাংদা পল্লদুনা প্রধান মন্ত্রীনা হায়খি চহি ৫০ ফাওবা শেন্দোই য়াওদবা লোনশিংদা চহি অমা শাংদোকখি অমসুং মসিগীদমক বজেতরী এক্সপেন্দিচর অসি চাদা ৩০দা হেনগৎলকখি।
প্রধান মন্ত্রীনা শরুক য়ারিবশিংদা ইনফ্রাস্ত্রকচর শেমগৎনবগীদমক তোঙান-তোঙানবা মচাকশিং মথৌ তাবনা মখোয়গী সেক্তরশিংগী মথৌ তাবশিং অসি মাংজৌননা খঙদোক্নবা মেকানিজম অমা দিবেলপ তৌনবা লম্বীশিং খঙদোক্নবা হায়খি। সেক্তর অসিদা সর্ক্যুলর ইকনোমীগী ৱাখল্লোন ইন্তিগ্রেৎ তৌবগী মথৌ তাবা অসিগী মতাংদা পল্লদুনা মহাক্না হায়, “ঐখোয়না তুংলমচৎকী রোদমেপ ময়েক শেংহন্নবা ইন্তিগ্রেতেদ এপ্রোচ অমা মথৌ তাই। পি.এম. গতি-শক্তি নেস্নেল মাস্তর প্লান্না মসিদা অচৌবা থৌদাং লৌরি”।
প্রধান মন্ত্রীনা কুচ্ছতা য়ুহার হাখ্রবা মতুংদা থেংনখিবা মহাক্কী এক্সপরিয়েন্স অদু নীংশিংখি অমসুং মীকনবগী থবক্কী মতুংদা কুচ্ছ শেমগৎনবগী করম্না অনৌবা এপ্রোচা অমা পাইখৎখিবগে ফোঙদোকখি। মহাক্না হায়খি লমদম অসিগী ইনফ্রাস্ত্রকচরনা লমজিংবা চাউখৎ-থৌরাং অসিনা শেন্মীৎলোনগী থবক থৌরমশিংগী অচৌবা হব অমদা ওন্থোকখি।
প্রধান মন্ত্রীনা ভারতকী মপাঙ্গল কনবা ফিজিকেল ইনফ্রাস্ত্রকচর অসি লৈবাক্কী সোসিএল ইনফ্রাস্ত্রকচর মপাঙ্গল কনখৎহন্নবা চপ মান্ননা মরু ওই হায়না ফোঙদোকখি। মহাক্না মপাঙ্গল কনবা সোসিএল ইনফ্রাস্ত্রকচরনা জাতি অসিগী শেবা তৌগদৌরিবা হেন্না তেলেন্ত লৈবা অমসং স্কিল লৈবা নহারোলশিং পুথোকপা ঙমহনগনি। প্রধান মন্ত্রীনা পান্দম অসি থুংহন্নবা হোৎনবদা স্কিল দিবেলপমেন্ত, প্রোজেক্ত মেনেজমেন্ত, ফাইনান্সিএল স্কিলশিং অমসুং ওন্তপ্রিনোরশিপ থুংহন্নবা তঙাই ফদে হায়না ফোঙদোকখি। মহাক্না লৈবাক্কী হ্যুমেন রিসোর্স পুলদা কান্নবা পীবগা লোয়ননা তোঙান-তোঙানবা সেক্তরশিংদগী অপীকপা অমসুং অচৌবা ইন্দস্ত্রীশিংগী মতেংগা লোয়ননা স্কিল ফোর্কাস্তিং তৌনবগী মেকানিজম অমা দিবেলপ তৌবগী মথৌ তাবা অদুসু কোকহনখি। মহাক্না সরকারগী তোঙান-তোঙানবা মন্ত্রালয়শিংদা মাইকৈ অসিদা খোঙজেল য়াংনা থবক তৌনবা হায়খি।
ৱেবিনার অসিদা স্তেকহোল্দর খুদিংমক্কী সজেসনশিং মরু ওই হায়রদুনা প্রধান মন্ত্রীনা মখোয়না লৈবাক্কী চাউখৎ-থৌরাংদা শরুক তম্বা খক্তা নত্তনা ভারতকী গ্রোথ ইঞ্জিন্দা শাহৌ পীরি। মহাক্না ইনফ্রাস্ত্রকচর শেমগৎপা অসি রেল, লম্বী, হীথাংফম অমসুং এয়রপোর্তশিং খক্তা নত্তে হায়দুনা চহি অসিগী বজেৎকী শরুক ওইনা খুঙ্গংশিংদা লৌমীশিংগী পোত্থোক থম্নবগীদমক অচৌবা প্রোজেক্তশিং পাইখৎলি হায়না প্রধান মন্ত্রীনা ফোঙদোকখ্রে। মহাক্না সহর অমদি খুঙ্গংশিংদা ৱেলনেস সেন্তরশিং, অনৌবা রেলৱে স্তেসনশিং শেমগৎলিবা অমসুং ইমুং খুদিংমক্তা পক্কাগী য়ুমশিং ফংহল্লিবা অসি খুদমশিং ওইনা পীখি।
ৱারোল পীবা লোইশিনবদা প্রধান মন্ত্রীনা স্তেকহোল্দর পুম্নমক্কী ৱাখল্লোন, সজেসনশিং অমসুং এক্সপরিয়েন্সশিংনা চহি অসিগী বজেৎ খোঙজেল য়াংনা অমসুং কান্নবা মওংদা ইমপ্লিমেন্ত তৌবদা মতেং ওইরগনি হায়না থাজবা ফোঙদোকখি।
Infrastructure development is an important pillar in the progress of any country. pic.twitter.com/ToGVYob1n2
— PMO India (@PMOIndia) March 4, 2023
हमारी सरकार आधुनिक इंफ्रास्ट्रक्चर पर रिकॉर्ड Invest कर रही है। pic.twitter.com/iiUGlc3bkE
— PMO India (@PMOIndia) March 4, 2023
Infrastructure development is the driving force of the country's economy. pic.twitter.com/s9OBaMnAiA
— PMO India (@PMOIndia) March 4, 2023
गतिशक्ति नेशनल मास्टर प्लान, भारत के Infrastructure का, भारत के Multimodal Logistics का कायाकल्प करने जा रहा है। pic.twitter.com/Dzy4FGndGo
— PMO India (@PMOIndia) March 4, 2023
Physical infrastructure की मजबूती के साथ ही देश के social infrastructure का भी मजबूत होना उतना ही आवश्यक है। pic.twitter.com/Z0pGoOSKdo
— PMO India (@PMOIndia) March 4, 2023
